ParzivalTranskription des Textzeugen gWolfram von EschenbachParzival-Projekt BernParzival-Projekt BernBern17.12.24MünchenBayerische StaatsbibliothekCgm 19g
Hs. GMünchen, Bayerische Staatsbibliothek, Cgm 19 [Digitalfaksimile]
Pergament
– 75 Blätter
– Format: 29,5–30 x 21 cm (Schriftraum 26 x 18–19 cm), drei Spalten zu 52–79 Zeilen (frühgotische Minuskel), Verse abgesetzt
– Mitte des 13. Jhs.
– bairisch-ostalemannisch
– Sammelhandschrift, Inhalt: Wolframs ›Parzival‹ und ›Titurel‹, verschiedene kurze Prosaerzählungen, Wolframs Tagelieder
– Abschnittsgliederung durch vorwiegend rosa-rot-blau-tintenfarbige Initialen
– vier Bildseiten mit je drei übereinander liegenden, gerahmten Bildstreifen in Deckfarbenmalerei auf einem eingebundenen Doppelblatt (Bl. 49/50)
– Fassungszugehörigkeit: *G [*GI]
– vgl. zur Hs. auch die Angaben im Handschriftencensus.LeserLeserRubrikatorSchreiberSchreiber
Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.
"regp" verweist auf die Personennamen.
"rego" verweist auf die Ortsnamen.
"regs" verweist auf die sonstigen Bezeichnungen.
Finis-ZeichenAlinea-Zeichende-LigaturLateinische Abkürung für -rumLateinische Abkürzung für -isLateinische Abkürzung für -et/-itLateinische Abkürzung für -etVgl. Cappelli, Lexicon abbreviaturarum, S. 408, Sp. a, letzte Zeile.ZeilenfüllselBuch IAbschnitt 1.01-10.30: Gegengelesen und erweitert von RSo am Bildschirm im Juli 2004; Autopsie durch RSo im August 2004Abschnitt 11.01-58.26: Transkribiert von OBA ab Farbfotos (Studio).03.12.08.Gegengelesen von YCh ab Farbfotos (Studio) am 10.07.2009.Buch IIAbschnitt 58.27-103.14: Transkribiert von OBA ab Farbfotos (Studio), Mai 2009.Abschnitt 103.15-116.04: Transkribiert von RSo, August 2004.Gegengelesen von YCh ab Farbfotos (Studio) am 22.07.2009.Buch III154.1-161.30 transkribiert von SFa ab Farbfotos (Studio) am 15.04.2015.154.1-161.30 gegengelesen von brusa ab Farbfotos (Studio) 20.04.2015.116.05-153.30 und 162.01-179.12 transkribiert von SFa ab Farbfotos (Studio), Mai 2015.116.05-153.30 und 162.01-179.12 gegengelesen von CK ab Farbfotos (Studio) im August 2015Autopsie am Original durch SFa am 12.11.2015.Buch IVAbschnitt 179.13-223.30: Transkribiert von OBA ab Farbfotos (Studio), März 2011179.13-223-30 gegengelesen von SiLa ab Farbfotos (Studio) im Juli 2016.Buch VTranskribiert von SFa ab Farbfotos (Studio), Juli 2013Gegenlesen von JKl ab Farbfotos (Studio), Sept 2013Autopsie am Original durch SFa am 12.11.2015.Buch VITranskribiert von SFa ab Farbfotos (Studio), März 2014Gegenlesen von JKl ab Farbfotos (Studio), März 2014Kleinere Fehlerkorrekturen vorgenommen. CG 25.06.2015 und CK November 2015.Autopsie am Original durch SFa am 12.11.2015.Korrekturliste der Kollationeure ausgeführt von CG am 11.03.2016.Buch VIITranskribiert von SFa ab Farbfotos (Studio) im August 2015.Gegengelesen von CK im August 2015 ab Farbfotos (Studio).Autopsie am Original durch SFa am 12.11.2015.Buch VIIIAbschnitt 398.01-432.29: Transkribiert von OBA ab Farbfotos (Studio), Mai 2011.Gegengelesen von SiLa ab Farbfotos (Studio) im September 2016.Buch IXAbschnitt 433.01-443.05 wird nach den Richtlinien vom August 2002 ab dem Farbfaksimile transkribiert von sbu. Korrigiert bis 436.30 von mst. Bespr. 6.1. 2003.Am Farbfaksimile gegengelesen von RSo im Juni 2004. Autopsie im August 2004 durch RSo.Die Majuskeln werden von Fall zu Fall entschieden; aufgrund des Schreiberwechsels etc. läßt sich für die ganze Hs. G kein vernünftiges, einheitliches System erstellen; auch das Faksimile verfährt sehr launisch und unregelmäßig; RSoKorrigiert und Abschnitte 443.06-452.30, 456.01-468.30, 470.01-500.30 sowie 502.01-502.30 transkribiert im März 2012 von SFa ab Farbfotos (Studio).Gegengelesen im Juni 2012 von JKl ab Farbfotos (Studio).Autopsie im September 2012 durch SFa.Buch XTranskribiert von SFa ab Farbfotos (Studio) im August 2012.Gegengelesen von JKl ab Farbfotos (Studio) im September 2012.Autopsie am Original durch SFa im September 2012.Buch XITranskribiert von SFa ab Farbfotos (Studio) im Dezember 2012.Gegengelesen von JKl ab Farbfotos (Studio) im Februar 2013.Autopsie am Original durch SFa am 12.11.2015.Buch XIITranskribiert von SFa ab Farbfotos (Studio) im Dezember 2014. Verse 608.17-610.16 am Original transkribiert im September 2012.Gegengelesen von brusa im April 2015 ab Farbfotos (Studio).Buch XIIITranskribiert von SFa ab Farbfotos (Studio), Oktober 2015.Autopsie am Original durch SFa am 12.11.2015.Gegengelesen von CK ab Farbfotos (Studio) im Dezember 2015.Buch XIVTranskribiert von SFa ab Farbfotos (Studio) im Oktober 2015.Gegengelesen von CK ab Farbfotos (Studio) im Januar 2016.Autopsie am Original durch SFa am 12.11.2015.Buch XVTranskribiert am Bildschirm von RSo Mai/Juni 2004.; Autopsie im August 2004 durch RSoRegister-Tags eingefügt von OBA, 06.05.2009Buch XVITranskribent: RSo Mai/Juni 2004 am Bildschirm.Erneute Autopsie: August 2004 durch RSo.Register-Tags eingefügt von OBA, 20.04.2008.Hs. G in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 21.04.2016.Korrekturen durchgeführt von CG am 14.11.2016.Korrekturen ergänzt von SiLa am 16.11.2016.Korrekturen ergänzt von SiLa am 14.12.2016.Autopsie am Original am 28./29.3.2017. von SiLa.Korrekturen aus Autopsie eingearbeitet am 28.4.2017-2.5.2017 von SiLa."sr?" für Korrekturen, die den Schreiberhänden aus dem gleichen Skriptorium zuzuordnen sind, aber nicht eindeutig einem spezifischen Schreiber zugeschrieben werden können.Endredaktion 1 abgeschlossen am 3.5.2017 von SiLa.Korrekturen aus Autopsie eingearbeitet am 3.7.2017 von SiLa.Endredaktion II abgeschlossen am 24.11.2017 durch SiLa.Alle -a (für Varianten) entfernt am 4.12.2018 von MiGeMiGe, April 2019: -a, die für Verse, welche mit einer gezielten Kürzung zusammenhängen könnten, eingefügt.TL, 17.07.2019: Alle ct-tags entfernt.Nur an einer Stelle, 169.11, Korrektur durch den Rubrikator, ru. Dieser ist dem Schriftvergleich zufolge wahrscheinlich nicht mit dem Schreiber gleichzusetzen.D Parcival des Wolfram von Esschenbach.Iiſt zwifel herzen nach gebvr.daz moͮz der ſele werden ſvr.ia iſt geſmahet vn̄de gezieret.ſwa ſich parrîeret.vnverzaget manneſ moͮt.alſ agelſternen varwe toͮt.der mach danoch weſen geil.wan an dem ſint beidiv teil.deſ himeleſ vn̄de der helle.der vnſtæte geſelle.der hat die ſwarzen varwe gar.vnde wirt och nach der vinſter var.ſo habet ſich an die blanchen.der mit ſtæten gedanchen.diz vliegende biſpel.iſt tumben lvten gar zeſnel.ſine mvgenſ in niht erdenchen.wan ez chan vor in wenchen.rehte alſam ein ſchellech haſe.zin anderhalp ame glaſe.gelichet vn̄de deſ blinden troͮm.die gebent antlutzeſ roͮm.vnde machent churze froͮde al war.wer roͮfet mich da niene hein har.gewoͮhſ innen an miner hant.der hat vil næhen grif erchant.ſprich ich gein den vorhten och.daz gelichet minen witzen doch.wil ich triwe vinden.al da ſi chan verſwinden.ſam daz vîvr in dem brvnnen.vnt daz toͮ von der ſunnen.oͮch erchande ih nie ſo wiſen man.eren mohte gerne chunde han.welher ſtivre diſiv mare gernt.vnde waz ſi goͮter lere wernt.dar an ſi nime deſ verzagent.beidiv ſi vliehent vn̄de iagent.ſi entſi entwichent vn̄de chernt.: Der Versbeginnt ist gedoppelt durch den Spaltenumbruch; der Schreiber hat den Fehler aber offensichtlich nicht bemerkt (keine Anzeichen für eine Korrektur).ſi laſterent vn̄de erent.ſwer mit den tſchanzen allen chan.an dem hat witze wol getan.der ſich niht verſitzet noch verget.vnde ſich doch anderſ wol verſtet.valſch geſellchlicher moͮt.iſt zem helle fivre goͮt.vnde iſt hoher werdcheit ein hagel.ſin triwe hat ſo churzen zagel.daz ſi den driten biz niht galt.foͮre ſi mit bremen in den walt.diſe manger ſlahte vnder bint.iedoch niht gar von manne ſint.fvr div wip ſtoze ich diſiv zil.ſwelhiv min raten erchen wil.div ſol wizzen war ſi chere.ir briſ vn̄de ir ere.vnde wem ſi da nach ſi bereit.ſi: Das "i" ist noch zu erkennen. Die im Faks. gegebenen Erklärungen sind unsinnig.minne vn̄de ir werdecheit.ſo daz ſi iht gerîwe.ir chvſche vn̄de ir triwe.vor gote ich goͮten wiben bite.daz in rehtiv mazze volge mite.ſcham iſt ein ſloz obe allen ſiten.ich endarf in niht me heileſ biten.Ddiv falſche wirbet valſchen briſ.wie ſtæte iſt ein dvnz iſ.daz oͮweſt heize ſvnnen hat.ir lop vil balde alſvſ zergat.mangeſ wibeſ lop an ſchone iſt breit.iſt da daz herze contrefeit.die lobe ih alſ ich ſolde.daz ſapher in dem golde.och han ich niht vur ringiv dinch.ſwer in den chranchen meſſinch.ver wurchet edelen rubin.vnde alle die natvre ſin.dem geliche ich rehten wibeſ moͮt.div ir wipheit rehte toͮt.dane ſol ich varwe broͮven niht.noch ir herzen dach daz man da ſihet.iſt ſi inerhalp der bewart.ſo iſt werder briſ da niht ſchartverſchart.ſolt ih nv wip vn̄de man.zerehte broͮven alſ ich chan.da foͮre ein langez mare mite.nv horet dirre auentvre ſite.div lat ivch wizen beide.von liebe vn̄de och von leide.froͮde vn̄de angeſt vert ta bi.nv lat min eineſ weſen dri.der ieſlicher ſunder phlege.daz miner chunſte widerwege.dar zoͮ gehorte wilder uûnt.op ſi iv gerne tæten chunt.daz ich iv eine chunden wil.ſi heten arbeite il.Eein mære wil ih iv niwen.daz ſeit von ganzen triwen.wiplichez wibeſ reht.vn̄de manneſ manheit alſ ſleht.div ſich gein herte nie geboͮch.ſin herze in dar an niht be.er ſtahel ſwa er zeſtrite cham.ſin hant da ſigelichen nam.vil mangen lobelichen briſ.er choͮne trachlichen wiſ.den helt ich alſuſ groͮze.er wibeſ oͮgen ſoͮzze.vnt da bi beswibes herzen ſuht.vor miſſewende ein wariv fluht.den ich hiezoͮ han erchoren.der iſt mærſ halp noch vngeboren.dem man dirre auenture iehtgiht.vnde wunderſ vil deſ dran geſchiht.ſi phlgent noch alſ man do phlach.ſwa lit vn̄dewalheſch gerihte lach.deſ phliget noch tuſcher erde ein ort.daz habet ir ane mich gehort.der ie da phlach der lande.der gebot wol ane ſchande.diz iſt ein warheit ſunder wan.daz der elter broͮder ſolte han.ſineſ vater ganzen erbeteil.daz waſ der iungeren vheil.daz in der tot die phe brach.der in ir vater leben veriach.da vor waſ ez gemeine.ſuſ hat ez der alter eine.ez ſchoͮf iedoch ein wiſe man.daz alter goͮt ſolte han.ivgent hat vil werdeheitdaz alter ſuften vn̄de leit.ez enwart nie niht alſ vnfroͮt.ſo alter vn̄de armoͮt.chunge grauen herzogen.daz ſage ih iv vur vngelogen.daz die da hoͮbe enterbet ſint.vnze an daz elteſte chint.Ddaz iſt ein froͮmdiv zecheder chuſche vn̄de der frechegahmvret der wigant.verloſ ſuſ burge vn̄de lant.da ſin vater ſchone.troͮch zepter vn̄de chronemit grozer chunchlicher chravnzer lach tot an riterſchaft.do chlagte man in ſere.die grozen triwe vn̄de ere.behielt er vnze an ſinen tot.ſin alter ſun vur ſich gebot.Dden furſten vz dem riche.die chomen al geliche.wan ſi zerehte ſolten han.von im groz lehen ſvnder wan.do ſi zehofe waren chomen.vnde ir reht wart vernomen.dazſe alle ir lehen enphiengen.nv horet wie ſiz ane viengen.ſi gerten alſ ir triwe riet.rich vn̄de arme gar div diet.einer chargen ernſtlichen bete.daz der chunch an gahmuret.broͮderliche triwe merte.vnde ſich ſelben erte.daz er in iht gar verſtieze.vnde im ſineſ landeſ lieze.hantgemahele daz man moht ſehen.da von der herre moͮſe iehen.ſineſ namen vn̄de ſiner friheit.daz waſ dem chunge niht zeleit.er ſprach ir chunnet maze geren.ich wil ivch deſ vn̄de vurbaz wern.wan nnet ir den broͮder min.Gahmvretantſchevin.antſchoͮwe iſt min lant.da weſen bede von genant.ſuſ ſprach der chunch here.ſich ſol m broͮder mere.der ſtæten helfe an mih verſehen.dane ih ſo gaheſ welle iehen.r ſol min ingeſinde ſin.ſ war ich toͮn iv allen ſchin.daz vnſ bede ein moͮter troͮc.er hat wench vn̄de ih genoͮch.daz ſol im teilen ſo min hant.daz eſ min ſalde iht ſi phant.vor dem der git vn̄de nimet.vf reht in beider gezimet.do die furſten riche.vernamen algeliche.daz ir herre triwen phlach.daz waſ in ein vil lieber tac.Iiegelicher im ſunder nechneich.Gahmuret niht langer ſweich.der folge alſ im ſin herze iac.zem chunge er goͮtlichen ſprach.herre vn̄de broͮder min.wolt ich ingeſinde ſin.iwer oder deheineſ man.ſo hete ich min gemach getan.dar nach proͮvet minen briſ.ir ſit getriw vn̄de wiſ.nv ratet alſ ez geziehe nv.da griffet helfechliche zoͮ.niht wan harnaſch ich han.het ich dar inne me getan.daz virrech lop mir brahte.etſwa man min gedahte.Gahmvret ſprach aber ſan.ſehtzehen chnappen ich han.ſehſe der von yſer ſint.dar zoͮ gebet mir vier chint.an goͮter zuht von hoher art.vor den wirt nimer niht geſpart.deſ ie be iagen mach min hant.iagen: n unmittelbar über e wegen Loch im Pergament.ich wil chern in div lant.ich han oͮch e ein teil gevaren.obe mich gelvche wil bewaren.ſo erwirbe ih goͮteſ wibeſ groͮz.obe ich ir dar nach dienen moͮz.vnde obe ih deſ wirdch bin.ſo ratet mir min beſter ſin.Ddaz iheſ mit rehten triwen phlege.got wiſe mih der ſælden wege.wir foͮren geſellchliche.danoch het iwer riche.vnſer vater Gandin.vil mangen chumberlichen pin.wir bede dolten vmbe liep.ir waret riter vn̄de diep.ir chundet dienen vn̄de helen.wan chunde och ich nv minne ſtelen.owe wan hete ich iwer chunſt.vnde anderhalp die waren gunſt.der chunch ſufte vn̄de ſprach.owe daz ih dich iegeſach.ſit dv mit ſchimphlichen ſiten.min ganzez herze haſt verſniten.vnt toͮſt op wir vnſ ſcheiden.min vater hat vnſ beiden.verlazen goͮteſ harte vil.deſ ſtoze ih dir gelichiv zil.ich bin dir herzenlichen holt.lieht geſteine rotez golt.lute wapen orſ gewant.deſ nim ſo vil von miner hant.daz dv nach dinem willen varſt.vnt dine miltecheit bewarſt.din manheit div iſt vz erchoren.warſtv von gliſtram geboren.Ooder her chomen von ranculatrankulat.ich het dich imer an der ſtat.alſ ich dich ſuſ vil gerne han.dv biſt min broͮder ſunder wan.herre ir lobet mich vngenot.ſit ez iwer zuht gebot.dar nach toͮt iwer helfe ſchin.welt ir vn̄de div moͮter min.mir teilen iwer varnde habe.ſo ſtige ich vf vn̄de ninder abe.mim herze iedoch nach hohe ſtrebet.ine weiz war vmbez alſuſ lebet.daz mir ſwillet ſvſ min winſter bruſt.owe war iaget mich min geluſt.ich ſolez verſchoͮchen obe ih mach.nv nahet min vrloͮbeſ tach.der chunc in do werte.me dane er ſelbe gerte.vunf orſ erwelt vn̄de erchant.div beſten vber al ſin lant.choͮne ſtarch niht zelaz.manch tivre golt vaz.mangen guldinen chloz.den chunch lutzel deſ verdrozeren fvlteſ im vier ſoͮmſchringeſteineſ moͮſe vil dar in.do die gefoͮllet lagen.chnappen die der phlagen.waren wol gechleit vn̄de geriten.al da wart iamer niht vermiten.do er fur ſine moͮter giench.vil nahen ſin zoͮ zir geviench.filliroẏſ Gandin.wil dv niht langer bi mir ſin.ſprach daz wipliche wip.owe nv troͮch dich doch min lip.dv biſt och Gandineſ chint.iſt got an ſiner helfe blint.Ooder iſt er drane betoͮbet.daz er mir niht geloͮbet.ſol ih nv niwen chumber haben.mineſ herzen chraft han ih begraben.vnt die ſoͮze miner oͮgen.wil er mih furbaz roͮben.vnde iſt doch ein rihtære.ſo livget mir daz mære.daz man von ſiner helfe ſaget.ſit er an mir iſt ſuſ verzaget.Ddo ſprach der ivnge anſchevin.got troſte ivch froͮwe deſ vater min.den ſulen wir beidiv. gerne chlagen.iv nemach niemen niht geſagen.von mir dehein chlægelich leit.ich var dur mine werdcheit.dvr riterſchaft in fromdiv lant.froͮwe ez iſt mir ſuſ gewant.do ſprach div chunginne.ſit dv nach hoher minne.wendeſt dienſt vn̄de moͮt.lieber ſun la dir min goͮt.vf die vart niht verſmahen.heiz von mir enphahen.dine chamerære.vier ſoͮmſchrin ſware.dar inne ligent phelle breit.ganz die man nie verſneit.vnde manch tivre ſamit.ſoͮzer man la mich die zit.horen wene dv wider chumeſt.an minen froͮden dv mir frumſt.froͮwe deſ neweiz ich niht.in welhem lande man mih ſihet.wan ſwar ich von iv chere.ir habet nach riterſ ere.iwer werdcheit an mir began.och hat mich der chunch lan.alſ im min dienſt danchen ſol.och wil ich iv getruwen wol.daz ir in deſte werder hat.ſwie halt mir min dinch ergat.alſ vnſ div auentvre ſaget.do het der helt vnverzaget.enphangen dvr liebe chraft.vnt dvrch wiplich geſelleſchaft.chleinodeſ tvſent marke wert.ſwa noch ein ivde phandeſ gert.er mohtez der fur enphahen.ez dorfte im niht verſmahen.daz ſande im ein ſin frivndin.an ſinem dienſte lach gewin.Dder wibe minne vn̄de ir groͮz.deſ wart im ſelten chumberſ boͮz.vrloͮp nam der wigant.moͮter broͮder noch deſ lant.ſin oͮge nimer mer erchoſ.dar an doch manger vil verloſ.der ſich hete an im erchant.e daz er ware dane gewant.mit deheiner ſlahte gunſteſ zil.dem wart von im gedancht vil.eſ duhte in me dane genoͮch.dvr ſine zuht er niht gewoͮch.daz ſiz tæten vmbe reht.ſin moͮt waſ ebener dane ſleht.ſwer ſelbe ſaget wie wert er ſi.da iſt lihte ein vngeloͮbe bi.eſ ſolten de vmbeſazen iehen.vnde oͮch die heten geſehen.ſiniv werch da er fromde ware.ſo geloͮbte man daz mare.Gahmuret der ſite phlach.den rehtiv maze wider wach.vnde ander tſchanze deheine.ſin roͮmen daz waſ chleine.groz ere er lidechlichen leit.der loſe wille in gar vermeit.doch wande der gefoͮge.daz iemen chrone troͮge.chunge cheiſer cheiſerin.der meſſenie er wolte ſin.Wwan der benamen die hoheſten hant.troͮge vf erde vber elliv lant.der wille in ſinem herzen lach.im wart geſaget ze baldach.wære ein ſo gewaltch man.daz im der erde vnder tan.div zwei teil wæren oder mer.ſin name heidenſch waſ ſo her.daz man in hiez den barruch.er hete an chrefte ſolhen zoͮch.vil chunge waren ſin man.mit gechrontem libe vndertan.daz parruch ambet hivte ſtet.ſeht wie man chriſten e beget.zerome alſ vnſ der toͮf vergiht.heidenſch orden man dort ſihet.zebaldach nementſe ir babeſt reht.ez dvnchet ſi ane chrumbe ſleht.der barruch in fur ſunde.git wandeleſ vrchunde.zwene broͮder von babilon.ponpeiruſ vn̄deIpomidon.den nam der barruch ninve.daz waſ al ir vorderen e.ſ*ſi tæten wer mit chreften ſchin.dar chom der ivnge anſchevin.ime wart der barruch vil holt.er nam nach dienſtæ al da den ſolt.GGahmuret der werde man.erloͮbet im daz er moͮze han.ander wapen dane im gandin.da vor gap der vater ſin.der herre phlach mit gernden ſiten.vf ſine chofertvre geſniten.ancher lieht hermin.dar nach moͮſe oͮch daz ander ſin.vf dem ſchilt vn̄de an der wat.noch groͮner dane ein ſmarat.waſ geproͮvet ſin gereite gar.nach dem achmardi gevar.daz iſt ein ſidin lachen.dar vz hiez er machen.wapenrock vn̄de kurſit.deiſt bezer dane ſamit.harmin ancher druf genæt.guldiniv ſeil druf gedrætſin ancher heten niht bechort.ganzeſ landeſ noch landeſ ort.dane waren ſi ninder in geſlagen.der herre moͮſe vurbaz tragen.diſen wapenlichen laſt.in fromdiv lant der werde gaſt.nach dem ancher diſiv mal.wan er deheiner ſlahte twal.*teHete ninder noch gebite.wie vil er lande dvr rite.oder in ſcheffen vmbe foͮre.obe ich iv dar nach ſwoͮre.ſo ſaget iv vf minen êit.min riterlichiv ſicherheit.alſ mir div auentvre iehet.ich han nv me gezivgeſ niht.div ſeit ſin manlichiv chraft.behielt den priſ in heidenſchaft.ze maroch vnt zeperſia.ſin hant bezalt och anderſwa.zetomaſch vn̄de zehalap.vnde ſwa man riterſchaft da gap.zearabie vnt ze arabi.daz er waſ gein ſtrite fri.von iegeſlichem einen man.diſen roͮft er da gewan.ſineſ herzen gir nach briſe greif.ir aller tat vor im zeſleif.Vvn̄de waſ vil nach entnihtet.ſvſ war ie der berihtet.der gein im tioſtiernſ phlach.man iach im deſ zebaldach.ſin ellen wære ſunder wanc.danen foͮr er gein zazamanch.in daz chunchriche.die chlageten algeliche.yſenharten der den lip.in dienſte verloſ vmbe ein wip.deſ twanch in belacane.Ddiv ſoͮze valſcheſ ane.daz ſi im niht ir minne bot.deſ lager nach ir minnen tot.den rachen ſine mage.offenliche vn̄de an der lage.die froͮwen twungen ſi mit her.div waſ mit ellenthafter wer.do Gahmuret chom in ir lant.daz ir von ſchotenfridebrant.mit ſchiffeſ her verbrande.e daz er danen wande.nv horet wie vnſer riter var.daz mer warf in mit ſturme dar.ſo daz er chume iedoch genaſ.gein der chunginne palaſ.chom er geſigelt in die habe.da wart er vil geſchoͮwet abe.do ſach er vz an daz velt.da waſ geſlagen manch gezelt.al vmbe die ſtat vnze an daz mer.da lach ein chreftigez her.do hiez er fragen der mære.weſ div bvrch wære.wan ir chvnde nie gewan.weder er noch dehein ſin ſchefman.ſi tæten ſinem boten chunt.ſi hieze patelamvnt.daz wart im minnchlihe enboten.vnde manten in bi ir goten.dz er in hvlfe eſ wære in not.ſi rungen niht wan vmben tot.do der ivnge antſchevin.vernam ir chumberlichen bin.er bot ſin dienſt vmbe goͮt.alſ och noch ein riter toͮt.oder daz ſim ſeiten vmbe waz.er ſolte dvlten der vinde haz.do ſprach vz einem munde.der ſieche vnt der geſunde.daz im wære algemeine.ir golt vn̄de ir geſteine.deſ ſolter alleſ herre weſen.Eer mohte wol bi in geneſen.doch bedorfter lvtzel ſoldeſ.von arabie deſ goldeſ.heter mangen chnollen braht.lvte vinſter ſo div naht.waren alle die von zazamanch.bi den dvhte in div wile lanch.doch hiez er herberge nemen.deſ moht och ſi vil wol gezemen.dazſe im die beſten gaben.die froͮwen danoch lagen.in den venſteren vn̄de ſahen dar.ſi namen och deſ rehte war.ſine chnappen vn̄de ſin harnaſch.wie daz gefeitieret waſ.do troͮch der helt milte.vf einem herminem ſchilte.ichne weiz wie mangen zobeleſ palc.der chunginne marſchalch.het ez vur einen ancher groz.zeſehene in lvtzel deſ verdroz.im mvſen ſiniv ogen iehen.daz er het e geſehen.diſen riter oder ſinen ſchin.daz moͮſe ze alexandrie ſin.da der barruch vor lach.ſinen briſ da niemen wider wach.ſvſ voͮr der moͮteſ riche.in die ſtat behanliche.zehen ſoͮmære hiez er vazen.die zogeten hin die gazen.Dden riten zweinzch knappen nach.ſinenen bovel man dort vor erſach.garzune choche vn̄de ir chnaben.heten ſich hin fur erhaben.ſtolz waſ ſin geſinde.zwelf wol geborner chinde.da hinden nach den chnappen riten.an ganzer zuht mit ſoͮzen ſiten.etelicher waſ ein ſarrazin.dar nach moͮſe er geproͮvet ſin.aht orſ von zendale.verdechet al zemale.daz nivnde ſinen ſatel troͮch.einen ſchilt deſ ich e gewoͮch.foͮrte ein chnape vil gemeit.da hinden nach dem ſelben reit.bvſunære der man och bedarf.ein tambur ſloͮch vn̄de warf.vil hohe ſinen tambur.den herren nam vil vntur.da riten floitierære bi.vnde walſcher videlare dri.den waſ allen niht ze gach.ſelbe reit er hinden nach.vnde ſin marnære.der wiſe vn̄de der mære.ſwaz da waſ volcheſ inne.mor vn̄demorinne.waſ beidiv wib vn̄de man.der herre ſchoͮwen began.mangen ſchilt zerbrochen.Mmit ſpern gar dvr ſtochen.der waſ da vil gehangen fur.an die wende vn̄de an die tur.ſi heten iamer vn̄de guft.in div venſter gein dem luft.waſ gebetet mangem wunden man.ſwener derden arzat gewan.daz er doch mohte niht geneſen.der waſ bi vinden geweſen.ſuſ warp ie der vngerne floch.vil orſe man im wider zoch.durh ſtochen vn̄de verhoͮwen.mange tunchele froͮwen.ſach er bedenthalben ſin.nach rabeneſ varwe waſ ir ſchin.ſin wirt in minnchliche enphie.daz im zefroͮden ſit ergie.er waſ ein ellenſricher man.mit ſiner hant het er getan.mangen ſtich vn̄de ſlach.wan er einer borte phlach.bi der er mangen riter vant.die die arme hiengen in div bant.vnt div hoͮbet waren verbunden.die heten ſolhe wunden.daz ſi doch taten riterſchaft.ſi hete lazen niht ir chraft.der burgraue von der ſtat.ſinen gaſt do minnchlichen bat.daz er niht verbære.al daz ſin wille wære.vber ſin goͮt vn̄de vber den lip.er foͮrte in da er vant ſin wip.div Gahmureten chuſte.deſ in doch wench luſte.dar nach foͮr er enbizen ſan.do diz allez waſ getan.der marſchalch reit von im zehant.da er die chunginne vant.er ieſch vil groziv botenbrot.froͮwe nv iſt vnſer not.mit froͮden zergangen.den wir hie haben enphangen.daz iſt ein riter ſogetan.Ddaz wir zedanchene imer han.vnſeren goten dieſ gedahten.daz ſin vnſ her brahten.nv ſage mir vf die triwe din.wer der riter mvge ſin.froͮwe ez iſt ein degen phier.deſ parrucheſ ſoldier.ein antſchevin von hoher art.avoẏ wie lutzel wirt geſpart.ſin lip ſwa man in lazet an.wie rehter dar vn̄de dan.entwichet vn̄de cheret.die vinde er ſchaden leret.ich ſach in ſtriten ſchone.al da die babilone.alexandrie loſen ſolten.vnt do ſi danen wolten.den barruch triben mit gewalt.waz ir da nider wart gevalt.an der tſchunfenture.da begie der gehivre.mit ſinem libe ſolhe tat.ſine heten fliehenſ deheinen rat.dar zoͮ horte ih in nenen.man moht in wol bechennen.daz er den priſ zeſiner hant.hat al eine vber mangiv lant.nv ſich et wenne vn̄de wie.foͮge daz er mih ſpreche hie.wir han doch fride diſen tach.da von der helt wol riten mach.Hher vf zemir oder ſol ich dar.er iſt anderſ dane wir gevar.owe wan tæte im daz niht we.daz hete ich gerne erfunden e.op mirz die mine rieten.ich ſolt im ere bieten.geroͮchet er mir nahen.wie ſol ich in enphahen.iſt er mir dar zoͮ wol geboren.daz min chuſ iht ſi verloren.froͮwe erſt vur chungeſ chunne erchant.deſ ſi min lip genenet phant.froͮwe ich wil iweren furſten ſagen.daz ſi richiv chleider tragen.vnde hie vor iv biten.biz daz wir zoͮ riten.daz ſaget och iweren froͮwen gar.wan ſwenne ich nv hin nider var.ſo bringe ich iv den werden gaſt.dem ganzer tugende nie gebraſt.dar an och lutzel deſ verdarpvil behendchlichen warp.der marſchalch ſiner froͮwen bete.balde wart do Gahmurete.richiv chleider dar getragen.div leit er an ſuſ hort ih ſagen.daz div tivre wæren.ancher die ſwæren.von arabenſchem golde.lagen druffe alſer wolde.do ſaz der minnen gelteſ lon.Uvf ein orſ daz ein babilon.gein im dvr tioſtieren reit.den ſtach er drab daz waſ dem leit.op ſin wirt mit im iht var.ia er vn̄de ſine riter gar.die warenſ al geliche fro.ſi riten mit ein ander do.vnde erbeizten vor dem palaſ.da manch riter vffe waſ.die moͮſen wol gechleidet ſin.ſiniv chinder liefen vor im in.ie zwei ein ander an der hant.ir herre mange froͮwen vant.gechleidet wunchliche.der chunginne riche.ir oͮgen foͮgeten grozen pin.do ſi geſach den anſchevin.der waſ ſo minnchlich gevar.daz er entſloz ir herze gar.ez wære ir liep oder leit.daz beſloz da vor ir wipheit.ein wench ſim engegene trat.ir gaſt ſi ſich chuſſen bat.vnde nam in bi der hant.gein den vinden an die want.ſazzenſe in div venſter wit.vf einen gulter von ſamit.dar vnder ein weichez bete lach.iſt iht liehter dane der tach.dem gelichte niht div chungin.ſi hete aber wiplichen ſchin.vnde waſ anderſ riterlich.der toͮwegen roſen vngelich.nach ſwarzer varwe ſ*waſ ir ſchin.ir chrone ein liehter rubin.ir hoͮbet man da durch wol ſach.div wirtin zir gaſte ſprach.daz ir wære liep ſin chomen.herre ih han von iv vernomen.vil riterlicher werdcheit.dvrch iwer zuht ſi iv niht leit.obe ich iv minen chumber chlage.den ich nahen mineminen herzen trage.Mmin helfe ivch deſ niht irret.ſwaz iv war oder wirret.ſwa daz wenden ſol min hant.div ſi zedienſte dar bewant.ich bin niht wan ein einch man.ſwer iv toͮt oder hat getan.da engegene bivt ich minen ſchilt.die vinde wench deſ bevilt.mit zuhten ſprach ein furſte ſan.heten wir einen hoͮbet man.wir ſolten vinde wench ſparen.ſit fridebrant iſt hingevaren.der loſet dort ſin eigen lant.ein chunch der hezhiezhernant.den er durch herlinde ſloͮch.deſ mage toͮnt im leit genoͮch.ſine welent ſiſ niht mazen.er hat hie helde lazen.den herzogen hvteger.deſ riterſ tat vnſ manch ſer.frumet vn̄de ſin geſelleſchaft.ir ſtrit hat chunſt vn̄de chraft.ſo hat hie mangen ſoldier.von normandiegatſchier.der wiſe degen here.och hat hie riter mere.kailet von hoſcuraſt.vil mangen zornigen gaſt.die braht alle in diz lant.der ſchoten chunch fridebrant.vnde ſiner genoze viere.mit mangem ſoldiere.Ddort weſterthalp an dem mer.da lit ẏſenharteſ her.mit flieiendemfliezendem oͮgen.offenlich noch toͮgen.geſach ſi nimer me dehein man.ſine moͮſen iamerſ wunder han.ir herzen regen in guſſe warpſit an der tioſt ir herre ſtarpder gaſt zerwirtinne.ſprach mit riterſ ſinne.ſaget mir obe irſ roͮchet.dvr waz man ivch ſo ſoͮchet.zornchlichen mit gewalt.ir habet vil mangen degen balt.mich moͮt daz ſi ſint verladen.mit vinde haze nach ir ſchaden.ich ſagez iv herre ſit irſ gert.mir diente ein riter der waſ wert.ſin lip waſ tugende ein bernde riſ.der helt waſ choͮne vn̄de wiſ.der triwe ein bechlibendiv fruht.ſin zvht wach fur alle zuht.er waſ chuſcher dane ein wip.vrecheit vn̄de ellen troͮch ſin lip.ſo gewoͮhſ an man nie milter hant.vor im vber elliv lant.ich neweiz waz nach vnſ ſvle geſchehen.des lazen ander lute iehen.er waſ vor valſcher foͮre ein tor.nach ſwarzer varwe alſ ih ein mor.ſin vater der hiez tanchaniſ.ein chunch er het och hohen briſ.min frivnt der hiez ẏſenhart.min wipheit waſ vil vnbewart.do ich ſin dienſt nah minne enphie.daz im nach froͮden niht ergie.deſ moͮz ih imer iamer tragen.ſi wanent daz ih in ſchoͮffe erſlagen.verratenſ ih doch lvtzel chan.ſwie micheſ zihen ſine man.er waſ mir lieber dane in.ane gezivch ih deſ niht bin.mit den ihez ſol bewaren doch.die reht warheit wizen doch.mine gote vn̄de die ſine.er gam mir mange pine.nv hat min ſchamediv wipheit.ſin lon erlenget vn̄de min leit.dem helde erwarp min magtoͮm.an riterſchaft vil mangen roͮm.ih verſoͮht in ober chvnde ſin.ein frivnt daz wart vil balde ſchin.er gap durch mich ſin harnaſc.enwech daz alſ ein palaſ.dort ſtet daz iſt ein hoch gezelt.dz brahten ſchoten v diz velt.do daz der helt ane wart.ſin manheit waſ vil vgeſpartvn geſpart.deſ lebenſ in dar nach verdroz.mange aventvre ſoͮhter bloz.do diz alſo waſ.ein vurſte prozitalaſ.hiez min meſſenie.vor zageheit der frie.vz dvrch aventvre reit.ein grozzer ſchade in niht vermeit.zem voreiſ in azagoͮch.ein tioſt in ſterbenſ niht erloͮch.die er tet vf einen choͮnen man.ſinen ende er da gewan.daz waſ min friunt ẏſenhart.ir ietwedere innen wart.eineſ ſperſ dvr ſchilt vn̄de dvr lip.daz chlage ih noch vil armez wip.ir beider tot mich imer moͮt.vf minen triwen iamer bloͮt.Iichne wart nie wip deheinſ man.Gahmvreten dvhte ſan.ſwie ſi wære ein heidenin.mit triwen wiplicher ſin.in wibeſ herze nie geſloͮf.ir chuſche waſ ein reiner toͮf.vnt der wach der ſi begoz.der regen der von ir oͮgen floz.vf ir zobel vn̄de vf ir bruſt.riwen phlege waſ ir gelvſt.vnde rehtiv iamerſ lere.ſi ſeite im furbaz mere.do ſoͮhte mich von vber mer.der ſchoten chunch mit ſinem her.der waſ ſinesſ oheimeſ ſun.er moͮhte mir niht me getoͮn.ſchaden dane mir waſ geſchehen.an ẏſenharte deſ moͮz ih iehen.div froͮwe erſufte ditche.dvr die zahere manger bliche.ſi ſchamende gaſtlichen ſach.an Gahmureten do veriach.iriv oͮgen dem herzen ſan.daz er wære wolgetan.ſi chunde liehte varwe ſpehen.ſi het och da vor geſehen.vil mangen liehten heiden.al da wart von in beiden.ein vil getriwu ger.er ſach dar ſi ſach her.dar nach hiez ſi ſchenchen ſan.getorſte ſi daz ware verlan.ſi moͮte daz ez niht beleip.wan ez die riter ie vertreip.die gerne ſprachen wider div wip.doch waſ ir lip ſin ſelbeſ lip.oͮch het er ir den moͮt gegeben.ſin leben waſ der froͮwen leben.do ſtoͮnt er vf vn̄de ſprach.froͮwe ich toͮn iv vngemach.ich chan zelange ſitzzen.daz toͮn ich niht von witzzen.Mmir iſt vil dienſtlichen leit.daz iwer chumber iſt ſo breit.froͮwe gebiet vber mich.ſwar ir welt darſt min gerrich.ich diene iv gerne ſwaz ich ſol.herre ich getrweſ iv harte wol.der burcraue ſin wirt.nv vil wench deſ verbirt.eren churze im die ſtunde.fragen er begunde.ober wolte panchen riten.ſchoͮwet wa wir ſtriten.wie vnſer borte ſin behoͮt.Gahmvret der helt goͮt.ſprach er wolte gerne ſehen.wa riterſchaft da wære geſchehen.her abe mit dem helde reit.manch riter gemeit.hie der wiſe dort der tumbe.ſi foͮrten in alumbe.fur ſehtzehen borten.vnde beſchieden im mit worten.daz der deheiniv wære verſpart.ſit wart gerochen ẏſenhart.mit zorne an vnſ naht vn̄de tach.vnſer ſtrit vil nach geliche wach.man verloz ir deheine ſit.vnſ git vor ahte porten ſtrit.deſ choͮnen iſenharteſ man.Ddie vnſ den ſchaden hant getan.deſ chungeſ von azagoͮch.obe iegeſlicher porte floͮch.obe choͮner ſchar ein liehter van.ein durſtochen riter dran.alſ iſenhart der den lip verloſ.ſin volch div wapen dar nach choſ.da engegene haben wir einen ſite.da ſtillen wir ir iamer mite.vnſer vanen ſint bechant.daz zwene vinger vz der hant.bietent gein dem eide.irn geſcha*egeſchahe nie ſo leide.wan ſit daz ẏſenhart lach tot.miner froͮwen foͮget ezer herzenot.ſo ſtet div chungin gemal.froͮ belachane ſvnder twal.in einem blanchen ſamit.geſniten von ſwarzer varwe ſit.ſit wir div wapen chvren an in.ir triwe an iamer hat gewin.die ſtechent obe den borten hoch.vur die anderen ahte vnſ ſoͮchet noch.deſ choͮnen fridebrandeſ her.die getoͮften von vber mer.ie*licherieſlicher borte ein fvrſte phliget.der ſich ſtriteſ vz bewiget.mit ſiner baniere.wir haben katſchiere.gevangen einen grauen abe.der bivt vnſ vil grozze habe.der iſt kaileteſ ſweſter ſvn.ſwaz vnſ der nv mach getoͮn.daz moͮz ie dirre gelten.ſolch gelvche chumt vnſ ſelten.groͮneſ angerſ. wench ſandeſwol drizch ponder landeſ.iſt zir gezelten vome graben.da wirt vil manch tioſt erhaben.diſiv mære ſeit im gar ſin wirt.ein riter nimer daz verbirt.eren chom hie dvr tioſte vur.op der ſin dienſt dort verlur.an ir div in ſande her.waz hvlfe in dane ſin vrechiv ger.daz iſt der ſtolze hvteger.von dem mag ich wol ſprechen mer.ſit wir hie ſin beſezen.daz ie der helt vermezen.deſ morgenſ vil bereit waſ.gein der porte vor dem palaſ.oͮch wart von dem choͮnen man.chleinodeſ vil gefoͮret dan.daz er dvrch vnſer ſchilte ſtach.deſ man vur groze choſte iach.ſwene ez die chroierære brachen drabe.er valt vnſ mangen riter abe.er lat ſich gerne ſchoͮwen.in lobent oͮch vnſer froͮwen.ſwen wip lobenlobent der wirt bechant.der hat den briſ zeſiner hant.vnde ſineſ herzen wunne.nv hete div moͮde ſunne.ir liehten blich hinze ir geleſen.deſ bankeneſ moͮſe ein ende weſen.der gaſt mit ſinem wirte reit.er vant ſin ezzen albereit.ich moͮz iv von ir ſpiſe ſagen.div wart mit zuhten fur getragen.man diente im riterliche.div chunginne riche.chom ſtolzliche fur ſinen tiſch.hie ſtoͮnt der reiger dort der viſch.ſi waſ dvr daz hin abe gevaren.ſi wolt oͮch ſelbe bewaren.daz man ſin phlage zefrumen.ſi waſ mit ivnchfroͮwen chomen.vnde chniete nider daz waſ im leit.mit ir ſelber hant ſi ſneit.dem riter ſiner ſpiſe ein teil.div froͮwe waſ ir gaſteſ geil.ſi bot im och ſin trinchen dar.vnde phlach ſin wol och nam er war.wie waſ ir gebarde vn̄de ir wort.zende an deſ tiſcheſ ort.ſazen ſine chapelan.ander halp ſine ſpileman.al ſchemende er an die froͮwen ſach.harte bluchlicher ſprach.Iich han mih niht genîet.alſ ir mirz froͮwe bîetet.mineſ lebenſ mit ſolhen eren.obe ich ivch ſolte leren.ſo ware hivt ſa an ivch gegert.deſ phlegenſ deſ ich ware wert.ſone waret ir niht her abe geriten.getar ich froͮwe ivch deſ gebiten.ſo lat mich in der maze leben.ir habet mir eren zevil gegeben.ſine wolt och deſ niht lazen.da ſiniv chinder ſazen.ſine babte ſi ezzen vaſte.diz bot ſi zeren ir gaſte.gar diſiv ivncherrelin.waren holt der chungin.dar nach div froͮwe niht vergaz.ſi gieng och da der wirt ſaz.vnde ſin wip div burchrauin.ir becher hoͮb div chungin.ſi ſprach la dir bevolhen ſin.vnſeren gaſt div ere iſt din.dar vmbe ich ivch beidiv mane.ſi nam vrloͮp vn̄de voͮr von dan.aber wider fur ir gaſt.deſ herze troͮch ir minnen laſt.daz ſelbe oͮch ir von im geſchach.alſ ir herze vn̄de ir oͮge iach.div moͮſenſ mit ir phlihte han.mit zvhten ſprach div froͮwe ſan.gebiet herre ſweſ ir gert.daz ſchaffe ich wan ir ſiteſ wert.lat mich iwer vrloͮp han.wirt iv hie goͮt gemach getan.deſ froͮn wir vnſ vber al.guldin wæren ir cherzeſtal.vil lieht man vor ir vf troͮch.ſi reit oͮch da ſi vant genoͮch.ſi azzen och niht lenger do.der helt wart trvrech vn̄de fro.er froͮte ſich daz man im bot.ere in twanch ein ander not.daz iſt div ſtrenge minne.div neiget hohe ſinne.Ddiv wirtin foͮr an ir gemach.dar nach vil ſchier daz geſchach.man betete dem helde ſan.daz wart mit flizze getan.do ſprach der wirt zem gaſte.nv ſvlt ir ſlaffen vaſte.vnde roͮwet hint deſ wirt iv not.den ſinen er zehant gebot.ſi ſolten von im cheren.deſ gaſteſ ivncherren.ir bete alvmbe daz ſine lach.ir hoͮbet dran wan er deſ phlach.da ſtoͮnden cherzen harte groz.die brunnen lieht den helt verdroz.daz alſuſ lanch waſ div naht.in brahte ditche in vn maht.div ſwarze morinne.deſ landeſ chunginne.der herre ſunder ſlaffen lach.vnzer erchoſ den grawen tach.der gap danoch niht liehten ſchin.nv wolt och da bereite ſin.zer meſſe ein ſin chappelan.der ſanch ſi gote vn̄de im ſan.man troͮch ſin harnaſch dar zehant.er reit da er tioſtieren vant.do ſaz er an der ſtunde.vf ein orſ daz beidiv chunde.hvrtchliche dringen.vnde ſneliche ſpringen.cherch ſo manz wider zoch.ſinen ancher vf dem helme hoch.Mman gein der borte foͮren ſach.al da man vn̄de wip veriach.ſine geſahen nie helt ſo wunnchlich.ir gote ſolten im ſin gelich.man foͮrt oͮch ſtarchiv ſper da bi.wier gezimieret ſi.ſin orſ von ẏſer troͮc ein dach.daz waſ fur ſlege deſ gemach.ein ander detche druffe lach.ringe div niht ringe wach.daz waſ ein groͮner ſamit.ſin wapenroch ſin curſit.waſ ein groͮnz achmardi.daz waſ geworht zearabi.dar an ich livge niemen.ſine ſchilt riemen.ſwaz der dar zoͮ gehorte.waſ ein vnverblichen borte.mit geſteine harte tîv*etîvre.gelvtert in dem vivre.waſ ſin bukel rot golt.ſin dienſt nam der minnen ſolt.ein ſcharfer ſtrit in ringe wach.div chungin in den venſteren lach.bi ir ſazzen froͮwen mer.nv ſeht dort hielt och hvteger.al da im e der briſ geſchach.do er diſen riter chomen ſach.zoͮ im gewalopiert hie.nv dahter wenne oder wie.Cchom dirre Franzoiſe in diz lant.wer hat den ſtolzen her geſant.het ich den vur einen mor.ſo ware min beſter ſin ein tor.iedoch von ſprungen niht beliben.ir orſ mit ſporen ſi bede triben.vz dem walap in die rabin.ſi taten riterſ ellen ſchin.der tioſt ein ander ſi niht lvgen.die ſpriezen gein den lvften flvgen.von deſ ſtolzen hutegerſ ſper.doch valt in ſineſ ſtrites wer.hinderz orſ vf dez graſ.vil vngewent er deſ waſ.er reit vf in vn̄de trat in nider.deſ erholter ſich ditche wider.er tet werlichen willen ſchin.do ſtechet in dem arme ſin.div Gahmvretſ lanze.er ieſch die phianze.ſinen meiſter heter funden.wer hat mich vber wunden.ſprach der ſigeloſe man.der ſigehafte ſprach do ſan.ich pin Gahmvretantſchevin.er ſprach min ſicherheit ſi din.die nam er vn̄de ſande in în.deſ moͮſer vil gebriſet ſin.von den froͮwen die daz ſahen.dort her begunde gahen.von normadienormandiecatſchier.ein ellenſ richer degen phier.der ſtarche tioſtivre.hie hielt och der gehivre.Gahmvret zertioſt bereit.ſinem ſper waſ daz iſen breit.vnt der ſchaft feſte.hie werten die geſte.ein ander vngelichez wach.chatſchier der nidere gelach.Mmit orſe mit alle.von der tioſte valle.wart er betwungen ſicherheit.ez ware im liep oder leit.Gahmvret der wigant.ſprach mir ſicheret iwer hant.div waſ mit ellenthafer wer.nv ritet gein der ſchoten her.vnde bitet daz ſi vnſ verberen.mit ſtrite op ſi deſ wellen geren.vnde chert nach mir in die ſtat.ſwaz er gebot vn̄de bat.endehaft daz wart getan.die ſchoten moͮſen ſtriten lan.do chom gevaren kailet.von dem cherte Gahmuret.wan er waſ ſiner moͮmen ſun.waz mohter im do leideſ toͮn.der ſpangol rief im nach genoͮch.einen ſtrvz er vf dem helme troͮch.gezimiert waſ der man.daz ich der von zeſagene han.in phelle wit vn̄de lanch.daz gevilde nach dem helde chlanc.ſine ſchellen gaben gedone.er bloͮme an manneſ ſchone.ſin varwe an ſchone hielt den ſtrit.ane zwene die nach im wohſen ſit.beacurſloteſ chint.vndeparzival die da niht ſint.die waren danoch vngeboren.vnde wurden ſit fur ſchone erchoren.GGatſchier in bi dem zoͮme nam.iwer wilde wirt vil zam.daz nim ich vſ die triwe min.beſtet ir den antſchevin.der mine ſicherheit dort hat.nv ſvlt ir merken minen rat.dar zoͮ horet mine bete.ich han geheizen Gahmvret.daz ich ivch alle wende.daz lobt ich ſiner hende.dvr mich lat iwer ſtereben ſin.er toͮt iv chraft an ſtrite ſchin.do ſprach der chunch kailet.iſt daz min neve Gahmvret.filliroiſ candin.mit dem laze ich min ſtriten ſin.lat mir den zoͮm inelazeſ iv niht.e min oͮge alrerſt geſiht.iwer blozez hoͮbet.daz mine iſt mir betoͮbet.den helm er im abe bant.Gahmvret nime ſtriteſ vant.ez waſ wol miter morgen do.die von der ſtat deſ waren fro.die diſe tioſt erſahen.die begunden alle gahen.an ir gewarliche letze.er waſ vor in ein netze.ſwaz drunder chom daz waſ beſlagen.ein ander orſ ſuſ horte ih ſagen.Ddar vf ſaz der werde.daz floͮch vn̄de roͮrte die erde.gereht zebeiden ſiten.choͮne da man ſolte ſtriten.verhalden vn̄de drate.waz er dar vffe tæte.deſ moͮz man im fur ellen iehen.er reit da in more moͮſen ſehen.al da die lagen mit ir her.westerthalben bi dem mer.ein vurſte razalich da hiez.neheinen morgen er daz liez.der richeſte von azagoͮch.ſin geſlahte in dar an niht betroͮch.von chungeſ fruhte waſ ſin art.der cherte imer dane wart.dvr tioſtieren vur die ſtat.da tet ſiner chrefte mat.der furſte vz anſchoͮwe.daz chlagte ein ſwarziv froͮwe.div in hete dar geſant.daz in da iemen vber want.ein chnape der bot ſunder bet.ſinem herren Gahmuret.ein ſper dem waſ der ſchaft ein ror.da mit ſtacher den mor.hinderz orſ vf den griez.niht langer er in ligen liez.in dwunge ſicherheit ſin hant.do waſ daz vrlivge gelant.vnde im ein grozer briſ geſchehen.Gahmvret begunde ſehen.ahte vanen ſweimen gein der ſtat.dier vil balde wenden bat.den choͮnen ſigeloſen man.dar nach gebot er im ſan.daz er cherte nach im in.daz tet er wan ez moͮſe ſin.gatſchier ſin chomen niht verbirt.an dem innen wart der wirt.daz ſin gaſt waſ chomen vz.daz er niht iſen alſ ein ſtrvz.Vvn̄de groze flinſe verſlant.daz machte daz er ir nine vant.ſin mvnt begunde limen.vn̄de alſ ein lev brimen.er brach vz ſin eigen har.er ſprach nv ſint mir miniv iar.mit grozer tumpheit bewant.die gote heten mir geſant.einen choͮnen werden gaſt.iſt er verladen mit ſtriteſ laſt.ſone wil ich nimer werden wert.waz toͮch mir ſchilt vn̄de ſwert.er mach mih ſchelten ſwer mihſ mane.do cherter von den ſinen dane.hin vz der borter roͮrte.ein chnape im wider foͮrte.einen ſchilt vzen vn̄de innen dran.gemal alſ ein dvr ſtochen man.geworht in ẏſenharteſ lant.einen helm foͮrter in der hant.vnde ein ſwert daz razalich.dvrch ellen brahte in den wich.da waſ von geſcheiden.der choͮne ſwarze heiden.ſin lop waſ virrech vn̄de wit.ſtarp er ane toͮffe ſit.ſo erchenne ſich vber den helt balt.der manger wunder hat gewalt.do der burgraue daz erſach.ſo rehte liebe im nie geſchach.div wapen errechande.hin vz der borter rande.ſinen gaſt ſach er dort halden.den ivngen niht den alden.Aalgernde ſtritchlier tioſt.do nam in lafiliroſt.ſin wirt vn̄de zoch in wider.er ſtach ta me deheinen nider.lafiliroſ tſchatelacunt.ſprach herre ir ſult mir machen chvnt.hat betwungen iwer hant.razaligen vnſer lant.iſt ſtriteſ ſicher imer mer.er iſt obe al den moren her.deſ choͮnen ẏſenharteſ man.die vnſ den ſchaden hant getan.ſich hat verendet vnſer not.ein zornch got in daz gebot.daz ſi vnſ ſoͮhten mir ir her.nv iſt enſchumphiert ir wer.er foͮrt in in daz waſ im leit.div chungin im wider reit.vnde nam in ſelbe mit ir hant.ſi entſtricht im der phinteilen bant.der wirt in moͮſe lazen.die chnapen niht vergazen.ſi cherten vaſte ir herren nach.dur die ſtat man foͮren ſach.ir gaſt die chungine wiſ.der da behalten het den briſ.ſi erbeizt al da ſiſ dvhte zit.we wie getriwu ir chnapen ſit.ir wanet verlieſen diſen man.im wirt an ivch gemach getan.Nnemet ſin orſ vnde foͮret ez hin.ſin geſelle ih hie bin.vil froͮwen er dort vffe vant.entwapent mit ſwarzer hant.wart er von der chungin.ein dechlachen zobelin.vnde ein bete wol geheret.dar an wart im gemeret.ein heinlichiv ere.da waſ och wunne mere.ivnchfroͮwen giengen von in vur.vnde ſlvzen nach in zoͮ die tur.do phlach div chunginne.einer ſtolzen werden minne.vnde Gahmvret ir herzen trvt.vngelich waſ doch ir beider hvt.ſi brahten opherſ vil ir goten.alſ ez von der ſtat waſ geboten.dem choͮnen razalige.do er ſchiet von dem wige.daz leiſter dvr triwe.doch waſ ſin iamer niwe.nach ſinem herren ẏſenhart.do der burgraue innen wart.daz er waſ chomen do wart ein ſchal.dar chomen die furſten vber al.der chungin von zazamanch.vnde ſeiten im deſ briſeſ danch.den er het al da bezalt.ze rehter tioſt heter gevalt.in vier vnt zweinzch riter nider.vnt zoch ir orſ almeiſtch wider.da waren gevangener furſten dri.den reit och mer riter bi.zehove vf den palaſ.erwachet vn̄de enbizen waſ.vnt wunchlichen gepheit.mit chleideren harte wol bereit.was deſ oberſten wirteſ lip.div e waſ maget div waſ nv wip.div in her vz foͮrte an ir hant.ſi ſprach lvte vn̄de lant.ſi diſme riter vnder tan.Oop mirz die vinde wellent lan.do wart gevolget Gahmuret.einer hofſchlichen bete.get her min her razalich.ir ſult chuſſen min wip.ſam toͮt ir min her Gatſchier.hvtegeren den ſchoten phier.bat er ſi chuſſen an ir mvnt.der waſ von ſiner tioſte wunt.er bat ſi alle ſitzen.alſtender ſprach mit witzen.ich ſahe och gerne den neven min.moht ez mit ſinen hulden ſin.der in hie gevangen hat.ichnehans vor ſippe neheinen rat.ichene moͮze in ledch machen.div chungin begunde lachen.ſi hiez in balde bringen.dort her begunde dringen.der minnchliche beachcunt.der waſ von einer tioſte wunt.vnde hetz oͮch da vil goͮt getan.Gatſchier der norman.brahtin er waſ curtoẏſ.ſin vater waſ ein franzoẏſ.vnde waſ chaileteſ ſweſter barn.in wibeſ dienſter waſ gevaren.er hiez killirriakach.aller manne ſchone er wider wach.Aalſ in Gahmuret erſach.ir antlutze ſippe iach.div waren ein ander vil gelich.er bat die chunginne rich.in chuſſen vn̄de vahen zir.er ſprach nu geng oͮch herze mir.der wirt in chuſte ſelbe do.ſi waren zeſehene ein ander fro.Gahmuret ſprach aber ſan.owe iunge ſoͮzer man.waz ſolte her din chrancher lip.ſage an gebot dir daz ein wip.die gebietent herre wench mir.mich hat min veter Gatſchier.her braht er weiz wol ſelbe wie.ich han im tvſent riter hie.vnt ſten im dienſtlichen bi.ze roͮmeſ in normandi.chom ich zir ſamnunge.ich braht im helde ivnge.ich foͮr von ſchampanie durch in.nv wil chunſt vn̄de ſin.ir ſchaden an in cheren.irn welt ivch ſelben eren.Gebiet ir ſo lat in min.geniezen ſenftet ſinen pin.er ſprach den rat nim gar zedir.var dv vn̄de min her Gatſchier.vnde bringet kaileten her.do wurben ſi deſ heldeſ ger.ſi brahten in dur ſine bet.do wart och er von Gahmuret.ditch vmbe vangenvnde minnchliche enphangen.von der chunginne rich.div chuſte den minnchlich.Sſi mahtz wol mit eren toͮn.er waſ ir manneſ moͮmen ſun.vn̄de waſ von arde ein chunch her.der wirt ſprach lachende mer.got weiz her kailet.obe ich iv name dolet.vnde iwer lant ſpaninge.dvrh den chunch von gaſconinge.der iv ditche toͮt mit zornſ gir.daz ware ein vntriwe an mir.ir ſit doch miner moͮmen chint.die beſten gar mit iv hie ſint.der riterſchefte herte.waz twang ivch dirre verte.do ſprach der ſtolze degen ivnch.mir gebot min veter ſchiltunch.deſ tohter Fridebrant da hat.daz ich im diente ez wære ſin rat.er hat von ſinem wibe.hie von min eineſ libe.ſeheſ tuſent riter wol bechant.die tragent werliche hant.hie waren dur die ſchoten.die welichen roten.hie waſ von groͮnlanden.helde zir handen.zwene chunge mit ir chraft.die floͮt von der riterſchaft.ſi voͮrten vn̄de mangen chiel.ir rote mir vil wol geviel.hie waſ och morolt durh in.des ſtrit hat chraft vn̄de ſin.die ſint nv hin gecheret.ſwie mich min froͮwe leret.alſ toͮn ich mit den minen.ir ſol min dienſt ſchinen.dvne ſolt mir dienſteſ danchen niht.wan eſ div ſippe ſuſ vergiht.die frechen helde ſint nv din.waren ſi getoͮffet ſo die min.vnde an der hute ſo getan.ſone wart gekronet niedehein man.dvne heteſt ſtriteſ im genoͮch.mich wundert waz dich her vertroͮc.Ddaz ſage mir rehte vn̄de wie.ich chom geſter hivte bin ih hie.worden herre vberz lant.mich vie div chungin mit ir hant.do werte ich mich mit minne.ſuſ rieten mine ſinne.ich wane dir hat din manlich wer.betwungen beident halp div her.dv meinſt dvr daz ich dir entran.vaſte roͮfteſtv mich an.waz wolteſte an mir ertwingen.la mich ſuſ mit dir ringendingen.dane erchande ich niht deſ ancherſ din.minen moͮmen man Gandin.hat in gefoͮret ſelten vz.ſo erchande aber ich wol dinen ſtrvz.anme ſchilte ein ſerpandrateſt.din ſtruz der ſtoͮnt ſunder neſt.ich ſach an diner gelegenheit.dir waſ div ſicherheit vil leit.die mir tæten zwene man.die hetenz oͮch da vil goͮt getan.mir ware lihte alſam geſchehen.ich wil deſ einem tivfel iehen.deſ froͮre ich nimer wirde fro.het er den b*briſ behalten ſo.an frechen helden ſo din lip.vur zuker gazen in div wip.Ddin mvnt mir lobeſ zevil vergiht.nein ich cha ſmeichen niht.nin ander mineſ dienſteſ war.ſi riefen razalige dar.do ſprach der chunch kailet.hat ivch min neve Gahmuret.mit ſiner hant gevangen.herre daz iſt ergangen.ich han den helt da vur erchant.daz im azagoͮch daz lant.mit dienſte nimer wirt verſpart.ſit vnſer herre ẏſenhart.al da niht chrone ſolte tragen.in ir dienſte er wart erſlagen.div nv iſt iwerſ neven wip.vmbe ir minne er gap den lip.daz hat min chvſ an ſi verchoren.ich han herren vn̄de mâch verloren.wil nv iwere moͮmen ſun.riterliche foͮre toͮn.daz er vnſ wil ergetzen ſin.ſo valde ich im die hende min.ſo hat er ere vn̄de priſ.vnde al da mit tanchaniſ.ẏſenharten gerbet hat.der gebalſemet in dem her dort ſtat.al ich ſine wunden ſach.ſit im diz ſper ſin herze brach.daz zoch er vz dem boͮſem ſin.an einer ſnoͮre ſidin.hiench ez hin wider der helt ſnel.vur ſine bruſt an blozez vel.ez iſt nv wol miter tach.wil min her kiliriarkach.inz her werben deſ ih in bite.ſo riten im die helde mite.Eein vingerlin er ſande dar.die nach der helle waren var.chomen ſwaz da furſten waſ.ze hofe fur den palaſ.do lech mit vanen hin ſin hant.von azagoͮch der herren lant.ieſlicher waſ ſineſ orteſ geil.iedoch beleip der bezer teil.Gahmuret ir herren.die ſelben waren die erren.dar naher drungen die von zazamanch.mit grozer foͮre niht zechranch.vnde enphiengen alſ ir herre hiez.von im ir lant vn̄de deſ geniez.alſ iegelichen ane gezoch.div armoͮt ir herren floch.do hete prozitalaſ.der von arde ein vurſte waſ.lazen ein herzentoͮm.daz lech er dem der mangen roͮm.mit ſiner hant beiagete.an ſtriter nie verzagete.lafiz rioſ tſchatelacunt.nam ez mit vanen ſa zeſtunt.von azagoͮch die furſten her.namen den ſchotenhuteger.vndeGatſchieren den norman.vnde giengen fur ir herren ſtan.der lie ſi ledch dur ſine bete.deſ danchten ſi do Gahmuret.hutegeren den ſchoten.ſi baten ſunder ſpoten.lat minem herren diz gezelt.hie vmbe auenture gelt.ez zucht vnſ ẏſenharteſ leben.daz fridebrande wart gegeben.div gezierde vnſerſ landeſ.ſin froͮde ſtoͮnt do phandeſ.er ſtet hie ſelbe an dem re.vnvergolten dienſt im tet we.vf erde niht ſo goͮteſ waſ.der helm von arde ein adamaſ.ditch vn̄de herte.an ſtrite ein goͮt geverte.do lobte hvtegerſ hant.ſwenner chome in ſineſ herren lant.Ddaz erz wolde erweben gar.vn̄de wider ſenden wol gevar.daz teter vnbetwungen.nach vrloͮbe drungen.zem chunge ſwaz da furſten waſ.do roͮmten ſi den palaſ.ſwie verwoͮſt ware daz lant.doch chunde Gahmuretſ hant.ſwenchen ſolher gabe ſolt.alſ al die boͮme troͮgen golt.er teilte groze gabe.ſine man ſine mage.namen da deſ chungeſ goͮt.daz waz der chunginne moͮt.man ſaget vnſ daz ẏſenhart.chunchliche beſtatet wart.daz taten die in erchanden.den zinſ von ſinen landen.ſwaz der vergelten moht ein iar.den ſelben liezenſe im da gar.daz tatenſe vmbe ir ſelber moͮt.Gahmuret daz groze goͮt.ſin volch hiez behalden.die moͮſenſ ſunder walden.deſ morgenſ vor der veſte.do rumdenz da die geſte.ſich ſchieden die da waren.vnde foͮrten mange baren.daz velt herberge wart al bloz.wan ein gezelt daz waſ vil groz.daz hiez der chunch zeſchiffe tragen.Sſinem volker do begunde ſagen.er woltez f*foͮren zeazagoͮc.mit der rede er ſi betroͮch.do waſ al da der choͮne man.vnzer ſich ſere ſenen began.daz er niht riterſchefte vant.deſ waſ ſin froͮde ſorgen phant.doch waſ im daz ſwarze wip.lieber dane ſin ſelbeſ lip.ez wart nie wip geſchichet baz.der froͮwen herze niht vergaz.iren foͮre rehtiv maze mite.an reiner zuhte wiblich ſiteze ſibilie vz der ſtatwaſ geboren den er da bat.dane chereneſ eine wile.er het in mange mile.da vor gefoͮrt vn̄de braht in dar.er waſ niht alſ ein mor gevar.der marnare wiſe.ſprach nv helt ez liſe.vor den die tragent daz ſwarze fel.min chochen ſint ſo ſnel.den mach niht genahen.wir ſulen von hinnen gahen.ſin golt hiez er zeſcheffe tragen.nv moͮz ich iv von ſcheiden ſageſagen.die naht foͮr dan der werde man.daz wart verholne getan.do er entran dem wibe.do hetſe in ir libe.zwelf wochen lebendch ein chint.vaſte mente in dan der wint.Ddiv froͮwe in ir butel vant.einen brief den ſchreip ir mannſ hant.enfranzoẏſ daz ſi chvnde.div ſchrift ir ſagen begunde.hie enbivt liep ein ander liep.ich pin dirre verte ein diep.die moͮſe ich dir dur iamer ſtelen.ichne mach dicheſ froͮwe niht ferheln.ware din orden in miner e.ſo wære mir imer nach dir we.vnde han ſuſ imer nach din pin.werde vnſer zweiger chindelin.anme libe einem man gelich.deſ war der wirt ellenſ rich.geboren von anſchoͮwe.div minne wirt ſin froͮwe.ſo wirt aber er an ſtrite ein ſchur.den vinden ein herter nahgebur.wizen ſol der ſun min.ſin ene der hiez Gandin.der lach an riterſchefte tot.deſ vater leit die ſelben not.der waſ geheizen adanz.ſin ſchilt beleip vil ſelten ganz.vnde waſ von arde ein britûn.er vn̄devpandragun.waren zweier broͮder chint.die bede al hie geſchriben ſint.daz waſ einer lazaliez.pricurſ der ander hiez.der vater hiez oͮch mazadan.den foͮrte ein phimurgan.div hiez terdilatſchoie.er waſ ir herzen boige.von den zwein chom geſlaht min.daz imer me git liehten ſchin.ieſlicher ſunder krone troͮch.vnde heten werdcheit genoͮch.froͮwe wil dv toͮffen dich.dv maht noch wol erwerben mich.Ddeſ gerte ſi do wandel niht.owe wie ſchiere daz geſchiht.wil er wider wenden.vil balde ſol ichez enden.wem hat ſin manlchiv zuht.hie lazen miner minnen fruht.owe lieplich geſelleſchaft.ſol mir nv riwe mit ir chraft.imer dwingen minen lip.ſinem got zeren ſprach daz wip.ich mich gerne toͮffen ſolte.vnde leben ſwier wolte.der iamer gap ir herzen wich.ir froͮde vant den durren zwich.alſ noch div turteltube toͮt.div het ie den ſelben moͮt.ſwenne ir an frivntſchaft gebraſt.ir triwe choſ den durren aſt.div froͮwe an rehter zit genaſ.eineſ ſuneſ der zweiger farwe waſ.an dem got wunderſ wart enein.wiz vn̄de ſwarzer varwe er ſchein.div chvngin chuſt in ſunder twal.vil ditche an ſiniv blanchen mal.div moͮter hiez ir chindelin.feirefizantſchevin.der wart ein waltſwende.die toſt zeſiner hende.manch ſper zerbrachen.Vvn̄de ſchilte durchel ſtachen.alſ ein agelſter wart gevar.ſin har vn̄de och ſin vel vil gar.nv waſ ez vber deſ iarſ zil.daz Gahmvretwa gebriſet vil.wart datze zazamanch.ſin hant da ſigenvnft erranch.danoch ſwebter vf dem ſe.die ſnelen winde im taten we.do ſach er einen ſegel roten.den troͮgen chochen vn̄de die boten.die von ſchotenfridebrant.froͮn belacanen hete geſant.er bat ſi dazſe vf in verchur.ſwier den mach dur ſi verlur.daz ſi von im geſoͮchet waſ.do foͮrten ſi den adamaſ.ein ſwert den halſperch vn̄de zwo hoſen.hie mvge ir grozeſ wundeſwunderſ loſen.daz im der choche wider foͮr.alſ mir div auenture ſwoͮr.ſi gabenz im do lobt oͮch er.ſin mer der botſchefte eine wer.ware ſwenner chome zir.ſi ſchieden ſich man ſagte mir.daz mer warf in in eine habe.zeſibilie cherter abe.mit golde galt der choͮne man.ſinem marnare ſan.harte wol ſin arbeit.ſi ſchieden ſich daz waſ dem leit.zeſpange in dem lande.den chunch er erchande.daz waſ ſin neve kailet.Unach dem cherter ze dolet.U: Es ist unklar zu welchem Vers die Initiale gehört. Keiner der Umgebungsverse beginnt mit einem u. Links neben der Initiale ist eine Zeigehand eingezeichnet, die der Initiale zugewand ist.der waſ dvrch riterſchaft gefaren.da man niht ſchilte dorfte ſparen.do hiez oͮch er bereiten ſich.ſvſ wert div auenture michmit ſperen wol gemalen.von groͮnen zendalen.an ieſlichez ein banier.dri harmin ancher dran ſo phier.daz man ir iach vur richeit.ſi waren lanch vn̄de breit.vnde reihten vaſte vf die hant.da man ſi zoͮ dem iſen bant.niderhalp einer ſpanne.der wart dem choͮnen manne.wol hundert dar bereit.vnde wol hin nach geleitet.von ſineſ neven luten.geren vn̄de getruten.chunden ſin mit werdcheit.daz waſ ir herren nihtze leit.er ſtreich ineweiz wie lange nach.vnzer geſte herberge erſach.in dem lande zewaleiſ.da waſ geſlagen vor kanpholeiz.manch pavelun vf den plan.ichen ſagez iv niht fur wan.gbiet ir ſo iſt ez war.ſin volch hiez er vf halden gar.vnde ſande vor im hin in.den chloͮgen chnapen meiſter ſin.der ſolt alſ in ſin herre bat.herberge nemen in der ſtat.do waſ im ſnelichen gach.man zoch im ſoͮmare nach.ſin oͮge ninder huſ da ſach.ſchilde wæren ſin ander dach.vnde die wende alſam behangen.mit ſperen vmbe vangen.div chungin von waleiſ.geſprochen hete vor kanvoleiz.einen turnei alſo gezilt.Ddeſ mangen zagen noch bevilt.ſwa er dem geliche werben ſiht.von ſiner hant eſ niht geſchiht.ſi waſ ein maget niht ein wip.ſi bot zwei lant vn̄de ir lip.der da den briſ bezalte.diz mære mangen valte.hinderz oſorſ vf den ſamen.die ſolch gevelle namen.der tſchanze wart zefluſt geſaget.deſ phlagen helde vnverzaget.ſi tæten riterſ ellen ſchin.mit hvrtchlicher rabin.wart da manch orſ erſprenget.mit ſwerten vil gechlenget.ein ſchifpruke an einen plan.giench vber einen wazerſ tram.mit einem tor beſlozen.der chnappe vnverdrozen.tet ez vf alſ im zemoͮte waſ.dar obe ſtoͮnt der palaſ.da waſ div chunginne.zen venſteren dar inne.mit manger ivnchfroͮwen.die begunden alle ſchoͮwen.waz diſe chnappen taten.die heten ſich beraten.ſi ſloͮgen vf ein gezelt.vmbe vnvergolten minnen gelt.Vwart ez ein chunch ane.V: Es ist unklar zu welchem der Umgebungsverse die Initiale gehört.deſ twanch in belacane.mit arbeit wart vf geſlagen.daz drizch ſoͮmare moͮſen tragen.ein gezelt daz zeigte richeit.do waſ der anger wol ſo breit.daz ſich die ſnoͮre ſtrachten dran.Gahmuret der werde man.al die wile dort vze enbeiz.dar nach er ſich mit flize fleiz.wier ſtolzliche chome geriten.deſ wart do langer niht gebiten.ſine chnappen an den ſtunden.ſiniv ſper zeſamene bunden.iegelicher vunfiv an ein bant.daz ſehſte foͮrter in der hant.mit einer baniere.ſvſ chom gevaren der phiere.vor der chungin wart vernomen.wie da ein riter ſolte chomen.vz verrem lande.den niemen da erchande.ſin volch daz iſt curtoẏſ.beidiv heidenſch vn̄defranzoiſ.etſlicher mag ein anſchevin.mit ſiner ſprache vil wol ſin.ir moͮt iſt ſtolz ir wat iſt clar.wol geſniten al fur war.ich waſ ſinen chnappen bi.die ſint vor miſſewende fri.vnde iehent ſwer habe geroͮche.op der ir herren ſoͮche.den ſcheider von ſwære.von im fragete ich der mære.Ddo ſeiten ſi mir ſunder wanch.ez ware der chunch von zazamanch.diſiv mare ſeit ein garzun.avoẏ welh ein pavelun.iwer chrone vn̄de iwer lant.waren der fur niht halbez phant.dvne darf mirz alſo loben niht.min munt hinderhinwider dir vergiht.ez mach wol ſin eineſ werden man.der niht mit armoͮte chan.alſ ſprach div chungin.owe wenne chumet er ſelbe drin.ir garzun ſi deſ fragen bat.hofflichen dvrch die ſtat.der helt begunde trechen.die ſlafenden wechen.vil ſchilde ſach er ſchinen.die hellen puſinen.vor im mit chrache gaben doz.von ſlegen vn̄de mit wurfen groz.zwene tambure gaben ſchal.der galm vber al die ſtat erhal.der dôn iedoch gemiſchet wart.mit floẏtierene vf die vart.ein reiſe nôte ſi blieſen.nv ſvlen wir niht verchieſen.wie ir herre chomen ſi.dem riten fidelare bi.do leite der degen wert.ein bein fur ſich vf daz peretpheret.zwene ſtifol vber blozez bêin.ſin mvnt alſ ein rubin ſchêin.vor rote alſ ober brunne.er waſ ditche niht zedunne.ſin lip waſ alenthalben chlar.lieht reideloht ſin har.ſwa manz vor dem hoͮte ſach.der waſ ein tiwere hoͮbet dach.groͮne ſamit waſ der mandel ſin.ein zobel da vor gap liehten ſchin.obe einem hemde daz waſ planch.da wart von ſoͮwene groz gedranch.ditche do gefraget wart.wer wære der ivnge ane bart.der foͮrte ſolhe richeit.Sſchiere wart daz mære breit.ſi ſeitenz in fur vngelogen.do begunden vber die bruke zogen.ander volch vn̄de die ſine.von dem liehten ſchine.der von der chunginne ſchein.der zuchte im neben ſich ſin bein.vf rihte ſich der degen wert.reht alſ ein vederſpil daz gert.div herberge duht in goͮt.alſo ſtoͮnt deſ heldeſ moͮt.ſi dolt oͮch wol div wirtin.von waleiſ div chungin.nv frieſch der chunch von ſpange.daz vf der lewen plange.ſtoͮnde ein gezelt daz Gahmuret.durch des choͮnen razalieſ bet.beleip vor patelamunt.daz tet im ein ſin riter chunt.do foͮr er ſpringende alſ ein tîer.er waſ der froͮden ſoldier.der ſelbe riter aber ſprach.iwere moͮmenſun ich ſach.chomen alſ er ie waſ phîer.ez ſint wol hundert banîer.geſtoͮzen fur ſin hoch gezelt.zoͮ einem ſchilte vf groͮne velt.die ſint oͮch alle groͮne.ez hat der helt choͮne.dri harmin ancher wol gemal.vf iegelichen zendal.iſt er gezimiert hie.avoẏ ſo ſol man ſchoͮwen wie.ſin lip den ponder irret.Wwierz mit hvrten wirret.der ſtolze chunc harzhardiz.hat mit zorne ſinen fliz.nv lange vaſte vf mich gewant.den ſol hie Gahmureteſ hant.mit ſiner tioſte neigen.min ſalde iſt niht der veigen.ſine boten er do ſande ſan.da Gatſchier der noreman.mit ſiner maſſenie lach.vnt der liehte kiliriakach.die waren da dvrh ſine bete.zem bauelune ſi mit kailet.foͮren dvrh geſelle ſchaft.do enphiengen ſi mit liebe chraft.den werden chunch von zazamanch.ſi dvht ein beiten gar zelanch.daz ſin niht e geſahen.deſ ſi mit triwen iahen.do fragter ſi der mære.wer da riter ware.do ſprach ſiner moͮmen chint.vz verren landen hie ſint.riter die div minne iaget.vil choͮner helde vnverzaget.hie hat vil mangen britun.royſ utpandragun.ein mære in ſtichet alſ ein doren.daz er ſin wip hat verloren.div artuſeſ moͮter waſ.ein phaphe der wol zoͮber laſ.Mmit dem div froͮwe iſt hin gewant.dem iſt artuſ nach gerant.ez iſt nv daz drite iar.daz er ſun vn̄de wip verloſ vur war.hie iſt och ſiner tohter man.der wol zeriterſchefte chan.lot von norwage.gein valſcheit der trage.der ſnelle gein dem briſe.der ſtolze degen wiſe.hie iſt och Gawan deſ ſun.ſo chranch daz er niht mach getoͮn.riterſchaft deheine.er waſ bi mir der chleine.vnde giht mohter einen ſchaft.zerbrechen troſt in deſ ſin chraft.er worhte gerne riterſ tat.froͮ eſ ſin ger begunnen hat.hie habent die von patrigalt.von ſperen einen ganzen walt.der foͮre iſt wider die ein wint.die von portigal hie ſint.die heizen wir die frechen.die wellent dvrch ſchilde ſtechen.hie habent die provenzale.ſchilde wol gemale.hie ſint die waleiſe.daz ſi behabent die reiſe.dvrch den ponder ſwa ſiſ gerent.von der chraft ir landeſ ſi deſ wernt.hie iſt manch riter durch div wip.deſ niht erchennen mach min lip.wan die ih dir bennet han.wir ligen mit warheit ſunder wan.mit grozer foͮre in der ſtat.alſ vnſ div chunginne bat.ich ſage dir wer zefelde liget.die vnſer ſtrit vil ringe wiget.der werde chunch von aſcalun.vnt der freche chunch von arragun.daz iſt zitegaſt von oruleiſ.vnt der chunch von ponturteiſ.der heizet prandelidelin.hie iſt der choͮne lehelin.Hhie iſt morolt von ẏrlant.der brichet abe vnſ gabiv phant.hie ligent vf der planige.die ſtolzen almanige.der herzoge von brabant.der iſt geſtrichen in diz lant.dvrch den chunch hardizen.ſine ſweſter alizen.gap im der chunch von caſconcaſchon.ſin dienſt hat vor enphangen lon.die ſint mit zorne hie gein mir.nv ſol ich wol getruwen dir.gedenche an die triwe din.dvrch rehte liebe warte min.do ſprach der chunch von zazamanch.dv ſolt mir wizen deheinen danch.ſwaz dir min dienſt zeren toͮt.wir ſulen haben einen moͮt.ſtet din ſtruz noch ſunder neſt.dv ſolt din ſerapandrateſt.gein ſinem halben griffen tragen.min ancher vaſte wirt beſlagen.dur lenden in ſineſ ponderſ hurt.er moͮſe ſelbe ſoͮchen vûrt.hinderm orſe vf dem grieze.der vnſ zeſamene lieze.ich valt in oder er valte mich.deſ wer ich an den triwen dich.kailet zeherbergen reit.mit grozen froͮden ſunder leit.ſich hoͮp ein croẏieren.von zwein degenen phieren.von potẏtoͮwetſchierarz.vnde Gurnomanz von Graharz.die tioſtierten vf dem plan.ſich hoͮp div veſperie ſan.Hhie riten ſehſe dort wol dri.den foͮr vil lihte ein tropel bi.ſi begunden rehte riterſ tat.deſ waſ et do dehein ander rat.ez waſ danoch wol miter tac.der herre in ſinem gezelte lach.do frieſch der chunch von zazamanch.daz die ponder wit vn̄de lanch.ze velde waren worden.al nach riterſ orden.er hoͮp och ſich deſ endeſ dar.mit manger banier lieht gevar.er cherte ſich niht an gahez ſchehen.er wolte moͮzchliche erſehen.wie ez zebeider ſite da wær getan.ſinen tepech leit man vf den plan.wie ſich die ponder wurren.div orſ von ſtichen churren.von chnappen wart vmbe in ein rinch.da bi von ſwerten chlinga chlinch.wie ſi nach priſe rungen.der chlingen alſuſ chlungen.von ſpern waſ groz chrachen da.done dor*tedorfte niemen ſprechen wa.ponder waren ſine wende.die worhten riterſ hende.div riterſchaft ſo nahen waſ.daz die froͮwen vf dem palaſ.ſahen der riter arbeit.do waſ der chunginne leit.daz ſich der chunch von zazamanc.da mit den anderen niene dranc.ſi ſprach owe war iſt der chomen.von dem ich wunder han vernomen.Eez wart da harte goͮt getan.von mangem choͮnen armen man.die doch der hohe gerten niht.alſe der chungin zil vergiht.ir libeſ noch ir lande.ſi gerten andere n*phande.nv waſ och Gahmuretſ lip.in harnaſch da ſin wip.wart einer ſoͮne bi gemant.daz ir von ſchotenfridebrant.zegelte ſande fur ir ſchaden.mit ſtrite het erſe vber laden.vf erde niht ſo goͮteſ waſ.do ſchoͮwet er den adamaſ.daz waſ ein helm dar vf man bant.einen ancher da man inne vant.verwiert edel geſteine.groz niht zechleine.daz waſ iedoch ein ſwarer laſt.gezimiert wart der gaſt.wie ſin ſchilt gehert ſi.vz golde von arabi.ein richiv bukel druf geſlagen.ſware die er moͮſe tragen.div gab von rote alſolhez brehen.daz man ſich drinne het erſehen.ein zobelin ancher drunde.mir ſelbem ich wol gunde.deſ er het an den lip gegert.wan ez waſ manger marke wert.nv waſ oͮch roẏ defranze tot.deſ wip in ditche in groze not.brahte mit ir minne.div werde chunginne.het nach im dar geſant.ober wider in daz lant.ware chomen von der heidenſchaft.deſ twanch ſi grozer liebe chraft.ſin waproch waſ harte wit.ich wane niht daz ſo goͮten ſit.iemen zeſtrite foͮrte.ſin lenge tepch roͮrte.obe ihez gebroͮven chunde.er ſchein alſ obe da brunne.bi der naht ein chochez fivr.Vverblichen varwe waſ im tîvr.mit golde er gebildet waſ.zer muntanie in kauſſacaſ.abe einem velſe zarten.Griffen chla ez da bewarten.vnde ez noch hivte al da bewarent.von arabie lute varent.die erwerbent ez mit liſten da.ſ*ſo tivrz iſt ninder anderſwa.vnde foͮrent ez wider zearabi.da man div groͮnen achmardi.vvurchet vn̄de die phelle rich.ander wat iſt der vil vngelich.den ſchilt nam er zehalſe ſan.hie ſtoͮnt ein orſ vil wolgetan.gewappent vaſte vnze vf den hoͮf.hie garzun roͮfa roͮf.ſin lip ſprach dvfdrvf wan erz da vant.vil ſtarcher ſper deſ heldeſ hant.mit hurte verſwande.die ponder er zetrande.imer anderthalben vz.dem ancher volgete nach der ſtrvz.Gahmuret ſtach hinderz orſ.poitewinen von prinlacorſ.vnde anderſ mangen werden man.an dem er ſicherheit gewan.ſwaz da gekruter riter reit.die genvzen deſ heldeſ arbeit.div gewunnen orſ div gap er in.an im lach ir groz gewin.Ggelicher baniere.man foͮrte gein im viere.choͮne roten riten drunden.ir herren ſtriten chunden.an iegelicher ein griffen zagel.daz ander teil oͮch waſ ein hagel.gein riterſchaft deſ waren die.daz vorderteil deſ griffen hie.der chunch von aſconie troͮch.an dem ſchilt einen riter chloͮch.gezimiert waſ ſin lip.alſ wol geproͮven chunnen wip.der nam ſich vor den andern vz.dor vf dem helme er ſach den ſtruz.der ancher chom doch vor an in.do ſtach in hinderz orſ dort hin.der werde chunch von zazamach.vnde viengin da wart groz gedranch.hohe furhe ſleht getennet.mit ſwerten vil gechlenbetgechenbet.da wart verſwendet der walt.vnde manch riter abe gevalt.ſi wunden ſich ſuſ hort ih ſagen.hin an den ort dort hielten zagen.der ſtrit waſ wol ſo nahen.daz gar die froͮwen ſahen.wer da mit priſe ſolte ſin.der minne gernde riwalin.von deſ ſperen ſnite ein niwiv leiſ.daz waſ der chunch von lohneiſ.ſine hurte gaben chracheſ ſchal.morolt in einen riter ſtal.vz dem ſatel er in hoͮp.daz waſ ein vngefoͮger oͮp.der hiez kiliriakach.von dem het der chunch lach.Dda vor enphangen ſolhen ſolt.den er valende an der erde holt.vn̄de hetz da vil goͮt getan.do luſte diſen ſtarchen man.daz er in twunge ſunder ſwert.alſuſ viench er den degen wert.hinderz orſ ſtach kaileteſ hant.den herzogen von brabant.der hiez lambi*inelambikine.waz taten do die ſine.ſi beſchuten in mit ſwerten.die helde ſtriteſ gerten.do ſtach der chunch von arragun.den alten vtpandragun.hinderz orſ vf die planege.den chunch von britanige.do ſtoͮnt da bloͮmen vil vmbe in.we wie gefoͮge ih doch bin.daz ich den werden pr*aneiſpritaneiſ.ſo ſchone lege vor kanvoleiz.da nie getrat vilaneſ foͮz.obe ihez iv rehte ſagen moͮz.noch lihte nimer da geſchiht.er dorfte ſin geſezen niht.vf dem orſe da er ſaz.niht langer man ſin da vergaz.in beſchuten die umbe in da riten.dane wart groz hurten niht vermiten.do chom der chunch von ponturteiſ.der wart al da vor kanvoleiz.gevalt vf ſineſ orſeſ ſla.daz er der hinder lach al da.daz tet der ſtolze Gahmuret.weta herre weta wet.mit ſtrite wurden ſi geweten.ſiner moͮmen ſun kaileten.viengen ponturteiſe.da wart vil ruch div reiſe.do der chunch brandelidelin.wart gezuchet von den ſineinen anderen chunch ſi viengen.hie liefen vn̄de giengen.manch werder man in iſenwat.den wart gealunet ir brat.mit tretene vn̄de mit chulen.ir vel troͮch ſwarze bulen.die helde gehivre.er*erwurben quatſchiure.ichen ſagez iv niht vur wahe.da wart div roͮwe ſmahe.die werden twanch div minne dar.Mmangen ſchilt wol gevar.vn̄de mangen wol gezierten helm.deſ dach waſ worden der melm.daz velt etſwa gebloͮmet waſ.churz chleine groͮne graſ.da vielen vf die werden man.den div ere enteile waſ getan.doch chan min gir die wunſche dolen.daz ich geſaze et vf dem volen.do reit der chunc von zazamanch.her dan da in niemen dranch.nach einem orſe daz geroͮwet waſ.man bant von im den adamaſ.niwan durch deſ windeſ luft.anderſ durch deheinen guft.man ſtrichte im abe ſin harſnier.ſin munt waſ rot vn̄de phier.ein wip diech e gennet han.dort her chom ein ir chappelan.vnde chleiner iuncherren dri.den riten ſtarche chnapen bi.zwene ſoͮmare zugenſ an der hant.die boten hete dar geſant.div chungin anphliſe.ir chapelan waſ wiſe.vil ſchiere erchander diſen man.enfranzoiſ groͮzter in ſan.ben ſefenv miſir.miner froͮwen vn̄de mir.daz iſt roẏ de franze.die roͮret din minne lanze.dem helde gap er in die hant.einen brief dar an er groͮzen vant.vnde ein chleine vingerlin.daz ſolt ein war geleite ſin.wan ez enphie ſin froͮwe.von dem von anſchoͮwe.Eer neich do er die ſchrift erſac.nv horet rehte wie div ſprach.dir enbivt minne vn̄de groͮz.min lip dem nie wart chumberſ boͮz.ſit ich diner minne enphant.din minne iſt ſloz vn̄de bant.mineſ herzen vnt deſ froͮde.din minne toͮt mich toͮnde.ſol mir din minne verren.ſo moͮz mir minne werren.chum wider nim von miner hant.chrone zepter vn̄de daz lant.daz iſt mich ane erſtorben.daz hat din minne erworben.habe dir zeſoldemente.diſe riche preſente.in diſen vier ſoͮmſchrin.dv ſolt oͮch min riter ſin.in dem lande zewaleiſ.vor der ſtat ze kanvoleiz.ichen roͮche obez div chungin ſiht.ez mach mir vil geſchaden niht.ich bin ſchoner vn̄de richer.vnde chan och minnchlicher.minne enphahen vn̄de minne geben.wil dv nach werder minne leben.ſo habe dir mine chrone.nach minne zelone.an dem briefer niht mere vant.ſin harſenier eineſ chnapen hant.wider vf ſin hoͮbet zoch.Gahmureten truren floch.man bant im vf den adamaſ.der ditche vn̄de herte waſ.er wolt ſich arbeiten.die boten hiez er leiten.durch roͮwe underz pavelun.ſwa ged*engegedrenge waſ da machter rum.Ddirre floſ vn̄de der gewan.da maht erholen ſich ein man.heter verſumet ſine tat.al da waſ genoͮger rat.ſi ſolten tioſtieren.mit hurte punieren.ſi geloͮbten ſich der ſliche.die man heizet vrivndeſ ſtiche.heinlich gevaterſchaft.wart da zefoͮret mit zornſ chraft.da wart div chrumbe ſelten ſleht.man ſprach da wench riterſ reht.ſwer iht gewan der het im daz.eren roͮhte het eſ der ander haz.ſi waren vz verren landen.die da mit ir handen.ſchilteſ ambet worhten.vnde ſchaden wench vorhten.do wart och von Gahmuret.geleiſtet anphliſen bet.daz er ir riter wære.ein brief ſeit im daz mære.avoẏ do wart er lazen an.op minne vn̄de ellen in deſ mane.groz liebe vn̄de ſtarchiv triwe.ſine chraft im frumet al niwe.nv ſacher wa der chunch lot.ſinen ſchilt gein der herte bot.er waſ vil nach al umbe gewant.daz werte Gahmureteſ hant.mit hvrte er den ponder brach.den chunch von aragun er ſtach.hinderz orſ mit einem rore.der chunch hiez tſchiffilore.daz ſper waſ ſunder banier.da mit er valte den degen phier.er brahtez von der heidenſchaft.die ſine werten in mit chraft.iedoch vienger den werden man.die inneren taten die vzeren ſan.vaſte ritende vber velt.ir veſprie gap ſtriteſ gelt.ez moht wol ſin ein turnei.da lach manch ſper enzwei.do begunde zurnen lehelin.ſulen wir alſuſ enteret ſin.daz machet der den ancher treit.vnſer eintwedere den andern leit.noch hivte da er vnſanfte liget.ſi hant vnſ vil nach an geſiget.groz hurten gap in rumeſ vil.Ddo giengez vz dem chindeſ ſpil.ſi worhten mit ir henden.daz den walt bvnde ſwenden.daz waſ gelich ir beider ger.ſpera herre ſper a ſper.do moͮſe dulten lehelin.einen ſchemlichen pin.in ſtach der chunch von zazamanch.hinderz orſ wol ſperſ lanch.daz in den ror geſchift waſ.ſine ſicherheit er an ſich laſ.doch laſe ih ſanfter ſoͮze biren.ſwie da die riter vor im riren.der crige da vil manger wielt.ſwer ie gein ſiner tioſte hielt.hie chumt der ancher phia phi.gein im chom gehurt bi.ein furſte vz anſchoͮwe.div riwe waſ ſin froͮwe.mit vf gecherter ſpitze.daz lert in iamerſ witze.div wapen er erchande.war vmber von im wande.welt ir ich beſcheide ivch deſ.ſi gap der ſtolze Galoeſ.filẏ roiſ Gandin.der vil liebe broͮder ſin.da vor e im div minne erwarp.daz er an einer tioſte ſtarp.man bant im abe ſinen helmweder daz orſ noch den melem.ſin ſtrit nimer bante.groz iamer in deſ mante.Mmit ſinem ſinner bagte.war umber nine fragte.kaileten ſiner moͮmen ſun.waz ſin broͮder wolte toͮn.daz er niht turnierte hie.done weſſer leider reht wie.er ſtarp vor mvntori.da vor waſ im ein chumber bi.den riet ein werdiv minne.einer richen chunginne.div chom och ſit nach im in not.an chlagenden riwen lach ſi tot.Gahmuret waſ oͮch mit chlage.doch heter an dem ſelben tage.gefrumet ſo vil der ſper enzwei.ware worden der turnêi.ſo ware verſwendet von im der walt.hundert ſper im waren gezalt.div gar vertet der phiere.ſine lieht baniere.den croieren waren worden.daz waſ wol in ir orden.do kerter gein dem bavelun.der chunginne garzun.hoͮp ſich nach im vf die vart.der tiwere wapenroch im wart.dvrch ſtochen vn̄de verhoͮwen.den troͮger fur die froͮwen.der waſ danoch von golde goͮt.vnde glaſte alſ ein gloͮnde gloͮt.dar choſ man richeit.do ſprach div chungin gemeit.dich hat ein werdez wip geſant.bi diſem riter in diz lant.nv manet mich div voͮge min.daz die anderen iht vercherverchrenchetchet ſin.die div aventure brahte dar.ieſlicher neme mineſ wunſcheſ warſi ſint mir alle ſippe.von dem adameſ rippe.doch wane ich Gahmureteſ tat.den hoheſten briſ behalten hat.Ddie anderen taten riterſchaft.mit ſogetaner zorneſ chraft.daz ſiz wielchen vaſte vnze an die naht.die inneren heten die vzeren braht.mit zorne vnder div pauelvn.wan der chunch von aragun.vnde morolt von ẏrlant.durch die ſnoͮre in wære gerant.da wart gewunen vil verloren.genoͮge heten ſchaden erchoren.die anderen briſ vn̄de ere.nv iſt zit. daz man ſi chere.von ein ander niemen da geſiht.ſine wert der phandare liehtſ niht.wer ſolt oͮch vinſterlingen ſpilen.eſ moht die moͮden doch bevilen.der vinſter man vil gar vergaz.da min her Gahmuret da ſaz.alſ ez wære tach deſen waſ ez niht.da waren aber vngefoͮgiv lieht.von chleinen cherzen manch ſchoͮp.geleit vf chleboͮmin loͮp.vnde manch gulter riche.geſtrechet vlizchliche.da fur manch tepech breit.div chungin an die ſnoͮre reit.mit manger ivnchfroͮwen.ſi wolte gerne ſchoͮwen.den werden chunch von zazamanch.vil moͮder riter nach ir dranch.div tiſchlachen waren abe genomen.e ſi vnderz pavelun ware chomen.der wirt ſpranch vf vil ſchiere.vnde gevangener chunge viere.den foͮr och etſlich furſte mite.do enphienger ſi mit zvhtzvhte ſite.er geviel ir wol do ſin geſach.div chungin mit zuhten ſprach.ir ſit hie wirt da ih ivch vant.ſo bin ich wirtin vberz lant.gebiet ir daz ih ivch chuſſen ſol.ez iſt mit minem willen wol.Iiwer chuſ ſol weſen min.mvgen diſe herren gechuſſet ſin.ſol chunch oder furſte deſ enberen.ſone getar och iheſ von iv niht gegeren.ſi ſprach daz ſol oͮch geſchehen.ich han ir deheinen e geſehen.ſi chuſte al dieſ ta waren wert.deſ hete Gahmuret gegert.er bat ſitzen die chungin.min her brandelidelin.mit zvhten zoͮ der froͮwen ſaz.groͮne binz von toͮwe naz.dune vf den tepch waſ geſtroͮt.dar vf ſaz deſ ſich hie froͮet.div werde waleiſinne.ſi twanch iedoch ſin minne.er ſaz vor ir ſo nahen nider.daz ſin begreif vn̄de zoch in wider.anderhalp an ir lip.ſi waſ ein maget niht ein wip.div in ſo nahen ſitzen liez.nv horet reht wie div hiez.div chungin herzeloide.vnde ir baſe ritſchoide.fro herzeloide gap den ſchin.wæren erloſchen gar die cherzen ſin.da ware doch lieht von ir genoͮch.wan daz groz iamer vnderſloͮch.die hohe an ſiner froͮde breit.ſin minne ware ir vil bereit.ſi ſprachen groͮz nach zuhten chur.bi einer wile giengen ſchenchen fur.mit getierdegezierde von azagoͮch.dar an groz richeit niemen troͮch.die troͮgen ivncherren in.ez moͮſen tîvre naphe ſin.von edelem geſteine.wit niht zechleine.ſi waren alle ſunder golt.Ddaz waſ deſ landeſ zinſeſ ſolt.den ẏſenhart vil ditch bot.fron belacanen vur groze not.man bot in daz trichen dar.in mangem ſteine wol gevar.ſmaragede vn̄deſardin.etſlicher waſ ein rubin.fur daz pavelun do reit.zwene riter vf ir ſicherheit.die waren hin vz gevangen.vnde chomen hin in gegangen.daz eine daz waſ kailet.vnde ſach den chunch Gahmuret.ſitzen alſer ware vnfro.er ſprach wie gebarſtu ſo.din priſ iſt doch da vur erchant.fron herzeloiden vn̄de ir lant.din lip hat errungen.deſ gehent dir gar die zungen.ez ſi britvn oder ẏrſch man.oder ſwer hie wahſche ſprache chan.franzoẏſ oder brabant.die iehent vn̄de volgent diner hant.daz tir an ſo gewanten ſpilen.gelich niemen mvge gezilen.deſ liſ ich hie den waren brief.din chraft mit ellen do niht ſlief.do diſe helde chomen in not.der hant nie ſicherheit gebot.der ſtolze brandelidelin.vnt der choͮne lehelin.hardiz vn̄detſchafillor.owe razalchrazalich der mor.dem dv vor patelamunt.tæte oͮch phianze chunt.deſ gert din priſ an ſtrite.der hohe vn̄de och der wite.Mmin froͮwe mach wanen daz dv tobeſt.ſit dv mich alſuſ vor ir lobeſt.dune maht min doch verchoͮffen niht.wan etſwer wandel an mir ſihet.din mvnt iſt lobeſ zevil vernomen.ſage an wie biſtv wider chomen.div werde diet von ponturteiſ.hant mich vn̄de diſen tſchanponeiſ.lazen ledch vber al.morolt der minen neven ſtal.von dem ſol er ledch ſin.mach min her brandelidelidelinbrandelidelin.werden ledch von diner hant.wir ſin noch anderſ bede phant.ich vn̄de miner ſweſter ſun.dv ſolt an vnſ genade toͮn.hie iſt ein veſperie erliten.daz turnieren wirt vermiten.an dirre zit vor kanvoleiz.die rehten warheit ich deſ weiz.gar dvz der herte ſitzet hie.nv ſage et wa oder wie.ſi vnſ mohten vor gehalten.dv moͮſt vil briſeſ walten.div chungin ſprach ze Gahmuret.von herzen eine ſoͮze bete.ſwaz mineſ rehteſ an iv ſi.da ſult ir mich lazen bi.dar zoͮ min dienſt genaden geret.wirde ich der beider hie geweret.ſol mir daz priſ verchenchen.ſo lat mich ſunder wenchen.der chungin anphliſen.der chuſchen vnt der wiſen.vf ſpranch balde ir chapelan.er ſprach in ſol zerehte han.min froͮwe div mih in diz lant.nach ſiner minne hat geſant.ſi lebet nach im in libeſ zer.ir minne hat an im gewer.ſi ſol behalten ſinen lip.ſiſt im holt vur elliv wip.hie ſint ir boten furſten dri.driv chint vor miſſewende fri.der heizet einer lazidant.von hoher art vz groͮnelant.der iſt herze charlingen chomen.vnde hat die ſprache an ſich genomen.der ander heizet liadarz.filicunt detſchaialarz.wer der drite wære.deſ ſeiter oͮch ein mære.div liefen elliv driv fur in.ſi ſprachen herre haſtv ſin.Ddir zelt roẏ defranze.der werden minne tſchanze.ſo mahtv ſpilen ſunder phant.din froͮde iſt chumberſ ledech zehant.div botſchaft waſ och vernomen.kailet der e waſ chomen.ſaz ter chungin vnderſ mandeleſ ort.ſi ſprach hinze im diſiv wort.ſage an iſt dir iht me geſchehen.ich han ſlege an dir erſehen..ii.do begreif im div gehivre.ſine quatſchivre.mit ir linden handen wiz.an den lach der gotſ fliz.do waſ im geamiſieret.vnde ſere zerquatſchieret.huffel chine vn̄de an der naſen.er het der chunginne baſen.div diſe ere an im begiench.daz ſin mit handen zir geviench.ſi ſprach mit zvhte lere.zegahmurete mere.div werde franzoiſine.iv bivt vaſte ir minne.nv eret an mir elliv wip.vnde lat zerehte minen lip.ſit hie biz ich min reht geneme.ir lat anderſ mich in ſcheme.ditze lobt ir dirre man.ſi nam vrloͮp vn̄de foͮr von dan.ſi hoͮp kailet der degen wert.ſunder ſchamel vf ir phert.vnde cherte von ir wider in.da er vant die frivnde ſin.er ſprach zehardieze.iwer ſweſter alieze.mir minne bot die na*nam ich da.div iſt beſtæt anderſwa.werdchlicher dane zemir.durch iwer zuht lat zorneſ gir.Sſihat der furſte lambechin.enſvl ſi niht gekrotgekronet ſin.ſi hat doch werdcheit bechant.hengoͮwe vn̄debrabant.ir dienet vn̄de manch riter goͮt.cheret mir zegroͮze iweren moͮt.lat mich in iweren hulden ſin.nemet hin wider den dienſt min.der chunch von aſcone ſprach.alſ im ſin manlich ellen iach.iwer rede waſ ie ſoͮze.der ivch dar vmbe groͮze.dem ir groz laſter habet getan.der woltez iedoch durch vorhte lan.mich viench iwer moͮmen ſun.der chan an niemen miſſe toͮn.ir werdet wol ledch von Gahmuret.daz ſol ſin min erſtiv bet.swenne aber ir vnbetwungen ſit.ſo gelebet min dienſt wol die zit.daz ir mich zefrivnde nemet.ir moht ivch vorne han verſchemet.ſwaz halt mir von iv geſchiht.mich ſloͮge doch iwer ſweſter niht.der rede ſi lachten vber al.doch wart getroͮbet in der ſchal.den wirt ſin triwe mente.daz er ſich ſere ſente.iamer iſt ein ſcharfer gart.ir iegelicher innen wart.daz ſin lip mit chumber ranch.vnde al ſin froͮde waſ zechranch.do zurnde ſiner moͮmen ſun.er ſprach dv chanſt vnfoͮge toͮn.nein ich moͮz bi riwen ſin.ich ſene mich nach der chungin.die ich lie zepatelamunt.von der iſt min herze wunt.Iin reiner art ein ſoͮze wip.ir werdiv chuſche minen lip.nach ir minne iamerſ mant.ſi gap mir lute vn̄de lant.mich toͮt fro belacane.manlicher froͮden ane.ez iſt iedoch vil manlich.ſwer minen wancheſ ſchamet ſich.der froͮwen hoͮte mich vf bant.daz ich niht riterſchefte vant.der han ich hie ein teil getan.nv wænet manch vnwiſe man.daz mich ir ſwerze iagte dan.die ſach ich fur die ſunnen an.ir wiplich briſ mir foͮget leit.ſi iſt ein bukel obe der werdcheit.ich moͮz einz vnt dez ander chlagen.ich ſach mineſ broͮder wapen tragen.mit vf gechertem orte.owe mir dirre worte.daz mare wart do iamerlich.von wazer wurden div oͮgen rich.dem werden ſpangole.ei chungin anphole.dur dine minne gap den lip.Galoeſ den elliv wip.von herzen chlagen ſolten.mit triwen op ſi wolten.daz ir ſite brahte.lop ſwa manſ gedahte.chungin von auerre.ſwie wench ez dir werre.den mach ich doch durch dich verloſ.der riterlichen ende choſ.an einer tioſte div in ſloͮch.da er din chleinode troͮch.furſten die geſellen ſin.toͮnt herzenliche chlage ſchin.ſi hant ir ſchilteſ breite.nach iamerſ geleite.zer erden gecheret.groz iamer ſi daz leret.alſo toͮnt ſi riterſchaft.vnt ſint verladen mit iamerſ chraft.ſit Galoeſ miner moͮmen ſun.nach minnen dienſt niht ſol toͮn.do er gefrieſch deſ broͮder tot.daz waſ ſin ander herze not.mit iamer ſpracher diſiv wort.wie hat ſuſ mineſ ancherſ ort.in riwe ergriffen landeſ habe.der wapen teter ſich do abe.Ggroz riwe im herteſ chumberſ iach.der herre vz grozen triwen ſprach.von anſchoͮweGaloeſ.vurbaz darf niemen fragen deſ.ez enwart nie manlicher zuht.geboren der rehten milte fruht.vz dinem herzen bloͮte.nv erbarmet mich din goͮte.er ſprach ze kailet.wie gehabet ſich tuſchet.min moͮter froͮden arme.ſo daz ez got erbarme.do ir erſtarp Gandin.vndeGaloeſ der broͮder din.vnde ſi din bi ir niht ſach.der tot ir oͮch ir herze brach.do ſprach der chunch hardiz.nv cheret an manheit iweren fliz.obe ir manheit chunnet tragen.ſo ſult ir leit zemaze chlagen.do waſ ſin chumber alzegroz.ein guſſe im von den oͮgen floz.er ſchoͮf den riteren ir gemach.vnde giench da er ſine chamer ſach.ein wench gezelt von ſamit.die naht er dolte iamerſ zit.deſ morgenſ do der tach erſcheinſi wurden algeliche enein.die inneren vn̄de daz vzer her.daz ta waſ mit ſtritchlicher wer.ſi waren ivnch oder alt.oder blode oder balt.ſine ſolden tioſtieren niht.do ſchein der miter morgen lieht.ſi waren mit ſtrite alſo verriben.vnt div orſ mit ſporen ſo vertriben.daz al die frechen riterſchaft.twanch iedoch der moͮde chraft.div chungin reit do ſelbe.nach dem werden zevelde.vnde foͮrte ſi mit ir in die ſtat.Ddie beſten ſi dort inne bat.daz ſi zer lewe planie riten.da wart ir bete niht vermiten.ſi foͮren daman meſſe ſanch.demtrurigen chunge von zazamanch.do der benzbenditz wart getan.fro herzeloide chom da ſan.an gahmuretſ lip ſi ſprach.vnde gerte alſ ir div volge iach.do ſprach er froͮwe han ein wip.div mir iſt lieber dane der lip.obe ich der ane wære.danoch weſſe ich ein mære.da mit ih iv enbraſte gar.name iemen mineſ rehteſ war.ir ſult die morinne.lan durch mine minne.deſ toͮfeſ ſegen hat grozer chraft.anet ivch der heidenſchaft.minnet mich nach vnſer e.mir iſt nach iweren minnen we.oder ſol mir gein iv ſchade ſin.der franzoiſer chungin.der boten ſprachen ſoͮziv wort.vnde ſpielden ir mære vnze an den ort.er ſprach div iſt min froͮwe.ich braht in anſchoͮwe.ir rat an miner zuhte ſite.mir wonet noch hivte ir helfe mite.da von daz mich min froͮwe zoch.die wibeſ miſſewende floch.wir waren chinder beidiv do.vnt doch zeſehne ein ander fro.div chungin anfliſe.wonet in wibeſ priſe.mir gap div gehivre.von dem lande die beſten ſtivre.do greif ich willchlichen zoͮ.ich waſ do ermer dane nv.Zzelt mih fur die armen.ich ſolt ivch froͮwe erbarmen.mir iſt min werder broͮder tot.dvrch iwer zuht lat mich an not.chert minne da div froͮde ſi.mir iſt niht wan chumber bi.lat mich den lip niht langer zeren.ſaget an wie welt irſ ivch erwern.ich ſage nach iwer frage ger.ez wart ein turnei da her.geſprochen deſ newart hie niht.manch gezivch mir deſ giht.den hat ein veſprie erlemet.hie ſint die frechen ſo gezemet.daz der turnei der von verdarp.iwere ſtete wer ich warp.mit den diez goͮt hie hant getan.ir ſult mih not rede erlan.ez tet hie manch riter baz.iwer reht iſt gein mir vil laz.niwan iwer gemeiner groͮz.obe ich den von iv haben moͮz.alſ vnſ div auenture ſaget.do nam der riter vn̄de div maget.einen rihtare vber ir beider chlage.do nahet ez dem miten tage.man ſprach ein vrteil alzehant.ſwelch riter helm hie vf gebant.der her dur riterſchaft waſ chomen.hat der den briſ hie genomen.den ſol div chunginne han.deſ wart ein vrteil getan.ſi ſprach herre nv ſit ir min.ich toͮn iv dienſt nach hulden ſchin.vnde foͮge iv ſolher froͮden teil.daz ir nach iamere werdet geil.er het iedoch von iamer pin.nv waſ deſ aberellen ſchin.zer gangen dar nach chomen waſ.churz chleine groͮne graſ.daz velt waſ gar vergroͮnet.daz blodiv herze choͮzetchoͮnetvon dem ſoͮzen luft deſ meigen.ſin art von der pheigen.moͮſe minnen oder minne gern.deſ wolt in frivndin da gewern.an die chungin er ſach.ſin ſoͮzer mvnt mit zuhten ſprac.Ffroͮwe ſul ih mit iv geneſen.ſo lat mich ane hoͮte weſen.verlat mih imer iamerſ chraft.ſo tæte ich gerne riteſchaftriterſchaft.lat ir niht turnieren mich.ſo chan ich noch den alten ſlich.alſ ich minem wibe entran.die ich oͮch mit riterſchaft gewan.do ſi mich vf von ſtrite bant.ich liez ir lip vn̄de lant.herre nemet iv ſelbe zil.ich laze iv iwerſ willen vil.ich wil frumen noch vil der ſper enzwei.aller mangelich einen tvrnei.deſ ſult ir froͮwe roͮchen.daz ih die moͮze ſoͮchen.diz lobte ſi wart mir geſaget.er enphie daz lant vn̄de och die maget.diſiv driv chivnch herrelin.anphliſen der chungin.hie ſtoͮnden vn̄de ir chappelan.da volge vn̄de vrteil wart getan.der phafe ez horte vn̄de ſach.heinliche er gahmureten ſprach.man tet miner froͮwen chunt.daz ir vor patelamunt.den hoheſten priſ behielt.vnt zweiger lande wieltet.ſi hat oͮch lant vn̄de moͮt.vnde git iv lip vn̄de goͮt.do ſi mir gap die riterſchaftdo moͮſe ich nach der ordeneſ chraft.alſ mir deſ ſchilteſ ambet ſaget.der bi beliben vnverzaget.wan daz ich ſchilt von ir gewan.ez ware noch anderſ vngetan.ich werdeſ trurech oder geil.mich behabt hie riterſ vrteil.vart wider ſaget ir dienſt min.ich ſol iedoch ir riter ſin.Oobe mir alle chrone waren bereit.ih han nach ir min hoheſt leit.er bot in ſine groze habe.ſiner gabe taten ſiſich abe.die boten foͮren zelande.gar ane ir froͮwen ſchande.ſine gerten vrloͮbeſ niht.alſ ditche in zorne noch geſchiht.ir chnapen furſten diſiv chint.waren von weinen vil nach blint.die den ſchilt verchert hant getragen.den begunde ir frivnt zefelde ſagen.fro herzeloide div chungin.hat behabet den anſchevin.wer waſ von anſchoͮwe da.vnſer herre iſt leider anderſwa.dvr riterſ priſ zeſarazin.daz iſt nv vnſer hoheſter pin.der da den priſ hat bezalt.vnde mangen riter abe gevalt.der ſo ſtach vnt der ſo ſloͮch.vnt der den tiwren ancher troͮch.vf dem helme lieht geſteinet.daz iſt den ir da meinet.vnſ ſaget der chunch kailet.der anſchevin wære gahmuret.dem ſi da wol gelungen.ze orſen ſi do ſprungen.ir wat wart von den oͮgen naz.do ſi chomen da ir herre ſaz.ſi enphiengen in er enphien oͮch ſi.froͮde vn̄de iamer waſ ta bi.do chuſter die getriwen.er ſprach ivch ſol niht riwen.zevmazer wiſe der broͮder min.ich mach ivch wol ergetzen ſin.Echert vf den ſchilt nach ſiner art.habet ivch an der froͮden vart.ich wil mineſ vater wapen tragen.ſin lant min ancher hat beſlagen.der ancher iſt ein rechen zil.den neme vn̄de trage nv ſwer der wil.ich moͮz nv lebeliche.gebaren ich bin riche.wan ſol ich volkeſ herre ſin.dem tæte we der chumber min.froͮwe chungin helfet mir.daz wir biten ich vn̄de ir.chunge vn̄de furſten die hie ſin.daz ſi dur den dienſt min.beliben biz ir mich gewert.deſ minnen werch zeminnen gert.die bete warb ir beider munt.die werden lobten ez zeſtunt.iegelicher foͮr an ſin gemach.div chungin zir frivnde ſprach.nv halt ivch an mine phlege.ſi wiſte in heinliche wege.ſiner geſte phlach man wol zefrumen.ſwar halt ir wirt ware chomen.daz geſinde wart gemeine.doch foͮr er dan aleine.wan zwei ivncherrelin.ivnchfroͮwen vnt div chungin.in foͮrten da er froͮde vant.vnde al ſin truren gar verſwant.entſchunphiert wart ſin riwe.ſin hoch gemoͮte al niwe.daz moͮſe iedoch von liebe ſin.fro herzeloide div chungin.ir maget toͮm da ane wart.die munde waren vngeſpart.die begunden ſi mit chuſſen zeren.dem amer von den froͮden weren.dar nach er eine zuht begiench.ſi wurden ledch die er da viench.hardiz vn̄dekailet.die verſoͮnde gahmuret.da ergiench ein ſolch hoch zit.ſwer der hat gelichet ſit.deſ hant iedoch gewalteſ phlach.Gahmuret ſich deſ bewach.ſin habe div waſ vngeſpart.arabenſch golt geteilt wart.armen riteren algemeine.den chungen edel geſteine.teilte gahmureteſ hant.vnde ſwaz er da furſten vant.da wart daz varnde volch vil geil.die enphiengen richer gabe teil.Llat riten die da geſte ſin.den gap vrloͮp der anſchevin.daz pantel daz ſin vater troͮch.von zobele vf ſinen ſchilt manz ſloͮch.al chleine wiz ſidin.ein hemde der chungin.alſ ez roͮte ir blozen lip.div nu worden waſ ſin wip.daz waſ ſineſ halſpergeſ dach.ahtzeheniv maner dvr ſtochen ſach.vnde mit ſwerten gar zerhoͮwen.e er ſchiede von der froͮwen.daz leite ſi an ir bloze hut.ſo chom von riteſchaft ir trut.der mangen ſchilt vil durchel ſtach.ir zweiger minne triwen iach.er hete werdcheit genoͮch.do in ſin manlich ellen troͮch.hin vber gein der herte.mich iamert ſiner verte.im chom ein wariv botſchaft.ſin herre der barruch ware mit chraft.vber riten von babilon.einer hiez ipomidon.der ander ponpeiruſ.den nenet div auenture ſuſ.daz waſ ein ſtolz werder man.niht der von rome entran.iulivſ da bevor.der chunch nabchodonoſor.ſiner moͮter broͮder waſ.der an trugelichen boͮchen laſ.er wolt ſelbe ſin ein got.ez ware nv der lute ſpot.ir lip ir goͮt waſ vngeſpart.die gebroͮder waren von hoher art.von linuſ der gewalteſ phlach.e geſtiftet wurde baldach.der ſelbe ſtift oͮch ninve.in tet ſchade vn̄de laſter we.der iach der baruch ze urboren.deſ wart gewunnen vn̄de verloren.Ggenoͮch zebeiden ſiten.man ſach ta helde ſtriten.do ſchifte er ſich vber mer.vn̄de vant den barruch mit wer.mit froͮden er enphangen wart.ſwie mich iamer ſiner vart.waz ta geſchahe wiez dort erge.gewin vn̄de fluſt wie daz geſte.deſ weiz fro herzeloide niht.div waſ alſ div ſunne lieht.vnde het minnchlichen lip.richeit bi ivgent phlach daz wip.vnde froͮden mere dane vil.ſi waſ gar obe dem wunſcheſ zil.ſi cherte ir herze an goͮte chunſt.deſ beiagte ſi der werlte *gunſt.div vil reine chungin.ir ſite an lobe vant gewin.ir ſite waſ vur briſ erchant.der chungin vber driv lant.waleiſ vn̄deanſchoͮwe.dar vber waſ ſi froͮwe.ſi troͮch och chrone zenurgalſ.inder hoͮbet ſtat zekinrivalſ.ir waſ oͮch wol ſo liep ir man.obe iedehein froͮwe me gewan.ſo lieben frivnt waz war ir daz.ſi moͮhtez lazzen ane haz.do er vze beleip ein halbez iar.ſineſ chomenſ wart ſi vur war.daz waſ ir lip gedinge.do braſt ir froͮden chlinge.enmiten in dem hefte enzwei.owe vn̄de heia hei.daz oͮ*goͮt alſolhen chumber treit.vnde imer triwe amer weiget.alſuſ vert div menſcheit.hivte liep morgen leit.Ddiv froͮwe vmbe einen miten tach.eineſ angeſlichen ſlaffeſ phlacir chom ein vorhtlicher ſchrich.ſi dvhte wie ein ſternen blich.ſi gein den lufeten foͮrte.da ſi mit chreften roͮrte.manch fivrin doner ſtral.flugen alzemal.gein ir do ſuft vn̄de ſanch.von gnaneiſte ir zophe lanch.mit chrache gap der doner duz.brinnde zahere waſ ſin guz.ir lip ſi dar nach wider vant.ir zvcht ein griffe ir zeſwe hant.daz wart verchert hie mite.ſi dvhte wunderlicher ſite.wie ſi wære eineſ tierſ amme.daz ſit zerfoͮrte ir wambe.wie ein trache ir bruſte ſuge.vnde wie der gaheſ von ir fluge.ſo daz ſin nimer me geſach.daz herze erre vz dem libe brach.die forhte moͮſe ir oͮgen ſehen.ez iſt ſelten wibe me geſchehen.in ſlaffe chumber dem gelich.da vor waſ ſi riterlich.owe daz wirt verkert w*gar.ſi wart nach iamer nv gevar.ir ſchade wirt lanch vn̄de breit.ir nahent chomendiv herzeleit.div froͮwe do begunde.deſ ſi da vor niht chunde.beidiv zabelen vn̄de woͮffen.in ſlaffe lute roͮffen.vil ivnchfroͮwen ſazen hie.die ſprungen vf vn̄de wachten ſie.do chom geriten tampaniſ.ir manneſ chnappen meiſter wiſ.vnde chleiner ivncheren vil.da giengez vz der froͮden zil.ſi ſagten chlagende ir herren tot.deſ chom div chungin in not.ſi viel hin vnfer ſunnen.die riter ſprachen wie iſt gewunnen.min herre in ſinem harnaſch.ſo wol gewapent er waſ.ſwie den chnappen iamer iagte.den helden er doch ſagete.minen herren lebenſ lenge floch.Sſin harſenier er von im zoch.deſ twanch in ſtarchiv hitze.gevnertiv heldeſ witze.hat vnſ benomen den helt goͮt.ein riter hete bokeſ bloͮt.genomen in ein langez glaſ.daz ſloͮger vf den adamaſ.do warder weicher dane ein ſwamp.den man noch malet fur daz lamp.vnt daz chruze hat vnder ſinen chlan.dem erbarme daz ta ſi getan.do ſi mit ſcharen ze ein ander riten.aphoy wie da wart geſtriten.deſ parrucheſ riterſchat.ſich werte wol mit ellenſ chraft.vor baldach vf dem gevilde.dvr ſtochen wart vil ſchilde.da ſi zein ander gahten.die ponder ſich ta flahten.ſich wurren die banier.da vie vil manch degen phier.do worht al da mineſ herren hant.da von ir aller briſ verſwant.ſuſ chumchom gefaren ipomidon.mit tode er minem herren lon.gap daz er in nider ſtach.daz manch tuſent riter ſach.vor alexandrie.min herre valſcheſ vrige.gein dem chugechunge cherte.deſ tioſt in ſterben lerte.ſinen helm verſneit deſ ſperſ ort.dur ſin hoͮbet wart gebort.daz man den trunzun drine vant.iedoch geſaz der wigant.al toͮnde er vz dem ſtrite reit.vf einen plan der waſ breit.do chom vber in ſin chappelan.Eer ſprach mit churzen worten ſan.ſinſine bihte vn̄de ſande her.diz hemde vn̄de daz ſelbe ſper.daz vnſ von im geſcheiden hat.er ſtarp ane alle miſſetat.ivncherren vn̄de die chnappen ſin.bevalch er der chungin.er wart geleit ze baldach.div choſt den barruch ringe wach.mit golde wart ſin grap gehert.groz richeit dran gechert.von edelem geſteine.dar inne lit der reine.gebalſemt wart ſin ivnger re.ſin tot tet ſarazinen we.ein tivre rubin iſt der ſtein.obe ſinem grabe da durch er ſchein.vnſ wart gefolget hie mit.ein chruze nach der marter ſit.alſ vnſ chriſt deſ todeſ loſte.lie man ſtozen im zetroſte.zeſcherme der ſele vberz grap.der barruch die choſte gap.ez waſ ein tivre ſmarat.wir tatenz ane der heiden rat.ir orden chan niht chruzeſ phlegen.alſ chriſteſ tot vnſ lie den ſegen.ez betent heiden ſunder ſpot.an in alſ an ir werden got.niht dur deſ chruzeſ ere.noch dvr deſ toͮffeſ lere.der zem vrteillichen ende.vnſ loſen ſol der gebende.div manliche triwe ſin.git im zehimele liehten ſchin.vnde oͮch ſin riwch bihte.der valſch waſ an im ſihte.in ſinen helm den adamaſ.epitaphium ergraben waſ.verſigelt vfez chvrze vf dem grabe.ſuſ ſageten die boͮchſtabe.Ddur diſen helm ein tioſte ſloͮch.den werden der ellen troͮc.gahmvret er waſ genant.gewaltch vber driv lant.ieſlichez im der chrone iah.da giengen riheriche furſten nach.er waſ von anſchoͮwe geboren.vnde hat vor baldach verloren.den lip *urdur den barruch.ſin briſ gap ſo hohen roͮch.daz niemen reichet an ſin zil.ſwa man nu riter broͮven wil.er iſt von moͮter vngeboren.zoͮ dem ſin ellen habe geſworen.ich meine der ſchilteſ ambet hat.helfe vn̄de manlich rat.gap er mit ſtate den friunden ſin.: Am linken Zeilenrand Blumenornament.er leit durch wip vil ſcharfen pin.er troͮch den toͮf vn̄dechriſten ê.ſin tot tet ſarazinen we.ane liegen daz iſt war.ſiner zit verſunnchlichiv iar.ſin ellen ſo nach priſe warp.mit riterlichem priſe er ſtarp.e hete valſcheit angeſiget.wunſchet im heileſ da er hie liget.diz waſ alſ der knape iach.vil waleiſe man da weinen ſach.ſi moͮſen wol von ſchulden chlagen.div froͮwe hete getragen.ein chint daz in ir libe ſtiez.die man an helfe ligen liez.ahtzehen wochen hete gelebet.deſ moͮter mit dem tode ſtrebet.fro herzeloide div chungin.die anderen heten chranchen ſin.daz ſi hulfen niht dem wibe.wan ſi troͮc in ir libe.der aller riter bloͮme wirt.obe in ein ſterben hie verbirt.do chom ein altwiſe man.dur chlage vber die froͮwen gan.al da ſi mit dem tode ranch.die zene er ir von ander twanch.man goz ir wazer in den mvnt.do wart ir verſinnen chunt.ſi ſprach owe war chom min trvt.div froͮwe chlagte in vber lut.mineſ herzen froͮde breit.waſ gahmveteſ werdcheit.den nam mir ſin vrechiv ger.ich waſ vil ivnger dane er.Uvn̄de bin ſin moͮter vn̄de ſin wip.ich trage al hie doch ſinen lip.vn̄de ſineſ verheſ ſamen.den gaben vn̄de namen.vnſer zweiger minne.habe got getriwe ſinne.ſo lazer mirn zefruht chomen.ich han doch ſchaden zevil genomen.an minem lieben werden man.wie hat der tot zemir getan.der gewan nie wibeſ minnen teil.eren ware al ir froͮden geil.in moͮte wibeſ riwe.daz riet ſin manlich triwe.er waſ gar valſcheſ lare.nv horet ein ander mare.waz div froͮwe do begiench.chint vn̄de lip ſi zir geviench.mit armen vn̄de mit henden.ſi ſprach mir ſol got ſenden.die werden fruht von Gahmuret.daz iſt mineſ herzen bet.got wende mich ſo tumber not.daz ware gahmuretſ ander tot.obe ih mih ſelben ſloͮge.die wile daz ich troͮge.daz ich von ſiner minne enphie.der manneſ triwe an mir begie.div froͮwe enroͮht wer daz ſach.daz hemde ſi von der bruſte brach.ir bruſte linde vn̄de wiz.dar an cherte ſi ir vliz.ſi druchte ſi an ir roten munt.ſi tet wipliche foͮre chunt.alſo ſprach div wiſe.dv biſt chaſte eineſ chindeſ ſpiſe.die hat ez vor im her geſant.ſit ichez lebende in dem libe vant.Ddiv froͮwe ir willen dar an ſach.daz div ſpiſe waſ ir herzen dach.die milch in ir tutelin.druchte druz div chungin.ſi ſprach dv biſt von triwen chomen.het ich deſ toͮfeſ niht genomen.dv wareſt wol mineſ toͮfeſ zil.ich ſol mich begiezen vil.mit dir vn̄de mit den oͮgen.offenliche vn̄de toͮgen.wan ih wil gahmureten chlagen.div froͮwe hiez dar naher tragen.ein hemde nach bloͮte var.dar inne deſ parrucheſ ſchar.gahmuret den lip verloſ.der wedchlichenwerdchlichen ende choſ.mit rehter manlicher ger.div froͮwe fragete oͮch nach dem ſper.daz gahmvret gap den re.ipomidon von ninve.gap alſuſ werlichen lon.der werde ſtolze babilon.daz hemde ein hader waſ von ſlegen.div froͮwe woltz an ſich legen.alſi dafor hete getan.ſwene chom von riterſchaft ir man.do brachen ſiz ir vz der hant.die beſten vber al daz lant.beſtaten ſper vn̄de bloͮt.zemvnſter ſo man toten toͮt.in gahmuretſ lande.man iamer do bechande.dar nach vber den vierzehenden tach.div froͮwe eineſ chindeſ gelach.eineſ ſuneſ der ſolher lide waſ.daz ſi vil chume dran genaſ.hie iſt der auentvre wurf geſpilt.vnde ir beginnenſ gezilt.Wwan er iſt alrerſt geboren.dem diz mare wart erchoren.ſineſ vater froͮde vn̄de deſ not.beidiv ſin leben vn̄de ſinen tot.deſ habt ir e ein teil vernomen.nv wizet wa von iv ſi chomen.diſeſ marſ ſachwalte.vnde wie man den behalte.man bargin von riterſchaft.e er chome an ſiner witze chraft.do div chungin ſich verſan.vnde ir chindelin zoͮ ir gewan.ſi vnde ander froͮwen.alenthalben ſin begunden ſchoͮwen.zwiſchen den beinen ſin viſelin.do moͮſer vil gebriſet ſin.do er hete manlichiv lit.er wart mit ſwerten ſit ein ſmit.vil vurſviurſ er von helme ſloͮch.ſin herze manlich ellen troͮch.ſine moͮter deſ geluſte.daz ſin vil ditche chuſte.div chungin ſprac enallen fliz.bon fiz tſchier fiz beanfiz.div chungin nam do ſunder twal.ir iv roten velewelohten mal.ich meine ir tutelinſ granſel.ſi ſchoͮp ſim in ſin vlanſel.ſelbe waſ ſin amme.div in troͮch in ir wambe.an ir bruſte ſi in zoch.die wibeſ miſſewende floch.ſi dvhte ſi hete gahmvreten.wider an ir arm erbeten.ſi cherte ſich niht an loſheit.diemoͮt waſ ir bereit.fro herzeloide ſprach mit ſinne.div hoheſte chunginne.ieſuſ ir bruſte bot.der ſit dvrch vnſ vil ſcharphen tot.ame chruze menſliche enphie.vnde ſine triwe an vnſ begie.ſweſ lip ſinen zoren erringet.div ſele vnſanfte dinget.wie chuſcher ſi vn̄de ware.deſ weiz ih wariv mære.ſich begoz deſ landeſ froͮwe.mit ir herzen iamerſ toͮwe.ir oͮgen regenden vf den chnaben.ſi chunde wibeſ triwe haben.bediv ſuften vn̄de lachen.chunde ir munt vil wol gemachen.ſi froͮte ſich ir ſuneſ geburt.ir ſchimph er tranch in riwen furt.Sſwer nv wiben ſpricht baz.daz laze ich weiz got ane haz.ich frieſche gerne ir ere breit.wan einer bin ih vnbereit.dienſlicher triwe.min zorn iſt imer niwe.gein ir ſit ichſe an wanche ſach.ich bin wolfram von eſchenbach.vnt chan ein teil mit ſange.vnt bin ein habendiv zange.mit zorne gein einem wibe.div hat minem libe.erboten ſolhe miſſetat.ich han ſi hazeneſ deheinen rat.dar vmbe han ich der andern haz.owe warumbe toͮnt ſi daz.al ein iſt mir ir hazzen leit.ez iſt iedoch ir wipheit.ſit ich mich verſprochen han.vnde an mir *bemſebem miſſetan.daz lihte nimer mer geſchiht.doch ſulen ſi ſich vergahen niht.mit hurte an min hamit.ſi vindent werlichen ſtrit.ich han deſ niht vergezen.ichne chunne wol gemezen.beidiv ir gebarde vn̄de ir ſite.ſwelhem wibe volget chuſſchechiuſche mite.der lobeſ chemphe wil ih ſin.mir iſt von herzen leit ir pin.ſin lop hinchet ame ſpat.der allen wiben ſprichet mat.dvrch ſin eineſ froͮwen.ſwelhiv min reht wil ſchoͮwen.beidiv ſehen vn̄de horen.die wil ich niht betôren.ſchilteſ ambet iſt min art.ſwa min ellen ſi geſpart.ſwelhiv mich minnet vmbe ſanch.div duchet mich ir witze chranch.Oobe ich werdeſ wibeſ minne ger.muge ich mit ſchilt vn̄de mit ſper.verdienen niht ir minnen ſolt.al dar nach ſi mir holt.vil hoheſ topeleſ er doch ſpilt.der mit riterſchaft nach minnen zilt.hetenz div wip niht fur ein ſmeichen.ich wolt furbaz reichen.an diſem mare vnchundiv wort.ich ſprache die auenture vort.ſwer eſ von mir geroͮche.der zel ſi zedeheinem boͮche.wan ich chan deheinen boͮchſtap.da nement genoͮge ir vrhap.diſiv auenture.vert ane der boͮche ſtîvre.e man ſi hete fur ein boͮch.ich ware e nachent ane toͮch.ſo ich in dem bade ſaze.obe ich deſ choſten niht vergaze.ez machet trurch mir den lip.daz ſo mangiv heizet wip.ir ſtime ſint geliche hel.genoͮge ſint gein valſche ſnel.etſliche valſcheſ lare.hie teilent ſich div mare.daz ſi gelich ſint genant.deſ hat min herze ſich geſchamet.wipheit in ordenlichem ſite.dem vert vn̄de foͮr ie triwe mite.genoͮge ſprechent armoͮt.daz div ſi zenihte goͮt.die dolte wip dvrch triwe.deſ wart ir gabe niwe.zehimele mit endeloſer gebe.ich wane ir nv vil wench lebe.Ddie ivnch der erde rihtoͮm.zlazen durch deſ himeſhimelſ roͮm.ich erchenne ir nehein.man vn̄de wip ſint mir alein.die meine ih algeliche.fro herzeloide div riche.ir drier lande wart ein gaſt.ſi troͮch der froͮden mangelſ laſt.der valſch vil gar an ir ver ſwant.oͮge noch ore in nie da vant.ir waſ ein nebel div ſunne.ſi floch der werlde wunne.ir waſ gelich naht vn̄de tach.ir herze niht wan iamerſ phlach.ſich zoch div froͮwe iamerſ balt.vz ir lande in einen walt.zer woͮſten ſoltanie.niht durch bloͮmen vf die planie.ir herzen iamer waſ ſo ganz.ſi cherte ſich an deheinen chranz.er wære rot oder val.ſi brahte dar durch fluhte ſal.deſ werden gahmuretſ chint.lvte die da bi ir ſint.moͮſen bwenbvwen vn̄de ruten.ſi chunde wol getruten.ir ſun e daz ſich der ver ſan.ir volch ſi gar vur ſich gewan.ez ware man oder wip.den gebot ſi allen an den lip.dazſe imer riterſ wurden lut.wan frieſche daz mineſ herzen trut.welch riterſ leben wære.daz wurde mir vil ſware.nv habet ivch an der witze chraft.vnde helt in alle riterſchaft.der ſit foͮr angeſliche vart.der nabechnabe alſuſ verborgen wart.zer woͮſten ſoltanie erzogen.an chundchlicher foͮre betrogen.ez en moht an einem ſite ſin.bogen vn̄de bolzelin.ſneit er mit ſin ſelbeſ hant.vnde ſchoͮz vil vogele die er vant.ſwenne aber er den vogel erſchoz.deſ ſchal von ſange e waſ ſo groz.ſo weinder vn̄de roͮfte ſich.an ſin har chert er gerich.ſin lip waſ clar vn̄de phier.Vvf dem plan bi einem rivier.twoͮger ſich alle morgen.er chunde wench ſorgen.ez en ware obe im der vogele chlanc.die ſoͮze in ſin herze dranch.daz erſtrachte im ſiniv bruſtelin.al weinende er lief zer chungin.ſo ſprach ſi wer hat dir getan.dv wære hin vz vf den plan.er chunde eſ ir geſagen niht.alſ lihte chinden noch geſchiht.dem mare gie ſi lange nach.eineſ tageſ ſi in chaphen ſach.vf die boͮme nach der vogele ſchal.ſi wart wol innen daz et ſwal.von der ſtimme ir chindeſ bruſt.deſ twangin art vn̄de ſin geluſt.div chunginne cherte ir haz.a die vogele ſine weſſe vmbe waz.ſi wolt ir ſchal verchrenchen.ir bvlute vn̄de ir enchen.hiez ſi balde *gahen.vogele wurgen vn̄de vahen.die vogele waren baz geriten.etſlicheſ ſterben wart vermiten.ir beleip da lebendch ein teil.die ſit mit ſange wurden geil.der chnappe ſprach zer chungin.waz wizet man den vogelin.er gert in frideſ ſa zeſtunt.div moͮter chuſte in an den munt.ſi ſprach weſ wende ich ſin gebot.der doch iſt der hoheſte got.ſulen vogele dur mich froͮde lan.der chnap*chnappe ſprach zermoͮter ſan.owe moͮter waz iſt got.ſun ich ſage dirz ane ſpot.er iſt noch liehter dane der tach.der antlutzeſ ſich bewach.Nnach menſchen antlutze.ſun merke eine witze.flege in vmbe dine not.ſin trivwe deder werlt werlt ie helfe bot.ſo heizet einer der helle wirt.der iſt ſwarz vntriwe in niht verbirt.von dem chere dine gedanche.vnde och von zwifelſ wanche.ſin moͮter vnder ſchiet im gar.daz vinſter vn̄de och daz lieht gevar.dar nach ſin ſnelheit verre ſpranch.er lernete den gabiloteſ ſwanch.da mit er mangen hirz erſchoz.deſ er vn̄de ſin volch genoz.ez wære aber oder ſne.dem wilde tet ſin ſchiezen we.nv horet fromdiv mære.ſwenner erſchoz daz ſwære.eſ wære ein mul geladen genoͮch.alſ vnzer worht hin heim erz troͮch.eineſ tageſ gienger den weide ganch.an eine halden div waſ lanch.er brach dvrch blate ſtimme ein zwich.bi im nahen giench ein ſtich.da hort er ſchal von hoͮfſlegen.ſin gabilot begunder wegen.do ſpracher waz han ich vernomen.wan wolt et nv der tivfel chomen.mit grime zorneſ riche.ich beſtoͮnde in ſicher liche.min moͮter fraiſe von im ſaget.ich wane ſi ellenſ ſi verzaget.alſuſ ſtoͮnt er in ſtriteſ ger.nv ſeht dort chom geſchuftet her.zwene riter nach wunſche var.von foͮze vf gewapent gar.Dder chnappe wande ſunder ſpot.daz ieſlicher ware ein got.do ſtoͮnt oͮch niht lenger hie.in dem phade viel er vf ſiniv chnie.vil lute rief der chnappe ſan.hilf got dv maht wol helfe han.der vordere zorneſ ſich bewach.do der chnappe in dem phade lach.dirre torſche waleiſe.vnſ wendet gahe reiſe.den priſ den wir beiger tragen.moͮz ich von waleiſen ſagen.die ſint torſcher danne beigeſch her.vnt doch bi manlicher wer.ſwer in den zwein landen wirt.gefoͮge ein wunder an im birt.do chom geloiſiert.vnde wol gezimiert.ein riter dem waſ harte gach.er reit in ſtritchlichen nach.die verre fur in waren chomen.zwene riter heten im genomen.eine froͮwen in ſinem lande.den helt ez dvhte ſchande.in moͮte der ivnchfroͮwen leit.div iamelichen vor im reit.diſe dri waren ſine man.er reit ein ſchone chaſtelan.ſineſ ſchilte waſ vil wenc ganz.er hiez karnakarnanz.lech cunſ vltrech.er ſprach wer irret vnſ den wec.ſuſ voͮr er zoͮ dem chnappen ſan.den duhter alſ got getan.er hete ſo liehteſ niht erchant.vf dem toͮwe der wapen roch erwant.mit guldinen ſchellen chleine.vor ietwederm beine.waren die ſtegreife erchlenget.vnt zerehter maze erlenget.ſin zeſwer arm von ſchellen chlanc.ſwar er in bot oder ſwanch.der waſ durch ſwertſlege ſo hel.der helt waſ gein briſe ſnel.ſuſ voͮr der furſte riche.gezimiert wunchliche.Aaller manne ſchone ein bloͮmen chranz.den fragte karnakarnanz.ivcherre ſaht ir fur ivch varen.zwene riter die ſih niht bewaren.chunnen an riterlicher zunft.ſi ringent mit der not nvnft.vnde ſint an werdcheit verzaget.ſi foͮrent roͮbeſ eine maget.der chappe wande ſwaz er ſprach.er ware ein got alſ im veriach.fro herzeloide div chungin.do ſim vnder ſchiet den liehten ſchin.do rief er lute ſunder ſpot.nv hilf mir helfe richer got.vil ditche viel an ſin gebet.viliroẏſ Gahmvret.der furſte ſprach ih bin niht got.ich leiſte aber gerne ſin gebot.dv maht hie vier riter ſehen.op duſe zerehte chundeſt ſpehen.der chnappe fragte vurbaz.dv neneſt riter waz iſt daz.habeſtv niht gotelicher chraft.ſo ſage mir wer git riterſchaft.daz toͮt der chunch artuſ.ivncherre chomet ir in deſ huſ.er bringet ivch an riterſ namen.daz irſ ivch ninder durft ſchamen.ir muget wol ſin von riterſ art.von den helden er beſchoͮwet wart.do lach div gotſ chunſt an im.von der auenture ich daz nime.div mich der warheit deſ beſchiet.nie manneſ varwe baz geriet.vor im ſit adameſ zit.deſ wart ſin lop von wiben wit.aber ſprach der chnappe ſan.da von ein lachen wart getan.Aâi ritter goͮt waz mahte ſin.dv haſt ſuſ manch vingerlin.an dinen lip gebunden.dort oben vn̄de hie vnden.begreif gar deſ chnappen hant.ſwaz er ẏſerſ an dem furſten vant.dez harnaſch begunder ſchoͮwen.miner moͮter ivnchfroͮwen.ir vingerlin an ſnoͮren tragent.div niht ſuſ an ein ander ragent.der chnapp ſprach dur ſinen moͮt.ia herre war zoͮ iſt diz goͮt.daz dich ſuſ wol chan ſchichen.ichne mageſ niht abe gezwichen.der furſte zeigete im ſa ſin ſwert.nv ſich ſwer ſtriteſ an mich gert.deſ ſelben wer ich mich mit ſlegen.vur die ſine moͮz ich mich an legen.vur den ſchuz vn̄de vur den ſtich.moͮz ich alſuſ wapennen mich.aber ſprach der chnappe ſnel.obe die hirze troͮgen ſuſ ir vel.ſone verwunt ir niht min gabilot.der lit vil manger vor mir tot.die riter zurnden daz er hielt.bi dem chnappen der vil tumpheit wielt.der furſte ſprach got hoͮte din.owe wan wære din ſchone min.dir hete got den wunſch geb*gegeben.obe dv bi witzen ſoldeſt leben.div gotſ chraft dir verre leit.die ſine vn̄de och er ſelbe reit.vnde gahten danen balde.zeinem velde in dem walde.da ſach der gefoͮge.fron herzeloide phloͮge.ir volche eleider nie geſchach.die er vil balde êren ſach.ſi begunden ſæ̂n vn̄de dar nach egên.ir gart obe ſtarchen ohſen wegen.Dder furſte in goͮten morgen bot.vn̄de fragteſe op ſi ſahen not.eine ivnchfroͮwen liden.ſine chunden niht vermiden.ſweſ er ſi vragete ez wart geſaget.zwene riter vn̄de ein maget.hie riten hoͮte morgen.div froͮwe foͮr mit ſorgen.mit ſporen ſi vaſte roͮrten.die die ivnnchfroͮwen foͮrten.daz waſ meliahkanz.den ergahte karnakarnanz.mit ſtrite er im die froͮwen nam.div waſ gar an froͮden lam.die bvltebvlute ſere verzagten.do die riter fur ſi iagten.ſi ſprachen wieſt vnſ ſuſ geſchehen.hat vnſer ivncherre erſehen.vf diſen riteren helm ſchart.ſo haben e*wir vnſ niht wol bewart.wir ſulen der chunginne haz.von ſchulden horen vmbe daz.wan er *da her mit vnſ lief.hivte morgen do ſi danoch ſlief.der chnappe enroͮhte wer do ſchoz.die hirze chleine vn̄de groz.er hoͮp ſich gein der moͮter wider.vnde ſagte ir mære do viel ſi nider.ſiner worte ſi ſo ſere erſchrach.daz ſi vnverſunnen lach.do div chunginne.wider chom zeſinne.ſwie ſi da vor wære verzaget.doch ſprach ſi ſun wer hat geſaget.dir von riterſ orden.wa biſtvſ innen worden.moͮter ich ſach vier man.noch liehter dane got getan.die ſeiten mir von riterſchaft.artuſeſ chunchlichiv chraft.ſol mich nach riterſ eren.an ſchilteſ ambet cheren.ſich hoͮp ein niwer iamer hie.div froͮwe enweſe rehte wie.ſir der liſte erdahte.vnde in von dem willen brahte.der chnappe tump vn̄de wert.ieſch von der moͮter ditche ein phert.daz begundeſe in ir herzen chlagen.ſi dahte ichne wilz im niht verſagen.ez moͮz aber harte boſe ſin.do dahte mer div chungin.Dder lute vil bi ſpote ſint.toren chleider ſol min chint.obe ſinem liehten libe tragen.wirt er geroͮfet vn̄de geſlagen.ſo chumet er mir her wider wol.owe der iamerlichen dol.div froͮwe nam ein ſachtoͮch.ſi ſneit im hemde vn̄de broͮch.daz doch an einem ſtuche ſchein.vnze enmiten an ſin blanchez bein.daz wart vur toren chleit erchant.eine chugelen man druffe vant.al ruch friſch chelberin.vz einer hut zwei ribalin.nach ſinem beine wart geſniten.dane wart groz iamer niht vermiten.div chungin waſ alſo bedaht.ſi bat beliben in die naht.dune ſolt niht hinnen cheren.ich wil dich ſite leren.an vnbechanten ſtrazen.ſoltv tunchele furte lazen.die ſihte vn̄de luter ſin.da ſolte al balde riten in.dv ſolt dich ſite nieten.der werlde groͮzen bieten.op dich ein alt wiſe man.zuht wil leren alſer wol chan.dem ſoltv gerne volgen.vnde wiſ im niht erbolgen.ſun la dir bevolhen ſin.ſwa dv goͮteſ wibeſ vingerlin.mugeſt erwerben vn̄de ir groͮz.daz nim ez toͮt dir chumberſ boͮz.dv ſolt zir chuſſe gahen.ir lip vaſte vmbe vahen.daz git geluche vn̄de hohen moͮt.op ſi chuſche iſt vn̄de goͮt.dv ſolt och wizen ſun min.daz der ſtolze lehelin.dinen furſten abe ervaht zwei lant.div ſolten dienen diner hant.waleiſ vn̄denurgalſ.ein din furſte turkentalſ.den tot von ſiner hende enphiench.din volch er ſloͮch vn̄de viench.Ddaz riche ih moͮter wilz got.in verwundet noch min gabilot.deſ morgenſ do der tach erſchein.der chnappe wart vil balde enein.im waſ gein artuſe gach.div chunginne lief im nach.der werlde riwe al hie geſchach.do ſi ir ſun niht mere ſach.der vert von ir wem iſt deſte baz.do viel div froͮwe valſcheſ laz.an die erde al da ſi iamer ſneit.ſo dazſe ein ſterben niht vermeit.ir vil getrulicher tot.der froͮwen wert die helle not.o wol ſi dazſe ie moͮter wart.ſuſ voͮr die loneſ bernden vart.ein wurzel der goͮte.ein ſtam der diemoͮte.owe daz wir nv niht enhan.ir ſippe vnze an den einliften ſpan.deſ wirt gevelſchet manch lip.doch ſolten nv getriwiv wip.wunſchen heileſ diſem chnaben.der ſich hie hat von ir erhaben.do chert der chnappe wolgetan.gein dem voreiſe zebrizlian.er chom an einen bach geriten.in hete ein hane wol vberſchriten.ſwie da ſtoͮnden bloͮmen vn̄de graſ.dvrch daz der fliez ſo tunchel waſ.der chnappe den furt dar ane vermetvermeit.den tager gar der neben reit.alſez ſinen witzen tohte.er beleip die naht ſwier mohte.deſ morgenſ do der tach erſchein.der chnapp hoͮp ſich dan alein.zeinem furte wolgetan.da waſ anderhalp der plan.mit einem gezelte geheret.groz richeit dran gecheret.Vvon driger varwe ſamit.ez waſ hoch vn̄de wît.vf den næten lagen borten goͮt.Da hiench ein liderin hoͮt.den man druber ziehen ſolte.imer ſoz regnen wolte.dvch orilluſ delalander.deſ wip dort vnden vander.ligende wunchliche.die herzoginne riche.gelich einem riterſ trute.ſi hiez ieſchute.div froͮwe waſ entſlaffen.ſi troͮch der minnen waffen.einemvnt dur luhtch rot.vnde gernde riterſ herzen not.in deſ do div froͮwe ſlief.der munt ir von ein ander lief.der troͮch der minnen hitze vîvr.ſuſ lach deſ wu*wunſcheſ auentivr.mit ſnewizen beine.nahen bi ein ander chleine.ſuſ ſtoͮnden ir die liehten zene.ich wane mich iemen chuſeſ wene.an einen ſuſ wol gelobten mvnt.daz iſt mir ſelten worden chunt.ein dechlachen zobelin.erwant ir an ir hufelin.daz ſi durch hitze von ir ſtiez.die der wirt al eine ligen liez.ſi waſ geſchicht vn̄de geſniten.an ir waſ chunſte niht vermiten.got ſelbe worhte ir ſoͮzen lip.och het daz minnchliche wip.langen arm vn̄de blanche hant.der chnappe ein vingerlin da vant.daz vant in doch zoͮ dem bete twanch.da er mit der herzoginne ranch.do dahter an die moͮter ſin.div riet an wibeſ vingerlin.do ſpranch der chnappe wolgetan.von dem tepech vf daz bete ſan.div ſoͮze chuſche vnſanfte erſchrach.do der chnappe an ir arme lach.ſi moͮſe iedoch erwachen.alſchamende ſunder lachen.div froͮwe zuht geleret.ſprach wer hat mich enteret.ivncherre eſ iſt iv gar zevil.ir moht iv nemen ein ander ſpil.div froͮwe lute chlagte.erenroͮhte waz ſi ſagte.ir munt er an den ſinen twanch.dar nach waſ do nihtze lanch.er drucht an ſich die herzogin.vnde nam ir och ir vingerlin.an ir hemde ein furſpan er do ſach.vngefoͮge erz danen brach.Ddiv froͮwe waſ mit wibeſ were.ir waſ ſin chrachchraft ein ganzez her.doch wart vil ringenſ da getan.der chnappe chlagte hungern ſan.div froͮwe waſ ir libeſ lieht.ſi ſprach ir ſult min ezzen niht.waret ir zefrumen wiſe.ir namet iv ander ſpiſe.dort ſtet brot vn̄de win.vnt zwei rep*oͮlinrephoͮnlin.alſ ein ivnchfroͮwe brahte.div*divſ wench iv gedahte.done roͮhter wa div wirtin ſaz.einen goͮten chroph er az.dar nach er ſware trunche tranch.die froͮwen duhte gar zelanch.ſineſ weſeneſ in dem bavelun.ſi wande ez ware ein garzun.geſcheiden von den witzen.ir ſchame begunde ſwitzen.iedoch ſprach div herzogin.ivncherre ir ſult min vingerlin.hie lazen vn̄de min furſpan.hefet ivch den wech wan chumt Min man.ir moͮzet zurnen liden.daz ir gerne moht miden.do ſprach der chnappchnappe wolgeborn.wie waz furhte ich iwerſ manſ zorn.ſchadet aber ez iv an eren.ſo wil ich hinnen cheren.do ſpranger gein dem bete ſan.ein ander chuſ da wart getan.daz waſ der herzoginne leit.ane vrloͮp er danen reit.iedoch ſprach er got hoͮte din.alſo riet div moͮter min.der chappe deſ roͮbeſ waſ gemeit.do er eine wile von dan gereit.vil nahen gein der mile zil.Ddo chom von dem ich ſprechen wil.er ſpurt an dem toͮwe.daz geſchoͮwet waſ ſin froͮwe.der ſnoͮre ein teil waſ vz getreten.da hete ein chnappe daz graſ geweten.der furſte wert vn̄de erchant.ſin wip dort al trurch vant.do ſprach der herzoge orilluſ.owe froͮwe wie han ich ſuſ.min dienſt gein iv gewendet.mir iſt nach laſter gendet.vil manchlobelicher briſ.ir habt ein ander amiſ.div froͮwe bot ir loͮgen.mit wazer richen oͮgen.ſo dazſe vnſchulch wære.er geloͮbte niht ir mære.iedoch ſprach ſi mit forhten ſiten.da chom ein tore her zoͮ geriten.ſwaz ich noch lute erchennet han.ich geſach nie lip ſo wolgetan.min furſpan vn̄de min vingerlin.nam er ane den willen min.owe ſin lip iv wol gevellet.ir habt ivch zim geſellet.do ſprach nvne welle got.ſiniv ribalin ſin gabilot.waren mir iedoch zenahen.div rede iv ſolt verſmahen.fur ſtinne ez vbel zame.op ſi da minne name.aber ſprach der furſte ſan.froͮwe ich han iv niht getan.irne welt ivch einer ſite ſchamen.ir liezet chunginne namen.vnde heizet dvrch mich ein herzogin.der choͮf git mir vngewin.Sſin manheit div iſt wol ſo chech.daz iwer broͮder erek.ivch wol dar vmbe hazen mach.Min geſwige viliroẏſ lach.mich erchennet oh der wiſe.an ſo gewandem briſe.der ninder magenteret ſin.wan daz er mich vor pruͦrin.mit ſiner tioſte valte.an im ich ſit bezalte.vil hohen priſ vor karnant.zerehter tioſt ſtach in min hant.hinderz orſ durh phianze.dvr ſinen ſchilt min lanze.iwer chleinode brahte.vil wench ich do gedahte.iwerre minne einem anderen trute.min froͮwe ieſchute.froͮwe ir ſvlt geloͮben deſ.daz der ſtolze galoeſ.villiroẏſ gandin.tot lach von der tioſte min.ſi hazzent mich beſunder.die von der tafelrunder.der ich ahte nider ſtach.daz manch wert froͮwe ſach.vmbe den ſparware zechanadich.ich behielt iv briſ vn̄de mir den ſich.daz ſahet ir vn̄deartuſ.der mine ſweſter hat zehuſ.die ſoͮzen kunewaren.ir munt chan niht gebaren.mit lachene e ſi den geſiht.dem man deſ hoheſten briſeſ ig*iehet.wan chome mir nv der ſelbe man.ſo wurde ein ſtriten hie getan.alſ hivte morgen do ich ſtreit.vnde einem furſten frumte leit.der mir ſin tioſtieren bot.von miner tioſte lager tot.ich wil iv niht von zorne ſagen.wan manger hat ſin wip geſlagen.vmbe michel chrencher ſchulde.het ich dienſt oder hulde.daz ich iv ſolte bieten.ir moͮſet ſivch mangelſ nieten.ich ſol niht mer erwarmen.an iweren blanchen armen.da ich etewenne dvrch minne lach.vil mangen wunnchlichen tach.ich ſol velwen iweren roten mvnt.iweren oͮgen machen rote chunt.ich ſol ivch froͮde enteren.iwer herze ſuften leren.Ddiv furſtin an den furſten ſach.ir mvnt do iamerlichen ſprach.nv eret an mir riterſ priſ.ir ſit getriv vn̄de wiſ.vnt doch wol ſo gewaltch min.ir mvget mir foͮgen hohen pin.ir ſvlt e min gerihte nemen.dvrch elliv wip latſ ivch gezemen.ir mvget mir danoch foͮgen not.lage ich von anderen handen tot.daz iv niht priſ enneichte.ſwie ſchier ich dane veigete.daz ware mir ein liebiv zit.ſit iwer hazzen an mir lit.aber ſprach der furſte mer.froͮwe ir ſit mir gar zeher.deſ ſol ich an iv mazzen.geſelle ſchaft wirt lazen.mit trinchen vn̄de mit ezzen.bi ligenſ wirt vergezen.irn phahet me dehein gewant.wan alſ ich ivch ſitzen vant.iwer zoͮm moͮz ſin ein baſtin ſeil.iwer pharit beiaget wol hungerſ teil.iwer ſatel wol gezieret.wirt enſchvnfieretentſchvnfieret.vil balder zarte vn̄de brach.den ſamit drabe do daz geſchach.er zerſloͮch den ſatel daſe inne reit.ir chuſche vn̄de ir wipheit.ſin hazen liden moͮſten.mit baſtinen boͮſten.bant er in aber wider zoͮ.ir chom ſin hazen gar zefroͮ.do ſpracher an den ziten.froͮwe nv ſulen wir riten.chomer mir nv deſ wurde ich geil.der hie nam iwerre minnen teil.ich beſtoͮnde in vf auentîvr.op *halt ſin atem gabe vîvr.alſ eineſ wilden trachen.al weinende ſunder lachen.div froͮwe iamerſ riche.ſchiet dannen trurchliche.Sſine moͮte niht ſwaz ir geſchach.niwan ir mannſ vngemach.deſ truren gap ir ſolhe not.daz ſi noch ſanfer ware tot.nv ſvlt ir ſi dvr triwe chlagen.ſi beginnet nv hohen chumber tragen.wære mir aller wibe haz bereit.mich moͮt fron ieſchuten leit.ſuſ riten ſi vf der ſla hin nach.dem chnappen waſ och vor in gach.done weſſe der vnferzagte.niht daz man in iagete.wan ſwen ſin oͮgen ſahen.ſo er den begunde nahen.den groͮzte der chnappe goͮter.vnde iach ſuſ riet min moͮter.alſuſ chom vnſer torſcher chnabe.geriten einhalben abe.wibeſ ſtime er horte.vor eineſ veleſeſ orte.ein froͮwe vz rehtem iamer ſchrei.ir waſ div ware froͮde enzwei.der chnappe reit ir balde zoͮ.nv horet waz div froͮwe toͮ.ez brach fro ſigune.ir lange zophe brune.vor iamer vz der ſwarten.der chnabe begungebegunde warten.tſchinnatulander.den furſten tot da vander.der ivnchfroͮwen in ir ſchoz.alleſ ſchimpheſ ſi verdroz.er ſi trurech oder froͮden var.die bat min moͮter groͮzen gar.got halde ivch ſprach deſ chnappen mvnt.ich han hie iamerlichen vunt.Iin iweren ſchozen funden.wer gap iv den riter wunden.der chnape vnferdrozen.ſprach wer hat in erſchozen.geſchahez mit einem gabilot.mich dvncht froͮwe er ſi tot.chunnet ir mir iht der von geſagen.wer iv den riter habe erſlagen.obe ih in mvge erriten.ich wil gerne mit im ſtriten.do greif der chnape mære.zeſinem chochære.vil ſcharphiv gabilot er vant.er furte oͮch danoch beidiv phant.div er von ieſchuten brach.vnde im ein tumhtumpheit dran geſchach.het er gelernt ſineſ vater ſite.der werdchliche im volgte mit.div bukel ware gehurt baz.do div herzogin al eine ſaz.div ſit vil chumberſ dvrch in leit.me dane ein ganzez iar ſi meit.groͮz von ir manneſ libe.vnrehte geſchach dem wibe.nv hort oͮch von ſigunen ſagen.div chunde ir leit mit iamer chlagen.ſi ſprach zem chnapen dv haſt tugent.geret ſi din ſoͮziv ivgent.vnt din antlutze minnchlich.deſ war dv wirſt noch ſalden rich.diſen riter meit zdez gabilot.er lach an einer tioſte tot.dv biſt geborn von triwen.daz er dich ſuſ chan riwen.e ſi den chnappen riten lieze.ſi vragte in wier hieze.ſi iach er troͮge den gotſ vliz.bon fiz tſchier fiz beanfiz.ſuſ hat mich genenet.ſwer mich da heime erchennet.do div rede waſ getan.ſi erchande in bi dem namen ſan.ir roter mvnt ſprach ſunder twal.deſ war dv heizeſt parzival.der name iſt rehte enmitten durch.groz liebe îer ſolch herzen furch.mit diner moͮter triwe.din vater liez ir riwe.ichne gihe dirſ niht zeroͮme.din moͮter iſt min moͮme.ich ſage dir ſunder valſchen liſt.die rehten warheit wer du biſt.din vater waſ ein anſchevin.ein waleiſe von der moͮter din.Ddv biſt geborn von kanvoleiz.die rehten warheit ich deſ weiz.dv biſt och chunch zenurgalſ.in der hoͮbet ſtat zekinrivalſ.ſol din hoͮbet chrone tragen.dirre furſte wart dur dich erſlagen.daz er din lant ie werte.ſine triwe er nie verzerte.ivnch flatch ſoͮzer man.die gebroͮder hant dir vil getan.zwei lant nam dir lehelin.diſen riter vnt den vetern din.zer tioſte ſloͮc orrilluſ.der liez och mich in iamer ſuſ.mir diende ane alle ſchande.dirre furſte von dinem lande.do zoch mich din moͮter.lieber neve goͮter.nv hore waz diſiv mare ſin.ein brachen ſeil gap im den pin.in vnſer zweiger dienſte den tot.hat er beiaget vn̄de imer not.mir nach ſiner minne.ich hete chranche ſinne.daz ich im niht minne gap.deſ hat der ſorgen vrhap.mir froͮde verſchroten.nv minne in alſo toten.do ſpracher niftel mir iſt leit.din chumber vn̄de min laſter breit.ſwene ich daz mach gerechen.daz wil ich gerne zechen.do waſ im gein ſtrite gach.ſi wiſte in vnrehte nach.ſi vorhte didaz er den lip verlur.vnt daz ſi grozeren ſchaden chur.eine ſtraze er do geviench.div gein britoneiſen giench.div waſ gebert vn̄de breit.ſwer im wider giench oder wider reit.ez wære riter oder choͮfman.die ſelben groͮzter alle ſan.vnde iach ez wære ſiner moͮter rat.div gaben im ane miſſetat.Dder abent begunde nahengroz moͮde gein im gahen.do ſach der tumpheit genoz.ein huſ zegoͮter Maze groz.dar inne waſ ein arger wirt.alſ noch vf vngeſlahte birt.daz waſ ein viſchære.vnde manger goͮte lære.den chnappen hungeren lerte.daz er der gegene cherte.vnde chlagte dem wirte hungerſ not.er ſprach ine gabe ein halbez brot.iv niht zedrizech iaren.ſwer miner milte varen.vergebene wil der ſumet ſich.ich ſorge vmbe nimen wan vmbe mich.dar nach vmbe miniv chindelin.iren chomet talanch her in.het ir pheninge oder phant.ich behielt ivch alzehant.im bot der chnape wolgetan.froͮn ieſchuten furſpan.do daz der vilan erſach.ſin mvnt do l*lachte vn̄de ſprach.wil dv beliben ſoͮzez chint.dich erent alle die hinne ſint.wil dv mich hint wol ſpiſen.vnde morgen rehte wiſen.gein artuſe dem bin ich holt.ſo mach beliben dir daz golt.daz toͮn ich ſprach der vilan.ichne geſach nie wiplip ſo wolgetan.ich bringe dich dvrch wunder.vur deſ chungeſ tavelrunder.die naht beleip der chnape da.man ſach inſ morgenſ anderſwa.deſ tageſ er vil chume enbeit.nv waſ oͮch der wirt bereit.der lief im vor der chnape nach.reit do waſ in beiden gach.min her hartman von oͮwe.fro ſchinover iwer froͮwe.Vvn̄de iwer herre der chunch artuſ.dem chumet ein min vriunt zehuſ.bit hoͮten ſin vor ſpote.ern iſt gige noch div rote.ſi ſulen ein ander gampel nemen.deſ lazen ſich durch zuht gezemen.anderſ iwer froͮwe enite.vnde ir moͮter kurſenite.werdent dur die mule gezuchet.vnde ir lop gebruchet.ſol ich den lip mit ſpote zeren.ich wil minen frivnt mit ſpote weren.do chom der viſchare.vnde oͮch der chnape mære.der burch alſ nahen.daz ſi nantẏſ ſahen.do ſprach er chint got hoͮte din.nv ſich dort ſoltv riten in.do ſprach der chnape an witzen laz.dv ſolt mich wiſen vurbaz.hei min lip daz vil wol bewart.div meſſnie iſt ſolher art.genahet ir merimer vilan.daz iſt ſere miſſetan.der chnape al eine furbaz reit.vf einen plan nihtze breit.der ſtoͮnt von bloͮmen lieht gemal.in zoch nehein curfenal.erne chunde curtoſe niht.alſ vngevaremvngevarnem man geſchiht.ſin zoͮm der waſ baſtin.vnde hart chranch ſin phardelin.daz tet von ſtruche mangen val.oͮch waſ ſin ſatel vber al.vmbe ſlagen mit niwen lederen.ſamit harminer vederen.der zweiger man wench an im ſiht.er bedorfte der mandel ſnoͮner niht.vur rok vn̄de fur ſurkot.da fur nam er ſin gabilot.deſ ſite man gein briſe maz.ſin vater waſ gekleidet paz.vf dem tepch vor kanvoleiz.der gelie nie vorhtlichen ſweiz.im chom ein riter wider riten.den groͮzter nach ſinen ſiten.got halde ivch riet min moͮter mir.ivncherre got lone iv vn̄de ir.ſprach artuſeſ baſen ſun.in zoch vtpandragun.oͮch ſprach der werde wigant.erbeſchaft zebritanie vfez lant.daz waſ ither von kahaviez.den roten riter man in hiez.Sſin harnaſch daz waſ gar ſo rot.daz ez den oͮgen rote bot.ſin orſ waſ rot vn̄de ſnel.al rot waſ ſin gugerel.rot ſamit waſ ſin chovertîvr.ſin ſchilt waſ roter dane ein vîvr.alrot waſ ſin curſit.vnde wol an im geſniten wit.rot waſ ſin ſchaft rot waſ ſin perſper.alrot nach deſ heldeſ ger.waſ im ſin ſwert gerotet.*gæin der ſcherphe herte gelotet.der chunch von kukumer lant.al rot von gol*golde vf ſiner hant.ſtoͮnt ein choph vil wol ergraben.obe tafelrunder vf erhaben.rot waſ ſin vel rot waſ ſin har.er ſprach zem chnapen ſunder var.geret ſi din ſoͮzer lip.dich braht zerwerlde eineein reine wip.o wol der moͮter div dich bar.ichne geſach nie lip ſo wol gevar.dv biſt der waren minnen blich.ir tſchumphenture vn̄de ir ſich.vil wibeſ froͮde an dir geſiget.dar nach der iamer ſware wiget.lieber frivnt wil dv da hin in.ſo ſage mir dur den dienſt min.artuſe vn̄de den ſinen.ich enſul niht fluhtch ſchinen.ich wil hie gerne beiten.ſwer zertioſt ſich wil bereiten.ir deheiner habez fur wunderich reit vur tafelrunder.mineſ landeſ ich mich vnder want.diſen choph min vngefoͮgiv hant.vf zuchte daz der win vergoz.der chunginne in ir ſchoz.vnder winden mich daz lerte.obe ich ſchoͮp vmbe cherte.ſo wurde roͮzch mir min vel.daz meit ich ſprach der degen ſnel.Iich hanz oͮch niht dvrch roͮp getan.deſ hat min chrone mih erlan.vrivnt nv *ſage der chungin.ich beguze ſi ane den willen min.al da die werden ſazen.die rehter wer vergazen.ez ſin chunge oder furſten.weſ lantſe ir wirt erdurſten.wan holent ſim hie ſin golt vaz.ir ſneller briſ wirt anderſ laz.der chnape ſprach ich wirbe dir.ſwaz dv geſprochen haſt zemir.er reit vor im zenaneſ in.do volgeten im div chindelin.vf den hof vur den palaſ.da manger hande foͮre waſ.vil ſchiere wart vmbe in gedranch.ẏwanet dar naher ſpranch.der chnape valſcheſ vrie.vnde bot im cumpanie.do ſprach der gaſt got halde dich.alſuſ bat reden min moͮter moͮter mich.e daz ich ſchiede von ir hvſ.ich ſihe hie mangen artuſ.wer ſol mich riter machen.ẏwanet begunde lachen.er ſprach dv ſiheſt deſ rehten niht.daz aber ſchiere nv geſchiht.do foͮrtern hinzem palaſ.da manger hande foͮre waſ.ſuſ vil chunder in ſchalle.er ſprach got halde ivch herren alle.benamen den chunch vn̄de deſ wip.mir gebot min moͮter an den lip.daz ich ſi groͮzte ſunder.vnt die obe der tafelrunder.mit rehtem briſe heten ſtat.die ſelben ſi mich groͮzen bat.dar an ein chunſt mich verbirt.ichen weiz niht welher hinne iſt wirt.dem hat ein riter her enboten.den ſach ich allent halben roten.er welle ſin duze biten.mich dunchet er welle ſtriten.im iſt oͮch leit daz er den win.vergoz vf die chungin.Oowe wan het ich ſin gewant.enphangen von deſ chungeſ hant.ſo wær ich froͮde riche.wan ez ſtet riterliche.der chnape vnbedwngen.wart harte vil gedrungen.: Zeigehand links vom Vers .gehuret her vn̄de dar.ſi namen ſiner varwe war.daz waſ ſelpſchoͮwet.geherret noch gefroͮwet.wart nie minnchlicher fruht.got waſ an einer reiner zuht.dor parzivalenwor*worhte.der freiſe wench vorhte.ſuſ wart vur artuſen braht.an dem got wunſcheſ het erdaht.im chunde niemen vient ſin.nv ſach in oͮch div chungin.e ſi ſchiede von dem palaſ.dar vffe ſi begozen waſ.der chunch an den chnapen ſach.zoͮ dem tumben er do ſprach.ivncherre got vergelt iv groͮz.den ich vil gerne dienen moͮz.mit libe vn̄de mit goͮte.deſ iſt mir wolzemoͮte.daz wolt got wan wære daz war.der wile dvnchet mich ein iar.daz ich niht riter weſen ſol.daz toͮt mir wirſ dane wol.nv ſumet mich niht mere.phleget min nach riterſ ere.daz toͮn ich gerne ſprach der wirt.obe werdcheit mih niht verbirt.dv biſt wol ſo gehivre.rich an choſte tivre.wirt dir min gabe vnder tan.deſ war chich ſolz vngerne lan.dv ſolt biz morgen beiten.ich wil dich wol bereiten.der wolgeborne chnape.hielt gagerende alſ ein trappe.er ſprach ine wil hie nihtſ biten.mir chumchom ein riter wider riten.mach mir deſ harnaſch werden niht.ine roͮche wer chungeſ gabe giht.ſo git mir aber div moͮter min.ich wæne doch divſt ein chungin.artuſ ſprach zem chnapen ſan.dez harnaſch hat an im ein man.daz ich tirſ niht getorſtgetorſte geben.Iich moͮz doch ſuſ mit chumber leben.ane alle mine ſchulde.ſit ich darbe ſiner hvlde.ez iſt ither von kahaviez.der truren mir dvrch froͮde ſtiez.ir waret ein chunch vnmilte.obe ivch ſolher gabe bevilte.gebtz im dar ſprach kai ſan.lat in zoͮ im vf den plan.ſol iemen bringen vnſ den choph.hie haltet geiſel dort der toph.lat daz chint vmbe triben.ſo lobet manz vor den wiben.ez moͮz doch ditche bagen.vnde ſolhe tſchanze wagen.ine ſorge vmbe ir dewederſ leben.man ſol hunde vmbe eberſ hoͮbt geben.vngerne ſolt ich imz verſagen.wan daz ich furhter werde erſlagen.dem ich helfen ſol der riterſchaft.ſprach artuſ vz triwen chraft.der chnappe iedoch die gabe enphiench.da von ein iamer ſit ergiench.do waſ im von dem chunge gach.ivnge vn̄de alte im liefen nach.ẏwanet in an der hende zoch.vur eine loͮben nihtze hoch.do ſaher fur vn̄de wider.div loͮbe div waſ wol ſo nider.daz er drufe erhorte vn̄de ſach.da von ein trûren im geſchach.da wolt oͮch div chungin.ſelbe in den venſtern ſin.mit riteren vn̄de mit froͮwen.die begunden alle ſchoͮwen.da ſaz fro kuneware.div phier vn̄de div chlare.div lachte niht neheine wiſ.ſine ſahe den der den hoheſten briſ.hete oder ſolt erwerben.ſi wolt e ſuſ erſterben.Aallez lachen ſi vermeit.biz der chnappe fur ſi reit.do erlachte ir. minnchlicher mvnt.deſ wart ir ruke vngeſunt.do nam kai ſenſchalt.fron kunwaren delalant.mit ir reidem hare.ir lange zophe chlare.want er vmbe ſine hant.vnde ſpanteſe ane ture bant.ir ruke wart dehein eit geſtabet.doch wart ein ſtap ſo dran gehabt.biz ſin ſuſen gar verſwanch.dur die wat vn̄de dvrch ir vel ez dranch.do ſprach der vnwiſe.iweren werden briſe.iſt gegeben ein ſmahiv letze.ich bin ſin vench netze.vnde ſolen hin wider in ivch ſmiden.daz irſ enphindet vf den liden.ez iſt dem chunge artuſ.vf ſinen hof vn̄de in ſin hvſ.ſo manch wert man geriten.dur den ir lachen habet vermiten.vnde lachet nv durch einen man.der niht mit riterſ foͮre chan.in zorne wunderſ vil geſchiht.ſineſ ſlageſ wære im er teilt niht.vor dem riche vf diſe maget.div vil von frivnden wirt gechlaget.op ſi halt ſchilt ſolte tragen.div vngefoͮge iſt hie geſlagen.wan ſi waſ von arde ein furſtin.orluſoriluſ vn̄delehelin.ir broͮder hetenz die geſehen.der ſlege miner ware geſchen.der verſwigen antanor.der dvrch ſwigen dvht ein tor.ſin rede vn̄de ir lachen.waſ gezilt mit zwein ſachen.er wolte nimer wort geſagen.Sſine lachte div da wart geſlagen.do ir lachen wart getan.ſin mvnt ſprach ze kankain ſan.goteweiz her ſeneſchalt.daz froͮ kuneware delalant.durch den chnappen iſt zebert.iwer froͮde eſ wirt verzert.noch von ſiner hende.er iſt nie ſo ellende.ſit iwer erſtiv rede mir droͮt.ich wane irſ wench ivch gefroͮt.ſin brat wart gealunet.mit ſlegen vil gerunet.mit witzehaften toren.mit fuſten in ſin oren.daz tet kai ſunder twal.do moͮſe der ivnge parzival.diſen chumber ſchoͮwen.antanorſ vn̄de der froͮwen.im waſ von herzen *leit ir not.*leit: Federansatz, vmtl. zu z.vil ditcher greif zem gabilot.vor der chungin waſ ſolch gedranch.daz er dur daz vermeit den ſwanch.vrloͮp nam do ẏwanet.ze viliroyſ gahmvret.deſ reiſe al eine wart getan.hin vz gein ither vf den plan.dem ſagter ſolhiv mære.daz da inne niemen wære.der tioſtiernſ gerte.der kunch mich gabe werte.ich ſagte alſ dv mir gahe.wiez an danch geſchahe.daz dv den win verguzze.vngefoͮge dich verdruze.irne heinen luſtet ſtriteſ.gim mir da vffe dv riteſ.dar zoͮ al din harnaſch.daz enphiench ich vf dem palaſ.dar inne ih riter werden moͮz.wider ſaget ſi dir min groͮz.obe dv mirz vngerne giſt.wer mich obe dv bi witzen ſiſt.der chunch von kukumerlant.ſprach hat artuſeſ hant.dir min harnaſch gegeben.deſ war daz tater oͮch min leben.mohteſtv mirz an gewinnen.ſuſ chan er frivnde minnen.waſ er dir aber e iht holt.din dienſt gedient ſo ſchiere den ſolt.ich getar wol dienen ſwaz ich ſol.oͮch hat er mich gewert vil wol.gip her vn̄de la din lantreht.ich wil niht langer ſin ein chneht.Iich ſol ſchilteſ ambet han.er greif im nach dem zoͮme ſan.dv maht wol ſin lehelin.von dem mir chlaget div Moͮter min.der riter vmbe cherte den ſchaft.vnde ſtach den chnapen ſo mit chraft.daz er vn̄de ſin phardelin.moͮſen vallende vf die bloͮmen ſin.der helt waſ zornſ drate.er ſloͮgin daz im wæte.vome ſchafte vz der ſwarten bloͮt.parzival der helt goͮt.ſtoͮnt al zornch vf dem plan.zem gabilote greif er ſan.da der helm vn̄de div barbier.ſich luchent vmbe den harſnier.dvr daz oͮge in ſneit dez gabilot.vnt dur den nach ſo daz er tot.viel der valſche wider ſatz.wibe ſuften herzen iamerſ chraz.gap itherſ tot vogahaviez.der wiben naziv oͮgen liez.ſwelhiv ſiner minne enphant.durch die froͮde ir waſ gerant.vnde ir ſchimph enſchumphiert.gein der riwe gegondewiert.parzival der tumbe.chert in ditche al vmbe.er chunde im abe geziehen niht.daz waſ ein wunderlich geſchiht.helm ſnoͮre tſchilier.MinMit ſinen blanchen handen phier.chunde erſ niht abe geſtrichen.noch ſuſ her abe gezwichen.vil ditchez doch verſoͮhte.wiſ heit der vnberoͮhte.daz orſ vn̄de ſin phardelin.er hoͮben einen ſo hohen grin.daz er ẏwanet erhorte.vor anſ graben orte.fron ſchinoveren chnappe vn̄de ir mach.Ddor von dem orſe erhorte den bach.vn̄de er niemen drufe ſach.von ſinen triwen daz geſchach.die er nach parzivale troͮc.do gahte dar der chnape chloͮc.da vant er itheren tot.vnde parzivalen in tumber not.ſneliche er zoͮ in beiden ſpranch.vnde ſagete parzivale danch.priſeſ deſ erwarp ſin hant.an dem von kukumerlant.got lone dir rat waz ich toͮ.ich chan hie harte wench zoͮ.wie bringe ichz abe im an mich.daz chan ich wol geleren dich.ſprach der ſtolze ẏwanet.ze viliroiſ gahmuret.entwapent wart der tote man.al da vor nantiſ vf den plan.vnde an den lebenden geleget.den danoch groziv tumpheit reget.ẏwanet ſprach div ribalin.ſulen niht vnder dem ẏſer ſin.dv moͮſt nv tragen riterſ chleit.div rede waſ parzivale leit.do ſprach der chnappe goͮter.ſwaz mir gap min moͮter.deſ ſol vil wench von mir chomen.ez ge zeſchaden oder zefrumen.daz dvhte wunderlich genoͮch.ẏwaneten der waſ chloͮch.iedoch moͮſer im volgen.er waſ im niht erbolgen.zwoͮ liehte hoſen ẏſerin.ſchoͮhter vber div ribalin.ſvnder leder mit zwein porten.zwene ſporen dar zoͮ gehorten.er ſpien im vmbe daz goldeſ werch.e er bute im den halſperch.er ſtrichte im vmbe div tſchillier.ſunder twal wart harte ſchier.Vvon foͮze vf gewapent wol.parzival mit gernder dol.do ieſch der chnape mare.ſinen chochare.ich reiche dir nehein gabilot.div riterſchaft dir daz verbot.ſprach ẏwanet der chnape wert.er gurte im vmbe ein ſcharfez ſwert.daz lert ern vz ziehen.vnde wider riet im fliehen.do zoͮch er im dar naher ſan.deſ toten manneſ chaſtelan.daz troͮch bein hoch vn̄de lanch.do er gewapent in den ſatel ſpranch.er gert ſtegereife niht.dem man noch ſnelheite giht.ywaneten niht bevilte.er lerte in vnder dem ſchilte.chunſtchlich gebaren.der vinde ſchaden varen.er bot im in die hant ein ſper.daz waſ gar ane ſine ger.doch fragter war zoͮ iſt diz frûm.*ſwer gein dir zetioſt chume.da ſoltvz balde berchen.dur ſinen ſchilt verſtechen.wil dv deſ vil getriben.man lobet dich vor den wiben.alſ vnſ div aventure giht.von cholne noch von maſtrieht.dehein ſchiltare entwurfe in baz.dane alſer vf dem orſe ſaz.do ſprach er ze ẏwanete ſan.lieber vrivnt min cumpan.ich han hie erworben deſ ich pat.dv ſolt min dienſt in die ſtat.dem chunge artuſe ſagen.vnde oͮch min hohez laſter chlagen.bringe im wider ſin golt vaz.ein riter ſich an mir vergaz.daz er eine ivnchfroͮwen ſloͮch.dvr daz ſi lachenſ min gewoͮch.mich moͮnt ir iamerlichen wort.div roͮren mir dehein herzen ort.ia moͮz enmiten drine ſin.der froͮwen vngedienter pin.toͮ ez dvrh geſellcheit.la dir ſin min laſter leit.itheren von kahaviez.er iamerlichen ligen liez.der waſ doch wol ſo minnchlich.lebende waſ er ſælden rich.ware riterſchaft ſineſ endeſ wer.zer tioſt dur ſchilt mit einem ſper.wer chlagte dane die wunderſ not.erſtarp von einem gabilot.ẏwanet vf in do brach.der liehehten bloͮmen zeinem dach.er ſtiez den gabiloteſ ſtil.zoͮ im nach der marter zil.der chnape chuſche vn̄de ſtolz.druchte enchruze wiſ ein holz.dvrh die gabiloteſ ſniden.eren wolt niht vermiden.in die ſtat er ſagte.deſ manch wip verzagte.vnde manch riter weinde.der chlagende triwe erſcheinde.da wart iamerſ vil gedolt.der tote ſchone wart geholt.div chungin reit vz der ſtat.daz heilchtoͮm ſi foͮren bat.obe dem chunge von kukumerlant.den tote parzivaleſ hant.fro ſchinover div chungin.ſprach iamerlicher worte ſin.owe vn̄de heia hei.artuſeſ werdcheit enzwei.ſol brechen noch diz wunder.der obe der tafelrunder.den hoheſten briſ ſolte tragen.daz der vor nantiſ lit erſlagen.ſineſ erbeteileſ er gerte.do man in ſterbenſ werteer waſ doch maſſnie al hie.alſo daz dehein ore nie.dehein ſin vntat vernam.er waſ vor wilden valſche zam.der waſ vil gar von im geſchaben.nv moͮz ich alze froͮ begraben.ein ſloz obe dem briſe.vnt ſin herze an zuhten wiſe.obem ſloze ein hant veſte.riet im benamen daz beſte.ſwa man nach wibeſ minne.mit ellenthaftem ſinne.ſolt erzeigen manneſ triwe.ein berdiv fruht al niwe.iſt trvrenſ vf div wip geſæt.Vvz diner wunden iamer wæt.dir waſ doch wol ſo rot din har.daz din bloͮt die bloͮmen chlar.niht roter dorfte machen.dv ſwendeſt wiplich lachen.ither der lobeſ riche.wart beſtatet chunchliche.ſin tot ſchoͮp ſufcen in div wip.ſin harnaſch im verloſ den lip.dar vmbe waſ ſin endeſ wer.deſ tumben parzivaleſ ger.ſit do er ſich paz verſan.vngerne het erz do getan.daz orſ einer ſite phlach.groz arbeit ez ringe wach.ez ware chalt oder heiz.ez lie dvr reiſe deheinen ſweiz.ez trate ſtein oder ronen.man dorft im deheinſ gurtenſ wonen.doch eineſ locheſ naher baz.der zwene tage drvffe geſaz.gewapent reit ez der ivnge man.den tach ſo verre ez hete lan.ein wiſer ſolt erz han geriten.zwene tage ez wære vermiten.ez wolte ſchuften oder draben.er chunde im wench vf gehaben.hin gein dem abent er do ſach.eineſ turneſ chuphen vn̄de deſ dach.den tumben dvhte ſere.wie der turne woͮhſe mere.der ſtoͮnt da vil vf einem hvſ.do wander ſi ſæt artuſ.d*deſ iach er im fur heilcheit.vnt daz ſin ſalde wære breit.alſo ſprach der tumbe man.miner moͮter volch niht bwen chan.ez wahſet niht ſo hohe ir ſæ̂t.ſwaz ſir in dem walde hat.groz regen ſi ſelten da verbirt.Gvrnomanz de Graharz hiez der wirt.vf der burch da zoͮ er reit.da vor ſtoͮnt ein linde breit.Vvf einem groͮnen anger.der waſ breiter noch langer.niwan zerehter Maze.daz orſ vn̄de div ſtraze.in troͮgen da er ſitzen vant.deſ waſ div burch vnt oͮch daz lant.ein groziv moͮde in deſ betwanch.daz er den ſchilt vnrehte twanch.ze verre hinder oder fur.et ninder nach der ſite chur.die man da gein priſe maz.Gurnomanz der furſte al eine ſaz.oͮch gap der linden tolde.ir ſchate alſ ſi ſolde.dem hoͮbet man der waren zuht.deſ ſite waſ vor valſche ein fluht.er enphie den gaſt daz waſ ſin reht.bi im waſ riter noch der chneht.deſ antwurt im do parzival.vz tumben witzen ſunder twal.mich bat min moͮter nemen rat.zedem der grawe loche hat.da wil ich iv dienen nach.ſit mir min Moͮter deſ ver gach.ſit ir dur rateſ ſchulde.her chomen iwer hulde.moͮzt ir mir dur raten lan.welt ir rateſ volge han.do warf der fur*furſte mare.einen muzſparware.von der hende in die burch er ſwanc.ein guldin ſchelle dran erchlanc.daz waſ ein bote do chom im ſan.vil ivncherren wolgetan.er hiez den gaſt den er da ſach.in f*foͮren vn̄de ſchaffen ſin gemach.der ſprach min moͮter ſaget alwar.alteſ manneſ rede ſtet niht zevar.hin in ſin foͮrten alze hant.da er mangen werden riter fant.vf den hof an einer ſtat.ieſlicher in erbeizen bat.do ſprach an dem waſ tumpheit ſchin.mich hiez ein chunch riter ſin.ſwaz halt druffe mir geſchiht.ichen chum von diſem orſe niht.manger bete ſi doch gedahten.vnze ſin von dem orſe brahten.in eine chemenaten.ſi begunden im alle raten.lat dez harnaſch von iv bringen.vnde iweren liden ringen.vil ſchierer moͮſe entwapent ſin.do ſi div ruhen ribalin.Vvn̄de div toren chleit erſahen.ſi erſchrachen die ſin phlagen.vil blvgez wart zehofe geſaget.der wirt vor ſchame waſ nach verzaget.ein riter ſprach dvr ſine zuht.deſ war ſo werdchliche frvht.erchoſ nie miner oͮgen ſehe.an im lit der ſalden ſphehe.von reine ſoͮze hoher art.wie iſt der minnen blich alſuſ bewart.mich iamert imer daz ich vant.an der werlde froͮde alſolch gewant.wol ovchdoch der moͮter div in troͮch.an im deſ wunſcheſ lit gnoͮch.ſin zimierde iſt riche.dez harnſch ſtoͮnt riterliche.ez chom von dem gehivren.von einer quatſchivren.bloͮtch amiſier.choſ ich an im ſchier.der wirt ſprach zem riter ſan.ez iſt lihte durh wibe gebot getan.nein herre erſt in ſolhen ſiten.er chunde nimer wip gebiten.daz ſi ſin dienſt name.ſin varwe der minne zame.do ſprach der wirt nv ſulen wir ſehen.an dem ſolch wunder iſt geſchehen.ſi giengen da ſi funden.parzivalen den wunden.von einem ſper daz beleip doch ganz.ſin vnder want ſich gurnomanz.ſolch waſ ſin vnder winden.daz ein vater ſinen chinden. *: Korrekturzeichen am Rand, aber keine Korrektur bzw. keine Fehlverse ersichtlich.der ſich triwe chunde nieten.moht inz niht baz erbieten.ſine wunden woͮſch vn̄de bant.der wirt mit ſin ſelbeſ hant.nv waſ oͮch vf geleit daz brot.deſ waſ dem ivngen gaſte not.wan in groz hunger niht vermeit.al vaſtende er deſ morgenſ reit.von dem viſchare.ſin wunde vn̄de harnaſch ſware.die vor nantiſ er beiagete.im moͮde vn̄de hunger ſagete.Vvnt div verre tagereiſe.von artuſe dem britaneiſe.do man in alent halben vaſten liez.der wirt in mit im ezzen hiez.der gaſt ſich do gelabte.in den barn er ſich ſo habte.daz er der ſpiſe ſwande vil.daz nam der wirt gar zeinem ſpil.do bat in flizchliche.curnomanz der triwen riche.daz er vaſte azevnt der moͮde ſin vergaze.man hoͮp den tiſch do deſ waſ zit.ich wane daz ir moͮde ſit.ſprach der wirt waret ir iht froͮ.gotweiz min moͮter ſliefe nv.ſichan ſo vil niht wachen.der wirt begunde lachen.er foͮrt in an die ſlaf ſtat.der wirt in ſich vz ſloͮfen bat.vngernerz tet doch moͮſez ſin.ein dechlachen hermin.wart geleit vber ſinen blozen lip.ſo werde fruht gebar nie wip.groz moͮde vn̄de ſlaf in lerte.daz er ſich ſelten cherte.vmbe an die anderen ſiten.ſuſ chunder tageſ biten.do gebot der furſte mare.daz ein bat bereit ware.reht vmbe den miten morgenſ tach.zende an dem tepche da er da lach.daz moͮſe deſ morgenſ alſo ſin.man warf roſen oben drin.ſwie wench vmbe in man da rief.der gaſt erwachte der da ſlief.der ivnge werde ſoͮze man.giench ſitzen in die choͮfen ſan.Iine weiz wer ſi deſ bate.ivnchfroͮwen in richer wate.an libeſ varwe minnchlich.die chomen zuhte ſite gelich.ſi twoͮgen vn̄de ſtrichen ſchier.von im ſin amiſier.mit ir blanchen linden henden.iane dorfte in niht ellenden.der da waſ witze ein weiſe.ſuſ dolt er froͮde vn̄de eiſe.tupheit er wench gein in engalt.ivnchfroͮwen chuſche vn̄de balt.in alſuſ chunrierten.ſwa von ſi parlierten.da chunder wol geſwigen zoͮ.ian dorfte in dunchen nihtze froͮ.wan von in ſchein ein ander tach.der glaſt alſuſ enſtrite lach.ſin varwe laſchte beidiv lieht.deſ waſ ſin lip verſumet niht.man bot ein badelachen dar.deſ nam er vil chleine war.ſuſ chunder ſi bi froͮwen ſchemen.vor in wolt erz niht vmbe nemen.die ivnchfroͮwen moͮſen gen.ſi getorſten da niht lenger ſten.die wane ich gerne heten geſehen.obe im dort vnden iht wære geſchehen.wipheit vert mit triwen.ſi chan frivndeſ chumber riwen.der gaſt anz bete ſchreit.alwiz gewant waſ im bereit.von golde vn̄de ſidin.einen broͮchgurtel zoch man drin.ſcharlachenſ hoſen ſwarz man ſtreich.an in dem ellen nie geſweich.avoi wie ſtoͮnden ſiniv bein.rehte geſchichet abe im ſchein.brun ſcharlach wol geſniten.dem waſ furrieren niht vermiten.beidiv innen harmin blanch.roch vn̄de mandel waren lanch.brun ſwarz vn̄de gra.zobel der vor man choſ al da.daz leit an der gehivre.vnder einen gurtel tivre.wart er gephiſchieret.vnde wol gezimieret.mit einem tivren furſpan.ſin munt da bi von rote bran.do chom der wirt mit triwen chraft.nach dem gie ſtolziv riter ſchaft.er groͮzte den gaſt do daz geſchach.der riter ieſlicher ſprach.ſine geſahen nie ſo ſchonen lip.mit triwen lobten ſi daz wip.Ddiv gap der werlde ſolhe fruht.dvrh warheit vn̄de vmbe ir zuht.ſi ſprachen er wirt wol gewert.ſwa ſin dienſt genaden gert.im iſt minne vn̄de groͮz bereit.mager geniezen wer dcheit.ieſlicher im deſ ta iach.vnt dar nach ſwer in iegeſach.der wirt in bi der hant geviench.geſellchlicher danen giench.in fragte der furſte mare.welch ſin roͮwe wære.deſ nahtſ da bi im geweſen.herre dane ware ich niht geneſenwan daz min moͮter herherz mir reit.herherz: z mit roter Tinte nachträglich eingefügt. Legt Korrektur durch Rubrikator nahe. Korrektur im Sinne von "her zu mir"?deſ tageſ do ich von ir ſchiet.got moͮze lonen iv vn̄de ir.herre ir toͮt genade an mir.ſuſ giench der helt mit witzen chranch.da man gote vn̄de dem wirte ſanch.der *wirt zer meſſe in lerte.daz noch die ſalde meret.opheren vn̄de ſegenen ſich.gein dem tiefel cheren gerich.do giengenſ vf den palaſ.da der tiſch verdechet waſ.gder gaſt zoͮ ſinem wirte ſaz.die ſpiſer vngeſmahet az.der wirt ſprach durch hofſcheit.herre iv ſol niht weſen leit.obe ich ivch frage mære.wanenen iwer reiſe ware.er ſaget im die vnder ſcheit.wier von ſiner moͮter reit.vmbez vingelin vn̄de vmbez furſpan.vnde wie erz harnaſch gewan.der wirt erchande den riterrot.erreſufte vn̄de erbarmet in ſin tot.den gaſt erſ namen niht erliez.den roten riter er in hiez.Ddo man den tiſch *her dane gewan.dar nach wart wilder Moͮt vil zam.der wirt ſprach zem gaſte ſin.ir redet alſ ein chindelin.wan ſwiget ir iwerre moͮter gar.vnde nemet andere mære war.halt ivch an minen rat.der ſcheidet ivch von miſſetat.ſuſ hebe ich an latſ ivch gezemen.ir ſult nimer ivch verſchemen.ver ſchamter lip waz toͮch der mere.der lebet in der mvze rere.da im werdcheit entriſet.vnde in gein der helle wiſet.mich entriege geſiht vn̄de ſchin.ir mvget wol volcheſ herre ſin.iſt hoch oder hohet ſich iwer art.lat iweren willen deſ bewart.ivch ſol erbarmen notech her.gein deſ chumber ſit zewer.mit milte vn̄de mit goͮte.flizet ivch diemoͮte.der chumberhafte werde man.wol mit ſchame ringen chan.daz iſt vnſoͮziv arbeit.dem ſvlt ir helfe ſin bereit.ſwenne ir dem toͮt chumberſ boͮz.ſo nahet iv der gotſ groͮz.im iſt noch wirſ dene den die gent.nach brote al da div venſter ſtent.ir ſvlt beſcheidenliche.ſin arm vn̄de riche.ſwa der herre gar vertoͮt.daz iſt niht herlicher moͮt.ſament er aber ſchatzeſ mære.daz ſint och vn ere.gebet rehter maze ir orden.ich bin wol innen worden.daz ir rateſ durftch ſit.lat der vngefoͮge ir ſtrit.Iir ſvlt niht vil gevragen.oͮch ſol ivch niht betragen.bedahter gegen rede div ge.rehte alſ ienſ frage ſte.ſwer ivch wil mit worten ſpehen.ir chunnet horen vn̄de ſehen.entſebe vn̄de drahen.daz ſol ivch witzen nahen.lat die erbarme bi der fravele ſin.ſuſ toͮt mir rateſ volge ſchin.an ſwem ir ſtriteſ ſicherheitbezelt erne habe iv ſolch leit.getan div herzen chumber weſen.divdie nemet vn̄de lat in geneſen.ir moͮzet oͮch ditch wapen tragen.ſoz von iv chom daz ir getwagen.vnder den oͮgen vn̄de an den handen ſit.deſ iſt nach iſerſ rame zit.ſo werdet ir minnchlich gevar.deſ nement wibeſ oͮgen war.weſet manlich vn̄de wolgemoͮt.daz iſt zewerdem briſe goͮt.lat iv liep ſin div wip.daz tivret ivngeſ manneſ lip.gewenchet nimer tag an in.daz iſt reht manlicher ſin.welt ir in gerne liegen.ir mvget ir vil getrigenbetrigen.gein werder mineminne valſcher liſt.hat zepriſe churze friſt.da wirt der ſlichare chlage.daz durre holz ime hage.daz briſtet vn̄de chrachet.der wahtare erwachet.vngeverte vn̄de hamit.dar gedihet manch ſtrit.daz mezet gein dender minne.div werde hat ſinne.gein valſche liſtchliche chunſt.ſwenne ir beiaget ir vn gunſt.ſo moͮzet ir gevneret ſin.vnde imer dulten ſchemenden pin.diſe lere ſult ir nahen tragen.ich wil iv me von wibeſ orden ſagen.man vn̄de wip div ſint al ein.ſam div ſunne div hivte da ſchein.vnt der man der de hezet tach.der dewederz ſich geſcheiden mach.ſi bloͮnt vz einem cheren gar.deſ nemet chunſtchlichen war.der gaſt dem wirte dvrch raten neich.ſiner moͮter er geſweich.mit rede vn̄de in dem herzen niht.Aalſ noch getriwem man geſchiht.der wirt ſprach ſin ere.noch ſult ir lernen mere.chunſt an riterlichen ſiten.wie chomet ir zoͮ mir geriten.ich han beſchoͮwet mange want.da ich den ſchilt baz hangen vant.dane er iv zehalſe tæte.ez iſt vnſ niht zeſpate.wir ſulen zevelde gahen.da ſult ir chunſte nahen.bringet im ſin orſ vn̄de mir dez mine.vnde ieſlichem riter daz ſine.dar ſulen oͮch ivncherren chomen.der ieſlicher habe genomen.einen ſtarchen ſchaft vn̄de bringe in dar.der nach der niwe ſi gevar.ſuſ chom der furſte vf den plan.da wart mit ritene chunſt getan.ſinem gaſter do raten gap.wierz orſ vf den walap.mit ſporen groͮzeſ pine.nach ſchenchelen fliegenſ ſchine.vz dem ponder *ſolte wenchen.den ſchaft zerehte ſenchen.den ſchilt gein tioſte vur ſich nemen.er ſprach deſ lat ivch gezemen.vnfoͮger im ſuſ werte.baz dane ein ſwenchel gerte.div argen chinden brichet vel.do hiez er chomen ritere ſnel.gein im durch tioſtieren.er begunde in condewieren.einen zegagen an den rinch.do brahte der ivngelinch.ſin erſte tioſt durch einen ſchilt.deſ von in allen wart bevilt.vnt daz er hinderz orſ verſwanch.einen ſtarchen riter niht ze chranch.ein ander tioſture waſ chomen.nv het oͮch parzival genomen.einen ſtarchen niwen ſchaft.Sſin ivgent het ellen vnde chraft.der ivnge ſoͮze ane bart.deſ twangin Gahmuretſ art.vn̄de angeborniv manheit.daz orſ von rabine er reitmit vollchlicher hurte dar.er nam der vier nagele war.deſ wirteſ riter niht geſaz.al valende er den acher maz.da moͮſen chleiniv ſtuchelin.al da von trunzunen ſin.alſuſ ſtach ir funfe nider.der wirt in nam vn̄de foͮrte in wider.ſeht da behielt er ſchimpheſ briſ.vnde wart oͮch ſit an ſtrite wiſ.die ſin riten da geſahen.die wiſen im deſ gahen.da foͮre chun*chunſt vn̄de ellen bi.min herre wirt nv iamerſ fri.ſich mach wol ivgen nu ſin leben.er ſol im zewibe geben.ſine tohter vnſer froͮwen.obe wirn bi witzen ſchoͮwen.ſo erliſchet im ſin amerſ not.fur ſiner driger ſune tot.iſt im ein gelt zehvſ geriten.nv hat in ſalde niht vermiten.ſuſ chom der furſte wider in.der tiſch verdecht moͮſe ſin.der wirt hiez zetiſche chomen.ſine tohter ſuſ han ich ver nomen.do er die maget chomen ſach.nv horet wie der wirt ſprach.zeder ſchonen liazen.nv ſoltv chuſſen lazzen.diſen riter vn̄de bivt im ere.er vert mit ſalden lere.oͮch ſolt an ivch gedinget ſin.daz ir der meide einir vingerlin.liezet op ſiz moht han.nv hat ſiſ niht noch furſpan.wer gabe ir ſolhen volleiſt.ſo der froͮwen in dem voreiſt.Ddiv het etwen von dem ſi enphiench.daz iv zen phahene ſit er giench.ir mvget liazen niht genemen.der gaſt begunde ſich deſ ſchemen.iedoch chuſterſe an den munt.dem waſ wol vivrſ varwe chunt.liazen lip waſ minnchlich.da bi der waren chuſche rich.der tiſch waſ nidere vn̄de lanch.der wirt ſich da mit niemen dranch.er ſaz al eine an den ort.ſinen gaſt liez er ſitzen dort.zwiſchen im vn̄de ſinem chinde.ir blanchen hende linde.Mmoͮſen ſniden ſo der gebot.den man da hiez den riter rot.al daz er ezen wolde.niemen ſi wenden ſolde.ſine gebarten heinliche.div maget zuhte riche.leiſt ir vater willen garſi vn̄de der gaſt waren wolgevar.dar nach ſchiere giench div maget wider.alſuſ phlach man deſ heldeſ ſider.vnze an den vierzehenden tach.bi ſinem herzen chumber lach.anderſ niht wan vmbe daz.er wolt e geſtriten baz.e daz er dar ane wurde warm.daz man da heizet froͮwen arm.in dvhte wert gedinge.daz ware ein hohiv linge.zediſeme libe vn̄de dort.daz ſint noch vngelogeniv wort.deſ mor genſ er vrloͮbeſ bat.do rumder Graharz die ſtat.der wirt mit im zevelde reit.hie hoͮp ſich niwez herze leit.do ſprach furſte vz triwe erchoren.ir ſit min vierder ſvn verloren.ich wande ergetzet ware.drier iamerlichen mare.der waren danoch niwan driv.der nv min herze envieriv.mit ſiner hende ſloͮge.vnde ieſlich ſtuche troͮge.daz dvhte mich ein groz gewin.einez fur ivch ir ritet hin.div driv fur minen werden chint.div ellenthaft erſtorben ſint.ſuſ lonet iedoch div riterſchaft.ir zagel iſt iamerſ ſtrichehaft.ein tot mich lemet an froͮden gar.mineſ ſuneſ wolgevar.der waſ geheizen tſ*tſchentaloͮrſ.do froͮ condwiramurſ.lip vn̄de ir lant niht wolte geben.in ir helfer floſ ſin leben.von clamide vn von kingrun.deſ iſt mir durchel alſ ein zun.min herze von iamerſ ſiten.nv ſit ir alzefroͮ geriten.von mir troſte loſen man.owe daz ich niht ſterben chan.ſit liaze div ſchone maget.vnde oͮch min lant iv niht behaget.min ander ſun hiez kunfiliſcot.den ſloͮch mir Iderſ*filnot.vmbe einen ſparwære.deſ ſten ih froͮden lare.min driter ſun hiez kurzgri.dem reit mahode bi.mit ir ſchonem libe.wan ſi gap im zewibe.Iir ſtolzer broͮder ehkunat.gein brandigan der hobet ſtat.chom er nach tſchoidelakrtſchoidelakurt geriten.deſ wart ſin ſterben niht vermiten.da ſloͮgin moͮbonagrin.deſ verloſ mahode ir liehten ſchin.vnde lach min wip ſin moͮter tot.groz iamer ez ir nach im gebot.der gaſt nam ſineſ iamerſ war.wan erz im vnder ſchiet ſo gar.do ſprach herre ichne bin niht wiſ.bezale aber ich imer riterſ priſ.ſo daz ich mach wol minnen geren.ſo ſult ir mich liazen weren.iwer tohter der ſchonen maget.ir habet mir alzevil gechlaget.magich iv iamer dane entſagen.deſ laze ich ivch niht langer tragen.vrloͮp nam der ivnge man.zedem getriwen furſten ſan.vnt zeal der meſſenie.deſ werden furſten drie.waſ riwch an daz quater chomen.die vierden fluſt het er genomen.danen ſchiet do parzival.riterſ ſite vn̄de riterſ mal.ſin lip mit zuhten foͮrte.owe wan daz ir roͮte.vil manch vnſoͮziv ſtrenge.im waſ div wite zenge.vnde oͮch div breite gar zeſmal.elliv groͮne in duhte val.ſin rot harnaſch dvhte in blanch.ſin herze div oͮgen deſ betwanch.ſit er tumpheit ane wart.ſone wolt in gahmuretſ art.gedenchenſ niht erlazen.nach der ſchonen liazen.Dder meide ſalden riche.div im geſelchliche.: Zeigehand links von der Initiale.ſunder minne bot ere.ſwar ſin orſ nv chere.eren mageſ vor iamer niht enthaben.ez welle ſchuften oder draben.chruze vn̄de ſtuden ſtrich.dar zoͮ der wagleiſen blich.ſine walt ſtraze meit.vil vngeverteſ er do reit.da lutzel wericheſ ſtoͮnt.tal vn̄de berch waſ im vnchunt.genoͮge habent deſ einen ſite.vnde gehent ſwer irre rite.daz der den ſlegel funde.ſlegeleſ vrchunde.lach da ane maze vil.ſulen groze ronen ſin ſlegelſ zil.doch reit er lutzel irre.wan die ſlihte an der virre.chom er deſ tageſ von Graharz.in daz chunchriche zebriubarz.durch wilde gebirge hoch.der tach do gein dem abende zoͮch.er chom an ein wazer ſnel.daz waſ von ſinem dvze hel.ez gaben die velſe ein ander.daz reit er nider do vander.die ſtat zepelrap*irepelrapeire.der chunch tampunteire.het ſi gerbet vf ſin chint.bi der vil lute in chumber ſint.daz wazer foͮr nach bolzeſ ſiten.die wol gevidert vn̄de geſniten.ſint ſo ſi deſ armbruſteſ ſpan.mit ſenwe ſwanche tribet dan.dar vber giench ein bru*henbruchen ſlach.da manch hurt vffe lach.ez floz al da reht in daz mer.pelrapeire waſ wol zewer.nv ſeht wie chint vf ſchochen varen.die man ſchocheſ niht wil ſparen.ſuſ voͮr div brvke ane ſeil.ſine waſ vor ivgende niht ſo gelgeil.dort ander halben ſtoͮnden.mit helmen vf gebunden.ſehzeh riter oder mer.die riefen alle chera cher.mit vf gewofenen ſwerten.die chranchen ſtritſ gerten.dur daz ſin ditche ſahen e.ſi wanden ez ware clamide.wan er ſo chunſtchliche reit.gein der bruke vf dem velde breit.do ſi diſen ivgen man.alſuſ mit ſchalle riefen an.ſwie erz orſ mit ſporen verſneit.durch vorht ez doch die bruke meit.Dder erbeizte nider vn̄de zoch.der nîeîe zageheit gefloch.der rehte zageheit îe flochder erbeizte nider vn̄de zoch.ſin orſ vf der bruken ſwanch.eineſ zagen moͮt wære al zechranch.ſolter gein ſolhem ſtrite varen.dar zoͮ moͮſer ein dinch bewaren.wan er vorhte deſ orſeſ val.do erlaſch oͮch anderhalp der ſchal.die riter troͮgen wider in.helm ſchilte ſwerteſ ſchin.vnde ſlvzen zoͮ die porten.grozer her ſi vorhten.ſuſ zoch hin vber parzival.vnde chom geriten an ein wal.da manger ſinen lip verloſ.lip verloſ: Wiederholung aus dem Folgevers; nicht korrigiert.vnt dvrch riterſ priſ den lip veloſverloſ.vor der porte gein dem palaſ.der hoch vn̄de gehert waſ.einen rinch er an der porten vant.den roͮrter vaſte mit der hant.ſineſ roͮffeneſ nam da niemen war.wan ein ivnchfroͮwe wol gevar.von einem venſter ſach div maget.den helt halden vnverzaget.div ſchone zuhte riche.ſprach ſit ir vigentliche.her chomen deiſt ane not.ane ivch man vnſ vil hazeſ bot.vome lande vn̄de vf dem mer.zornech ellenthaftez her.do ſprach er froͮwe hie halt ein man.der iv dienet obe ih chan.iwer groͮz ſol ſin min ſolt.ich bin iv dienſtlichen holt.do gie div maget mit ſinne.fur die chunginne.vnde half im daz er chom dar in.daz in ſit wande hohen pin.ſuſ wart er in verlazen.ietweder halp der ſtrazen.Sſtoͮnt von bovel ein langiv ſchar.die werliche chomen dar.ſlingare putelirre.der waſ ein langiv virre.oͮch choſ man an dem ſelben zil.arger ſchutzen harte vil.vil choͮner ſariande.die beſten von dem lande.mit langen ſcharfen lanzen.ſtarchen vn̄de ganzen.alſ ich daz mare vernomen han.da ſtoͮnt oͮch manch choͮfman.mit hachen vn̄de mit gabilot.alſ in ir meiſter ſchaft gebot.die troͮgen alle ſlachen balch.der chunginne marſchalch.moͮſe in dvr ſi leiten.vf den hof mit arbeiten.der waſ gein wer beraten.turne obe den chemnaten.wichhvſ perfrit archker.der ſtoͮnt da ſicherlichen mer.dane er da vor geſahe ie.do chomen allenthalben hie.riter die in enphiengen.die riten vn̄de giengen.oͮch waſ div iamerliche ſchar.elliv nach aſchen var.oder alſe valwer leim.grave ppope von wertheim.ware vngerne ſoldier da geweſen.er moht ir ſoldeſ niht geneſen.de*der zadel foͮgte in hungerſ not.ſine heten chaſe fleiſch noch brot.ſi liezen zenſturen ſin.vnde ſmalzten oͮch deheinen win.mit ir mvnde ſo ſi trunchen.die wambe in nider ſunchen.ir hvfe hoch vnde mager.gerumphen alſ ein vngerſ zager.waſ in div hvt zoͮ den riben.der hunger het in daz fleiſch vertriben.den moͮſen ſi dur zadel dolen.in troͮf vil lutzel in die cholen.Ddeſ twanch ſi ein ſtolzer *anman.der werde chunch von bradigan.ſi ardenarndenclamideſ bete.ſi vergoz da ſelten mit dem mete.der zuber oder div hanne.hanne: Zu erwarten wäre hier channe. Bei der unleserlichen Stelle handelt es sich wahrscheinlich um eine Korrektur im Sinne von: *hannechanne.hanne: Liegt auch vom Original her nahe, wenn es auch nicht klar erkennbar ist.hanne: Durch Tintenfleck nicht eindeutig zu klären.ein truhendingare phanne.mit chraphen ſelten da erſchrei.in waſ der ſelbe dôn enzweiſolt ich daz nv wizzen in.ſo het ich harte chranchen ſin.wan da ich ditch bin erbeizet.da man mich herren heizet.da heime in min ſelbeſ hvſ.da wirt gefroͮt vil ſelten mvſ.wan div moͮſe ir ſpiſe ſtelen.ſine dorfte niemen vor mir helen.ich vinde ir offenlichen niht.al zeditche daz geſchiht.mir wolfram von eſchenbach.daz ih dvlte ſolch gemach.miner chlage iſt vil vernomen.nv ſol diz mare wider chomen.wie pelrapeire ſtoͮnt iamerſ vol.da gap div diet von froͮden zol.die helde iamerſ riche.lebten chumberliche.ir wariv manheit daz gebot.nv ſolde erbarmen ivch ir not.ir lip iſt nv bennetbenenet phant.ſine loſe druz div hoheſte hant.horet mere von den armen.die ſolten ivch erbarberbarmen.ſi enphiengen ſchamliche.ir gaſt et*elleneſ riche.er dvhte ſi anderſ wol ſo wert.daz er niht dorfte han gegert.ir herberge alſ ez im ſtoͮnt.ir groziv not waſ im vnchoͮntman leit einen tepch vf dez graſ.da vermuret vn̄de geleit waſ.durch den ſchate ein linde.do entwapende inz geſinde.er waſ in vngelich gevar.do er den ram von im ſo gar.getoͮch mit einem brunnen.do het er der liehten ſunnen.verchrenchet nach ir liehten glaſt.deſ dvhter ſi ein werder gaſt.man braht im einen mandel ſan.gelich alſ der rock getan.der e deſ an dem helde lach.deſ zobel gap wilden niwen ſmach.zobel: Auch am Original unterstrich des b nicht klar erkennbar.ſi ſprachen welt ir ſchoͮwen.die chungin vnſer froͮwen.do iach der helt ſtæte.daz er daz gerne tæte.ſi gienen gein dem palaſ.da hohe hin vf gegredet waſ.Eein minnchlich antluzeſ ſchin.dar zoͮ der oͮgen ſoͮze ſin.von der chunginne giench.ein liehter glaſt e ſin enphienc.von katelangenkiot.vnt der werde manfiliot.herzogen bede waren die.ir broͮder chint ſi brahten hie.deſ landeſ chunginne.durch die gotſ minne.heten ſe vf gegeben ir ſwert.da giengen die furſten wert.gra vn̄de wolgevar.mit grozer zuht ſi brahenbrahten dar.ir froͮwen miten an die ſtegen.da chuſte ſi den werden degen.die mvnde waren bede rot.div chungin ir hant im bot.parzivalen ſi foͮrte wider.al da ſi ſazen beidiv nider.froͮwen vn̄de riterſchaft.die heten alle ſwache chraft.die da ſtoͮnden vn̄de ſazen.die heten froͮde lazen.daz geſinde vn̄de och div wirtin.condwiramurſ ir ſchin.doch ſchiet von diſen ſtriten.ieſchuten vn̄deeniten.vnde kunewaren delalant.oder ſwa man lobeſ die beſten vant.ſwa man froͮwen ſchone gewoͮch.ir glaſteſ ſchin vaſte vnder ſloͮch.vnde beider ẏſalden.div da moͮz priſeſ walden.daz waſ div chungin condwiramuſcondwiramurſ.div troͮch den rehten beacurſ.der name iſt tuſchen ſchoner lip.ez waren wol nutziv wip.divdi diſiv zwei gebaren.divdi: Vermutlich eher ein Fleck auf dem Pergament, als ein Punkt zur Tilgung.div da in ein ander waren.done ſchoͮf wip vn̄de man.niht me wan daz ſi ſahen an.div zwei bi ein ander.goͮten frivnt da vander.Dder gaſt gedaht ih ſage iv wie.liaze iſt dort liaze iſt hie.mich got leideſ mazen.nv ſihe ih liazen.deſ werden Gurnomzeſ chint.liazen ſchone waſ ein wint.gein dirre meide div hie ſaz.an der got wnſcheſ niht vergaz.do waſ deſ landeſ froͮwe.alſ von dem ſoͮzen toͮwe.div roſe vz ir balgelin.enblechet niwen werden ſchin.der beidiv wiz iſt vn̄de rot.daz foͮgete ir gaſte groze not.ſin manlich zuht waſ ſo ganz.ſit in der werde churnomanz.von ſiner tumpheite ſchiet.vnde im fragen wider riet.niwan beſcheiden liche.bi der chunginne riche.ſaz ſin mvnt gar ane wo*wort.nahe al da niht verre dort.manger chan noch rede ſparn.der mer zefroͮwen iſt gevaren.div chunginne dahte ſan.ich wane mih ſmaht dirre man.dur daz min lip vertwalt iſt.nein er toͮtz dvrch einen liſt.er iſt gaſt ih pin wirtin.div erſte rede ſolte weſen min.dar nach er goͮlich an mih ſach.ſit vnſ zeſitzene hie geſchach.er hat ſich zuht gein mir enbart.min rede iſt alzevil geſpart.hie ſol niht me geſwigen ſin.zeir gaſte ſprach div chungin.herre ein wirtin reden moͮz.ein chuſ erwarp mir iweren groͮz.oͮch enbut ir dienſt da her in.alſ ſagte ein ivnchfroͮwe min.ſone hant mich geſte niht gewent.deſ hat min herze ſich verſent.herre ich frage ivch mare.wanen iwer reiſe ware.froͮwe ih reit bi diſem tage.Vvon einem man der mich mit chlage.liez mit triwen ane ſchranz.der furſte heizet Gurnomanz.von graharz ir er genant.danen rite ih hivt n diz lant.alſuſ ſprach div werde maget.etz anderſ iemen mir geſaget.der volge im nimer wurde vergehen.daz ez eineſ tageſ moht geſchehen.welch min bot al baldeſt reit.ie reiſe er zwene tage meit.in moͮter waſ div ſweſter ſin.werſ wirteſ ſiner tohter ſchin.ſich oͮch von iamer chrenchen mach.wir haben mangen ſwaren ach.mit nazzen oͮgen vber chlaget.ich vn̄deliaze div maget.ſit ir iweren wirte holt.ſo lidet alſ wirz gedolt.hie lange han wip vn̄de man.ein teil ir dienet im dar an.ich moͮz iv vnſeren chumber chlagen.vnſeren: v am Original schwach erkennbar.wir moͮzen ſtregen zadel tragen.do ſprach ot.froͮwe ich zwelf brot.ſchulteren vn̄de hamen dri.da ligent ahte chaſe bi.vnt zwei buzel mit wineoͮch ſol der broͮder mine.mine: e deutlich am Original lesbar, für n eigentlich zu großer Zwischenraum.hint ſtivren deſ iſt n.do ſprach manfiliotfroͮwe ich ſendiv alſ vil.do ſaz div maget an froͮden zil.ir grozer dan*danch wart niht fermiten.ſi namen vrloͮp vn̄de riten.da bi zir de huſenzer wilden hluſendie alten der wer.vnde heten f von dem her.ir boten wider chomen gedrabet.deſ wart div chranche diet gelabet.do waſ der burgare nar.gedigen an diſe ſpiſe gar.ir waſ vor hunger manger tot.e daz in chome dar daz brot.teilen hiez div chungin.daz fleiſch div chase vn̄de den win.dirre chrefteloſen diet.parzival ir gaſt daz riet.eſ beleip in zwein vil chume ein ſnite.die teiltenſe ane bagenſ ſite.teiltenſe ane: Nach teiltenſ im Original ein Buchstabe, am ehesten ein e erkennbar, danach etwas größerer Zwischenraum bis ane - evtl. noch ein Buchstabe?div wirtſchaft waſ oͮch verzert.da mite mangeſ tot erwert.den der hunger leben liez.ir gaſte man do beten hiez.ſanfte deſ ih wanen wil.waren die burgare veder ſpil.ſine waren vber chruphet niht.deſ noch ir tiſch gerihte giht.ſi troͮgen alle hunger mal.wan der ivnge parzival .Dder a ſlafeſ vrloͮp.obe ſine cherzen warn ſchoͮp.nein ſi waren bezer gar.do gie der ivnge wol gevar.an ein bete riche.gehert chunchliche.niht nach aventure chur.ein tepech waſ geleit der fur.er hiez die riter wider gen.diene liez er da niht lenger ſten.chint in entſchoͮhten ſa er ſlief.vnze im der ware iamer rief.vnde liehter oͮgen herzen regen.die erwachten ſchiere den werden degen.hie chom alſ ih iv ſagen wil.ez brach niht wiplichiv zil.mit ſtæte chuſche troͮch div maget.von der ein teil hie wirt geſaget.ſi twanch vrliugeſ not.vnde lieber helfare tot.ir herze an ſolhez chrachendaz ir oͮgen moͮſen wachen.do giench div chunginne.niht nach ſolher minne.div ſolher namen reizet.der meide wip heizet.ſi ſoͮhte helfe vn̄de friundeſ rat.an ir waſ werlichiv wat.ein hemde wiz ſidin.waz mohte champhlicher ſin.dane gein dem man ſuſ chomende ein wip.do ſwanch div froͮwe vmbe ir lip.von ſamit einen mandel lanch.ſi gie alſi der chumber dwanch.ivnchfroͮwen chamerare.ſwaz der da bi ir ware.die lie ſi ſlaffen vber al.do ſleich ſi eine an allen ſchal.in eine chemenaten.ez ſchoͮfen iez ta taten.daz parzivale lach.von cherzen lieht alſam der tach.waſ vor ſiner ſlaf ſtat.gein ſinem bte giengir phat.vf den tepete ſi vur in.ſi heten bediv chranchen ſin.Eer vn̄de div chunginne.an bi ligen minne.hie wart alſuſ geworben.an frvͦden verdrben.frvͦden: Supraskript sieht eher wie v aus, aber der Buchstabe darunter hat zwei Schäfte, daher eher Lesung von o über v/u als v über o.waſ div maget deſ twanch ſi ſche.ober ſi hin an iht neme.leider deſ enchan er niht.ane chunſt ez doch geſchiht.mit einem ſo benanten fride.daz ſi div ſoͮnebæren lide.ninder zeinander brahten.wie wench ſi deſ gedahten.der magede iamer waſ ſo groz.vil zahere von ir oͮgen floz.vf den ivgen parzival.der horte ir weinen ſolhen ſchal.daz er ſi lachende an ſach.leit vn̄de liep im dran geſchach.vf rihte ſich der ivnge man.zer chunginne ſprach er ſan.froͮwe bin ich iwer ſpot.ir ſolt chnien ſuſ vor got.geroͮchet ſitzen zoͮ mir herdaz ſin bet vn̄de och ſin ger.oder leit ivch hie al da ich lach.lat mich beliben ſwa ich mach.ſi ſprach welt ir ivch eren.ſolhe maze gein mir cheren.daz ir mit mir ringet niht.min ligen albivͥ hie geſchiht.deſ wart ein fride von im getan.ſi ſmoͮch ſich an daz bete ſan.ez waſ danoch ſo ſpate.daz ninder hoͮn da chrate.die haneboͮme ſtoͮnden bloz.der zadel hoͮner abe in ſchoz.div maget iamerſ riche.fragete in zuhtchliche.ober horen wolt ir chlage.ich furhte herre obe ihz iv ſage.Eez wende iv ſlaf daz toͮt iv we.mir hat der chunch clamide.vn̄dekingrun ſin ſchinſchalt.verwoͮſtet burge vn̄de lant.vnze an pelrapeire.min vater tampunteire.lie mich armen weiſen.in forhtlichen freiſen.furſten mage mine man.riche vn̄de arme vndertan.waſ mir groz ellenthaftez her.die ſint erſtorben ane wer.wol halbe oder dez mere teil.weſ moht ich armiv weſen geil.ez iſt mir chomen an daz zil.daz ich mich ſelben toten wil.e daz ich magetoͮm vn̄de lip.gebe vn̄declamideſ wip.werde wan ſin hant mir ſloͮch.tſchentafluren deſ herze troͮch.mangen riterlichen priſ.er manneſ ſchone ein bloͮmen riſ.er chunde falſcheit mazen.der broͮder liazen.do liaze wart genant.nach ir vil chumberſ wart gemant.der dienſt gebende parzival.ſin hoheuot chom in ein tal.deſ twanch in doch ir minne.er ſprach zer chunginne.froͮwe hulf ivmenſ troſt.ia herre obe ich wurde erloſt.von kingrune ſenſchalt.ze rehter tioſt hat mir ſin hant.gevellet mangen riter nider.der chumet morgen da her wider.vnde wanet daz ter herre ſin.ſule ligen an dem arme min.ir ſahet wol minen palaſ.der ninder ſo gehohet waſ.ine viel e nider inden graben.clamide ſolte hen.mit gewalte minen mget.ſuſ wolt ich wen ſine roͮm.do ſprach er froͮwe iſt kingrun.franzoẏs oder brituoder von ſwelhem land er vert.von miner hant ir ſit gewert.alſ ez min lip volbringen mach.div naht het ende vn̄de chom der tach.div froͮwe ſtoͮnt vf vn̄de neich.ir grozen danch ſi niht verſweich.do ſleich ſi wider liſe.niemen waſ da ſo wiſe.der wurde ir geneſ dar gewar.wan parzival der wol gevar.er ſlief niht lenger do dar nach.der ſunnen waſ gein hohe gach.ir gleſten dur div wolchen dranch.do horter manger gloken chlanch.Cchirchen munſter ſoͮht div diet.die clamide von froͮden ſchiet.vf rihte ſich der ivnge man.der chunginne chapelan.ſanch got vn̄de ſiner froͮwen.ir gaſt ſi wolte ſchoͮwen.biz der benediz geſchach.nach ſinem harnaſch er ſprach.da wart er wol gewapent in..iii.er tet do riterſ ellen ſchin.mit rehte manlicher wer.do chom clamideſ her.mit manger baniere.kingrun chom ſchiere.vor den andern verre.vf einem orſe von yſerterre.alſ ich daz mare han vernomen.do waſ och fur die borte chomen.filiroiſ Gahmvret.der het der burgare gebet.diz waſ ſin erſter ſwerteſ ſtrit.er nam den ponder wol ſo wit.daz von ſiner tioſte hurt.beiden orſen wart engurt.darngurtel braſten vmbe daz.ietweder orſ vf haſchen ſaz.die e deſ vf in ſazen.der ſwerte ſi niht vergazen.in den ſcheiden ſi ſi vunden.kingrun troͮch wunden.dur den arm vn̄de dur die bruſt.diſiu tioſt in lerte fluſt.an ſolhem priſe deſ er phlach.vnze an ſinen hochvart ſwindeſ tach.ſolch ellen waſ vf in gezalt.ſeheſ riter er ſolt han gevalt.die gein im chomen vf ein velt.parzival im brahte gelt.Mmit ſiner ellenthaften hant.daz kingrun ſeneſchalt.wande fromder mare.wie ein phetrære.mit wurfen vf in ſeigte.ander ſtrit in neigete.ein ſwert im dur den helm erchlanch.pazival in nider ſwanch.er ſatzte im an die bruſt ein chnie.er bot daz wart geboten nie.deheinem man ſin ſicherheit.er wolt ir niht der mit im ſtreit.er bat in phianze.bringen gurnomanze.nein herre dv maht mir gerner toͮn.den ot ich ſloͮg im ſinen ſun.tſchantaflur ich nam ſin leben.got hat dir eren vil gelebengegeben.ſwa man ſaget daz von dir.din chraft erzeiget ſi an mir.daz tu mich habeſt betwungen.ſo iſt dir wol gelungen.do ſprach der ivnge parzival.ich wil dir lazen ander wal.ſo ſicher der chungin.der din herre hohen pin.hat getan mit zorne.ſo ware ich der verlorne.mit ſwerten wære min lip verzert.chleine alſ daz in der ſunnen vert.ich han herzeleit getan.dort inne mangem choͮnen man.ſo foͮre von diſem pln*plnige.in daz lant zebritanige.dine riterliche ſicherheit.einer meide div dvr mich leit.deſ ſi niht liden ſolde.der foͮge erchennen wolde.vnde ſage ir ſwaz halt mir geſchehe.daz ſi mich nimer froͮ geſehee daz ich ſi gerehe.al da ich ſchilt durch ſteche.vnde ſage von minem libe.artuſe vnde ſinem wibe.dar zoͮ der maſſenie gardaz ich wil nimer chomen dar.Ee daz ich laſterſ mich entſage.daz ich geſellchlichen trage.mit ir div mir lachen bot.deſ chom ir lip in groze not.ſage ir ich ſi ir dienſman.dienſtlicher dienſt vnder tan.der rede ein volge da geſchach.die helde man ſich ſcheiden ſach.hin widere chom gegangen.da ſin orſ waſ gevangen.der burgare champheſ troſt.ſi wurden ſit von im erloſt.zwivelſ phlach daz vzer her.daz kingrun an ſiner wer.waſ entſchumphiert.do wart gecondwieret.parzival zerchungin.ſi tet im vmbe vahen ſchin.ſi druchte in vaſte an ir lip.ſi ſprach ihne wirde nimer wip.vf dirre erde deheineſ man.wan den ich vmbe vangen han.ſi half daz er entwapent wart.ir dienſt waſ vil vngeſpart.nach ſiner grozen arbeit.waſ chranchiv wirtſchaft bereit.die burgare ſo gefoͮren.daz ſim alle hulde ſoͮwren.vnde iahen er moͮſe ir herre ſin.do ſprach oͮch div chungin.er ſolt ſin ir amiſ.ſit daz er ſo hohen priſ. bezalt an kingrune.zwene ſegele brune.choſ man von der wer her abe.die ſloͮch groz wint in die habe.die chiele waren geladen ſo.deſ die burgare wurden fro.ſine troͮgen niht wan ſpiſe.daz voͮchte got der wiſe.her von den zinnen vielen.vnde gahten gein den chielen.daz hungerge her dvrch den roͮp.ſi mohten fliegen ſo div loͮp.die durren vn̄de die ſihten.von fleiſche die lihten.in waſ erſchoben niht ir balch.der chunginne marſchalch.ſchoͮf den ſcheffen ſolhen fride.daz er gebot bi der wide.dazſe ir deheiner roͮrte.die choͮfluter foͮrte.fur ſinen herren in die ſtat.parzival in gelten bat.ir choͮf zwiſpilde.die choͮflute deſ bevilde.ſuſ wart vergolten in ir choͮf.den burgaren do in cholen troͮf.ich ware da nv wol ſoldier.wan da trincht niemen bîer.Sſi habent ſpiſe vn̄de wineſ vil.do warb alſ ih iv ſagen wil.parzival der reine.von erſte die ſpiſe chleine.teilter mit ſin ſelbeſ hant.do ſatzter alle dier vant.er wolt nih ir laren magen.vber chruphe lazen tragen.er gab ir rehter maze teil.ſi wurden ſineſ rateſ geil.hinze naht ſchoͮf er in mere.der vnloſe niht zehere.bi ligenſ wart gefraget da.er vnt div chungin ſprachen ia.er lach mit ſolhen foͮgen.deſ nv niht wil genoͮgen.mangiv wib der in ſo toͮt.daz ſi dvrch arbeitlichen moͮt.ir zuht ſuſ parrîernenparrîernt.vnde ſich der geine ziernenziernt.vor geſten ſintſe an chuſchen ſiten.ir herze willen hat verſniten.ſwaz mag an den gebarden ſin.ir frivnt ſi heinlichen pin.foͮget mir ir zarte.deſ maze ie ſih bewarte.der getriwe ſtæte man.wol frivndinne ſchonen chan.er denchet alſ ez liht iſ war.ich han gedienet miniv iar.nach lone diſem wibe.div hat minem libe.erboten troſt nv lige ich hie.eſ hete mich genoͮget ie.obe ich mit miner blozen hant.ſolte roͮren ir gewant.obe ich nv ihteſ gerte.vntriwe eſ vur mich werte.ſolt ich ſi arbeiten.vnſer beider laſter breiten.vor ſlafe ſoͮziv mare.ſint froͮwen ſitebare.Sſuſ lach der waleiſe.chranch waſ ſin freiſe.den man den roten riter hiez.die chunginne er maget liez.ſi wande iedoch ſi ware ſin wip.dur ſinen minnchlichen lip.deſ morgenſ ſi ir hoͮbet bant.do gap im lute vn̄de lant.diſiv magetbare brut.wan er waſ ir herzen trut.ſi waren mit ein ander ſo.daz ſi durch liebe waren fro.zwene tage vnt dri naht.von im ditche wart bedaht.vmbe vahen daz ſin moͮter riet.Gurnomanz im vnder ſchiet.man vn̄de wip div waren al ein.ſich vlahten arm vn̄de bein.obe ichez iv ſagen moͮze.er vant daz nahen ſoͮze.der alte vn̄de der niwe ſite.wonte da in beiden mite.in waſ wol vn̄de niht we.nv horet me wie clamide.an chreftchlicher hohfart.mit maren gevntroſtet wart.diz begunde im ein chnape ſagen.deſ orſ zen ſiten waſ dur ſlagen.vor pelrapeire vf dem plan.iſt werdiv riterſchaft getan.deſ herſ meiſter kingrun.vert gein artuſe dem britun.die ſoldier ligent noch vor der ſtat.do er dan ſchiet alſ er ſi bat.ir ture beidiv her.findent pelrapeire zewer.dort inne iſt ein riter wert.der anderſ niht wan ſtriteſ gert.die ſoldier iehent beſunder.daz von der tafelrunder.div chunginne habe geſant.itheren von kukumerlant.deſ wapen chom zer tioſte fur.vnde wart getragen mit briſ chur.der chunch ſprach zem chnapen ſan.condwiramurſ wil mih han.Vvn̄de ich ir lip vnt ir lant.kingrun min ſinſchalt.mir mit warheit enbot.ſi gaben die ſtat von hungerſ not.vn̄de daz div chunginne.mir bute vaſte ir minne.der chnape vant da niht wan haz.der chunch mit her reit furbaz.im chom ein riter wider varen.der oͮch daz orſ niht chunde ſparn.der ſagte div ſelben mare.clamide wart ſware.froͮde vn̄de riterlicher ſin.ez dvht in groz vngewin.deſ chungeſ man ein furſte ſprac.kingrvnen niemen ſach.ſtriten vur vnſer manheit.niht wan fur ſich einen er ſtreit.nv lat in ſin zetode erſlagen.ſulen dur daz zwei her verzagen.diz vn̄de ienz vor der ſtat.ſinen herren er truren lazen bat.wir ſulenz noch baz verſoͮchen.vnde welent ſi wer geroͮchen.wir geben in noch ſtriteſ vil.vnde bringenz vz ir froͮden zil.man vn̄de mage ſult ir manen.vnde ſoͮchen die ſtat mit zwein vanen.wir mvgen an einer liten.wol zeorſen zoͮ in riten.die porte ſoͮche man zefoͮz.deſ wir toͮn in ſchimpheſ boͮz.den rat gap galogandreſ.der herzoge tſchinponeſ.der braht die burgare in not.vnde holt och an ir letze entot.ſam tet der graue narrant.ein furſte vz vcherlant.vnde manch wert armanarmman.den man troͮch toten her dan.nv hort ein ander mare.wie die burgare.ir letze taten goͮme.ſi namen lange boͮme.vnde ſtiezen ſtarche ſtechen drin.daz gap den ſoͮcharen pin.mit ſeilen ſi ſi hiengen.die ronen in rederen giengen.daz waſ geproͮvet alzallz e.ſi zeſturme ſoͮhte clamide.nach kingrunſ tſchumphen tivr.och waſ in heidenſch wilde fiur.mit der ſpiſe braht in daz lant.daz vzer antwerch wart verbrant.ebenhohe vn̄de mangen.ſwaz vf rederen chom gegangen.igele chatzzen in den graben.daz chunde daz vîvr her dan wol ſchabe.ſchaben.kingrun ſchinſchalt.waſ chomen zebritaiebritanie in daz lant.vnde vant den chunch artuſ.zebrizilan zen weide huſ.daz waſ geheizen karminal.do warp er alſ in parzival.gevangen hete dar geſant.froͮn kunewaren delalant.brahter ſine ſicherheit.div ivnchfroͮwe waſ gemeit.daz mit triwen chlaget ir not.den man da hiez den riter rot.vber al daz mare wart vernomen.do waſ oͮch fur den chunch chomen.der betwungne werde man.im vnt der meſſenie ſan.ſagter waz in waſ enboten.kai erſchrach vn̄de begunde roten.do ſprach er biſtvz kingrun.avoẏ wie mangen britun.hat entſchunphiert din hant.dv clamideſ ſchinſchalt.wirt mir din meiſter nimer holt.dineſ ambteſ dv doch geniezen ſolt.die chezele ſint vnſ vnder tan.mir hie vnt dir zebrandigan.hilf mir dvrch dine werdcheit.kunewaren hulde vmbe chraphen breit.er bot ir anderſ wandelſ niht.die rede lat ſin horet waz geſchiht.da wir daz mare liezen e.vur pelrapeire chom clamide.da groz ſturm niht wart vermiten.die inneren mit den vzeren ſtriten.ſi heten troſt vn̄de chraft.man vant die helde werhaftDda vor behabten ſi daz wal.ir landeſ herre parzival.ſtreit den ſinen verre vor.da ſtoͮnden offen in div tor.mit ſlegen er die arme erſwanch.daz ſwert durh liehte helme erclanch.ſwaz er der riter nider ſloͮch.die gewunnen arbeit genoͮch.die chunde man ſi leren.zer halſperge geren.die burgare taten rache ſchin.ſi erſtachen ſi zen ſlitzen in.parzival in werte daz.do ſi drumbe erhorten ſinen haz.zweinzch ſir lebend viengen.e ſi vome ſturme giengen.parzival wart wol gewar.daz clamide mit ſiner ſchar.riterſchaft zer porten meit.vnt daz er anderhalben ſteitſtreit.der ivnge moͮteſ herte.cherte anz vngeverte.hin vmbe begunder gahen.deſ chungeſ vanen nahen.ſeht do wart clamideſ ſolt.alrerſt mit ſchaden da geholt.die burgare ſtriten chunden.ſo daz in gar verſwunden.die herten ſchilte vor der hant.parzivalſ ſchilt verſwant.von ſlegen vn̄de von ſchuzen.ſwie wench ſiſ genuzen.die ſoͮchare die daz ſahen.deſ priſ ſim alle iahen.Galograndreſ den vanen.troͮch der chundez her wol manen.er lage anſ chungeſ ſiten tot.clamide chom ſelbe in not.im vn̄de den ſinen wart da we.den ſturm verbot do clamide.Pparzifal der werde degen.bat der gevangen ſchone phlegen.vnze an den driten morgen.daz vzer her phlach ſorgen.der ivnge ſtolze wirt gemeit.nam der gevangen ſicherheit.er ſprach alſ ichez iv enbivte.chomet wider goͮte lute.ir harnaſch er behalten bat.inz her ſi cherten fur die ſtat.ſwie ſi wæren von trunchen rot.die vzeren ſprachen hungerſ not.habet ir gedolt ir armen.lat ivch vnſ niht erbarmen.ſprach div gevangene riterſchaft.dort inne iſt ſpiſe ſolhiv chraft.wel ir beliben noch ein iar.ſi behielten ivch mit in fur war.div chungin hat den ſchonſten man.der riterſ namen ie gewan.er mach wol ſin von hoher art.ia iſt riterſ ere an im bewart.do diz erhorte clamide.alrerſt tet im ſin arbeit we.boten ſander wider in.vnde enbot ſwer bi der chungin.da gelegen ware.iſt er champh bare.daz ſin da fur hat erchant.daz er die ſtat vn̄de ir lant.mit champhe turre weren.ſo ſi ein fride von beiden heren.parzival deſ wart alfro.daz im div botſchaft alſo.gein ſin einſ champhe wart geſeit.do ſprach der ivnge vnverzeigtvnverzeit.da fur ſi min triwe phant.deſ inneren herſ dehein hant.dur mine not chumt zewer.zwiſchen dem graben vn̄de deſ vzern her.wart geſtatet dirre vride.do wapenten ſich die champheſ ſmide.do ſaz der chunch von brandigan.vf ein gewapent chaſtelan.daz waſ geheizen Guferſchurz.im ſandez ſin neve gregurz.hie chom och der ivnge parzival.an daz vrteiliche wal.da got erzeigen wolte.ober im lazen ſolte.deſ chunch tampunteirſ barn.ſtolzliche er chom gevaren.niwan daz orſ den walap.von der rabine gap.ez waſ gewapent wol vur not.von ſamit ein deche rot.lach vf der iſerinen.an im ſelben liez er ſchinen.Rroten ſchilt rot churſit.chamide erhoͮp den ſtrit.churz ein vnbeſniten ſper.brahter dur tioſte velen her.da mit er nam den ponder lanch.guferſchurz mit hurte ſpranch.wol da getioſtiert wart.von den zwein ivngen ane bart.ſunder valieren.von lvten noch von tieren.wart nie geſtriten herter champh.p p p pietweder orſ von moͮde tamph.ſuſ heten ſi gevohten.daz div orſ nimere mohten.do ſturzten ſi dar vnder.ſament niht beſunder.ietwedere deſ geroͮhte.daz erz ſwert in der ſcheide ſoͮhte.ſine mohten virenſ niht gephlegen.in waſ zewerche al da gegeben.daz zerſtuben in die ſchilte.ſo der mit ſchimphe ſpilte.vnde vedere wurfe in den wint.danoch waſ Gahmuretſ chint.ninder moͮde an deheinem lide.do wande clamide der fride.ware zerbrochen vz der ſtat.ſinen champhgenoz er bat.daz er ſich ſelben erte.vnde mangen wurf werte.ez giengen vf in wurfe groz.die waren mangen ſteine gnoz.ſuſ antwurt im deſ landeſ wirt.ich wane dich manch wurf verbirt.wan da vur iſt min triwe phant.hetſtet fride von miner hant.dir enbrache mangen ſwenchel.bruſt hoͮbt noch den enchelſchenchel.clamide dranch moͮde zoͮ.div waſ im danoch gar zefroͮ.Sſich gewunnen ſich verloren.wart ſunder da mit ſtrite erchoren.doch wart der chune clamide.entſchunfentvre geſchoͮwet e.von einem nider zuche.von parzivalſ druche.bloͮt wæte vz oren vn̄de vz naſen.daz machte rot den groͮnen waſen.er enblozt im daz hoͮbt ſchier.von helme vn̄de von harſenier.gein ſlege ſaz der betwungene lip.der ſigehafte ſprach min wip.mach nv beliben von dir fri.nv lerne waz ſterben ſi.neina marer dedgen balt.din er wirt ſuſ drizch valt.vaſt an mir erzeiget.ſit dv mich haſt geneiget.wie mach dir hoher briſ geſchehen.kondwiramurſ mach nv wol ſehen.daz ich der vnſalge bin.vnt din geluche hat gewin.din lant iſt eroſet.eroſet: Reimwort aus dem Folgevers wiederholt; nicht korrigiert.alſ der ſin ſchif eroſet.daz wirt vil deſte lihter.min gewalt iſt worden ſihter.reht manlich wunne.iſt worden an mir dunne.dur waz woltſtv mich ſterben.ich moͮz doch laſter erben.vf alle mine nach chomen.dv haſt den briſ vnt den frumen.toͮſtu mir me deiſt an not.ich trage den lebendegen tot.ſit ich von ir geſcheiden bin.div min herze vn̄de minen ſin.ie mit ir gewalt beſloz.vnt ich deſ nie gein ir genoz.deſ moͮz ich vnſalch man.ir lip ir lant ir ledch lan.do dahte der den ſich hat.ſa an Gurnomanzeſ rat.Ddaz ellenthafter manheit.erbarmde ſolte ſin bereit.ſuſ volget er dem rate nach.hinze clamide er ſprach.ichne wil dich niht erlazen.ir vater liazen.dune bringeſt im dine ſicherheit.nein herre ich han im herze leit.getan ich ſloͮg im ſinen ſun.dvne ſolt alſo mit mir niht toͮn.dvrch condwiramurſ.vaht oͮch mit mir tſchentaflurſ.oͮch wær ich tot von ſiner hant.wan daz mir half min ſchinſchalt.ich ſande inz lant zebriubarz.kur*kurnomanze von graharz.mit werdechlier herſchaft.die taten goͮte riterſchaft.nivn hundert riter die ſtriten.gewapent orſ ſi alle riten.vnde funfzehen hundert ſariant.gewapent ichſe in ſtrite vant.ingebraſt niwan der ſchilte.ſineſ herſ mich bevilte.ir chom vil chume der ſame wider.mer helde verloſ ich ſider.nv darbe ich froͮde vn̄de ere.weſ gerſtv von mir mere.ich wil ſenften dine freiſen.var gein pritaneiſen.da vert och vor dir kingrun.gein artuſe dem britun.dem ſoltv min dienſt ſagen.bit in daz er mir helfe chlagen.laſter daz ich foͮrte dan.ein ivnchfroͮwe mich lachte an.daz man die dur mich zebloͮ.ſo ſere mich nie dinch geroͮ.der ſelben ſage ez ſi mir leit.vnde brinch ir dine ſicherheit.ſo daz dv leiſteſt ir gebot.oder dv nim alhie den tot.ſol daz geteilt gelten.ſone wil icheſ niht beſchelten.do ſprach der chunch von brandigan.ich wil die reiſe von hinnen han.mit vrloͮbe danen ſchiet.den e ſin hoher moͮt verriet.parzival der wigant.ſin orſ er almoͮde vant.ſin foͮz dar naher niegegreif.er ſpranch druf ane ſtegreif.daz umbe in begunden zirben.ſineſ ſchilteſ ſchirben.deſ waren die burgare gemeit.daz vzer her ſach herzeleit.brat vn̄de lide im taten we.man leite den chunch clmideclamide.da ſine helfare waren.die toten mit den baren.Ffoͮrter an ir reſte.do rumdenz lant die ſgeste.clamide der werde.reit gein lover vf die erde.enſament niht beſunder.die von der tafelrunder.waren zedianazdrun.bi artuſe dem britun.obe ich iv niht gelogen han.von dianazadrun der plan.moͮſe zeltſtange wonen.mer dane in ſpehteſ hart ſi ronen.mit ſolher hochzitmeſſnie er lach.durch hochzit den phicheſt tach.artuſ mit manger froͮwen.oͮch maht man da ſchoͮwen.mange banier vn̄de ſchilt.den ſunder wapen waſ gezilt.vnde mangen wol geherten rinch.ez duhten nv vil groziv dinch.wer moht div reiſelachen.ſolhem wibeſ her gemachen.och wande do ein froͮwe ſan.ſi ſolt ir briſ verloren han.hete ſi da niht ir amiſ.ichen tateſ niht deheine wiſ.ez waſ do manch tumber lip.ich brahte vngerne nv min wip.in alſolch gedrenge.ich forht vnchunt gemenge.etſlicher hinze ir ſprache.vnde in ir minne ſtache.vnde im die ſinne blande. amtamt: Am rechten Ende des Verses mit roter Tinte nachgetragen.op ſi die not erchande.daz diender vor vn̄de nach.mir ware et mit ir dannen gach.ich han gereit vmbe min dinch.nv hort wie artuſeſ rinch.ſunder waſ erchenechlich.vor vz mit manger tſchoye rich.div meſſnie vor im az.manch werder man gein valſche laz.vnde manch werdiv froͮwe ſtolz.daz niht ein tioſt waſ bolz.ir vrivnt ſi gein vinde ſchoz.wart ſin arbeit da groz.ſuſ ſtoͮnt lihte ir gemoͮte.daz ſi daz galt mit goͮte.Cclamide der iungelinch.reit enmiten in den rinch.verdaht orſ gewapent lip.choſ an im artuſ wip.ſinen helm ſinen ſchilt verhoͮwdaz ſahen gar die froͮwen.alſuſ waſ er zehofe chomen.ir habet e wol vernomen.daz er deſ wart betwungen.er erbeizte vil gedrungen.wart ſin lip e er ſitzen vant.fron kunewaren delalant.do ſpracher froͮwe ſit ir daz.der ich ſol dienen ane haz.ein teil twinget micheſ not.dienſt iv enbivt der riter rot.vnde wil ganze phlihte han.ſwaz iv zelaſter iſt getan.oͮch bit erz artuſe chlagen.ich wane ir ſit durh in geſlagen.froͮwe ich bringiv ſicherheit.ſuſ gebot der mit mir ſtreit.nv leiſt ich gerne ſwaz ir welt.min lip gein tode waſ verſelt.froͮ kuneware delalant.greif an die geſerten hant.al da fro ſchinover ſaz.div ane den chunch mit ir az.Kai vor dem tiſche ſtoͮnt.al da im wart diz mære chunt.er wider ſaz imz ein teil.deſ wart fro kuneware geil.doch ſprach er froͮwe dirre man.ſwaz der gein iv hat getan.deſ iſt er vaſte vnder zogen.doch wane ich deſ erſt vf gelogen.ich tetz dvrch hoffchliche ſite.vnde wolt ivch han gezogen der mite.ar umbe han ich iweren haz.och wil ich iv raten daz.eizet entwapenen diſen gevangen.n mach hie ſtende erlangen.Sin bat div ivnchfroͮwe phier.abe nemen den helm vn̄de harſnier.do manz abe im nam vn̄de bant.clamide wart ſchiere erchant.kingrun ſach ditche.an im chuntliche bliche.o wart an den ſtunden.ne hende ſo gewunden.z ſi begunden chrachen.m die durren ſpachen. tiſch ſtiez von im zehant.mideſ ſinſchalt.n herren fragter mare. vant er froͮden lare.rach ich bin zeſchaden geboren.an ſo wirdch her verloren. moͮter nie gebot ir bruſt. der erchande hoher fluſt. enrivwet niht mineſ herſ tot. engegene minne mangelſ not.t vf mich ſolhen laſt.t froͮde in hohem moͮte gaſt.iramurſ frumet mich gra.ſ von pocia.r arme ivdaſ. einem chuſſe waſ.r triweloſen vart.uſ verraten wart. daz ir ſchephare rache. not ich niht verſprache.rivbarz der froͮwen lip.r hulden ware min wip. daz ichſe vmbe vienge.wiez mir dar nach ergienge.r minne iſt leider verre.dem chunge von yſer terre.min lant vnt dez folch zebradigan.moͮzenſ imer iamerch ſtan.mineſ veteren ſun maboagrin.leit och da zelange pin.nv bin ich chunch artuſ.her geriten in din huſ.betwungen von riterſ hant.dv weiſt wol daz in min lant.dir manch laſter iſt getan.deſ vergiz nv vil werder man.die wile ih hie gevangen ſi.la mich ſolheſ hazeſ fri.mich ſol fro kuneware.ſcheiden von dem vare.div mine ſicherheit enphie.do ich gevangen vur ſi gie.artuſeſ vil getriwer mvnt.ver choſ die ſchulde ſa zeſtunt.do frieſch wip vn̄de man.daz der chunch von brandigan.waſ geriten in den rinch.Nnv dar naher dringa drinch.vil ſchiere wart daz mare breit.mit zuht ieſlichieſch geſellcheit.clamide der froͮden ane.ir ſult mich Gawane.bevelhen froͮwe bin icheſ wert.ſo weiz ich wol daz erſ oͮch gert.leiſt er dar an iwer gebot.er eret ivch vn̄de den riter rot.artuſ bat ſiner ſweſter ſun.geſellcheit dem riter toͮn.ez ware iedoch ergangen.do wart er wol enphangen.von der werden meſſenie.der betwungene valſcheſ frige.clamide ſprach kingrun.owe daz iedehein britun.dich gevangen ſach zehuſ.noch richer dane artuſ.ware dv helfe vn̄de vrbor.vnde heteſt doch dine ivgende vor.ſol artuſ da von priſ nv tragen.daz kai hat dvrch zorn geſlagen.eine edele furſtinne.div mit herzen ſinne.ir mit lachene het erwelt.der ane triegen iſt gezelt.mit warheit vur den hoheſten priſ.die pritaniſ ir lobeſ riſ.wanenet nv hohe geſtozen han.ane ir arbeit iſt ez getan.daz tote her wart wider geſant.der chunch von kukumerlant.daz min herre im ſigeſ iach.den man gein im in champhæ ſach.der ſelbe hat betwungen mich.gar ane halingen ſlich.man ſach da fivr vz helmen wæn.vnde ſwert in handen vmbe dræn.Ddo iahenſ algeliche.be*beidiv arm vn̄de riche.daz kai het miſſe tan.hie ſulen wir diz mare lan.vn̄de chomenſ wider an die vart.daz woͮſte lant erbwen wart.da chrone troͮch parzival.man ſach da froͮde vn̄de ſchal.ſin ſweher tampunteire.liez im vf pelrapeire.lieht geſteine rotez golt.daz teilter ſo daz man im holt.waſ tur ſine milte.vil banier niwer ſchilte.wart ſin lant geziert.vnde vil geturnieret.von im vn̄de von den ſinen.er lie ditche ellen ſchinen.an der marke ſineſ landeſ ort.der ivnge degen vnerforht.ſin tat wart von den geſten.gebroͮvet vur die beſten.nv ſprechet von der chungin.wie moht der imer baz geſin.div ivnge ſoͮze werde.het den wunſch vf der erde.ir minne ſtoͮnt mit ſolher chraft.gar ane wancheſ ane haft.ſi het ir man da vur erchant.ietwederz an dem andern vant.er waſ ir liep alſ waſ ſi im.ſwenne ih daz mare an mih genim.daz ſi ſich moͮzen ſcheiden.da wahſet ſchade in beiden.oͮch riwet mich daz ſchone wip.ir lute ir lant dar zoͮ ir lip.ſchiet ſin hant von grozer not.da engene ſim ir minne bot.eineſ morgenſ er mit zuhten ſprach.daz ez manch riter ſach.obe ir gebiet froͮwe.mit vrloͮbe ih ſchoͮwe.wiez vmbe mine moͮter ſte.obe der wol iſt oder we.ſi daz iſt mir harte vn chunt.dar wil ich zeiner churzen ſtunt.Vvn̄de och d*dvrch aventure zil.mag ich iv dane gedienen vil.daz gilt iwer minne wert.ſuſ het er vrloͮbeſ gegert.er waſ ir liep ſoz mare giht.ſine wolteſ im verſagen niht.von allen ſinen mannen.ſchiet er al eine dannen.ſwer roͮchet horen war nv chumet.den aventvre hat vz gefrumet.der mach groziv wunder.merchen albeſunder.lat riten gahmvretſ chint.ſwa nv getriwe lute ſint.die wunſchen im heileſ ez moͮz ſin.er moͮz nv liden hohen pin.etſwanne froͮde vn̄de ere.ein dinch in moͮte ſere.daz er von ir geſcheiden waſ.daz munt von wibe nie gelaſ.noch ſuſ geſagte mare.div ſchoner vn̄de bezer ware.gedanche nach der chungin.begunden chrenchen im den ſin.den moͮſer gar verloren han.warz niht ein herzen hafter man.mit gewalte den zoͮm daz roſ.troͮch vber berch vn̄de vber moſ.wan ez wiſte niemenſ hant.vnſ toͮt div aventvre bechant.daz er bi dem tage reit.ein vogel hetſ arbeit.ſolt erz halbez han erflogen.vnſ habe div aventure betrogen.ſin reiſe vnnach waſ ſo groz.deſ tageſ do er itheren ſchoz.vnt ſit do er von graharz.chom in daz lant zebriubarz.welt ir nv horen wiez im geſte.er chom deſ abendeſ an einen ſe.da heten geanchert weide man.den waſ daz wazer vndertan.do ſi in riten ſahen.ſi waren dem ſtade ſo nahen.daz ſi wol horten waz er ſprach.einen er in dem ſcheffe ſach.der het an im ſolch gewant.obe im dienten elliv lant.daz ez niht bezer mohte ſin.gefurriert ſin hoͮt waſ phawin.den ſelben viſchare.begunder fragen mare.daz er im riete durh got.vnde och dur ſiner zuht gebot.wa er die herberge moht han.deſ anwurte im der trurige man.er ſprach herre mirſt vnerchant.daz weder wazer noch lant.in drizzch milen erbuwen ſi.wan ein burch div lit hie bi.mit triwen ich iv rate dar.Wwar moht ir talanch an*anderſwar.dort an deſ veldeſ ende.da chert zeder zeſwen hende.ſor vf hin chomet an den graben.ich wane da moͮzt ir ſtille haben.bit die bruke iv nider lazen.vn̄de offen iv die ſtrazen.er et alſ im der viſchare riet.mit vrloͮber dannen ſchiet.er ſprach chomt ir reht dar.ſo nim ich iwer hint ſelbe war.ſo danchet alſ man iwer phlege.hoͮt ivch da gent vnchunde wege.ir mvgt an der liten.vil wol miſſeriten.deſwar deſ ich iv niene gan.parzival der hoͮp ſich dan.er begunde gewarlichen draben.den rehten phat vnze an den graben.do waſ div bruke vf gezogen.div burch an veſte niht betro*betrogen.ſi ſtoͮnt reht alſ ſi ware gedrat.ez enfluge oder der wint wæt.mit ſturme ir niht geſchadet waſ.vil turne mangiv palaſ.ſtoͮnden da mit wunderlicher wer.op ſi ſoͮhten elliv her.ſine gaben vur die ſelben not.zedrizzch iaren nith ein brot.ein chnape deſ geroͮhte.vnde fragte in waz er ſoͮhte.oder wanen ſin reiſe ware.er ſprach der viſchare.hat mich von im her geſant.ich han genigen ſiner hant.dvrh der herberge wan.er bat die bruke nider lan.vnde hiez mich zoͮ iv riten in.herre ir ſult willechomen ſin.ſit eſ der viſchare veriach.*Man bivt iv ere vn̄de gemach.Ddurch in der ivh ſande wider.ſprach der chnappe vn̄de lie die bruke nider.in die burch der choͮne reit.vf einen hof wit vn̄de breit.mit ſchimpher niht zer tretet waſ.da ſtoͮnt al churz groͮne graſ.da waſ buhurt gar vermiten.mit banieren ſelten vber geriten.ſo der anger datze babenberch.ſelten frolichiv werch.waſ da gefrumt zemanger ſtunt.in waſ wol herzen iamer chunt.wench er deſ gein in engalt.in einphiengen riter ivnch vn̄de alt.vil chleiner ivncherrelin.ſprungen gein dem zoͮme ſin.ieſlichez vur daz ander greif.ſi halten ſinen ſtegreif.ſuſ moͮſer von dem orſe ſten.in baten riter furbaz gen.ſi foͮrten in an ſin gemach.harte ſchier daz geſchach.daz er mit zuht entwapent wart.do ſi den ivngen ane bart.geſahen alſo minnchlich.ſi iahen er ware ſælden rich.ein wazer ieſch der ivnge man.er twoͮch den ram von im ſan.vnder oͮgen vn̄de an handen.alte vn̄de ivnge wanden.daz von im ein ander tag erſchine.do ſaz der minnchliche wine.gar vor allem tadel r*fri.ein phelle von arabi.man braht im einen mandel dar.den leit an ſich der wolgevar.Mit offener ſnoͮre.daz waſ ein lobeſ gefoͮre.do ſprach der chamerare chloͮch.vrrepanſchoye in troͮch.min froͮwe div chungin.ober iv ſol gelihen ſin.man ſchanchte im vn̄de phlach ſin ſo.die trvrigen waren mit im fro.nwart oͮch ſchiere do vernomen.daz der viſchare ware chomen.Zzoͮ dem gie der werde gaſt.an dem deſ wunſcheſ niht gebraſt.ſi giengen *vf ein palaſ.wol hundert chrone da gehangen waſ.vil cherzen druf geſtozzen.obe den huſ genozen.vil chleiner cherzen vmbe an der want.wol hundert beter ligen vant.Mit gulteren riche.geriht herliche.da vur ein tepch ſinwel.filiroyſ frimutel.maht wol geleiſten daz.eineſ dingeſ man da niht vergaz.ſine hete niht beturet.MaMit marmel waſ gemuret.dri vier eke fivr ram.dar vffe waſ deſ fivrſ name.holz hiez lingaloe.ſo groziv vivr ſit noch e.ſach niemen hietze wilden berch.ien*ienz waren choſtchlichiv werch.der wirt ſich ſelbe ſitzen bat.gein der miteren vivr ſtat.an ein ſpanbete.eſ waſ worden wetewette.zwiſchen im vn̄de der froͮde.er lebte niht wan toͮnde.vf den palaſ chom gegangen.der da wart wol enphangen.parzival der lieht gevar.von im der in ſande dar.in bat der wirt naher gen.er lie in da niht lenger ſten.ſitzet zoͮ mir hie her an.ſatzte ich ivch verre dort hin dan.daz wære alze gaſtlich.ſo ſprach der wirt iamerſ rich.der wirt hete dur ſiecheit.groziv fivr vn̄de warmiv chleit.wit lanch zobelin.ſuſ moͮſe vzen vn̄de innen ſin.ein belz vn̄de ein mandel drobe.der ſwecheſte balch waſ wol zelobe.der waſ doch ſwarz vn̄de gra.deſ ſelben waſ ein hube da.vf ſinem hoͮbte zwifalt.von zobele den man tivre galt.ſinewel arabenſch ein borte.oben druf gehorte.dar an waſ ein chophelin.ein durluhtch rubin.da ſaz manch riter chloͮch.da man iamer fur ſi troͮch.ein chnappe ſpranch zer tur her in.der troͮch eine clauin.der ſite waſ zetruren goͮt.ander ſniden hoͮp ſich bloͮt.vnde lief den ſchaft vnze an die hant.daze im an dem ermel wider want.da wart geweinet vn̄de geſchrit.in dem palaſe wit.daz volch von drizzch landen.mohtez den oͮgen niht enblanden.Eer troͮcſe in ſinen henden.zen allen vier wenden.vnze aber wider hinzer tur.der chnape ſpranch hin vz der fur.geſtillet wart deſ volcheſ not.alſ in der iamer e gebot.deſ ſi div clauine hete ermant.die der chnape troͮch in der hant.wil iuch nv niht erlangen.ſo wirt hie angefangen.daz ich ivch bringe an die vart.wie da mit zuht gedient wart.zende an dem palaſ.ein ſtælin tur entſlozen waſ.da giengen vz zwei werdiv chint.nv hort wie div gebroͮvet ſint.daz ſi wol gæben minnen ſolt.ſwerz da mit dienſte het erholt.daz waren ivnchfroͮwen clar.zwei tſchapel vber blozez har.bloͮmin waſ ir gebende.ietwedriv vf ir hende.troͮch von golde ein cherze ſtal.ir har waſ lanch reit vn̄de val.ſi troͮgen brindiv lieht.hie ſulen wir vergezen niht.vmbe der iunchfroͮwen gewant.da man ſi chomende inne vant.div grauin von tenebroch.brun ſcharlach waſ ir roch.deſ ſelben troͮg oͮch ir geſpile.ſi waren gefitſchiert vil.mit zwein gurtelen an der chrenche.obe der huf an dem gelenche.nach den giench ein herzogin.vnde ir geſpil zwei ſtollelin.ſi troͮgen von helfenbein.ir mvnt nach fivrſ rote ſchein.die nigen alle viere.die zoͮ ſatzten ſchiere.vur den wirt die ſtollen.da wart gedient mit vollen.ſi ſtoͮnden ſament an einer ſchar.vnde waren alle wolgevar.den vieren waſ gelich ir wat.ſeht wa ſich niht verſumet hat.andere froͮwen vier ſtunt zwo.die waren da geſchaft zwozoͮ.viere troͮgencherzen groz.die anderen viere niht verdroz.ſine troͮgen einen tivren ſtein.da tageſ div ſunne lieht dvrh ſchein.da fur waſ ſin name erchant.er waſ ein granatiochant.beidiv lanc vn̄de breit.dvr die lieht in dvne ſneit.ſwer in zeinem tiſche maz.dar abe der wirt dur richeit az.Sſi giengen alle rehte.vur den wirt alle ahte.gein nigen ſi ir hoͮbt wegtenwegeten.vier die tafelen legten.mit zuht ſi chuden wider gen.zoͮ den erſten vieren ſten.an den ahte froͮwen waſ.roche groͮner dane ein graſ.von azagoͮch ſamit.geſniten lanch vn̄dew*wit.da enmiten ſi zeſamne twanch.gurtel ſmal vn̄de lanch.div ahte ivnchfroͮwen chloͮch.ieſlichiv obe ir hare troͮrtroͮch.ein chleine bloͮmin tſchapel.der graue Iwein von nonel.vndekerniſ von kile.ez waſ vber mange mile.zedienſt ir tohter dar genomen.man ſach die zoͮ furſtinne chomen.in harte wunnchlicher wat.zwei mezzer ſnidende alſ ein grat.troͮgen ſi durh wunder.in zwein twehelen ſunder.div waren von ſilber wiz.dar an lag ein ſpaher vliz.Iin waſ ir ſcherphe niht vermiten.ſi heten ſtal wol geſniten.vor dem ſilber chomen froͮwen wert.der dar zedienſte waſ gegert.die troͮgen lieht dem ſilber bi.vier chint vor miſſewende fri.die giengen alle viere zoͮ.nv horet waz iegelichiv toͮ.ez nigen zoͮ vn̄de troͮgen dar.vf die tafe*tafelen wol gevar.daz ſilber vn̄de leitenz nider.do giengen ſi mit zuhten wider.aber zoͮ den erſten ſtan.obe ihz geproͮvet rehte han.hie ſulen ahtzehen froͮwen ſten.avoẏ nv ſiht man ſehſe gen.in wate die man tivre galt.ez waſ halbez plialt.daz ander phelle von ninve.diſe vnt die erſten ſehſe e.troͮgen zwelf roche geteilt.gein tivr choſt geveilt.nach den gie div chungin.der antlittze gap den ſchin.ſi wanden alle ez wolde tagen.man ſach die maget an ir tragen.phelle von arabiſ.vf einem groͮnen achmardiſ.troͮch ſi den wunſch von pardiſ.beidiv wurz vn̄de riſ.daz waſ ein dinch hiez der gral.erden wunſch vber al.vrrepanſchoye hiez.die man den gral tragen liez.der gral waſ von ſolher art.wol moͮſer chuſche ſin bewart.div ſin zereht ſolte phlegen.div moͮſe valſcheſ ſich bewegen.vor dem grale chomen lieht.div waren von armer choſte niht.ſehſ glaſ lvter vn̄de wolgetan.dar inne balſem der wol bran.do ſi chomen von der tur.zerehter maze her fur.mit zuhten neich div chungin.vnde al div ivnchfroͮwelin.die da troͮgen balſem vaz.div chunginne valſcheſ laz.ſatzte vur den wirt den gral.dez mare giht daz parzival.ditche an ſi ſach vn̄de dahte.div den gral da brahte.Der het och ir Mandel an.mit zuht die ſelben giengen dan.zoͮ den ahtzehen erſten.do liezen ſi die herſten.zwiſchen in man ſagte mir.zwelfe ietwerder halben ir.div maget mit der chrone.ſtoͮnt da harte ſchone.ſwaz riter da geſezen waſ.vber al den palaſ.den waren chamerare.mit guldinen bechen ſware.ie vieren geſchaft dar.vnde ein ivncherre wolgevar.der eine wize tweheln troͮch.man ſach da richeit genoͮch.der tavelen moͮſen hundrt ſin.die man da troͮch zer tur her in.man ſatzte ieſliche ſchiere.fur werder riter viere.tiſchlachen var nach wize.wurden druf geleit mit flize.der wirt do ſelbe wazer nam.der waſ an hohem moͮte lam.mit im twoͮch ſich parzival.ein ſidin twehel wolgemal.bot eineſ grauen ſun dar nach.dem waſ zechomene uvr ſi gach.ſwa der tavelen deheiniv ſtoͮnt.da tet man vier chnapen chunt.dazſe ir dienſteſ niht vergazen.den die drobe ſazen.zwene chnieten vn̄de ſniten.die anderen zwene niht vermiten.ſine troͮgen ſpiſe vn̄de trinchen dar.vnde namen ir mit dienſte war.hort me von richeit ſagen.vier craſchenære moͮſen tragen.manch tivre golt vaz.ieſlich riter der da ſaz.ſi zugen zevier wenden.vier riter mit ir henden.manſ vf die tavelen ſetzen ſach.Iieſlichem gieng ein ſchribare nach.der ſich dar zoͮ zeigte.vn̄de ſi wider vf bereite.ſo gedient ware.nv horet andriv mare.wol hundert chnappen man gebot.die namen in wizze twehelen brot.mit zvhten vor dem grale.ſi giengen alzemale.vnde teilten fur die tavelen ſich.man ſeite mir daz ſage oͮch ich.vf iwer ieſlicheſ êit.daz vor dem grale waſ bereit.ſol ich deſ iemen triegen.ſo moͮzet ir mit mir liegen.wan ſwa nach iener bot die hant.daz erz albereit da vant.ſpiſe warm ſpiſe chalt.ſpiſe niwe dar zoͮ alt.daz zam vn̄de daz wilde.eſnewurde nie de*dehein bilde.beginnet manger ſprechen.der wil ſich vbel rechen.wan der gral waſ der ſælden fruht.der werlde ſoͮze ein ſolch genvht.er wach vil nach geliche.alſ man ſaget von himel riche.in chleiniv golt vaz man nam.alſ ieſlicher ſpiſe zam.ſalſen phepher agraz.da het der chuſche vn̄de der fraz.alle geliche genoͮch.mit zvhten manz vur ſi troͮch.moraz win ſiropel rot.ſwar nach den naph eſlicherieſlicher bot.ſwaz er trinchenſ moht genenen.daz mohter drinne erchennen.Aallez von deſ graleſ chraft.div werde geſelle ſchaft.het wirtſchaft vor dem gral.wol gemarhte parzival.die richeit vn̄de daz wunder groz.dvrch zuht in fragenzfragenſ doch verdroz.fragenzfragenſ: Korrektur möglicherweise auch von ſ zu z?er dahte mir riet guromanz.mit goͮten triwen ane ſchranz.ich ſult vil gefragen niht.waz op min weſen hie geſchiht.der maze alſ dort bi im.ane frage ich dane wol vernim.wiez dirre maſſenie ſtet.in dem gedanche naher get.ein chnape der troͮch ein ſwert.deſ balch waſ tuſent marke wert.daz gehilze waſ ein rubin.oͮch mohte wol div chlinge ſin.grozer wunder vrhap.der wirt ez ſinem gaſte gap.er ſprach herre ich brahtz in not.an manger ſtat e daz mih got.an dem libe hete geletzet.nv ſit der mit ergetzet.obe man iwer hie niht wol enphlege.ir mvgetz foͮren alle wege.ſwenne ir geproͮvet ſinen art.ir ſit gein ſtrite der mite bewart.owe daz er niht vragte do.deſ bin ich vur in noch vnfro.wan do erz enphie in ſine hant.do waſ er fragenſ der mite gemant.och riwet mich ſin ſoͮzer wirt.vngenade in niht verbirt.deſ im von frage ware rat.genoͮch man da gegeben hat.dieſ phlagen die griffenz an.vnt troͮgenz geruſte wider dan.vier chræſchen man do loͮt.ieſlich froͮwe ir dienſt toͮt.e die ivngeſten nv die erſten.do ſchoͮfenſe aber die herſten.wider zoͮ dem grale.dem wirte vn̄deparzivale.mit zuhten neich div chungin.vnde al div ivnchfroͮwelin.ſi brahten wider in zer tur.daz ſi mit zuht e troͮgen vur.parzival im blichte nach.an einem ſpanbete er ſach.in einer chemnaten.e ſi nach in zoͮ taten.den aller ſchonſten alten man.deſ er chunde ie gewan.ich moͮz wol ſprechen ane guft.er waſ noch grawer danne ein tuft.Wwer der ſelbe wære.deſ freiſchet ir her nach mare.dar zoͮ der wirt div burch ſin lant.div werdent iv von mir genant.her nach ſo deſ wirt zit.beſcheidenlichen ane ſtrit.vnde allez rehte vur gezogen.ich ſage die ſênwe vngelogen.aner oliodiv ſenwe iſt ein biſpel.oͮch dvncht ivch der boge ſnel.noch iſt ſneller daz div ſenwe iaget.obe ich iv rehte han geſaget.div ſenwe gelichet maren ſleht.div dunchent alle lute reht.wan ſwer iv ſeit von der chrumbe.der wil ivch foͮren vmbe.ſwer den bogen ſpannen ſiht.der ſenwe man der ſlihte giht.ſine welle ſich zer buge denen.ſo ſi den ſchuz moͮz nemen.ſwer dem ſin mære ſchivzet.da inſ dur not verdrivzet.wan ez enhat da ninder ſtat.noch gerumgez phat.zeinem oren in zem andern fur.min arbeit ich gar verlur.op den min mare drunge.ich ſagte oder ſunge.daz ez noch baz vername ein boch.oder ein fulmiger ſtoch.ich moͮz iv mere betuten.von diſen iamerbernden luten.dar chom geriten parzival.man ſach da ſelten froͮden ſa*ſchal.ez ware buhurt oder tantz.ir chlagendiv ſtæte waſ ſo gantz.ſine cherten ſich an ſchimphen niht.ſwa man noch minner volkeſ ſiht.Dden toͮt etwene froͮde wol.dort waren die winchel alle vol.ein teil man ir zehofe ſach.der wirt zeſinem gaſte ſprach.ich wane man iv gebetet hat.ſit ir moͮde ſo iſt min rat.daz ir get leit ivch ſlaffen.nv ſolt ich ſchrigen waffen.von ir ſcheiden daz ſi toͮnt.deſ wirt groz ſchade in beiden chunt.von dem ſpanbete trat.vf den tepch an eine ſtat.parzival der wolgeſlaht.der wirt bot im goͮte naht.div riterſchaft do gar vf ſpranch.ein teil ir im dar naher dranch.do foͮrten ſi den ivngen man.in eine chemenaten ſan.div waſ alſo geheret.mit einem bete geret.daz mich min *armoͮt imer Moͮt.ſit div erde ſolhe richeit bloͮt.dem bete waſ armoͮte tivr.alſer gleſte vz einem vivr.lach druffe ein phelephelle wol gemal.die riter bat do parzival.wider varen an ir gemach.dor da nimere bete ſach.mit vrloͮbe ſi ſchieden dan.hie hebt ſich ander dienſt an.vil cherzen vnt div varwe ſin.die gaben zegegen ſtr*ſtrite ſchin.waz mahte liehter ſin der tach.vor ſinem bete ein anderz lach.dar vfe ein gulter da er ſaz.ivncherren ſnel vn̄de niht laz.ein teil ir im dar naher ſpranch.ſi entſchoͮten bein div waren blanch.oͮch zoͮch im me gewandeſ abe.manch wol geborner chnabe.flatch waren div chindelin.nv ſeht dort chom zer tur her in.Vvier clare ivncfroͮwen.die danoch wolten ſchoͮwen.wie man deſ heldeſ phlage.vn̄de ober ſanfte lage.alſ mir div aventure gewoͮch.vor ieſlier ein chnape troͮch.eine cherzen div wol bran.parzival der ſneleſnelle man.ſpra*ſpranch vnderz dechlachen.ſi ſprachen ir ſult wachen.durh vnſ noch eine wile.ein ſpil mit der ile.het er vnze an den ort geſpilt.daz mangen liehter varwe zilt.daz begunde ir oͮgen ſoͮzzen.e ſi enphiengen ſin groͮzen.oͮch foͮgten im gedanche not.daz in die mvnde waren ſo rot.vnde daz vor ivgende niemen dran.choſ gein einer halben grane.die vier ivnchfroͮwen chloͮch.nv horet waz iegelichiv troͮch.moraz win luter tranch.troͮgen dri vf henden blanch.div vierde ivnchfroͮwe wiſ.troͮch obez der art von bardiſ.in einer twehelen wiz gevar.div ſelbe chniete fur in dar.er bat ſi alle ſitzzen.ſi ſprach lat vnſ bi witzen.ſo werdet ir dienſtlich gewert.alſ vnſer fur ivch iſt gegert.ſoͮzer rede er niht vergaz.der herre tranch ein teil er az.mit vrloͮbe ſi ſchieden wider.parzival der leit ſich nider.do ſatzten div ivncherrelin.vf den tepch die cherzen ſin.do in ſlaffen ſahen.ſi begunden danen gahen.parzival niht eine lach.geſellchliche vnze an den tach.waſ bi im ein ſtrengiv arbeit.ir boten chunftigiv leit.ſanden im in ſlafe dar.ſo daz der ivnge wolgevarſiner moͮter troͮm gar wider wach.deſ ſi nach gahmurete phlach.ſuſ wart geſtabet im ſin troͮm.mit ſwert ſlegen vmbe den ſoͮm.da vor mit manger tioſte rich.von rabine hurtchliche.er leit in ſlaffe ſolhe not.mohter drizch ſtunt ſint tot.daz heter wachende e gedolt.ſuſ teilt im vngemach den ſolt.von diſen ſtrengen ſachen.moͮſer dur not erwachen.Iim ſwitzeſwitzten ader vn̄de bein.der tach oͮch dvr div venſter ſchein.do ſprach er we wa ſint div chint.daz ſi hie vor mir niht ſint.wer ſol mir bieten min gewant.ſ*ſvſ wart in der wigant.vnzer an der wende entſlief.niemen da redete noch rief.wan ſi waren gar verborgen.reht an dem miten morgen.do erwachte aber der ivnge man.vf rihte ſich der choͮne ſan.vf em rtepeche vant der degen wert.ligen ſin harnaſch vn̄de zwei ſwert.daz eine der wirt im geben hiez.daz ander waſ von ka*kahaviez.do ſprach er zim ſelben ſan.we warzoͮ iſt diz getan.deſwar ich ſol mich wapen drin.ich leit in ſlaffe ſolhen pin.daz mir wachende arbeit.noch hivte watlich iſt bereit.hat dirre wirt vrlivgeſ not.ſo leiſte ich gerne ſin gebot.vnde ir gebot mit triwen.div diſen mandel niwen.mir lech durch ir goͮte.wan ſtoͮnde ir gemoͮte.daz ſi dienſt wolte nemen.deſ wolte mich dvr ſi gezemen.vnde doch niht durh ir minne.wan min wip div chunginne.iſt an ir libe alſ clar.oder vurbaz daz iſt war.er tet alſer toͮn ſol.von foͮze vf wapent er ſich wol.gein ſtriteſ antwurte.zwei ſwert er vmbe gurte.zer tur gieng vz der werde degen.Ddo waſ ſin orſ an die ſtegen.geheftet ſchilt vn̄de ſper.lent der bi daz waſ ſin ger.eparzival der wigant.ſich deſ orſeſ vnder want.mangez er der gademe erlief.ſo daz er nach den lvten rief.niemen er horte noch enſach.vngefoͮge leit im dran geſchach.diz hete im zorn gereizet.er lief da er waſ erbeizet.deſ abendeſ do er chomen waſ.da waſ erde vn̄de graſ.mit tretene geroͮret.vnt daz toͮ gar zerfoͮret.al ſchrigende lief der ivnge man.wieder zeſinem orſe ſan.mit bagen*bagenden worten.: Der erste Buchstabe der Verse 247.16-248.08 ist rubriziert.ſaz er vf die porten.vant er wite offen ſten.da dvrch vz groze ſla gen.Niht langer er da habte.faſte vf die v*porte er drafte.ein verborgen chnappe daz ſeil.zuchte daz der ſlege bruke ein teil.het daz orſ vil nach gevellet nider.parzival der ſach ſich wider.do wolter han gefraget baz.ir ſult varen der ſunnen haz.ſprach der chnape ir ſit ein ganſ.Moht ir geroͮret han den flanſ.vnde het den wirt gefraget.vil briſeſ ivch hat betraget.Nach den mæren rief der gaſt.gegen rede im gar gebraſt.ſwie vil er nach gerieffe.reht alſer gende ſlieffe.warp der chnappe vn̄de ſloͮch die pore zoͮ.do waſ ſin ſcheiden dan zefroͮ.an der fluſtbæren zit.dem der nv zinſ von froͮden git.do waſ an im verborgen.vmbe den wurf der ſorgen.waſ getopelt do er den gral vant.mit ſinen oͮgen ane hant.Vvn̄de ane wurfelſ eke.obe in nv chumber weke.deſ waſ er da vor vngewent.erne het ſich niht vil geſent.parzival der hoͮp ſich nach.vf die ſla dier da ſach.er dahte die hie vor mir riten.die wane ich hivte morgen ſtriten.manlich vmbe mineſ wirtſ dinch.geroͮhten ſiſ ſone ware ir rinch.mit mir vngechrenchet.dane wurde niht gewenchet.ich hulfe imin an der ſelben not.daz ich gediente min brot.vnde oͮch daz wunnchliche ſwert.daz mir gap ir herre wert.vngedient ich daz trage.ſiwanent lihte ich ſi ein zage.ſich hoͮp der valſche wider ſatz.vaſte vf der hoͮfſlege chraz.ſin ſcheiden dan daz riwet mich.alrerſt nv aventurt ez ſich.do begunde chrenchen ſich ir ſpor.ſich ſchieden die da riten vor.ir ſla wart ſmal div e waſ breit.er verloſ ſi gar daz waſ im leit.mære vrieſch der ivnge man.da von er herze not gewan.ez vernam der helt ellenſ riche.einer froͮwen ſtimme iamerliche.ez waſ danoch von toͮwe naz.vor im vf einer linden ſaz.ein maget der voͮget ir triwe not.ein gebalſemet riter tot.lent ir zwiſchen den armen.den ez niht wolt erbarmen.der ſi alſo ſitzen ſahe.vntriwen icheſ im iahe.ſin orſ do gein ir wande.der wench ſi bechande.ſi waſ doch ſiner moͮmen chint.al irdeſch triwe waſ ein wint.wan die man an ir libe ſach.parzival ſi groͮzte vn̄de ſprach.nv wizet froͮwe mir iſt leit.iwer ſenelichiv arebeit.beroͮchtgeroͮcht ir mineſ dienſteſ iht.in iwerem dienſte man mich ſiht.ſi dancht im nach iamerſ ſiten.ſi fragte in wanen er chome geriten.ſi ſprach ez iſt wider zame.daz iemen an ſich name.ſine reiſe in diſe waſte.vnchundem gaſte.MMach hie wol zgroz ſchade geſchehen.ich hanz gehoret vn̄de geſehen.daz hie vil lute ir lip verluren.die werlichen ende churen.chert hinnen welt ir geneſen.ſaget e wa ſit ir hint geweſen.dar iſt ein mile oder mer.daz ich geſach nie burch ſo her.mit aller ſlahte richeit.in churzer zit ich dannen reit.ſi ſprach der iv getruwet iht.den ſult ir gerne triegen niht.ir traget doch einen gaſteſ ſchilt.ivch moht deſ waldeſ han bevilt.von vnerbuwenem lande her geriten.in drizech milen wart nie verſniten.zedeheinem buwe holz noch ſtein.niwan ein burch div ſtet al ein.div iſt in erden wunſcheſ riche.ſwer die ſoͮchet vlizchliche.leider der envindet ir niht.vil lute manz doch werben ſiht.ez moͮz vnwizende geſchehen.der die burch imer ſol geſehen.ich wane ſiſt iv vnbechant.mvntſchalfatſch iſt ſi genant.der burgare wirt waſ roian.der deſchalvatſche waſ ſin nam.daz braht der alte titurel.an ſinen ſun roiſfrimutel.hiez der werde wigant.vil mangen briſ erwarp ſin hant.der lach an einer tioſte tot.alſ im ein chungin gebot.der ſelbe lie vier werdiv chint.bi richeit dri mit iamer ſint.der vierde lidet armoͮt.durch got vur ſunde er daz toͮt.der iſt geheizen trevrezent.anfortaſ ſin broͮder lent.der nemach geriten noch gegen.noch geligen noch geſten.Dder iſt vf mvntſalvatſch wirt.vngenade in niht verbirt.herre wart ir chomen dar.zoͮ der iamerlichen ſchar.ſo ware dem wirte worden rat.vil chumberſ den er lange hat.der waleiſ zer meide ſprach.groziv wunder ich da ſach.vnde mange froͮwen wolgetan.bi der ſtimme erchande ſi den man.ſi ſprach biſtuz parzival.nv ſage ſahe dv den gral.vnt den wirt froͮden lare.la horen liebiv mære.obe wendch ſi ſin freiſe.wol dich der ſælden reiſe.wan ſwaz die lufte hant beſlagen.dar obe moͮſtv chrone tragen.dir dient zam vn̄de wilt.gein richeit iſt dir wunſch gezilt.parzival der wigant.ſprach wa von habet ir mih bechant.ſi ſprach da bin ichz div maget.div dir e chumber hat gechlaget.div dir ſagte dinen namen.dvne darft dich niht der ſippe ſchamen.daz din moͮter iſt min moͮme.wiplicher chuſche ein bloͮme.iſt ſi gelutert ane toͮ.got lone dir daz dich ſo roͮ.min frivnt der mir zer tioſt lach tot.den han ich hie nv proͮve not.die mir got hat an im gegeben.daz er niht langer ſolte leben.er phlach manlicher goͮte.ſin ſterben mich do moͮte.och han ich ſit von tage zetage.vur baz erchant niwe chlage.owe war chom din roter mvnt.biſtvz ſigune div mir chunt.tet wer ich waſ ane allen var.din reideloht lanch brunez har.Ddeſ iſt din hoͮbt bloz geſtan.in dem voreiſ zebrizilan.ſach ich dich do vil minnchlich.ſwie dv warſt iamerſ rich.dv haſt verlorn varwe vn̄de chraft.diner herten geſelleſchaft.verdruze mich ſolt ich ſi haben.wir ſulen den toten man begraben.do natzten ir div oͮgen ir wat.oͮch waſ fron luneten rat.ninder da bi ir geweſen.div riet froͮwe lat geneſen.diſen man der iv den iwern ſloͮch.er mag ergetzen ivch genoͮch.ſine gerte ergetzenſ niht.alſ wip die man bi wanche ſiht.Manger der ich wil gedagen.horet mer von ſigunen ſagen.ſi ſprach ſol mih iht gefroͮwen.daz iſt ein dinch ob ſin toͮwen.lat der vil getriwe man.ſchiede dv helfechliche dan.ſo iſt din lip wol briſeſ wert.dv foͮrſt och vmbe dindich ſin ſwert.haſtv gelernt deſ ſwerteſ ſegen.dv maht ane angeſt ſtriteſ phlegen.ſin eke ligent im rehte.von edelem geſlahte.worhtez trebucheteſ hant.ein brunne ſtet bi karnant.dar nach der chunch heizet lach.daz ſwert beſtet ganz einen ſlach.an dem anderen ez zervellet gar.wil duz dane bringen dar.ez wirt ganz von dem wazerſ tram.du moͮſt deſ vrſpringeſ han.vnder dem velſe e ez beſchine der tach.der ſelbe brunne heizet lach.ſint div ſtuche niht verreret.der ſi rehte zein ander chert.ſo ſi der brunne machet naz.ganz vn̄de ſtercher baz.wirt im valz vn̄de eke ſin.vnde verlieſent div mal niht ir ſchin.daz ſwert bedarf wol ſegeneſ wort.ich furhte div habeſtv lazen dort.hatſe aver din munt gelernet.gewurzetſo wahſet vn̄de gechernet.imer ſælden chraft an dir.lieber neve geloͮbe mir.ſo moͮz gar dienen diner hant.ſwaz din lip da wunderſ vant.ſo mahtv tragen ſchone.in zwein imer der ſælden chrone.hohe obe den werden.den wunſch vf der erden.haſtv gewaltchliche.niemen iſt ſo riche.der gein dir choſte mvge han.haſtv frage ir reht getan.er ſprach ich han gefraget niht.Oowe daz ivch min oͮge ſiht.ſprach div iamerbernde Maget.daz ir fragenſ ſit verzaget.ir ſahet doch ſolch wunder groz.daz ivch fragenſ da verdroz.do ir waret dem grale bi.mange froͮwen valſcheſ fri.ſniden ſilber vn̄de bloͮtch ſper.owe waz wolt ir zoͮ mir her.gevnert lip verfloͮcht man.ir traget den eiter wolfeſ zan.da div galle bi der triwe.an iv beleip ſo niwe.ivch ſolt iwer wirt erbarmet han.an dem got wunder hat getan.vnde het gefraget ſiner not.ir lebet vn̄de ſit an ſælden tot.do ſpracher liebiv niftel min.toͮ bezeren willen gein mir ſchin.ich wandelz han ich iht getan.ir ſult wandelſ ſin erlan.ſprach div maget mirſt wol bechant.zemvntſalvatſche an iv verſwant.ere vn̄de riterlicher briſ.ir vindet nimer deheine wiſ.deheine gagen rede an mir.parzival do ſchiet von ir.daz er fragenſ waſ ſo laz.dor bi dem truregen wirte ſaz.daz roͮ do grozliche.den helt ellenſ riche.dur chlage vn̄de dur den tac ſo heiz.begunde netzen in der ſweiz.dur den luft er von im bant.den helm vn̄de foͮrtin in der hant.er enſtrichte die vinteilen ſin.dvrch ẏſerſ ram waſ lieht ſin ſchin.er chom vf eine niwe ſla.wan ez vor im al da.ein orſ daz waſ wol beſlagen.vnde ein barfoͮz pharit daz moͮſe tragen.eine froͮwen die er ſach.nach der zeritene im geſchach.Ddaz peritpherit gein chumber waſ verſelt.man het im dur die hvt gezelt.elliv ſiniv rippe gar.alſ ein harm ez waſ gevar.ein baſtin halfter lach dar ane.vnze vf den hoͮf ſwanch im div mane.ſin oͮgen tief die groͮben wit.oͮch waſ der froͮwen runzit.vertwalt vn̄de ver trechet.durch hunger ditche erwechet.ez waſ durre alſ ein zunder.ſin gen daz waſ wunder.wan ez reit ein froͮwe wert.div ſelten kunrierte phert.da lach vffe ein gereite.ſmal ane alle bereite.geſchelle vn̄de bogen verret.groz zadel dran gecheret.der froͮwen trvrch niht zegeil.ir ſurzengel waſ ein ſeil.dem waſ ſi doch zewolgeborn.oͮch heten die eſte vn̄de etſlich doren.ir hemde zer foͮret.ſwa ez mit zerrene waſ geroͮret.da ſach oͮch er vil ditche.dar vnder liehte bliche.ir hvt noch wizer dane ein ſwane.ſine foͮrte niht wan chnoden ane.ſwa die waren deſ velleſ dach.in blancher varwe er daz ſach.daz ander leit von ſunnen not.ſwiez ie chom ir munt waſ rot.der moͮſe alſolhe varwe tragen.man hetz fivr wol druz geſlagen.ſwa man ſi wolt an riten.daz waſ zerblozen ſiten.nante ſi iemen vil an.der het ir vnreht getan.wan ſi hete wench an ir.Ddurch iwer zuht geloͮbet mir.ſi troͮch vngedienten haz.wiplicher goͮte ſi niht vergaz.ich ſagte vil ir armoͮt.war zoͮ diz iſt alſ goͮt.doch name ih ſolhen blozen lip.vur etſlich wol gechleidet wip.do parzival groͮz gein ir geſprach.an in ſi erchennchlichen ſach.er waſ der ſchonſte vber elliv lant.da von ſin ſchiere het erchant.ſi ſprach ich han ivch e geſehen.da von iſt leide mir geſchehen.doch moͮze iv froͮde vn̄de ere.got imer geben mere.dane ir vmbe mich gedient hat.ez iſt nv ermer min wat.dane ir ſi naheſt ſahet.waret ir mir niht genahet.do an der ſelben zit.ſo hete ich ere ane ſtrit.doſpracher froͮwe wizet daz.gein wem ir chert iwern han.iane wart von minem libe.iv noch deheinem wibe.laſter nie gemeret.ſo het ih mich gevneret.ſin ich den ſchilt von erſt gewan.vnde riterſ foͮre mich verſan.mirſt ander iwer chumber leit.*al wiendediv froͮwe reit.daz ſi begoz ir bruſtelin.alſ ſi gedrat ſolten ſin.div ſtoͮnden hoch blanch ſinewel.iane wart nie drahſel ſo ſnel.der ſi gedrat het baz.ſwie minnchlich div froͮwe ſaz.ſi moͮſe in doch erbarmen.mit henden vn̄de mit armen.begunde ſi ſich decchen.vor parzival dem rechen.do ſpracher froͮwe nemet dvr got.vf rehten dienſt ſunder ſpot.an iwern lip min curſit.herre ware daz ane ſtrit.daz al min froͮde lage dran.ſone getorſte ichichz doch niht nemen an.welt ir vnſ machen todeſ fri.ſo ritet daz ich iv verre ſi.doch chlagte ih wench minen tot.wan daz ich furhte ir chomtſ in not.froͮwe wer name vnſ vnſer leben.daz hat vnſ gotſ chraft gegeben.obe deſ gerte ein ganzez her.man ſahe mich vur vnſ zewer.ſiſprach eſ gert ein werder degen.der hat ſich ſtriteſ ſo bewegen.iwer ſehſe chomenſ in arbeit.mirſt iwer riten bi mir leit.ich waſ etſwene ſin wip.nvne mohte min vertwalt lip.deſ heldeſ dirne niht geſin.ſuſ toͮt er gein mir zornſ ſchin.do ſpracher zoͮ der froͮwen ſan.wer iſt hie mit iwerem man.flvhe ih nv dvrch iweren rat.Ddaz dvht ivh lihte miſſetat.ſwene ich fliehen lerne.ſo ſtirbe ih alſ gerne.do ſprach div bloze herzogin.er hat hie niemenſ dane Min.der troſt iſt chranch gein ſtriteſ ſige.niwan chnoden vn̄de an der rige.waſ an der froͮwen hemde ganz.wiplicher chuſche lobeſ chranz.troͮch ſi mit armoͮte.ſi phlach der waren goͮte.ſo daz der valſch an ir verſwant.die phinteilen er fur ſich pant.gein ſtriter wolte foͮren.den helm mit den ſnoͮren.er ebene zeſehenne rvchte.innen deſ daz orſ ſich buchte.mit dem pharde ez ſchrigen niht vermeit.der da vor parzivale reit.vnde vor der blozen froͮwen.der horte vn̄de wolt ſchoͮwen.wer bi ſinem wibe rite.daz orſ warf er mit zornſ ſite.vaſte vz dem ſtige.gein ſtritchlichen wige.*hielt der herzoge orilluſ.gereht zeiner tioſte ſuſ.mit rehter manlichen ger.von kahviez mit einem ſper.daz waſ gevarwet genoͮch.reht alſ er ſiniv wapen troͮch.ſinen helm worhte trebvchetſin ſchilt der waſ zedolet.in kaileteſ lande.geworht dem wigande.rant vn̄de bukel heten chraft.zealexandrie in heiden ſchaft.waſ geworht ein phelle goͮt.deſ deſ der furſte hochgemoͮt.troͮch kurſit vn̄de wapenroch.ſin decche waſ zetenebroch.geworht vz ringen herte.ſin ſtolzheit in lerte.der ẏſerinen decche dach.waſ ein phelle deſ man iach.daz der tivre wære.rich vnt doch niht ſware.ſine hoſen halſperch harſenier.vnde iſeniniv tſchilier.waſ gewapent dirre goͮte man.Igeworht ze bealzedan.I : Vermutlich gehört die Initiale zum Folgevers?in der hoͮbet ſtat ze anſchoͮwe.diſiv bloze froͮwe.troͮch im vngelichiv chleit.div da ſo trurch vor im reit.dane hete et ſiſ niht bezer ſtat.zeſeſune waſ geſlagen ſin plate.ſin orſ von brunbanige.deſ ſalvatſcheahmuntanige.mit einer tioſte lehelin.beiagte da der broͮder ſin.parzival waſ oͮch bereit.daz orſ von rabine er reit.gein o*orilluſ delalander.vf deſ ſchilte vander.einen trachen alſer lebte.ein ander trache ſwebteſtrebte.vf ſinen helm gebunden.an den ſelben ſtunden.manch guldin trache chleine.mit mangem edelen ſteinedie moͮſen wol gehert ſin.ir oͮgen waren rubin.vf der decche vn̄de vf dem curſit.da wart genomen der ponder wit.von den zwein helden vnverzaget.neweder halp wart wider ſaget.ſi waren doch ledch ir triwe.trunzune ſtarch al niwe.von in waten vongein den luften.ich wolte mih deſ guften.het ih eine ſolhe tioſt geſehen.alſ mir diz marere hat vergiehen.da wart von rabine geriten.ein ſolch tioſt niht vermiten.fron ieſchvten moͮt veriach.daz ſi nie ſchoner tioſt geſach.div hielt da want ir hende.ſi froͮden ellende.gunde dewerem riter ſchaden.div orſ in ſweize moͮſen baden.Bbriſeſ ſi bede gerten.die bliche von den ſwerten.vn̄de daz vivr vz helmen ſprach.vn̄de manch ellenthafter ſwanc.die begunden verre gleſten.wan da waren ſtriteſ die beſten.mit hvrte an ein ander chomen.ez ge zeſchaden oder zefrumen.den choͮnen helden maren.ſwie willch div orſ in waren.da ſi bede vffe ſazen.der ſporen ſi niht vergazen.vnt ir ſwerte lieht gemal.briſ begie hie parzival.daz er ſich alſuſ weren chan.wol hundert trachen vn̄de eineſ man.ein trache wart verſert.ſine wunden gemeret.der vffe orilluſ helme lach.ſo dvrluhtch daz der tach.vollchliche dvrh in ſchein.drabe wart geſlagen manch edel ſtein.ditze ergie zeorſe vn̄de niht zefoͮz.fron ieſchuten wart der groͮz.mit ſwerteſ ſchimphe al da beiaget.mit heldeſ henden vnverzaget.mit hvrte ſi ditche zeiner flugen.daz die ringe vor den chnien zerſtuben.ſwie ſi waren ẏſerin.roͮcht irſ ſi taten ſtriteſ ſchin.ich wil iv ſagen deſ einen zoren.daz ſin wip wolgeboren.da vor waſ genotzoget.er waſ iedoch ir rehter voget.ſo daz ſi ſchermeſ wart an in.er wande ir wiplicher ſin.ware gein im verchert.vn̄de daz ſi gevneret.het ir chuſche vn̄de ir priſ.mit einem anderen amiſ.deſ laſterſ nam er phlihte.doch ergie ſin gerihte.vber ſi daz grozer not.nie wip erleit ane den tot.vnde ane alle ir ſchulde.er moht ir ſine hulde.verſagen ſwener wolde.niemen daz wenden ſolde.obe man deſ wibeſ habe gewalt.parzival der degen balt.orilluſ hvlde gerte.froͮn ieſchuten mit dem ſwerte.deſ hort ich ie goͮtlichen biten.ez chom hie gar von ſmeicheſ ſiten.mich dunchet ſi han bede reht.der beidiv chrump vn̄de ſleht.geſchoͮf chunner ſcheiden.ſo wende daz an beideinbeiden.deiz ane ſterben da erge.ſi toͮnt doch ſuſ ein ander we.Dda ergie div ſcherphe herte.ietwedere vaſte werte.ſinen briſ vor dem ander.orilluſ delalander.ſtreit nach ſinem gelerten ſite.ich wæne ie man ſo wol geſtrite.er hete chunſt vn̄de chraft.deſ wart er ditche ſigehaft.an manger ſtat ſwiez da ergiench.durh den troſt zoͮ zim er viench.den ivngen ſtrſtarchenparzival.der begreif oͮch in d*div ſvnder twal.vnt zvchte in vz dem ſatel ſin.alſ eine garbe haberin.vaſter in vnder die arme ſwanch.mit im von dem orſe er ſpranch.vnde druchte in vber eine ronen.do moͮſer tſchun*tſchunphenture wonen.der ſolher not niht waſ gewent.dv garneſt daz ſich hat verſent.diſiv froͮwe von dinem zorne.deſ biſtv der verlorne.dvne lazeſt ſi dine hulde han.daz newirt ſo ſchiere niht getan.ſprach der herzoge orilluſ.ichne bin doch niht bedwungen ſuſ.parzival der werde degen.druchte in daz der bloͮteſ regen.ſpranch dur die barbiere.do wart der furſte ſchiere.bedwungen ſweſ man an in warp.er tet alſ der vngerne ſtarp.er ſprach zebarzivale ſan.owe choͮne ſtarcher man.wa gedient ich ie diſe not.daz ich von dir ſol ligen tot.ich laze dich vil gerne leben.ſprach parzival obe dv wil geben.dirre froͮwen dine hulde.ich toͮn ſin niht ir ſchulde.Iiſt gein mir alzegrozlich.ſi waſ werdcheite rich.die hat ſi gar verchrencht.vn̄de mich in not geſenchet.ich leiſt anderſ ſweſ dv gerſt.op dv mich deſ lebenſ werſt.daz het ich etſwenne von gote.nv iſt din hant deſ worden bote.daz icheſ danche dinem priſe.do ſprach der furſte wiſe.min leben choͮffe ich ſchone.in zwein landen chrone.treit gewaltchliche.min broͮder der iſt riche.der nim dir ſwederz dvͦ welleſt.daz dv mich tot niht velleſt.ich bin im liep er loſet mich.alſ ich gedinge wider dich.dar zoͮ nim min herzentoͮm.von mir din briſlicher roͮm.hat an mir werdcheit bezalt.nv erla mich choͮner degen balt.ſoͮne gein diſem wibe.gebivt minem libe.anderſ ſwaz din ere ſin.gein der gevnerten herzogin.magih ſoͮne gephlegen niht.ſwaz halt anderſ mir geſchiht.parzival der hochgemoͮt.ſprach lute lant noch varnde goͮt.der deheinz mach gehelfen dir.dvne toͮſt deſ ſicherheit gein mir.daz dv gein britanievar*varſt.vnt die reiſe niht langer ſparſt.gein einer Meide die bloͮ dvr mich.ein man gein dem iſt min gerich.ane ir bete niht verchoren.dv ſolt der meide wolgeboren.ſicheren vn̄de min dienſt ſagen.oder dv wirſt al hie erſlagen.ſage artuſe vn̄de dem wibe ſin.in beiden von mir dienſt min.daz ſi min dienſt ſol letzen.die maget ir ſlege ergetzen.dar zoͮ wil ich beſchoͮwen.in dinen hvlden diſe froͮwen.Mit ſoͮne ane vare.ode dv moͮſt eine bare.toter hinnen riten.wil dv micheſ wider ſtriten.MMerche div wort vnt wiſ der weche ein wer.deſ gip mir ſicherheit al her.do ſprach der herzoge orilluſ.gein dem chunge parzivale ſuſ.mach niemen da vur niht gegeben.ſo leiſt ichez wan ih wil noch leben.dvrch vorhte von ir man.fro ieſchute wolgetan.ir frivndeſ gar verzagte.ir vindeſ not ſi chlagte.parzival in vf verliez.dor froͮn ieſchvten hulde gehiez.der betwungenne furſte ſprach.froͮwe ſit diz durch ivch geſchach.in ſtrite div tſcheinphenture min.wol her ir ſult gechuſſet ſin.ich han vil briſeſ durch ivch verloren.waz dane ez iſt iedoch verchoren.div froͮwe mit ir blozem vel.waſ zem ſprunge harte ſnel.von dem pharde vf den waſen.ſwie dez bloͮt im vor der naſen.den mvnt het gemachet rot.ſi chuſt in do er chuſ gebot.ez wart niht lenger do gebiten.ſi bede vn̄de oͮch div froͮwe riten.zeiner chloſen in eineſ velſeſ want.eine chefſen parzival da vant.ein gemalt ſper der bi da lent.der einſidel hiez treverezent.parzival mit triwen foͮr.er nam die cheſſe dar vffer ſwoͮr.ſuſ ſtabter ſelbe ſinen eit.er ſprach herre han ich werdcheit.ich habeſe oder ichne haber niht.ſwer mich bi dem ſchilte ſiht.der proͮvet mich gein riterſchaft.deſ namen ordenlichiv chraft.alſ vnſ deſ ſchilteſ ambt ſaget.hat ditche hohen briſ beiaget.ez iſt oͮch noch ein hoher nam.min lip gein werltlicher ſcham.imer ſi gewenchet.vn̄de al min briſ vercherencht.dirre worte ſi mit werchen phant.min geluche vor der hoheſten hant.ich hanz da vur die treit got.ſo moͮze ich fluſtchlichen ſpot.zebeiden leben imer han.von ſiner chraft obe miſſetan.diſiv froͮwe habe do daz geſchach.daz ir furſpan von ir brach.och foͮrte ih ir me goldeſ dan.ich waſ ein tore vn̄de niht ein man.geſcheiden von den witzen.vil weinenſ da bi ſwitezen.mit iamer vil gedolt ir lip.ſi iſt ein hart vnſchuldch wip.dane ſcheide ich vz niht mere.eſ ſi phant min ſælde vnde ere.geroͮchet irſ ſi ſol vnſchuldch ſin.gebet ir wider ir vingerlin.ir furſpan wart ſo vertan.daz eſ min torheit danch ſol han.Ddie gabe enphie der helt goͮt.do ſtreich er von dem mvnde dez bloͮt.vn̄de chuſte ſineſ herzen trut.do wart verdaht ir bloziv hut.orilluſ der furſte erchant.ſtiez daz vingerl an ir hant.vnde gap ir an ſin kurſit.div waſ von richem phelle wit.mit heldeſ hant verhoͮwen.ich han doch ſelten froͮwen.geſehen wapenroch getragen.die waren in ſtrite alſuſ zerſlagen.von ir chrie wart nie turnei.geſambeliert noch ſper enzwei.geſtochen ſwa daz ſolte ſin.der goͮte chnape lambekin.die tioſt zeſamene troͮge baz.ſuſ wart div froͮwe trurenſ laz.do ſprach der herzoge orilluſ.aber ze parzivale ſuſ.helt din vnbetwungen eit.git mir groz liep vn̄de chranchez leit.ich han tſchunphenture gedolt.div mir froͮde hat erholt.daz ich ſi ſoͮne min verſtiez.do ich die goͮten eine liez.waz mohte ſi ſwaz ir geſchach.doſe aber von diner ſchone ſprach.ich wande da ware frivntſchaft bi.nv lone dir got ſiſ valſcheſ fri.ich han vngevͦge an ir getan.dvrh dez voreiſt in brizilan.reit ich von ir alſo von poyſ.parzival daz ſper von troyſ.nam vn̄de foͮtez mit im dan.eſ vergaz der wilde turian.toclineſ broͮder da.toclineſ:Lachmann transkribiert Toclines, aber die hier vorkommende Form des d mit geradem Schaft und etwas Abstand zum Bogen kommt bei dem Schreiber - wenn auch selten - vor, deshalb entscheide ich mich für d.todineſ: Sieht tatsächlich eher aus wie Toclines. Lesung am Original bestätigt das.nv ſprecht wie deroder wa.die helde deſ nahteſ mugen ſin.helm vn̄de ir ſc*ſchilte heten pin.die ſach man gar zerhoͮwen.parzival zerfroͮwen.Nnam vrloͮp vn̄de zir amiſ.do ladete in der furſte wiſ.vil ofte an ſine vivr ſtat.ez half in niht ſwie vil erſ bat.do ſchieden die helde ſich.ſuſ wert div auenture mich.do orilluſ der furſte erchant.chom da er ſin pauelun vant.vnde ſiner meſſenie ein teil.daz volch waſ al geliche geil.daz ſoͮne waſ worden ſchin.gein der ſældebernden herzogin.ez wart niht langer do geſpart.do orilluſ entwapent wart.bloͮt vn̄de ram von im man twoͮch.er nam die herzoginne chloͮch.vnde foͮrteſ an die ſoͮn ſtat.er hiez bereiten im ein bat.da lach fro ieſchute.al weinende bi ir trute.vor liebe vn̄de doch von leide niht.alſ goͮtem wibe noch geſchiht.oͮch iſt genoͮgen luten chunt.weindiv oͮgen haben ſoͮzen munt.da von ih me noch ſprechen wil.groz liebe iſt froͮde vn̄de iamerſ zil.ſwer von der liebe ir mære.treit vf den ſeigare.oberz imer wolte wegen.ez enchunde niht andere tſchanze phlegen.da er giench ein ſoͮne deſ wæne ich.doch foͮrten vnder handen ſich.zwelf clare ivnchfroͮwen.man mahte bi ir ſchoͮwen.die phlagen ir ſit ſi gewan.zorn ane ir ſchult von liebem man.ir decche nahteſ waſ bereit.ſwie bloz ſi bi dem tage reit.ſi badeten do mit froͮden ſie.roͮchet ir nv horen wie.orilluſde*deſinnen wart.aventure von artuſeſ art.ſuſ begunde im ein riter ſagen.ich ſach vf einen plan geſlagen.wol tuſent pavelun oder mer.artuſ der riche chunch her.Dder britanſche herre.lit vnſ hie nihtze verre.mit wunchlicher froͮwen ſchar.vngeverteſ iſt ein mile dar.da iſt von riteren grozer ſchal.bi dem blimzol zetal.ligentſe an ietwerdermietwederm ſtade.do gahte balde vz dem bade.der herzoge orilluſ.ieſchute vn̄de er gewurben ſuſ.div ſenfte ſoͮze wolgetan.gieng oͮch vz ir bade ſan.an ir bete da wart trurenſ rat.ir lide dienten bezer wat.dane ſi da vor troͮch lange.mit nahem vmbe vange.behielt ir minne froͮden priſ.der furſtin vn̄de deſ furſten wiſ.ivnchfroͮwen chleiten ir froͮwen ſan.ſin harnaſch troͮch man dar dem man.ieſchuten wat man moͮſe loben.vogele gevangen vf dem chloben.ſi mit froͮden azzen.daſe an ir bete ſazen.ieſchute etſlichen chuſ.enphie den gap ir orilluſ.do zoch man der froͮwen wert.ſtarch wol gende ſchone ein phert.geſatelt vn̄de gezoͮmet wol.man hoͮp ſi druf div riten ſol.danen mit ir chuͦnen man.ſin orſ waſ gewapent ſan.reht alſ erz ge*gein ſtrite reit.ſin ſwert da mit erſ tageſ ſtreit.man vor an den ſatel hiench.von foͮze vf gewapent giench.orilluſ zem orſe ſin.er ſpranch druf vor der herzogin.ſin geſinde er d*wider bat cheren.wan ein riter ſolt in leren.gein artuſe riten.er bat daz volch deſ biten.ſi chomen artuſ ſo nahen.daz ſi ſin pavelun ſahen.vil nach eine mile daz wazer nider.der furſte ſande den riter wider.der in gewiſet hete dar.fro ieſchute div wolgevar.waſ ſin geſinde vn̄de niemen mer.der vnloſe artuſ niht ze her.waſ gegangen do erſ abendeſ gaz.vf einen plan vmbe in da ſaz.div werde meſſnie.orilluſ der valſcheſ vrie.chom an den ſelben rinch geriten.ſin helm ſin ſchilt waſ ſo verſniten.daz niemen choſ deheiniv mal.die ſlege frumte parzival.von dem orſe ſtoͮnt der man.froͮ ieſchute enphiengez ſan.vil ivnchherren dar naher ſpranch.vmbe ſi vn̄de vmbe in wart groz gedranch.ſi iahen wir ſulen der orſe phlegen.orilluſ der werde degen.leit die ſchiltſ ſchirben vfez graſ.nach ir dvr die er chomen waſ.Bbegunder fragen alze hant.fron kunewaren delalant.zeigte man im da div ſaz.ir goͮte man gein briſe maz.gewapent er ſo nahen genchgiench.der chunch vn̄de div chungin in enphiench.er neich vn̄de bot phianze ſan.ſiner ſweſter wolgetan.bi dem trachen ame churſit.erchande ſin wol ane ſtrit.ſi ſprach dv biſt der broͮder min.orilluſ oder lehelin.ich nim iwerdewederſ ſicherheit.ir ſit mir bede ſuſ bereit.der furſte chniete fur die maget.er ſprach dv haſt al war geſaget.ich binz din broͮder orilluſ.der rote riter twanch mich ſuſ.daz ich dir ſicherheit moͮz geben.da mit choͮfte ich do min leben.die enphach ſo wirt hie gar getan.alſ ih gein im gelobt han.do enphie ſi triwe in wize hant.von im der troͮch den ſerphant.vnt lie in ledch do daz geſchach.do ſtoͮnt er vf vn̄de ſprach.ich ſol vn̄de moͮz mit triwen chlagen.owe wer hat dich geſlagen.dine ſlege toͮnt mir ninder wol.wirt eſ zit daz ich dich rechen ſol.ih innere den ſwerz roͮchet ſehen.daz mir groz leit iſt dran geſchehen.oͮch hilfet mirz chlagen der choͮnſte man.den moͮter ie zerwerlt gewan.er nenet ſich den riter rot.her chunch vn̄de vrvͦ chungin er enbot.iv beidenſament den dienſt minſin.dar zoͮ benamen der ſweſter min.er bit ivch ſin dienſt letzen.die maget ir ſlege ergetzen.och het icheſ do genozen.Ggein dem helde vnferdrozen.weſſer wie ſi mich beſtet.vn̄de mir ir leit zeherzen get.kai erwarp do niwan haz.von ritaren vn̄de froͮwen ſwaz ir da ſaz.an dem ſtade bi dem blimzol.gæwan vn̄detſchofreit viſidol.vnt deſ not ir habet gehort e.der gevangene clamide.vnde manch ander werder man.den ich genenen wol chan.wan daz ihez niht wil lengen.die begunden ſich mengen.e dienſt mit zuht wart gedolt.fro ieſchute wart geholt.vf ir pharide da ſi ſaz.artuſ der chunch niht ver gaz.vnde oͮch div chungin ſin wip.die enphiengen ieſchuten lip.von froͮwen da manch chuſ geſchach.artuſ ze ieſchuten ſprach.iweren vater den chunch von karnant.lange han ich den erchant.daz ich iwern chumber chlagte.ſit man mirn von erſte ſagte.oͮch ſit ir ſelbe ſo wolgetan.eſ ſolt ivch frivnt erlazen han.wan iwer minnchlicher blich.behielt derden briſ zechanadich.dur iwer ſchone mare.beleip iv der ſparwære.iwer hant er danen reit.ſwie mir von orilluſ leit.geſchach ichne gunde iv trurenſ niht.vnde entoͮn oͮch noch ſwaz mir geſchit.mir iſt liep daz ir die hulde hat.MitVnt daz ir flfroliche wat.traget nach iwer grozen not.herre daz vergelt iv got.dar an ir hohet iweren briſ.fro ieſchute vn̄de ir amiſ.fro kuneware delant.danen foͮrte al zehant.Eein halp anſ chungeſ rinch.vber eineſ prunnen vrſprinch.ſtoͮnt ir palun vf dem plan.alſ ez ein trache in ſinen chlan.hete deſ aphelſ hal*halben teil.den trachen zugen vier wint ſeil.reht alſer lebende da ſluge.vnt daz pavelun gein den luften zuge.da bi erchandez orriluſ.wan ſiniv wapen waren ſuſ.er wart entwapent drunde.ſin ſoͮziv ſweſter chunde.im bieten ere vn̄de gemach.vber al div meſſenie ſprach.zoͮ deſ roten riterſ ellen.moͮhte ſich niht gezellen.deſ iahenſe ane runen.kaẏ bat kingrunen.orilluſ dienen an ſiner ſtat.er chundez wol den erſ da bat.wan er heteſ vil getan.vor clamide zebrandigan.kaẏ dur daz ſin dienſt liez.vnſalde inſ vurſten tohter hiez.zeſere alunen mit dem ſtabe.dur zuht tet er ſich dienſteſ abe.oͮch waſ div ſchulde niht verchoren.von der meide wolgeboren.doch ſchoͮf er ſpiſe dar genoͮch.kingrun ez vur orilluſ troͮch.fro kuneware div wiſe.ſneit ir broͮder ſine ſpiſe.mit ir blanchen linden hant.froͮ ieſchute von karnant.mit wiplichen zuhten az.artuſ der chunch niht vergaz.eren chome da div zwei ſazen.vnde mit ein ander azen.er ſprach gezet ir vbele hie.daz wart iedoch min wille nie.ir geſazet nie vber wirteſ brot.derz iv mit bezerem willen *bot.ſo gar ane wancheſ vare.min froͮ kuneware.ir ſvlt iwerſ broͮder hie wol phlegen.goͮte naht gebe iv der gotſ ſegen.artuſ voͮr ſlaffen do.orilluſ wart gebet ſo.daz ſin froͮ ieſchute phlach.geſellchlich vnze an den tach.welt ir nv horen wie artuſ.ze charidol vz ſinem huſ.mit riteren vn̄de mit froͮwen ſchietalſ im div meſſenie riet.ſuſ reit er mit den werden.ſineſ landeſ vn̄de vf der erden.daz mare giht naht vn̄de tach.alſo daz er ſoͮchenenſ phlach.den man da nande den riter rot.nande vnde im ſolhe ere bot.daz er in ſchiet von chvmber groz.do er den chvnich itheren ſchoz.vnde clamide vn̄dechingrun.oͮch ſande gein den britun.in ſinen hof beſunder.vber die taffelrunder.Wwolt er in dvr ge*geſellcheit.laden dur daz er nach im reit.alſo beſcheidenliche.beide arme vn̄de riche.die ſchilteſ ambet ane want.die lobten artuſeſ hant.ſwa ſi ſæhen riterſchaft.daz ſi dvrch ir gelubedeſ chraft.deheine tioſt da tæten.ez enware op ſiſ in bæten.daz er ſi lieze ſtriten.er ſprach wir moͮzen riten.in maneh lant daz riterſ tat.vnſ wol zegagen ſtrite ſtat.vf gerihtiv ſper wir moͮzen ſehen.welt ir dane wider ein ander ſchehen.alſ vreche ruden in meiſterſ hant.ſon abe gezuchet wirt ir bant.dar zoͮ han ih niht willen.ich ſol den ſchal geſtillen.ich hilfiv ſwaſ niht rat mach ſin.deſ wartet an daz ellen min.diſe gelubede habet ir wol vernomen.welt ir nu horen war ſi chomen.parzival der waleiſ.von ſnewe waſ ein niwiv leiſ.deſ nahteſ vaſte vf in geſnit.ez waſ iedoch niht ſneweſ zit.iſt alſ ich vernomen han.artuſ der mêige bære man.ſwaz man ie von dem geſprach.zeinen phincheſten daz geſchach.oder in deſ meigen bloͮmen zit.waz man im ſoͮzeſ lufteſ git.daz mare iſt hie vaſte vnder ſniten.ez parriert ſich mit ſneweſ ſiten.ſine valchnære ze charidol.waren deſ abendeſ bi dem blimzol.dvrch beizen da ſi ſchaden churen.ir beſten valchen ſi verluren.Dder gahte von in balde.vn̄de ſtoͮnt die naht zewalde.von vber chruphe daz geſchach.daz im waſ von dem loͮdere gach.die naht bi parzivale er ſtoͮnt.da in beiden waſ der walt vnchunt.vnt da ſi bede ſere froſ.do parzival den tach erchoſ.im waſ ver ſnit ſineſ phadeſ pan.vil vngeverteſ reit er dan.vber ronen vn̄de mangen ſtein.der tach ielanch hoher ſchein.oͮch begunde luhten ſich der *walt.wan daz ein rone waſ gevalt.vf einen plan zoͮ dem er ſleich.artuſ valche mit ſtreich.da wol tuſent genſe lagen.da wart ein michel bagen.mit hurte floͮger vnder ſie.der valche vn̄de ſloͮgir eine hie.ſo daz ſim harte chumtchume enbraſt.vnder deſ gevallen ronen aſt.an ir hohen fluge wart ir we.vz ir wunden vf den ſne.vielen dri bloͮtſ zahere rot.die parzivale foͮgeten not.von ſinen triwen daz geſchach.do er die bloͮteſ zahere ſach.vf dem ſne der waſ al wiz.do dahter wer hat ſinen fliz.gewant an diſe varwe clar.condwiramurſ ia mach vur war.diſiv varwe dir gelichen.mich wil got ſælden richen.ſit ih dir hie gelichez vant.geret ſi div gotſ hant.vnde al div creature ſin.condwiramurſ hie lit din ſchin.ſit der ſne*ſne dem boͮte die wize bot.vnde ez den ſne ſo machet rot.Sſoͮziv condwiramurſ.dem gelichet ſich din beacurſ.deſ enbiſtu niht erlazen.deſ heldeſ oͮgen mazen.wiez dort waſ ergangen.zwene zaher an ir wangen.den driten an ir chinne.er phlach der waren minne.gein ir ane wenchen.ſuſ begunder ſich verdenchen.ſo daz er vnverſunnen hielt.div ſtarche minne ſin da wielt.alſolher not half im ſin wip.div dirre varwe troͮch gelichen lip.von pelrapeire div chungin.dv zucht im wizenlichen ſin.ſuſ hiel er alſer ſliefe.wer da zoͮ im liefe.kvnewaren garzun waſ geſant.der ſolt gein lalant.er ſach an den ſtunden.einen helm mit mangen wunden.vnde einen ſchilt verhoͮwen.in dienſte deſ chnappen froͮwen.da hie*hielt gezimiert ein degen.alſ er tioſtiernſ wolte phelgen.gereht mit *vfge*gerihtem ſper.der garzun hoͮp ſich wider her.het in der chnape erchant enzit.er wær von im vil vnbeſchrit.daz er ſiner froͮwen riter ware.alſ gein einem ahtære.ſchuphterz volch hin vz an in.er wolt im werben vngewin.ſine churtoiſe er dran verloſ.lat ſin ſin froͮwe waſ doch loſ.ſolch waſ deſ chnappen chrie.phia phia phige.fi ir vertane.zelent ſi gawane.vnde andere dirre riterſchaft.gein werdchlichem priſe chraft.vnde artuſ dem britun.alſuſ rief der garzun.div tavelrunder iſt geſchant.iv iſt dvr die ſnoͮre al hie gerant.da wart von riteren grozer ſchal.ſi begunden fragen vber al.obe riterſchaft da ware getan.do frieſchen ſi daz einch man.da hielt zeiner tioſt bereit.genoͮgen waſ gelubede leit.die artuſ von in enphiench.ſo balde daz er niht enhienchengiench.beidiv lief vn̄de ſpranch.ſegremorſ der nach ſtrite ie ranch.ſa der vehten wande vinden.da moͮſe man in binden.olde er wolt der mite ſin.ninder iſt ſo breit der rin.ſaher ſtriten an dem anderen ſtade.da wurde wench nach dem bade.Ggeraſtet ez ware warm oder chalt.er viele ſuſ dran der helt balt.ſuſ chom der ſnelle ivngelinch.zehove an artuſ rinch.der werde chunch vaſte ſlief.ſegremorſ im dvrh die ſnoͮre lief.zer baveluneſ tur dranger hin.ein dechlachen zobelin.zuchter abe in die da lagen.vnde ſoͮzeſ ſlafeſ phlagen.ſo daz ſi moͮſen wachen.vnde ſiner vn*vnfoͮge lachen.do ſprach er zoͮ der niftelen ſin.ſchinover froͮwe chungin.vnſer ſippe iſt deſ erchant.man weiz wol vber manch lant.daz ich genaden warte an dich.vnde hilf mir froͮwe vn̄de ſprich.gein artuſe dinem man.daz ich von im moͮſe han.ein aventure div iſt hie bi.daz ich zer tioſt der erſte ſi.artuſ zeſegremorſe ſprach.din ſicherheit mir deſ veriach.dv ſolteſt nach dinemMinem willen varen.vnt dine vnbeſcheidenheit bewaren.wirt hie ein tioſt von dir getan.ſo wanet manch ander man.daz ih in laze riten.vn̄de oͮch nah priſe ſtriten.da mit chrenchet ſich min wer.wir nahen anfortaſ her.daz von mvntſchalvatſche vert.vnt daz voreiſt mit ſtrite wert.welt ir niht wizen wa daz ſtet.ze arbeit ez vnſ lihte erget.ſchinover ſprach zeartuſe ſo.deſ ſegreMorſ wart al fro.do ſim die aventure er warp.wan daz er niht vor liebe ſtarp.daz ander waſ im gar geſchehen.vngerne het er do vergehen.ſineſ niwen chomenſ phlihte.iemen an der geſchihte.der ivnge ſtolze ane bart.ſin orſ vn̄de er gewapent wart.vz chom ſegremorſ de royſ.galopiert vlter lo von poiſ.Sſin orſ vber hohe ſtuden ſpranc.manch guldin ſchellen dran er chlanch.vf der decche vn̄de vf der man.man maht in wol geworfen han.zen vaſanen in daz dornach.ſwem zeſoͮchene ware gach.der vunde in von den ſchellen.die chunden lute hellen.ſuſ foͮr der vnbeſcheidene helt.zedem der minnen waſ verſelt.weder ern ſloͮch noch enſtach.e er wider ſagen hinze im geſprach.vnferſunnen hielt do parzival.daz foͮgten im div bloͮtſ mal.vnde oͮch div ſtrenge minne.div mir ditche nimet die ſinne.vnde mir daz herze vnſanfte reget.ach not ein wip an mich leget.wil ſi mich alſo twingen.vnde ſelten helfe bringen.ich moͮz ſiſ vnder ziehen.vnde von ir troſte vliehen.horet von ienen beiden.vmbe ir chomen vn̄de vmbe ir ſcheiden.ſegremorſ ſprach alſo.ir gebaret reht alſ ir ſit vnfro.daz hie ein chunch mit volche liget.ſwie vn hohe iv daz wiget.ir moͮzet im wandel drumbe geben.oder ich verlivſe min leben.ir ſit dur ſtrit zenahen geriten.nv wil ich ivch dvrh zuht deſ biten.ir gebet ivch in mine gewalt.oder ir ſit ſchiere von mir bezalt.daz iver vallen roͮret den ſne.ſo tatet irz baz mit eren e.parzival durh dro niht ſprach.froͮ minne im anderſ chuͤm*chuͤmberſ iach.durh tioſt bringen warf ſin orſ.von im der choͮne ſegremorſ.vmbe wante oͮch ſich daz chaſtelan.da parzival der wolgetan.Vvnferſunnen vfe ſaz.do er daz bloͮt vber maz.ſin ſehen wart drabe gec*gechert.hie ſin ſin gemeret.do er der zaher niene ſach.froͮ witze im aber ſinneſ iach.hie chom ſegremorſ de royſ.parzival ſin ſper von troyſ.daz veſte vn̄de daz zahe.mit varwen daz wahe.alſ erz vor der chluſen vant.daz begunder ſenchen mit der hant.ein tioſt enphienger dur den ſchilt.ſin tioſt wider wart gezilt.daz ſegremorſ der werdegen.ſatel rumeſ moͮſe phlegen.daz daz ſper doch ganz beſtoͮnt.da mit im wart gevelle chunt.parzival reit ane bagen.da die bloͮtſ zaher lagen.do er die mit den oͮgen vant.fro minne ſtrichte in an ir bant.ſin munt ſprach weder ſuſ noch ſo.ſwan er ſchiet von witzen do.ſegremorſ chaſtelan.hoͮp ſich gein ſinem barne ſan.er moͮſe vf dvr roͮwe ſten.ober inder wolte gen.ſich legent genoͮge dur roͮwe nider.deſ habt ir vil gefr*gefreiſchet ſider.waz roͮwe choſer in dem ſne.mir tæte ein ligen drinne we.der ſchadehafte warb ie ſpot.ſælden phlihtær dem half got.daz her lach wol ſo nahen.daz ſi parzivalen ſahen.halden alſ im waſ geſchehen.der minne moͮſer ſigeſ iehen.div ſalmonen oͮch betwanch.dar nach waſ oͮch niht zelanch.ſegremorſ dar zoͮ in giench.der wol oder vbel enphiench.den waſ er algeliche holt.ſuſ teilt er bagenſ grozen ſolt.er ſprach ir habet gefreiſchet vil.riterſchaft iſt topel ſpil.vnt daz ein man von tioſte viel.ez ſinchet halt ein merſ chiel.lat mich nimer niht geſtriten.daz er min getorſte*getorſte biten.ober erchande minen ſchilt.deſ hat mich gar an im bevilt.der dort noch devze tioſte gert.ſin lip iſt doch wol briſeſ wert.kaẏ der choͮne man.brahtez vur den chunch ſan.ſegremorſ ware geſtochen abe.dort vze hielt ein ſtrenger chnabe.der gert tioſte reht alſ e.er ſprach herre mir toͮt we.ſol erſ genozen ſcheiden hin.obe ih iv ſo wirdch bin.lat mich verſoͮchen weſ er ger.ſit er mit vf gerihtem ſper.Ddort halt vor iwerem wibe.nimer ich belibe.in iwerem dienſte mere.tavelrunder ha*hatſ vn ere.obe manz im niht enzit wert.vf vnſeren briſ ſin ellen zert.gebt mir ſtriteſ vrloͮp.waren wir blint oder toͮp.man ſoltz im weren deſ ware zit.artuſ erloͮbte im den ſtrit.gewapent wart der ſinſchalt.do wolt er ſwenden den walt.mit tioſt vf diſen choͮnen gaſt.der troͮch der minne ſwaren laſt.daz foͮgte im ſne vn̄de bloͮt.eſ iſ ſunde ſwer im nv mere toͮt.froͮ minne wie toͮt ir ſo.daz ir die trurgen machet fro.mit churze wernder froͮde.ir toͮt in ſchiere toͮnde.wie ſtet iv daz fro minne.daz ir manliche ſinne.vnde herzenhaften hohen moͮt.alſuſ entſchunphieren toͮt.daz ſmahe vn̄de daz werde.vnde ſwaz vf der erde.gein iv deheineſ ſtriteſ phliget.dem habet ir ſchiere an geſiget.wir moͮzen ivch bi chreften lan.mit rehter warheit ſunder wan.fro minne ir habet ein ere.vnde wench deheine mere.fro liebe iv git geſelle ſchaft.anderſ wære vil durchel iwer chraft.fro minne ir phleget vntriwen.mit alten ſiten niwen.ir zucht mangem wibe ir priſ.vnt ratet ir ſippiv amiſ.vnde manch herre an ſinem man.von iwere chraft hat miſſetan.vnt der vrivnt an ſinem geſellen.iwer ſite chan ſich hellen.vnt der man an ſine*ſinem herren.fro minne iv ſolt weren.daz ir den lip der gir verwent.da von ſich div ſele ſenet.fro minne ſit ir habet gewalt.daz ir die ivngen machet alt.Dden man doh zelt vil churziv iar.iwer wer ſint valſchlichiv var.div rede zame deheinen man.wan der nie troſt von diriv gewan.het ir mir geholfen baz.min lop wære gein iv niht ſo laz.ir habet mir mangel vor gezilt.miner oͮgen eke alſo verſpilt.daz ih iv niht getruwen mach.min not ivch ie vil ringe wach.doch ſit ir mir zewolgeboren.daz gein iv min chrancher zoren.imer ſolt bringen wort.iwer druch der hat ſo ſtrengen ort.ir ladet vf herze ſwaren ſoͮm.her heinrich von velde eke ſinen boͮm.mit chunſt gein iwerm arde maz.het er vnſ do beſcheiden baz.wie man ivch ſule behalten.er hat her dan geſpalten.wie man ivch ſol erwerben.von tumpheit moͮz verderben.mangeſ toren hoher funt.waſ oder wirt mir daz noch chunt.daz wize ich iv fro minne.ir ſit ein ſloz obe dem ſinne.ez hilfet gein iv ſchilt noch ſwert.ſnelez orſ hohiv tur*burch mit turenturnen wert.ir ſit gewaltch obe der wer.beidiv vf erde vn̄de in dem mer.waz entrinnet iwerm chriege.ez vlieze oder fliege.fro minne ir tatet oͮch gewalt.do parzival der degen balt.dvrch ivch von ſinen witzen ſchiet.alſ im ſin triwe do geriet.daz werde ſoͮze clare wip.ſande ivch zeboten an ſinen lip.div chungin von pelrapeire.kardiz fiz roẏſtampunteire.fiz: Zwischen fiz und tampunteire kleiner Strich, vmtl. Korrekturzeichen?ir broͮder namet ir och ſin leben.ſol man iv ſolhe zinſe geben.wol mich daz ih von iv niht han.Iirn welt mir bezer ſenfte lan.ich han gereit vnſer aller wort.nv hort wie ez ergienge dort.kaẏ der ellenſ riche.chom gewappent riterliche.vz alſer ſtriteſ gerte.ich wane in ſtriteſ werte.deſ chunch gahmuretſ chint.ſwa nv dwingende froͮwen ſint.die ſvlen im heileſ wunſchen nv.wan in braht ein wip dar zoͮ.daz minne witze von im ſpielt.kaẏ ſiner tioſt enthielt.biz er zeparzivale geſprachherre ſit iv ſuſ geſchach.daz ir den chunch gelaſtert hat.welt ir im wandelen ſo iſt min rat.vnt dune*duncht mih iwer beſte heil.ir nemet ivch an ein brachen ſeil.vnde lat ivch fur in ziehen.iren mvget mir niht enphliehen.ich bringe ivch doch gevangen dar.ſo nimet man iwer vnſanfte war.den waleiſ twanch der minnen chraft.ſwigenſ kaẏ ſinen ſchaft.vf zoch vn̄de frumt im einen ſaſwanch.vf daz hoͮbet daz der helm erchlanch.do ſpracher dv moͮſt wachen.ane l*lilachen.wirt dir din ſlaffen hie benant.ez zilt alanderſ min hant.vf den ſne dv wirſt geleit.der den ſach von der mvle treit.wolte man in alſuſ bliwen.in mohte lazheit riwen.fro minne hie ſeht ir zoͮ.ich wane man ivz zelaſter toͮ.wan ein gebure ſprache ſan.minem herren ſi diz getan.er chlagt oͮch mohter ſprechen.fro minne lat ſich rechen.den werden waleiſe.wan lieze in iwer fr*freiſe.vnt iwer ſtrenge vnſoͮzer laſt.ich wane ſich werte dirre gaſt.kaẏ hurte vaſte an in.er dranch imz orſ alumbe hin.ſo daz der waleiſ vber ſach.ſin ſoͮze ſurz vngemach.ſineſ wibeſ gelichen ſchin.von pelrapeire der chungin.ich meine den geparrierten ſne.do chom im aber witze alſ e.div im den ſin her wider gap.kaẏ lie daz orſ in den walap.der chom dur tioſtieren her.von rabine ſanchten ſi div ſper.kaẏ ſine tioſt brahte.alſ im der oͮgen mez gedahte.Ddur deſ w*waleiſ ſchilt ein venſter wit.im wart vergolten dirre ſtrit.kaẏartuſeſ ſineſchalt.ze gegen tioſte wart gefalt.vber den ronen da div ganſ entran.ſo daz daz orſ vn̄de der man.beidiv ſament liten not.der man waſ wunt daz orſ lach tot.zwiſcheme ſatelbogen einem ſtein.kaẏ zeſwer arm vn̄de ſin winſter bein.zer braſt von diſem gevelle.ſvrzengel vn̄de ſatel geſchelle.von dirre hurte gar zerbraſt.ſuſ galt zwei bliwen der gaſt.daz eine leit ein maget durh in.mit dem anderen moͮſer ſin.ane parzivale valſcheit ſwant.ſin triwe in lerte daz er vant.ſine bloͮteſ zaher dri.die in machten witze fri.ſin penſieren vmbe den gral.vnt der chungin gelichiv mal.ietwederz waſ ein ſtrengiv not.an im wach fur der minnen lot.truren vn̄de minne.brichet zahe ſinne.ſol daz auenture ſin.ſi mohten beidiv heizen pin.koͮne lute ſolten kaẏſ not.chlagen ſin manheit im gebot.genendchliche an mangen ſtrit.man ſaget in mangen landen wit.daz kaẏartuſ ſinſchalt.mit ſiten ware ein ribalt.deſ ſaget in min mare bloz.er waſ der werdcheit genoz.ſwie chleine ih deſ die volge han.getriwe vn̄de ellenthafter man.waſ kaẏ deſ giht im min munt.ich toͮn noch mer von im chunt.artuſeſ hof waſ ein zil.dar chom fromder lute vil.Ddie werden vn̄de die ſmahen.mit varwen die wahen.ſwelher partiernſ phlach.der ſelbe kaẏ ringe wac.an ſwem div curtoyſie.vn̄de div werde cumponie.lach den chunder eren.ſin dienſt gein im cheren.ich gihe von im der mare.er waſ ein merchare.er tet vil ruheſ willen ſchin.zeſcherme dem herren ſin.partierære vn̄de valſche diet.von den werden er die ſchiet.er waſ ir foͮre ein ſtrenge hagel.noch ſcherpher dane ein pin ir zagel.ſeht die vercherten ſinen priſ.er waſ manlicher triwen wiſ.vil hazeſ er von in gewan.von durgen furſte herman.etlich din ingeſinde ih maz.daz vz geſinde hieze baz.dir ware och eineſ kaẏn not.ſit wariv milte dir genotgebot.ſo maneh valten ane hanch.etſwa ſmahlich gedranch.vnt tſwaetſwa werdez dringen.deſ moͮz her walther ſingen.goͮten tach boſe vn̄de goͮt.ſwa man ſolhen ſanch nv toͮt.deſ ſint die valſchen geret.kaẏ heteſ in niht geleret.noch her heinrich von riſpach.hort wunderſ me waz dort geſchach.vf dem blimzoleſ plan.kai wart geholt ſan.in artuſ bavelun getragen.ſine vrivnt begunden in do chlagen.vil froͮwen vn̄de manch man.dar chom oͮch her gawan.vber kain da er lach.er ſprach owe vnſælch tach.daz diſiv tioſt ie wart getan.da von ich frivnt verloren han.er chlagte in ſenliche.kai der zornſ riche.Sſprach herre erbarmet ivch min lip.ſuſ ſolten chlagen altiv wip.ir ſit minſ herren ſweſter ſun.moht ich iv dienſt nv getoͮn.alſ irſ etſwene gert.do mih got der lide wert.ſone hat min hant daz niht vermiten.ſine habe vil durch ivch geſtriten.ſi tate oͮch noch moht ez ſin.chlaget niht me lat mir den pin.ir ſit mir rache zehoch geboren.het aber ir einen vinger floren.da engene waget ih min hoͮbet.ſehet obe ir mirz geloͮbet.chert ivch niht an min hetzen.er chan vnſanfte letzen.iwer oheim der chunch her.gewinnet nimer deheinen kai mer.der dort noch devze vnfluhtch habet.weder er enſchuftet noch endrabet.och eniſt hie ninder froͮwen har.weder ſo murge noch ſo clar.ezen ware iv doch ein veſte bant.zebewarne ſtriteſ iwer hant.ſwelch man toͮt ſolhe diemoͮt ſchin.der eret iedoch die moͮter ſin.vater halp ſolter ellen han.chert moͮter halp her gawan.ſo werdet ir ſwerteſ bliche bleich.vnde manlicher herte weich.ſuſ waſ der wolgelobte man.gerant zerblozen ſiten an.mit rede er chunde gelten niht.alſ wolgezogenem man geſchiht.dem verſlivzet ſchame ſinen mvnt.daz dem verſchamten iſt vnchunt.gawan iedoch ze kain ſprach.ſwa man mich ſtriten ie geſach.ſwaz deſ iſt von mir geſchehen.der mine varwe chunde ſpehen.div wane ich ie erbliche.von ſlegen noch von ſtiche.du zunſt mit mir ane not.ich bin der dir ie dieſtdienſt bot.*vz dem pavelun gie her gawan.ſin orſ hiez er bringen ſan.ſunder ſwert vn̄de ane ſporen.ſaz druf der helt wolgeboren.er cherte vz da er den waleiſ vant.deſ witze waſ der minnen phant.er troͮch driv venſter dvr den ſchilt.mit heldeſ handen dar gezilt.ſuſ het in orilluſ verſniten.gawan chom zoͮ im geriten.ſunder galopieren.vnde ane punieren.er wolte goͮtliche erſehen.von wem der ſtrit ware geſchehen.Ddo ſprach er groͮzliche dar.parzival deſ chleine war.nam daz moͮſet alſo ſin.do tet fro minne ir ellen ſchin.an im den herzeloide bar.vngezaltiv ſippe in gar.ſchiet von den witzen ſin.vn̄de vf gerbeter bîn.von vater vn̄de von moͮter art.der waleiſ wench innen wart.waz deſ hern gawanſ munt.mit worten im da tate chunt.do ſprach deſ chunch loteſ ſun.Patherre ir welt gewalt nv toͮn.ſit ir mir groͮzen wider ſaget.ich bin doch niht ſo gar verzaget.ichen bringez an ander frage.ir habet man vn̄de mage.vnt den chunch ſelbe enteret.vnſer laſter gemert.deſ erwirbe ich iv die hulde.daz der chunch lat die ſchulde.welt ir nach minem rate leben.vnde geſelleſchaft her vur in geben.deſ chunch gahmurteſ chint.dron vn̄de flegen waſ im ein wint.der tavelrunder hoſter briſ.gawan waſ dirre note alwiſ.er hetſe oͮch vnſanfte erchant.do er mit dem mezer dur die hant.ſtach deſ twangin minnen chraft.vnt wert wiplich geſelle ſchaft.in ſchiet von tode ein chungin.do der choͮne lehelin.mit einer tioſte riche.in twanch ſuſ vollchliche.div ſenfte ſoͮze wolgevar.zephande ſatzte ir hoͮbet dar.do ſprach min her gawan.waz op div minne diſen man.twinget alſ ſi mih do twanch.vnde ſin getrulich gedanch.der minne moͮz ir ſigeſ iehen.er marhte deſ waleiſ ſehen.war ſtoͮnden div oͮgen ſin.eine vale von ſurin.Ggefvrriet von gelwem zendal.die ſwanger vber div boͮt*boͮtſ mal.do div væle wart der zaher dach.ſo daz ir parzival niht ſach.im gap her wider witze ſin.von pelrapeire div chungin.div behielt iedoch ſin herze dort.nv roͮchet horen diſiv wort.er ſprach owe minne vn̄de wip.wer hat benomen mir dinen lip.erwarp mit rieriterſchaft min hant.dine werde minne chrone vn̄de lant.bin ichez der dich von clamide.loſte ich vant ach vn̄de we.vnde ſuften manch herze frebel.in diner helfe oͮgen nebel.hat dich bi liehter ſunnen hie.mir benomen nune weiz ich wie.er ſprach owe war chom min ſper.daz ich mit mir braht her.do ſprach min her gawan.herre ez iſt mit tioſt vertan.gein wem ſprach der degen wert.irn traget hie ſchilt noch daz ſwert.waz moht ih briſeſ an iv beiagen.doch wil ich iwer ſpoten tragen.ir biet mirz lihte hernach baz.etſwenne ich oͮch von tioſt geſaz.vinde ih nimer an iv ſtrit.doch ſint div lant wol ſo wit.ich mach da briſ mit arbeit holen.beidiv froͮde vn̄de angeſt dolen.deſ chungeſ loteſ ſun do ſprach.ſwaz hie mit rede gein iv geſchach.daz iſt luter vn̄de minnchlich.niht mit valſcher troͮbe rich.ich ger alſ ichez gedienen wil.hie lit ein chunch vn̄de riter vil.mit wunnchlicher froͮwen ſchar.geſelleſchaft gibe ih iv dar.lat mih mit iv riten.ſo bewar ich ivch vor ſtriten.got lone iv herre ir ſprecht wol.daz ih vil gerne dienen ſol.ſit ir conpanie biet mir.wer iſt iwer herre oder irich heize herren einen man.von dem ih manch vrbor han.Eein teil ich der benne hie.er phlach gein mir deſ willen îe.daz er mirz willchlichen bot.ſine ſweſter hat der chunch lot.div mich zer werlde brahte.ſweſ got an mir gedahte.daz bivt dienſt ſiner hant.der chunch artuſ iſt er genant.oͮch iſt min name vnferſtolen.an manger ſtat vil vnferholen.lute die mich erchennent.gawanen mich die nenent.iv dient min lip vn̄de oͮch min name.welt irz cheren mir von ſchame.do ſprach er biſtuz gawan.vil chranchen briſ ich deſ han.op dv mirz wol erbivtſt hie.ich hort von dir ſprechen ie.dv bitteſt ez allen luten wol.din dienſt ich doch enphahen ſol.niwan vf die*dienſteſ gelt.nv ſage weſ ſint div geltgezelt.der mangez iſt dort vf geſlagen.lit artuſ da ſo moͮz ich chlagen.daz ih in mit den eren min.niht mach geſehen noch die chungin.ich ſol rechen noch ein bloͮwen.dar vmbe ih ſit mit riwen.foͮr von ſolhen ſachen.ein werdiv maget ir lachen.mir bot die ſloͮch der ſinſchalt.dur mich daz von ir der ſwaret der walt.der: Nach der Strich - vmtl. Korrekturzeichen für die Einfügung .vnſanfte daz iſt gerochen.ſprach gawan im iſt zerbrochen.der zeſwe arm vn̄de daz winſter bein.rit her ſchoͮwe orſ vnt den ſtein.hie ligent oͮch drunzune vf dem ſne.dineſ ſperſ von dem dv f*fragteſt e.do parzival die warheit ſach.do dahter mer vn̄de ſprach.daz laze ich an dich gawan.op daz ſi der ſelbe man.der mir hat laſter vor gezilt.ſo rite ich mit dir ſwar dv wilt.ich nemach gein dir niht liegenſ phlegen.ſprach gawan hie iſt von tioſt gelegen.ſegremorſ ein ſtriteſ helt.deſ tat gein priſe ie waſ gezelt.daz waſ e kai wurde gevalt.an in beiden haſtu briſ bezalt.ſi riten mit ein ander dan.der waleiſ vn̄degawan.vil volcheſ ze orſe vn̄de zefoͮz.dort inne bot in werden groͮz.wan in ir zuht daz gebot.gawane vn̄de dem riter rot.gawan cherte da er ſin pavelun vant.fron kunewaren delalant.der ſnoͮre vnze an die ſine giench.ſi wart fro mit froͮden ſi enphiench.div maget ir riter der ſi rach.daz ir von kei e geſchach.ſi nam ir broͮder an die hant.vnde froͮn ieſchuten von karnant.ſuſ ſach ſi chomen parzival.der waſ gevar durh *ẏſereſ mal.Aalſ toͮwege roſen warn dar geflgengeflogen.im waſ ſin harnaſch abe gezogen.er ſpranch vf do er ſi chomen ſach.nv horet wie kuneware ſprach.got alreſt dar nach mir.willechomen ſit daz ir.belibet bi manlichen ſiten.ich hete lachen gar ver miten.e ivch min herze erchande.ſit mich an froͮden phande.kaẏ der mich do ſo ſloͮch.daz habet gerochen ir genoͮch.ich chuſt ivh ware ih chuſſeſ wert.deſ hete ih hivte ſa gegert.ſprach parzival getorſte ih ſo.wan ih pin iwerſ chuſſeſ fro.ſi chuſtin vn̄de ſatzte in nider.eine ivnchfroͮwen ſi ſande wider.vnde hiez ir bringen richiv chleit.div waren geſniten albereit.vz phelle von ninve.ſi ſolte der chunch clamide.ir gevangen han getragen.div maget ſi brahte vn̄de begunde chlagen.der mandel ware ane ſnoͮr.kuneware alſuſ gefoͮr.vz blancher ſite ein ſnoͮrelin.ſi zuchte vn̄de zoch im daz dar in.mit vrloͮbe er ſich do twoͮch.den ram von im der ivnge troͮch.bi rotem mvnde liehtz vel.gechlet wart der degen ſnel.do waſ er phier vn̄de chlar.ſwer in ſach der iach fur war.gebloͮmet in vur alle man.diz lop ſin varwe moͮſe han.prparzivale ſtoͮnt wol ſin wat.einen tivren ſmarat.ſpien ſim vur ſin hoͮbt loch.div froͮwe gap im me danoch.einen tivren gurtel vier.von edelen ſteinen manch tier.*Moͮſe vzzen vf dem borten ſin.div rinke waſ ein rubin.Wwie waſ der ivnge ane bart.geſchichet do er gechleidet wart.daz mære giht wol genoͮch.daz volch im holdez herze troͮch.beidiv man vn̄de wip.die heten wert ſinen lip.der chunch meſſe hete gehort.man ſach artuſen chomen dort.mit der tavelrunder diet.der deheine vaſcheit nie geriet.die heten alle e wol vernomen.der rote riter ware chomen.in gawanſ pavelun.dar chom artuſ der britun.der zer bloͮwen antanor.ſpranch dem chunge allez vor.vnzer den waleiſ erſach.den fragter ſit irz der mich rach.vnde mine froͮwen de lalant.vil briſeſ giht man iwerre hant.kaẏ hat verphendet.ſin dron iſt nv gelendet.ich furht wench ſinen ſwanch.der zeſwe arm iſt im zechranch.do troͮch der ivnge parzival.ane fluge engelſ mal.ſuſ gebloͮmet vf der erden.artuſ mit den werden.enphiench in riterliche.goͮtſ willen waren riche.alle die in ſahen da.ir herzen volge div ſprach ia.gein ſinem lobe ſprach niemen nein.ſo rehte minnchlicher ſchein.artuſ ſprach zeim ſan.ir habet mir liep vn̄de leit getan.doch habet ir mir der ere.braht vn̄de geſendet mere.danne ih ir ie von manne enphiench.min dienſt da gein noch chleine giench.het ir briſeſ niht me getan.wan daz div herzogin ſol han.froͮ ieſchvte die hulde.oͮch ware iv kaẏ ſchulde.gewandetgewandelt vngerochen.het ich ivch e geſprochen.artuſ ſaget im weſ er bat.warvmbe er an die ſelben ſtat.vnde oͮch me landeſ waſ geriten.ſi begunden in do alle biten.Ddaz er gelobte ſunder.: Zeigehand links von der Initiale.den von der tavelrunder.ſine riterliche ſicherheit.im waſ ir bete niht zeleit.er mohtſ ſin von ſchulden fro.parzival ſi werte do.nv ſprechet horet vn̄de ieht.obe tavelrunder muge ir reht.deſ tageſ behalten ir phlach.artuſ bi dem ein ſite lach.ſdehein riter vor im az.deſ tageſ ſo aventure vergaz.daz ſi ſinen hof vermeit.im iſt aventure nv bereit.daz lop moͮſe tauelrunder han.ſwie ſi ware zenantiſ lan.man ſprach ir retreht vf bloͮmen velt.dane irte ſtude noch gezelt.der chunch artuſ daz gebot.zeren dem riter rot.ſuſ nam ſin werdcheit da lon.ein phelle von acredon.vz heiden ſchefte verre braht.deſ waſ da zeinem zil gedaht.niht breit ſinewel geſniten.al nach der tavelrunder ſiten.wan in ir zuht deſ vergach.nach gagenſidel da niemen ſprach.ir geſitz waſ algeliche her.der chunch artuſ gebot in mer.daz man riter vn̄de froͮwen.an dem ringe ſolt ſchoͮwen.die man da gein briſe maz.maget wip vn̄de man zehofe do az.oͮch chom fro ſchinovere dar.mit manger froͮwen lieht gevar.mit ir manch edele furſtin.die troͮgen minnchlichen ſchin.der rinch waſ wol genomen ſo wit.daz ane gedrenge vn̄de ane ſtrit.artuſ der valſcheſ laz.Manch froͮwe bi ir amiſ ſaz.do brahte den waleiſ an der hant.froͮ kuneware delalant.artuſ an den waleiſ ſach.nv ſult ir horen wier ſprach.ich wil iweren claren lip.lazen chuſſen min altez wip.deſ durfet ir doch niemen biten.ſit ir von pelrapeire geriten.da iſt deſ chuſſeſ hoheſtez zil.eineſ dingeſ ih ivh biten wil.chom ih imer in iwer huſ.gelt diſen chuſ ſprach artuſ.ich toͮn ſweſ ir mich bitet da.ſprach der waleiſ vn̄de ander ſwa.ein wench ſim dar naher giench.div chungin in mit chuſſe enphiench.nv verchivſe ih hie mit triwen.ſprach ſi daz ihir mit riwen.liezet die het ir mir geben.do ir ither namet ſin leben.Vvon dirre ſoͮne wurden naz.der chungin oͮgen vmbe daz.itherſ tot tet wiben we.man ſatzte den chunch *Clamide.an daz vr var zoͮ dem blimzol.bi im ſaz ſchofreit vizidol.zwiſchen clamide vn̄degawan.der waleiſ ſitzen moͮſe han.alſ mir div auenture maz.an dem ringe niemen ſaz.der moͮter bruſt iegeſoͮch.deſ werdcheit ſo wench troͮch.chraft mit ivgende wolgevar.der waleiſ mit im brahte dar.ſwer *in zerehte chunde ſpehen.ſo hat ſich manch froͮwe erſehen.in troͮbrem velle dane ware ſin munt.ich toͮn von ſinen velle chunt.an dem chinne vn̄de an dem wange.ſin varwe zeiner zange.ware goͮt div moht ſtæte haben.die der zwifel chunde dan hin ſchaben.ich meine wip die wenchent.vnt an ir vrivntſchaft vber denchetdenchent.ſin glaſt waſ wibeſ ſt*ſtate ein bant.ir zwifel gar gein im verſwant.ir ſehen in mit triwe enphiench.dur div oͮgen in ir herze er giench.man vn̄de wip im waren holt.ſuſ het er werdcheit geholt.vnz vf daz ſufcebare zil.hie chom von der ich ſprechen wil.ein man gein triwen wol gelobt.wan daz ſinir zuht waſ vertobet.ir mare tet vil luten leit.horet wie div ivnchfroͮwe reit.einen mul hoch alſ ein chaſtelan.val vn̄de danoch ſuſ getan.naſe ſnitch vn̄de verbrant.alſ ein vngerſ march erchant.ir zoͮm vn̄de ir phardeſ gereite.waſ geworht mit arbeite.tivr vn̄de riche.ir mvl g*gie vollechliche.ſine waſ niht froͮwlich gevar.owe waz ſolt ir chomen dar.ſi chom iedoch daz moͮſet ſin.artuſeſ her ſi brahte bin.der froͮwen ir zuht deſ verach.alle ſprache ſi wol ſprach.Llatineheidenſchfranzoẏſ.ſi waſ der witze curtoyſ.diol*dioletche vn ieometrie.ſi hiez gundrie.ſurzier waſ ir zoͮ name.in dem mvnde niht div lame.wan er geredet ir genoͮch.vil hoher froͮde ſi nider ſloͮch.div maget witze riche.waſ gevar dem vngeliche.die man da heizet beadſchent.ein brutlachen von gentnoch blawer dane ein lazur.foͮrt an im der froͮden ſchur.daz waſ ein chappe wolgeſniten.al nach der franzoyſer ſiten.vnden an ir libe phelle goͮt.von lunderſ ein phawen hoͮt.gefurriet mit einem blialt.der hoͮt waſ niwe div ſnoͮr niht alt.der hiench ir an dem ruke.ir mære waſ ein bruke.vber froͮde ez iamer troͮch.ſi zuchte in ſchimpheſ da genoͮch.vber den hoͮt ein zoph ir ſwanch.vnz vf den mvl der waſ ſo lanch.ſwarz herte nihtze clar.linde alſ eineſ ſwineſ har.ſi waſ genaſet alſ ein hunt.zwene eberſ zen ir fur den mvnt.giengen wol ſpanne lanch.ietweder wint pra ſich dranch.mit zophen vur die har ſnoͮr.min zuht dvrch warheit miſſe voͮr.daz ih ſuſ moͮz von froͮwen ſagen.dehein andriv darfez von mir chlagen.ſi troͮch oren alſ ein ber.niht nach frivndeſ minnen ger.rvch waſ ir antlutze erchant.eine geiſelen foͮrteſe in der hant.der waſ der ſwenchel ſidin.vnt der ſtil ein rubin.Ggevar alſ eineſ avenafen hut.troͮch hende diz gabe trut.ir nagele wæren niht zelieht.alſ mir div aventure giht.ſi ſtoͮnden alſ einſ lewen clan.nach ir minne waſ ſelten tioſt getan.ſuſ chom geriten an den rinch.truren vrhap froͮden twinch.ſi cherte da ſi den wirt vant.fro kunewaredelantdelalant.az mit artuſe.div chungin von lanfuſe.mit fron ſchinoveren az.der chunch artuſ ſchone ſaz.gundrie hielt vur den britoneẏſ.ſi ſprach hinze im enfranzoyſ.obe ihez iv tuſchentutſchen ſagen ſol.mir toͮt ir mære nihtze wol.filiroẏſ utpandragun.dich vn̄de mangen britun.hat ein gewerp gar geſchant.die beſten vber elliv lant.ſazen hie mit werdcheit.wan daz ein galle ir briſ verſnetverſneit.tafelrunder iſt ent nihtet.der valſch hat drane gephlihtet.chunch artuſ dv ſtoͮnde zelobe.hohe dinen genozen obe.din ſ*ſtigender briſ nv ſinchet.din ſneliv wirde hinchet.din hohez lop ſich neiget.din priſ hat valſch erzeiget.der tavelrunder briſeſ chraft.hat erlemet ein geſelle ſchaft.die druber gap her parzival.der dort treit div riterſ man.ir nenet in den riter rot.nach dem der lach vor nantiſ tot.vngelich ir zweiger leben waſ.mvnt von riter niegelaſ.der phlage grozer werdcheit.von dem chunge ſi vur den waleiſ reit.i*ſi ſprach ir toͮt mir ſite boͮz.daz ih verſage minen groͮz.dem chunge vn̄de der meſſnie ſin.gevnert ſi iwer liehter ſchin.vnde iwer manliche lide.hete ih ſoͮne oder fride.div wæren iv beidiv tivre.ich dvnche ivch vngehivre.vnde bin gehivrer doch dane ir.her parzival wan ſaget ir mir.vnde beſcheidet mich der mare.do der trurige viſchare.ſaz ane helfe vn̄de ane troſt.warvmbe ir in niht habt erloſt.er troͮch iv vor den iamerſ laſt.ir vil vngetriwer gaſt.ſin not ivch ſolte erbarmet han.daz iwer mvnt noch werde wan.Iih meine der zungen drinne.alſ ivz herze iſt goͮter ſinne.gein der helle ir ſit benant.zehimele von der hoheſten hant.alſ ſit ir vf der erden.veſinnent ſich die werden.ir heileſ pan ir ſælden floͮch.deſ ganzen briſeſ reht vnroͮch.ir ſit manlicher eren ſchiech.vnde ander werdcheit ſiech.dehein arzet mach ivch deſ er neren.ich wil vf iwerem hoͮbte ſweren.git mir iemen deſ den eit..iiii.daz grozer valſch nie wart bereit.andeheinem alſ ſchonen man.ir veder angel ir nateren zan.iv gap iedoch der wirt ein ſwert.deſ iwer wirde wart nie wert.da erwarp iv ſwigen ſunden zil.ir ſit der helle hirten ſpil.gevnert lip her parzival.ir ſahet doch fur ivch tragen *dengral.ſniden ſilber bloͮtch ſper.ir froͮden letze ir trurenſ wer.ware zemvntſalvatſche iv frage mite.in heidenſchaft ze tabrunit.eineſ landeſ chungin.eineſ: Alle anderen Überlieferungsträger ausser I tradieren ieneſ (zitiert nach D). Ist die Abweichung nicht zufällig entstanden, dann liegt hier ein Kittvers vor. Es kann sich aber ebenso um eine iterierende Variante in *GI handeln. Dementsprechend wurde die Versnummer unter Vorbehalt mit -a ergänzt.veirefizanſchevin.mit herter riterſchatriterſchaft erwarp.an dem div manheit niht verdarp.die iwer beider vater troͮch.iwer broͮder wunderſ phliget genoͮch.derſt beidiv ſwarz vn̄de blanch.der chungin ſun von zazamanch.nv denche ih aber an gahmureten.deſ herze valſcheſ waſ ergeten.von anſchoͮwe iwer vater hiez.der iv ander erbe liez.dane alſ ir habet geworben.an priſe ir ſit verdorben.het iwer moͮter ie miſſetan.ſo wolt ihez da vur han.ir moht vſin ſun niht geſin.nein ſi lerte ir triwe pin.Ggeloͮbt von ir goͮt mare.vn̄de daz iwer vater wære.manlicher triwen ſwiſe.vn̄de witvenge hoher priſe.er chunde wol mit ſchalle.groz herze vn̄de chleiniv galle.dar vber waſ ſin bruſt ein dach.er waſ ruſſe vn̄devengchvengech vach.ſin wert manlich ellen.chunde den priſ wol ſtellen.nv iſt iwer briſ zefalſche chomen.owe daz ie wart vernomen.von mir daz herzeloyde barn.an triwen hat ſuſ miſſe varen.die maget lerte ir triͮwe.al chlagende herze riͮwe.wider vur den chunch ſi cherte.cherte.ir mære ſi da gemerte.ſi ſprach iſt hie dehein riter wert.deſ ellen priſeſ habe gegert.vnt dar zoͮ hoher minne.ich weiz vier chunginne.vnt vier hundert iunchfroͮwen.die man gerne mohte ſchoͮwen.vf tſchaterMarfeile ſi ſint.al auenture iſt ein wint.wan die man da bezalen mach.werder minne hoch beiach.al habe ih dar der reiſe bin.ich wil noch hint dar vffe ſin.div maget trurch niht gemeit.ane vrloͮp vome ringe reit.al weinende ſi ditche wider ſach.nv horet wie ſi ze ivngeſt ſprach.a muntſalvatſche iamerſ zil.we daz dich niemen troſten wil.gundrie la ſurziere.319.01: Ab hier unregelmässige Dreissiger-Bezifferung.div vnſoͮze vn̄de doch div phiere.den waleiſ ſi beſwart hat.waz half in choͮneſ herzen rat.vnt wariv zuht bi manheit.danoch mer im waſ bereit.ſcham obe allen ſinen ſiten.den rehten valſch het er vermiten.Sſchame git priſ zelone.vn̄de iſt doch der ſele chrone.ſchame iſt an ſiten rehter oͮp.kuneware daz erſte weinen hoͮp.daz parzivalen den degen balt.gundrie alſuſ beſchalt.vmbe alſuſ wunderlich geſchaf.herzen iamer oͮgen ſaf.gap manger werden froͮwen.man moͮſe hie weinen ſchoͮwen.gundrie waſ ir trurenſ wer.ſi reit den wech nv reit dort her.ein riter der *troͮch hohen moͮt.alſin harnaſch daz waſ goͮt.von foͮze vnze an deſ hoͮbteſ dach.daz manſ vur groze choſte iach.ſin zimier daz waſ riche.gewapent riterliche.waſ ſin orſ vn̄de och ſin ſelbeſ lip.manch maget vn̄de wip.waſ trurch an dem ringe hie.da reit er zoͮ nv horet wie.ſin moͮt ſtoͮnt hoch doch iamerſ vol.die bede tſchanze ich nennen ſol.hochvart riet ſin manheit.iamer lerte in herzeleit.er reit vzzen zoͮ dem ringe.op man in da iht dringe.vil chnapen ſpranch dar naher ſan.do enphiengen ſi den werden man.ſin ſchilt vn̄de er waren vnbechant.den helm er niht von im bant.der froͮden ellende.troͮch daz ſwert in ſiner hende.ver dechet mit der ſcheiden.do fragter nach den beiden.wa iſt artuſ vn̄degawan.ivncherren zeigten im die ſan.ſuſ gienger dur den rinch wit.tivre waſ ſin curſit.mit liehtem phelle w*wolgevar.vur den wirt deſ ringeſ ſchar.ſtoͮnt er vn̄de ſprach alſuſ.got halt den chunch artuſ.dar zoͮ froͮwen vn̄de man.ſwaz ih der hie erſehen han.den bivt ih dienſtlichen groͮz.wan einem toͮt min dienſt boͮz.dem wirt min dienſt nimer ſchin.ich wil bi ſinem haze ſin.ſwaz hazeſ er geleiſten mach.min haz im bivt hazzeſ ſlach.ich ſol doch nenen wer er ſi.owe ich arman vn̄de owi.daz er min herze ie ſuſ verſneit.min riwe iſt von im azebreit.ez iſt min her gawan.der ditche briſ hat getan.Vvn̄de hohe werdcheit bezalt.vnbriſ ſin hete al da gewalt.do in ſin gir dar zoͮ vertroͮch.ime groͮzer minen herren ſloͮch.ein chuſ den ivdaſ teilte.im ſolhen willen veilte.ez tet manch tuſent herzen we.daz ſtrenge mortliche re.daz an minem herren iſt getan.loͮgent deſ her gawan.ſo antwurte vf champheſ ſlach.von hivte vber den vierzgeſter tach.vor dem chunge von aſchalun.in der hoͮbet ſtat zetſchanfenzun.ich lade in champhliche dar.gein mir zechomenne champheſ var.Cchan ſin lip deſ niht verzagen.eren welle da ſchilteſ ambet tragenſo mane ih in danoch mere.bi deſ helmeſ ere.vnt dvrh riterſ ordenlichez leben.dem ſint zwei richiv vrbor gegeben.rehtiv ſchame vn̄de rehtiv triwe.gebent priſ alt vn̄de niwe.her gawan ſol ſich niht verſchemen.ober geſellcheit wil nemen.obe der tavelrunder.div dort ſtet beſunder.ir reht ware gebrochen ſan.ſaze drobe ein triweloſer man.ichne bin her niht durh ſchelten chomen.geloͮbet ſit irz habet vernomen.ich vordere champh vur ſchelten.der niht wan tot ſol gelten.oder leben nach eren.ſwen ez wil div ſælde leren.der chunch ſweich vn̄de wart vnfro.doch antwurte er der rede alſo.herre er iſt miner ſweſter ſun.ware gawan tot ih wolt toͮn.den champh e ſin gebaine.læge triweloſ vnreine.wil gelvche iv ſol gawaneſ hant.mit champhe toͮn daz wol bechant.daz ſin lip mit triwen vert.vnde ſich deſ valſcheſ hat erwert.habe iv anderſ iemen leit.getan ſo machet niht ſo breit.ſin laſter ane ſchulde.wan gewinnergewinnter iwer hulde.ſo daz ſin lip vnſchuldch iſt.ir habet an dirre churzen vriſt.von im geſaget daz iweren priſ.chrenchet ſint die lute wiſ.beacurſ der ſtolze man.deſ broͮder waſ her gawan.der ſtoͮnt vf vn̄de ſprach zehant.herre ih ſol da weſen phant.ſwar gawane iſt der champh geleit.ſin velſchen mich vnſanfte reiget.ich ſol vur in ze champhe ſten.ez mach ſo lihte niht ergen.daz hoher briſ geneiget ſi.der gawane ledchliche iſt bi.er cherte da ſin broͮder ſaz.foͮzvallenſ er niht vergaz.er bat in ſuſ nv horet wie.gedenche broͮder daz dv ie.mir hvlfe rehter werdcheit.la mich vur din arbeit.ein champhlichez giſel weſen.obe ih an champhe ſule geneſen.deſ haſtv imer ere.er bat in furbaz mere.dvrch broͮderlichen riterſ priſ.her gawan ſprach ih bin ſo wiſ.daz ich dih broͮder niht gewer.diner broͮderlichen ger.ihne weiz war vmbe ih ſtriten ſol.doch toͮt mir ſtriten niht ſo wol.vngerne wolt ich dirz verſagen.wan daz ich moͮſe daz laſter tragen.beacurſ al vaſte bat.der gaſt ſtoͮnt an ſiner ſtat.Eer ſprach mir bivtet champh ein man.deſ ich deheine chunde han.ichne han och niht zeſprechenne dar.ſtæte choͮne wolgevar.getriwe vn̄de riche.hat er div vollchliche.er mach borgen deſtebaz.ichne han gein im deheinen haz.er waſ min herre vn̄de och min mach.dur den ich hebe diſen bach.vnſer vatere broͮder hiezen.die nihteſ ein ander liezen.ſo hoher man gechront wart.nie ich enhetim vollen art.in champhe rede zebieten.mich rache gein im nieten.ich bin ein ſtfurſte vz aſcalun.der lantgraue von tſchanvenzun.vnt heize kingrimurſel.iſt her gawan lobeſ ſnel.er mach ſich anderſ niht entſagen.erenwelle da champh gein mir tragen.ich gibe im fride vber al daz lant.niwan von min eineſ hant.mit triwen ih vride geheize.vzzer halp deſ champheſ chreizze.got hoͮte al der ih laze hie.wan eineſ er weiz wol ſelbe wie.ſuſ ſchiet der wolgelobte man.von dem blimzoleſph*plan.do kingrimvrſel wart genant.ohteiz do wart er ſchiere erchant.wer den virrigen priſ.het an im der furſte wiſ.ſi iahen daz her gawan.deſ champheſ ſorge moͮſe han.von ſiner werden manheit.deſ furſten der da von in reit.och wante mangen trurnſ not.daz man im da niht eren bot.da waren ſolhiv mare chomen.alſ ir e habet ver nomen.die lihte er wanden einen gaſt.daz wirteſ groͮzeſ im gebraſt.an gundrien man och innen wart.parzivaleſ namen vn̄de ſiner art.daz in gebar ein chungin.vnt wie die erwarp der anſchevin.vil manger ſprach vil wol ih weiz.daz er ſi vor kanvoleiz.gediente hurtchliche.mit manger ponder riche.Vvn̄de daz ſin ellen verzaget.erwarp die ſældebenden maget.anfliſe div geherte.oͮch gahmvreten lerte.da von der helt wart kurtoyſ.nv ſol ein ieſlich britoynoiſ.hie froͮen daz vnſ der helt iſt chomen.da briſ mit warheit iſt vernomen.an im vn̄de och an gahmurete.reht werdcheit waſ ſin gewete.artuſ her bi dem tage.waſ chomen froͮde vn̄de chlage.ein ſolch geparriet leben.waſ den helden da gegeben.ſi ſtoͮnden vf vber al.da waſ ritertrvren ane zal.ſi giengen mit ein ander ſan.da der waleiſ vn̄degawan.bi ein ander ſtoͮnden.die troſtenſe alſ ſi chunden.clamide den wol geboren.dvht er het me verloren.danne iemen der da mohte ſin.vnt daz zeſcharf wære ſin pin.er ſprach ze parzivale.wart ir bi dem grale.ſo wil ich ſprechen ſpot.in heiden ſchaft tribalibot.dar zoͮ gebirge von kauſakaſ.ſwaz munt von richeit iegelaſ.dar zoͮ deſ graleſ werdcheit.vergulten niht min herzeleit.daz ih vor pelrapeire gewan.owe ich arm vnſælch man.mich ſchiet von froͮden iwer hant.hie iſt froͮ cuneware delalant.och wil div edele furſtin.ſo verre in iwerem gebote ſin.daz ſi ir niemen dienen lat.ſwie vil ſi dienſteſ gelteſ hat.ſi moht iedoch erlangen.daz ih bin ir gevangen.alſ lange hie geweſen.obe ih an froͮden ſule geneſen.ſo helft mir daz ſi ere ſich.ſo daz ir minne ergtze mich.Eein teil deſ ih von iv verloſ.do mih der froͮden zil verkoſ.ich hetez behalten wol wan ir.nv helfet dirre mære mir.daz toͮn ich ſprach der waleiſ.ſi iſt bete wol ſo kurteiſ.ich ergetze ivch gerne ſi iſt doch min.mit der ir welt bi ſorgen ſin.ich meine div treit den beacurſ.die ſchonen condwiramurſ.von lanfuſe div heidenin.artuſ vn̄de daz wip ſin.vnde kuneware delalant.vnde froͮ ieſchvte von karnant.die giengen do durch troͮſten zoͮ.waz welt ir daz man mer nv toͮ.kunewaren ſi gaben clamide.dem waſ nach ir minnen we.ſinen lip gap er ir zelone.vnde ir hoͮbet eine chrone.daz ez div von lanfuſe ſach.div heidenin zem waleiſ ſprach.gundrie nant vnſ einen man.deſ ich iv wol zebroͮder gan.deſ chraft iſt wit vn̄de breit.zweier chrone richeit.ſ*ſtet vorhtliche in ſiner phlege.vf dem wazer vn̄de vf der erden wege.azagoͮch vn̄dezazamanch.div lant ſint chreftch ninder chranch.ſinem rihtoͮme gelicht niht.ane den barruch ſo man giht.vnde ane tribalibot.man bet an in alſ an got.ſin varwe hat ſo ſpahen glaſt.divſt aller manne varwe gaſt.er iſt wiz vn̄de ſwarz erchant.ich voͮr da her durh ein ſin lant.do wolter gerne erwendet han.die vart die ich her han getan.daz warber done moͮhter.ſiner moͮter moͮntohter.Bbin ich er iſt ein chunch her.ich ſage iv wunderſ von im mer.nieniem geſaz von ſiner tioſt.ſin priſ hat vil hohe choſt.feirefizanſchevin.deſ tat durch wip chan liden pin.ſwie fromdez mir hie wære.ich chom oͮch her durch mære.vnt zerchennene auentivre.nv lit div hoheſte ſtivre.an iv der getoͮften diet.mit priſe ih von laſter ſchiet.ſol goͮt gebarde ivch helfen niht.vnt daz man iv mit warheit giht.liehter varwe vn̄de manlicher ſite.chraft mit ivgende vert da mite.div wiſe riche heidenin.het an chun*chunſt den gewin.daz ſi wol redete franzoyſ.do antwurte ir der waleiſ.ſolch waſ ſin rede wider ſie.got lone iv froͮwe daz ir hie.mir gebet ſo goͮtelichen troſt.ich bin doch trvreneſ vnerloſt.vnde wil ivch deſ beſcheiden.ichne magez ſo niht geleiden.alſ ez mir leide chundet.daz ſich nv manger ſundet.an mir der niht weiz miner chlage.vnde ih da bi ſin ſpoten trage.ich wil neheiner froͮden phlegen.ich moͮz alrerſt den gral geſehen.div wile ſi churz oder lanch.mich iaget deſ endeſ min gedanch.da von geſcheide ih nimer.Mineſ lebenſ imer.ſol ich dvrh miner zvht gebot.dvlten nv der werlte ſpot.ſone mach ſin raten niht ſin ganz.mir riet der werde kurnomanz.daz ich vraveliche frage mite.vnde imer gein vnfoͮge ſtrite.vil werder riter ſihe ich hie.dvrch iwer zuht nv ratet wie.daz ih iweren hvlden nahe mich.ez iſt ein ſtrenge ſcharf gerich.gein mir mit worten hie getan.ſweſ hulde ich drumbe vloren han.daz wil ih wench wizen im.ſwenne ih hernach priſ genim.ſo habet mih aber dane der nach.mir iſt zeſcheidene von iv gach.ir gabet mir alle geſelleſchaft.die wile ih ſtoͮnt an briſeſ chraft.deſ ſit nv ledch vnze ih bezal.da von min groͮniv froͮde iſt val.min ſol groz iamer alſo phlegen.d*daz herze gebe den oͮgen regen.ſit ich vf mvntſalvatſche liez.daz mich von waren froͮden ſtiez.ez moͮz an ein ſcheiden gan.ezne mach niht langer ſo geſtan.do ſprach aber der waleiſ.Zzeartuſ dem britaneiſ.ze riteren vn̄de zefroͮwen.er wolt ir vrloͮp ſchoͮwen.vn̄de mit ir hulden vernemen.deſ dorfte niemen da gezemen.daz er ſo trurch von in reit.ich wæne ez waſ in allen leit.artuſ lobte im an die hant.chome imer in ſolhe not ſin lant.alſ ez von clamide gewan.deſ chumberſ wolter phlihte han.im wære oͮch leit daz lehelin.im name zwoͮ riche chrone ſin.vil dienſteſ im da manger bot.den helt treip von in trurenſ not.fro kuneware div clare maget.nam den helt vnverzaget.mit ir vn̄de foͮrt in dan.do chuſt in min her gawan.vnde ſprach manliche.zedem helde ellenſ riche.frivnt ich weiz wol daz din vart.gein ſtriteſ reiſe iſt vngeſpart.da gebe dir got geluche zoͮ.vnde helfe oͮch mir daz ich getoͮ.dir noch den dienſt alſ ih chan geren.deſ moͮze mih ſin chraft geweren.der waleiſ ſprach waz iſt got.wære er gewaltch ſolhen ſpot.het er vnſ beiden niht gegeben.chvnde got mit chreften leben.ich waſ im dienſteſ vndertan.die wile ich genaden mich verſan.ich wil im dienſt wider ſagen.hat er haz den wil ich tragen.frivnt an dineſ champheſ zit.da neme ein wip vur dich den ſtrit.div moͮze ziehen dine hant.an der dv chuſche habeſt erchant.vnde wipliche goͮte.ir minne dih da behoͮte.ichneweiz wene ih dich me geſehe.min wunſch alſuſ an dir geſchehe.Iir ſcheiden gap in truren.zeſtrengen nach geburen.fro kuneware delalant.in foͮrte da ſi ir pavelun vant.ſin harnaſch hiez ſi bringen dar.ir blanchen hende wolgevar.wapenten gahmuretſ ſun.ſi iach ich ſolz von rehte toͮn.ſit der chunch von brandigan.von iweren ſchulden mih wil han.groz chumber iwer werdcheit.iſt mir ein ſuftebarz leit.ſo ir niht trurenſ ſit er wert.iwer ſorge mine froͮde zeret.nv waſ ſin orſ verdechet.ſin ſelbeſ not erwechet.oͮch het der helt wolgetan.lieht wiz iſerin harnaſch an.tivre an aller ſlaht getroch.ſin curſit ſin wapen roch.waſ gehert mit geſteine.ſinen helm al eine.het er niht vf gebunden.do chuſter an den ſtunden.kunewaren die claren maget.ſuſ wart mir von ir geſaget.da ergie ein trurech ſcheiden.von den gelieben beiden.hin reit gahmuretſ chint.ſwaz auentvre geſprochen ſint.diene darf hie niemen mezen zoͮ.irne hort alrerſt waz er nv toͮ.war er chere vn̄de war er var.ſwer den lip gein riterſchefte ſpar.der denche niht die wile an in.obe ez im rate ſtolzer ſin.ſoͮze condwiramurſ.din minnchlicher bacurſbeacurſ.an den wirt ditche nv gedaht.daz im wirt auenture braht.deſ ſchilteſ ambet vmbe engral.wirt nv wol geoͮbet ſvnder twal.von im den herzeloide bar.er waſ gan erbe dar.oͮch begunde der maſſnie vil.gein dem arbeitlichen zil.aventure zeſchoͮwen.da vier hundert ivnchfroͮwen.wen.: Möglicherweise nachträglich angefügt.Uvn̄de vier chunginne.gevangen waren inne.vf tſchater marveile.ſwaz in da wart zeteile.daz haben ane minen haz.ich bin doch froͮwen loneſ laz.oͮch ſprach der fier cliaſ.ich pin der da verſumet waſ.vor in allen er deſ iach.ein turkoyte mich ta ſtach.hinderz orſ ih moͮz mih ſchamen.er ſeite mir vier froͮwen namen.die da chrone bære ſint.zwo ſint alt zoͮ ſint noch chint.div ein heizt Itonie.div ander gundrie.div drite heizt arnive.div vierde ſaivie.daz wolt ieſlicher ſehen.ir reiſe moht ez niht vol ſpehen.ſi moͮſen ſchaden da beiagen.den ſol oͮch ih zemaze chlagen.wan ſwer dvrh wip hat arbeit.ez git froͮde etſwene oͮch leit.an dem orte ez furbaz wiget.ſuſ ditche minne ir loneſ phliget.nv berteitebereite oͮch ſich her gawan.alſ ein champhbære man.hin fur den chunch von aſchalun.deſ trurte manch britun.manch wip vn̄de maget.herzenlichen wart gechlaget.von in ſineſ ſtriteſ reiſe.der werdcheit ein weiſe.wart nv div tavelrunder.gawan maz beſunder.wa mit er mohte wol geſigen.a*alte herte ſchilte wol gedigen.eren roͮhte wie ſi waren gevar.ſi brahten choͮflute dar.vf ir ſoͮmen doch niht veile.der wurden im dri zeteile.och erwarp der ware ſtriteſ helt.ſiben orſ gein ſtrite wol erwelt.zeſinen friunden er do nam.zwelf ſcharphiv ſper von angram.ſtarch rorine ſchefte drin.von oraſte genteſin.vz einem heidenſchen moͮr.gawan nam vrloͮp vn̄de foͮr.mit vnferzagter manheit.artuſ waſ im vil bereit.er gap im richer gabe ſolt.lieht geſteine rotez golt.vnde ſilberſ mangen ſtærlinch.gein ſorgen wielzen ſiniv dinch.Dder nie gewarp nach ſchanden.eine wile zeſinen handen.ſol nv diſe auenture han.der werde erchande gawan.div proͮvet mangen an haz.der neben oder vur in baz.dane deſ mareſ herren parzival.ſwer ſinen vrivnt alle mal.mit worten an daz hoheſte iaget.der iſt briſeſ anderhalp verzaget.im iſt der lute volge goͮt.der ditche lop mit warheit toͮt.wan ſwaz er ſpricht oder ſprach.div rede belibet ane dach.wer ſol ſinneſ wort behaltene enwellen die wiſen walten.falſch lugelich ein mære.daz wane ih baz noch wære.ane wirt vf einem ſne.ſo daz dem munde wurde we.derz uz vur warheit preitet.ſo het in got bereitet.alſ goͮter lute wunſchen ſtet.den ir triwe ze arbeit erget.ſwem iſt zeſolhen werchen gach.da miſſewende hort nach.phliht werder lip an den gewin.daz moͮz in leren charger ſin.er midet ez e chan er ſich ſchemen.den ſite ſol er ze vogte nemen.gawan der reht gemoͮte.ſin ellen phlach der hoͮte.daz div ware zageheit.an priſe im nie gefrumte leit.ſin herze waſ ze velde ein pvͦrch.gein ſcharfen ſtriten wol ſo koͮrch.in ſtriteſ gedrenge man in ſach.vrivnt vn̄de vigent im deſ iach.ſin chrie wære gein priſe ſnel.ſwie gerne in kingrimurſel.mit champhe het da von genomen.nv waſ oͮch von artuſe chomen.deſ neweiz ih niht wie mangen tach.gawan der manheite phlach.ſuſ reit der mære degen balt.ſine reht ſtraze fur einen walt.mit ſinem gezoge vur einen grunt.do wart im vf dem bvhele chunt.ein dinch daz angeſt lerte.Vvn̄de ſine manheit merte.da ſach der helt vur vnbetrogen.nach manger baniere zogen.vil grozer foͮre niht zechranch.do dahter mir der wech zelanch.flvhtch gein dem walde.do hiez er gurten balde.ſinem orſe daz im orluſoriluſ.gap daz waſ gennet ſuſ.mit den roten oren kringuliet.er enphiengez ane alle bet.ez waſ von muntſalvatſche chomen.vnt hete lehelin genomen.zebrunbanie bi dem ſe.einem riter tet ſin tioſt ſo we.den er tot der hinder ſtach.deſ ſider trevrezent veriach.gawan dahte ſwer verzaget.ſo daz er fliuhet e man iaget.deſ ſinem briſe gar zefroͮ.ich ſol hin naher ſtaphen zoͮ.ſwaz mir da von nv mach geſchehen.ir hat mih dez mere telteil geſehen.de ſol doch goͮt rat werden.do erbeizter vf die erden.reht alſer hete einen ſtal.die rote waren ane zale.die da mit conpanie riten.er ſach vil chleider wol geſniten.vnde mangen ſchilt ſo gevar.daz er ir niht erchande gar.vnde neheine baniere vnder in.diſem her ein gaſt ih bin.ſprach der werde gawan.ſit ich ir deheine chunde han.wellent ſiz in vbel wenden.eine tioſt ſol ich in ſenden.deſwar mit min ſelbeſ hant.e daz ich von in ſi gewant.nv waſ oͮch kringuliet gegurt.daz in mangen angeſtlichen furt.gein ſtrite waſ zer tioſte braht.deſ wart och da hinze im gedaht.Ggawan ſach gefloieret.vn̄de wol gezimieret.von richer choſte helm vil.ſi foͮrten gein ir nit ſpil.wiz niwer ſper ein wunder.div gemalten waren beſunder.ivncherren gegeben in die hant.ir herren wapen dran erchant.gawan filiroyſ lot.ſach von gedrenge groze not.vil mule die harnaſch moͮſen tragen.vnde mangen wol geladenen wagen.den waſ gein herbergen gach.da foͮr der market hinden nach.mit wunderlicher parat.deſ waſ et do dehein ander rat.er ſach der froͮwen da genoͮch.etſlichiv den zwelften gurtel troͮch.ze phande nach ir minne.ez waren niht chungine.die ſelben trippenierſen.hiezen ſoldierſen.hie der ivnge dort der alde.da voͮr vil ribalde.den machet ir loͮfen moͮde lide.et*etſlicher zame baz an der wide.dane er daz her da merte.vnde werdez volch vnerte.fur waſ geloͮfen vn̄de geriten.daz her deſ gawan het erbiten.von ſolhem wane daz geſchach.ſwer den helt da halden ſach.daz er wande er ware deſ ſelben herſ.diſe halp noch enſit merſ.gefoͮr nie ſtolzer riterſchaft.ſi heten hoheſ moͮteſ chraft.do foͮr in balde hinden nach.vf ir ſla dem waſ oͮch gach.ein chnape gar vnfoͮge fri.ein ledech orſ giench im bi.einen niwen ſchilt er foͮrte.mit ſporen er vaſte roͮrte.ane zart ſin runzit.er wolte gahen in den ſtrit.wol geſniten waſ ſin chleit.gawan zoͮ dem chnappen reit.nach groͮzer fragte in mare.weſ daz geſinde ware.der chnape ſprach ir ſpotet min.herre han ih diſen pin.mit vngefoͮge an ivch erholt.het ih dane andere not gedolt.div ſtoͮnde mir gein priſe baz.dvrch got ſenftet iweren haz.ir erchennet ein ander baz dane ich.waz hilfet dane daz ir fraget mih.ez ſol iv baz weſen chunt.zeinem mal vn̄de tuſentſtunt.gawan bot deſ mangen eit.ſwaz volcheſ da fur in gereit.daz er deſ niht erchande.er ſprach min varen hat ſchande.Sſit ih mit warheit niht mach iehen.daz ih ir deheinen habe geſehen.vor diſem tage an deheiner ſtat.ſwar man Min dienſt ie gebat.der chnape ſprach ze gawan.herre ſo han ich miſſetan.ich ſoltz iv e han geſaget.do waſ min beſter ſin verzaget.nv riht mine ſchulde.nach iwer ſelbeſ hulde.ich ſolz iv dar nach gerne ſagen.lat mih min vngeoͮge e chlagen.ivncherre ſaget mir wer ſi ſin.dvrch iweren zuhtbaren pin.herre ſuſ heizet der vor iv vert.dem noch ſin reiſe iſt vnerwert.royſ poideconivnz.vnde de chaſtor delunfarunz.: Vers eingerückt, Anfangsbuchstabe nicht abgesetzt, da ein Vers in Spalte a zu weit in Spalte b reicht.da vert ein vnbeſ*vnbeſcheiden lip.dem minne nie gebot dehein wip.er treit der vngefoͮge chranz.vnde heizet meliahganz.ez ware wip oder maget.ſwaz er da minne hat beiaget.die nam er gar enoten.man ſolt in drumbe toten.der iſt poideconivnzeſ ſun.der wil och riter ſchaft da toͮn.der phliget der ellenſ riche.ditche vnverzagetliche.waz toͮch ſin manlicher ſite.ein ſwine moͮter lief im mite.ir verhelin div werte oͮch ſie.ichne horte man gebriſen nie.waſ ſin ellen ane foͮge.deſ volgent noch genoͮge.herre nv horet ein wunder.lat iv daz ſagen beſunder.groz her da nach iv foͮret.den ſin vngefoͮge roͮret.der chunch melianz von liz.hochvertchlichen zornſ vliz.Hhat er gefrumet gar an not.vnreht iv minne im daz gebot.der chnape in ſiner zuht ferachferiach.herre ich ſagez iv wan ihz ſach.deſ chunch melianzeſ vater.anſ todeſ legere fur ſih bater.die furſten ſineſ landeſ.vnerloſet phandeſ.ſtoͮnt ſin ellenthaftez leben.daz moͮſe ſich dem tode ergeben.in der ſelben rivwe.bevalcher vf ir triwe.melianzen den claren.allen den die da waren.er choſ im einen ſunder dan.der furſte waſ ſin hoheſter man.gein triwe alſo bewaret.aller valſcheit erlaret.den bater ziehen ſinen ſun.er ſprach dv maht an im nv toͮn.diner triwen hantveſte.bit in daz er die geſte.vnt die heinlichen habe wert.ſwene eſ der chumberhafte gert.den bit im teilen ſine habe.ſuſ wart bevolhen da der chnabe.do leiſte der furſte libaut.al daz ſin herre der chunch tſchaut.an deſ todeſ legere gein im warp.harte wench deſ verdarp.endehaft ez wart geleiſtet ſider.der furſte foͮrte den chnapen wider.der het da heime liebiv chint.alſ ſim noch billichen ſint.eine tohter der deſ niht gebrach.wan daz man deſ ir zite iach.ſi ware wol amie.ſi heizet obîe.ir ſweſter heizet obilot.obie frumet vnſ diſe not.eineſ tageſ gedehez an die ſtat.daz ſi der ivnge chunch bat.nach ſinem dienſte ir minne.ſi verfloͮchte im ſine ſinne.vnt fragte in weſ er wante.war umbe er ſich ſinneſ ante.Sſi ſprach hinze im wartwaret ir ſo alt.daz vnder ſchilte ware bezalt.in werdchlichen ſtunden.mit helme vf hoͮbt gebunden.gein hertchlichen varen.iwer tage gein funf iaren.daz ir den priſ da het genomen.waret ir dane wider chomen.in minem gebote geweſen da.ſprache ih dane alreſt aia.deſ iwer wille gerte.alze froͮ ih ivch gewerte.ir ſit mir liep wer loͮgent deſ.ſam annorengaloeſ.div ſit den tot durh in erchoſ.do ſin an einer tioſte vloſ.vngerne ich ſprach er froͮwe.ivch ſo bi liebe ſchoͮwe.daz iwer zurnen vf mich get.genade doch bi dienſte ſtet.ſwer triwe rehte mezen wil.froͮwe eſ iſt iv gar zevil.daz ir minen ſin ſuſ ſmahet.ir habet ivch gar vergahet.*ih moht doch genozen han.daz iwer vater iſt min man.vnt daz er hat von miner hant.mange burch vn̄de al ſin lant.ſwem ir iht lihet der diene daz.ſprach ſi min zil ſich hohet baz.ich wil von niemen lehen han.min friheit iſt alſo getan.i*ieſlicher chrone hoch genoͮch.die irdeſch hoͮbet ie getroͮch.er ſprach ir ſit geleret.daz ir hochvart ſuſ meret.ſit iwer vater gap den rat.er wandelt mir die miſſetat.ich ſol hie wapen alſo tragen.daz wirt geſtochen vnt geſlagen.ez ſi ſtrit oder turnei.hie belibet vil der ſper enzwei.mit zorne ſchiet er von der maget.ſin zurnen ſere wart gechlaget.von al der maſſenie.in chlagte oͮch obie.gein dirre vngeſchihte.bot ſin gerihte.vnde anderſ wandelſ genoͮch.libaut der vnſchulde troͮch.ez ware chrump oder ſleht.er gerte ſiner genoze reht.hof da die furſten waren.er ware zediſen maren.chomen ane ſchulde.genadchlicher hulde.er ditche ſinen herren bat.dem tet der zorn vf froͮden mat.man chunde da niht gahen.ſo daz libaut wolte vahen.Sſinen herren wan er waſ ſin wirt.alſ noch getriwer man verbirt.der chunch ane vrloͮp danen ſchiet.alſ im ſin chrancher ſin geriet.chnapen furſten ſiniv chindelin.al weinende tæten chlagenſ ſchin.die mit dem chunge da waren geweſen.vor den mach libaut wol geneſen.wan er ſi hat mit triwe erzogen.an werder foͮre niht betrogen.ez enſi dane min herre al ein.an dem doch deſ furſten triwe ſchein.min herre iſt ein franzoyſ.li tſchatelurre de beaueiſ.der heizet liſavander.die einen vn̄de oͮch die ander.moͮſen dem furſten wider ſagen.do ſi ſchilteſ ambet ſolten tragen.mit dem chunge riter worden ſint.manch furſte hivte vn̄de anderiv chint.deſ vorderen herſ phliget ein man.der wol mit ſcharfen ſtriten chan.der chunch poydeconivnz von gorſ.foͮret manch wol gewapent orſ.melianz iſt ſineſ broͮder ſun.die chunnen bede hochvart toͮn.der ivnge vn̄de der alde.daz eſ vngefoͮge walde.ſuſ hat der zorn ſich fur genomen.bede chunge wellent chomen.vur bearotſche da man moͮz.mit arbeit dienen wibe groͮz.man moͮz vil ſper da brechen.beidiv hurten vn̄de ſtechen.bearotſche iſt ſo zewer.obe wir heten zweinzch her.icſlichez groͮzer dane wir han.wir moͮſenſe vnzerfoͮret lan.min reiſe iſt dez hinder her verholen.diſen ſchilt han ich dan verſtolen.vz von andern chinden.op min herre mohte vinden.Eeine tioſt dvrh ſinen erſten ſchilt.mit hurteſ ponder dar gezilt.der chnape hinder ſich do ſach.ſin herre foͮr im balde nach.driv orſ vnt zwelf wizziv ſper.gahten vaſte mit im her.ich wane ſin gir deſ niemen truge.er wolte gerne ze vor fluge.die erſten tioſt da han beiaget.ſo mir div auenture ſaget.der chnape ſprach ze gawan.lat mich iwer vrloͮp han.er cherte ſinem herren zoͮ.waz welt ir daz gawan nv toͮ.eren beſehe waz diſiv mare ſin.doch lerte in zwivel ſtrengen pin.er dahte ſol ich ſtriten ſehen.vnde ſol deſ niht von mir geſchehen.ſoſt al min priſ erloſchen gar.chum aber ich dur ſtriten dar.vnde wirde ih da geletzet.mit warheit iſt entſetzet.al min werltlicher briſ.ich entoͮn ſin niht neheine wiſ.ich ſol e leiſten minen champh.ſin not ſich in ein ander chlamph.gein ſiner champheſ verte.waſ beliben alzeherte.er moht oͮch da niht fur gevaren.er ſprach nv moͮze got bewaren.die chraft an miner manheit.gawan gein bearotſche reit.burch vn̄de huſ ſo vor im lach.daz niemen bezerſ huſeſ phlach.oͮch glaſte gein im ſchone.aller anderen burge ein chrone.mit turen wol gezieret.nv waſ gelotſchieret.dem her der fur vf den plan.da ſach min her gawan.mangen rinch wol gehert.da waſ hochvart gemeret.wunderlicher baniere.choſ er da mange ſchiere.Vvn̄de manger ſlahte fromden pofel.der zwivel waſ ſineſ herzen hofel.da durch in groziv angeſt ſneit.gawan enmiten dur ſi reit.doch ieſlich zelt ſnoͮr de anderen dranch.ir her waſ wit vn̄de lanch.do ſach er wie ſi lagen.weſ diſe vn̄de iene phlagen.ſwer bienſevenuz da ſprach.grantmerziſ er wider iach.groz rote an einem orte lach.ſariande von ſemlidach.den lach do ſunder nahen bi.turchopel von kabadi.vnchunde ditche ditche vnminne ſint.ſuſ reit deſ chunch loteſ chint.belibeneſ bet in niemen bat.gawan cherte gein der ſtat.er dahte ſol ich chipper weſen.ich mach vor fluſte baz geneſen.dort in der ſtat dane hie bi in.ich chere mich an deheinen gewin.wan deich dez min behalte.ſo deiſ geluche walte.gawan gein einer porte reit.der burgare ſite waſ im leit.ſine hete deſ niht beturet.al ir borte waren vermuret.vnde elliv iriv wichuſ werlich.da zoͮ der zinnen iegelich.mit armbruſte ein ſchutze phlach.der ſich ſchiezenſ her vz bewach.ſi flizen ſich gein ſtriteſ werch.gawan cherte vf an den berch.ſwie wench er da ware bechant.er cherte vf da er die burch vant.ſiniv oͮgen moͮſen ſchoͮwen.mange werde froͮwen.div wirtin ſelbe chomen waſ.durh warten vf dem palaſ.mit ir tohteren zwein.von den vil lieherliehter varwe ſchein.von den er ſchiere hete vernomen.ſi fragten wer vMage vnſ hie chomen.ſo ſprach div alte herzogin.waz gezogeſ mach diz ſin.ir alter tohter ſprach do ſan.moͮter ez iſt ein choͮfman.nv foͮrt man im doch ſchilte mite.daz iſt vil choͮflute ſite.ir ivnger tohter do ſprach.dv ziheſt in daz doch nie geſchach.ſweſter deſ mahtv dih ſchamen.er gewan nie ch*choͮfmanneſ namen.er iſt ſo minnchlich getan.ich wil in zeinem riter han.Sſin dienſt mach hie loneſ gern.deſ wil ich in dur liebe wern.ſine chnapen taten goͮme.daz ein linde vn̄de oleboͮme.vnden bi der mure ſtoͮnt.daz duhte ſi ein gaber funt.waz welt ir daz ſi mer toͮn.do erbeizte gahmureſtſ ſun. deſ chunc loteſ ſun.al daer den beſten ſchate vant.ſin chamerare troͮch dar zehant.einen gulter vn̄de ein matraz.dar vf der ſtolze werde ſaz.obe im waſ wibe herſ ein floͮt.ſin chamer gewant man nider loͮt.vnt dez harnaſch von den ſoͮmen.hin dan vnder anderen boͮmen.Hherberge namen ſie.chnapen die da chomen hie.div alt herzogin ſprach ſan.tohter welch choͮfman.chunde alſuſ gebaren.dvne ſolt ſin ſuſ niht varen.do ſprach div ivnge obilot.vnfoͮge ir danoch me gebot.gein dem chunge melianze von liz.ſi cherte ir hohferte fliz.do er ſi bat ir minne.gevngert ſin ſolhe ſinne.do ſprach obie.vor zorne niht div frie.mir iſt ſin voͮre vn mare.dort ſitzet ein wehſelare.ſin market mach hie werden goͮt.ſiniv ſoͮm ſchrin ſint ſo behoͮt.dineſ riterſ torſchiv ſweſter min.er wil ir ſelbe goͮmel ſin.gar dirre worte hore.chom gawan in ſin ore.die rede lat ſin alſ ſi nv ſte.vnde hort oͮch wiez der ſtat erge.ein ſchifrahe wazer vur ſi floz.dvrch eine bruke ſteinin groz.niht gein der vinde want.ander halp waſ vnverhert daz lant.ein marſchalch chom geriten ſan.fur die burch vf den plan.nam er herberge wit.ſin herre chom an rehter zit.vnde ander die da ſolten chomen.ih ſagez iv habt irſ niht vernomen.Wwer inſ wirteſ helfe reit.vn̄de wer durh in mit triwen ſtreit.im chom von brevegariez.ſin broͮder duc maragliez.dur den chomen zwene riter ſnel.der werde chunch tſchirnel.der troͮch chrone ze liravoyn.alſ tet ſin broͮder ze avendroyn.do die burgare ſahen.daz in helfe wolte nahen.daz e deſ waſ ir aller rat.daz duhte ſi do miſſetat.der furſte libaut do ſprach.owe daz bearotſche iegeſchach.daz ir borte ſulen vermuret ſin.wan ſwene ih gein dem herren min.ſchilteſ ambet zeige.min beſtiv zuht iſt veige.wie ſtet ein tioſt dur minen ſchilt.mit ſiner hende dar gezilt.olde obe verſniden ſol min ſwert.ſinen ſchilt mineſ herren wert.gelobet daz imer wiſe wip.div treit alzeloſen lip.nv lat mich minen herren han.in minem turne ih moͮſe in lan.vnde mit im in den ſinen.ſwar er mih wil pinenen.deſ ſten ich gerne zeſinem gebote.doch wil ih imer danchen gote.daz er mih niht gevangen hat.ſit in ſin zurnen niht erlat.er enwelle mih hie beſitzen.nv ratet mir mit witzen.ſprach er zen burgaren.gein diſen ſtrengen mæren.do ſprach da manch wiſe man.moht ir vnſchvlt genozen han.ez ware niht chomen an diſiv zil.ſi gaben im deſ rateſ vil.Ddaz man die porte vf tate.vn̄de aldie beſten bate.vz gein der tioſte riten.ſi iahen wir mvgen ſo ſtriten.daz wir vnſ von zinnen weren.melianzeſ beiden heren.ez ſint doch allez meiſte chint.die mit dem chunge da chomen ſint.da erwerben wir vil lihte phant.da von ie grozer zorn verſwant.der chunch iſt lihte ſo gemoͮt.ſo er hie riterſchaft getoͮt.er ſol vnſ not erlazzen.vnde al ſin zurnen mazen.velt ſtriteſ ſol vnſ baz gezemen.dane ſi vnſ vz der nemen.wir ſolten wol gedingen.dort in ir ſnoͮren ringen.wan poidekonivnzeſ chraft.der foͮrt die herten riterſchaft.deiſt vnſer groͮzeſtiv freiſe.die gevangen britaneiſe.der phliget der herzoge aſtor.den ſiht man da in ſtrite vor.da iſt och ſin ſun meliahganz.hete den erzogen kurnomanz.ſo wære ſin priſ gehohet gar.doch ſiht man in in ſtriteſ ſchar.da engegene iſt vnſ groz helfe chomen.ir habet ir raten wol vernomen.der vurſte tet alſ man im riet.die mvre vz den borten ſchriet.die bvrgare ellenſ vnbetrogen.begunden vz zevelde chomen.hie ein tioſt div andere do*dort.daz her begunde trechen vort.her gein der ſtat durch hohen moͮt.ir veprieveſprie wart vil goͮt.ze beider ſite roten vngezalt.garzune krie manchvalt.beidiv ſchotſch vn̄dewalſch.wart da geroͮffen ſunder valſch.die helde erſwungen da die lide.der riter tat waſ ane fride.wol tatenz och div ſelben chint.div vz dem her da chomen ſint.die begiengen werdchlie tat.die burgær phantenſe vf der ſat.Dder nie gediente an wibe.chleinode der endorfte an libe.nimer bezer wat getragen.von melianze hore ich ſagen.ſin zimere wær goͮt.er het oͮch ſelbe hohen moͮt.er reit ein ſchone chaſtelan.daz meliahganz dort gewan.dor kain ſo verre der hinder ſtach.daz manen ame aſte hangen ſach.daz meliahkanz dort erſtreit.melianz von liz ez hie wol reit.ſin tat waſ vor vz ſo bechant.alle ſine tioſt in ir oͮgen vant.obie dort vf dem palaſ.dar ſi durh warten chomen waſ.do ſprach ſi ſiheſtv ſweſter min.deſwar min riter vn̄de der din.begent hie vngelichiv werch.der dine wanet daz wir den berch.vnt die burch ſulen verlieſen.ander wer wir moͮzen chieſen.div ivnge moͮſe ir ſpoten dolen.ſi ſprach er mach ſiheſ wol erholen.ich gibe im doch gein ellen troſt.daz er dineſ ſpoteſ wirt erloſt.er ſol dienſt gein mir cheren.vnde ih ſol im froͮde meren.ſit dv giheſt er ſi ein choͮfman.er ſol mineſ loneſ market han.ir beider ſtrit der worte.gawan zemerke horte.alſ ez im do gedohte.verſaz erz ſwie er mohte.ſol luter herze ſich niht ſchemen.daz moͮz der tot der von e nemen.daz groze her al ſtille lach.deſ poydekonivnz da phlach.wan ein werder iungelinch.waſ ime ſtrite vn̄de al ſin rinch.der herzoge von lanvarunz.do chom poydeconivnz.oͮch nam der alt wiſe man.die einen vn̄de die anderen dan.div veſperie waſ erliten.vnde wol durh werdiv wip geſtriten.Ddo ſprach poydekonivnz.zem herzogen von lanvarvnz.geroͮcht ir min niht biten.ſo ir vart dvr roͮmen ſtriten.ſo wanet ir daz ſi goͮt getan.hie iſt grave lachdoman.hie iſt oͮch meliahganz ſin ſun.ſwaz die bede ſolden toͮn.vnde ich ſelbe ir moht oͮch ſtriten ſehen.obe ir ſtriten chundet ſpehen.ih chum nimer von dirre ſtat.ich engemache ivch alle vehtenſ ſat.ode mir git man vn̄de wip.her vz gevangen bede ir lip.do ſprach der herzoge aſtor.herre iwer neve waſ da vor.der chunch vn̄de al ſin her von liz.ſolt iwer her an ſlaffeſ fliz.die wile ſich haben gechert.habet ir vnſ daz gelert.ſo ſlave ih ſwa man ſtriten ſol.ih chan bi ſtrite ſlafen wol.nv wizt daz ware ih niht chomen.die burgare heten genomen.frum vn̄de briſ zeir handen.ich bewarte ivch da vor ſchanden.durch got nv ſenftet iwern zoren.hieſt me gewunnen dane verlorn.von iwere meſſnie.wilſ gehen obie.poidekonivnzeſ zorn waſ ganz.vf ſinen neven melianz.doch brahte der ivnge werde man.mange tioſt durch ſinen ſchilt her dan.daz endarf ſin niwer briſ niht chlagen.nv horet oͮch von obien ſagen.div bot ir hazeſ genoͮch.gawane dern ane ſchulde troͮch.ſi wolt im werben ſchande.einen garzun ſi ſande.hinze gawane da er ſaz.ſage im vn̄de frage in furbaz.Oobe div orſ veile ſin.olde obe in ſinen ſoͮmſchrin.lige inder werdez chramgewant.wir froͮwen choͮfenz alzehant.der garzun chom gegangen.mit haze er wart enphangen.gawaneſ oͮgen bliche.in lerten herzen ſchriche.der garzun ſo verzagte.daz er fragte noch enſagte.daz in ſin froͮwe werben hiez.gawan die rede doch niht enliez.er ſprach vart hin ir ribalt.mvlſlege al vngezalt.ſult ir von mir enphahen.welt ir mir vurbaz nahen.der garzun dan lief vn̄de giench.nv horet wiez obie an viench.einen ivncherren ſi ſprechen bat.den bur grauen von der ſtat.der waſ geheizen tſcheruleſ.ſi ſprach dv ſolt in biten deſ.daz erz dvr minen willen toͮ.vnde manliche griffe zoͮ.vndern oleboͮmen ame graben.ſtent ſiben orſ div ſol er haben.vnde ander richeite vil.ein choͮfman vnſ hie triegen wil.bit in daz erz wende.ich getruwe deſ ſiner hende.ſi nem ez vnvergolten.oͮch hat erz vmbeſcholten.der chnappe hin nider ſagte.al daz ſin froͮwe chlagte.ich ſol vor triegen vnſ bewaren.ſprach tſcheruleſ ich wil dar varen.er reit hin vf da gawan ſaz.der ſelten ellenſ ie vergaz.an dem er vant chrancheit fluſt.lieht antlutze vn̄de hohe bruſt.vnde einen riter wolgevar.tſcheruleſ in broͮvte gar.ſine arme vn̄de ietwedere hant.vnde ſwaz geſchikede er da vant.do ſpracher herre ir ſit ein gaſt.goͮter witze vnſ gar gebraſt.ſit ir niht herberge hat.nv proͮvet ez vnſ vur miſſetat.ich ſol iv ſelbe marſchalch ſin.lute vn̄de goͮt ſwaz heizet min.daz chere ih iv gein dienſteſ ſiten.nie gaſt zoͮ wirte chom geriten.der im ſo gar wære vnder tan.genade ſprach her gawan.daz han ih vnferdient noch.vnde ſol iv gerne volgen doch.tſcheruleſ der lobeſ geherte.ſprach alſ in triwe lerte.Sſit ez ſich hat vf mih gezoget.ih bin vor fluſt *nv iwer voget.ez en nem iv dane daz vzer her.da bin ih bi iv ander wer.ſin munt do lachende ſprach.zen chnapen allen die er da ſach.ladet vf dez harnaſch vber al.wir ſulen hin nider inz tal.gawan foͮr mit ſinen wirt.obie daz nv niht verbirt.ein ſpile wip ſi ſande.die ir vater wolbechande.dem enbot er ſolhiv mare.da foͮre ein vaſcharedeſ habe iſt riche vn̄de goͮt.bit in dvrch rehten riterſ moͮt.ſit er vil ſoldiere hat.vf orſ vf ſilber vn̄de vf wat.daz diz ſi ir erſte gelt.ez frumet wol ſibene vf daz velt.daz ſpile wip zem furſten ſprach.aldeſ ſin tohter dar veriach.ſwer ie vrlivgeſ phlach.dem waſ vil not ober beiach.an richer choſte mohte han.Ilibauten den getriwen man.vber leſten ſoldiere.daz er gedahte ſchiere.ich ſol diz goͮt gewinnen.mit zorne olde abe mit minnen.die nach reiſer niht vermeit.tſcheruleſ im wider reit.vnde fragte war im ware ſo gach.ich rite einem triegare nach.von dem ſaget man mir mare.er ſi ein triegare.vnſchuldch waſ her gawan.ez heten niwan div orſ getan.vnde ander daz er foͮrte.tſcheruleſen lachen roͮrte.er ſprach herre ir ſit betrogen.ſwerz iv ſaget der hat gelogen.ez ſi maget man oder wip.vnſchuldch iſt mineſ gaſteſ lip.Iir ſult in anderſ briſen.er gewan nie munziſen.welt ir der rehten warhe*warheit loſen.ſin lip getroͮch nie wehſel phoſen.ſeht ſine gebærde horet ſiniv wort.in minem huſe ih liez in dort.chunnet ir *riterſ foͮre ſpehen.ir moͮzt im rehter dinge gehen.ſin lip wart nie gein valſche balt.ſwer im dar vber tæte gewalt.ez ware min vater oder miniv chint.alle die gein im in haze ſint.mine mage ode mine broͮder.die moͮſen div ſtriteſ roͮder.gein mir ziehen ich wil in neren.von vnrehten ſtriten weren.ſwa ih herre vor iweren hulden mach.vz ſchilteſ ambt in einen ſachſatch.wolt ih mih e ziehen.ſo verre vz arde fliehen.da mih niemen erchande.e daz ir iwer ſchande.herre an im begienget.billiche ir enphienget.goͮtliche alle die her ſint chomen.vnde iweren chumber habent vernomen.dane daz ir vnſ welt roͮben.deſ ſvlt ir ivch geloͮben.der furſte ſprach nv la mich ſehen.dane mach niht argeſ zoͮ geſchehen.er foͮrt in daer gawanen ſach.zwei oͮgen vn̄de ein herze ia*iach.div libaut mit im brahte dar.daz der gaſt wære wolgevar.vnt daz rehte manliche ſite.ſinen gebarden wonte mite.ſwem rehtiv liebe ie erholte.daz er herze liebe dolte.herze minne iſt deſ *bechant.daz herze iſt rehter minne phant.alſo verſetzzet vnde verſelt.dehein munt ez nimer gar vol zelt.waz minne wunderſ foͮgen chan.ez ſi wip oder man.Ddie chrenchet herze minne.vil ditche an hohem ſinne.obie vn̄demelianz.der zweiger minne waſ ſo ganz.vn̄de ſtoͮnt mit ſolhen riwentriwen.ſin zorn ivch ſolt riwen.daz er ſo trvrch von ir reit.deſ gap ir trvren ſolhez leit.daz ir chuſche wart gein zorne balt.vnſchulch gawan deſ engalt.vnde ander diez mit ir da liten.ſi chom ditche vz froͮwen ſiten.ſuſ flaht ir chuſche ſich in ſ*zornez waſ ir beider oͮgen dorn.ſwa ſi den werden man geſach.ir herze melianz iach.er ſolt vor vz der beſte ſin.ſi dahte ober mih leret pin.den wil ich gerne von im han.den werde ivnge ſoͮzen man.vor alder werlt ih minne.dar iagent mih herzen ſinne.von minne noch zornſ vil geſchiht.nvne wizet ez obien niht.nv hort wie ir vater ſprach.do er gawanen ſach.vnder in in daz lant enphiench.wie erz mit rede do ane viench.do ſprach er herre iwer chomen.daz mag an ſælden vnſ gefrumen.ich han gevaren mange vart.ſo ſoͮze in minen oͮgen wart.nie von angeſihte.gein dirre vngeſchihte.ſol iwer chunftchlicher tach.vnſ troſten wan er troſten mach.er bat in toͮn da riterſ tat.obe ir harnaſcheſ magel hat.deſ heize ich ivh bereiten gar.welt ir ſit herre in miner ſchar.do ſprach der werde gawan.ich ware deſ ein bereite man.ich han harnaſch vn̄de ſtarche lide.wan min ſtriten ſtet mit fride.vnze an eine benant ſtunde.ir laget obe olde vnde.wodaz wolt ih mit iv liden.nv moͮz ihez dvr daz miden.herre vnze ein min champh erget.da min triwe ſo hoheſ phandeſ ſtet.dur aller werden lute groͮz.den ih mit champhe loſen moͮz.ode ih moͮz den lip da lazen.ſuſ bin ih vf der ſtrazen.daz waſ libaute ein herze leit.er ſprach herre durh iwer werdcheit.vnt durh iwer zuhte hulde.vernemet min vnſchulde.Iih han zwͦ tohter die Mir ſint.liep wan ſi ſint miniv chint.ſwaz mir got hat an in gegeben.da wil ih bi Mit froͮden leben.wol mih daz ih ie gewan.chumerchumber den ih von in han.den treit iedoch div eine.mit mir algemeine.vngelich iſt div geſellcheit.min herre ir toͮt mit minnen leit.vnde mir mit vn minne.alſ ih mih verſinne.min herre mir gewalt wil toͮn.dvrch daz ih han deheinen ſun.mir ſulen doch tohter lieber ſin.waz dar vmbe obe iheſ nv lide pin.den wil ih mir zeſælden zelen.ſwer ſol mit ſiner tohter welen.ſwie ir verboten ſi daz ſwert.ir wer iſt anderſ alſ wert.ſi erwirbt im chuſliche.einen ſun vil ellenſ riche.deſ ſelben ih gedingen han.nv werſ ivch got ſprach gawan.libaut al vaſte bat.herre durh got die rede lat.ſprach deſ chunch lotſ ſun.dvrh iwer zuht ſult ir daz toͮn.vnde lat mich triwe niht enberen.eineſ dingeſ wil ich ivch geweren.ich ſage iv hint bi dirre naht.weſ ich mih drumbe han bedaht.er danchte im vn̄de foͮr zehant.vf dem hofer ſine tohter vant.vnt deſ burgrauen tohterlin.div zwei ſnalten vingerlin.do ſprach er obilote zoͮ.tohter wanen chumeſt dv.vater ih var da nider her.ich getruwe im wol daz er mih wer.ich wil den fromeden riter biten.dienſteſ nach loneſ ſiten.tohter ſo ſi dir gechlaget.erne hat mir abe noch ane geſaget.chum miner bete anz ende nach.der meide waſ zem gaſte gach.Ddoſe in die chemenaten gienc.gawan ſpranch vf do er ſi enphiench.zoͮ der ſoͮzen er do ſaz.er dancht ir daz ſi niht vergaz.ſin do man im miſſebot.er ſprach geleit ie riter not.durh ein ſo chleine froͮwelin.da ſolt ich bi iv inne ſin.div ivnge ſoͮze clare.ſprach ane alle vare.got ſich deſ wol verſinnen chan.herre ir ſit der erſte man.der ie min redegeſelle wart.iſt min zuht dar ane bewart.vnde och min ſchemlicher ſin.daz git an froͮden mir gewin.wan mir min meiſterinne iach.div rede ware deſ ſinneſ dach.herre ih bit iwer vn̄de min.daz lert mih endehafter pin.den nene ich iv geroͮchet irſ.habt ir mih iht deſte wirſ.ih var doch vf der maze phat.wan ih datze iv min ſelber bat.ir ſit mit der warheit ich.ſwie die namen teilen ſich.mineſ libeſ namen ſvlt ir han.nv ſit maget vn̄de man.ich han iwer vn̄de min gegert.lat ir mih herre vngewert.nv ſchemelichen von iv gen.dar vmbe moͮz zerehte ſten.iwer briſ vur iwer ſelbeſ zuht.ſit min magtetoͮmlichiv fluht.genade an ivch ſoͮchet.obe ir deſ herre roͮchet.ih wil iv geben minne.mit herzenlichem ſinne.obe ir manliche ſite hat.ſo weiz ih wol daz ir niht lat.irn dient mir ih bin dienſteſ wert.ſit och min vater helfe gert.an vrivnden vn̄de an magen.lat ivch deſ niht betragen.irn dient vnſ beiden vf min einſ lon.Eer ſprach froͮwe iwerſ mundeſ don.wil mih von triwen ſcheiden.vntriwe iv ſolte leiden.min triwe dolet phandeſ not.iſt ſi vnerloſet ih bin tot.doch lat mih dienſt vn̄de ſinne.cheren gein iwere minne.e daz ir minne mvget geben.ir moͮzet vunf iar e leben.deiſt iwere minnen zit ein zal.do dahter deſ wie pa*parzival.wiben baz getrwete dene got.ſin bevelhen waſ dirre meide gebote.gawan in daz herze ſin.do lobter dem froͮwelin.er wolt da wapen dur ſi tragen.er begunde ir furbaz mere ſagen.in iwere hende ſi min ſwert.obe iemen tioſte gein mir geret.den ponder ſvlt ir riten.ir moͮzet da fur mih ſtriten.man mach mich da in ſtrite ſehen.der moͮz min halp von iv geſchehen.ſi ſprach vil wench mich deſ bevilt.ich bin iwer ſcherm vn̄de iwer ſchilt.iwer herze vn̄de iwer troſt.ſit ir mih zwivelſ habet erloſt.ih bin fur vngevelle.iwer geleite vn̄de iwer geſelle.vur vngelucheſ ſchur ein dach.bin ih iv ſenftchlich gemach.min minne ſol iv fride bern.gelucheſ vur die angeſt weren.daz iwer ellen niht verbirt.irne wert ivch vaſte vnze an den wirt.ih bin wirt vn̄de wirtin.vnde wil bi iv in ſtrite ſin.ſwenne ir deſ gedingen hat.ſælde vn̄de ellen ivch niht lat.do ſprach der werde gawan.froͮwe ih wil bediv han.ſit ih in iwerm gebote lebe.iwere minne vn̄de iwerſ troſteſ gebe.die wile waſ ir handelin.zwiſchen den handen ſin.do ſprach ſi herre nv lat mih varen.ih ſol oͮch mih dar ane bewaren.wie foͮrt ir ane minen ſolt.dar zoͮ bin ich iv zeholt.ich ſol mih arbe*arbeiten.min chleinode iv bereiten.ſwenne ir daz traget deheine wiſ.vber hohet ivch dehein ander briſ.Ddane foͮr div Maget vnde ir geſpil.ſi buten bede ir dienſteſ vil.gawane dem gaſte.der neich ir hvlden vaſte.er ſprach ſvlt ir werden alt.troͮge dane niht wan ſper der walt.alſ erz an anderm holze hat.daz ware in zwein ein ringiv ſæt.chan iwer ivgent ſuſ twingen.welt irz inz alter bringen.iwer minne leret noch riterſ hant.da von ie ſchilt gein ſper verſwant.dane foͮren die magede beide.mit froͮden ane leide.deſ burgraven tohterlin.ſprach nv ſaget mir froͮwe min.waz habet ir im zegebene wan.ſit daz wir niht tochen han.ſin die mine iht ſchoner baz.die gebet im ane minen haz.da wirt vil wench nach geſtriten.der furſte libaut chom geriten.an dem berge en miten.obilot vn̄declauditen.ſach er vor im vf hin gen.die bat er bede ſtille ſten.do ſprach div ivnge obilot.vater mir wart nie ſo not.diner helfe dar zoͮ gim mir rat.der riter mih gewert hat.tohter ſweſ din wille gert.han ihez deſ biſtv gewert.owol der fruht div an dir lach.din geburt waſ der ſalden tach.vater ſo wil ih dirz ſagen.heinliche minen chumber chlagen.nach dinen genaden dar nach ſprich.der riter hat gewert mich.er bat ſi heben vur ſich.ſi ſprach war chome dane min geſpile.do hielt da bi im riter vil.die ſtriten wer die ſolte nemen.deſ moht ieſlichen wol gezemeniedoch bot manzmanſe einem dar.claudite waſ och wol gevar.alritende ſprach d*der furſte zir.obilot nv ſage mir.ein teil von diner note.da han ich chleinode.dem fromden riter gelobet.ich wane min zuht ſi vertobet.han ih im niht zegebenne.waz toͮch ich dane zelebene.Sſit er mir dienſt hat geboten.nv moͮz ih ſchamelichen roten.obe ih im niht zegebene han.nie magede wart ſo liep ein man.do ſprach er tohter warte an mih.ih ſoleſ wol bereiten dich.ſit dienſteſ an in gerſt.ich gibe dir daz dv in gewerſt.obe dich halt din moͮter lieze.g*got gebe daz iheſ genieze.owe der ſtolze werde man.waz ih gedingen gein im han.libaut reit zer herzogin.vndeobilot div tohter ſin.er ſprach froͮwe ſtivrt vnſ zwei.min herze nach froͮden ſchrei.do mih got dirre maget beriet.vnde mich von vngemoͮte ſchiet.div alte herzogin ſprach ſan.waz welt ir mineſ goͮteſ han.froͮwe ſit irſ vnſ bereit.obilot wil bezer chleit.ſi dunchet ſiheſ mit wirde wert.ſit ſo wert man ir minne gert.vnder ir bivt dienſteſ vil.vnde oͮch ir chleinode wil.do ſprach der magede moͮter.er ſoͮzer man vil goͮter.ih wane ir meinet den fromden gaſt.: Vers eingerückt, Anfangsbuchstabe nicht abgesetzt, da ein Vers in Spalte a zu weit in Spalte b reicht.ſin varwe iſt reht ein meigen g*glaſt.do hiez dar tragen div wiſe.ſa*ſamit von entyſe.vnferſniten wat troͮch man da mite.phelle von taprunit.vzzem lande ze tribalibot.in kauſakaſ daz golt iſt rot.dar vz die heidene mange wat.wurchet div vil ſpahe hat.von rehter art vz ſiden.libaut hiez ſniden.ſiner tohter chleider.er miſte gerne beider.der boſetenboſeſten vn̄de der beſten.von golde einen phelle veſten.Sſneit man an daz froͮwelin.ir moͮſe ein arm geblozt ſin.da waſ ein ermel vone genomen.der ſolte gawane chomen.daz waſ ir preſente.ein phelle von novriente.verre vz heiden ſchaft gefoͮrt.er het ir zeſwen arm geroͮrt.doch niht an den roch genat.dane wart nie vadem zoͮ gedrat.daden brahte claudite dar.gawane dem wolgevar.do wart ſin lip gar ſorgen fri.ſiner ſchilte waren dri.vf einen ſloͮgern al zehant.alſin truren gar verſwant.ſinen grozen danch er niht verſweich.vil ditcher dem wege neich.den div ivnchfroͮwe giench.div in ſo goͮtliche enphiench.vnde in ſo minnchliche.an froͮden machte riche.der tach het ende vn̄de chom div naht.zebeider ſite waſ groziv maht.manch werlich riter goͮt.ware deſ vzzern herſ niht ſolhiu floͮt.ſo heten die innren ſtriteſ vil.do mazen ſi ir letze zil.bi dem liehten manen.ſi chunden ſich wol anen.vorhtlicher zage*zageheit.vor tageſ waſ von in bereit.zwelf zingel wite.vergrabet gein dem ſtrite.daz ieſlich zingel moͮſe han.ze orſe vz dri barbigan.kardefablet deiamor.deſ marſchalch nam da vier tor.da manſ morgenſ ſach ſin her.wol mit enllent hafter wer.der herzoge riche.ſtreit da riterlicheer waſ deſ moͮteſ veſter. Bdiv wirtin waſ ſin ſweſter. Adane anderſ manch ander man.der wol ſtrite turen chan.deſ leit er ditche in ſtrite pin.ſin her da zogete deſ nahteſ in.er waſ verre dar geſtrichen.wan er ſelten waſ entwichen.ſtritchlicher herte.vier borte er da wol werte.ſwaz herſ anderhalp der bruke lach.daz zogete och vber e chome der tach.zebearotſche in die ſtat.libaut der furſte ſi deſ bat.oͮch waren die von amor.geriten vber die bruke enborfor.MMan bevalch ieſliche porte ſo.daz ſi werliche do.ſtoͮnt alſ der tach erſchein.tſcheruleſ der choſ im eindie er vn̄de her gawan.niht vnbehoͮt wolten lan.man horte da von den geſten.ih wane daz waren die beſten.ſi chlagten daz da waſ geſchehen.riterſchaft gar ane ir ſehen.vnt daz da veſperie ergiench.daz ir deheiner tioſt enphiench.div chlage waſ gar ane not.wan vngezalt manſ in da bot.allen dieſ geroͮchten.vnde ſi zevelde ſoͮhten.in den gazen choſ man groze ſla.oͮch ſach man her vn̄de da.mange banier trechen in.allez bi deſ manen ſchin.vnde mangen helm von richer choſt.man wolt ſi voͮren gein der tioſt.vnt manch ſper wolgemal.ein regenſpurgare zendal.wære geweſen zeſwachen werde.vor bearotſche vf der erde.man ſach da wapen roke vil.wol richer an der choſte zil.div naht tet nach ir altem ſite.an dem orte ein tach ir zogte mite.den choſ man niht bi lerchen ſanch.manch hurte da vil lvte erchlanch.daz chom von ſtriteſ ſachen.man horte vil ſper da chrachen.alſ ez ware ein wolchen riz.da waſ daz ivnge her von liz.chomen an die von liravoyn.vnde an den chvnch von avendroyn.da erhal manch riche tioſte goͮt.alſo der wurfe in groze gloͮt.ganze chaſtange.avy wie vf dem plange.von den geſten wart geriten.vnde von den buraren geſtriten.Ggawan vn̄de der tſchatalur.dur der ſele auentur.vn̄de dvrch ir ſalden rvrhap.ein phaphe in eine meſſe gap.er ſanch ſi beidiv got vn̄de in.do nahet in wer dcheit gewin.daz waſ ir geſetze.do riten ſi in ir letze.ir zingel waſ da vor behoͮt.mit mangem werden riter goͮt.daz waren tſcheruleſ man.von den wart ez da goͮt getan.waz magih da von ſprchen mer.poydekonivnz waſ her.der reit da zoͮ mit ſolher chraft.ware ſwarz walt ieſlich ſtvde ein ſchaft.man dorfte da nimer waldeſ ſehen.ſwer ſine ſchar wolte ſpehen.der reit mit ſeheſ vanen zoͮ.vor dem man ſtriteſ begunde froͮ.buſunare gaben gedozeſ chlach.alſ der doner der ie da phlach.vil angeſlicher vorhte.manch tambur worhte.mit den buſunaren galm.wart inder da dehein ſtophel halm.getretet deſ en moht ih niht.erphurtare wingarte giht.von tretene noch der ſelben not.vil orſe voͮze ſla da bot.nv chom der herzoge aſtor.mit ſtrite an die von amor.da wurden tioſt gewetzet.manch werder man geſetzet.hinderz orſ vf den acher.ſi waren ir ſtriteſ wacher.vil froͮmder krie man da rief.manch vole an ſinen meiſter lief.deſ herre dort zefoͮzen ſtoͮnt.ich wane dem waſ gevelle chunt.nv ſach min her gawan.daz geflohten waſ der plan.die frivnde vnder der vinde ſchar.er hoͮp oͮch ſich deſ endeſ dar.moͮlich waſ ſin zewarten.div orſ do wench ſparten.tſcheruleſ vn̄de die ſine.gawan ſi braht in pine.Wwaz er da riter nider ſtach.waz er da ſtarcher ſper zerbrach.der werde tavelrunde bote.het er die chraft niht von gote.ſo ware da priſ vur in gegert.da wart erchlenget manch ſwert.im *waren gelic beidiv her.gein den waſ ſin hant zewer.die von liz vn̄de die von gorſ.von beider ſite er mangen orſ.gezogen brahte ſchiere.zoͮ ſineſ wirteſ baniere.vnde fragte opſe iemen wolte da.ir waſ genoͮch die ſprachen ia.ſi wurden algeliche.ſiner geſelleſchefte riche.nv chom ein riter her ge*gevaren.der oͮch div ſper niht chunde ſparen.der burcraue von beauoyſ.vndegawan der kurtoyſ.die chomen an ein ander.daz der ivnge liſauander.hinderm orſe vf den bloͮmen lach.wan er von tioſt gevelleſ phaphlach.daz iſt mir dur den chnapen leit.derſ vorderen tageſ mit zuhten reit.vnde gawane ſeite mare.wie diz ergangen ware.der erbeizte vber ſinen herren nider.gawan in erchande vn̄de gab im wider.daz orſ daz da wart beiaget.der chnape im neich wart mir geſaget.nv ſeheht wa kardefabletkardefabelet.ſelbe vf dem acher ſtet.von einer tioſt mit hurte erchant.die tet meliahganzeſ hant.do zuchten in die ſine enbor.da wart dicch *amor.bi herten ſwertſlegen geſchrit.da waſ enge vn̄de nihtze wit.da hurte gein der hurte dranch.manch helm in in div oren chlanch.gawan nam ſine geſelleſchaft.do ergiench ſin pon*ponder ſo mit chraft.mit ſineſ wirteſ baniere.beſchuter harte ſchiere.von amor den werden.da wart vf die erden.manch riter nider gevellet.geloͮbetz obe ir welet.mir ſint gezivge gar verzaget.wan alſ div aventure ſaget.lechkunſ emuntage.foͮr gein gawane.da wart ein richiv tioſt getan.daz der ſtarche lahdoman.hinderm orſe vf dem acher lach.dar nach er ſicherheite phlach.Dder ſtarche degen wert erchant.div ergie in gawanſ hant.do ſtreit der herzoge aſtor.dem zingel aller naheſt vor.da ergiench manch riterlicher ſtrit.vil ditche nantiſ wart geſchrit.artuſeſ herzeichen.die herten niht die weichen.waſ da manch ellender britaneiſ.vnde ſoldiere von deſtrigeiſ.vz erekeſ landeder tat man da bechande.der phlach dvch de lanvarvnz.oͮch mohte poydeconivnz.die pritane*pritaneyſ alle ledch lan.ſo wart ez da von in getan.ſi wurden artuſe.zer montanie chluſe.abe gevangen da man ſtriten ſach.in einem ſtrume daz geſchach.ſi ſchriten nanteſ nach ir ſiten.do vn̄de ſwa ſi ſider ſtrtenſtriten.ez waſ ir chrie vn̄de ir art.etſlicher troͮch vil grwengrawen bart.ez foͮrt oͮch etſlich brtunbritun.durch bechantnvſe *ein capelun.eint weder vfem helme oder vfeme ſchilt.nahilinoteſ waben gezilt.der waſ artuſeſ werder ſun.waz mach gawan nv toͮn.er ſufte do er div wapen ſach.wan im ſin herze iamerſ iach.ſin oheimeſ ſuneſ tot.braht gawanen in groze not.erechande wol der wapen ſchin.do vber liefen div oͮgen ſin.er lie die von britanie.tûren vf der planige.erne wolte mit in ſtriten niht.alſ man noch vrivntſchefte giht.er reit gein melianzeſ her.do burgare waren ſo zewer.daz manſ in danchen mohte.wan in doch niht getohte.daz velt gein vber chraft zehaben.ſi waren entwichen geime graben.den burgaren mange tioſt da bot.ein riter allent halben rot.der hiez der vngenande.wan in niemen da bechande.ich ſagez iv alſ ich han vernomen.er waſ zoͮ melianze chomen.da vor ame driten tage.deſ chomen die burgare in chlage.MMelianz der helfe ſich bewach.demder erwarp im von ſemlidach.zwelf chnapen die ſin namen war.zer tioſt vn̄de in der ponder ſchar.ſwaz ſper gebieten moht ir hant.div wurden gar vil im verſwant.ſine tioſte waren mit hurte ſnel.wan er den chunch tſchirnel.vnde ſinen broͮder da viench.danoch mer von im da ergiench.der ſicherheit er niht erliez.den herzogen maragliezmarangliez.die waren deſ orteſ herte.ir volch ſich danoch werte.melianz der chunch ſelbe ſtreit.ſwem er liep oder herzeleit.hete getan der moͮſe gehen.daz ſelten e waſ geſchehen.von deheinem alſ iungen man.alſ ez da wart von im getan.ſin hant vil ſtarcher ſchilde chloͮp.waz veſter ſper von in zerſtoͮp.da ſich ponder in den ponder ſloz.ſin ivngez herze waſ ſo groz.daz er ſtriteſ moͮſe geren.deſ nemoͮhte in niemen da geweren.vollchliche daz waſ ein not.vnzer gawane tioſtieren bot.von ſinen chnapen er do nam.: Vers eingerückt, Anfangsbuchstabe nicht abgesetzt, da ein Vers in Spalte b zu weit in Spalte c reicht.der zwelf ſper einz von angram.alſ erz erwarf zemblimzol.melianzeſ chrie waſ barbigol.div werde hoͮbt ſtat in liz.gawan nam ſiner tioſte fliz.div lerte melianzen pin.von oraſtegente ſinſin: ſin ist deutlich abgesetzt, evtl. als nicht dem Ortsnamen zugehörig verstanden?Dder ſtarche ror ime ſchaft.wart da getriben mit hurte chraft.daz tet gawan der werde gaſt.dur den ſchilt in den arm *er braſt.ein richiv tioſt al da geſchach.: Zeigehand links vom Vers .gawan in flvgelingen ſtach.vnde enzwei ſinen hinderen ſatel bogen.daz die helde vur vnbetrogen.hinder den orſen ſtoͮnden.do tatenſe alſ ſi chunden.mit den ſwerten turen.da wære zwein geburen.gedroſchen mer dane genoͮch.ietwedere deſ andern garbe troͮch.die wurden ſtuchoht hingeſlagen.melianz ein ſper moͮſe tragen.daz ſtach den helt dvr den arm.bloͮtch ſweiz im machte warm.do zucht in min her gawan.in preregariezare barbigan.vnt twanch in vmbe ſicherheit.der waſ er im do bereit.ware der ivnge man niht wunt.dane ware ſo haheſ niemen chunt.daz er im wurde vnder tan.man moͮſe in lenger han erlan.libaut deſ landeſ wirt.ſin manheit ellen niht verbirt.mit dem ſtreit der chunch von gorſ.da moͮſen beidiv lute vn̄de orſ.von geſchoze liden pine.da die kahadine.vnt die ſariande von ſemlidach.ieſlicher ſiner chunſte phlach.turcopel chunden wenchen.die burgare moͮſen denchen.waz uinde von ir letze ſchiet.ſi heten ſarieande anphiet.ſwelch wert man da den lip verloſ.obien zorn vnſanfte er choſ.wan ir tumbiv loſheit.vil lute braht in arbeit.eſ engalt ir vater libaut.ſin herre der chunch tſchaut.het eſ in erlazen gardo begunden moͮden al die ſchar.danoch ſtreit vaſte meliahganz.op ſin ſchilt ware ganz.ſin waſ niht hende breit beliben.do hete in verre hin dan getriben.der herzoge kat defablet.der turnei al ſtille ſtet.vf einem bloͮmeinen plan.do chom min her gawan.deſ chom meliahganz in not.wan im der werde lanzelot.nie ſo vaſte zoͮ getrat.do er von der ſwert bruke phat.Cchom dar nah mit im ſtreit.im waſ vanchnuſſe leit.die fro tſchinovere dolte.die er da mit ſtrite holte.do pungnierte loteſ ſun.waz mach meliahganz nv toͮn.ern tribe och dez orſ mit ſporen dar.vil lute nam ir tioſte war.wer hinderm orſe gelage.den der von norwage.gevalt het vf die oͮwe.manch riter vn̄de froͮwe.diſe tioſte ſahen.gawane ſi priſeſ iahen.den froͮwen ez goͮt zeſehene waſ.her nider von dem palaſ.daz mæliahkanz wart getretet.dvr ſinen wapen roch gewetet.mange orſ daz ſit nie groͮſe enbeiz.da viel vf in der bloͮtch ſweiz.da ergiench der orſe ſchelme tach.dar nach den giren ir beiach.do nam der herzoge aſtor.meliahkanzen den von amor.die heten in nach gevangen.der turnei waſ ergangen.wer da nach priſe wol rite.vnde nach der wibe lone ſtrite.lat michſe wol erchennen.ſolt ihſe iv alle nenenen.ich wurde ein vmoͮzch man.inner halp wart ez goͮt getan.dvrch die ivngen obilot.vnt der vor ein riter rot.die zwene behielten da den priſ.vnde fur ſi niemen deheine wiſ.do deſ vzzern herſ gaſt.innen wart daz im gebraſt.dienſt dancheſ von dem meiſter ſin.der waſ gevangen hin in.er reit da er ſine gevangenechnapen ſach.gevangenechnapen: Worte gevangene in diesem und chnapen im nächsten Vers getauscht.zeſinen chnapengevangene er do ſprach.ir herren ir gabet mir ſicherheit.mir iſt hie wider varen leit.Ggevangen iſt der chunc von liz.nv chert allen iwern fliz.ober ledch mvge ſin.mager dar an geniezen min.ſprach er zem chunge von avendroyn.vnt zetſchirnel von liaravoin.vnt zem herzogen meriangliez.mit ſpaher gelubede er ſi liez.von im riten in die ſtat.melianzen er ſi loſen bat.oder daz ſim wurben vmbe den gral.ſi chunden im zedeheinen mal.gezeigen ninder wa der waſ.wan ſin phlage ein chunch hiez anfortaſ.do diſiv rede von i*in geſchach.der rote riter aber ſprach.obe miner bet niht erge.ſo vart da pelrapeire ſte.bringet der chungin iwer ſicherheit.ſaget ir der dur ſi da ſtreit.mit kingrune vn̄de mit clamide.dem ſi nv nach dem grale we.vnde oͮch nach ir minne.nach beiden ih imer ſinne.ſaget ir ih ſande ivch dar.ir helde daz ivch got bewar.mit vrloͮbe ſi riten in.do ſprach er zen chnapen ſin.wir ſin gewinneſ niht verzaget.nemet ſwaz hie orſe ſin beiaget.wan einez lat mir an dirre ſtunt.ir ſeht wol dez min iſt ſere wunt.do ſprachen die chnapen goͮt.genade herre daz ir vnſ toͮt.iwer helfe ſo grozliche.wir ſin nv imer riche.er welt im einez vf ſine vart.mit den churzen oren inguliart.daz dort von gawane giench.innen deſ dor melianzen viench.da erholte deſ roten riteſ hant.deſ wart verdurkelet etſlich rant.mit vrloͮbe tet er dane chere.funzehen orſ oder mere.liez er in ane wunden.die chnapen danchen chunden.Sſi baten in beliben vil.vurbaz geſtozen waſ ſin zil.do cherte der gehivre.da goͮt gemach waſ tivre.er ſoͮhte niht wan ſtritenih wane bi ſinen ziten.iedehein man ſo vil geſtreit.daz vzzer her al zogende reit.gein herben dur gemach.dort inne libaut do ſprach.vnde fragte wiez da ware chomen.ich waner hete vernomen.melianz ware gevangen.daz waſ im liebe ergangen.ez chom im ſit zetroſte.gawan den ermel loſte.ane zerren vome ſchilte.ſinen briſ er hoher zilte.den gap er clauditen.an dem orte vn̄de an dem miten.waſ er dur ſtochen vn̄de dur ſlagen.den bat er obilote tragen.do wart der magede froͮde groz.ir arm waſ blanch vn̄de bloz.dar vber hafte ſin do ſan.ſi ſprach wer hat mir da getan.ſo ſi vur ir ſweſter giench.div diſen ſchimph mit zorne enphie.den ritern den waſ roͮwe not.wan in groz moͮde daz gebot.tſcheruleſ nam gawan.vnt den grauen lahdoman.dan och mer riter er da vant.die gawan mit ſiner hant.deſ tageſ vf dem velde viench.da manch groz hurt ergiench.do ſatzzte ſi riterliche.der burgraue riche.er vn̄de al ſin moͮdiv ſchar.ſtoͮnden vor dem chunge gar.vnze melianz enbeiz.goͮter handelunge er ſich fleiz.deſ duhte gawanen zevil.obe ivz der chunch erloͮben wil.her wirt ſo ſult ir ſitzen.ſprach gawan mit witzen.ſin zuht in dar zoͮ iagte.der wirt die bete veſagte.er ſprach min herre iſt deſ chungeſ man.diſen dienſt het er getan.obe den chunch deſ gezame.daz er ſin dienſt name.min herre ſin dvr zuht niht ſiht.wan er hat ſiner hulde niht.geſament die frivntſchaft imer got.wir leiſten alle ſin gebot.do ſprach der ivnge melianz.*iwer triwe div iſt ſo ganz.die wile daz ich wonte hie.daz iwer rat mich nie verlie.het ih iv baz gefolget do.ſo ſahe man mih hivte fro.Nnv helfet mir graue tſcheruleſ.wan ih iv wol getruwe deſ.vmbe minen herren der mich hie hat.ſi vernement wol bede iwern rat.libaut der ander vater min.toͮ ſine zuht nv an mir nv ſchin.ichne hete ſiner hulde niht verloren.wolte ſin tohter haben enboren.div proͮvete gein mir toren ſchimph.daz waſ vnfroͮlich gelimph.do ſprach der werde gawan.hie wirt ein ſoͮne getan.die niemen ſcheidet wan der tot.do chomen die der riter rot.hin vz hete gevangen.vur den chunch gegangen.vnde ſagten wiez da ware chomen.do gawan hete vernomen.ſiniv wapen der mit in da ſtreit.vnde wem ſi gaben ſicherheit.vnde ſi im ſagten vmbe engral.do dahter deſ wie parzival.diſeſ mærſ ware ein vrhap.ſin nigen er gein himele gap.daz got ir ſtriteſ gegen bîet.deſ tageſ von ein ander ſchiet.deſ waſ ir helendiv zuht ein phant.daz ir dewere wart bechant.ſine erchande oͮch niemen da.daz tet man aber anderſwa.ze melianze ſprach tſcheruleſ.herre ih wil ivh biten deſ.roͮchet minen ſehen.ſweſ vrivnt da bedenchen iehen.deſ ſvlt ir gerne volgen.vnde ſit im niht erbolgen.daz dvhte ſi goͮt vber al.do foͮrten ſin vf deſ vurſten ſal.Vvn̄de daz inner her von der ſtat.libautſ marſchalch ſi deſ bat.do nam min her gawan.den grauen lachdoman.vn̄de ander ſine gevangen.er chom dar zoͮ gegangen.vnde bat ſi geben ſicherheit.die er deſ tageſ abe in erſtreit.tſcheruleſ ſinem wirt.ManegelichMannegelich nv niht verbirt.eren chom alſ da geboten waſ.zebearotſche vf den palaſ.melianze gap div burchræuin.richiv chleider vn̄de ein riſelin.dar ſinen wunden arm in hiench.da gawanſ tioſt durh giench.gawan bi tſcheruleſ enbot.ſiner froͮwen obilot.daz er ſi gerne wolt ſehen.vnde oͮch mit warheite iehen.ſineſ libeſ vnder tan.vnder welle ir vrloͮp han.ſaget ih laze ir den chunch hie.bit ſi ſich bedenchen wie.ſi in alſo behalte.daz priſ ir foͮre walte.deſ antwurte melia*melianz.er obilote wirdet chranz.aller wiplichen goͮte.daz ſenftet mir min gemoͮte.daz ih ir ſicherheit ſol geben.vnde och ir frideſ hie ſol leben.ir ſvlt ſi da vur han erchant.ivch viench hie niemen wan ir hant.ſo ſprach der werde gawan.minen briſ ſol ſi al eine han.tſcheruleſ chom vur geriten.nvne waſ zehove niht vermiten.dane ware maget man vn̄de wip.in ſolher wæte ieſlich lip.daz man da chrancher armer wat.deſ tageſ hete lihten rat.mit melianze zehofe reit.alle die dort vzze ir ſicherheit.zephande heten lazzen.dort elliv vieriv ſazzen.Dder wirt ſin wip vn̄de ſiniv chint.fvr giengen die da chomen ſint.libaut gein ſinem herren ſpranch.vf dem balaſe wart groz gedranch.da er die vinde vn̄de die frivnde enphiench.gawan bi Melianze giench.kunde ez iv niht verſmahen.mit chuſſe ivch wolt enphahen.iwer altiv frivndin.ich meine min wip die herzogin.melianz antwurte im ſan.ih wil ir chuſ Mit groͮze han.zweiger froͮwen die ih hie ſihe.der driten ih niht ſoͮne gihe.deſ weinden die elteren bede do.obilot waſ vaſte froͮ.der chunch mit chuſſe enphangen wart.vnt zwene ander chunge ane bart.alſ tet der herzoge marangliez.gawan man chuſſeſ e niht erliez.vnde er name ſine froͮwen dar.er druchte daz chint wolgevar.alſ ein tochelin an ſine bruſt.deſ twanch in friuntlich geluſt.gawan zemelianze ſprach.iwer hant mir ſicherheit veriach.der ſit nv ledech vn̄de gebet ſi her.aller miner froͮden wer.ſitzet an dem arme min.der gevangen ſult ir ſin.melianz durh daz dar naher giench.div maget gawanen vaſte vmbe viench.obilotobilote da ſicherheit geſchach.da ez manch wert riter ſach.her chunch nv habet ir miſſetan.ſol min riter ſin ein choͮfman.deſ min ſweſter vil geſtreit.daz ir im gabet ſicherheit.ſuſ ſprach div ivnge obilot.melianze ſi dar nach gebot.daz er ſicherheit vergahe.div in ir hant geſchahe.ir ſweſter obien.zeiner amien.ſult ir ſi nemen dur riterſ priſ.zeinem herren vn̄de zeinem amiſ.ſol ſi ivch imer gerne han.ich wileſ ivch deweder halp alreerlan.got vz der ivgen mvnde ſprach.ir bet iewederhalp geſchach.do meiſterte fro minnemit friuntlichem ſinne.vnde herzenlichiv triwe.der zweiger liebe al niwe.OobenOobien hant vuf den Mandel ſleif.melianzeſ arm ſi begreif.vn̄de druchte in an ir roten mvnt.al da er waſ zertioſte wunt.manch zaher ir den arm begoz.der von ir liehten oͮgen floz.waz machte ſi vor der diet ſo balt.daz tet div minne ivnch vn̄de alt.libaut nv ſinen willen ſach.wan im ſo liebe nie geſchach.daz in got der eren niht erliez.ſine tohter er do froͮwen hiez.wie div hochzit ergiench.deſ fraget den der die gabe enphiench.vnde war mannegelich ritæ.er hete gemach oder er ſtrite.deſ mag ih niht ein ende han.man ſagete mir daz gawan.nam vrloͮp vf dem palaſ.dar er durch vrloͮp chomen waſ.daz waſ obilote leit.wan ſi groz weinen niht vermeit.do ſprach ſi herre ſit ih bin.iwer ſo foͮret mich mit iv hin.do wart der ivnge ſoͮzen maget.div bet von gawane verſaget.ir moͮter ſi chume von im gebrach.vrloͮp er do zin allen ſprach.libaut im danchte genoͮch.wan er im holdez herze troͮch.tſcheruleſ ſin ſtolzer wirt.mit al den ſinen niht verbirt.eren rite vz mit dem degene balt.gawaneſ ſtraze in einen walt.giench dar ſander weide man.vnde ſpiſe verre mit im dan.vrloͮp nam der werde helt.gawan gein chumer waſ ver ſelt.Sſwer waſ zebearotſche chomen.doch hete gawan da genomen.den briſ zebeder ſit al ein.wan daz der vor ein riter ſchein.bi rotem wapen vnerchant.deſ priſ man in die hohe bant.gawan het ere vn̄de heil.ietwederſ vollechlichen teil.nv nahet och ſineſ champheſ zit.der walt waſ lanch vn̄de wit.da durch er moͮſe ſtrichen.wolt er champheſ niht entwichen.ane ſchulde er waſ der zoͮ erchoren.nv waſ oͮch inguliart verloren.ſin orſ mit churzen oren.in tabrunit von moren.wart nie bezer orſ erſprenget.nv wart der walt gemenget.hie ein ſchache dort ein velt.etſlichez ſo breit daz ein gezelt.vil chume druffe ſtoͮnde.mit ſehenne gewan er chunde.erbuweneſ landeſ daz hiez aſchalun.do fragter gegen tſchanfenzun.ſwaz im folcheſ wider foͮr.hoch gebirge manch moͮr.deſ het er vil durh ſtrichen dar.do nam er einer burge war.avoy div gap vil werden glaſt.da engene cherte deſ landeſ gaſt.nv horet von auenture ſagen.vnde helfet mir dar vnder chlagen.gawaneſ grozen chumber.min wiſer vn̄de min tumber.die toͮnz dvrch ir geſellcheit.vnde lazzen in mit mir ſin leit.owe nv ſolt ih ſwigen.nein lat vurbaz ſigen.dar etſwenne geluke neich.vnde nv gein vngemache ſeich.diſiv burch waſ gehert ſo.daz eneaſkartigo.nie ſo herlichen vant.da froͮn didon tot waſ minnen phant.waſwaz ſi palaſe phlage.wie vil da turne lage.ir hete acraton genoͮch.div ane babilonie ie troͮch.Manme griffe die hoheſten wite.nach heidene worte ſtrite.ſi waſ alumbe wol ſo hoch.vnt da ſi gein dem mer gezoch.deheinen ſturm ſi wider ſaz.noch grozzen vngefoͮgen haz.der vor lach raſte breit ein plan.dar vber reit her gawan.funfhundert riter oder mer.obe den allen waſ einer her.die chomen im da wider riten.in liehten chleidern wol geſniten.alſ mir div auenture ſagteſagete.ir vederſpil da iagete.den chranch oder ſwaz da vor in floc.ein rauit von ſpange hoch.reit der chunch vergulaht.ſin blich waſ tach wol bi der naht.ſin geſlahte ſante mazadan.vur den berch ze phimurgan.ſin waſ von der pheigen.in dvhter ſahe den meigen.in rehter zit von bloͮmen gar.ſwer nam deſ chungeſ varwe war.gawanen deſ bedvhte.do der chunch ſo gein im luhte.ez ware der ander parzival.vnt daz er gahmvretſ mal.hete alſ diz mare weiz.do er reit in zekanvoleiz.ein reger tet dvrh flvht entwich.in einen moͮrgen tich.den brahten valchen dar gehurt.der chunch ſoͮhte vnrehten furt.in valchen hilfe wart er naz.ſin orſ verloſer vmbe daz.dar zoͮ al div chleider ſin.doch ſchiet er valchen von ir pin.ez namen deͥ valchenare.op daz ir reht iht ware.ez waſ ir reht ſi ſoltenz han.man moͮſe och ſi bi rehte lan.ein ander orſ man im do lech.deſ ſinen er ſich gar verzech.man hiench och ander chleit an in.daz waſ der valchnare gewin.hie chom gawan zoͮ geriten.aphoy nv wart da niht vermiten.erne wurde baz enphangen.dane ze karidol ware ergangen.erekeſ enphahen.do er begunde nahen.Aartuſe nach ſime ſtrite.vn̄de do froͮ enite.ſiner froͮden waſ ein condewier.ſit in malicliſier.daz getwerch ſin vel vnſanfte brach.mit der geiſel daz kinovere ſach.vnt do ze tolmein ein ſtrit.ergiench in dem chreize wit.vmbe den ſparware.ider filnot der mare.im ſine ſicherheit da bot.er moͮſe im bieten fur den tot.die rede lat ſin nv hortz och hie.ih wane ſone gefrieſchet ir nie.werdern antvanch noch groͮz.owe deſ wirt vnſanfte boͮz.deſ werden loteſ chinde.rat irz ih erwinde.vnt ſage iv furbaz niht mere.dur truren toͮn ih wider chere.doch vernemet durh iwer goͮte.wie ein luter gemoͮte.fromder falſch gefrumte troͮbe.obe ih iv furbaz oͮbe.diz mare mit rehter ſage.ſo chomt irſ mit mir in chlage.do ſprach der chunch vergvlaht.herre ih han mich deſ bedaht.ir ſvlt riten dort hin in.magez mit iwern hulden ſin.ih briche iv nv geſellcheit.iſt abe iv min furbaz riten leit.ih laze ſwaz ih zeſchafene han.do ſprach der werde gawan.herre ſwaz ir gebiet.billiche ir ivch deſ niet.daz iſt och ane minen zorn.mit goͮtem willen gar verchoren.do ſprach der chunch von aſchalun.herre ir ſeht wol tſchanphenzun.da iſt min ſweſter vf ein maget.Sſwaz munt von ſchone hat geſaget.deſ hat ſi vollchlichen teil.welt irz nv proͮven fur ein heil.deſwar ſo moͮz ſi ſich bewegen.dazſe iwer vnze ane mih ſol phlegen.ich chum iv ſchier dane ih ſol.oͮch erbeit ir min vil wol.geſehet ir die ſweſter min.iren roͮht wolt ih noch lenger ſin.ih ſihe ivch gerne alſ toͮn ih ſie.doch hant mich groze froͮwen ie.ir werden handelunge erlan.ſuſ ſprach min her gawan.der chunch ſande einen riter dar.vnde enbot der meide daz ſi ſin war.ſo name daz langiv wile.in duhte ein churziv ile.er foͮr dar alſ der chunch gebot.welt ir noch ſwige ih grozer not.nein ih wilz iv furbaz ſagen.ſtrazze vn̄de ein pharit begunden tragen.gawanen gein der porte.an deſ palaſeſ orte.ſwer buweſ ie begunde.baz dane ih ſprechen chunde.von diſeſ buweſ veſte.da lach ein burch div beſte.div ie genant wart ertſtift.vmazen wit waſ ir begrift.der burge lop ſulen wir nv lan.wan ih iv vil zeſagene han.von deſ chungeſ ſweſter einer maget.hie iſt von buwe vil geſaget.die proͮve ih reht alſ ih ſol.waſ ſi ſchone daz ſtoͮnt ir wol.hete ſi dar zoͮ rehten moͮt.daz waſ gein werdcheit ir goͮt.ſo daz ir ſite vn̄de ir ſin.waſ gelich der margrauin.div ditche vome heitſtein.vber al deͥ marke liehte ſchein.Wwol in derz heinliche an ir.ſol proͮven daz geloͮbet mir.der vindet churze wile da.becerebezere vil dane anderſwa.ih mach deſ wol von froͮwen gehen.alſ mir div oͮgen chunnen ſpehen.ſwar ih rede chere zegoͮte.div bedarf wol zuhte hoͮte.nv horet diſe auenture.der getriwe vn̄de der gehivre.ihen roͮche vmbe die vngetriwen.mit durchelen riwen.hantſe alle ir ſælcheit verloren.deſ moͮz ir ſele liden zorn.vf den hof dort fur den palaſ reit.gawan gein der geſellcheit.alſ in der chunch ſande.der ſich ſelben an im ſchande.ein riter der in brahte dar.in foͮrte dazda ſaz div wolgevar.antikonie div chungin.ſol wiplich ere ſin gewin.deſ choͮffeſ het ſi vil gephlegen.vnde alleſ valſcheſ ſich bewegen.da mit ir chuſche priſ erwarp.owe daz ie ſo froͮ erſtarp.von veldeke der wiſe man.der chunde ſi baz gelobet han.do gawan die maget erſach.der bote gie naher vn̄de ſprach.al daz der chunch werben hiez.div chungin do niht enliez.ſi ſprach herre get naher mir.miner zuhte meiſter daz ſit ir.nv gebiet vn̄de leret.wirt iv churzewile gemeret.daz moͮz an iwerem gebote ſin.ſit daz ivh der broͮder min.mir bevolhen hat ſo wol.ich chuſſe ivh obe ih chuſſen ſol.nv gebiet nah iweren mazzen.min toͮn vn̄de min lazzen.mit grozer zuht ſi vor im ſtoͮnt.er ſprach froͮwe iwer munt.iſt ſo chuſlich getan.ih wil iweren groͮz mit chuſſe han.ir munt waſ heiz ditche vn̄de rot.dar an gawan den ſinen bot.da ergiench ein chuſ vngaſtlich.zoͮ der meide zuhte rich.ſaz der wolgeborne gaſt.ſoͮzer rede in niht gebraſt.beidenthalp mit triwen.ſi chunde wol geniwen.er ſine bete ſi ir verſagen.daz begunder herzenlichen chlagen.oͮch bat er ſi genaden vil.div maget ſprach alſ ih ſagen wil.Hherre ſit ir anderſ chloͮch.ſo mageſ dvnchen ivh genoͮch.ich erbivtz iv dvr mineſ broͮder bete.daz ez anphliſegahmuret.minen oheime nie baz erbot.ane bi ligen min triwe ein lot.ame orte vurbaz wage.der vnſ wegenſ rehte phlage.vnt ih neweiz doch herre wer ir ſit.vnt ir an ſo churzer zit.welt mine mine han.do ſprach der werde gawan.mich lert moͮter chunde ſin.ich ſage iv froͮwe wer ih bin.miner baſen broͮder ſun.welt ir genade an mir toͮn.daz enlat niht durch minen art.derſt gein dem iweren ſo bewart.daz ſi vil nach geliche gent.vnt in einer maze ſtent.ein maget begunde in ſchenchen.dar nach ſchiere von in wenchen.mer froͮwen danoch da ſazen.die och deſ niht vergazen.ſi giengen vn̄de ſchoͮfen vmbe ir phlege.oͮch waſ der riter von dem wege.der in dar brahte.gawan deſ gedahte.doſi alle von im chomen vz.daz ditche den grozen ſtruz.vaht ein vil chrancher ar.er grief ir vnder den mandel dar.ih wane er roͮrte irz huffelin.deſ wart gemert ſin pin.von der liebe ſolhe not gewan.beidiv maget vn̄de man.daz da waſ nah ein dinch geſchen.hetz vbel oͮge niht erſehen.deſ willen waſ er gar bereit.nv ſeht do nahtnahte in herze leit.do giench zertur in al da.ein riter blanch wan er waſ gra.Iin waffen heiz er nande.gawanen do ern bechande.da bi er ditche lute ſchrei.owe vn̄de heia hei.mineſ herren den ir ſloͮgetdaz ivh deſ niht gnoͮget.irn notzoget oh ſine tohter hie.dem wafen heiz man folget îe.der ſelbe ſite al da geſchach.gawan zer ivnchfroͮwen ſprach.froͮwe nu gebet iweren rat.vnſer dewederz niht vil wer hie hat.er ſprach wan het ih doch min ſwert.do ſprach div iunchfroͮwe wert.wir ſulen zewer vnſ ziehen.vf ienen turen dort fliehen.der bi der chemenate dort ſtet.genadchliche ez danelihte erget.hie der riter dort der choͮfman.div ivnchfroͮwe erhorte ſan.einen povel chomen vz der ſtat.mit gawaneerſi gein dem turne trat.ir frivnt moͮſe chumber liden.ſi bat ſiz ditche miden.ir chradem vn̄de ir doz waſ ſo.daz ir deheiner marhte do.durh ſtrit ſi giengen gein der tur.gawan ſpranch hin vz der fur.ir in gen er bewarte.einen rigel der den turen beſparte.den zuchter vz der mure.ſine arge nach gebure.entwichen im ditche mit ir ſcharen.div chungin lief her un̄de dar.obe vf dem turne iht ware zewer.gein diſem vngetriwen her.do vant div ivnge reine.ein ſchachzabel geſteine.vnt ein bret wol erleit wit.daz brahte ſi gawane in den ſtrit.an einem iſeninen ringez hiench.da bi ez gawan enphiench.vf diſen vier eken ſchilt.wart ſchahtzabelſ vil geſpilt.der wart im ſere zerhoͮwen.nv hort och von der froͮwen.ez ware chunch oder rok.daz warf ſi gein den vinden doch.ez waſ groz vn̄de ſware.man ſaget von ir div mare.ſwen da erreichte ir wurfeſ ſwanch.der ſtruhte ane ſinen danch.Ddiv chunginne riche.ſtreit da riterliche.bi gawane ſi werlichen ſchein.daz div choͮf wip zetollen ſteine.an der vaſnaht nie baz geſtriten.wan ſi toͮndez von gampel ſiten.vnde moͮnt ane not ir lip.ſwa harnaſch ramech wirt ein wip.div hat ir rehtſ vergezen.ſol man ir chuſche mezen.ſine toͮ ez dane dvrh triwe.antikonien riwe.wart zetſchanfenzun erzeiget.vnt ir hoher moͮt geneiget.in ſtrite ſi ſere weinde.vil wol ſi daz beſcheinde.daz vrivntlich liebe iſt ſtæte.waz gawan do tæte.ſwenne im div moͮze geſchach.daz er die maget reht erſach.ir mvnt ir oͮgen vn̄de ir naſen.baz geſchicht an ſpize haſen.ih wane den geſahet ir nie.danne ſi waſ dort vn̄de hie.zwiſchen der huf vn̄de ir bruſt.minne gerndegeluſt.chunde ir lip wol gereizzen.irn geſahet nie ameizzen.div bezzerſ gelencheſ phlach.dane ſi waſ da gerder gurtel lach.*daz gap ir geſellen.gawane manlich ellen.ſi trurte mit im in der not.ſin benantez giſel waſ der tot.vnde anderſ dehein gedinge.gawanen wach vil ringe.vinde haz do er die maget erchoſ.da von ir vil den lip verloſ.do chom der chunch vergulaht.der ſach die ſtritchlichen maht.gein gawane chriegen.ihne welle ivh dane triegen.ſone mag ih in niht beſchonen.eren welle ſich ſelben honen.an ſinem werden gaſte.der ſtoͮnt zewer alvaſte.do tet der wirt ſelbe ſchin.daz mih riwet gandin.der chunch von anſchoͮwe.daz ein ſo werdiv froͮwe.ſin tohter ie den ſvn gebar.der mit vngetriwer ſchar.ſin volch bat ſtriten ſereſere ſtriten.gawan moͮſe biten.vnze der chunch gewapent wart.der hoͮp ſich ſelbe an ſtriteſ vart.gawan do moͮſe entwichen.iedoch vnlaſterlichen.vnderſ turneſ tur er wart getan.nv ſeht do chom der ſelbe man.der in champhliche anſprach.vor artuſe daz geſchach.Dder lantgraue kingrimvrſel.gram dur ſwarten vn̄de durch vel.durh gawaneſ not er ſine hende want.wan deſ waſ ſin triwe phant.daz er da ſolte haben fride.ez enware daz eineſ manneſ lide.in in champhe twungen.die alten vn̄de die ivngen.treip er vome turne wider.den hiez der chunch brechen nider.kingrimurſel do ſprach.hin vf da er gawanen ſach.helt gim mir fride zoͮ dir hin in.ih wil geſellchlichen pin.mit dir han in dirre not.mich moͮz der chunch ſlahen tot.oder ih behalte dir din leben.gawan den fride begunde geben.der lantgraue ſpranch zoͮ im dar.deſ zwifelte div vzzer ſchar.er waſ oͮch burgraue al da.ſi waren ivnch oder gra.die blugten an ir ſtrite.gawan ſpranch an die wîte.alſ tet oͮch kingrimurſel.gein ellen ſi bede waren ſnel.der chunch mante die ſine.wie lange ſulen wir pine.von diſen zwein mannen phlegen.mineſ veteren ſun hat ſich bewegen.er wil ernern diſen man.der vnſ den ſchaden hat getan.den er billichen rache.obe im ellenſ niht gebrache.genoͮge denſ ir triwe iach.churen einen der zem chunge ſprach.Hherre moͮze wirz iv ſagen.der lantgraue iſt vnerſlagen.hie von manger hende.got ivch an ſite wende.die man iv vervahe baz.werltlich briſ iv ſinen haz.teilt erſlaht ir iweren gaſt.ir ladet vf ivch der ſchanden laſt.ſo iſt der ander iwer mach.in deſ geleite ir diſen bach.hevet daz ſult ir lazzen.ir ſit der von verwazzen.gebet vnſ einen fride her.die wile daz dirre tach wer.der fride ſi och diſe naht.weſ ir ivch drumbe habet bedaht.daz ſtet danoch datze iwere hant.ir ſit gebriſet oder geſchant.min froͮwe antikonie.vor valſcheit div frie.dort alweinde bi iv ſtet.obe iv daz niht zeherzen get.ſit ivch bede ein moͮter troͮch.ſo denchet herre obe ir ſit chloͮch.ir ſandet in der magede her.ware niemen ſineſ geleiteſ wer.er ſolt iedoch dur ſi geneſen.der chunch liez einen fride weſen.vnze er ſich baz beſprache.wier ſinen uater rache.vnſchuldch waſ her gawan.ez hete ein ander hant getan.wan der ſtolze ekunat.eine lanzen durh in lerte phat.do er lofreiden fiz idol.foͮrte gegen barbigol.den er bi gawane viench.dur den diſiv not ergiench.do der fride wart getan.daz volch hoͮp ſich von ſtrite ſan.manegelich zeherbergen ſin.antikonie div chungin.ir veteren ſun vaſte vmbe viench.manch chuſ an ſinen munt ergiench.daz er gawanen het ernert.ſich ſelben vntat erwert.ſi ſprach dv biſt mineſ vetern ſun.dvne chanſt dur niemen miſſe toͮn.welt ir nu horen ih toͮn iv chunt.wa von e ſprach min munt.daz luter gemoͮte getroͮbet wart.gevnert ſi div ſtriteſ vart.Ddie zetſchanfenzvn tet vergulaht.wan daz waſ im niht geſlaht.von vater noch von moͮter.der iunge man vil goͮter.von ſchem leit vil grozen pin.do ſin ſweſter div chungin.in begunde fehen.man horte in ſere flegen.do ſprach div ivnchfroͮwe wert.her vergulaht troͮge ih dez ſwert.vnde ware von gotſ gebot ein man.daz ih ſchilteſ ambet ſolte han.iwer ſtriten ware hie gar ferdaget.do waſ ih ane wer ein maget.wan daz ih troͮch doch einen ſchilt.vf den iſt werdcheit gezilt.deſ wapen wil ih nennen.obe ir roͮchet div bechennen.goͮt gebarde vn̄de chuſcher ſite.den zwein wont vil ſtate mite.den bot ih fur den riter min.den ir mir ſandet da her in.anderſ ſchermeſ het ih niht.ſwa man ivch nv bi wandel ſiht.ir habt doch an mir miſſetan.obe wiplich priſ ſin reht ſol han.ih horte ie ſagen ſwa ez ſo gezoch.daz man gein wibeſ ſcherme floch.da ſolt ellenthaftez iagen.an ſinem ſtrite gar verzagen.op da ware manlich zuht.her vergulaht iwerſ gaſteſ fuhtfluht.dier gein mir tet vur den tot.lert iwern briſ noh laſterſ not.kingrimurſel do ſprach.herre vf iweren troſt geſach.daz ih dem hern gawan.vf dem blimzoleſ plan.gap fride in iwer lant.iwer ſicherheit waſ phant.obe in ſin ellen troͮge her.daz ih deſ vur ivch wurde wer.in beſtoͮnde hie niht wan einc man.herre da bin ih gechrencht an.hie ſehen mine genoze zoͮ.diz laſter iſt vnſ gar zefroͮ.Cchunnet ir niht furſten ſchonen.wir chrenchen oͮch die chronen.ſol man ivh bi zuhten ſehen.ſo moͮz deſ iwer zuht vergehen.daz ſippe reicht abe iv an mih.ware daz ein chebeſlicher ſlich.min halp ſwa vnſ div ware gezilt.ir hetet ivh gahenſ gein mir befilt.wan ih bin ein riter doch.an dem nie valſch wart funden noch.oͮch ſol min briſ erwerben.daz icheſ ane moͮze ſterben.deſ ih vil wol getruwe gote.deſ ſi min ſalde gein im bote.doch ſwa diz mare wirt vernomen.artuſeſ ſweſter ſun ſi chomen.in minem geleite vf tſchanfenzun.franzoiſ olde pritun.provenzale oder burgoniͦſ.galiciane ode von ponturtoiſ.erhorent die gawanſ not.han ih priſ derſt dane tot.mir frumet ſin angeſlicher ſtrit.vil engez lop min laſter wit.daz ſol mir froͮde wenden.vnde mih vf eren phenden.do diſiv rede waſ getan.do ſtoͮnt einer deſ chungeſ man.der waſ geheizen lidamuſ.kiot nenet in ſelbe ſuſ.kiot latſchanture hiez.den ſin chunſt niht erliez.eren ſunge vn̄de ſprache ſo.deſ noch genoͮge werdent froͮ.kiot iſt ein provenzal.der diſe aventure von parzival.heidenſch geſchriben ſach.ſwaz er enfranzoiſ geſprach.bin ih niht der witze laz.daz ſage ih tuſchen furbaz.Ddo ſprach der furſte lidamuſ.waz ſolt der in mineſ herren huſ.der im ſinen vater ſloͮch.vn̄de daz laſter im ſo nahen troͮch.iſt min herre wer bechant.ez richet al hie ſin ſelbeſ hant.ſo gelte ein tot den andern tot.ih wane gelich ſin diſe not.nv ſeht wie gawan do ſtoͮnt.alreſt waſ im groz angeſt chunt.do ſprach kingrimurſel.ſwer mit der rede ware ſo ſnel.der ſolt och gahen in den ſtrit.ir habet gedrenge olde wit.man mach ſih iwer lihte erweren.her lidamuſ vil wol erneren.truwe ih vor iu diſen man.ſwaz er iu hete getan.ir liezet ez vnerochen.ir habet ivh gar verſprochen.man ſol iv wol geloͮben.daz ivh nie manneſ oͮgen.geſahen zevorderſte da man ſtreit.iv waſ ie ſtriten wol ſo leit.daz ir der fluht begundet.danoch ir mer wol chundet.ſwa man ie gein ſtrite dranch.da tatet ir wibeſ wider wanch.ſwelch chunch ſich lat an iweren rat.vil twerheſ dem ſin chrone ſtat.da ware von minen handen.in chreize beſtanden.gawan der ellenthafte degen.deſ hete ih mich gein im bewegen.der champh ware al hiegetan.wolt eſ min herre geſtatet han.der treit mit ſunden minen haz.ich getruwte im ander dinge baz.her gawan lobet mir her vur war.daz ir von hivte vber ein iar.mir zegegen rede ſtet.mit champhe obe ez ſo hie erget.daz iv min herre lat dez leben.da wirt iv champh von mir gegeben.ich ſprach ivch an zemblimzol.nv ſi der champh zebarbigol.vor dem chunge melianze.der ſorgen zeinem chranze.Ttrage ih vnze vf daz teidinch.daz ih chum gein iu in den rinch.da ſol mir ſorge toͮn bechant.iwer werlichiv hant.gawan der ellenſ riche.bot gezogenliche.nach dirre bet ſicherheit.do waſ mit rede al da bereit.der herzoge lidamuſ.begunde oͮch ſiner rede alſuſ.mit ſpahlichen worten.al da ſiz alle horten.er ſprach wan im waſ ſprechenſ zit.ſwa ih chom zoͮme ſtrit.han ih da vehtenſ phlihte.ode fluht mit vngeſchihte.bin ih verzagetliche ein zage.olde obe ih priſ alda beiage.her lantgraue deſ dancht ir.alſ irz gebroͮven chunnet an mir.enphahe iheſ nimer iwern ſolt.ih bin iedoch mir ſelbem holt.ſuſ ſprach der riche lidamuſ.welt irz ſin her turnuſ.ſo lat mih ſin her tranzeſ.vnde ſtrauet mih ir wizet weſ.vnde hevet ivch niht zegroze.obe ir furſten vnſere genoze.der edeleſte vn̄de der hoheſte birt.ih bin och landeſ herre vn̄de landeſ wirt.ich han in galicia.beidiv her vn̄de da.mange burch vnze an vederun.ſwaz ir vn̄de ieſlich britun.mir da zeſchaden muget getoͮn.ih engeflohen nimer vor iv hoͮn.her iſt von britanie chomen.gein dem ir champh habet genomen.nv rechet herren vn̄de mach.mih ſol vergen iwer bach.iwern veteren ir waret ſin man.ſwer im ſin leben an gewan.da recht ez ih entet im niht.ih wane mirſ och iemen giht.iweren veteren ſol ih wol verchlagen.ſin ſun die chrone nach im ſol tragen.derſt mir zeherren hoch genoͮch.div chungin flurdamurſ in troͮch.ſin vater waſ kingriſin.ſin ane der chunch gandin.ih wil ivh gar beſcheiden deſ.gahmuret vn̄degaloeſ.ſine oheime waren.ich enwelle ſin anderſ varen.ich mahte mit eren von ſiner hant.mit vanen enphahen min lant.Sſwer vehten welle der toͮ daz.bin ih gein dem ſtrite laz.ih freiſche iedoch div mare wol.ſwer briſ ime ſtrite erhol.deſ danchen im div ſtolzen wip.ih wil dur niemen minen lip.verleiten in zeſcharphen pin.waz wolfhartſ ſolt ih ſin.mirſt in den ſtrit der wech vergrabet.gein vehtene div gir verhabet.wurdet ir mirſ nimer holt.ih tate e alſ rumolt.dem chunge gunther riet.do er von wormeze gein den hunen ſchiet.er bat im lange ſniten bæn.in einem chezel vmbe dræn.der lantgraue ellenſ riche.ſprach ir reit dem geliche.alſ manger weiz an iv vur war.iwer zit vn̄de iwer iar.ir ratet mir dar ih wolt doch.vnt ſprechet ir tatet alſ riet ein choch.den choͮnen nibelungen.die ſich vnbetwungen.vz hoͮben da man an in rach.daz ſifride da vor geſchach.mich moͮz her gawan ſlahen tot.olde ih gelere in rache not.deſ volge ih ſprach lidamuſ.wan ſwaz ſin oheim artuſ.hant vn̄de die von india.der mirz hie gabe alſ ſiz hant da.der mirz ledchliche brahte.ich liezez e ih vahte.nv behaltet briſ deſ man iv giht.ſegremorſ enbin ih niht.den man durh vehten binden moͮz.ich erwirbe ſuſ wol chungeſ groͮz.ſibeche nie ſwert erzoch.er waſ ie gerne da man floch.doch moͮſe man in flegen.groz gabe vn̄de ſtarchiv lehen.Eenphie er von ermenrich genoͮch.nie ſwert er doch durh helm geſloͮch.mir wirt verſchert nimer vel.durh ivh her kingrimurſel.deſ han ih mih gein iv bedaht.do ſprach der chunch vergulaht.ſwiget iwere wehſel mare.ez iſt mir von iv beiden ſware.daz ir der worte ſit ſo fri.ich bin iv alzenahen bi.zeſuſ getanem brahte.ez ſtet iv noch mir niht rehte.diz waſ vf dem palaſ.da ſin ſweſter chomen waſ.bi der ſtoͮnt her gawan.vnde anderſ manch werder man.der chunch ſprach zer ſweſter ſin.nv nim den geſellen din.vnt den lantgrauen zoͮ dir.die mir goͮteſ gunen die gen mit mir.vnde rat mir dez wageſte daz ih toͮ.ſi ſprach da lege dine triwe zoͮ.nv gie der chunch an ſinen rat.div chungin genomen hat.ir veteren ſun vn̄de ir gaſt.dez drite waſ der ſorgen laſt.ane miſſe wende.ſi nam gawangawanen mit ir hende.vnt foͮrt in da ſi wolt weſen.ſi ſprach zim waret ir niht geneſen.deſ heten ſchaden elliv lant.an der chunginne hant.giench deſ werden loteſ ſun.er mohtz och do vil gerne toͮn.in die chemnaten ſan.giench div chungin vn̄de die zwene man.vor den andern beleip ſi lare.deſ phlagen chamerare.chleiniv ivchfroͮwelin.vil dort inne moͮſe ſin.div chungin mit zuhten phlach.gawaneſ der in ir herzen lach.da waſ der lantgraue mite.der ſchiet ſich ninder von dem ſite.Ddoch ſorgte vil div werde maget.vmbe gawanſ lip wart mir geſaget.ſuſ waren die zwene da inne.bi der chunginne.vnze daz der tach lie ſinen ſtrit.div naht chom do waſ ezenſ zit.moraz win lutertranch.brahten ivnchfroͮwen da enmiten chranch.vnde ander goͮte ſpiſevaſan pardriſe.goͮte viſche vn̄de blanchiv waſtel.*gawan vn̄dekingrimurſel.waren chomen vz grozer not.ſit ez div chungin gebot.ſi azen alſ ſi ſolden.vn̄de ander dieſ iht wolden.antikonie in ſelbe ſneit.daz waſ dur zuht in beiden leit.ſwaz man da chinder ſenchen ſach.irne heinen div hoſeneſtel brach.ez waren meide von der zit.den man div beſten iar da git.ih bin deſ vnervaret.heten ſi geſcharet.alſ ein valche ſin gevidere.da rede ih niht widere.nv hort e ſih der rat geſchiet.waz man deſ landeſ chunge riet.die wiſen heter zim genomen.an ſinen rat die waren chomen.ieſlicher ſinen willen ſprach.alſ im ſin beſter ſin veriach.do mazen ſiz an mange ſtat.der chunch ſine rede och horen bat.er ſprach ez wart mit mir geſtriten.ich chom durh auenture geriten.inz voreiſ læhtamriſ.eineinem riter alzehohenalzehoher briſ.in dirre wochen an mir geſchach.wan er mih flugelingen ſtach.hinderz orſ alſunder twal.er twanch mih deſ daz ih den gral.gelobte im erwerben.ſolt ih nv drumbe ſterben.ſo moͮſe ih leiſten ſicherheit.die ſin hant an mir erſtreit.da ratet vmbe deſ iſt not.min beſter ſchilt waſ fur den tot.daz ih dar vmbe bot mine hant.alſ iv mit rede iſt hie bechant.er iſt manheit vn̄de ellenſ her.der helt gebot mir danoch mer.daz ih ane arge liſte.inner iarſ friſte.obe ih erwurbe deſ graleſ niht.daz ih ir chome der man da giht.der chrone ze pelrapeire.ir vater hiez tampunteire.ſwene ſi min oͮge an ſahe.daz ih ſicherheit ir iahe.Eer enbot ir ob ſi dahte an in.daz ware an froͮden ſin gewin.er warz der ſi loſte e.von dem chunge clamide.do ſi die rede horten ſuſ.do ſprach aber lidamuſ.mit dirre herren vrloͮbe ich nv.ſpriche och raten ſi der zoͮ.ſweſ ivh dort twanch der eine man.deſ ſi hie phant her gawan.der federſlaget vf iweren chloben.bit in iv vor vnſ allen loben.daz er iv den gral gewinne.lat in mit goͮter minne.von iv hinnen riten.vnde nach dem grale ſtriten.die ſcham wir alle moͮſen chlagen.wurder in iwerem huſe erſlagen.nv vergebet im ſine ſchulde.durh iwere ſweſter hulde.er hat hie erliten groze not.vnde moͮz nv cheren in den tot.ſwaz erden hat vmbe ſlagen daz mer.ſone geſtoͮnt nie huſ ſo wol zewer.alſ muntſalvatſche ſwa div ſtet.von ſtrite ruher wech dar get.bi ſinem gemach in hint hie lat.morgen ſage man im den rat.deſ volgten al die rat geben.ſuſ behielt her gawan da ſin leben.man phlach deſ heldeſ vnverzaget.deſ nahtſ da wart mir geſaget.daz harte goͮt waſ ſin gemach.do man den miteren morgen ſach.vnt man meſſe geſanch.vf dem palaſe wart groz gedranch.von povel vn̄de von werder diet.der chunch tet alſ man im riet.er hiez gawanen bringen.den wolter nihteſ dwingen.wan alſ ir ſelbe habet gehort.nv ſeht wa in brahte dort.antikonie div wol gevar.ir vetern ſun chom mit imir dar.vnde ander genoͮge deſ chungeſ man.div chungin foͮrte gawan.fur den chunch an ir hende.ein tſchappel waſ ir gebende.ir munt den bloͮen nam den briſ.vf dem tſchappele deheine wiſ.ſtoͮnt ninder deheiniv alſ rot.ſwem ſi goͮtliche ir chuſſen bot.deſ moͮſe ſwenden ſich der walt.mit manger tioſt vngezalt.mit lobe wir ſolten groͮzen.die chuſchen vn̄de die ſoͮzzen.die maget antikonien.vor valſcheit die frien.wan ſi lebet in ſolher ſiten.daz ninder waſ vnder riten.Iir briſ mit valſchen worten.alle die ir briſ gehorten.ieſlich munt ir wunſchte do.daz ir briſ beſtoͮnde alſo.bewart vor aller valſchen iehe.luter virrech alſ ein valchen ſehe.waſ balſem mazch ſtæte an ir.daz riet ir werdchlichiv gir.div ſoͮze ſalden riche.ſprach gezogenliche.broͮder hie bringe ih den degen.deſ dv mih ſelbe hieze phlegen.nv laze in min genziengenzizen.deſ enſol dih niht verdriezzen.denche an broͮderliche triwe.vnt toͮ daz ane riwe.derdir ſtet manlichiv triwe baz.dane daz dv doleſt der werdewerlde haz.vnt den minen chunde ih hazen.den lere mih gein dir mazen.do ſprach der werde ſoͮze man.daz toͮn ih ſweſter obe ih chan.dar zoͮ gip ſelbe dinen rat.dich dunchet daz mir miſſetat.werdcheit habe vnder ſwungen.von briſe mih gedrungen.waz tohte ih dane zebroͮder dir.wan dienden alle chrone mir.der ſtoͮde ih abe durh din gebot.din hazzen ware min meiſtiv not.mirſt vnmære froͮde vn̄de ere.wan nach diner lere.her gawan ih wil ivch deſ biten.ir chomet durh priſ da her geriten.nv toͮtez durch briſeſ hulde.helfet mir daz mine ſchulde.min ſweſter vf mich verchieſe.e dane ih ſi verlieſe.Iih verchivſe vf ivh min herzeleit.welt ir mir geben ſicherheit.daz ir mir werbet ſunder twal.mit goͮten triwen vmbe den gral.da wart div ſoͮne geendet.vnde gawan geſendet.an dem ſelben male.durch ſtriten nach dem grale.kingrimurſel och verchoſ.vf den chunch der in da vor verloſ.daz er im ſin geleite brach.vor al den furſten daz geſchach.da ir ſwert waren gehangen.div waren in vnder gangen.gwaneſgawaneſ chnapen an der ſtriteſ ſtunt.daz ir deheiner waſ worden wunt.ein gewaltch man von der ſtat.der in frideſ vor den anderen bat.der vieſe vn̄de leitſe in priſun.ez ware franzieiſ ode pritun.ſtarche chnappen vn̄de chleiniv chint.von ſwelhem lande ſi chomen ſint.die brahte man ledchlichen.gawane dem ellenſ richen.do in div chint erſahen.do wart groz vmbevahen.etſlichez ſich weinende an in hiench.daz weinen doch von liebe ergiench.von kurnewalſ mit im da waſ.conſ liaz fiz tinaſ.ein edel chint wont im och bi.duch gandiluz fiz gurzgri.der durh tſchoidelahgurt den lip verloſ.da manch froͮwe ir iamer choſ.liaze waſ deſ chindeſ baſe.ſin mvnt ſin oͮgen vn̄de ſin naſe.waſ zereht der minnen chern.aldiv werlt ſach in gern.dar zoͮ ſeheſ andriv chindelin.die ahte ivncherren ſin.waren geburte deſ bewart.elliv von edel hoher art.ſi waren im vmbe ſippe holt.vnt dienden im vf ſinen ſolt.werdcheit gap er zelone.vnde phlach ir anderſ ſchone.gawan ſprach zenchindelin.o wol iv lieben mage min.mih deſ ir wolt mih chlagen.obe ih ware al hie erſlagen.man mohte in chlage getruwen wol.ſi waren doch ſuſ in iamerſ voldol.er ſprach mir waſ vmbe ivh vil leit.wa wart ir do man mit mir ſtreit.ſi ſagetenz im ir deheiner loͮch.ein muzſprinzelin enphloͮch.vnſ do ir bi der chungin.ſazet da liefen wir elliv hin.Ddie da ſtoͮnden vn̄de ſazen.die merchenſ niht vergazen.do proͮveten daz her gawan.ware ein manlich hofſch man.vrloͮbeſ er do gerte.deſ in der chunch gewerte.vnt daz volch algemeine.wan der lantgraue eine.die zwene man vn̄de div chungin.vnde gawaneſ ivncherrelin.ſi foͮrteſe da ir phlagen.ivnchfroͮwen ane bagen.do nam ir wol mit zuhten war.manch froͮwe wol gevar.do gawan enbizen waſ.ih ſage iv alſ kiot laſ.durh herzenliche triwe.hoͮp ſich da groziv riwe.er ſprach zer chunginne.froͮwe ih han die ſinne.ſol mir got den lip bewaren.ſo moͮz ih dienſtlichez varen.vnt riterlich gemoͮte.iwerre wiplichen goͮte.zedienſte imer cheren.wan ivch chan ſælde leren.daz ir habet valſche an geſiget.iwer briſ vur alle briſe wiget.geluche ivh moͮze ſælden weren.froͮwe ih wil vrloͮbeſ geren.den gebt mir vn̄de lat mih varen.iwer zuht moͮze iweren briſ bewaren.ir waſ ſin dan ſcheiden leit.do weinde durh geſellcheit.mit ir manch froͮwe clar.div chungin ſprach ane allen var.het ir min genozen mer.min froͮde ware gein ſorgen her.nv maht iwer fride niht bezer ſin.vnde geloͮbet ſwenne ir lidet pin.obe ivh vertreit riterſchaft.in riwebare chumberſ chraft.ſo wizet min her gawan.deſ ſol min herze phlihte han.Zzefluſte olde zewinne.div edele chunginne.chuſte den gawanſ mvnt.der wart an froͮden vngeſunt.daz er ſo gaheſ von ir reit.ih wane ez waſ in beiden leit.ſine chnappen heten ſih bedaht.daz ſiniv orſ waren braht.vf den hof vur den palaſ.al da der linden ſchate waſ.oͮch waren dem lantgrauen chomen.ſine geſellen ſuſ han ih vernomen.der reit mit im vz vur die ſtat.gawan in zuhtchlichen bat.daz er ſich arbeite.vnde ſin gezoch im leite.ze bearotſche da iſt tſcheruleſ.den ſulen ſi bede biten deſ.geleiteſ zedianazdrun.da wonet etſlich britun.der ſi bringet an den herren min.oder an tſchinoveren die chungin.daz lobt im kingrimurſel.vrloͮp nam der degen ſnel.gringuliet wart gewapent ſan.daz orſ vn̄de min her gawan.er chuſte ſine mage div chindelin.vnde oͮch die ſtarchen chnapen ſin.nach dem grale im ſicherheit gebot.er reit al eine gein wunderſ not.Ttoͮt vf wem wer ſit ir.ih wil inz herze din zoͮ dir.ſo gert ir zengem rume.waz dane belibe ih chume.min dringen ſoltv ſelten chlagen.ich wil dir nv von wunder ſagen.ia ſit irz froͮ auenture.wie vert der gehivre.ich meine den werden parzival.den gundrie nach dem gral.mit vnſoͮzen worten iagte.da manch froͮwe chlagte.daz niht wendch wart ſin reiſe.von artuſe dem britaneiſe.hoͮp er ſich do wie vert er nv.den ſelben maren griffet zoͮ.ober an froͮden ſi verzaget.olde hat er hohen briſ beiaget.vnt obe ſin ganziv werdcheit.ſi beidiv lanch vn̄de breit.olde iſt ſi churz olde ſmal.nv proͮvet vnſ die ſelben zal.waz von ſin handen ſi geſchehen.hat er mvntſalvatſche ſit geſehen.vnt den ſoͮzen anfortaſ.deſ herze do ſo trurch waſ.durh iwer goͮte gebet vnſ troſt.op der von chumber ſi erloſt.lat horen vnſ div mare.obe parzival da ware.beidiv iwer herre vn̄de oͮch der min.erluht mir die foͮre ſin.der ſoͮzen herzeloide barn.wie hat gahmvretſ ſun gevaren.ſit er von artuſe reit.ober liep olde herzeleit.ſit habe bezalt an ſtrite.habet er ſih an die wite.olde hat er ſider ſich verlegen.ſaget mir ſin ſite vn̄de al ſin phlegen.nv toͮt vnſ de auenture bechant.er habe erſtrichen manch lant.ze orſe vn̄de in ſcheffen vf dem wach.ez ware lant man oder mach.der tioſte ponder gein im mazdaz der deheiner nie geſaz.ſuſ chan ſin wage ſeigen.ſin ſelbeſ priſ vf ſteigen.die anderen leren ſigen.in mangen herten wigen.Hat er ſich ſchunpheture erwert.: Ab diesem Vers Schriftwechsel. Der Zeilenanfang wird bis zum Ende der Spalte eingerückt. In der neuen Schrift wird der erste Buchstabe der Zeile nicht mehr wie vorher von der übrigen Zeile abgerückt und ist darüber hinaus prinzipiell eine Majuskel und nicht mehr eine Minuskel.Den lip gein ſtrit alſo gezert.Swer priſ ze im wolde borgeder mvͦſ ez tuͦn mit ſorgen.Sin ſwert daz im anfortaſ.gap do er bi dem grâle waſ.Braſt ſit do er beſtanden wart.Do machenztmachtenzt ganz der brunnen art.Bi karnant der heizzet lach.Daz ſwert gehalf im briſe beiach.Swerz niht geloͮbit der ſundet.Div auenture vnſ chundet.Daz parzivâl der degin palt.Chom geriten vf einen walt.Ih ne weiz zewelhen ſtunden.Alda ſiniv oͮgen funden.Eine chloſen niͮweſ boͮweſ ſten.Da durch einen ſnellen brunnen gen.Ein halp ſi drubir waſ giworht.Der iunge degen vner uorhte.Reit durch auenture ziver ſuechen.Sin wolt got do geruͦchen.Er vant eine chloſenarinne.Div durch die goteſ minne.Ir froͮde vnde ir magetuͦme gap..v.Wippilicher ſorgen urhap.Vz ir herzen bloͮt al niͮwe.Vnt doch durch alte triͮwe.Schianatulander.Vnde ſigvnen vander.Der helt lac dinne bigrabin tôt.Ir lebin leit vf dem ſarche nôt.Sigenune dezeſſehort ſelten meſſe.Ir lebin waſ doch ein veinie gar.Ir ditcher munt heiz rot geuar.Waſ do erblichen vn̄de bleich.Sit wertlich froͮde ir gar geſweich.Ez erleit nie maget ſo hohen pin.Durch chlage ſi muͦſe al eine ſin.DvRch minne div an im erſtarp.Daz ſi der furſte niht erwarp.Si minnete ſenen toten lip.Ob ſi worden ware ſin wip.Da hete ſich fro lunet.Geſumet an ir gahen bet.Alſ ſi riet ir ſelbin froͮwen.Man mac noch ditche ſchoͮwen.Froͮwe luneten riten zuͦ.Etſlichem rait gar zefroͮ.Swelch wib nu durch geſelleſchaft.Verbirt vn̄de durch ir zuhte chraft.Phlihte an froͮmeder minnȩ.Alſ ih mi uirſinne.lat ſiſ bi ir manneſ lebin.Dem wart an ir der wunſch gegebin.Dehein beiten ſtet ir alſ wol.Daz erziuge alſ ih ſol.Dar nach toͮ alſ iz lere.Behalt ſi dannoch alſ ez lereere.Behalt: Der Faks.Bd. transkribiert "dehalt", Lachmann liest richtig "Behalt". Das "B" ähnelt zwar dem "d", läßt sich aber bei genauerem Vergleich durchaus unterscheiden.Sine treit deheinen ſo liͤhten chranz.Gêt ſi durch fruͦde an den tanz.Weſ mizze ich fruͦde zuͦ der nôt.Alſ ſigenun ir triͦwe gebôt.triͦwe: Das Faks. schreibt "truͦwe". Ein "u" ist aber nicht erkennbar. Hingegen ist das übergeschriebene "o" eindeutig.Daz mohte ich gerne lazen.Vbir ronen an ſtrazen.Parziual fur daz uenſter reit.Al zenahen daz waſ im leit.Do wolde er uragen vmbe den walt.Ode war ſin reiſe wære gizalt.ER gerte der gegin rede alda.Iſt iemen drinne ſi ſprach ia.Do er horte daz ez froͮwen ſtimme was.her dân vf vngetret garas.Warf erz orſ uil drate.Ez duhte in al zeſpate.Daz er niht waſ erbeizet e.Diu ſelbe ſcham tet im uil we.Er bant daz orſ uil uaſte.Zeinſ geuallen ronen aſte.Sinen durcheln ſchilt hie er oͮch dran.Do der chuſche frauil man.Durch zuhte ſin ſwert uon im gebant.Er gie fuͦr daz uenſter zuͦ der want.Do wolde er fragin mære.Diu chloſe waſ froͮdin lære.dar zuͦ aller ſchimphe bloz.Er uant da niht wan gameriamer groz.gameriamer: Faks. schreibt "Jamer"; das kann nicht stimmen. Zudem ist das zu korrigierende übergeschriebene "i" eindeutig.Er gert ir anz uenſter dar.Diu iuncfroͮwe bleich gevar.Mit zuhten uf uon ir uenie ſtunt.Danch waſ im harte vnchunt.Wer ſi wære ode mohte ſin.Si troͮch ein hemede hærin.Vndergrawen roche zenaheſte ir hût.Groz iamer waſ ir trût.Div het ir hohen muet geleget.Von dem herzen uil ſuftenſ erweget.Mit zuhtin diu magit zedem uenſt̉er gie.Mit ſuezen wortin ſin enphie.Si truͦch einen ſaltir in der hant.Parciuâl der wigant.Einz chleinez uingerlin da chôſ.Daz ſi durch arbeit nie v̉erchôſ.Sine behieltez durch rehter minnen art.Daz ſteinlin waſ ein graat.graat: Faks. schreibt gra(na)t. Das "a" ist aber deutlich erkennbar.Deſ blic gap vz der uinſter ſchin.Rehte alſ ein ander genſterlin.Senelich waſ ir gebende.Da vzzen bi der wende.Sprach ſi herre da ſtet ein banch.Ruͦchet ſitzen lertez iuh iͮwer danc.Vnde ander iͮwer unmuͦze.Daz ih herze iͮwern gruͦz.Pin chomin daz vergelt iv got.Der giltet getriͮwelichen t.Der helt ir rateſ hgaz.hgaz.: Faks. schreibt Zeile vollständig; die können das unmöglich so gelesen haben.Fur daz venſtir er do ſaz.Er bat oͮch dinne ſitze ſie.Si ſprach nu han ih ſelten hie.Geſezzen bi deheinem man.Geſezzen: Faks. schreibt "Geſesset". Es scheint sich aber doch - Lachmannkonform - um ein "n" zu handeln, der rechte senkrechte Bogen ist noch andeutungsweise zu erkennen.DeſDer helt ſi fragin bigan.Vmbe ir ſite vnde umbe ir phlege.Da*Daz ir ſo verre von dem wege.Sitzet indirre werldewilde.Ih hanz fur unbilde.FRoͮwe weſ ir iͮwech bigetSit hie boͮweſ vmbe iͮch niht ſtet.Do ſprach ſi mir chumit vome grâl.Ein ſpiſe da her al ſvnder twâl.Gvndrîe laſurze.Mir dannen bringet ſchiere.Alle ſamzetaginne naMin ſpiſe deſ hat ſi ſich bidaht.bidaht: Oberlänge vom b am Original erkennbar, daher für die Lesbarkeit entschieden.Die ich ganze wochen hab ſol.Si ſprach wær mir anderſ wol.Ich hanſorgite wenic umbe die nar.Der bin ich wol gereit gar.Do want parziual ſi lvge.Vnt daz ſin anderſ truge.Er ſprache in ſchimphe zir dar in.Durch wen tragit ir daz uingeluingerlin.Ich horte ie ſagen mære.Chloſænærinne vn̄de cloſenær.Die ſolden miden amurſchaft.Si ſprach het iͮwer rede chraft.Ir wolt mich felſchen gerne.Swenne ich nu falſch gilerne.So heuet mirn uf ſit ir da bi.Ruͦchet eſ got ih bin uon falſche frî.Ih en chan deheiner wider ſaz.Si ſprach diſen mæheln ſchatz.Trage ich durch einen liebin man.Deſ minne ich nie an mih giwan.Mit menniſchlicher tæte.Magetoͮmeſ herzen rateMir gegen im ratent minne.Si ſprach den han ich hinne.Deſ chleinode ich ſider troͮch.Sit orlûſ tioſt in erſloͮch.Miner iamerlichen zite ar.Wil ich im minne gebin fur war.Der rehten minne ih bin ſin werWan er mit ſchilte vn̄de mit ſperDa nach mit riterſ hande erwarp.Vnze er in minen dienſte erſtarp.Magetoͮm ih ledichlichen han.Er iſt iedoch vor got min man.Obe gedanch ſuln div werch.Sone trag ich niemer den berchDer vnderſwinge mir min eMinem lebt ſin ſterb weDer rehten e ditze fingerlinVor got ſol geDaz iſt ob miner triͮwe ein ſVon dem herzen immer oͮgin flozJh bin hinne ſelbe ander.TſhianatvlanderIſt daz ein daz ander ih.Parziual verſtuͦnt do ſich.Daz ez ſigune wæreIr chumbir waz im ſwære.Den helt do wenic deſ uirdrozVom dem harſenier deſ huͦp bloz.Er machet ȩ daz er gein ir ſprachDiu iunchfroͮwe an im erſachDurch yſerſ ram uil liehtiz uelDo erchendeerchande ſi den degen ſnel.Si ſprach ir ſit iz her parzival.Saget an wie ſtet ez Habe ir gebruvet noh ſinen art.Oder wie iſt biwendet iͮwer vart.Er ſprach zeder meide wol geborn.Da han ih fruͦde uil uirflorn.Der grâl mir ſorge gite ginuͦch.Ich liez ein lant da ih chron trvͦch.Da zuͦ daz minneclicheſte wip.Vf erde nie ſo ſchôner lip.Wart geborn von menniſchelicher fruht.Ih ſene mich nah ir chuſchen zuht.Nah ir minne ih trure vil.Vnde mer nah dem hohem zil.Wie ich mvntſalvatſche muge geſehen.Vnd dem grâl daz iſt noh vngeſchehen.Niftel ſigunet*du tuͦſt gewalt.Sit du minen kumber manicvalt.Erchenneſt. daz du veheſ mih.Div maget ſprach. al min geriht.Sol uf dih neve ſin verchorn.Du haſt doch froͮden uil virlorn.Sit du lieze dih bitragin.Vmb daz werdeliche fragin.Vnt do der ſueze anfortaſ.Din wirt vnt din gelvche waſ.Da het dir fragin wunſch beiaget.Nu muͦz din froͮde ſin virzagit.Vnt al din hoher muͦt erloͤmet.Din herze ſorgin hat gezemet.Div dir uil wilde wære.Heteſtv do gefraget der mære.Ih warp alſ der der den ſchaden hât.Sprach er liebiv niftel. gib mir rat.Gedenche rehtir ſippe an mir.Vnde ſage mir wie ſtetz dir.Ih ſolde trvrin vmbe dine chlage.Wan daz ich hohern chvmbir trage.Danne ie man getrvege.Min not iſt ze vngefuege.Si ſprach nv helfe dir deſ hant.Dem aller chumber iſt bikant.Obe dir ſo wol gelinge.Daz dich ein ſla dar bringe.Al da dv mvntſaltvaſche ſiheſt.Da dv m*mir diner froͮden giheſt.Gvndrîe laſurziere reit.Nv̂liche hinnen mir iſt leit.Daz ih niht fragite ob ſi dar.Wolde cheren oder anderſwar.Immer ſwenne ſi chumet ir mvl dort ſtet.Da der brunne uz dem velſe gêt.Ich rate daz du ir riteſ nah.Ir iſ lihte vor dir niht ſo gah.Dune mvgeſt ſi ſchier han erriten.done wart niht lenger da gebiten.Vrloͮp nam der helt al da.Do chert er uf die niͮwen ſla.Gundrien mul die reiſe giench.daz vngeverte im vnderuienc.Ein ſla die er hete erchorn.ſvs wart abir der grâl uirlorn.Al nah ſiner froͮde er do virgaz.Ich wæne er hete gefragit baz.Wær er zemvntſchaluatſche komin.Danne alſ ir ȩ habit uirnomin.Nu lat in riten war ſol er.dort gein im kome geriten her.Ein man dem waſ daz huͦbit bloz.Sin wappin roch von koſte groz.Dar vnder daz harnaſch blanc givar.Anez huͦpte waſ er gewappent gar.Gegin parziual er uaſte reit.do ſprach er herre mir iſt leit.daz ir minſ herrin walt ſuſ hant.Ir werdet ſchier drumbe ermant.Da von ſich iͮwer gemuͦte ſent.Muntſalvatſch iſt nih gewent.daz iemen ir ſo nahen rite.Ezen wære deſ angeſtlichen ſtrite.Ode der alſolhen wandel bot.Alſ man vor dem walde heizet tôt.Einen helm er in der hende.Fuerte deſ gebende.Warin ſnuere ſîdin.Vnde ſcharfe glauin.dar inne al niͮwe waſ der ſchafte.der helt bant mit zornſ chraft.dem helm uf daz huͦbet eben.Ez enſtuͦnt in niht uirgebin.An den ſelbin ziten.Sin drôn vnde ſin ſtriten.Iedoch bireit er ſich zetẏoſt.Parcival mit ſolher choſt.Het oͮch ſper uil uirzert.Er dahte ih wære vnernerte.Rite ich ubir diſſeſ manneſ ſât.Wie wurde denne ſineſ zorneſ rât.Nv trit ih hie dem wilden varm.Mirn gewiſchen hende vn̄de arme.Ih gibe fur min reiſe ein phant.daz niender bindet mich ſin hant.daz wart zebeider ſite gitan.diu orſ in den walap verlan.Mit ſporn vn̄degetriben vn̄de oͮuch gefvert.Vaſte uf der rabine hurt.IR dewerſ tẏoſt da miſſe riet.Manger tẏoſte ein gein niet.Waſ parziualeſ hohiv bruſt.den lerte chunſt vn̄de ſin gelvſt.Daz ſin tioſt alſ ebene fuͦr.Rehte inden ſtrich der helm ſnuͦr.Er traf in da man hælt den ſchilt.ſo man riter ſchefte ſpilt.Daz von mvntſalvaſche der tepeleiſ.Von dem ôrſe in eine halde reiſ.So uerre hin abe diu waſ tief.Daz da ſin leger wenic ſlief.Parziua der tioſt nach.volget. dem orſe waſ oͮch gach.Ez vil hin abe daz ez zebraſt.Parziual eineſ zederſ aſt.begreif mit ſinen handen.Nu gebet ſim niht zeſchanden.Daz er ſich an ſcherigen hienc.Mit den fuezen er geuienc.Vnder dem felſe herten.Ingrozem vngeverte.lac daz orſ dort niden tôt.Der riter g*gahte von der nôt.Ander haphalp vf die halden ſinhin.Wolder teilen den gewin.Den er erwap an parziual.So half in baz da heime der grâl.Parziual her wider ſteich.Der zugel gein de*den erden ſeich.Da het daz ôrſ durch getreten.Alſ ob ez bitenſ wære gebeten.Deſ iener riter da uirgaz.do parziual druf geſaz.Done waſ niht wan ſin ſper uirlorn.der ſchade gein uinden waſ uirkorn.Ih wæne der ſtarche lehelin.Noch der ſtolze kingriſin.Noh roẏſ Gramoflanz.Noch conſ fiz laſcheitGvrnomanz.Nie bezer tioſt geriten.danne alſ wart daz orſ erſtriten.danne: Zwischen a und n kleiner Punkt.Do reit er erne weſſe war.So daz diu mvntſalvatſcher ſchar.In mit ſtrite gar vermeit.deſ graleſ fromede waſ im leit.Swer iz roͮchet firnemen dem toͮn ich chunt.Wie im ſin dinch dar nach ſtuͦnt.Vbir wie lanc ſider parziual.Deſ en prveve ih niht der wochen zal.Reit durch auentûre alſ ȩ.Eineſ morgenſ waſ eine dunner ſnȩ.Iedoch ſo d*ditche geſnît.Alſ der noch vroſt den lvten gîtEz waſ uf einen grozen walt.Im wider giench ein riter alt.deſ pârt al grâ waſ gevar.da bi ſin vel linde vn̄de clar.die ſelbin varwe troͮch ſin wip.div beidiv vbir blozen lip.Troͮgen grawe roche herte.vf ir bihte verte.Siniv chint zwô iuncfroͮwen.die man gerne mohte ſchoͮwen.da giengen in der ſelbin wât.Daz riet ir chuſcheſ herzen rât.Si giengen alle barfuez.Parzival bot ſinen gruͦz.dem grawen riter der da gienc.Von deſ rate er ſin gelvch enphienc.Ez mohte wol ein herre ſin.da liefen froͮwen brachelin.Mit ſenften ſiten niht zeher.gienc da riter vn̄de chnappen mer.Mit zuhtin uf der gotiſ vart.Genvͦge ſo ivnch gar an bart.PaRcival der werde degin.Het deſ ſo geph*gephlegen.daz ſin zimierde riche.Stuͦnt gar riterliche.In ſolhem harnaſche er reit.dem ivngelinge waſ ieniv chleit.die gegen im troͮch der grawe man.daz orſ uz dem phade ſan.Chert er mit dem zoͮme.do nam ſin fragin goͮme.Vmbe der guetin lute vart.Mit ſuezzer rede erſ innen wart.do waſ deſ graweſ riterſ chlage.Daz im die heilchlichen tage.Niht hulfen gein ſolhem ſite.daz er ſunder wappin rite.Oder daz er barfuͦz gienge.VuVnt deſ tageſ zit enphienge.Parzival ſprach zeim do.Herre ich erchenne ſvs noh ſo.Wie deſ iareſ zit geſtêt.Oder wie der wochen zal get.Swie die tage ſint genant.daz iſt mir alliz vmbe kant.Ih diene einem der heizet got.Ȩ daz ſo laſterlichen ſpot.Sin gunſt ubir mich uirhancte.Min ſin im nie gewancte.Von dem mir helfe waſ geſagit.Nu iſt ſin helfe an mir zagitvirzagit.Do ſprach der riter grawær.Meint ir got den diu magit gibar.Geloͮbet ir ſin menniſcheit.Waz er alſ hiͮte durch vnſ erleit.Alſ man diſſeſ tageſ zit biget.Vnrehte iv danne daz harnachſ ſtet.Ez iſt hiͮte der karfritach.Deſ alle div welwerlt ſich froͮden macVnt da bi mit angeſt ſuftec ſin.Wa wart ie grozer tiriuwe ſchin.danne die got durch unſ begienc.den man durch unſ anz cruce hienc.Herre phleget ir toͮfeſ.So iamert ivh deſ chuͦfeſ.Er hat ſin werdelichez leben.Mit tode fvr vnſir ſchult gegebin.durch daz der mennichſ waſ uirlorn.durch ſchulde hinzer helle erchorn.Ob ir niht ein heiden ſit.So denchet herre an diſe zît.Ritet furbaz vf unſir ſpor.Iv ſitzet niht zeferre vor.Ein heilich man der git iv rat.Wandel fur iͮwer miſſetat.Welt ir im riͮwe chunden.Er ſcheidet ivch uon ſvnden.Sine tohter begunden ſperechen.Waz wil du uater rechen.So boſe weter wir nv han.waz rateſ n*nimeſtu dich gein im an.Wan fuͦrſtv in da erre warme.Sine giſerten arme.Swie riterlich ſi ſin geſtalt.Vnſ dunchet doch ſi habin chalt.Er erfrure wære ſin ein dri.du haſt hie ſtende nahe bi.Gezelt vn̄de ſlavenien hûſ.Chome dir der kunich artûſ.du behielſt in oͮch mit ſpiſe wol.Nu toͮ alſ ein wirte ſol.Fuere diſen riter mit dir dan.do ſprach aber der grawe man.Herre min tohter ſagent al wâr.Hie nahe bi elliv iar.Var ich uf diſen wilden walt.Ez ſi warme oder chalt.Immer gein der martir zit.der ſtætin lon nah dienſte git.Swaz ſpiſe ih vz braht durch got.die teil ih mit iv an ſpot.die ez mit goͮtin willen tætin.die iunchfroͮwen batin.In belibenneſ ſere.Vnde er hete belibenniſ ere.Ietwedriv daz mit tiriuwen ſprach.Parcivâl an in erſach.Swie tivr uon froſte da wære der ſweiz.Ir mvnde warin rot ditche vn̄de heiz.die ſtuenden niht ſenelich.deſ tageſ zite gelich.Ob ich chleinz dichdinch da rache.Vngern ich daz uirſpræcheIhne holte einen ciuſ durch ſoͮene da.Op ſi der ſoͮene ſprachen ia.Wip ſint et immer wip.Wertlicheſ manneſ lip.Hant ſi *ſchier bitwungen.In iſt ditche alſus gelungen.Parziual hie vn̄de dort.Mit bet horte ir ſoͮziu wort.deſ uater muͦtir vn̄de der chinde.Er dahte ob ich erwinde.Ich gen vngerne indirre ſchar.diſe meide ſint ſo wolgevar.daz min riten bi in ubil ſtet.Sit man vn̄de wip zefueze hie getSich foͮget min ſcheiden von in baz.Sit ich gein dem trage haz.Den ſin von herzen minnent.Vnt ſich helfe da virſinnent.Der hat ſin helfe mir uirſpart.Vnde mich von ſorgen niht biwart.Parziual ſprach zin do ſan.Froͮwe vn̄de herre lant mich han.Iwern urloͮp geluche iv heil.Gebe vn̄de froͮden vollen teil.Mine iuncfroͮwen ſvezze.Iuwer zuhte iv danchen mueze.Sit ir gundet mir gemacheſ wol.Iͮwern urlop ih habin ſol.ER neic vnde die andern nigendo wart ir chlage niht virſwigen.Hin reit herzeloyde fruht.Dem riet ſin manlichiu zuht.Chvſche vn̄de erbærmvnge.Sit herzoloyde div ivnge.In het vf gerbet triͮwe.Sich huep ſineſ herzen riͮwe.Al rerſte er do dahte.Wer al die werlde vol brahte.An ſinen ſchephære.Wie gewaltich der wære.Er ſprach waz ob got helfe phliget.diu minne trvren an geſiget.Wart er abir ie riter holt.Gedient iȩ riter ſinen ſolt.Ode mach ſchilte ode ſwert.Siner helfe ſin ſo gwert wert.Vnde rehtiu manlichiv wer.Daz ſin helfe mih uor ſorgen ner.Iſt hiͮte ſin helfeclicher tach.So helfe er ob er helfen mac.Er cherte ſich wider danne er reit.Si ſtuenden dannoch den waſ leit.Daz er von in cherte.Ir triͮwe ſi daz lerte.Die iuncfroͮwen im ſahen nach.Gen den oͮh im ſin herze iach.Daz er ſi gerne ſæhe.Wande ir blic in ſchoene iæhe.ER ſprach iſt goteſ chraft ſo fier.daz ſi beidiu orſ vn̄de tier.Vnde die lvte mac wiſen.ſine chrafte wil im briſen.Mac gotiſ chunſt die helfe han.div wiſe mir ditze chaſtelan.Dez wegiſt vmbe die reiſe min.So tuͦt ſin guete helfe ſchin.Nu gench nach der gotiſ chur.den zugel gein den oren fûr.Er dem orſe legete.Mit den ſporn erz uaſte regite.Gein funtane laſalvatſche ez gienc.Da orilluſ den eit enphienc.der chuſche trevrizzent da ſaz.Der mænigen mæntac vbil gaz.Alſ tet er gar die wochen.Er hete gar uirſprochen.Moraz wîn vn̄de oͮch daz prôt.Sin chuſche im dannoh mer gebôt.Der ſpiſe het er deheinen muͦt.Fiſche noch fleiſch ſwaz troͮge bloͮt.Suſ ſtuͦnt ſin hei*heilchlichez lebin.got het im dem muͦt gegebin.Der herre ſich bereite gar.Gein der himeliſchen ſchar.Mit uaſten er grozzen chumbir leit.Sin chuſche gein dem nefelſtr*tſtreit.Andem er vert nu parziual.div uirholnen mære vmb den grâl.SweR mich drvmbe fragite.Vnt drvmbe mit mir bâget.Ob ih ſim niht ſagite.Vmbrîſ er dran beiagite.Dich batiz helen kiot.Wande im diu auenture gebot.Daz eſ immer gman gedahte.Ȩ ez div aventure bræhteMit wortin an der mære grochgroͮzDaz man der uon nu ſpereehen muͦz.Kiot der meiſter wol bekant.Ze dolêt virworfen liegen vant.In heideniſcher ſchrifte.Dirre auenture ſtifte.Der karacter a. b. c.Mveſe er haben gelernet e.Ane den liſt von nigromanzî.Ez half daz im der toͮffe waſ bî.Anderſ wære ditze mære noh vnuirnomin.Nehein heideniſcher liſt moht u*unſ gefrumin.Zechunden umb den grâlſ art.Wie man ſiner toͮgen innen *wart.Ein heiden flegetanisfleigetanis.beiagite an chunſte hohen briſ.der ſelbe viſion.Waſ geborn von ſalmon.Vz iſraheliſcher*ierdieterzaterzalt.Von altir her vnze unſir ſchilt.der toͮfe waſ fur daz helle fivr.der ſchreip vonſ gralſ auenture.Ez waſ ein heiden uatir halp.Fleigetaniſ der an ein chalp.bette alſ ez wære ſin got.Wie mac der tievel ſinen ſpot.Gefuegen an ſo wiſer diet.daz ſi niht ſcheidet oder ſchiet.Da von der treit die hoheſten hant.Vnt dem elliv wunder ſint bechant.Fleigetaniſ der heiden.Chunde unſ wol beſcheiden.Iegelicheſ ſterneſ hinganch.Vnt ſinen chunſte wider wanc.Wie lange iegeſlicher vmbe get.E er wider an ſin zil geſtêt.Mit der ſternen vmbe reiſe vart.Iſt geproͮvet aller menniſchen art.FleigetaniſiſFleigetaniſ der heiden ſach.Da von er blvchelichen ſprach.Im den geſtiriegeſtirne mit ſinen oͮgin.Verholnbæriv toͮgen.Er iach ez wære ein dinch der grâl.deſ namen laſ er ſvnder twal.Inme geſtirne wie der hiez.Ein ſchar in vf der erden liez.div fuer oͮf ubir die ſternen hoch.Op die ir vnſchult wider zoch.Sit muͦz ſin phlegen getoͮftiu frvht.Mit alſo chuſchlicher zuht.diu menniſchetmenniſcheit iſt immer wert.Der zuͦ dem grâl wirt gegert.Svſ ſcreip der von fleigetaniſ.Kiot der meiſter wiſ.Daz mære begunde ſuechen.In latinſchen buͦchen.Wa geweſen wære.Ein folch dar zoͮ gebære.Daz ez deſ grâlſ phlæge.Vnt der chvſche ſih biwæge.zebritannia vn̄de anderſwa.ze franchreche vnde in ir lant.ze Anſchoͮwȩ er diu mære vant.Er laſ von mazadan.Mit warheit ſunder wan.Vbir alliz ſin geſlahte.+: Fehlvers gekennzeichnet, aber keine Verweisstelle ersichtlich.Vnt anderhalp von titurel.Vnt deſ ſvn frimutel.den gral braht uf anfortaſ.Deſ ſweſter herzeloyde waſ.Bi der gamuret ein chint.Gewan deſ diſiv mære ſint.Der ritet nv vf die niͮwen ſla.die gein im chom der riter grâ.Er erchande ein ſtat ſwie læge der ſne.Da liehte bloͮmen ſtuͦnden ȩ.daz waſ uor einſ birgeſ want.da ſin manlichiu hant.Fron ieſchuten die hulde gewan.erwarp.Vnt da orilluſ zorn virdarp.Div ſla in da niht halden hiez.Fvntane laſalvaſche hiez.Ein weſin dar ſin weſinreiſe gienc.Er uant den wirt der in enphienc.Der einſidel zim ſprach.We herre daz iv ſvs geſchach.In dirre heilichlichen zit.Hat iuch ang*angeſtlicher ſtrit.In ditze harnaſch getriben.Oder ſit ir an ſtrit beliben.So ſtvende iv baz ein ander wât.Liezze iuch hohferte rat.Nu roͮchet erbeizen herre.Ih wæne iv daz iht werre.Vnde erwarmet bi einem fivre.Hat ivch aventure.Vz geſant durch minnen ſolt.Sit ir rehter minne holt.So minnet alſ nv diu minne get.Alſ diſſes tageſ minneſtêt.dient her nach vmbe wibe groͮz.Ruechet erbeizzen ob ihſ biten muͦz.Parzival der wigant.Erbeizzet nider alzehant.Mit grozir zuhte er uon inim ſtoͮnt.Er tet *im von den luten chunt.die in dar wîſten.Wie die ſin raten brîſtenDo ſprach er herre gebet mir rat.Ich bin ein man der ſvnde hat.Do div rede waſ getan.oſpracſprach abir der guete man.o: Keine Rasur o.ä. am Original zu erkennen; vermutlich wurde das fehlende "d" fälschlicherweise wegen des Initial-d im vorherigen Vers ausgelassen?Ich bin rateſ iͮwer wer.Nv ſaget mir wer ivch wiſte her.Herre vf dem walde mir wider giench.Ein gra man der mich wol enphiench.Als tet ſin mæſſinîe.der ſelbe valſcheſ friȩ.Hat mich zoͮ ziv her ziv her geſant.Ih reit ſin ſla vntze ih iͮh vant.Der wirt ſprach daz waſ kahniſ.Der iſt werdechlicher foͮre alwis.der furſte iſt ein portvrteiſponrturteiſ.der riche kunich von Gareis.Sine ſweſter hat zewibe.Nie chûſcher frvht von libe.Nie wart geborn danne ſin ſelbeſ chint.div iv da wider gangen ſint.der fvrſte iſt von chvnegeſ art.Alle iar iſt zoͮ mir her ſin vart.Parzival zedem wirte ſprach.do ih ivh vor mir ſtênde ſach.Forhte ir iv iht do ih zoͮ ziv reit.Waſ iv min chomen do iht leit.do ſprach er herre geloͮbit mirz.Mir hat der bêr vn̄de oͮh der hirz.Erſchrechet dicher danne der man.Ein warheit ih iv ſagen chan.Ihne furhte niht ſwaz menniſch iſt.Ich han oͮch menniſchlichen liſt.HEt ir iz niht fvr einen roͮm.Sone trage ih flvht noch magetoͮm.Min herze enphie noh nie den chranc.Daz ih von warre getæte wanc.Bi miner wærlichen zît.Ih waſ ein riter alſ ir ſît.Der oͮch nach hoher minne ranch.Etſwenne ih ſvndebære gedanch.gein der chvſche parrierteMin lebin ih dar vf zierte.daz mir gedagenade tæte ein wip.deſ hat nv uirgezzen min lip.gebet mir den zoͮm in mine hant.dort vnder ienſ vels wentwant.Sol iͮwer orſ durch roͮwe ſten.bieiner wile ſvln wi*wir beide gen.Vnde brechen im grazzich vn̄de varm.Anderſ fueterſ bin ich arme.Wir ſvln ez doch harte wol erneren.Parzival ſih wolde wern.daz er deſ zoͮmeſ enphienge niht.Iwer zuht iv deſ niht giht.Daz ir ſtritte wider deheinen wirt.Obe vngefoͮge iͮwer zuhte verbirt.Alſo ſprach der guete man.dem wirte wart der zoͮme virlan.ER zoch daz orſ vnder einen ſteinda ſelten ſvnne hin erſchein.Daz waſ ein wilder marſtal.da durch gie einſ brunnen val.Parzival ſtuͦnt vf dem ſnê.Ez tete einen chranchen manne we.Ob er harnaſch troͮge.Da der froſte ſvs an ſlvege.der wirt in fuerte in eine grvfte.dar ſelten chom deſ windeſ lvfte.da lagen glvende cholen.daz mohte der gaſte vil gerne dolen.Eine kerzen zvnte deſ wirteſ hant.do entwapente ſich der wigant.Vndir im lach ramſcoͮp vn̄de varm.Al ſin lide in wurden warm.So daz ſin vel gap liehtin ſchin.Er moht wol waltmoͮde ſin.Wan er het der ſtrazin wench geriten.Ane danc die naht deſ tageſ erbiten.Alſ het er manege ander.Getriͮwen wirt da vande er.da lach ein roch den leit im an.Der wirt. vn̄de fuert in mit im dan.ze einer andern gruft da inne waſ.Siniv bvͦch dar an der chuſche laſ.Nach deſ tageſ ſite ein altir ſtein.da ſtuͦnt al bloz dar vf erſchein.Ein cheſfe div wart ſchier erchant.dar vffe parzivaleſ hant.Swoͮr einen vngefelſcheten eit.da von fron ieſchvten leit.zeliebe wart wercherte.Vnde ir froͮde gemeret.Parzival zedem wirte ſprach.Sprach herre dirre chefſin ſcin.Erchenne ich wan ich drvffe ſwͦrze einen ziten da ih hie fuer.Ein gemalt ſper der bi ih vant.Herre daz nam al hie min hant.da mit ih briſe beiagit.Alſ man mir ſider ſagete.Ih verdaht mih an min ſelbeſ wip.So daz von witzen chome min lip.zuͦ riche tẏoſte der mit ih reit.Vnwizzende ih die bede ſtreit.dannoch het ich here.Nv han ich ſorgen mere.Danne ir an manne ie wart geſehen.Durch iͮwer zuht ſvlt ir deſ iehen.Wie lanc iſt von der zite her.DazDezſprach abir der gih hie nam daz ſper.Do ſprach abir der guͦte man.Deſ uirgaz min friͮnt thavrian.Hie er chom mirſ ſit in chlage.Svntehalp iar vn̄de dri tage.Ame dem ſaltir laſ er im gar.div iar vn̄de oͮch der wochen zal.Iſt daz irz im namet hieWelt irz horin ih prueve iv wie.Die da zwiſchen warin hin.Alrerſte ih innen worden bin.Wie lange ich var wiſelos.Vnt daz froͮden helfe mih virchoſ.Parcival ſprach mir iſt Froͮde ein troͮme.Ih trage der roͮweriͮwe ſwaren ſoͮm.Herre ih toͮn iv mer noh chvnt.Swa chirchen oder chirchenmunſter ſtoͮnt.da man gotiſ ere ſprach.Dehein oͮge mich da nie geſach.Sit den ſelben ziten.Ich enſuechte niht wan ſtriten.oͮch trage ich hazzeſ vil gein gote.Wan er iſt ſiner ſorgen tôte.die hat er al zehohe erhabin.Min froͮde iſt lebendic bigrabin.Chunde gotiſ chraft mit helfe ſin.Waz ancherſ wære die froͮde min.div ſinchet durch der riͮwe grunt.Iſt min manliche herze wunt.ode mag ez da von weſin ganz.daz div riͮwe ir ſcharphen chranz.Mir ſetzet uf werdecheit.Die ſchilteſ ambet mir ereſtreit.Gein werlihen handen.deſ gihe ih dem zeſchanden.der aller helfe hat gewalt.Iſt ſin helfe helfe balt.daz er mir danne hilfet niht.So vil man im der helfe giht.Der wirt erſvfte vn̄de ſach an in.Do ſprach er herre habit ir ſin.ſo ſvlt ir gote getruwen wol.Er hilfet iv wan er helfen ſol.Got mueze ſlan vnſ helfen beiden.Herre ir ſvlt mih beſcheiden.Rvechet alrerſte ſitzen.Sagit mir mirmit chûſchen witzen.Wie der zorn sih an geviench.da von got iͮwern haz enphiench.Dvrch iͮwer zvhte gedolt.Vernemet von mir ſin vnſcholt.E daz ir mir von im iht chlagit.Sin helfe iſt immer vnverzagit.doch ich ein leige wære.der warin bueche mære.Chunde ih leſen vn̄de ſchriben.Wie der ſol beliben.Mit dienſte gein deſ helfe groz.den der ſtaten helfe nie uirdroz.Vur der ſele ſenchen.Sit getriv an allez wechen.anSit got ein tiriwe iſt.Dem waſ vnmære ie falcfalſcher liſt.Wir ſvln in des geniezen lan.Er hat vil durch vnſ getan.Sit ſin edel hoher art.dvrch vnſ zemenſchen bilde wart.got heizet vn̄de iſt diu warheit.dem waſ ie falſchiv fuere leit.daz ſvlt ir gar bidenchen.Erne chan an niemen wenchen.Nv lert iͮwer gedanche.Huet iͮch gein im an wanche.Irn mvͦget im abe erzurnen niht.Swer iͮch gegem im inhazze ſiht.der hat iͮch an den witzen chranch.Nv pruevet wie lvcifern gelanch.Vnt ſinen nôtgeſtallen.Si warin doch ane gallen.Ia herre wa namen ſi den nît.Da von ir endeloſer ſtrit.zeder helle enphahet fivrinen lon.Aſtiroth vn̄debeleimon.beleth vn̄deradamant.vnde ander die ich da han erchant.die liehte himeliſche ſchar.Wart durch nît helle var.do lucifer fuer die helle vart.Mit ſchâr ein mennicſch nah im wart.got worht vz der erden.Adamen den werden.Von adameſ verhen er even brachdiv vnſ gap an daz vngemach.daz ſi ir ſchephare vbir horte.Vnt vnſir froͮde ſtorte.Von in zwein chom gebvrte fruht.Einen verriet ſin vngenvhtdaz er durch gîtlichen roͮm.SinenSiner anen nam den magetoͮm.Nu beginnet genvͦge deſ gezemen.Ȩ ſi dieze mære virnemen.daz ſi vreiſchen wie daz mohte ſin.Ez wart iedoch mit ſunden ſchin.Parzival hinze im do ſparach.Herre ich wæne daz ie geſchach.Von wem waſ der man geborn.Von dem ſin an hat virlorn.Dem magetvͦm alſ ir mir ſagit.Daz moht ir gerne han uirdagit.Der wirt ſprach abir wider zim.Von dem zwiuel ih iͮh nim.Sage ih niht ware die warheit.So lat iv ſin min triegen leit.div erdeadameſ muͦtir waſ.Von erden fruht adam genaſ.dannoch waſ diu erde ein maget.Noh han ih iv niht gar geſaget.Wer ir dem magetoͮm binam.Cainſ uatir waſ adam.Der ſluech abel ūmbe chranchez guͦt.do uf die reinen erde daz bluͦt.Viel ir Magetoͮm. waſ uir varn.Den nam ir Adameſ barn.do huͦp ſich erſte der menniſchen nît.Alſo wert er immer ſit.In der werlt noch niht ſo reinſ iſt.So div maget an falſchen liſt.Nu pruevet wie reine die meide ſint.Got waſ ſelbe der meide kint.Von meiden ſint zwei mennichmenniſch chomen.Got ſelbe antlvtze hat genomen.Nach der erſten meide frvht.daz waſ ſiner hohen art ain zuht.Von adameſ chvnne.Huͦp ſich riͮwe vn̄de wunne.Sit er unſ ſippe loͮgent niht.den ieſlich engil ob im ſiht.Vnt daz div ſippe iſ ſvnden wagin.So daz wir ſunden muezen tragin.dar vbir erbarme ſich ſin chraft.dem erbærmde gît geſchelleſchaft.Sit ſiniv getriͮwiv menniſcheit.Mit triͮwen gein vntiriuwen ſtreit.Ir ſult uf in verchieſen.Welt ir ſolt niht uerlieſen.Lat wandel iv fur ſvnde bi.Sit rede vnde werche niht ſo vrî.Wan ſwer ſin leit ſo richet.daz er vnchuſche ſprichet.Von deſ lone toͮn ich iv chvnt.In verteilt ſinſ ſelbeſ munt.Nemet altiv mær fur niͮwev.Op ſi iͮch lerin triͮwe.der paRelvre plato.Sp*hSparach bi ſinen ziten ſo.Vndeſibille diu ꝓprophetiſſe.Svnder ualierenſ miſſe.Si ſagiten demdo vor manic iar.Vnſ ſolde geben al fur war.Vur die hoheſten ſchulde phant.zeder helle vnſ nam die hoheſte hant.Mit der gotelichen minne.die vnchuſchen liez er drinne.Uon dem warin minnare.Sagent diſiu ſuezen mære.der iſt ein durlvhtich lieht.Der ſinne minne wenchet niht.Swem er minne erzeigen ſol.Dem wirt mit ſinen minnēn wol.Die ſelbin ſint geteilt.Al der werlde iſt geveilt.Beidiu ſin minne vn̄de ſin haz.Nu pruvet weywederz helfe baz.du ſchuldige an riͮwe.Flvht die gotelichen triͮwe.Swer aber wandelt ſvnden ſchulde.der dient nah werder hulde.die treit der durch gedanche vert.Gedanche ſich ſvnnen blicheſ wert.gedanch iſt an ſloz biwart.gedanch iſt vinſter an ſchîn.div gotheit chan luter ſin.Si gleſtet durch der uinſter want.Vnde hat den heleden ſprunch gerant.der endivzzet noh enchlinget.So er von dem herzen ſpiringet.Ez iſt dehein gedanch ſo ſnel.Ȩ er uome herzen wurze vel.Chom ern ſi uerſuechet.deſ chuſchen got geruechet.Sit got gedanche ſiht ſo wol.Owe der broeden werche dol.Swa werche uir wurchent ſinen groͮz.Daz diu gotheit ſich ſchamen muͦz.Wem lat den menniſchlichev zuht.War hat div arme ſele flvht.Welt ir nu gote fuegen leit.der zebeden ſiten iſt bereit.ze der minne vn̄de gein dem zorn.So ſit ir der uirlorne.Nu chert iͮwer gemuete.daz er iv danche guete.Parziual ſparach zim do.Herre ih bin deſ immer frô.daz ir mih uon dem beſcheiden hat.Deſ nihteſ ungelonet lat.der miſſewende noh der *vgenttvgent.Ih han mit ſorgen mine ivgent.Alſuſ braht an diſen tach.daz ich durch triͮwe iamerſ phlach.der wirt ſprach aber zim.Nemetſ iuch niht hæle gerne ih uirnim.Waz ich chumberſ vn̄de ſunden hât.Ob ir mih diu prueven lât.dar zuͦ gib ih iv lihte rat.deſ ir ſelbe niht enhat.do ſprach abir parziual.Min hoheſtiv nôt iſt vmb den grâl.dar nah vmbe min ſelbeſ wip.Vf erde nie ſchôner lip.Geſoͮch andeheiner muͦtir bruſt.Nach den beiden ſenet ſich min gelvſt.Der wirt ſprach herre ir ſprechet. wol.Ir ſit inrehter chumberſ dol.Sit ir nah iͮwer ſelbeſ wibe.: Verse bis 468.11 etwas eingerückt.Sorgen phlihte gebet dem libe.Werdet ir ſunden an rehtir ȩ.Iv mach zehelle weldenwerden wȩ.div not ſchier ſol ein ende han.vnde werdet uon banden al da uirlan.Mit der gotiſ helfe alſ wider twal.Ir gehet ir ſenet ivch vmbe den gral.Ir tumbir man daz muͦz ich chlagin.Iane mach den grâl niemen beiagin.Wan der zehimel iſt ſo bikant.daz er zedem grale ſi binant.Deſ muͦze ih von dem grale iehen.Ich weiz ez vn̄de hanz fur war geſehen.Parziual ſprach zedem wirt. wart ir da.der wirt ſprach gein im. herre ia.Parziual verſweich in gar.daz oͮch er waſ chomin dar.Er fragit invonin von der chunde.Wiez umbe den grale ſtuende.Der wirt ſprach mir iſt wol bichant.Ez wonet manich welichiv hant.zemuntſalfatſch bime grale.durch auenture die alle male.Ritent manige reiſe.die ſelben tepleiſe.Swa ſi chumber ode briſ beiagent.Fur ir ſvnde ſi daz tragent.Da wont ein werlichiv ſchar.Ich wil iv chunden vmb ir nar.Si lebent von einem ſteine.deſ geſlahte iſ uil reine.Habit ir deſ niht erchennet.Der wirt iv hie genennet.Er heizet lapſit exillis.Von deſ ſteineſ chraft der fenix.Verbrinnet daz er ze aſcheraſchen wirt.diu aſche im abir leben wirtbirt.Svs rert der fenix mûze ſin.Vnt gît dar nah uil liehten ſchin.daz er ſchône wirt alſ ȩ.oͮch newart nie menſchen ſo wȩ.Swelhes tageſ iz den ſtein ſiht.die wochen mag iz ſterben niht.div aller ſchierſte dar nah geſtêt.Sin varwe im nimer oͮch zerget.Man muͦz im ſolher varwe ſehen.da mit ez hat den ſtein geſehen.Ez ſi magit ode man.Alſ do ſin beſtiv zit hoͮp an.Sæhe ez den ſtein zweihundert iar.Im wurde danne gra ſin hâr.Solhe chraft dem menniſchen gît der ſtein.Daz im fleiſch vnde bein.Ivgent enphahet al ſvnder twal.der ſtein iſt oͮch genant der grâl.dar uf chumet hiute ein botſchaft.dar an doch leit ſin hoheſtiv chraft.Ez iſt hiute der karfritach.daz man fur war da warten mac.Ein tvbe uon himel ſwinget.Vf den ſtein ſi bringet.Ein chlein wiz obelat.Vf dem ſtein ſi die lat.die tvbe iſt durhluhtich blanch.zehimel toͮt ſi wider wanch.Imer an dem karfritage.bringet ſi uf den alſ ih iv ſage.Da von der ſtein enphahet.Swaz gueteſ uf erden dræhet.Von trinchen vn̄de uon ſpiſe.Alſ den wunſche von pardiſe.Ich mein ſwaz diu erde mac gebern.der ſtein ſi furbaz mer ſol weren.Swaz wildeſ vndirm lvfte lebet.Ez fliege ode loͮfe vn̄de daz ſwebet.der riterlichen broͮder ſchaft.+: fehlender Vers mit einem Pluszeichen zwischen den umliegenden Versen gekennzeichnet, aber keine Verweisstelle ersichtlich.: Plus sogar zweite (jüngere?) Auszeichnung der Stelle, vgl. verblasstes "Plus" darüber.die abir zedem grâl ſint binant.Hort wie die werdent bikant.zende an deſ ſteinſ drvm.Von karachten ein Epitafivm.Saget ſinen namen vn̄de ſinen art.Swer dar ſol toͮn der ſælden vart.Ez ſi uon meiden ode uon chnabin.die ſchrifte darf niemen dannen ſchaben.So man den namen geleſen hat.Vor ir oͮgen ſi zergat.Si chomen alle dar fur chint.Die da nv groze lute ſint.Wol der muͦter div daz *kint gebar.Daz zedienſte ſol horen dar.Der arme vnde der riche.Froͮnt ſich algeliche.Ob man ir chint eiſchet dar.daz ſi ez ſvln ſvndenſenden an die ſchar.Man holt ſi in manigen landen.Von ſvndebærin ſchanden.Sint ſi immer me behuͦt.Vnde wirt ir lon zehimel guet.Swenne in erſtirbet hie daz lebin.So wirt in dort der wunſch gegebin.Die neweder halp geſtuenden.do ſtriten begunden.Lucifer vn̄de trinitaſ.Swaz der ſelben engel was.Die edelen vnde die werden.Mueſe uf die erden.zuͦ dem ſelbin ſteine.+: Fehlvers (von späterer Hand?) gekennzeichnet, aber keine Verweisstelle ersichtlich.Ihne weiz op got vf ſi uirchôſ.Ode ob erſ fvrbaz uirlôs.Waſ daz ſin reht er nam ſi wider.deſ ſteineſ phlegent imer ſider.die got da zuͦ benante.Vnt in ſinen engel ſante.Herre ſo ſtet ez vmbe engrâl.Do ſprach abir parzival.Nach riterſchaft deſ libeſ bris.vn̄de oͮch der ſele paradîſ.beiagen mit ſchilt vnde oͮch mit ſper.So waſ ie riterſchaft min ger.Ich ſtreit ie ſwa minman ſtriten vant.So daz werlichiv hant.Sich nahete dem briſ.Iſt got an ſtrite wiſe.der ſol mich dar ben*benennen.daz ſi mich da bichennen.Min hant da dienſt niht uirbirt.do ſprach abir ſin chuſcher wirt.Ir mueſet al da von hohvart.Mit ſenften willen ſin biwart.Ivch uirleite lihte iͮwer ivgent.daz ir der chvſche brachet ir tugent.Hohuart ie ſeic vn̄de uiel.Sprach der wirt ietweder oͮge im wiel.Do er an daz mære dahte.daz er da mit rede vol brahte.do ſprach er herre ein chunic da waſ.chunic da: senkrechter Strich zwischen chunic und da.der hiez vnde heizzet noh anfortaſ.Daz ſol ivch vnde mich armenimmer mer erbarmen.Vmbe ſine herzebære nôt.die hochvart im zelone bôt.Sin ivgent vn̄de ſin richeit.der werlte fuegte an im leit.Vnt daz er gerte minne.Vzzer halp der chuſche ſinne.Der ſite iſt niht dem gral reht.da muͦz der riter vn̄de der chnehtbewart ſin vor loſheit.Diemuͦt die hohvart ubir ſtreit.da wont ein werdiv bruderſcaft.die hant mit werlicher chraft.Erwert mit ir handen.der diet uon al den landen.daz der gral iſt vnbechennet.Wan die dar ſint benennet.zemvntſalvatſche anſ gralſ ſchar.Wan einer chom unbenennet dar.der ſelbe waſ ein tvmbir man.Vnde fuerte oͮch ſunde mit im dan.Daz er niht zedem wirte ſprac*ſprach.Vmben den chumbir den er an im ſach.Ih enſol niem̄en ſcheltin.Doh mvͦz er ſvnden engeltin.Daz er niht fragit deſ wirteſ ſchaden.Er waſ mit kvmbir ſo geladen.Ezen wart nie erchant ſo hohier bin.da vor chom roẏſ lohelin.zebrvnbanie an den ſe geriten.Durch tioſt het ſin da gebiten.Liebe alſ der werde helt.Deſ tot mit tyoſte waſ erwelt.Er waſ erborn von prienlacorſ.Lehelin deſ heldeſ orſ.dannen zôch mit ſiner hant.Da wart der rȩ roͮp bichant.Herre ſit irz lehelin.So ſtet in dem ſtalle min.Den orſen ein orſ gelich gevar.Div da horent inſ gralſ ſchar.Ame ſatel eicheine turtel tube ſtet.Daz orſ von mvntſalvatſche get.Div wapin gap in anfortas.Do er der froͮdin herre wâſ.JR ſchilde ſint von altir ſo.TituRel ſi brahte do.An ſinen ſvn roy frimvtel.Dar vnder flôs der degin ſnel.Von einer tioſte oͮh ſinen lip.Der minnetȩ ſineſ ſelbeſ wip.Daz nie von manne mere.Wip geminnet wart ſo ſere.Ih meine mit rehtin tirivwen.Sine ſite ſult ir niͮwen.Vnde minnet von herzen iͮwer chonen.Siner ſite ſvlt ir wonen.Iwer uarwe treit im gelichev mal.ER waſ oͮh herre vber den grâl.Owe herre wannen iſt iͮwer vart.Nv ruechet mir prueuen iͮwern art.Ietweder vaſte an den andern ſach.Parzival zedem wirte ſprach.Ih bin von ainen man erborn.Der mit tẏoſt hat den lip virlorn.Vnt durch riterlich gemuͦte.Herre durch iͮwer guete.Svlt ir in nemen in iͮwer gebet.Min vatir der hiez gahmvret.Er waſ von arde ein anſchevin.Herre ihenzihen binz niht lehelin.Genam ih hîe den re roͮp.So waſ ih an den witzen tuͦp.Ez iſt iedoch von mir geſchehen.Deſ ſelbin ſvnden muͦz ih iehen.Itheren von kamvrlant.Den ſloͮch min ſvndebærhiv hant.Ih leit in toten uf daz graſ.Vnt nam ſwaz da zenemen waſ.Owe werlt wie tuͦſtu ſo.Sprach der wirt der waſ deſ mærſ vnfro.Du giſt den luten herze ſer.Vnde Riwebæreſ chumberſ mer.Dane der froͮde wie ſtet din lon.Suſ endet ſih dineſ mærſ don.Do ſprach er liebir ſweſter ſvn.Waz rateſ moht ir dir nv toͮn.Dv haſt din eigen verch erſlagin.Wil du fur got die ſchulde tragin.Sit daz ir bede wart ein bloͮt.Ob got da rehte gerihte tuͦt.So giltet im din eigen lebin.Waz wilde im da zegelte gebin.Ithern von kahaviez.Der rehtin werdecheit geniez.Deſ div werlt waſ gereinet.Eh got an im erſcheint.Miſſewende waſ ſin riͮwe.Er balſent ob der triͮwe.Al werltlichiv ſchande in floch.Werdecheit ſich in ſin herze zoch.Dih ſolden hazzen werdiv wip.Durch ſinen minneclichen lip.Sin dienſt waſ gein im ſo ganz.Ez machet wibeſ oͮgin glanz.Die in geſahen von ſiner ſueze.Got daz erbarmen mueze.Daz de ie gefrvmteſt ſolhe not.Min ſweſtir lac oͮch nach dir tôt.Herzeloyde din moͮter.Neina herre gueter.Waz ſagit ir nv ſprach parziual.Wære ih danne herre vbir den grâl.der mohte mih ergezzen niht.Deſ mærſ deſ iͮwer munt virgiht.DurchBin ih iͮwer ſweſter chint.So tuͦt alſ die mit triͮwen ſint.Vnd ſaget mir ſvnderſ wancheſ var.Sint diſiv mære beidiu war.do ſprach abir der guete man.Ihen binz niht der da triegen chan.Diner muͦtir daz ir triͮwe warp.Do du von ir ſchiet zehant ſi ſtarp.Dv wær daz tier da ſi da ſoͮch.Vnt der trache der von ir da floͮch.Ez wider fuͦr ir in ir ſlaffe gar.Ȩ daz div ſuezze dich gevar.Miner geſwiſtergide noch zewei noh ſint.Min ſweſtir ſcoẏſiane ein chint.Gebær der fruhte lach ſi tot.Der herzoge kyot.Von katalange waſ ir man.Derne wolde oͮch ſit niht froͮde han.Sigvnen deſ ſelbin tohterlin.bevalch man der muͦtir din.ſcoyſianen tot mih ſmerzen.Muͦz enmitten ime herzen.Ir wipplich herze waſ ſo guͦt.Ein arche fur vnchvſche floͮt.Ein magit phliget min ſweſter noch ſite.So daz ir chuſche uolget mite.Repanſe deſchoye phliget.Deſ grâlſ der ſo ſwære wiget.Daz in div ualſchlich menſcheit.Nimmer uon der ſtete treit.Ir broͮder vn̄de min. iſt anfortaſ.Der beidiv iſt vn̄de waſ.Von arte deſ grâlſ herre.Dem iſ leider froͮde uerre.Wan daz er hat gedingen.In ſul ſin chumbir bringen.zedem endeloſin gemache.Mit wunderlicher ſache.Iſt iz in chomen an riͮwen zil.Alſ ih dir neue chunden wil.Phligeſtv danne triͮwe.So erbarmet dich ſin riͮwe.do frimvtelſinden lîp uerlôs.Minen uatir nach im man do choſ.ſinen enteſten ſun zechunige dar.zeuogite dem grâl vn̄de deſ grâleſ ſchar.Daz waſ min brueder anfortaſ.Der chrone vn̄de richeit wirdich waſ.Dannoch wir wenich warin.do min broͮdir gein den iarin.Chom fur den gran ſprvnge zit.Mit ſolher iugent hat minne ir ſtrit.So twingit ſi ir frivnt ſo ſere.Man mageſ ir iehen zevnere.Swelch gralſ herre abir minne gert.Anderſ danne diu ſchrift in wert.Der muͦz deſ chomen inarbeit.vn̄de in ſvftebæriv herze leit.Min herre vn̄de der brueder min.Chôſ im eine friundin.deſ in duhte mit guetim ſite.Swer diu waſ daz ſî da mite.In ir dienſte er ſich zoch.Sô daz diu zageheit in floch.Deſ wart uon ſiner clarin hant.Verdurchelt manigeſ ſchildeſ rant.Da beiagit an aventure.Der ſueze vn̄de der gehiͮre.Wart ſo hoher briſ erchant.Vbir elliv riterlichen lant.Von dem mære waſ er frîe.Amor waſ ſin chrîe.Der roͮfet iſt zerdiemuͦt.Iedoch niht uollechlichen guͦt.Eineſ tageſ der kunic reit al ein.Daz waſ gar leit den ſin.Vz der Auenture.Durch froͮde an minnen ſtûre.Deſ twanch in der minnen gêr.Mit einem geluppetem ſper.Wart er zetyoſtierne wunt.ſo daz er nimmer mer geſvnt.wart der ſueze oheim din.Durch die heidruſe ſin.Er waſ ein heiden der da ſtreit.Vnt der die ſelben tioſte reit.Geborn von ethniſe.da uzzem paradiſe.Rinnet diu tygrîſ.Der ſelbe heiden waſ gewiſ.ſin ellen ſolde den gral behabin.Indem ſper waſ ſin namenergrabinname ergrabin.Er ſuehte die uerrin riterſchaft.Niht wan durch deſ graleſ chraft.ſtreich er wazzer vn̄de lant.Von ſinem ſtrite vnſ froͮde ſwant.Dineſ oheimeſ ſtrit man briſen.Muͦz deſ ſperſ yſen.Fuert er inſinem libe dan.do der ivnge werde man.Chom heim zoͮ den ſinen.Do ſach man iamer ſchynen.Den heiden het er dort erſlagin.Den ſuln wir oͮh zæmazen chlagin.Do vnſ der chunich chom ſo bleich.Vnde im ſin chraft ſo gar geſweich.In die wunden greif eineſ arzateſ hant.Vnze er deſ ſperſ yſen vant.Der trunzun waſ rorin.Ein teil inder wunden ſin.diu gewan der arzet beidiu wider.Mine venie viel ih nider.da lobet ih der gotiſ chraft.daz ih dehein riterſchaft.getæte nimmer mere.Daz got derdvrch ſin ere.Minem brueder hulfe von der nôt.Ih uirſwuͦr oͮch fleisch win vn̄de brôt.Vnt dar nach al daz truͦge bluͦt.daz ihſ nimmer mer gewunne muͦt.Daz waſ der diet ander chlage.Liebir neve alſ ih dir ſage.Daz ich ſchiet von dem ſwerte min.Si ſprachen wer ſol ſchirmær ſin.Vbir deſ graleſ toͮgen.Si troͮgen der chunic ſvnder twal.durch die goteſ helfe fur den gral.do der chunich den gral geſach.Daz waſ ſin ander vngemach.Daz er niht ſterbin mohte.Wan im ſterbin do niht tohte.Sit daz ih mich hete ergebin.In alſvs amerlichez lebin.Vnde deſ edelen ardeſ herſchaft.Waſ chom̄en an ſo ſwache chraft.Deſ chvnigeſ wunde geitert waſ.Swaz man der arzet boͮche las.Diene gaben deheiner helfe lon.Gein aſpis ecidemon.Ehcontinuſ vnde liſis.Ieciſ vn̄de meatrys.die argen ſlangen daz eiter heiz.Tragent ſwaz iemen da fur weiz.Vnde fur ander wûrme diez eiter tragint.Swaz die wiſen arzat da fur beiagint.Mit fiſiken liſte an wurzen.la dir die rede churzen.der deheinez gehelfen chvnde.got ſelbe vnſ deſ erbunde.Wir gewinnen geon.zehelfe vn̄defiſion.Eufrateſ vn̄detẏgriſ.Diu fier wazzer vz dem bardis.So nahen hin zuͦ ir ſuezer ſmach.dannoch niht ſin virrochen mach.Ob deheine wurze dinne chom.div unſer trurin name.Daz waſ uirlorniv arbeit.Do niͮwet ſich unſer herze leit.Doch uirſuehte wirz in mangen wiſ.Do gewunnen wir daz ſelbe ris.Dar uf ſibille iac.Eneaſ fur helſch vngemach.Vnde fur den fleigetanen roͮch.Vur ander fluzze die drin fliezzent oͮch.Deſ namen wir vnſ mueze.Vnt gewunnen daz riſ zebuͦeze.Obe daz ſper ungehiure.In dem helſchen fiure.Ware gelvppet ode gelvet.Daz vnſ an froͮden toet.Do waſ dem ſper niht alſus.Ein uogel heizet pellicanuſ.Swenne der fruhte gewinnet.Al zeſere er diu minnet.In twinget ſiner triͮwen gluſt.Daz er b*bizzet durch ſineſ bruſt.Vnt lat daz bluͦt den ivngen inden mvtmvnt.Er ſtilſtirbet an der ſelbin ſtunt.do gewunne deſ uogilſ bluͦt.Ob vnſ ſin triͮwe wære guͦt.Vnde ſtrizſtrichenz an die wunden.So wir beſte kvnden.Daz ne mohte unſ niht gehelfen ſvs.Ein tier heizet moniciruſ.Daz erchennet der meide reine ſo groz.Daz ez ſlaffet uf der meide ſchoz.Wir gewunnen deſ tierſ herzen.Vbir deſ kunigeſ ſmerzen.Wir namen den karfvnchel ſtein.Uf derdeſ tierſ hirn bein.Der da wehſet vnder ſinem horne.Wir beſtrichen die wunden vorne.Vnde beſuͦften den ſtein drin gar.Diu wunde waſ et lvppich var.Daz tet unſ mit dem kunige we.Wir gewunnen ein wurz div heizzet trachente.Wir horin von der wurze ſagin.Swa ein trache werde erſlagen.Si wahſe von dem bloͮte.Der wurze iſt ſo zemuͦte.Si hate al deſ lufteſ art.Ob unſ deſ trachen vmbe vart.Dar mohte iht gefrvmen.Vur der ſterne wider chomin.Vnde uvr deſ manen wandel tach.dar an der wunden ſmerze lach.Der wurze edel hohe geſlahte.Chom vnſ da fur niht rehte.Vnſir venie uieln wir vur den grâl.dar an geſahe wir zeinem malgeſchriben dar ſolde ein rite komin.Wurde deſ fragin al da uirnom̄en.So ſolde der chumbir ende han.Ez wære chint magit olde man.Daz in der frage warnt iht.Sone ſolde diu frage helfen niht.Wan daz der ſchade ſtuende alſ ȩ.Vnde herzerlicher tæte we.diu ſchrif ſprach habit ir daz uirnom̄en.Iwer waren mac zeſchaden chomen.Sagit er niht bi der erſten nahtSo zerget ſiner frage maht.Wirt ſin frage an rehter zit getanSo ſol erz chunicriche han.Vnt hat der chumbir ende.Von der hoheſten hende.Da mit iſt anfortaſ geneſen.Ern ſol abir nimer chunic weſen.ſus laſen wir ame grale.daz anfortaſ quale.Da mit ein ende næme.Sv*Swenne im frage quame.Wir ſtrichen an die wunden.ſwa mit wir ſenften chunden.die gueten ſalben Nardas.Vnde ſwaz gedriachelt waſ.Vnt den roͮch von ligna loe.Im waſ et ze allen ziten we.Do zoch ih mih da her.ſwachiu wunne iſ miner iare wer.ſit chom ein riter dar geriten.Der mohtiz gerner han uirmiten.Von dem ih dir ȩ ſagite.Vnpriſ er dran beiagite.Sit er den rehtin kumbir ſah.Daz er niht zem wirte ſprac.Herre wie ſtet iͮwer not.ſit im ſin tumpheit daz gebot.daz er al da nih fragite.Grozir ſælden in da bitragite.Si bede ware mit herzen chlage.do naht ez dem mittem tage.Der wirt ſprach ge wir nanach der nar.Din orſ ſtet vnbiratin gar.Jhne mac vnſ ſeiſelhin niht geſpiſen.ſelbin: b sieht auch im Original nicht geschlossen aus, müsste der Form nach aber eher ein b sein.Ezne welle vnſ got wiſen.Min chuche rivchet ſelten.Deſ muͦſtu hiͮte engelten.Vnt al die wile du bi mir biſt.Ih ſolde dih hiute leren liſt.An den wurzen liezze unſ der ſne.got gebe daz der ſchier zerge.Nv brechen die wile win graz.Ich wane din orſ ditche gaz.zemvntſalvatſche baz dane hie.dv noch ez zewirte nie.Chomet der iͮwer gerner phlage.Ob ez hie bereitez warelage.ſi giengen vz vmbe ir beiach.Parzival deſ fueterſ phlach.Der wirt gruͦp in wurzelin.Daz mueſe ir beſtiv ſpiſe ſin.der wirt ſiner orden niht uirgaz.ſwie uil er gruep dehein er az.Der wurze for der none.An die ſtv̂den ſchône.Hienge erſ vn̄de ſuehte mer.durch die gotiſ ere.Mangen tac er vngaz giench.ſo er uir miſte wa ſin ſpiſe hiench.Die zwene geſellen niht uirdrozSie giengen da der brunne floz.Sie wuſchen wurz vn̄de ir chrv̂t.Ir mvnt wart ſeltin lachenſ lv̂t.Ietweder ſin hende.TewchTewuch an einem gebende.Troͮch parziual winloͮp.fvrz orſ uf ir ram ſchoͮp.giengen ſi wider zoͮ den cholen.Man dorfte in nimer ſpiſe holen.Dane waſ geſotin noh gebraten.Vnt ir chvchen vnbiratin.Parziual mit ſinne.durch getriuwe minne.Die er gein ſinem wirte troͮch.In duhte er hete heizhaz genuͦch.danne do ſin phlac Gvrnomanz.do ſo maniger froͮwen farwe glanz.zemvntſaluatſche fur in giench.Do er wirtſchaft vonem grale enphienc.Der wirt mit tiriuwen wiſe.ſprach neve diſiv ſpiſe.Sol dir niht uirſmahen.Dune uindeſt in allen gahen.deheine wirt der dir baz gunde.guetir wirtſchaft ane haz.Parziual ſprach herre.der gotiſ groͮz mir verre.Op mih hie baz gezame.Swaz ih uon wirte name.Swaz da waſ ſpiſe uvr getragin.beliben ſi da nah vngetwagen.Daz enſchat in an den oͮgen niht.Alſ man viſche an den handen giht.Ih wil fur mih geheizzen.Man mohte mit mir beizzen.Ware ih fur veder ſpil erchant.Ih ſwunge al gerne von der hant.bi ſolhen chropphelinen.Tæte ih fliegen ſchinen.Weſ ſpotte ih der guͦten diet.Min alter vngefuege mir daz riet.Ir habit iedoch wol gehoret.Waz in richeit hat zeſtoret.Warumbe ſi warin froͮden arm.Ditche chalt ſelten warm.Si dolten herze riͮwe.Niht wan dur rehte triͮwe.Ane alle miſſewende.Von der hoheſten hende.Enphiengenſ vmbe ir chumbir ſolt.got waſ inunde wart in beiden holt.ſi ſtuͦnden vf vn̄de giengen dan.Parziual vn̄de der guͦte man.Zedem orſe gein dem ſtalle.Mit chrancher froͮden ſchalle.der wirt zedem orſe ſprach mirſ leit.Din hungerbæriv arbeit.durch den ſatel der uf dir liget.Der anfortaſ wappin phliget.Do ſi daz orſ begiengen.Niͮwe chlage ſi an geuiengen.Parciual zedem wirte ſin.ſprach liebir herre vn̄de oheim min.Getorſte ihz iv vor ſchame ſagin.: Zeigehand links vom Vers .: Vmtl. Zeigegeste, verweist auf Beginn Ps Geständnis.Min vngeluke ih ſolde chlagin.Daz uirchieſet durch iͮwer ſelbeſ zvht.Min triͮwe hat doh gein iv flvht.Ih han ſo ſere miſſetan.Welt ir miheſ engeltin lan.So scheide ih von dendem troſte.Vnde bin der vnerloſte.Immer mer von riͮwe.Ir ſult mit rateſ triͮwe.Chlagen min tumpheit.Der uf mvntſalvatſche reit.Vnt der den rehtin chumbir ſach.Vnt der deheine frage ſprach.daz bin ih unſalich barn.Suſ han ih herre miſſe varn.Der wirt ſprach neve waz ſageſtu nv.Wir ſuln bede ſament zuͦ.Herzenlicher chlage griffen.Vnt die froͮde lazzen ſliffen.Sit din chunſt dih ſælden ſo verzech.do dir got vunfe ſinne lech.Die hant ir rat dir uor uirſpart.Wie waſ din triͮwe von in bewart.An den ſelbin ſtunden.Bi anfortaſ wunden.Doch wil ih rateſ niht uirzagin.Dv ſolt oh niht zeſere chlagin.Dv ſolt in rehtin mazen.chlagin vn̄de chlagin lazen.Div menſcheit hat wilden art.Etſwa wil ivgent an witze vart.Wil danne daz altir tumpheit oͮben.Vnde luter ſinne trueben.Da von wirt daz wize ſal.Vnt div gruene tugent val.Da von bechliben mohte.Daz der werdecheit tohte.Moht ir dir wol ergruenen.Vnt din herze alſo erchuelen.Daz du den briſ beiagiteſt.Vnt an got niht uirzagiſt.So geſtuende noh din linge.An ſo werdelichen dinge.Daz wol ergetzet hieze.Got ſelbe dich niht lieze.Ih bin von got din ratiſ wer.Nu ſage mir ſahe du daz ſper.zemvntſalvatſche uf dem huſ.Do der ſterne ſatvvrnuſ.Wider an ſin zil geſtuͦnt.Daz wart vnſ bi der wunden chunt.Vnt bi derdem ſumerlichem ſne.Im getet der froſt nie ſo we.Dem ſuezen oheim din.Daz ſper muͦſte in die wunden ſin.Ia half ein not fur die andern not.da wart daz ſper bluetic rot.Etſlicher ſterne chumende tage.Die diet da lerte iamerſ chlage.Die ſo hohe obe einander ſtent.Vnde vngeliche wider gent.Vnt deſ manen wandel chere.ſchat oͮch zer wunden ſere.diſe zit die ih hie benennet han.ſo muͦz der chunic roͮwe lan.ſo tuͦt im grozer froſt ſo we.ſin fleiſch wirt chelter danne der ſne.ſit man daz geluppe heiz.An dem ſperſ yſen weiz.die zit manz uf die wunden leit.den froſt ez uz dem libe treit.Al vmbiz ſper glaſ var alſ ŷs.daz nemohte abir dehein wiſ.Vonme ſper niem̄en bringen dan.Wan TRebvcher der wiſe man.der worhte zewei mezer diu ez ſniten.Vz ſilber diu ez niht uirmiten.Den liſt tet im ein ſegen chvnt.Der an deſ chunigeſ ſwerte ſtuͦnt.Manger iſt der gerne giht.Aſpende daz holz enbrene niht.ſo diſeſ glaſes druf iht ſpranch.Fiͮwerſ lohen dar nah ſwanc.Aſpende da von virbran.Waz wunderſ diz gelvppe chan.Er mac geriten noh gegen.der chunic geligen noh geſten.Er lent ane ſitzen.Mit ſuftebærin witzen.Gegen deſ manen iſt im we.brunbanie iſt genant ein ſe.da treit man in vf durch ſuezen lvft.Durch ſiner ſuren wunden gruft.Daz heizet ȩr ſinen weide tach.Swaz er da geuahen mach.Bi ſo ſmerzelichem ſere.ER bidarf da heime mere.da von chom ein mare.Ez ware ein uiſchare.daz mære mueſ er liden.ſalmen lant priden.Hat er doh lutzel veile.Der trurige niht der geile.Parciual ſprach al zehant.Vf dem ſȩ den kunic ih vant.geanchert uf dem wage.Ich wane durch uiſche lage.Olde durch ander kurzewile.Ih het manige mile.Da*Deſ tageſ dar geſtrichen.Peilrapeire ih waſ enwichenentwichenRehte umbe den mitten morgen.Deſ abindeſ phlag ih ſorgin.Wa diu herberge mohte ſin.Der beriet mih der oheim min.Du rite ein angeſtliche vart.ſprach der wirt durch wart wol biwart.Iegeſlichiv ſo beſetzet iſt.Mit rote ſeltenie manneſ liſt.In hilfet gein der reiſe.Er cherte ie gein der freiſe.Swer ennen her da zoͮ in reit.Sie nement niemeſ ſicherheit.Si wagent ir leben gein ienſ lebin.daz iſ fur ſvnde in da gegebin.Nu chom ih ane ſtriten.An den ſelbin ziten.geriten da der chunic waſ.ſprach parziual deſ palas.Sah ih deſ amendeſ iamerſ vol.Wie tet in iamer do ſo wol.Ein chnappe al da zertûr in ſpranch.Da von der palaſ iamerſ chlanch.der troͮch in ſinen henden.Einen ſchaft zen vier wenden.Dar inne ein ſper blvͦte rot.Deſ chom div diet iniamerſ not.der wirt ſprach neve ſit noch ȩ.Wart dem chunige nie ſo we.Wan do ſine chomen zeigte alſvs.Der ſterne ſaturnvs.Der chan mit grozim froſte chomin.drvf legen moht vnſ niht gefrum̄en.Alſ manz ȩ drufe ligen ſach.Daz ſper man in die wunden ſtach.Saturnuſ loͮfet ſo hohe enbor.Daz ez div wunde weſſe uor.Eder ander *uroſt chom her*hernah.dem ſne waſ ninder alſ gach.Er uiel alrerſt an der andern naht.In der ſvmerlichen maht.Do manſ chunigeſ vroſt ſvs werte.Die diet ez froͮden herte.do ſprach der chuſche trefrizent.Si enphiengen ſoldemente.Daz ſper in froͮde enphuͦrte.Daz ir hercen verch ſus ruͦrte.Do machete ir iamerſ triͮwe.Deſ toͮfes lere al niͮwe.Parziual zedem wirte ſprach.Funf vn̄de zeweinzch meide ih da ſah.Die uor dem kunige ſtuͦnden.Vnde wol mit zuhtin chunden.Der wirt ſprach ez ſuln meide phlegin.Deſ hat ſich got gein in bewegen.Deſ gralſ dem ſi da dienden v*vur.Der grâl iſt mit hoher chur.ſo ſuln ſin riter hueten.Mit chuſlichen gueten.Der hohen ſterne chomendiu zit.Der diet al da groz iamer gît.Den iungen vnde den altin.got hat zorn bihaltin.gein in al zelange da.Wenne ſuln ſi froͮde ſprechen ia.Eeve nu wil ih ſagin dir.E: Eigentlich n-Initiale vorgesehen.Daz du wol moht geloͮbin mir.Ein tſchanſze ditche ſtet vor in.Si gebint vn̄de nement gewin.Si enphahent cleniv chinder dar.Von hoher art vn̄de wol geuar.Wirt iender herreloſ ein lant.Erchennet ſi daz die gotiſ hant.So daz diu diet einſ herrin gert.*Uoneſgraleſ ſchar die ſint gewert.Deſ muezen ohſi mit zuhten phlegen.ſin huetet al da der gotiſ ſegin.got ſchaft uirholn dan die man.Offenlichen git man die meide dan.du ſolt deſ ſin uil gewiſ.daz der chunich caſtiſ.Herzeloyde gert.der man in ſchône werte.dine muetir gap man im zechonen.Er ſolt abir niht ir minne gewonen.Der tot in ȩ leit in daz grap.Da uor er diner muͦtir gap.Waleiſ vn̄deNorgalſ.kanvoleiz vn̄dekanriualſ.Daz ir mit ſale wart gegebin.Der chunic niht langer ſolde lebin.Daz waſ uf ſiner reiſe wider.Der chunic ſih ſterbenſ nider.Do troͮch ſi chrôn ubir zwei lant.Da erwarp ſi gahmureſ hant.Svs git wanman vonem grale dan.Offenliche die meide verholn die man.Durch fruht zedienſte wider dar.Obe ir chint deſ graleſ ſchar.pantMit dienſte ſuln meren.Daz chan ſi got wol leren.Swer ſih dienſteſ dem grale hat biwegenGein wibe er minne muͦz uirphlegin.Der chunic ſol habin eine.Ein chonen reine.Vnde ander die got hat geſant.zeherren in herre loſiv lant.Vbir daz gebot ih mih bewac.Daz ih nach minne dienſteſ phlac.Mir geriet min flægetflætigev ivgent.Vnde eineſ werdeſ wibeſ tugent.Daz ih in ir dienſte reit.Da ih ditche hertklichen ſtreit.Die wilden Auenture.Mih duhtin ſo gehiure.daz ih ſelten turnierte.Ir minne conduwierte.Mir froͮde in daz herze min.durch ſi tet ih uil ſtriteſ ſchin.Deſ twanch in ir minnen chraft.gein der wilden verren riterſchaft.Ir minne ih alſuſ chuͦfte.Der heiden vn̄de der geuͦfte.Warin mir ſtriteſ al geliche.ſi duhte mih loneſ riche.Svs phlag iheſ durch die werden.Vf den drin teil der dererdender erden.ze aropiȩaropie vn̄de inaſia.Vnt uerre inaffrica.ſo ih riche tẏoſte wolte toͮnſo reit ih fur Gaurian.Ih han oͮh mange tẏoſte getan.Vor dem berge zefamorgan.Ih tet vil richer tioſte ſchin.Vor dem berch zeAgremontin.ſwer ein halp wil ir tioſte han.Da choment vz uivrige man.Ander halp ſi brinnēnt niht.ſwaz man da tioſtivre ſiht.Vnde ih fur den roaſ.Durch auenture geſtrichen waſ.do chom ein werdiu windeſch diet.Vz derdvrch tioſte gegen biet.Ih fuͦr von ſibilie.daz mer al umbe gein zilie.durch vrivl vz durch aglei.Owe vn̄de heia hei.Daz ih dinen vatir ie geſach.der mir zeſehenne al da geſchach.Da izih zeſibilie zogte in.Do het der werdeAnſchevin.Vor mir geherberget e.ſin vart tuͦt mir immer we.Die er fuͦr zebzebaldach.zetioſtiern er da tot lach.Ez waſ ȩ uon im din ſage.ez iſt immer minſ herzen chlageMin broͮdir iſt gueteſ riche.Verholne riterliche.Er mich ditche uon im ſande.ſo ich von mvntſaluatſche wande.ſin inſigel nam ih da.Vnde furt ez zecharoch bra.da ſih ſwet der blimezol.Indem biſtuͦm zebarbigol.Der burcgrave mih da beriet.burcgrave: Über g kleiner senkrechter Strich - Bedeutung/Umsetzung?burcgrave: Vermutlich Federansatz.Vffez inſigel ȩ ih von im ſchiet.Chnappen vn̄de ander choſte.gein der wilden tioſte.Vnde uf riterliche vart.Deſ wart uil wenic uon im geſpart.Ich mueſ al ein chomen dar.Vf der wider rieſe liez ich gar.Bi im ſwaz ih geſindeſ phlac.Balde er min zebrueder iac.Herzeloyden ſinem wibe.Doh wart uon ſinem libe.Min antlvze nie me geſehen.Man muͦſe oͮh mir fur war da iehen.Daz nie ſchoner manneſ bilde wart.Dannoch waſ ih ane bart.Anmine herberge er fuͦr.Fur diſe rede ih ditke ſwuͦr.Mangen vngeſtabeten eit.Do er mih ſo vil angeſtreit.Verholn ihz im do ſagite.der er froͮde uil beiaget.Er gap ſine chleinode mir.ſwaz ih im gap daz waſ ſin gir.Mine chefſen die du ſahe ȩ.diu iſ noh gruener danne der chle.Hiez ih wurchen uz einem ſteine.Den mir gap der reine.ſinen neven er ir zechenehte liez.Itheren der ſin herze hiez.daz aller ualſch an im virſwant.den chunich von chunchvmerlant.Wir mohten vart niht lenger ſparen.Wir mueſen von ein ander uarn.Er chert da der baroͮch waſ.Vnde ih fuer fur den roaſ.Vz zilie ih fvr roaſ reit.Dri mentage ih da vil geſtreit.Mih duhte ih het da wol geſtriten.dar nach ih ſchierſte chom geriten.Indie witen gandine.da nah der ane dine.Gandin wart genennet.Ither da wart erchennet.diu ſelbe ſtat lît al da.da diu GReian indie trâ.Mit golde ein wazzer rinnet.Da wart ither geminnet.Dine baſin er da vant.Diu waſ froͮwe ubirz lant.Gandin uon Anſchoͮwe.hiez ſi da weſin froͮwe.ſi heizet lammîre.ſo iſt daz lant genennet ſtîre.ſwer ſchilteſ ambit oͮbin wil.der muͦz durch ſtrichen lande uil.Nu riͮwet mich min chnappe rot.durch den ſi mir vil ere bot.Von Ither du biſt erborn.din hant die ſippe hat erchorn.got hat ir niht uirgezzen doch.Er chan ſi wol geprueven noh.Wil du gein got mit triͮwen lebin.So ſoltu im wandel drumbe gebin.Mit triͮ*triͮwen ih dir daz chunde.du treiſt zuͦ grozze ſunde.Jthern du haſt erſlagin.Du ſolt oͮch dine muetir chlagin.Ir groziv triͮwe daz geriet.Din vart ſi voneme lebenne ſchiet.die dv iungeſt von ir tæte.Nv uolge miner ræte.Nim boͮze fur miſſewende.Vnt ſorge et vmbe din ende.daz dir din arbeit hie erhol.Daz dort div ſele ruͦwe dol.Eer wirt an allez bagen.begvnde in furbaz fragin.Neve noh enhan ih niht uirnom̄en.Wannen dir ditze orſ ſi chomen.Herre ditze orſ ih erſtreit.Do ih uon ſigunen reit.Von einer chloſen ih die ſah.Dar nach ih flugelingen ſtach.Einen riter *abedrabe vnde zoch ez dan.Von mvntſalvatſch waſ der man.Der wirt ſprach iſt abir der geneſin.deſ ez uon rehte ſolde weſin.Herre ih ſahe in von mir gen.Vnt vant daz orſ bi mir ſten.Wil dvſ graleſ volch ſvs roͮbin.Vnt da bi deſ geloͮbin.Dv gewinneſt ir noh minne.So zeweient ſich din ſinne.Herre ih namez ineinem ſtrît.Swer mir dar vmbe ſvnde gît.Der prueve alrerſte wie div geſte.Min orſ het ih uirlorn ȩ.Do ſprach abir parzival.mWer waſ ein maget div den grâl.Troͮch. ir mandel lech man mir.Der wirt ſprach neve waſ er ir.diu ſelbe iſt din mvͦme.ſine lech dirſ niht zeroͮme.Si wande du ſoldeſt da herre ſin.Deſ graleſ vn̄de ir. dar zuͦ min.Din oheim gap dir oͮh ein ſwert.Da mit dv ſunden biſt gewert.Sit daz din wol redender mvnt.da leider niht tet fragin chvnt.Die ſvnde la bi den andern ſten.Wir oͮh talangen roͮwen gen.Wenic wart in bete vn̄de gulter braht.Si giengen et ligen in ein baht.Daz leger waſ ir hohen art.geliche niender da biwart.Svſ waſ er da funf zehentage.Der wirt ſin phlach alſ ih iv ſage.Chrvt vn̄de wurzelin.Daz muͦſe ir beſte ſpiſe ſin.Parzival din ſwære.Troͮch durch ſueziv mære.wan in der wirt von ſvnden ſchiet.Vnde im doh riterlichen riet.Eineſ tageſ fraget in parziual.wer waſ ein man der lac vorme grale.der waſ al gra bi liehtim vel.Der wirt ſprach daz waſ titurel.Der ſelbe waſ diner muͦtir ane.Dem wart alrerſt deſ graleſ vane.bevolhen durch ſchermeſ rat.Ein ſiehtoͮm heizet pograt.Treit er die lem helfelos.ſine varwe er iedoch nie uirloſ.wan er den grâl ſo ditche ſihte.Da von mag er erſterbin niht.Dvrch rat ſi hant den betteriſen.Inſiner ivgent fûrt vn̄de wiſen.Reit er uil durch tioſterentioſtiren.Wil du din lebin zieren.Vnde rehte werdechlichen varin.So muͦſtu haz gein wiben ſparn.Wip vn̄de phaffen ſint erchant.Die tragent vnwerliche hant.So reichet ubir phaffen goteſ ſegin.der ſol din dienſt mit triͮwen phlegenDar vmbe obe wirt dine ende guͦtDv muͦſt zephaphen habin muͦt.ſwaz din oͮge vf erden ſihet.Daz gelichet ſich dem briſter niht.Sin munt *die martir ſprichet.div vnſir fluſt zebrichet.oͮch gerifet ſin gewihtiv hant.An daz hoheſte phant.Daz ie fur ſchvlt wart geſetzet.ſwelch prieſter ſih hathat ſih ſo biwart.Daz er dem chuſche chan gegebin.Wie moht der heiliger lebin.Diz waſ ir beider ſcheidenſ tach.Trevrizent ſih deſ biwach.Er ſprach nv gib mir din ſunde her.Vor got ih bin din wandelſ wer.Vnde leiſt alſ ih dir han geſaget.belip deſ willen vnverzagit.Von ein ander ſchieden ſie.Ob ir welt ſo pruevet wie.Ez nahent nv wilden mærin.Die froͮden chvnnen lærin.vnde die hohgemuͦte bringenbringent.Mit den beiden ſi ringent.Nu waſ ez oͮch ubir deſ iarſ zit.Daz geſcheiden waſ deſ campheſ ſtrit.Den der lantgrave zedem blimzol.Erwarp der waſ zebarbigol.von tſchanfanzun geſprochen.Da beleip vngerochen.Der kvnic kingriſin.vergulaht der ſvn ſin.Chom gein gawane dar.do nam diu werlt ir ſippe war.vnde ſchiet den champhe ir ſippe maht.wan oͮch der garave Ehkvnaht.vf im die grozin ſchulde troͮch.der man gawanen zech genuͦch.DeſDo verchoſ kingrimvrſel.vf gawanen den degen ſnel.Si fuerin bede ſvnder dan.vergulaht vn̄degawan.An dem ſelbin mâl.Durch uorſchen nach dem grâle.Al da ſi mit ir henden.Mange tioſte mueſin ſenden.wan ſwerſ gralſ gerte.Der mueſe mit dem ſwerte.Sich dem briſe nahen.Svſ ſol man briſes gahen.Siez gawane chom̄en ſi.Der ie waſ miſſewende. fri.Sit er vo tvontſchanfanzvne ſchiet.Op ſin reiſe uf ſtrit geriet.Deſ iehen diez da ſahen.Er mitmuͦz nv ſtrite nahen.ErEineſ morgenſ chom min her gawan.geriten uf einen gruenen plan.Da ſach er blichen einen ſchilt.Da waſ tioſte durch gezilt.vnde ein pharit daz froͮwen gereit troͮch.Ez waſ gebunden vaſte.zoͮme ſchilte an einem *aſte.Do daht er wer mac ſin daz wip.Diu alſus werlichen lip.hat daz ſi ſchildeſ phliget.Op ſi ſih ſtriteſ gein mir bewiget.wie ſol ih Mih danne ir wern.zefueze troͮwe ih mih wol erneren.wil ſi die lenge ringenSi mach mich nider bringen.Ih erwerbeſ haz ode gruͦz.Sol da ein tioſt gen zefuͦz.Ob ez halt froͮwe kamille wære.Div mit riterlichem mære.Vor lorente priſ erſtreit.wære ſi geſvnt alſ ſi doldort reit.Ez wurde iedoch verſuechet an ſie.Op ſi mir ſtriten bvte al hie.Der ſchilt waſ oͮch virhoͮwen.gawan bigunde in ſchoͮwen.do er dar zoͮ chom geriten.Der tioſte uer*uenſterweſwaſ geſniten.Mit der glavine wite.Alſvſ malte ſi der ſtrit.wer gulteſ den ſchultarenſchyltaren.Ob ir varwe alſvs waren.Der linden groz waſ der ſtam.oͮh ſaz ein froͮwe an froͮdin lam.Der hinder uf gruenem chle.Der tet groz iamer alſ we.Daz ſi der froͮde gar virgaz.Er reit hin vmbe gein ir baz.Ir lac ein riter in ir ſchoz.Da von ir iamer waſ ſo groz.gewan ſin gruezen niht uirſweich.Div froͮwe im danchet vn̄de neich.Er vant ir ſtimme heiſe.verſchriet durch ir ureiſe.Do erbeizte min herre gawein.Da lach dvrſtochen ein man.Dem giench daz blvͦt inden lip.Do fragit er deſ heldeſ wip.op der riter lebite.Ode mit dem tode ſtrebite.Do ſprach ſi herre er lebit noh.Ih wæne daz iſt vnlenge doh.got ſande ivch mir zetroſte her.Nv ratet nach iͮwer triͮwen ger.IR habet chvmberſ me danne ich mvge geſehen.Lat iͮwern troſt an mir geſchehen.Daz ich iͮwer helfe ſchoͮwe.Ich toͮn ſprach er froͮwe.Diſem riter wolt ih ſterben weren.Ich troͮwete in harte wol ernern.het ich eine roren.Sehen vnde horen.Moht ir in ditche machen noch geſunt.wan er iſt niht zeverhe wunt.Daz bluͦt iſt ſineſ herzen laſt.Er begreif der linden einen aſt.Er ſleiz einen loyft drabe alſ ein rôre.Er waſ zerwunden niht ein tôr.den ſchoͮp er zer tioſt niht inden lip.do bat er ſvgen daz wip.vnze daz bluͦt wider gein ir floz.Deſ heldeſ chraft ſich wider uf entſloz.Daz er wol reite vn̄de ſprach.do er gawanen ob im ſach.Do genadet er im ſere.vnde iach er heteſ ere.Daz er in ſchiede von vnchraft.vnde fragit in ob er durh riterſchaft.ware chomen dar gein logroyſ.Ich ſtreich oͮch verre von poͮntoͮrteiſ.vnde wolde hie aventure beiagin.Von herzen moͮz ihz immer chlagin.daz ih ſo nahen geriten bin.Jr ſultz oͮch miden habit ir ſin.Ihne wande oͮch niht daz ez chôm alſvs.Liſhoẏſ gwellivs.hat mich ſere geletzet.vnde hinderz orſ geſetzet.Mit einer tioſte riche.die ergienc ſo hvrterhvrtechliche.durch minen ſchilt vn̄de durch den lip.do half mir ditze guͦte wip.vf ir pharit an diſe ſtat.gawanen er ſere beliben bat.gawan ſprach er wolde ſehen.wa im der ſchade da ware geſchehen.Lit logroiſ ſo nahen.Mac in der vor ergahen.So muͦz er antwurten mir.Ih fraget in waz er ræche an dir.deſen toͮ niht ſprach der wunde man.Der warheit ih dir iehen chan.dar enget niht chinde reiſe.Ez mac wol heizen vreiſe.gawan die wunden verbant.Mit der froͮwen huͦpte gewant.Er ſprach zerwunden wunden ſegen.Er bat got man vn̄de wibeſ phlegin.Er vant al bluͦtich ir ſla.Alſ ein hirze ware erſlagin da.Daz enliez niht irre in riten.Er ſach inchurcen ziten.Logroyſ die geherten.vil lûte mit lobe ſi erten.Vnder bvrge lagen lobeſ werch.V: 507.30 mit eingerückt, Initiale bezieht sich also auf den zweiten eingerückten Vers.En trenelen maze waſ ir berch.Swa ſi uerre ſah der tumbe.Er wande ſi liefe al vmbe.der burge man noh hiͮte gihtdaz gein ir horte ſturmeſ niht.Si vorhte wenic ſolhe nohtnot.ſwa man hazzen gein ir bot.Alumbe enberch ſlac ein hac.deſ man mit edeln boͮmen phlac.vigen boͮm vn̄de granat.Ole win vn̄de ander rat.Deſ woͮhſ da groziu richeit.gawan die ſtraze al uf hin reit.da erſah er nider ſinhalben ſin.Froͮde vn̄de ſineſ herzen pin.Eine brunne uzem velſe ſchoz.Do vant er deſ in niht uirdroz.Ein alſe clare froͮwen.Die er gerne mohte ſchoͮwen.Aller wibeſ varwe beaflvrſ.Ane condwir amurſ.wart nie geborn ſo ſchoner lip.Mit clareheit ſuͦze waſ daz wip.wol geſchihetgeſchichet vn̄de kurteiſ.Si hiez Orgeluſe delogroiſ.Oh ſeit unſ die aventure von ir.Sie wære ein reizel minnen gir.oͮgen ſueze an ſmerzen.vnt ein ſpanſniͮwe deſ herzen.Gawan bot ir ſinen groͮz.Er ſprach ob ih erbeizen muͦz.Mit iͮwern hulden froͮwe.Ob ich iͮch deſ willen ſchoͮwe.Daz ir mih gern bi iv hat.groz riͮwe mih bi froͮden lat.So newart nie riter mer ſo f*frô.Ih muͦz ſterbin lihte alſo.daz mir nimmer wip gevallet baz.Deiſt et wol nu weiz ih oͮch daz.Sol*Solh waſ ir rede do ſi an in ſach.Ir ſuezer mvnt mer dannoch ſprach.Nune lobit mich niht zeſere.Ir enphahteſ lihte vnere.Ihne wil niht daz ieſlich mvnt.+: Fehlvers mit Pluszeichen gekennzeichnet, womöglich von derselben Hand wie die Versbezifferung.ware min lop gemeine.daz hiez ein wirde chleine.dem wiſen vn̄de dem tumben.Dem ſlehtin vn̄de dem chrumbin.wa rihte ez ſih dane fvr.Nach der werdecheite chur.Ih ſol min lop behaltin.daz eſ die wiſen waltin.Ihne weiz niht herre wer ir ſit.Iwerſ ritenſ ware uon mir zit.Min proͮuen lat iuch doch niht fri.Ir ſit minem herzen bi.Verre uzer halp niht drīnne.gert ir miner minne.Sie habit ir minne an mir erholt.Mangir ſiniv oͮgin bolt.Er mohteſ uf einer ſlingen.zeſenferen wurfe bringen.Obe er ſehen niht uirmidet.daz im ſin herze ſnidet.Lat walzen iͮwer chranche gir.vf ander minne danne zemir.dient nach minne iͮwer hant.hat iuch auenture geſant.Nah minne uf riterliche tat.deſ loneſ ir an mir niht hat.Ir muget wol laſtir hie beiagen.Muͦz ih iu die warheit ſagin.do ſprach er froͮwe ir ſagit mir war.Min oͮgen ſint deſ herzen var.die habint an iͮwerm libe erſehen.daz ih mit warheit deſ muͦz iehen.Daz ich iͮwer geuangen bin.Chert gein mir wipplichen ſin.Swieſ ivh habe uirdrozzen.Ir habit mich in geſlozzen.Nu loſet olde bindet.deſ willen ir mih uindet.het ih ivch ſwa ich wolde.Den wunſch ich gerne dolde.Si ſprach nu fuert mit *iv hin.welt ir teilen den gewin.Den ir mit minnen an mir beiagit.Mit laſter irz der nach bichlagit.Ich weſſe gerne obe ir daz ſit.Ich: die ersten beiden Verse sind etwas weiter eingerückt als die unteren.Der durch mich getorſte liden ſtrit.Daz uirbert bedurft ir ere.ſolde ich iv raten mere.ſprachet ir danne ia.So ſuehte ir minne anderſwa.Obe ir miner minne gert.Minne vnde froͮde ſit ir entwert.Obe ir mich hinnen fuert.groze ſorge ivch da nach ruͦret.da ſprach min herre gawan.Swer mach minne vngedient han.Muͦz ich iv daz chunden.der treit ſi hin mit ſunden.Swem iſt zewerder minne gah.Da horet dienſte vor vn̄de nah.Si ſprach welt ir mir dienſt geben.So muezet ir werdechlichen lebin.vnt muget doh laſter wol beiagin.Min dienſte bidarf neheinſ zagin.vart ienen phat ez iſt niht ein wech.Dort ubir ienen hohen ſtech.In einen boͮmgarten.Minſ pharideſ ſult ir da wartin.Da hort vn̄de ſehet manige diet.Die tanzent vn̄de ſingent mænige liet.Tamburen vn̄de floytieren.Swie ſi ivch condewieren.Get durch ſi da min pharit dort ſtet.Gawan von dem orſe ſpranch.Do het er manigen gedanch.wie daz orſ ſiner erbite.dem brunnen wonet niemer mite.Da erz geheften mohte.Er dahte ob im daz dohte.: Verse 512.06-512.12 etwas eingerückt.daz ſiz zebehalten næme.Obe im diu bete *gezame.*gezame: Über dem g Ansatz zu z.Ih ſihe wol weſ ir angiſt hat.ſprach ſi. ditze orſ mir ſten hie lat.daz behalt ich unze ir wider chomet.Min dienſt ivch doh uil wenic frumet.Do nam min herre gawan.den zugel von dem orſ ſan.Er ſprach nv habit mirz froͮwe.Bi tvmpheit ih iv ſchoͮwe.Sprach ſi wan da lac iͮwer hant.der grif ſol mir ſin vmbe kant.Do ſprach der minne gernde man.Froͮwe ih engreif nie uorn dran.Nu da wil ichz enphahen.ſprach ſi nu ſvlt ir gahen.vn̄de bringet balde mir min pharit.Miner reiſe ir ſit mit iv gewert.daz duhte in froͮde hafte gewin.do gaht er balde von ir hin.vbir den ſtek zeder borten in.do ſah er maniger froͮwen ſchin.vnde manigen riter ivngen.die tanzeten vn̄de ſprungen.Do waſ min herre gawan.ſo gezimierte ein man.daz ez ſi lerte riͮwe.wan ſi hetin triͮwe.Die deſ boͮmgarten phlagen.ſi ſtoͮden ode lagen.Ode ſæzzen in den gezelten.die uirgazzen deſ uil ſeltin.ſine chlagiten ſinen chumbir groz.wip vn̄de man deſ niht uirdroz.genuege ſprachen den eſ waſ leit.Miner froͮwen trugeheit.wil diſen man uirleiten.zegrozen arbeiten.Owe daz er ir volgen wil.vf alſo riͮwærivriͮwæbariv zil.Manic wert man da gein im giench.Der in mit armen vmbe viench.Durch friͮvntliche enphahen.Dar nach bigunde er nahen.Einem olboͮme da ſtuͦnt daz pharit.oͮch waſ mæniger march wert.Der zoͮm vnde ſin gereite.Mit einem barte breite.wol geflohten vn̄de gra.ſtoͮnt der bi ein riter da.vbir eine chrvchen geleint.von dem wart ez biweinet.daz gawan zoͮ dem pharit gienc.Mit ſuezer rede ern doch enphienc.ER ſprach welt ir ratiſ phlegen.ir ſult diſſeſ pharideſ ivch biweginEzn wert iv doh niemen hie.getat abir ir daz wagiſt ie.ſo ſult irz hie lazen.Min froͮwe ſie uir*uirwazen.Daz ſi ſo manigen werden man.vonem libe ſcheiden chan.gawan ſprach er liezeſ niht.Owe deſ danne da nah geſchiht.ſprach der grawe riter wert.Die halftern loſt er von dem phert.er: Das r scheint nachträglich mit einer Unterlänge versehen worden zu sein.Er ſprach ir ſult niht lenger ſten.Lat dize pharit nah iv gen.Deſ hant dez mer geſalzen hat.Der gebe iv fur chumbir rat.huete daz iuch iht gehone.Miner froͮwen ſchône.wan diu iſt bi der ſueze al ſûr.Rehte alſ ein ſunnen blicher ſchûr.Nu walteſ got ſprach gawan.vrloͮp nam er zedem grawen man.Alſ tet er hie vnde dort.Si ſprachen alle chlagendiv wort.Daz phert gie einen ſmalen wech.zeden borten uz nah im uf dem wechſtech.Sineſ herzen vogit er da vant.Div waſ froͮwe ubirz lant.Swie ſin herze gein ir floch.vil chumberſtiͮvelſnezze chumberſ ſim doch drin zoch.Si het mit ir hende.vnder dem chinne daz gebende.hin uf ez huͦpt geleit.Champh bæriv lide treit.Ein wip die man uindet ſo.Div wære uil lihte eineſ champheſ frô.waz ſi anderre chleider truege.anderre: Auch hier scheint die Unterlänge des ersten r nachgetragen zu sein.Ob ih deſ nv ge*gewuege.Daz ih prueuen ſolt ir wât.Ir liehter blic mich deſ erlat.do gawan zuͦ der froͮwen gienc.Ir ſuezer munt in ſuſ enphienc.Si ſprach ſit willechomen ir ganſ.Nie man ſo groze tumpheit danſ.Obe ir mih dienſteſ welt wern.we wie gern irz mohte uirbern.Er ſprach iſt iv nu zornſ gah.da hort iedoch genade nah.Sit ir mirmich ſtrafet ſo ſere.Ir habet ergetzenſ ere.die wile min hant iv dienſt toͮt.vnze ir gewinnet loneſ muͦt.welt ir ih hebe ivch uf dize phert.ſi ſprach deſ han ih *niht gegert.Iwer vnferſichert hant.Mac grifen wol an ſmæher phant.hin vmbe von im ſi ſich ſwanc.von den bloͮmen vf ez phert ſi ſpranc.Si bat in daz er rite fûr.Ez ware et ſchade ob ih uirlur.Vvſ ahtbærin geſellen.ſprach ſi got muͦze iuh vellen.Swer nv deſ wil volgen mir.Der mit valſche rede gein ir.Niemen ſih uirſprechen.Ern wizze ȩ waz er reche.vnze er gewinne chunde.wie ez vmbe ir herze ſtuͦnde.Ich chunde oͮch wol gerechen dar.gein der froͮwen wol gevar.ſwaz ſi hat gein gewan.In ir zorne miſſetan.Ode ſwaz ſi noh tuͦt gein im.Die rache ih alle von ir nim.Orgeluſe diu riche.Fuer vngeſellechliche.zuͦ gawane ſi chom geriten.Mit alſo zornlichen ſiten.Daz ih mihſ wenc troſte.Daz ſi mich uon ſorgen loſte.Si riten dannen beide.*Uf eine liehte heide.Ein chrût gawan da ſtênde ſach.Deſ chrut er wunden helfe iach.Do erbeizet der werde.Nider zuͦ der erde.Er groͮp ſi wider uf er ſaz.Div froͮwe ir rede oͮch niht uirgaz.Si ſprach chan der geſelle min.Arzet vn̄de riter ſin.ER mac ſich harte wol beiagin.gelernt er bûhſen veil tragin.zeder froͮwen ſprach gawanſ mvnt.Ih reit fur einen riter wunt.Deſ tdach iſt ein linde.Ob ih den noh uinde.Diſiv wurz ſol in wol erneren.vnt al ſin vnchraft erwern.Si ſprach daz ſih ich gerne.waz ob ich chunſt gelerne.do uvͦr in balde ein chnappe nah.Dem waſ zerbotſchefte gah.Die er werbin ſolde.Gawan ſin beiten wolde.Do duht ern vngehure.Malcreature.Hiez der chnappe fiere.Gvndrie lanſvrziere.wolwaſ ſin ſweſter wolgetan.Er muͦſe ir antlutze han.gar wan daz er waſ ein man.Im ſtuͦnt oͮch ietwederre zan.Alſ einem eber wilde.vngelich menſchen bilde.Im waſ daz har oͮch niht ſo lanc.Alſ ez gundrien uf dem mul dort ſwanc.Churz ſcharphe alſ ygelſhut ez waſ.Bi dem waſ*waſzerganiaſ.In dem lande zetribalibôt.wahſent lute alſus durch nôt.Vnſir uatir adam.Die chunſt er uon got nam.Er gap allen dingen namen.beidiv wilden vn̄de zamen.Er erchande oͮch ieſlicheſ art.Dar zu der ſterne vmbe vart.Der ſiben planeten.Waz die krefte heten.Er erchande oͮch aller wurze maht.Vnde waſ ieſlicher waſ geſlaht.Do ſineu chint der iare chraft.gewunnen daz ſi berhaft.vgewunnen daz ſi bwurden menniſchlicher fruht.Er wider riet in vngenuht.ſwa ſiner tohter deheiniv troͮch.vil dicke er deſ gein in gewoͮch.Den rat er ſelten gein in liez.Vil wurzen er ſi miden hiez.Die menſchen fruht uircherten.vnt ſine geſlahte unerten.Anderſ danne got vnſ maz.d zewerche ubir mihgeſaz.ſprach er min liebiu chint.Nu ſit an ſælicheit niht blint.div wib taten et alſ wib.Eteſlicher riet ir broder lib.Daz ſi div werch uol brahte.Der ir herze gir gedahte.ſus wart virchert d menniſcheit.Daz waſ iedoch adam leit.Doch gezwiſchelte nie ſin wille.die chunegin ſegundille.Die fetefiz mit riterſ hant.Erwarp ir lip vn̄de ir lant.Div het in ir riche.Harte vngelonlichevnlogenliche.von altir do der lute uil.Mit uir chertem antlutzeſ zil.Si truegen fromden wilden mal.Do ſagite man ir vmben gral.Daz uf erden niht ſo richeſ waſ.vnde eſ phlage ein chunic hiez anfortaſ.Daz duhte ſih wunderlich genuͦch.wan vil wazer in ir lant truͦch.*Uur den griez edel geſteine.groz niht zechleine.het ſi ge*gebirge guldin.do dahte div edil chungin.wie gewinne ih chunne diſes man.Dem der gral iſt vndertan.Si ſande ir chleinode dar.zwei menſchen wunderlich gevar.gundrien vn̄de ir broͮder chlar.Si ſande im mer dannoch fur war.Daz niemen mohte uirgelten.Man vunden veile ſelten.Do ſande der ſueze Anfortaſ.wan er et ie vil milte waſ.Orgelvſen delogrôys.Diſen chnappen churtoys.Uon wibeſ gir ein vnder ſcheit.In ſchiet uon der menniſcheit.Der wurze vn̄de der ſtrenen mac.huͦp gein gawan grozen bac.Der het ſin vf dem wege biten.Mal creature chom geriten.vf einem rvnzide chranc.Daz uon lem an allen vierin hanc.Ez ſtruchet ditche uf der erde.Fro Ieſchvte diu werde.Iedoch ein bezer pherit reit.Deſ tageſ do parcival erſtreit.Abe orilluſ er die hulde.Die uirloſ ſi ane ſchulde.Der chnappe ane gewanen ſach.Mal creature mit zorn ſprach.herre ſit ir uon riterſ art.So moht irz gerne han biwart.Jr dunchet mich ein tumpir man.daz ir mine froͮwen fuerte dan.Oh werdet irſ vnder wiſet.Daz man ivch drumbe briſet.Op ſiheſ erwert iͮwer hant.Sit abir ir ein ſariant.So werdet ir gealunt mit ſtabin.Daſ irſ gern wandel moht habin.ganſprach min riterſchat.Erleit nie ſolher zuhte chraft.Suſ ſol man walchen campel hêr.Die niht mit manlicher wer.Ich pin noch ledich vor ſolhem pin.welt abir ir vnde diu froͮwe min.Mir ſmæhe rede bieten.Ir muezet iuch eine nieten.Daz ir wol muget vur zurne han.Swie freiſliche ir ſit getan.Ihne enbær doh ſamfte iͮwer drô.gawan in bi dem hare do.begreif vnde ſwanc in vnderz phert.Der chnappe wiſe vn̄de wert.Vor*Vorhtliche wider ſach.Sin igelmazch har ſih rach.Daz uerſneit gawan alſo die hant.Div wart uon bluͦte al rot erchant.Deſ lachete diu froͮwe.ſi ſprach uil gerne ih ſchoͮwe.Ivch zwene ſuſ mit zornſ ſite.Si cherten dan daz pharit lief mite.Si chomen da ſi fvnden.Ligen den riter wunden.Mit triͮwen gawanſ hant.die wurz uf die wunden bant.der wunde ſprach wie ergienc ez dir.Sit du ſchiede hie uon mir.Du haſt ein froͮwen braht.diu dineſ ſchaden hat gedahtvon ir ſchulden iſt mir ſo weIn aveſtroit mae.half ſi mir ſcer tioſte.vf libeſ vn̄de uf guͦteſ choſte.Welleſtu bihaltin dinen lip.So la ditze trugehafte wip.Riten vn̄de chere von irNu prueve ſelbe ir rate an mir.Doht moht ih harte wol geneſin.Obe ih bi roͮwe ſolde weſin.Deſ hilf mir uil getriuwer man.Do ſprach min herre gawan.Nim aller miner helfe warwal.hie nahen ſtet ein ſpital.Alſo ſprach der riter wunt.Chome ih dar inchurcer ſtunt.da moht ih roͮwen lange zit.Miner frivndinne rvncit.habe wir noch ſtende al ſtarchez hie.Nu hebe ſi druf mih hinder ſie.Do bant der wolgeborn gaſt.Der froͮwen pherit von dem aſt.Er wold ez ziehen naher ir.Der wunde ſprach hin dan von mir.wie iſt ivch tretenſ noh ſo gah.Er zohez ir verre div froͮwe gienc nach..vi.Sanfte doh nih drate.Al nah ir manneſ rate.gawan vf daz phert ſih ſwanch.Innen deſ deſder wunde riter ſpranc.vf gawanſ chaſtelan.Ih wane daz waſ miſſetan.Er vnde div froͮwe riten hin.Daz waſ ein ſchadehaft gewin.Gawan daz clagite ſere.diu froͮwe eſ lachete mere.dane iender ſchinpheſ in gezam.Sit daz man im daz orſ genam.Ir ſuezer mvnt mit froͮden ſprach.vur einen riter ih ivh ſach.Dar nach inchurcen ſtunden.wurdet ir arzet fur die wunden.Nu muͦzet ir ein garzun weſen.Sol iemen ſiner chunſt geneſen.So troſtet iͮwer ſinne.gert ir noch miner minne.Ia froͮwe ſprach her gawan.Mohte ih iͮwer minne han.div ware mir liebir danne iht.Ez wonte uf erden nihteſ niht.vnder chrone vn̄de alle die chrone tragent.vnde die froͮdehaften briſ beiagent.der gein iv teilte ir gewin.So ratet mir minſ herzin ſin.Daz ichz in lazen ſolde.Iuwer minne ih habin wolde.Mag ih der niht erwerben.So muz ein ſurez ſterbin.Sih ſchiere an mir erzeigen.Ir woͮſte iͮwer eigen.Obe ih friheit ie gewan.Ir ſult mih doh fur eigen han.Daz dunchet mich iͮwer ledic reht.Nv nennet mich riter oder cheneht.Garzun ode uilan.ſwaz ir ſpotteſ habit gein mir getan.Da mit ir ſunde enphahet.Ob ir min dienſt ſmahet.Solt ih min dienſteſ geniezen.Iuch mohteſ ſpotteſ uirdriezen.Ob ez mir niemer wurde leit.Ez chrenchet doch iͮwer werdecheit.wide zoͮ zin reit der wunde man.vn̄de ſprach biſtuz gawan.haſtu iht geborget mir.daz iſt nv gar uirgoltin dir.do mich din manlichiv chraft.vie*viench in herter riterſchaft.vnde do du brahte mih zehuſ.Dinen oheim artuſ.vier wochen er deſ niht uirgaz.Die zît ih mit den hunden az.do ſprach er biſtuz vrianſ.Ob du mir nu ſchaden ganſ.Den trag ich ane ſchulde.Ih erwap dir deſ chunigeſ hulde.Ein ſwach ſin half dir vn̄de riet.von ſchilteſ ambete man dih ſchiet.vnde ſaget dich gar rehtloſ.durch daz ein maget uon dir verloſ.Ir rehte dar zuͦ deſ landeſ fride.der kunic artuſ mit einer wide.wold ez gerne han gerochen.het ich dich niht uirſprochen.Wwaz dort geſchach du ſteſt nv hie.Dv horteſt oh vor dir ſprechen îe.ſwer dem andern half daz er genâſ.Daz er ſin vient dar nach waſ.Ih toͮn alſ die bi witzen ſint.Sih fueget baz ob weint ein chint.danne ein barhtohter man.Ih wil ditze orſ al eine han.Mit ſporn erz uaſte von im reit.Daz waſ doch gawanen leit.Er ſprach zer froͮwen ez chom alſo.Der kunic artuſ der waſ do.In der ſtat zedianazdrvn.Mit im da manic britvn.Dem waſ ein froͮwe dar geſant.Durch botſchaft in ſin lant.oͮch waſ dirre vngehivre.vz chomin durch aventure.Er waſ gaſt vn̄de ſi geſtin.do geriet im ſin chrancher ſinDaz er mit den froͮwen ranchNach ſinen willen an ir danchhinze houe chome daz geſchreiDer chunic rief lute heia hei.Daz geſchach uor einem walde.dar gahten wir alle balde.Ih fuͦr den andern verre vor.Ih begreif deſ ſchuldehaften ſpor.geuangen ih foͮrte wider dan.Fur den chunic diſen man.Div iuncfroͮwe reit unſ mit.Riͮwebære waren ir ſite.Durch daz ir hete genomen.Der nie waſ in ir dienſte chom̄en.Ir chuſchlichen magtoͮm.oͮch bi zaltir da uil chleinen roͮm.gein ir vnwerlichen hant.Minen herrin ſi mit zorne vant.Arthuſen den getriͮwen.Erſprach die werlt ſol riͮwen.Dirre vermaldiete mein.Owe daz ie der tach erſcheinBi deſ lieht diſiv not geſchach.vnt da man mir gerihteſ iach.vnde da ih hivte rihtare bin.Er ſprach zer froͮwen habit ir ſin.Nemet uor ſprechen vn̄de chlaget.div froͮwe waſ deſ vnverzagit.Si tet alſ ir der chvnic riet.Da waſ von ritern groziv diet.vrianſ der vurſte vz ponturteiſ.Der ſtuͦnt da uor dem britanoiſ.vf alle ſin ere vn̄de vf den lip.Fur gienc daz chlagehafte wip.da ez arme vn̄de riche horten.ſi bat mit chlagenden worten.den chunic durch alle wipheit.Er lieze im ſin ir laſter leit.vnt durch magtlich ere.Si bat in furbaz mere.Durch der tauel*tauelrunde art.vnde durch de*der botſchefte ar*vart.Alſ ſi ware an in geſant.ware er zerihtare erchant.Daz er dane riht ir ſware.Durch gerihteſ mare.Do bat ſi der tauelrunder ſchar.Alle ir rehteſ nemen war.ſit daz ir ware ein roͮp genomen.Der niht wider mohte chomen.Ir magtoͮm chuſche reine.daz ſi algemeine.den chunic gerihteſ baten.vn̄de alle ir rede tætin.Forſperechen nam der ſchuldich man.dem ih nv chrancher erin gan.der wert in alſ er mohte.div wer im doch niht tohte.Man uirteilte imz leben vn̄de ſinēn briſvnde daz man winden ſolde ein riſ.Dar *an im ſterbin wurde erchant.Ane bloͮtige hant.Er rief mich an deſ twanch in not.vn̄de mant daz er mir bot.ſicherheit durch geneſin.Ih vorhte an alle min ere weſin.Ebe er virlûr da ſinen lip.Ih bat daz ch*chlagehafte wip.Sit irſi mit ir oͮgen ſach.daz ih ſi manlichen rach.Daz ſi durch wibeſ guͦte.Senfte ir gemuete.ſit daz mueſe ir minne iehenſwaz ir da waſ geſchehen.vn̄de ir clarem libe.vnt ie man von wibe.Mit dienſte chôme inherze not.Ob ſi im da nach ir helfe bot.der helfe toͮt ez zeren.Lat iuch von zorn cheren.Ich bat den chunic vn̄de ſine man.Ob ich in hete getan.deheinen dienſte daz erſ gedahte.daz er mir laſterſ æhte.Mit einem ſite werte.daz er den riter nerte.ſin wib die chvneginne.bat ich durch ſippe minne.wan mich der chunic von chinde zoch.vn̄de daz min triͮwe ie gein ir floc.daz ſi mir hulfe daz geſchach.die ivnchfroͮwen ſi ſvnder ſprac.do genaſ er durch die chvngin.Er mueſe abir liden hohen pin.ſuſ wart ſin lip gereinet.ſolch wandel im beſcheinet.ErEz ware vorloͮft ode leitehvnt.vz einem troge az ſine mvnt.Mit in da vier wochen.ſvſ wart diu froͮwe gerochen.Froͮwȩ daz iſt ſin rache vf mich.ſi ſprach ſich twirbet ſin gerich.Ihne wirde iv lihte nimer holt.dohne enphahet er drumbe ſolhen ſolt.Ȩ er ſcheide von minem libe.lande.deſ er iehen mac fur ſchande.ſit ez der chunic dort niht rach.Al daz der froͮwen da geſchach.ſit ez ſich hat an mih gezogit.Ich bin nv iͮwer beider voget.vn̄de enweiz doch wer ir beidiv ſitEr moͮz dar vmbe enphahen ſtrit.durch die froͮwen eine.vnde durch ivch harte chleine.Man ſol vngefoͮge rechen.Mit ſlahen vn̄de mit ſtechen.gawan zoͮ dem pharide gienc.Mit lihten ſprvnge erz doch gevienc.da waſ der chnappe chomen nach.zedem diu froͮwe heidenſ ſprach.Al daz ſi wider vf enbot.Nu nahent oh gawanſ not.Mal creature zefuͦz fuere dan.do geſach oͮch min herre gawan.deſ ivncherren rvnzit.daz waſ zechranch uf einem ſtrit.Ez hete der chnappe dort genom̄en.Ȩ er von der halden ware chomin.Einēm vilane.do geſchach ez gawane.Fur ſin orſ zebehaltin.deſ gelteſ muͦſ er waltin.ſi ſprach hinze im ih wane durch haz.ſaget an welt ir iht furbaz.do ſprach min herre g*gawan.: Vers im Vergleich zu den anderen weit ausgerückt.*Min varte von hinnen wirt getan.Al nach iͮwerm rate.ſi ſprach der chvmet iv ſpate.Nv diene ich doch drumbe.Deſ dunchet ir mich der tvmbe.welt ir daz niht *uermiden.ſo muͦzet ir von dem bliden.Cheren uon der riͮwe.Iwer chumbir wirt al niͮwe.Do ſprach der minne gernde.Ih bin iͮch dienſteſ wernde.Ihne enphaheſ froͮde olde not.Sit iͮwer minne mir gebot.daz ich muͦze zeiͮwerem bote ſten.Ih muge riten oder gen.Al ſtende bi der froͮwen.dardaz marche bigvnde er ſchoͮwen.daz waſ zedræter tioſte.Ein harte chleiniv choſte.Stîch leder von baſte.dem edeln werden gaſte.waſ eteſwenne geſatel baz.vf ſitzen meit er vmb daz.Er uorhte daz er zertræte.deſ ſatelſ gewæte.Dem pharide waſ der rvcche crvmp.ware druf ergangen da ſin ſprunch.Im ware der ruke gar zivarin.daz muͦſ er allez da biwarin.Eſ hete in etwenne bevilt.Er zoch ez vn̄de troͮch den ſchilt.vnde ein clavine.Siner ſcharfen pine.diu froͮwe ſere lachete.diu im uil chumbirſ machte.Sinen ſchilt er uf daz pharit bant.Si ſprach fuͦret ir chramgewant.In minem lande veile.wer gab mir zeteile.Einen arzet vn̄de eineſ chramerſ phlegehuͦt ivch for zolle uf dem wege.Eteſlich min zolnare.Ivch ſol machen froͮden lære.ir ſcharphiv tſalûre.In duhte ſo gehivre.Daz ern roͮhte waz ſprach.: Dieser und der Folgevers weiter ausgerückt als die restliche Spalte.wan immer ſwenne er an ſi ſach.So waſ ſin phant zeriͮwe quit.Si waſ im rehte eine meien zit.vor allem bliche ein flori.oͮgen ſuezze vn̄de ſûr dem herzen bi.ſit fluſt vn̄de vinden an ir waſ.vn̄de deſ iuncfroͮweſiechiv froͮde wol gnaſ.daz frumet in zallen ſtundenLeidich vn̄de ſere gebvnden.Manch min meiſter ſprichet ſo.daz amor vn̄decupido.vnde der zweier muͦtir venꝰus.Den luten minne gæbin alſus.Mit geſchozze vn̄de mit fivre.Div minne iſt vngehivre.Swem herzenlichiu triͮwe iſt bi.der wirt nimmer minne fri.Mit froͮde etſwenne mit riͮwȩ.Rehtiv triͮweminne iſt wariv minne.Cupido din ſtrale.Min miſſet zallem male.Alſo toͮt deſ herrin amoriſ ger.Sit ir zwene obe minnen her.vn̄devenuſ mit ir uacheln heiz.vmb ſolhen chumbir ih niht weiz.Sol ih der warin minne iehen.div moͮze durch triͮwe mir geſchehen.hulfen mine ſinne.Iemen iht fur minne.Minem herren gawane bin ih wol ſo holt.dem wolde ih helfen ane ſolt.Er iſt doch ane ſchande.Lit er in minnen bandeObe in diu minne rueret.diu ſtarche wer zefueret.Er waſ ie doch ſo werlichder werden wer alſo gelichDaz niht twingen ſolde ein wipſinen werlichen lip.Lat naher gen her minnen druch.Ir tuͦt der froͮden alſolhen zuch.daz ſih durchelt der froͮden ſtat.vnt bant ſich der triͮwen phat.Suſ breitet ſich der riͮwen ſtat.ſla.gene ir reiſe anderſwa.danne in deſ herzen hohen muͦt.Daz duhte mich gein froͮden guͦt.Iſt minne ir ungefuͦge balt.dar zuͦ dunchet ſi mich zealt.Ode giht ſis uf ir chintheit.Swem ſi fueget herzeleit.vngefuege gan ih baz ir ivgent.danne daz ſi ir alter brache tugent.vil uil dingeſ iſt uon ir geſchehen.weder halp ſol ih deſ nu iehen.wil ſi mit iungen raten.Ir altin ſite unſtatin.So wirt ſi ſchiere an briſe laz.Man ſol ſis vnder ſcheiden baz.Luter minne ih priſe.vnde alle die ſint wiſe.Eſ ſi wip ode man.von den ihſ ganze uolge han.Swa lieb gan liebe erhuͦbe.Lutir ane truebe.Der enwederz deſ uirdruzze.Daz minne ir herze ſluzze.Mit minnen von der wanc ih floc.div minne iſt obe den andern hoch.Swie gerne ih in nv name dan.doch mag min herre gawan.der minne deſ niht entwenchen.Sine welle im froͮde chrenchen.waz hilfet dane min underſlach.Swaz ih da von geſprechen mach.wêrt man. ſol ſich niht minnen weren.wan den muͦz minne helfen neren.gawan durch minne arbeit enphiench.Sin froͮwe reit. zefueze er giench.Orgeluſe vn̄de der degin balt.Die chômin in einen grozen walt.dannoch muͦſ er genſ wonen.Er zoch daz pharit zoͮ einen ronen.Sin ſchilt der ȩ druf lach.Deſ er durch ſchilteſ ambit phlach.Nam er zehalſe vf ez pharit er ſaz.Ez truege in chûme furbaz.Anderhalp uz iner boͮwen lant.Ein burch er mit den oͮgen vant.Sin herze vn̄de diu oͮgen iahen.Daz ſi erchanden noh geſahen.deheine burch nie der gelich.Si waſ allumbe riterlich.Turne vnde palaſ.Manigez uf der bûrge was.Dar zuͦ muͦſ er ſchoͮwen.In den uenſtern manige froͮwen.Der waſ uier hundert ode mer.viere vnder in von arde her.Von paſſaſhen vngeverte groz.gienc an ein wazer daz da floz.ſchif rahe ſnel vn̄de breit.Da engegen er vn̄de div froͮwe reit.An dem urvar ein anger lach.Dar uffe man uil tioſte phlach.vbirz wazzer ſtuͦnt daz chaſtel.gawan der degen ſnel.Sach einen riter nah im varin.der ſchilt noh ſper niht chunde ſparn.Orgeluſe div riche.ſprach ſi hohuertichliche.: Vers weiter ausgerückt als die restliche Spalte.op mirſ iͮwer munt uirgiht.So briche ich miner triͮwe niht.Ih heteſ iv ȩ ſo uil geſagit.Daz ir uil laſterſ hie beiagit.Nu wert iuch obe ir chunnet wern.Ivch enmach anderſ niht ernern.der dort chumit iuch ſol ſin hant.So vellen ob iv iſt zet*zetrant.Iener iͮwer nider chleit.Daz ſi *iv durch die froͮwen leit.Die obe iv ſitzent vn̄de ſehent.waz op die iͮveiͮwer laſter ſpehent.Deſ ſchiffeſ meiſter vbir her.Chom durch orgelvſen ger.orgelvſen: Über o kleiner Strich - vmtl. Buchstabenansatz.vome lande inz ſchif ſi cherte.daz gawanen trvrin lerte.Div riche wol geborne.Sprach wider uz mit zorne.ER ne chomit niht zoͮ mir her in.ER: E erstreckt sich nur über eine Zeile, Verzierung und Einrückung über 7.IR muͦzet phant dort uze ſin.Er ſprach ir truriclichen nac.FRoͮwe wie iſt iv von mir ſo gach.Sol ih ivh immer me geſehen.Si ſprach iv mac der briſ geſchehen.Ih ſtatte iv ſehenſ noch an mich.Ich wane daz ſere lenget ſich.Diu froͮwe von im ſchiet alſus.Hie chome liſhoiſ gewelliuſ.Sagite ih iv nu daz der flug.Mit der rede ih ivch bitruge.Er gahte abir anderſ ſere.daz eſ dez orſ het erȩ.wan daz erzeigte ſnelheit.vbir den gruenen anger breit.Do dahte min herre gawan.wie ſol ih beiten diſeſ man.wederz mac der wægir ſin.zefueze oder zedem pharidin.wil er uollechlichen an mih uarn.daz er den poynder niht chan ſparn.Er ſol mich nider riten.weſ mac ſin orſ da biten.Ez enſtruche oͮch ubir daz runzit.wil er mir danne bieten ſtrit.Al da wir bede ſin zefueze.Ob mir halt nimer wurtwurde ir gruͦz.Div mih diſeſ ſtriteſ hat gewert.Ih gibe im ſtrit ob er deſ gert.Nv diz waſ vndevnwendich.der chomende waſ gendech.Alſ waſ oͮch der da beite.zer tioſt er ſich bereite.Do ſazete er die clavin.vor uf deſ ſatelſ uilcelin.Deſ gawan uor hete erdaht.Suſ waſ ir beder tioſte braht.Div tioſte ietweder ſper zibrach.Daz man die helde ligen ſach.do ſtrufte der baz geriten man.daz er vn̄de min herre gawan.vf den bloͮmen lagen.weſ ſi do bede phlagin.vf ſprungeſ mit den ſwerten.Si bede ſtriteſ gerten.Die ſchilde warin vnfer miten.Die wurden alſo hin geſniten.In beleip ir lutzel uor der hant.wan der ſchilt iſt immer ſtriteſ phant.Man ſah da bliche vn̄de helmeſ fivr.Ir mugtſ im iehen fur aventivr.Swen got den ſich da lazet tragin.Der muͦz uil briſes ȩ beiagin.Suſ tûrten ſi mit ſtritevf deſ angerſ wite.Eſ muede warin zwene ſmide.Op ſi halt heten ſtercher lide.von alſo grozem ſlage.Suſ rungen ſi nah priſes beiage.Wer ſolde ſi drumbe briſen.daz die vnwiſen.ſtriten ane ſchulde.Niͮwen durch briſes hulde.Sine hetin niht zeteilen.Ane not ir leben zeveilen.Ietweder vf den andern iac.Daz er die ſchulde nie geſchgeſach.gawan chunde ringen.vnde mit ſwanche twingen.ſwem er daz ſwert vndergienc.vn̄de in mit armen zim gevienc.den twanch er ſweſ er wolde.ſit er ſich weren ſolde.do gebart er werliche.der werde muͦteſ riche.begreif den iungen ellenthaft.der oͮch hete manliche chraft.Er warf in balde vnder ſich.Er ſprach hinzeim helt nv gich.welleſtu geneſin ſicherheit.der bet uolge vnbereit.waſ liſhois der da vnder lach.wan er nie ſicherheit gephlach.daz duhte in wunderlich genuͦch.daz ie man die hant getruͦch.diu in ſolde ubir chomin.daz nie wart uon im genomin.betwungenlichiv ſicherheit.der ſin hant ie vil erſtreit.Wwie ez d waſ ergangenEr hetil entphangenDeſer niht furbaz wolde geben.vur ſicherheit bot er ſine lebin.vn̄de iach ſwaz im geſchahe.Daz er nīmmer uirgæhe.ſicherheit durch twingen.Mit dem tode wold er dingen.do ſprach der under ligende.biſtv nv der geſigende.deſ phlag ih do got wolde.vnde ih briſe habin ſolde.Nu hat min briſ ein ende.von diner werden hende.Swa freiſchet man ode wip.daz ubir chomin iſt min lip.deſ briſe ſo hohe ie ſwebite enbor.So ſtet mir baz ein ſterbin vor.Ȩ min friͮnt diz mare.ſul machen froͮden lære.gawan erwarp ſicherheit an in.do ſtoͮnt ſin gir vn̄de alle ſin ſin.Niͮwan uffeſ libeſ virderbin.Oder uf ein gahez ſterbin.do dahte min her gawan.dvrch waz tôete ih den man.wolt er ſus zeminen gebote ſten.geſvnt lieze ih in hin gen.Mit rede warb erz an in ſo.daz newart niht gar geleiſtet do.Uf liez er doch den wigant.Ane geſicherte hant.Ietweder uf die bloͮmin ſaz.gawan ſineſ chumbirſ niht uirgaz.Daz ſin pharit waſ ſo chranch.den wiſen lertȩ ſin gedanch.daz er daz orſ mit ſporn rite.daz waſ gewappent wol fvr ſtrit.Phelle vn̄de ſamit.waſ ſin ander chouirture.ſit erz erwarp mit aventvre.dur waz ſolt erz nv riten niht.ſit ez zeriten im geſchiht.Er ſaz druf do fuͦr ez ſo.Siner witen ſprunge er waſ alfrô.do ſprach er biſtuz gringvliet.daz vrianſ mit ualſcher bete.Er weiz wol wie an mir erwarp.da von iedoch ſin briſ uirdarp.wer hat dich ſvſ gewappent ſider.Ob dvz biſt got hat dich wider.Mir ſchone geſendet.der ditche chumbir wendet.Er erbeizte drabe ein march er vant.deſgraleſ wappin waſ gebrant.Ein turteltube an ſinen buech.Lehelin zertioſte ſloͮch.drufe den uon prienlatſors.Orilluſ wart ditze orſ.ER gab ez gawane.vf dem blimzolſ blane.hie chome ſin trurich guͦte.Abir wider inhohgemuͦte.wan daz in twanch ein riͮwe.vn̄de dienſtbæriͮv triͮwe.Die er nach ſiner froͮwen troͮc.diu im doch ſmæhe erbot genuͦc.Nach der iagit in ſin gedanc.Inne deſ der ſtolze liſhoyſ ſpranc.da er ligen ſach ſin eigen ſwert.daz gawan der degin wert.Mit ſtrite uz ſiner hende brach.Man froͮwe ir ander ſtriten ſach.die ſchilde warin ſo gedigen.Ieweder lie den ſinen ligen.vnde gahten ſuſ zeſtrite.Ietweder kom bezite.Mit herzenlicher manneſ wer.Obe in ſaz froͮwen ein her.Inden uenſtern vf dem palas.vn̄de ſahen champh der uor in waſ.do hoͮp ſih erſte niͮwer zorn.Ietweder waſ ſo hoch geborn.daz ſin briſ vnſamfte leit.Obe in der ander vbir ſtreit.helm vn̄de ir ſwert die liten not.die warin ir ſchilde uvr den tot.ſwer da der helde ſtriten ſach.Ich wæne erſ in fvr chumbir iach.Ẏyſhoiſ gewelliuſ.der ivnge ſuͦze warb alſvs.vercheit vn̄de ellenthaftiv hant.tat.Daz waſ ſineſ hohen hercen rat.Er frumete manigen ſnelen ſwanch.ditche er von gawane ſpranch.vnde abir ſere wider uf in.gawan truͦch ſtatelichen ſin.Er dahte ergreif ih dich zuͦ mir.Ich ſoleſ uil wol gelonen dir.Man ſach da fivrſ bliche.diu ſwert uf werfin ditche.vz ellenthaftin henden.Si begunden ein ander wenden.Neben vur vnde hinder ſich.Ane not waſ ir geric.ſine mohtinz ane ſtriten lan.do begreif in min herre gawan.Er warf in vnder ſich mit chraft.Mit halſen ſolhe geſelleſchaft.Mueze mich uirmiden.Ichne moht ir niht erliden.gawan bat ſicherheit.Der waſ alſ vnbereit.Liſhoiſ der da vnde lac.Alſ do er uon erſte ſtriteſ phlach.Er ſprach du ſvmeſt dich annôt.vur ſicherheit gib ih den tôt.Laze enden dine werden hant.ſwaz mir ie briſes wart bikant.Dor got ih bin uirfluechet.Mineſ briſes er nimmer enruechet.durch orgeluſen minne.Der edeln herzoginne.Muͦſ mir manic man.Sinen briſ zeminen handen lan.du maht uil briſes erbin.Ob du mich chanſt erſterbin.do daht deſ chunic loteſ ſvn.deſwar ihn ſol alſo niht toͮn.So uirlure ih briſeſ hulde.Erſloͮge ih ane ſchulde.diſen chuenen helt unuirzagit.In hat ir minne uf mih geiagit.der minne oͮch mich twinget.vn̄de mir uil chumbir bringet.wan laze ih in durch ſi geneſin.Op min teil an ir ſol weſin.deſ mag er niht erwenden.Sol mirz gelvche ſenden.wære unſir ſtrit uon ir geſehen.Ich wane ſi mueſe doch mir uiriehen.daz ih nach minne dienen chan.do ſprach min herre gawan.Ich wil durh die herzogin.dich bi dem lebin lazen ſin.grozer muͦde ſi niht uirgazen.Er liez ſiin uf ſi ſazen.von ein ander uerre.Do chom deſ ſchefeſ herre.Von dem wazzer ufez lant.Er gienc vn̄de truͦch uf ſiner hant.Ein mûzſprinzelin al gra.Ez waſ ſin Reht lehen da.Swer tyoſtierte uf dem plan.Daz er daz orſ ſolde han.Ienſ der da lage.vnde diſeſ der ſigeſ phlage.deſ hende ſolde er nigen.Sinen briſ niht uirſwigen.Suſ zinſt man im bloͮmin velt.Daz waſ ſin beſte hueben gelt.Ode obe ſin mvzſprinzelin.Ein galander lerte bin.von anderſ niht gienc ſin phloͮch.daz duhte in vrbor genvͦch.Er waſ Er waſ geborn uon riterſ art.: Diesen Vers hat der Schreiber zuerst angesetzt und dann weiter ausgerückt.An guͦtir zuht An wol biwart.: Diesen Vers hat der Schreiber im Gegensatz zum vorhergehenden zuerst eingerückt begonnen und dann am Zeilenanfang neu angesetzt.Er gienc zuͦ gawane.Den zinſ uon dem plane.Den ieſch er zuhteliche.gawan der ellenſ riche.Sprach herre ihne wart nie choͮfman.Ir muget mih zolleſ wol erlan.deſ ſchiffeſ herre wider ſprach.herre ſo manic froͮwe ſach.Daz iv der briſe hie iſt geſchehen.Ir ſult mir mineſ rehtiſ iehen.herre toͮt mir rehte bikant.zerehtir tioſt hat iͮwer hant.Mir diz orſ erworbin.Mit briſe al umbumverdorbin.wan iͮwer hant in nider ſtach.dem al div werlt ie briſes iach.Mit warheit vnze andiſen tac.Iwer briſ ſin halp der gotiſ ſlac.Im froͮde hat enphoͮrt.groz ſælde iͮch hat geroͮret.gawan ſprach er ſtach mich nider.deſ erholt ich mich ſider.Sit man iv tioſt verzinſen ſol.Er mac iv zinſ geleiſten wol.herre dort ſtet ein runzit.daz er warp an mir ſin ſtrit.daz nemet ob ir gebiet.Der ſich diſeſ orſeſ geniet.Daz bin ich ez muͦz mich hinnen taragin.ſolt halt ir niemer orſ beiagin.Ir tuͦt reht welt ir daz nemen.Sone darf ivch nimmer deſ gezemen.daz ich zefuezen hinne ge.wan daz tate mir zewe.Sol diz orſ iͮwer ſin.daz ſo ledichlichen min.waſ dannoch hiut morgin fr*fruͦ.welt ir gemacheſ grifen zuͦ.So ritet ir ſanfter einen ſtap.diz orſ mir ledichlichen g*gap.der herzoge oriluſ der von purgonioiſ.vrianſ der furſte vz pvntorteiſ.Aine wile het mirz virſtoln.Einer mvlinne volen.Moht ir noh ȩ gewinnen.Ich chan anderſ minnen.Sit ir ivch dunchet alſ wert.vur diz orſ deſ ir hie gert.habet iv de*den man derz gein mir reit.Iſt im daz liep ode leit.da chere ich mich uil wenic an.do froͮte ſich der ſchef man.Mit lachendem munde er ſprach.So riche gabe ih nie geſach.Swem ſi rehte ware.zem phahen gebare.doh herre welt irſ ſin min wer.vbir golten iſ min ger.vur war ſin briſ waſ ie ſo hel.Fvnf hundert orſ ſtarch unde ſnel.vngerne ih fur in name.wand ez mir niht gezame.welt ir mirmih machen riche.So werbit riterliche.Mugit irſ ſo gewaltich ſin.Antwurte in in chuche min.ſo chunnet ir werdecheit wol toͮn.do ſprach der chunic lotiſ ſun.Beidiu drin vn̄de der fvr.vnze inner halp iͮwer tur.Antwurte i*ihivn gevangen.So werdet ir wol enphangen.Sprach der ſchifman deſ grozir danch.waſ mit nigen niht zechranch.do ſprach er liebir herre min.dar zuͦ ruechet ſelbe ſin.Mit mir hint durch gmachgelichiv ere nie geſchachdeheinem verien m genozMan pruevet mirz fur ſalde groz.behalte ih alſuſ werden man.do ſprach min herre gawan.deſ ir gert deſ ſolde ih biten.Mih hate groze muede ubir ſtriten.daz mir roͮwenſ ware not.div mir ditze vngemach gebot.diu chan wol ſvez*ſveze ſuren.Dem herzen froͮde tûren.vn̄de der ſorgin machen riche.Si lonet vngeliche.Owe vindchlichiv fluſt.div ſenchet mir die einen bruſt.div ȩ der hohe gerte.Do mich got froͮden werte.da lach ein herze vnden.Ih wane daz iſt virſwunden.wa ſol ih t*nv troſten holen.Muͦz ich ane helfe dolen.Nach minne alſolher riͮwe.Phliget ſi wipplicher triͮwe.Si ſol mir froͮde meren.diu mich ſuſ chan uir ſeren.Der ſchifman horte daz er ranch.Mit ſorge vn̄de daz in minne twanc.do ſprach er herre ez iſt hie reht.vffen plane vn̄de dem foreht.vn̄de al da cliniſor herre iſt.zageheit noch manlich liſt.Foͮgentz anderſ nih wan ſo.hiute riͮwech morgen frô.Ez iſt lihte iv vnbekant.gar aventure iſt ditze lant.Suſ wert ez naht vn̄de oͮch den tach.bi manheit ſalde helfen mach.diu ſenne chan ſo nider ſten.herre ir ſult zeſcheffe gen.deſ bat in der ſchefman.Liſhoſien bat gawan.Mit im dannen uf dem wâc.gedultichliche an allen bâc.Man den helt uolgen ſach.der uerie furtez orſ hin nach.Suſ fuerenſ ubir andaz ſtat.der verie gawanen bat.Sit ſelbe wirt inminem huſ.daz ſtuͦnt alſo daz artuſ.ze nanteſ da er ditche ſaz.Niht dorfte han geboͮwet baz.da foͮrt er lyſhoiſen in.der wirt vnde daz geſinde ſin.Sich deſ vnder wunden.An den ſelbin ſtunden.Der wirt zeſiner tohtir ſprach.du ſolt ſchaffen guͦte gemach.Minem herrin der hie ſtet.Ir zwei mit ein ander get.Nu diene im vnuirdrozen.wir han ſin uil genozen.Sinem ſune bevalch er gringulieten.Deſ du maget waſ gebeten.Mit grozir zuht daz waſ getan.Mit der meidegawan.vf eine chominaten gienc.Den eſtrich al ubir uienc.Niͮwer bimez vn̄de bloͮmen wol gevar.warin druf geſniten dar.do entwappent in div ſveze.got iv deſ danchen mueze.ſprach gawan froͮwe eſ iſ mir not.wan daz manz iv uon hove gebot.So dient ir mir zeſere.Si ſprach ih diene iv mere.herre nach iͮwern hulde.danne von andern ſchulden.deſ wirteſ ſun ein chnappe truͦch.Senfter bete dar genuͦch.An die want gein der tûr.Ein turtepich wart geleit der fur.Da ſolde gawan ſitzen.Der chachnappe troͮch mit witzen.Einen gultir ſo gemal.vbir bete mit rotem zendal.Dem wirte ein bet oͮch wart geleit.Dar nach ein ander chnappe treit.dar uvr tiſlachen vn̄de brôt.der wirt den beden daz gebôt.da gienc div huſfroͮwe nach.do div gawanen ſach.Si enphienc in herzenliche.Si ſprach ir habit unſ riche.Nu alrerſt gemachet.herre vnſir ſælde wachet.Der wirt chom daz wazzir man dar troͮc.Do ſih gawan getwoͮc.Eine bet er niht uirmeit.Er bat den wirt geſellicheit.Lat mit mir ezzen diſe maget.herre ez iſt ſi gar uirdagit.daz ſi mit herrin azze.Obe in ſo nahen ſazze.Si wurde mir lihte zehêr.doh habe wir iͮwer genozen mer.Tohtir leiſt al ſine ger.deſ bin ich mit der volge wer.diu ſvezze wart von ſcham rôt.doh tet er daz der wirt gebôt.zoͮ gawane ſaz fro bene.ſtarcher ſvne zwene.het der wirt oͮh erzogin.Nu hete daz ſprinzelin ervlogin.deſ abende*abendeſ dri galander.Die hiez er mit ein ander.gawan tragin alle dri.vnde eine ſalſen der bi.div ivncfroͮwe niht uirmeit.Mit guetin zuhtin ſi ſneit.gawan ſueziv mvrſel.vf einen blanchen waſtel.Mit ir blanchen henden.do ſprach ſi ir ſult ſenden.dirre gebratin uogil einen.wan ſin hat neheinen.herre miner mvͦtir dar.Er ſprach zermeide wol gevar.daz er gerne ir willen tate.dar an ode ſweſ ſi bate.Ein galander wart geſant.der wirtinne. gawaneſ hant.wart mit zuhtin vil genigen.vn̄de deſ wirteſ danchen niht uirſwigen.do brahte ein deſ wirteſ ſvn.Porceln vn̄de latvn.gebrochen inden vinægir.zegrozir chraft daz vnwægir.Iſt die lenge alſolhiv nar.Man wirt ir oͮch niht wolgeuar.Solhe uarwe toͮt die warheit chunt.die man ſloͮfit in den mvnt.geſtrichen varwe uffez uel.Iſt ſeltin worden lobiſ hel.Swel*Swelh wipplich herze ſtæte iſt ganz.Ich wæne div treit den beſten glanz.Chvndegawan guͦten willen zeren.deſ moht er ſih da wol er*erneren.Nie muͦtir gunde ir chinde baz.danne der wirt deſ brot er az.Do man den tiſch hin dan enphienc.vnde do div wirtinne vz gienc.vil bete man dar uf do trvch.div wurden gawanen geleit.Einez waſ ein pfvmit.deſ zieche ein groͮner ſamit.deſ niht von der hohen art.Ez waſ ein ſamit baſtart.Ein golter waſ de*deſ beteſ dac.Niht wan durch gawaneſ gemac.Mit einem phelle ſvnder golt.verre vz heindenſchaft geholt.geſteppet uf palmat.dar vbir zoch man linde wât.zwei lilachen ſne var.Man leit ein wanchuſſe dar.vnde der meide mandel einen.hermin niͮwen reinen.Mit vrloͮbe erz vnder vienc.der wirt e daz er ſlafen gienc.gawan al eine iſ mir geſagit.Beleip al da mit im div magit.het er iht hinze ir gegert.Ih wæne erſi het in gewert.Er ſol oͮch ſlaffen ob er mach.got huete ſin ſo chom der tach.Groz muede im zoch div oͮgin zvͦ.ſvs ſlief er vntze deſ morgenſ fruͦ.do entwachete der wigant.Ein halp der keminatin want.Vil uenſter het da vor glaſ.Der uenſter einez offin waſ.gein dem bogartenbovmgarten.dar in giench er durch warten.durh lvft vn̄de durf der vogel ſanc.Sin ſitzen wart do niht lanc.Er chôſ ein burch die er deſ abendeſ ſach.do im div aventure geſchach.Vil froͮwen uf dem palaſ.Manigiv vnder in uil ſchone waſ.Ez duhte in ein wunder groz.daz die froͮwen niht uirdroz.Ir wachenſ daz ſi ſlieffen niht.dannoch der tach waſ niht zelieht.Er dahte ih wil in zeeren.Mih an ſlaffen cheren.Wider an ſin bette er gienc.der meide mandel vbir vienc.In daz waſ ſin decche.Op man in da iht wecche.Nein daz wære dem wirte leit.div magit durch geſellecheit.Al da ſi vor ir muͦtir lach.Si brach ir ſlaf deſ ſi phlach.Vnt gienc hin zoͮ ir gaſte.der ſlief dannoch al vaſte.Div magit ir dienſteſ niht uirgaz.Vurz bete vffin tepich ſi ſach.div clare ivncfroͮwe.bi mir ih ſelten ſchoͮwe.daz mir abendeſ oder froͮ.ſolch auenture ſliche zoͮ.bi einer wile gawan erwachet.Er ſach an ſich vn̄de erlachet.vn̄de ſprach got halde ivch froͮwelin.Daz ir dvrch den willen min.Iuwern ſlaf ſus brechet.Vnde an iv ſelbir rechet.Deſ ih niht han gedient gar.Do ſprach div magit wolgevar.Iuwer dienſteſ wil ih enberen.Ihen ſol niht wan hulde gern.herre gebiette vbir mih.Swaz ir gebiete daz leiſte ih.Al die mit minem uatir ſint.beidiv min muͦtir vn̄de ir chint.Suln ivch zeherren immer han.So liebe habit ir vnſ gitan.Er ſprach ſit ir iht lange chomin.het ih iͮwer chumfete ȩ virnomin.daz wære mir lieb dvr fragin.Wolt ivch deſ niht bitragin.daz ir mirz geruechet ſagin.Ih han in diſen zwein tagin.Vil froͮwen obe mir geſehen.Von den ſvlt ir mir viriehen.Dvrch iͮwer guete wer die ſin.do erſchrac daz ivncfroͮwelin.Si ſprach herre nv fragit eſ niht.Ih bin divſ nimmer iv virgiht.Ih enchan iv niht von in geſagin.ob ih ez halt weiz ih ſolez virdagin.Lat ez iv niht ſin ſware.vn̄de fragit anderre mære.daz rat ih welt ir volgin mir.gawan ſprach abir wider zir.Mit frage er gienc dem mære nach.Vmbe al die froͮwen die er da ſach.ſitzende uf dem palaſ.div magit wol ſo getriͮwe waſ.daz ſi von hercen weinde.vn̄de groze chlage erſcheinde.dannoch waſ ez harte froͮ.Innen deſ gienc ir uatir zuͦ.Der liez ez ane zurnen gar.ob div magit wol gevar.Jhteſ da ware betwungen.vn̄de ob da waſ gervngen.Dem gebarte ſi geliche.div magit zuhte riche.Wande ſi dem bette nahen ſaz.Daz liez ir uatir ane haz.do ſprach er tohtir weint niht.Swaz in ſchimphe alſuſ geſchiht.Nu daz uon erſte bringet zorn.der iſ ſchiere doh da nah uirchorn.gawan ſprach hieſ niht geſchehen.Wan deſ wir vor iv wellin iehen.Ih fragite diſe magit ein teil.daz duhte ſi min vnheil.vn̄de bat mih daz ihz liezze.ob ivch deſ niht uirdriezze.So lat min dienſt vmbe ivh beiagin.Wirt daz ir mirz ruechet ſagin.Vmbe die froͮwen die obe vnſ hie.Ihen gefrieſch in allen landen nie.da man mohte ſchoͮwen.So manige clare froͮwen.Mit ſo liehtem gebende.der wirt want ſine hende.do ſprach er herre fragit eſ niht dur got.da iſ not al vbir not.So muͦz ih doh ir chumbir chlagin.Sprach gawan wirt ir ſult mir ſagin.War umbe iſt iv min frage leit.herre durch iͮwer manheit.Chunnet ir fragin niht uirberin.So welt ir lihte furbaz geren.daz leret ivch herzen ſware.vn̄de machet vnſ froͮden lære.Mih vn̄de elliv miniv chint.diu iv zedienſte erborin ſint.gawan ſprach ir ſult mirz ſagin.Welt abir ir mihez gar uirdagin.daz iͮwer mære mih uirget.Jch freiſche iedoch wol wie ez da ſtet.Der wirt ſprac mit triͮwen.herre ſo moͮz mih riͮwen.daz ivch deſ fragenſ niht bevilt.Ih wil iv lihen ein ſchilt.Nu wappent ivch uf einen ſtrit.zeterre maveile ir ſit.Let marveile iſ hie.herre ez wart uirſuechet nie.Vftſchaſtel marveile div not.JvverJuvver leben wil in den tot.Jſt iv auentvre bikant.Swaz ie geſtreit iͮwer hant.daz waſ noh gar ein chindeſ ſpil.Nv nahent iv *riͮwæbærivriͮwebæriv zil.gawan ſprach mir ware leit.op min gemac ane arbeit.Von diſen froͮwen hin rite.Ih en uirſuehte baz ir ſite.Ih han oͮch ȩ uon in uirnomin.Sit ih ſo nahen nv bin chomin.Mih enſol deſ niht betragin.Ihen wellez durch ſi wagin.der wirte mit *triͮwen clagite.ſinem gaſte er ſagite.Aller chumbir iſt ein niht.Wan dem zeliden geſchiht.diſiv aventure.diu iſ ſcharph vn̄de vngehivre.Fur ware vn̄de ane liegin.herre ihne chan niht triegen.Gawan der brîſe erchande.An die uorhte ſih niht wande.Er ſprac nv gebet mir ſtriteſ rat.Ob ir gebietet riterſ tat.Sol ih hie leiſten ruechet eſ got.Iuwern rat vn̄de iuwern ratgebot.Wil ih immer gerne han.her wirt ez ware miſſetan.Solt ih ſvs hinnen ſcheiden.die lieben vnde die heleiden.heten mih fur einen zagin.Alrerſt der wirt bigunde clagin.Wan im ſo leide nie geſchach.hinze ſinem gaſte er ſprach.op daz got erzeige.daz ir niht ſit ueige.So werdet ir herre diſeſ landeſ.ſwaz froͮwen hie ſtet phandeſ.die ſtarchez wunder her betwanc.daz noch nie riterſ briſ erranch.Manc ſariant edeliv riterſchaft.op die hie loſet iͮwer chraft.ſo ſit ir briſeſ gehert.Vnde hat ivch got wol gergeeret.Ir mvgit mit froͮden herre ſin.Vbir manigin liehten ſchin.FRoͮwen uon manigen landen.Wer iahe iv deſ zeſchanden.ob ir hinnen ſchiet alſus.Sit liſhoiſ gewelliuſ.Nv ſinen briſ hie lazzen hat.der mange riterliche tat.gefrumet hat der ſueze.Von rehte ihen alſus grueze.Mit ellen iſt ſin riterſchaft.So manige tugent diu gotiſchraft.Inmanneſ herze nie geſtiez.Ane Jtherin von kahaviez.Der ithern von nantiſ ſloͮch.Min ſchif in geſter ubir troͮch.Er hat mir funf orſ gegebin.got in mit ſalden laze lebin.Die herzogin vn̄de chunige riten.Swaz er hat abe den geſtriten.daz wirt zepeilpzepeilrapeire geſagit.Ir ſicherheit er hat beiagit.Sin ſchilt treit mangir tioſte mal.Er reit hie uorſchende umbe engral .gawan ſprach war iſt er chomin.ſagit mir wirt hat er uirnomin.do er ſo nahen waſ hie bi.waſwaz diſiv auenture ſi.herre ern hateſ niht ervaren.Jch chunde mich deſ wol biwarin.daz iheſ im zoͮ gewoͮge.Vngevoͮge ih danne troͮge.het ir ſelbe vragenſ niht erdaht.Nīmmer wart irſ innen braht.Von mir waz hie mærſ iſt.Mit uorhten ſcharph ein ſtrenger liſt.Welt ir niht erwinden.Mir vn̄de minen chinden.geſchah ſo leide nie.ob ir den lip uirlieſet hie.Sult abir ir briſ behaltin.vn̄de diſeſ landeſ walten.So hat min armuͦt ende.Ih getruͦwe deſ iͮwerre hende.So hohet ſih min richeit.Mit froͮden lieb ane leit.Mach iͮwer briſ hie erwerdenerwerben.Sult ir niht erſterbin.Nv wappent ivh gein chumbir groz.dannoch ſtoͮnt gawan al bloz.Er ſprach tragit mir min harnaſch her.der wirt waſ der bete ſin wer.Von foͮze vf wappint in do gar.diu ſuͦze magit wol gevar.Der wirt nach dem orſe gienc.Ein ſchilt an ſiner hende hienc.Der ditche vn̄de alſ herte waſ.da von doh gawan ſit genaſ.Schilt vn̄de orſ im warin brahte.Der wirt waſ alſo bidahte.DarDazer wider fur in ſtuͦnt.do ſprach er herre ih toͮn iv chunt.Wie ir ſult gebarin.gein iͮwerſ verheſ varin.Minen ſchilt ſchult ir tragin.Der iſt durch ſtochen noch zerſlagin.Nande ih ſtrite ſeltin.Weſ moht er danne engoltenengelten.herre ſwenne ir vf hin chvmt.Ein dinc iv zedem orſ frumit.Ein kramer ſitzet vor dem tor.Dem lat dez orſ hie vor.Choͮfet vmbe in enroͮchet waz.Er bihalt ivz orſ deſte baz.Ob irz im verſetzet.Werdet ir niht geletzet.Ir mugit daz orſ gerne han.do ſprach min herre gawan.ſol ih niht zeorſe riten in.Nein herre al der froͮwen ſchin.Iſt vor iv uirborgin.ſo nahet ez den ſorgin.den palaſ vindet ir eine.Weder groz noch chleine.Vindet ir niht daz da lebe.ſo waldeſ div gotſ phlege.ſo ir in die kominaten get.da let marveile ſtet.daz bette vn̄de die ſtollen ſin.Von marroch de mahmvmelin.Deſ ere vn̄de al ſin richeit.Ware daz dar geine geleit.Da mit ez ware vergoltin niht.Dar an zeli*zeliden ivgeſchiht.ſwaz got an iv wil meinen.Nach froͮde erz muezze erſcheinen.Gedenchet herre ob ir ſit wert.diſen ſchilt vn̄de iͮwer ſwert.Lazet niener von iv chomin.So ir wanet daz ende habe genom̄en.Ivuver chumbir grozlich.Alrerſt dane ſtrite iſt er gelich.Iuwer chumbir grozlich. +do gawan uf ſin orſ geſaz.Div magit wart an froͮden laz.Alle die da warin chlagiten.Wench ſi deſ uirdagiten.Er ſprach zedem wirte gan mirſ got.Iuwer getriͮwelich vrbot.daz ir min ſuſ phlagit.gelteſ mih niht betragit.Vrloͮp er zeder meide nam.Die grozeſ iamerſ wolgezam.Er reit hin. ſi chlagiten hie.Ob ir nv gerne horet wie.gawane da geſchahe.Deſte gerner iheſ iv gihegahe.Ih ſag alſ ihz han uirnomin.do er waſ fvr die porten chomin.Er uant dem chramære.vn̄de deſ chrame niht lære.Da lach inne *veile.Daz ih eſ wære der geile.het ih alſo riche habe.gawan vor im erbeizte abe.So richen market er nie geſacAlſ im zeſehenne al da geſchach.Der chrame waſ ein ſamit.Der: Initialkörper erstreckt sich nur über die erste Zeile, Verzierung bzw. Einrückung über 5.Vier eke hoch vn̄de wit.Waz dar inne veileſ lage.Derz mit gelte wider wage.Der baroͮch von baldach.Vergulte niht daz drinne lac.Alſ tæte der katulaco.Von Rancvlat die chriechen ſo.ſtoͮnt daz man hort dar inne vant.Sone uirgultez niht deſ cheiſerſ hant.Mit iener zweier ſtiure.Daz chrame gewant waſ tivre.gawan ſin gruezen ſprach.zoͮ dem chramære do er geſach.Waz wunderſ da lac veile.Nach ſiner maze teile.bat im zeigen gawan.gurtelen ode furſpan.der chramare ſprach ih han fvr war.hie geſezzen manic iar.daz niemen getorſte ſchoͮwen.Niͮwan werde froͮwen.Waz in minen chramen liget.ob iͮwer herze manheit phliget.So ſit irſ alleſ herre.ez iſt gefuert ferre.habet ir den briſ an ivch genomen.Sit ir durch aventure chomen.her ſo ſol iv gelingen.Lihte ir muget gedingen.Vmb mih ſwaz ih veilſ han.daz iſt iv gar danne vndertan.Vart furbaz lateſ walten got.hat pli*pliplalinot.Der verie her gewiſet.Manc froͮwe briſet.Iuwer chomin indiz lant.ob ſi hie erloſet iͮwer hant.Welt ir nach aventure gen.So lat diz orſ al ſtille ſten.Deſ huͦte ih welt irz an mih lan.Do ſprach min herre gawan.Warez in iͮwern mazen.Ih woldez gerne iv lazen.Nvne enſitze ih iͮwer richeit.So richen marſchalc ez erleit.Nie ſit ih druf geſaz.Der chramare ſprach an allen haz.herre ih ſelbe vn̄de alle min habe.Waz moht ih mere brechen drabe.Iſt iver ſult ir hie geneſen.Weſ ſolt ih billicher weſin.gawan ſin ellen lerte.zefueze er furbaz cherte.Manliche vn̄de vnuerzagit.Alſ ich iv ȩ han geſaget.Er uant der bvrge wite.daz ieſlich ir ſite.ſtuͦnt mit buͦwelicher wer.Fur allen ſturm niht ein ber.Gæbin ſi zedrizech iaren.Op man ir wolde varin.Enmitten druffe ein anger.daz lechvelt iſt langer.Vil turne obe den zinnen ſtuͦnt.Vnſ toͮt div auenture chunt.do gawan den palaſ ſach.dem waſ allumbe ſin dachRechte alſ phawen gevider gar.Lieht gemal vn̄de ſo gevar.Weder regen noh der ſne.Entet deſ dacheſ bliche we.Innen er waſ gezieret.vn̄de wol geweitieret.der venſter ſule wol er grabin.dar uf gewelbe wol erhabin.dar inne bette ein wunder.Lach her vn̄de dar beſvnder.gultir maniger ſlahte.Lagen drufe von richer ahte.da warin die froͮwen geſezzen.diene hetin niht uirgezzen.Sine warin dane gegangen.Von in wart niht enphangen.Ir froͮden chumfte ir ſælden tac.der gar an gawane lac.Mueſin ſi doch han geſehen.Waz mohte in liebirſ ſin geſchehen.Ir deheiniv daz tuͦn ſolde.Swie er in dienen wolde.Da warin ſi doch vnſchuldic an.Do gienc min herre gawan.beidiv her vn̄de dar.Er nam deſ palaſ war.Er ſach an einer wende.Ihne weiz zewederre hende.Ein tûr wît offen ſten.Da inner halp im ſolde ergen.hoheſ briſeſ erwerbin.Ode nach dem briſe erſterbin.Er gienc zer chominatin in.Der waſ ir eſtricheſ ſchin.Luter hæle alſ ein glaſ.Da let marvæle waſ.Daz bette von dem wunder.fier ſchiben liefen drunder.Von rubinen lieht ſinewel.Daz der wint wart nie ſo ſnel.da warin die ſtollen vf gechlobin.den eſtrich muez ih iv lobin.Von iaſpiſ vn̄dechriſolte.Von ſardine alſ er wolte.Clinſor der deſ erdahte.Vz manigen landen brahte.Sin liſtlichiv wiſheit.Werch daz hier an waſ geleit.Der eſtrich waſ gar ſo ſleif.Daz gawan chvme beg*begreif.Mit den ſuezen ſtivre.Er gienc nah aventivre.Immer alſ dicke er trat.Daz bette fuͦr von ſiner ſtat.daz e waſ geſtanden.gawane wart enblanden.Daz er den ſwærin ſchilt getroͮch.Den im ſin wirt bevalch genvͦch.Er dahte wie chvme ih zedir.Wil dv wenchen ſvs vor mir.Ich ſol dich innen bringen.Ob ich dich mvge erſpringen.do geſtuͦnt im daz bette vor.Er huͦp ſich zem ſprvnge enbor.vn̄de ſpranch rehte *enmitten dran.die ſnelheit gefreiſchet niemer man.Wie daz bette her vn̄de dar ſih ſtiez.Der vier wende deheinez liez.Mit hvrte an iſliche ez ſwanc.Daz al div b*bvrch da von erchlanch.Suſ reit er mangen poynder groz.Swaz der doner ie groz.vn̄de al die bvſvnare.Op der erſte wære.bi dem ivngiſte dinne.vn̄de blieſin nach gewinne.Ezen dorfte niht me da chrachen.gawan mvͦſe wachen.Swie er an dem bette læge.Weſ der helt do phlæge.deſ galmeſ hete in ſo bevilt.Daz er zuchte vbir ſich den ſchilt.Er lach vn̄de liez eſ walten.Den der helfe hat bihalten.vn̄de den der helfe nie virdroz.der in ſinem chumbir groz.helfe an in uirſuechen chan.der wiſe herzehafte man.Swa dem chumbir wirt bikant.Der roͮfet an die hoheſten hant.Wan div treit helfe riche.vn̄de hilfet im helfechliche.daz ſelbe oͮch gawane geſchach.Dem er ie ſineſ briſeſ iach.ſinen chreftichlichen guͦten.den bat er ſih behuͦten.Nv gewan daz chrachen ende.So daz die vier wende.gelichen mezwarin gemezzen dar.Al da daz bette wol gevar.An dem eſtriche enmitten ſtoͮnt.do wart im grozir angiſt chunt.Funf hvndert ſtabe ſlingen.Mit liſtlichen dingen.zem ſwanche warin bereit.der ſwanch gab in geleit.Vf daz bette al da er lac.Der ſchilt alſolher herte phlac.daz erſ enphant uil chleine.Ez warin wazzer ſteine.ſinewel vn̄de hart.Etſwa der ſchilt doch durchel wart.Die ſteine warin oͮch virbolt.Er hete ſeltin ȩ gedolt.ſo ſwinde wurfe uf in geflogin.Nv waſ zem ſchvze vf gezogin.Fvnf hundert armbrvſt ode mer.die heten al gelichen cher.rehte vf daz bette dar da er lach.ſwer ie ſolher note gephlac.Der moht erchennen phile.Daz werte chvrce wile.Vnze daz ſi warin virſnvͦrt gar.ſwer wil gemacheſ nemen war.derne chome an ſolch bete niht.gemacheſ im da niemen giht.Eſ mohte ivgent werden gra.deſ gemacheſ alſo da.gawan an dem bette vant.danch ſin herze vn̄de oͮch ſin hant.der zageheit lac al eine.die phile vn̄de oͮch die ſteine.heten in niht gar uirmiten.zerqvatſchivret vn̄de oͮch verſniten.Waſ er durch die ringe.do hete er gedinge.Sineſ chvmberſ warewart ein ende.danoch von ſiner hende.Mvͦſer priſe erſtriten.An den ſelbin ziten.Tet ſih gein im vf ein tûr.Ein grozir gebv̂re gienc dar fvr.Er waſ freiſlich getan.Von fiſchen hvte truͦge er an.Ein ſvrkot vn̄de ein boit.vn̄de deſ ſelben zwo hoſen wît.Einen cholbin ſi in der hende troͮch.deſ chvle grozir dane ein chruͦch.Er gienc g*geingawan her.daz waſ doh ninder ſin gêr.Wande in ſineſ chomenſ dar virdroz.gawan dahte dirre iſt bloz.ſin wer iſt gein mir harte laz.Er rihte ſich vf vn̄de ſaz.Alſ ob in ſware ninder lit.Iener trat hinder einen trit.Alſ ob er wolde entwichen.Vnde ſprach doch zornlichen.Irn durfet mich enſitzen niht.Ich fvͦge abir wol daz iv geſchiht.da von ir den lip zephande gebet.Von tiuvelſ chreftin ir noch lebet.ſol ivh der hie han ernert.Ir ſit doch ſterbenſ vnerwert.deſ bringe ih ivch wol innen.Alſ ih nv ſcheide hinnen.der vilan trat wider in.gawan mit dem ſwerte ſin.Vome ſchilte ſloͮch die zeine.die phile algemeine.Warin hin durch gedrungen.daz ſe inden ringen chlvngen.Do hort er ein gebrvmmen.Alſ der wol zweinzec drvmmen.Slvege hie zetanze.ſin veſter mvͦt der ganze.den div ware zageheit.Nie verſcherte noh verſneit.dahte waz ſol mir geſchehen.Ih mohte nv wol chvmbirſ iehen.Wil ſich min chvmbir meren.zewer ſol ih mich cheren.Nv ſah er geineſ gebvreſ tûr.Ein grozir lewe ſpranch her fvr.der waſ alſ ein orſ alſ hoch.gawan der ie vngerne floch.Den ſchilt er mit den riemen nam.Er tet alſ ez der wer gezam.Er ſpranch vf den eſtrich.durch hvnger waſ freiſlich.dirre ſtarche lewe groz.Deſ er doch wenich da genoz.Mit zorne lief er an den man.zewer ſtvͦnt her gawan.Er het im den ſchilt nach genomen.Sin erſter grif waſ alſo chomin.Durch den ſchilt mit den chlan.Von tiere iſt ſeltin ȩ getan.ſin grif durch ſolhe herte.gawan ſich zvcheſ werte.Ein bein hin abe ſi im ſwanc.Der lewe vf drin fuezen ſpranc.Anme ſchilte beleip der vierde fuͦz.gMit bluͦt gab er ſolhen guz.daz gawan begvnde vaſte ſten.her vn̄de dar begvndez gen.der lewe ſpranch dicke an den gaſt.dvr die naſe manigen phnaſt.Tet er mit plechenden zenen.Wolt man in ſolher ſpiſe wenen.Daz er guͦte lvte gaze.Vngerne ih bi im ſæze.Ez waſ oͮch gawane leit.Der uf den lip da mit im ſtreit.Er het in ſo geletzet.Mit bloͮte wart benezet.Al div chominate gar.Mit zorne ſpranc der lewe dar.vn̄de wold in zuchen vnder ſich.gawan tet im einen ſtich.durh die bruſt vnze an die hant.da von deſ lewen zorn virſwant.Wan er ſtruchete nider tôt.gawan het die grozin nôt.Mit ſtrite vbir wunden.An den ſelben ſtunden.daht er waſ iſ mir nv guͦt.Ich ſitze vngerne inditze bluͦt.Oh ſol ih mih deſ wol bewarn.ditze bete chan ſo vmbe varn.daz ih dran ſitze oder lige.Obe ih rehtir ſinne phlige.Nv waſ im ſin hoͮbet.Mit wurfetwurfen ſo betoͮbet.vn̄de do ſine wunden.So bloͮten begunden.daz in ſin ſnelchlich chraft.gar liez mit ir geſelleſchaft.durch ſwindelnſ er ſtruchenſ plac.daz hoͮbit im vf dem lewen lac.Der ſchilt viel nider vnder in.gewan er ie chraft ode ſin.div warin in beidiv enphuert.Vnſanfter waſ geruͦret.Aller ſin tet im entwic.ſin wanchuſſe vngelich.Waſ dem daz gimmele.Von monte rippele.diu ſvezze vn̄de div wiſe.Leite keiniſe.dar vf er ſinen briſ verſlief.der briſe gein diſem manne lief.Wan ir habit daz wol uirnomen.Wa mit er waſ von witzen chomen.daz er lac vnuirſvnnen.Wie deſ wart bigvnnen.Verholne ez wart biſchoͮwet.daz mit bloͮte waſ betoͮwet.Der cheminaten eſtrich.ſi bede dem tode warin gelich.der lewe vn̄degawan.Ein iunchfroͮwȩ wolgetan.Mit forhten loͮgite ob in.Deſ wart uil bleich ir ſchin.divivnge ſo uirzagit.Daz ez div alte chlagite.Arnive div wiſe.dar vmbe ih ſi noh briſe.daz ſi den riter nerte.Vnde im do ſterbin werte.Si gienc oͮch dar dur ſchoͮwen.do wart uon der froͮwen.zem venſter oben in geſehen.Daz ſine wederſ mohte iehen.Ir kvnftichlien froͮden tage.Ode immer herzenlicher clage.ſi forhte der riter ware tôt.deſ lerten ſi gedanche nôt.Wand er ſvſ uf dem lewen lac.vn̄de anderſ deheineſ beteſ phlac.ſi ſprach mir iſt uon herzen leit.op din getriͮwiu manheit.din werdez leben hat uirlorn.haſtu den tot al hie erchorn.durch unſ vil ellendiv diet.ſit dir tdit*din triͮwe daz geriet.Mih erbarmet immer me din tvgent.dv habiſt altir ode ivgent.hinze allen den froͮwen ſi ſprach.Wan ſi den helt ſuſ ligen ſach.Ir froͮwen die deſ toͮffeſ phlegen.Roͮfet alle an den gotiſ ſegin.Si ſande zwo iuncfroͮwen dar.daz ſi rehte namen war.daz ſi ſanfte ſliſchen.Ȩ daz ſi dan entwichen.daz ſi ir bræhtin mære.Ob er bi lebin ware.Ode eobe er ware uirſcheiden.daz gebôt ſi den beiden.Die ſuezen meide reine.Ob ir dewederiv weine.Ia ſi beide ſere.durh rehtiſ iamirſ lere.do ſin ſvs ligen vunden.daz von ſinen wunden.der ſchilt mit bloͮte ſwebite.ſi beſahen ob er lebite.Einiv mit ir clarin hant.den helm von ſinem hvhoͮbite bant.vn̄de oͮch die fintalen ſin.da lach ein chleinez ſchuemelinſchivmelin.Vor ſinem rotem munde.zewartene ſi begvnde.Obe er den atim iender zvge.Od ob er ſi lebenſ trvge.daz lach da noch in ſtrite.Vf ſinenſinem churſite.Von zobele warin zwei gabelvn.Alſ ybilon der britvn.Mit grozim briſe wapin troͮch.Er brahte werdecheit genoͮch.Von der ivgent an ſin ende.div magit mit ir hende.Deſ zobelſ brach vn̄de habit mit ir hende.Fur ſinem mvnt do nam ſi war.Ob der atem daz har ſo regite.daz ez ſich iender wegite.der atim wart da fvnden.An den ſelbin ſtunden.hiez ſi balde ſpringen.Ein lvter wazir bringen.Ir geſpil wolgevar.brahte ir daz ſnellichen dar.div magit ſchoͮp ir vingerlin.zwiſchen die zene ſin.Mit groztgrozir fuege daz geſchac.do goz ſi daz wazzir nach.ſanfte vn̄de abir mere.ſi goz iedoch niht ſere.Vnze daz er div oͮgen *uf ſwanch.Er ſagit in gedgenade vn̄de danch.den zwein ſvezen kinden.daz ir mich ſoldet vinden.Svſ vngezogelichen ligen.Ob daz wirt uon iv uirſwigen.daz proͮve ih iv fur guete.Ivr zuhte ivch d*dranbebbehoͮte.Si iahen ir laget vn̄de liget.Alſe der der deſ hoheſten briſes phliget.Ir habit den briſ al hie bizalt.deſ ir mit froͮden werdet alt.Der ſich iſt iͮwer hiute.Nv troſtet unſ arme lvte.Ob iuwern wunden ſi alſo.daz wir mit iv weſin frô.Er ſprach ſæhet ir mich gerne leben.ſo ſvlt ir mir helfe gebin.deſ bat er die froͮwen.Lat mine wunde ſchoͮwen.Eteſwenne der da chvnne mite.ſol ih begen noh ſtriteſ ſite.So bint minen helm vf vn̄de get ir hin.Den lip ih gerne werende bin.Si iahen ir ſit nv ſtriteſ frî.herre lat unſ iv weſin bi.Wan einiv ſol gewinnen.An vier chvneginnen.daz beten brot ir lebet noch.Man ſol iv bereiten oͮch.gemach vn̄de erzenie clâr.vn̄de wol mit triͮwen nemen war.Mit ſalben ſo gehivre.diu fur die quatſchivre.vn̄de fur die w*wunden ein geniſt.Mit ſenfte he*helfeclichen iſt.der meide einineiniu dannen ſpranch.ſo balde daz ſi ninder hanch.diu brahte zehove mære.daz er bi lebene wære.vn̄de alſo lebeliche.Daz er unſ froͮden riche.Mit froͮden machet roͮchet eſ got.Im iſt abirguͦter helfe nôt.Si ſprachen alle div merziſ.Div alte kvneginne wiſ.Ein bette hiez bereiten.Da fvr ein tepibtepihc ſtreiten.Bi einem guͦtim fiure.ſalben harte tivre.Wolgeworhte mit ſinne.die gewan die chuneginne.zer qvatſchivre vn̄de zen wunden.do gebot ſi an den ſtunden.Vier froͮwen daz ſi giengen.Im ſin harnaſch enphiengen.Daz ſiz ſanfte von im namen.vn̄de daz ſi chunden ramen.Daz er ſich deſ iht durfe ſchemen.Einen phelle ſvlt ir vmbe ivch nemen.Vnde entwappent in in dendem ſchate.Op danne gen ſi ſin ſtæte.daz dolt ode tragit in hin.Al da ih bi dem bette bin.Ih warte al da der helt ſol ligetligen.Op ſin champhe*champhe iſt ſo gedigen.daz er niht iſt zeverche wunt.Ich mache ſchiere wol geſvnt.ſwelch ſin wunde ſtuende zeuerhe.Daz wær diu froͮden entwerhe.Da mit waren oͮh wir erſlagin.Vnde mueſin lebendich ſterben tragin.Nv diz wart alſo getan.Entwappent wart her gawan.vn̄de dannen geleitet.Vnde helfe bereitet.Von den die helfen chunden.do warin ſiner wunden.Funfzic ode mere.Die phile iedoch niht ſere.durch die ringe warin gedruchet.der ſchilt waſ fur ruchetgeruchet.do nam diu alte chunegin.dictammen vn̄de warmen win.Vnde einen blawen zindal.do ſtreich ſi diu bluteſ mal.Vz den wunden ſwa der de*deheniv waſ.vn̄de bant in ſo daz er genaſ.ſwa der helm waſ in gebogin.da engen daz hoͮbit waſ erzogen.daz man die wurfe erchande.die quatſchivre ſi uirſwande.Mit der ſalbin chrefte.vn̄de uon ir meiſter ſchefte.ſi ſprach ih ſenfte iv ſchiere.gundriȩ laſvrziere.Roͮchet mich ſo dicke ſehen.Swaz von erzenie ſol geſchehen.Deſ toͮt ſi mih wol gewaltich wol.Anfortaſ in iamerſ dol.Chom daz man im helfe warp.div ſalbe im half daz er niht ſtarp.Di iſt von mvntſalvatſche chomin.Do hete gawan uirnomen.Muntſalfatſche nennen.do bigunde er froͮde erchennen.Er wande er ware da nahen bi.do ſprach der ie waſ ualſcheſ fri.gawan zechuneginne.froͮwe mine ſinne.die mir warin entrunnen.die habit ir gewunnen.Wider in min herze.oͮch ſenftet ſich min ſmerze.ſwaz ih chrefte ode ſinne han.die hat iͮwer dienſtman.gar von iuwern hulde*hulden.ſi ſprach herre iͮweren hulden.ſul wir vnſ alle nahen.*Vnde deſ mit triͮwen gahen.Nv uolget mir vn̄deerenredet niht vil.Eine wurz ih iv gebin wil.da von ir ſlafet daz iſt iv guͦt.Ezenſ noh trinchenſ deheinen muͦt.ſult ir habin vor der naht.ſo chumet iv wider iͮwer maht.ſo trit ih iv mit ſpiſe wider zoͮ.Daz ir wol bitet vnze froͮ.Eine wurze ſi legite inſinen munt.do ſlief er an der ſelbin ſtuͦnt.Wol ſi ſin mit deche phlac.Alſus ubir ſlief den tac.Der eren riche vn̄de laſterſ arm.lach alſanifte vn̄de im waſ warm.Etſwenne in doch inſlaffe froſ.Daz er heſchet vn̄de noſ.Allez von der ſalbin chraft.Von froͮwen groz geſelleſchaft.giengen vz die anderen in.die troͮgin liehten werden ſchin.Arnave diu alte.gebot mit ir gewalte.daz ir deheiniv riefe.die wile der helt da ſliefe.Si bat oͮch den palaſ.beſliezen ſwaz da riter waſ.ſari*ſariande bvrgare.der deheiner diſiv mære.Vrieſch vor dem anderin tage.do chom den froͮwen niͮweiv chlage.ſvs ſlief der helt vnze an die naht.div chunegin waſ ſo bedaht.Die wurze ſim vz dem munde nam.do er wachete trinchenſ in gezam.do hie*hiez dar triegintragin diu wiſe.Trinchen vn̄de guete ſpiſe.Er rihte ſich vf vn̄de ſaz.Mit guetem willen er âz.Vil manic froͮwe vor im ſtuͦnt.Imme wart nie werder dienſt chunt.Ir dienſt mit zuhtin wart getan.Do proͮvet min herre gawan.didſe die vn̄de abir iene.Er waſ et in der altin ſene.Nach orgelvſen der clarin.Wande im inſinen iarin.Nie wib ſo nahen nie gegiench.Etſwa da er minne enphiench.ode da im minne waſ uirſagit.do ſprach der helt unverzagit.zeſiner meiſterinne.der alten chuneginne.Froͮwe ez chrenchet mir min zuht.Ir mugit mirſ iehen fur ungenvht.ſuln di*diſe froͮwen vor mir ſten.gebiet in daz ſi ſitzen gen.olde heizet ſi mit mir ezen.Al hie wirt niht geſezzen.Von ir deheiner vnze an mich.herre ſi mohten ſchamen ſich.Solden ſi iv niht dienen vil.Wande ir ſit vnſere froͮden zil.doh herre ſwaz ir gebiet in.daz ſuln wir leiſten habe wir ſin.die edeln mit der hohen art.Warin ir zuhte deſ bewart.Wande ſiz mit wille tatin.Ir ſoͮzen munde in batin.da ſtêneſ unze er gæze.daz ir deheiniv ſæze.do daz geſchach ſi giengergiengen wider.gawan ſih leite ſlaffen widernider.Swer im nv roͮwe næme.ob roͮwenſ in gezæme.Ih wæne er heteſ ſunde.Nah der auentvre urchunde.het er ſih garbeitet.gehuͦhet vn̄de gereitet.ſinen briſ mit grozir nôt.Suvaz der werde lanzelot.Vf der ſwert brvche erleit.Vnde ſit mit miliahkanze ſtreit.daz waſ gein dirre nôte ein niht.vn̄de deſ minmancharel gihet.dem werden kainege riche.der alſo riterliche.Dem lewen von dem paſ.Der da zenanteſ was.Karel daz mezzer holte.da uon er chumbir dolte.In der marmel ſuͦl.Truͦge diſe phile ein mvle.Der wære zevil geladen der mite.die gawan durch ellenſ ſite.gein ſinem verhe ſnuͦren liez.Alſ in ſin manlich ellen hiez.Ligiſ prilliuſ der fuͦrt.Vnde erech dedſchoydelachuvrt.Er ſtreit abe mohonagrin.der dewederz gapſo hohen pin.Noch der ſtolze ywan.Sinen groͮz niht wolde lan.Vf der auenture ſtein.Suln diſe chumbir alein.gawanſ chumbir ſluege fvr.Ieneme vngemacheſ chur.Welhen chumbir mein ih nv.ob eſ iuch duhte nihte zefroͮ.Ich wolde iv nebenennen gar.Orglvſ div chom al dar.In gawanſ herzen gargedanch.Der ie waſ zageheit chranch.Vnde gein dem warin ellin ſtrac.Wie chom daz ſich da uirbarch.So lanc wip in ſo churze ſtat.Ez waſ iedoch ein engiz phat.: Der Vers setzt sich aus dem Anfang von Vers 584.18 und dem Ende von Vers 584.14 zusammen (Kontraktion, wohl aufgrund einer beabsichtigten Kürzung; so auch in I L M Fr19).Da ſo lanch wip inne ſaz.Der mit triͮwen niht uirgaz.Sineſ dienſtlichen wachen.Niemen ſol deſ lachen.daz alſus werlichen man.Ein wip entſchvmphieren chan.Woch wa woch waz ſol daz ſin.Da tuͦt froͮ minne ir zurne ſchin.An dem der priſ hat beiagit.Werlich vn̄de vnuirzagit.hat ſi den helt ſuſ funden.Gein den ſiechen wunden.Solde gewaltiſ ſi verdriezen.Er mohte iedoch geniezen.Daz ſi an ſinen danch.Wol geſvnten bida*bidwanch.froͮwe minne welt ir priſ beiagin.Muget ir iv doch lazen ſagin.Iv iſt an ere dirre ſtrit.Wan gawan lebet ie ſin zit.Alſ iͮwer hulde im gebot.Alſ tet ſin vatir lot.Muͦtir halp ſine geſlahte.Stuͦnt iv gar zerehte.Sit her von mazadan.den pfeimvrgan.der deilatſchoͮy gefuͦrt.den iͮwer chraft do ruͦrte.Mazadanſ nach chomen.da uon ſo dicke iſt cvernomen.daz ir deheiner niht enliez.Ither von Kahaviez.Iͮwer inſigel troͮch.Swa man vor wiben ſin gewͦch.da man nande ſinen namen.deſ wolde ir deheiniv ſich ſchamen.der minne ſi ir chrefte iach.Nu proͮvet diu froͮwe diu in do ſach.Der warin div warin mære do komin.Alſir ȩ wol habit uirnomen.Nv toͮt oͮch gawane den tot.Alſ ſinem neven ilinot.Den iͮwer chraft da*dar zvͦ dwanc.daz der iunge ſueze reine.Nach werder amien.Von kanadichflorien.div ſelbe kvneginne in zoch.Sinſ vatir lant von chine er floch.zebritannie waſ er gaſt.Florîe loͮt in mit laſt.daz ſi in iagite indaz lant.In ir dienſt. man in vant.Tot alſ ir wol habit uirnomen.gawanſ chunne iſt dicke chomen.von minne Inherzebæric ſer.*Ich nenne iv ſiner magin mer.den oͮch von minne iſt worden we.WeWie bedwanc der bloͮt varwe ſne.deſ werden parziualſ lip.durch die kvnegin ſin wip.galoeſ vn̄de*Gamvrehten.Die habit ir bede vbir treten.Daz ir ſighafte an den ie.div werde tronie.leit oͮch nach royſ gramoflanz.Mit triͮwen ſtæte minne ganz.Daz waſ gawanſ ſweſtir clar.Vro minne ir teilt iͮwer var.Sardomorde von vn̄de nah alexander.die einen vn̄de die ander.Swaz gawan chvnneſ ie gewan.Vro minne diene welt ir niht erlan.Sine muͦſin dienſt gein in tragin.Welt ir nv priſe an im beiagin.Ir moht chraft gein chrefte gebin.Vnde liezt gawanen leben.Siech mit ſinen wunden.vnde wundet die geſunden.Maniger hat uon minnen ſancden doch div minne nie bedwanc.Ich mohte nv wol ſtille dagen.Vnde liez min chlagin.Waz dem von norwage waſ.Do er der aventure genaſ.Daz in beſtuͦnt der minne ſchur.Ane helfe gar zeſvr.do ſprach er we daz ich erchoſ.diſe bete riͮweloſ.daz eine hat mich verſert.daz ander mir gemert.gedanche nach minne.Orgeluſe diu herzoginne.Muͦz genade an mir begen.Ob ih bi froͮden ſol beſten.Von vngedult er ſich want.daz braſt eteſlich ſin wunden baſt.Inſolhem vngemache er lach.Nv ſehet do ſchein uf in der tach.deſ het er nv ſamfte erbiten.Er het oͮch da vor erliten.Mit ſwerten manigen herten ſtrit.Doch ſenfte er denne div trurinſ zit.Ob chumber ſich geliche deme.Swelch minnare den an ſich neme.der werde alrerſt wol geſunt.Mit philen alſo ſere wunt.daz tuͦt im liht alſ we.Alſ ſin minne chumber ȩ.Gawan troͮch minne vn̄de ander chlage.Nu begunde ez liehtin uon dem tage.daz ſiner grozin cherzen ſchin.Vnnach ſo wirrich mohte ſin.Vf rihte ſich der wigant.Nu waſ ſin linin gewant.Nach wunden vnt daz harnaſch var.zuͦ ime waſ geleit dar.hemede vn̄de bruͦch von bucgram.den wehſel er do gerne nam.vn̄de ein garnache mardarin.deſ ſelbin ein churſelin.ob den zwein ſchurbrant.Von arzeiz dar geſant.zwen ſtivale oͮch da lagin.die niht groze phlagin.diu niͮwan chleider leit er an.do giench min herre gawan.Vz der cheminatin tur.Suſ gienc er wider vn̄de fur.Vnz er den richen palaſ uant.Sinen oͮgen den wart nie bekant.Richeit diu dar zuͦ tohte.daz ſi dem gelichen mohte.Vf durch den palaſ ein ſit.Giench ein gewelbe niht zewit.gegredet uf den palaſ hoch.Sinewel ſich daz ubir zoch.dar uffe ſtuͦnt ein clariv ſuͦl.diu waſ niht uon holze ful.ſi waſ groz vnde ſtarch.So groz vroͮn camillen ſarch.Wære druf geſtanden.Vz ferafizeſ landen.braht ez der wiſe chlinſor.Werch daz hie ſtuͦnt enbor.Sinewel alſ ein gezelt ez waſ.der meiſter geome*geometriaſ.Solt ez gewo*geworht habin ſin hant.div chunſt wære im vnbekant.daz waſ geworhte mit liſten.Adamaſ vn̄deamatiſten.diu auenture unſ wizzen lat.Topazien vn̄degranat.Criſoliten vn̄derubin.Smaragde vn̄deſardin.ſuſ warin diu uenſter riche.Wit vn̄de hoch geliche.Als man der uenſter ſule ſach.der art waſ chenen daz dach.dehein ſule da entzwiſchen ſtuͦnt.: Die auch in I L M vorhandene Kontraktion geht vermutlich auf eine Augenabirrung des Schreibers von *G zurück zurück, denn die Verse 589.27 und 589.29 enthalten beide das Wort sûl.Vnſ tuͦt diu auenture chunt.Wa*Waz diu wunderſ mohte han.dur ſchoͮwen giench er gawan.Vf daz warthuſ eine.zuͦ manigem edelen ſteineDa uant er ſolich wunder groz.deſ in zeſehen niht uirdroz.In duhte wie im al div lant.In der grozen ſvle wærin bekant.Vnde diu lant vmbe giengen.Vnt daz mit hort enphienge.die grozin berge ein ander.In der ſule uant er.lyt riten vn̄de gen.diſe lufen iene ſten.In einem uenſter er do geſaz.daz wunder wold er pruͦven baz.do chom diu alte arnive.vn̄deſâide.vn̄de ir tohter zwo.die giengen alle fier zuͦ.Er ſpranch uf do er ſi chomin ſach.div chunegin arnive ſprach.herre ir ſult noch ſlaffeſ phlegen.habit ir roͮwenſ ivch biwegen.dar zuͦ ſit ir zeſere wunt.Sol iv ander vngemach ſin chunt.do ſprach er froͮwe vn̄de meiſterin.Mir hat chraft vn̄de ſin.Iͮwer helfe alſo gegebin.daz ich gediene muͦz ih leben.diu chunegin ſprach muͦz ih ſo ſpehen.daz ir mir herre habit uiriehen.daz ich iͮwer meiſterinne ſi.So chuſſet diſe froͮwen dri.da ſit ir laſterſ ane bewart.Si ſint geborn von hoher art.dirre bete waſ er frô.die clarin froͮwen chuſte er do.Sâiven vn̄deitonien.Vnde die ſuezen gundrien.Gawan ſaz ſelbe uierde nider.do ſah er fur vn̄de wider.Ander clarin meide lip.Idoch dwanc in deſ ein wip.div in ſinem herzen lac.dirre meide blic ein nebelſ tach.Waſ bi orgeluſen gar.diu duht et in uil wol gevar.Von logroiſ diu herzogin.dar iagite in ſinſ herzin ſin.nv diz waſ ergangen.gawan waſ enphangen.Von den froͮwen allen drin.die truegin ſo li*liehten werden ſchin.deſ liht ein herze ware uerſniten.Daz e chumberſ niht het erliten.hinze ſiner meiſterinne er ſprach.Vmb die ſvl die er ſach.daz ſi im ſagite mære.Von welher art diu ſule ware.Do ſprach ſi herre dirre ſtein.bi tage vn̄de nahte ſchin.Al umbe vier mile indiu lant.Sit er erſte wart erchant.Swaz imdem ſelbe zil geſchiht.Inder ſule man daz ſihet.Inwazzer un̄de uf velde.deſ iſt diſiv varwe melde.ez ſi uagil oder tier.den gaſt vn̄de den forehtier.die fromeden un̄de die kunden.hat man drinne fvnden.Vbir fier mile get ſin glanz.Si iſt ſo ueſte vn̄de ſo ganz.daz ſi mit deheinen ſinnen.Nie mohte gewinnen.Weder hamer noch der ſmit.Si wart uirſtoln zetaburnit.der chunegin ſecundillen.deſ gihe ih an ir willen.Gawan an den ziten.Sach in der ſule riten.Einen riter vn̄de ein froͮwen.Moht er da ſelbe ſchoͮwen.do duhte in diu froͮwe clar.Man vn̄de roſ gewappent gar.Vnt den helm gezimiert.Si chomin gehaiſtiert.durch die paſſahe vf den plan.Nach ime div reiſe wart getan.Si chom die ſtraze durch taz muͦr.Alſo liſhoiſ der ſtolze fuͦr.den er enſthunchierte.diu froͮwe chundewierte.Einen riter mit dem zoͮme her.dioſtieren waſ ſin ger.gawan ſich umbe cherte.ſinen chumbir er gemerte.In duhte div ſul het in betrogin.do ſach er fur vngelogen.Orgeluſen delogroiſ.vn̄de einen riter churtoiſ.gein dem fuͦr er uf dem waſen.Iſt iv niͮuſ wurz inder naſen.dræte vn̄de ſtrenge.Inſin herze enge.Chom alſuſ diu herzogin.durch ſiniv oͮgen oben in.gein minne helfe loſ ein man.owe daz erhergawan.hinze ſiner meiſterinne er ſprach.do er den riter chomin ſach.Froͮwe dort uert ein riter her.Mit uf gerihtem ſper.der wil ſuechenſ niht erwinden.Er ſol ſin ſuechen uinden.ſit er riterſchefte gert.ſtriteſ iſt er uon mir gewert.Saget wer mac die froͮwe ſin.Si ſprach daz iſt diu herzogin.Von logroiſ diu clare.Wem chumet ſi ſuſ zevare.der turchoit iſt mirmit ir chomin.da uon ſo ditche iſt uirnomen.daz ſin hant iſt unuerzagit.Er hat mit ſpern priſ beiagit.Ez wærin gehert driv lant.gein ſiner werlichen hant.Sult ir ſtriten miden nv.ſtriten iſt iv gar zefruͦ.Ir ſit ſtrite zeſere wunt.Ob ir wært wol geſvnt.Ir ſolt doch ſtriten gein im lan.do ſprach min herre gawan.Ir iehet ih ſule hie herre ſin.ſwer denne uf die erde min.Riterſcheft ſo nahen ſuechet.ob der ſtriteſ ruechet.oder riterſchefte gert.deſ wirt er uon mir gewert.froͮwe ih ſol min harnaſch han.deſ wart groz weinen da getan.Von den froͮwen allen vieren.ſi ſprachen welt ir zieren.Iuwer leben vn̄de iͮwern priſ.ſo ſtritet niht deheine wiſ.Liget ir da uor im tot.Alrerſte wuhſe unſir not.Sult abir ir uor im geneſin.Daz muͦz an grozim gluche weſin.Wande liebir herre min.Welt ir in harnaſche ſin.Iv nimet iͧwer wunde*wunden daz lebin.So ſin wir an den tôt gegebin.gawan ſuſ mit chumber ranch.Ir muget wol horin waz in dwanc.In dwungen wunden ſere.vn̄de diu minne michelſ mere.vn̄de iunchfroͮwen riͮwȩ.Wan er erſchein in triͧwe.Er bat ſi weinen gar uirbern.dar zuͦ ſin munt bigunde gern.Orſeſ harnaſch vn̄de ſwert.die froͮwen clare vn̄de wert.*Uvͦrtengawanen wider.Er bat ſi von im gen dar nider.da die andern froͮwen warin.die ſuezen un̄de die clarin.gawan uf ſineſ ſtriteſ vart.balde alda gewappent wart.bi weinenden liehten oͮgen.Si tatenz alſo toͮgen.Daz niemen vrienſch die mære.Wan der chamerære.der hiez ſin orſ erſtrichen.gawan begunde ſlichen.Al da gringulier ſtuͦnt.doch waſ er ſo ſere wunt.den ſchilt er chume dar truͦch.der waſ durchel oͮch genuͦch.Vfſin orſſaz hergawan.do chert er uon der burch her dan.zuͦ ſinem getriͧwen wirte.der in deſ wenic irte.Sweſ ſin wille gerte.Einſ ſperſ er in gewerte.daz waſ ſtarch vn̄de vnbeſchabin.Er het ir manigez uf erhabin.Anderhalp uf den plan.do bat min her gawan.Vbir uarn ſchiere.Ineinem veſiere.Vuͦrt er in vbir an daz lant.da er den turkoẏten uant.Vert vn̄de hohe gemuͦt.der waſ uor ſchanden ſo behuͦt.daz miſſewende an im uirſwant.ſin priſ da fur er chant.Swer gein im dyoſtiernſ phlac.daz er hinder dem orſe gelac.Von ſiner dyoſte valle.Suſ vberreit erſ alle.die gein im ie durch ſtrite geriten.Mit dioſtiern ubir ſtriten.oͮch tet ſich uz der degen wert.daz er mit ſpern ane ſwert.hohen priſ wolt erwerbin.oder ſinen priſ lan virderbin.Swer den priſ an im bezalte.daz er in mit dioſtierne valte.Wurde er da ſigeloſ er ſehen.dem wolt er ſicherheit iehen.Gawan frieſch diu mære.Von der dioſte phandære.Pliplalinon nam alſo diu phant.Swelch dioſte da fur wurde erchant.daz einer geviel der ander geſaz.So enphienc er an ir beder haz.diſe fluſt vnde ieneſ geweͥn.Wan daz orſ fuͦrt er hin.Ern ruͦhte ſtriten ſi genuͦch.Swer priſ oder laſter truͦch.deſ liez er die froͮwen iehen.die mohtenz ditche da wol ſehen.Er zoch imz orſ an daz ſtat.gawanen er uaſte ſitzen bat.Er bot im indie hant ein ſper.Nu chom der turchoyte her.galopierende alſ ein man.der wolde die dioſte mezen chan.Weder zehoch noch zenider.gawan chom gein im der wider.Von muntſalvatſchegringuliet.Vuͦr nach gawanſ bet.Alſez der zuͦm lerte.Vf den plan er cherteManliche an herzen ſchric.Wa nim diu helm ſnuͦr den ſtric.deſ turchoyten dioſt traf in al da.gawan in ruͦrte anderſwa.durch die barbiere.Man wart wol innen ſchiere.Wer da gevelleſ waſ ſin wer.Von dem churzen ſtarchen ſper.Den helm enphiench her gawan.hin reit der helm hie lac der man.der werdecheite ie ein bloͮme waſ.Vnze er bedahte alſuſ daz graſ.Mit ualle von der dioſte.Siner zimierde choſte.Indem toͮwe mit den bloͮmen ſtriten.gawan chom uf in geriten.Vnze er ime ſicherheit uiriach.der uerie nach dem orſe ſprach.daz waſ ſin reht wer loͮgent deſ.Ir froͮwet ivch gerne weſt ir weſ.Sprach orgulvſe diu clare.gawane abir zevare.durch taz deſ ſtarchen lewen fuͦz.Iuwerm ſchilte uolgen muͦz.Nv wewænt ir iv ſi priſ geſchehen.Sit diſe froͮwen habint geſehen.Iͧwern ſtrite alſo getan.Wir muezin iuch bi froͮden lan.Sit ir deſ der geile.Ob lete marveile.Sich ſo chleine hat gerochen.Iu iſt der ſchilt zer brochen.Alſ ob iv ſtrit. ſvl weſen chunt.Ir ſit oͮch zeſere wunt.Vf ſtriteſ gedenſe.Daz tuͦt iv we zergenſe.Iu mach durch roͮm wol weſin liep.der ſchilt durchel alſ ein ſip.den iv ſo manic phil brach.An diſen ziten vngemach.Daz muget ir gerne veliehen.lat iv den uinger ziehen.ritet wider uf zeden froͮwen.Sagit wie getorſt ir ſchoͮwen.Strit den ih werbin ſolde.Ob iͮwer herze wolde.Mir dienen nach minne.Er ſprach zeder kvneginne.Froͮwe ih han funden.die hant helfe wunden.ob ivch chan gezemen.daz ir min dienſte geruͦchet nem̄en.Sone wart nie not ſo hert erchant.Ine ſi zedieneſte dar benant.Si ſprach ih laz ivch riten.vn̄de me nach priſe ſtriten.Mit mir geſellechliche.deſ wart an froͮdin riche.der ſtolze werde gawan.lyſhoiſen ſande er ſan.bi ſineme wirte pliplalinot.Vf die burch er enbot.Nach den froͮwen wolgeuar.daz ſis mit wirden næmen war.gawanſ ſper waſ ganz beliben.Swie beidiv orſ wærin getriben.Mit ſporen uf der dioſte hurte.In ſiner hant erz fuerte.gein der liͤhten oͮwe.deſ weinde mænic froͮwe.daz ſin reiſe von in geſchach.diu chunegin arnive ſprach.Vntroſt het in erchorn.Siner oͮgen ſueze vn̄de herzen dorn.oͮwȩ daz er nv uolget ſus.gein liſhoyſ prilliuſ.orgeluſen der herzogindaz iſt ſiner wunden.Vunf hundert froͮwen warin in clagen begunnen.Er reit uon in nach priſ beiagin.Swaz im an ſinen wunden war.die not het er wendet gar.*orgeluſe varwe glanz.Si ſprach ir ſult mir einen chranz.Ab eineſ boͮmeſ riſe.gewinnen dar vmbe ih priſe.Iwer tat welt ir mihſ wern.So muget ir miner minne gern.Do ſprach er froͮwe ſwa daz riſ.ſtet. daz alſo hohen priſ.Mir an froͮden mac beiagin.Daz ih iv froͮwe muezze chlagin.Nach iͮwern hulden mine not.daz brich ich oder mih enlat der tot.Swaz ſtuͦnt bloͮmen lieht.die w*warin gein dirre uarwe ein niht.die orgeluſe brahte.gawan an ſi gedahte.So daz ſin erſter vngemach.Ime deheineſ chumberſ iach.Suſ reit ſi mit ir gaſte.Von der burge wol ein raſte.Ein ſtraze wit vn̄de ſleht.Vur ein clarez foreht.do die boͮme muͦſen ſin.Ten priſ vn̄debriſin.Suſ waſ der cleine walt.gawan der helt balt.Sprach wa briche ich den chranz.Deſ min durchel herze werde ganz.Er ſolde ſi han geduht nider.Alſ ditche iſt geſchehen ſider.Maniger claren froͮwen.Si ſprach ich laz iuch ſchoͮwen.Wa ir priſ muget behaben.Vber daz uelt gein einem graben.Riten ſi do nahen.deſ chranzeſ poͮm ſi do ſahen.do ſprach ſi herre iener ſtam.heizet der mir froͮde nam.Bringet ir mir dar abe ein riſ.Nie riter alſo hohen priſ.Mit dienſt erwarp nach minne.do ſprach diu herzoginne.hie wil ih min riſereiſe ſparn.got walt eſ welt ir furbaz uarin.So ne durfet irz niht lengen.Ellenthafte ſprengen.Muͦzet irz orſ toͮn alſvs.Vbir liſhoyſ prillivs.Si habit al ſtille uf dem plan.furbaz reit her gawan.Er hort einſ trætin wazzirſ ual.Daz het durh brochen wit ein tal.Tief vn̄de vngeuertilich.gawan der ellenſ riche.Nam daz orſ mit den ſporn.Do ſprach der degin wol geborn.Daz ez zwein fuezin trat.hin ubir an daz ander ſtat.Der ſprunch mit alle muͦſe ſin.Deſ weinde iedoch div herzogin.Der wac waſ ſnel vn̄de groz.gawan ſiner chrafte genoz.doch troͮg er harnaſcheſ laſt.Nu waſ oͮch eineſ boͮmeſ aſt.gewahſen indeſ wazzerſ tran.den begreif der ſtarcher man.Wande er gerne dannoch lebite.Sin ſper da bi geſwebite.daz begreif der wigant.Er ſteich in uf an daz lant.Chingruniel ſwam ob vn̄de vnde.Dem er helfen do begunde.Daz orſ ſo verre nider floz.An einer tiefen halden.: Vers ist hier fälschlich vorgezogen, wurde aber korrigiert und wird an der korrekten Stelle wiederholt.Deſ loͮfeſ *Deſ loͮfeſ in darnach uirdroz.Swarin harnaſch er troch.Er het oͮch wunden genuͦch.Nu treip ez ein werbe her.Daz erz erreichete mit dem ſper.Da der regin vn̄de goz.gebrochen hetin witen floz.An einer tiefen halden.dar uf her waſ geſpalden.daz chringulieten nerte.Mit dem zoͮme erz cherte.So nahen zoͮ im an daz lant.Daz erz ergreif mit der hant.Suſ chzoch min her gawan.Daz orſ hin vz vf den plan.ez ſchutte ſich do ez genaſ.Der ſchilt da niht beſtanden waſ.Er gurt dem orſe vn̄de nam den ſchilt.Swen ſinſ chumberſ niht beuilt.Daz laz ich ſin er het doch not.Sit ez diu minne im gebot.orgeluſe div glanze.In iagite nach deme chranze.Daz ein ellenthaftiv uart.In braht zedem boͮme der waſ bewart.Wærin gawanſz*zwene die mueſin ir lebin.Vmb den chranz han gegebin.Deſ phlach der kunic gramoflanz.gawan brach iedoch den chranz.Daz wazzir hiez ſabinſ.Gawan holt iedoch den zinſ.do er vnt daz orſ dem bleſte.Swie orgeluſe gleſte.Ihne wolt ir minne alſo niht nem̄en.Ich weiz wol weſ mich ſol gezemen.do gawan daz riſ gebrach.Vnd der chranz wart ſinſ helmeſ dach.Ez reit zuͦ im ein riter clar.deme warin ſiner zite iar.Weder zechurcezechurze noch zeſpætezelanch.Sin muͦt in durch hohvart bedwanc.Swie uil im ein man tet leit.daz er doch mit dem niht enſtreit.Irn wæren zwene oder mer.Sin hohez herze waſ ſo her.Swaz im tet *ein man.daz wolde er ane ſtriten lan.Fil roẏſ chẏrot.gawanen guͦtem morgen bot.Daz waſ der kunic grimoflanz.do ſprach er herre vmb diſe chranz.han ih iv niht gar verligen.Min groze wære ivch doch uirſwigen.ob iͮwer zwne wærin.Sine holte hie durch hohen priſ.Abe minem boͮme alſuſ ein riſ.die mueſin ſtrit enphahen.daz ſol mir ſus uirſmahen.Vngerne gawane oͮch mit im ſtreit.do er vnwerlich reit.do fuert der degin mære.Einen muͦzer ſparwære.der ſtuͦtſtuͦnt vf ſiner clarin hant.Jtonie het im in geſant.gawanſ ſveziu ſweſter.Phæwin von ſin zeſter.Eine hvͦt vf ſinem huͦpte w*waſ.Von ſamit gruener denne ein graſ.Der chunic einen mantel fuerte.daz vaſte vf die erde ruͦrte.Ietwederhalp div ende ſin.Div veder waſ lieht harmin.Niht zegroz doch ſtarch genvͦch.Waſ daz phærit daz in truͦch.An phærideſ ſchone niht betorogin.Von tenemarche dar gezogin.Oder braht uone tenedem mere.der kunic waſ an alle wer.Wan ern fuͦrte ſwerteſ niht.Jwer ſchilt iv ſtriteſ giht.Sprach der kunic gramoflanz.Juwerſ ſchilteſ iſt ſo wenic ganz.Let marveile.Iſt worden zeteile.Ir habit die aventure erliten.diu min ſolde han erbiten.Wan daz der wiſe glinſhor.Mir mit fride gienc ie vor.Vnde daz ih gein ir chregeſ phlige.diu der warin minne ſige.Mit charcheit hat behaltin.Si chan noch zornſ waltin.gein mir oͮch dwingeſdwinget ſi deſ not.Cidegaſt ſluͦg ih zetode.Selbe uierden ir vil liebin man.Orgeluſen fuͦrt ih dan.Jch bôt ir chrone vn̄de lant.Swie ir dieneſt bot min hant.daz cherte ſi gein ir hercen var.Mit vlegen het ih ſi ein iar.Ihcne chunde ir minne nie beiagen.Jch muͦz iv herzenlichen chlagin.Jch weiz wol daz ſiu minne bot.Sit ir hie werbet minen tot.Wæret ir nu ſelbe ander chomen.Ir moht mirz lebin wol han benomen.Oder wir warin bede erſtorbin.daz het ir drumbe erworbin.Min herze nach ander minne get.diu helfe an iͮwern genaden ſtet.Sit ir zeterre marveile ſit.Worden herre iͮwer ſtrit.hat iv den priſ behalten.Welt ir nv guͦte waltin.So helfet mir vmb ein maget.nach der min herze chumbir klaget.Div iſt deſ kunic loteſ chint.Alle die uf erde ſint.die bedwungen mich ſo ſere nie.Ih han ir chleinode hie.geholt unt min dienſt dar.gein der meide wol gevar.Wan ih han not durh ſi gedolt.oͮch troͮwe ih wol ſi ſie mir holt.Sit orgeluſe diu riche.Mit wortin herzenliche.Ir minne mir uirſagite.Ob ih priſ beiagite.Mir wurde wol oder wegewe.daz ſchuͦf div werde Jtonie.Jchne han ir laider niht geſehen.Wil iͮwer guete mir helfe iehen.So bringet diz chlein uingerlin.der clarin ſuezen froͮwen min.Ir ſit hie ſtriteſ ledic gar.Ezen wære danne grozir iͮwer ſchar.zwene oder mere.Wer iahe mir deſ fvr ere.Ob ih iv ſluege oder ſicherheit.bedwunge den ſtivrte min manheit.Do ſprach min her gawan.Ich pin doch werlich ein man.Welt ir deſ niht priſ beiagin.Wurde ih uon iͮwer hant geſlagin.Sone han oͮch deheinen priſ.daz ih gebrochen han daz riſ.Wer iahe mirſ fvr ere groz.Ob ivch ſlvͦge alſuſ bloz.Ih wil iͮwer bote ſin.gebit mir her ditze uingerlin.vn̄de lat mih iͮwern dienſte ſagen.vn̄de iͮwern chumbir niht uirdagin.Der chunic deſ danchet ſere.gawan in fragit mere.Sit iv *virſmahet gein min ſtrit.So ſagit mir herre wer ir ſit.Jrn ſult ez nih fvr laſter doln.do ſprach der kvnic min nam iſt unverholnen.Min vatir hiez gẏrot.den ſloͮc der kvnic lot.Ich pinz der kvnic grimoflanz.Min hohez herze waſ ie ſo ganz.daz ih zeheinen ziten.Nimmer wil ſtriten.Swaz mir tæte ein man.Wan einer heizet gawan.Von dem ih priſ han vernom̄en.Daz ih gein im welne komen.Vf champhe durch min riͮwe.Sin vatir brach ſinen triͮwe.e groͮze minen vatir ſloͮch.Jch han ze ſprechen dar genuͦch.Nv iſt lot erſtorben.vn̄de hat gawan erworben.ſolhen priſ vor uz beſvnder.Daz obe der tavelrunder.Jm briſ niemen gelichen mach.Jch gelebe noch gein ime ſtriteſ tac.Do ſprach deſ kvnic lotiſ ſvn.Welt ir getriͮwelichen toͮn.Juwer frivndin ob div daz iſt.Dar ir ſuſ valſchen liſt.Von ir vatir chvnnet ſagen.vn̄de dar zuͦ gerne het erſlagin.Ir broͮder ſiſt ein vbil magit.daz ſi den ſite an iv niht chlaget.Chvnde ſi tohter vn̄de ſweſter ſin.Si wære ir broͮdir vogetin.daz ir uirbæret diſen haz.Wie ſtuͦnde iͮwerm ſweher daz.hete ſine triͮwe gebrochen.habit ir deſ niht gerochen.daz ir in tot gein valſche ſagit.Sin ſun iſt deſ gar unvirzagit.In ſol deſ niht uirdriezen.Mag er deſ niht geniezen.Siner ſweſter wol gevar.zephande er git ſin lebin dar.herre ih heize gawan.Swaz iv min vatir getan.daz rechet an mir er iſt tot.Ich ſol fvr ſineſ laſterſ not.han ich werdechlichiz lebin.Vf champh vur in zegiſel gebin.Do ſprach der chvnic ſit ir daz.dar er trage vnuerchorn haz.So tuͦt mir iͮwe werdecheit.beidiv liep vn̄deliepleit. dinch tut mir hart an iv wol.Daz ih mit iv ſtriten ſol.Ovch iſt iv hohir priſ geſchehen.daz ih iv einem han viriehen.gein iv riten zechamphe chomende.vnſ iſt zepriſe vrumende.ob wir werde froͮwen.den champhe lazen ſchoͮwen.vunf hundert froͮwen bringe ih dar.Ir habit vͦch eine clare ſchar.Vf tſchatel marveile.Jv bringet zeiͮwerme teile.Jͮwer ohaim artuſ.Von einem lande daz alſus.Lover iſt genantgenennet.habet et ir die ſtat erchennet.zeſabinſ bi der chronica.div mæſſenie iſt alliv da.Von hivt ubir den ahtin tach.Mit grozer ſchoͮge er chomin mac.dar nach andem anderm tage.Chum ih durh min alte chlage.Vf den planze tſcheffanze.Nach gelte diſem chranze.gramoflanz in mit im bat.zeroiſ ſabinſ durh die ſtat.Ir muget niht ander bruke han.do ſprach min her gawan.Jch wil hin alſ her.Anderſ tæte ih iͮwer ger.Si gabin fianze.Daz ſi zetſchofanze.Mit ritern vn̄de mit froͮwen her.Chomin durch ir zeweier wer.Suſ benant daz teindinc.Si bede al ein vf einen rinchSuſ ſchiet min her gawandannen uon dem werden man.Mit froͮden er leiſierte.der chranz in condwierte.Ern mohtz orſ niht uf enthabin.Mit ſporn erz treip an den grabin.gringuliet nam bezit.Sinen ſprunch wol alſe wit.daz gawan vallen gar vermeit.zvͦ ime diu herzoginne reit.Al da der helt erbeizet waſ.Von dem roſſe uf daz graſ.Vnze er daz gegurte.zuͦ ſiner antwurte.Er beizte ſnelliche.diu herzoginne riche.gein ſinem fuͦze ſi ſich bote.do ſprach ſi herre ſolher not.Alſ ih han an ivch geleit.deſ wart min wirde nie wert.fur war mir iͧwer arbeit.fuͦgit ſolich herzeleit.die enphahen ſol getriͮwez wip.Vnde ir lebin frivndeſ lip.Do ſprach er froͮwe iſt daz war.daz ir mich gruezet ane var.Sahet ir dem priſe.Ich pin doch wol ſo wiſe.ob der ſchilt ſin reht ſol han.Anderſ habit ir miſſetan.deſ ſchilteſ ambit waſ ie ſo hoch.daz der ſpot ſich da von zoch.Swer riterſchaft zerehte ie phlach.froͮwe ob ih ſo ſprechen mach.Swer mich der bi hat geſehen.Der muͦz mir riterſchefte iehen.Etſwenne irſ anderſ iahet.Sit ir mich von erſte ſahet.daz laze ih ſin nemet hin den kranz.Irn ſult durch iͮwer varwe glanz.deheinem riter mere.Erbiten ſolhe vn ere.Svlt iͮwer ſpot weſin min.Ich wolde ȩ ane minne ſin.div clare vnt diu riche.ſprach weinende herzenliche.herre alſ ih not geclage.Waz ih in minem herzen trage.So gebit ir iamerſ mir gewin.gein ſwem ſich chrenchet min ſin.der ſol ez durch zuhte uerchieſen.Ih enmac niht mere uirlieſen.froͮde dan ih han uirlorn.An cydegaſt demuzerchorn.Ein clare ſveze beaſamiſ.ſo durch luhtic waſ ſin priſ.Mit rehtir werdcheite ger.Ez wære dirre odir der.die muͦtir ie gebarin.bi ſiner zite iarin.die muͦſin im iehen der werdecheit.die ander priſ nie ubir ſtreit.Er waſ ein quech brvnne der tvgent.Mit alſo berhafter ivgent.gar bewart vor ualſcher phliht.oͮz der uinſter an daz lieht.het er ſich erblechet.ſinen priſ ſo hohe geſtechet.daz in niemen chunde erreichen.Amor waſ ſin herzeichen.Sin priſ ſo hohe waſchen cunde.daz die andern waren drunde.Vz ſineſ herzen chernen.Wie loͮfit ob allen ſternen.Der ſnelle ſaturnuſ.der triuwen ein moncyruſ.Sit ih die warheit ſprechen chan.Suſ waſ min erwunſchetir man.daz tier de meide ſolden chlagin.Ez wirt durch reinecheit erſlagin.Ich waſ ſin herze er waſ min lip.den vloſ ih unfluſtebæriz wip.In ſloͮch der chunic gramoflanz.Von dem ir fueret diſen chranz.Herre ob ih iv leide ſprach.Von den ſchulden daz geſchach.daz ih uirſuechen wolde.ob ih ivch minnen ſolde.beiten durch iͮwer werdecheit.Jch weiz wol herre ih ſprach iv leit.daz waſ durch ein uirſuechen.Nv ſult ir deſ geruechen.daz ir zorn uerlieſet.Vnde gar uf mich uirchieſet.Jr ſit der ellenſ riche.dem golde ih iuch geliche.daz man lutert inder gluͦt.Alſ iſt gelutert iͮwer muͦt.dem ih iuch zeſchaden brahte.alſ ich gedenche vnt do gedahte.Der hat mir herzeleit getan.do ſprach min herre gawan..vii.Froͮwe deſen wende mich der tot.Ich gelere den kunic ſolhe not.diu ſine hohuart letzet.Mine triͧwe ih han uirſetzet.gein im uf champheſ riten.In vil kurzelichen ziten.da ſul wir manheit vrborn.froͮwe ih han uf iuch erchorn.ob ir minen tumben rat.durch zuht niht uirſmahen lat.Ich riet iv wipplich ere.vn̄de werdecheite lere.Nune iſt hie niemen danne wir.Froͮwe tuͦt genade an mir.Si ſprach an geſertem arm.bin ih worden ſelten warm.da gegen wil ih niht ſtriten.Jr muget ze andern ziten.dienſteſ lon an mir beiagin.Ich wil iͧwer arbeit chlagin.Vnz ir werdet wol geſunt.ob ir anderſwa ſit worden wunt.Vnz daz der ſchade geheile.Vf teſchaſtil marueile.Wil ih mit iu cheren.IR welt mir froͮde merin.ſprach der minne gerende man.Er huͦp die froͮwen wol getan.Mit druke an ſich uf daz pharit.Deſ en duht er ſich da vor nih wert.Do er ſi ob dem brunnen ſach.Vnde ſi ſo dewerhelingen ſprach.gawan reit dan mit froͮden ſiten.doch en wart ir weinen niht uirmiten.Vnz er mirmit ir chlagite.Er ſprach daz ſi dagite.War umbe ir weinen ware.daz ſieſiz durch got uirbære.Si ſprach herre ih muͦz iv chlagin.Von dem der mitmir hat erſlagin.den werden zidegaſten.deſ muͦz mir iamir taſten.Inz herze da div froͮde lac.do ih cydegaſteſ phlac.Jch enbin ſo niht uirdorbin.Jchenhabe doch ſit geworbin.deſ kunigeſ ſchaden mit koſte.vn̄de manige ſcharphe dioſte.gein ſinem verhe gefrumet.Waz ob mir helfe von iv chumet.div mich richet vn̄de ergetzet.dodaz mir *iamerſ herze wetzet.Vf gramoflanzeſ tôt.Enphienge ich dieneſt daz bot.Ein kunic der wunſcheſ herre waſ.herre der hiez anfortaſ.durch minne nam ih uon ſiner hant.von tabrunit daz chramegewant.Daz noch for iͧwerre porten ſtet.Da tiefez gelt engegen get.Der kunic in minem dienſt erwarp.da von min froͮde gar uirdarp.do ih minne ſolde wern.do muͦſ ih niͮweſ iamerſ gern.Jn minem dienſte erwarp er ſer.gelichen *iamer oder mer.Alſ zidegaſt gebin chunde.gab mir anfortaſ wunde.Nv iehet wie ſolde ih armez wip.Sit ih han getruͦwen lip.Al ſolher not bi ſinne ſin.Etſwenne ſich chrenchet vͦch der min.Sit daz er lit ſo helfeloſ.den ih nah zidegaſte erchoſ.zergetzen vn̄de durch rechen.herre nv horet ſprechen.Wa mit erwarp clinſhor.Den richen chram vor iͧwerm tor.do der clare anfortaſ.Minne vn̄de froͮde erwendet waſ.der mir die gabe ſande.dofo*forht ich die ſchande.Chlinſhor iſt ſtæteclich bi.der liſt uon nigromanz.daz er mit zoͮbir dwingen chan.beidiv wip vn̄de man.Swaz er werdecheit changeſihet.diene lat er ane chumbir niht.dur fride ih chlinſhor. dar gap minen chranz.Nach richeit wurde ganz.Swenne diu auenture wurde erbiten.Swer den priſ het erſtriten.An den ſolt ih helfe ſuechen.Wolde er min niht geruechen.der chranz wære an der ſtunde min.der ſol ſuſ vnſir zweier ſin.des ſwuͦren die da warin.da mit ih wolde varin.gramoflanzeſ durch den liſt.Der leider noch ungendet iſt.het er die auenture geholt.So muͦſe er ſterbin han gedoltClinſhor iſt houeſch vn̄de wîſ.der erloͮbit mir durch ſinen priſ.Von miner maſſenîe erchant.riterſchaft vbir al ſin lant.Mit manigem ſtiche vn̄de ſlage.die ganzen wochen alle ir tage.Al die wochen in dem iare.Sunder rotin han ich zeware.diſe den tach. iene die naht.Mit choſte ih ſchaden han gedaht.gramoflanz deme hoch gemuͦt.Manigin ſtrit er mit mir tuͦt.Waz bewart in ie drvnde.Sineſ uerheſ ih uarin chunde.die warin zeriche in minen ſolt.Wart mir ir dehein anderſ holt.Nach minne ih manegem dienen liez.dem ih doch loneſ niht gehiez.Minen lip geſach nie man.Ih en moht wol ſin dienſte han.Wan einer der treit wappen rot.Min geſinde er brahte in not.Vor ligoiſ er chom geriten.da entworhte er ſi mit ſolhen ſiten.Sin hant ſi nider ſtroͮte.Daz ih mihſ wenic froͮte.zwiſchen logroẏſ un̄de iͧwerm urvar.Miner riter uolgeten im funver dar.Die entſchumphierter uf den plan.vn̄de gap diu orſ dem ſchif man.do er die min ubir ſtreit.Nach dem helde ih ſelbe reit.Jch bot im lant vn̄de minen lip.Er ſprach ih han ein ſchoner wip.vn̄de diu ime lieber wære.diu rede wart mir ſware.Ih fraget wer diu mohte ſin.Von pelrapeire diu kunegin.Suſ iſt genant diu lieht gemalSo hiez ih ſelbe parzival.Ich ne wil iͮwer minne niht.Der grâl mir anderſ chumbirſ giht.Suſ ſprach der helt mit zorne.hin reit der uz erchorne.han ih dar an miſſetan.Welt ir mih daz wizzen lan.ob ih durch minſ hercen not.Dem werden riter minne bot.Chrenchet ſich dar an min minne.gawa zerherzoginne.ſprach ih erchenne in alſ wert.an dem ir minne habit gegert.het er iͮch zeminnen erchorn.Iuwer priſ wære an im niht uirlorn.gawan der churtoẏſ.Vnde diu herzoginne von logroẏſ.Vaſte an ein ander ſahen.do riten ſi ſo nahen.daz man ſi uon der burge ſach.da im diu aventure geſchach.Do ſprach er froͮwe tuͦt ſo wol.ob ich iuch deſ biten ſol.lat minen namen vnerchant.alſ mich der riter hat genant.der mir entreit grigulieten.Leiſt deſ ich iuch han gebeten.Swer iuch deſ fragin welle.So ſprechet ir min geſelle.Iſt mir der unerchennet.Erne wart mirgnie genennet.Si ſprach uil gerne ih ſiz uirdage.Sit ir niht wellet daz ih ez ſage.Er vnt diu froͮwe wol geuar.Cherten gein der burge dar.die riter heten da uirnomen.daz ein riter wære chomen.der het die Auenture erliten.Vnt den lewen ubir ſtriten.Vnde den t*turchoyten ſider.zerehter dyoſt gevellet nider.Innen deſ reit gawan.gein dem urvar uf den plan.daz ſin von zinnen ſahen.Si begunden uaſte gahen.Vz der burch mit ſchalle.da fuͦrten ſi alle.Riche baniere.Suſ chomin ſi ſchiere.Vf ſnellen raviten.Er wande ſi wolden ſtriten.do er ſi verre chomin ſach.zeder herzoginne er ſprach.Chumet ienez volc gein unſ her.zewer.Si ſprach ez iſt chlinſhor her.Die iwer chume hant erbiten.Mit froͮden chomint ſi geriten.vn̄de wellent ivch enphahen.Daz endarf iv niht uirſmahen.Sit ez div froͮde in gebot.Nu waſ oͮch pliplalinot.Mit ſiner clarin tohtir.fier chomen vf einem v*vrfier.Verre uf den plan ſi gein im gienc.diu magit in mit froͮden enphienc.gawan bot ir ſinen groͮz.Si chuſt im den ſtegereif vn̄de den fuͦz.In enphienc oͮch diu herzogin.Si namen in oͮch bi dem zoͮme ſin.Si bat erbeizen diſen man.Orgeluſe vn̄degawan.giengen an deſ ſcheffeſ ort.Ein teppich vn̄de ein gultir dort.Lagen an der ſelbin ſtet.diu herzogin durch ſin bet.zoͮ gawane nider ſaz.Deſ uerien tohtir niht uirgaz.Sin entwappent in ſuſ hort ih ſagin.Ir mandel hiez man ir dar tragen.der deſ nahteſ ob im lach.do er ir herberge phlach.deſ waſ im not an der zit.Ir mandil vn̄de ir churſit.Leit an ſich her gawan.Si troͮch daz harnaſch her dan.Alrerſt diu herzoginne clar.Nam ſinſ antlitzeſ war.da ſi ſazen bi ein ander.Dri gebraten galander.Mit wîn ein gleſin ba*barel.vn̄de zwei blanchiv waſtȩl.diu ſueziu maget dar nah troͮch.Vf einer wizzen dwehelen genuͦch.Die ſpiſe eruloͮch ein ſprinzelin.gawan vn̄de diu herzogin.Mohtinz wazzir ſelbe nemen.ob ſi dwahenſ wolde zemen.daz ſi do beidiv taten.Mit froͮde er waſ beraten.Daz er mit ir ezzen ſolde.durch die erliden wolde.beidiu froͮde vn̄de not.Swenne ſi daz parel im gebot.daz gerueret het ir munt.So wart im niͮwan froͮde chunt.Daz er dar nach ſolde trinchen.Sin riuwe begvnde hinchen.vn̄de wart ſin hoch gemvͦte ſnel.Ir ſvezer mvnt ir liehtiz vel.In ſo uon chumbir iagite.daz er dehein wunden chlagite.Von der burch die froͮwen.die wirtſchafte mohten ſchoͮwen.Anderhalp anz vruar.Manic wert riter chom al dar.Ir bvhurt mit chunſt wart getan.diſehalp her gawan.dancte dem verigen vnt der tohtir ſin.Alſ tet vͦch diu herzogin.Ir guͦtlichen ſpiſe.div herzoginne wiſe.Sprach war iſt der riter chomin.Von dem div dioſt wart genomen.geſter do ih hinnen reit.Ob den iemen vbirſtreit.Weder ſchiet daz lebin oder tot.oder: Federansatz über o.do ſprach pliplalinot.froͮwe ih ſach in hivte lebin.Er wart mir vur diz orſ gegebin.Welt ir ledegin den man.dar umbe ſol ih ſwalwen han.div der kvnegin ſecvndillen waſ.vn̄de die iv ſande anfortaſ.Mac div herphe weſin min.Ledic iſt der von gouerzin.In vie der helt wert erchant.Sprach die wile er mit ſiner hant.Mach gegebin vn̄de behalden.der hie ſitzet lat ſin walden.Ob ih im ſo liep wart ie.Er loſet mir liſhoiſen hie.derden herzogin. von geverzen.vn̄de oͮch den andern vurſten min.Florianden von Jtolac.Der nahteſ miner wahtere phlach.Der waſ min turchoyte ſo.Sinſ trunſ wirde ih nimmer frô.gawan ſprach zeder froͮwen.Ir muget gerne ſchoͮwen.ledech ȩ daz vnſ chome div naht.do heten ſi ſich deſ bedaht.vn̄de fuͦrin ubir an daz lant.die herzoginne lieht erchant.huͦp gawan ufez phærit.Manic edel riter wert.Enphiengen in vn̄de die herzogin.Si cherten gein der burge hin.do wart mit froͮden geriten.Vnt diu chunſt niht uermiten.Daz er der buhurt het ere.Waz mag ih ſprechen mere.Wan daz der werde gawan.vn̄de div herzoginne wolgetan.Mit froͮden wart enphangen ſo.Si mohtenſ beidiu weſin frô.Vf thahteſel marueile.Ir mugetſ in gehen zeheile.daz im diu ſalde ie geſchach.do fuertin ſi in an ſin gemach.Anive vn̄de die daz chunden.Si bewartin im ſine wunden.ze arniven ſprach gawan.froͮwe ih ſol einen botin han.Ein iuncfroͮwe wart geſant.diu braht im einen ſariant.Manlich mit zuhte wiſe.Inſariandeſ priſe.der chnappe ſwuͦr deſ einen eit.Er wurbe liep oder leit.daz er deſ niemen da.zvͦ gewͦge noh ander ſwa.Wan da erz werbin ſolde.Er bat daz iman im holde.Tinten vn̄de permīnt.gawan deſ chunich loteſ chint.Schreip gefuͦge mit der hant.Er enbot zelouer indaz lant.Artuſe vn̄de deſ wibe.dienſt uon ſinem libe.Mit triͧwen un uirſchert.vn̄de het ir briſ behert.der wære an werdecheit tot.Sine hulfen zeſiner not.Daz ſi beide an triͮwe dæhtin.vn̄de zeſchanfenzune bræhtin.die maſſenie mit froͮwen ſchar.vn̄de chomin oͮch ſelbe gein im dar.durch champh alſ ſi ere.Ern bot in dannoch mere.der champh wære alſo genomen.Daz er werdechliche mueſe chomin.do enbot herre gawan.Ez wær wip oder man.Al die maſſenie gar.Daz ſi ir triͮwen næmen war.vn̄de dem chunige rieten chomin.Daz mohte an werdecheit gefrom̄en.Al der werden er enbot.Sin dienſt vn̄de champheſ not.der brief niht inſigelſ truͦch.Er ſcreip in ſuſ bekant genuͦch.Mit worzei*worzeichen vngelogin.Nune ſolt duz niht langer zogin.Sprach g*gawan zedem chnappen ſin.der kunic vn̄de diu chunegin.Sint zeſabinſ bi der chronicA.die kuneginne ſoltv da.geſprechen einſ morginſ vroͮ.Swaz *ſi dir rat daz tuͦ.Vnt la dir ein witze bi.Ver ſwic daz ih hie herre ſi.daz du hie maſſenie ſis.daz enſag oͮch dehein wiſ.dem chnappin wart dannen gah.Arnive ſleich im ſanfte nah.diu fragite in war er wolde.vn̄de waz er werbin ſolde.do ſprach er froͮwe in ſagſ iv niht.Ob mir min eit rehte giht.got hivt iͮwer ih wil hinnen varn.Er ret nah werdechlichen ſcharn.Arnive zorn beiagit.daz der chnappe ir niht ſagit.Alſus getaniv mære.Ware er geſendet wære.Si bat den der der porten phlac.ez ſi naht oder tach.ſo der chnappe wider rite.Voͮge daz er min bite.vn̄de daz ih in geſpreche.Mit diner chunſt daz zeche.doch trvͦch ſi vf den chnappen haz.Wider in durch vrage baz.gienc ſi zer herzoginne.diu phlag vͦch der ſinne.daz ir munt deſ niht gewͦch.Welhen namen gawan troͮch.Sin bete wart dar ane bewart.Si verſweic ſinen nam̄en vn̄de ſinnart.bvſunær vn̄de ander ſchalVf dem palaſ erhal.Mit frolichen ſachen.Manic Ruckelachen.Jn dem palaſ wart gehangen.Al da wart niht gegangen.Wan uf teppich wol ge*geworht.Ez het ein armer wunt ervorht.Al umbe ze allen ſitten.Mit ſenften plvmiten.Manic geſez da wart geleit.dar uf manic tivr chultir breit.gawan arbeite phlac.ſlaffeſ den mitten tac.Im warin ſine wunden.Mit chunſt alſo uirbunden.ob friundin ware bi im gelege.het er ir minne gephlegen.daz wære im ſenfte vn̄de guͦt.Er het oͮch bezern ſlafeſ muͦt.danne deſ nahteſ do div herzogin.An vngemache ime gap gewin.Ern wachete gein der ueſpir zit.doch het er inſlafe ſtrit.geſtriten mit der minne.Abir mit der herzoginne.Ein ſin chamerære.Mit tiurem golde ſware.braht im chleider dar getragin.Von liehtim phelle hort ih ſagin.Do ſprach min her gawan.Wir ſuln der chleider han.die algeliche tivre ſin.dem herzogin von goverzin.Vnde dem clarin floriande.der in manigem lande.hat gedienet werdecheit.Nv ſchaftet daz diu ſin bereit.bi einem chnappen ern bot.Sinem wirte pliplalinon.daz er ſande liſhoiſen dar.bi ſiner tohtir wol gevar.Wart liſhoiſ dar uf geſant.Vroͮwe bene braht in ander hant.durch gawanſ hulde.Vnd oͮch durch die ſchulde.gawan ir vatir wol gehiez.do ſi ſere weinende liez.deſ tageſ do er uon ir reit.da priſ erwarp ſin manheit.Der turchotten waſ vͦch chomin.An den beden wart uirnomen.gawanſ an phahen an haz.Jetweder zuͦ im nider ſaz.Vnze man in chleider getruͦch.Die warin choſtlich genuͦch.Daz ſi niht bezer mohtin ſin.die braht man in allen drin.Ein meiſter der hiez ſarant.Nach dem ſarez wart genant.der waſ uon triande.Von ſecundillen lande.Ein ſtat thaſnîe.div iſt grozir danne ninnive.oder denne div wite acreton.Sarant durch priſeſ lon.Einſ phelleſ da gedahte.Sin werch uil ſpæhe brahte.der hiez ſarant haſme.ob der ieht ri*rilich ſte.Daz mugit ir wol ane frage lan.Wan er muͦz groze koſte han.diu ſelben cleider leit an.Die zwene vn̄degawan.ſi giengen uf den palaſ.da iene halp manic riter waſ.Anderhalp die froͮwen.Swer rehte chunde ſchoͮwen.Von logroiſ diu herzogin.Truͦch da uor den beſten ſchin.Der wirt vn̄de die geſte.ſtuͦnden fur ſi diu da gleſte.diu orgeluſe waſ genant.*Vonturchoiteflorant.vn̄delyſhoiſ der clare.Wurden ledic ane vare.Die furſten churtoyſ.durch die herzogin von logroiſ.Si danchete gawane drvmbe.gein valſcheit div tuntumbe.diu herzeliche wiſe.gein wipplichen priſe.do diſiv rede alſo geſchach.gawan fier chuneginne ſach.bi der herzoginne ſten.Er bat naher zime gen.durch ſine churſoiſie.die iungen arnive.hiez er chuſſen die zwene.Nu waſ oͮch froͮwe bene.Mit gawane dar gegangen.diu wart da wol enphangen.der wirt nih lniht langer wolde ſten.Er bat die zwene ſitzen gen.zuͦ den froͮwen ſwa ſi wolden.Da ſi ſo tuͦn ſolden.div bet tet in niht zewe.Welhiv iſt ẏtonie.ſprach diu werde gawan.Die ſol mih bi ir ſitzen lan.Deſ fragit er benen ſtille.Sit ez waſ ſin wille.Si zeigit im die magit clare.div den roten munt daz brune har.dort treit bi liehtin oͮgen.Welt ir ſi geſprechen toͮgin.daz toͮt gevoͮchliche.Sprach uro bene div zuhte riche.diu weſt itonien minne not.vn̄de daz ir herze bot.dienſt bot.Der werde chunic gramoflanz.Mit riterlicher triͮwe graganz.gawan ſaz nider zuͦ der magit.ich ſage iv daz mir wart geſagit.Siner rede er da bigunde.Mit fuͦge wan ezerz chunde.oͮch chunde ſi gebarin.daz von kurzen iarin.Alſ itonie diu iunge truͦch.diu het zuht gar genuͦch.Er het ſich fragenſ gein ir bewegin.ob ſi noch minne chunde phlegin.Do ſprach div magit mit ſinnen.herre wen ſolde ih minnen.Sit mir min erſter tach erſchein.Sone wart riter nie dehein.zuͦ dem ih ie geſprache wort.Wan *alſ ir hiut habit gehort.So maht iv doch mære chomin.Wa ir mit warheit habit uirnom̄en.beiagitbeiagin priſ mit riterſchaft.vn̄de wer mit herzenlicher chraft.Nach minne dienſte bieten chan.Suſ ſprach min her g*gawan.deſ antwurte im diu clare magit.Nach minne iſt dienſt mich uirdagit.Wan der herzogin von logroiſ.Dient manic riter churtoiſ.beidiu nach minne vn̄de vmbe ir ſolt.der hat maniger hie gedolt.dioſtieren daz wir ez ſahen.Ir deheine nie ſo nahin.Chom alſ ir unſ chomin ſit.der priſ vf hohet iͮwern ſtrit.Er ſprach zermeide wol gevar.War chrieget der herzoginne ſchar.Suſ manic riter uz erchorn.Wer hat ir hulde uirlorn.Si ſprach daz hat gramoflanz.der der werdecheit chranz.Treit alſo div volge gihet.herre deſ erchenne ih anderſ niht.Do ſprach min her gawan.ir ſult ſin vurbaz chunde han.ſit er ſih briſe nabet.Vnt deſ mit triͮwen gahet.Von ſinem munde ih han uirn*en.uirnomen.daz er herzeliche iſt chomen.Mit dienſt obe irſ geroͮchet.ſo daz er helfe ſvechet.durch troſt an iͮwer minne.chunich durch chuneginne.ſol billichen enphahen not.froͮwe hiez iͮwer uatir lot.ſo ſit irz die er minnet.Nach der ſin herze we*weinet.Vnde heizet ir ytonie.ſo tuͦt ir im von herzen we.ob ir triͮwe chunnet tragin.ſo ſult ir im wenden ſin clagin.bedenthalben wil ih deſ bote ſin.froͮwe nemet diz vingerlin.Daz ſande iv der clare.ob wirbe ih an vare.froͮwe daz lat albalde an mich.Si begunde alrot varwen ſich.Alſo waſ gevar ir mvnt.Wart al dem antlutze chunt.dar nah wart ſi anderſ uar.Si greif al bluͦchech lichen dar.daz vingerlin wart ſchier erchant.Si enphienge ez mit ir clarin hant.do ſprach ſi herre ih ſih nv wol.ob ih ſo uor iv ſprechen ſol.daz ir uon im ritet.Nach dem min herze ſtritet.obe ir der zuhte nu ir rehte tuͦt.he*herre div lert mich helende muͦt.mich: Federansatz über m.diſiv gabe iſ mir oͮch ȩ geſant.Von deſ werden kunigeſ hant.Von im ſagit war diz vingerlin.Er enphienc von der hende min.ſwaz er chumbirſ ie gewan.da bin ih gar vnſchuldic an.Wan ſinen lip han ih gewert.Mit gedanchen deſ er an mich gert.Er het ſchier daz virnomen.moht ih immer furbaz chomin.orgeluſen ih gehuſet han.diu ſinen tot ſus werbin chan.daz waſ ein chuſ den iudaſ troͮch.da von man ſprichet noch genuͦch.Elliv triͮwe an mir uirſwant.daz der turkoitefloriant.vn̄de der herzoge von gowerzin.Von mir gechuſſet ſolde ſin.min ſvͦne wirt in doch nimmer ganz.die gein dem chunige gramoflanz.Mit ſtate ir hazzen chunnen tragin.Mine muͦtir ſult ir daz uirdagin.vn̄de min ſweſter chvnd*chvndre.Deſ bat gawanẏtonie.Herre ir batet mih alſus.Daz ih enphahen ſolde ir chus.doh iſ uirchorin an minen mvnt.Deſ iſt min herze ungeſunt.WertWirt unſ zwein immer froͮde erchant.diu helfe ſtet in iͮwer hant.Vur war der chunic minen lip.Minnet fur elliu wip.Deſ wil ich in geniezen lan.Jch bin im holt fur alle man.got gebe iu helfe vn̄de rat.So daz ir unſ bi froͮden lat.Do ſprach er froͮwe nv lert wie.Er hat iuch dort ir habit in hie.vn̄de ſit doch under ſcheiden.Moht ih nv wol iv beiden.Mit triͮwen ſolhen rat gegebin.Daz iͮwer werdeclichez lebin.genuzze ih woldez werbin.Deſ enlieze ih nih uirderbin.Si ſprach ir ſult gewaltic ſin.Deſ werden kunigeſ vn̄de min.Iuwer helfe vn̄de gotiſ ſegin.Muͦzze unſir zweier minne phlegin.ſo daz ih ellende.ſinen chumbir wende.ſit al ſin froͮde lit an mir.Swenne ih vntriͮwe enbir.ſo iſt immer mineſ herzen ger.daz ih in miner minne wer.Gawan horte an dem froͮwelin.daz ſi bi minnen wolde ſin.dar zuͦ waſ oͮch niht zelaz.gein der herzogin ir haz.ſuſ troͮch ſi minne vn̄de haz.oͮch het er ſich geſundet baz.gein der einualtigin magit.div im ir hat gechlagit.Wan er ir niht zuͦ gewͦch.Daz in vn̄de ſi ein muͦtir trvͦch.oͮch waſ ir beider vatir lot.der meide er ſin helfe bot.da engegen ſi im tuͦgelichen neic.daz er ſi troſteſ niht uirſweic.Nv waſ daz man dar troͮch.Tiſlachen manigez wiz genuͦc.vn̄de enbot uf den palaſ.Da manic clariv froͮwe waſ.Daz het ein vnderſcheit erchant.Daz die riter eine want.hetin ſunder dort hin dan.daz ſedel ſchuͦf min herre gawan.Der tvrzot zuͦ im ſaz.liſhoiſminmitgawanſ muͦtir az.der mit clarin ſagiven.Mit der clarin chunegin arniven.Az diu herzoginne clar.ſine ſweſter wolgevar.gawan zuͦ zim ſitzen liez.Ietwedriv tet alſ er ſi hiez.Min chunſt mir deſ niht halbeſ giht.Ich enbin ſolhe chuchen meiſter niht.daz ih die ſpiſe chunne ſagin.div da mit zvhtin wart fur getaragin.dem wirte vn̄de den froͮwen gar.dienden meide wol gevar.Ander halben den ritern an der want.diende manic ſariant.Ein wertlich zuht ſi deſ betwanch.daz der chnappen deheiner dranch.Mit den ivncfroͮwen.Man muͦſe ſi ſvnder ſchoͮwen.Si truegen ſpiſe oder win.ſvs muͦſin ſi mit zuhtin ſin.ſi mohtin da wol wirtſchaft gehen.ſelten ȩ geſchehen.den froͮwen vn̄de der riterſchaft.Sit daz ſi chlinſhorf chraft.Mit ſinen liſten vbirwant.Si warin ein ander vnbekant.vn̄de beſloz ſi doh ein borte.Daz ſi ze gegen worte.Nie chomin froͮwen noch die man.do ſchoͮf min herre gawan.daz dirvolchdizvolch ein ander ſach.dar an in liebeſ vil geſchach.gawan waſ oͮch liep geſchehen.doch muͦſ er toͮgenlichen ſehen.An die clarin herzogin.Div twanch ſineſ herzin ſin.Do begunde oͮch ſtrvchen der tach.Daz ſin ſchin uil nach gelach.vn̄de daz man durch diu wolchen ſac.Deſ man der naht zibotin iac.Manigen ſternen der uil balde gienc.Wand er der naht herberge uienc.Nach der naht baniere.Chom ſi ſelbe ſchiere.Manic tiͮwer chrone.Waſ gehangen ſchone.Al vmbe uf dem palaſ.diu ſchier wol gecherzet waſ.Al vf die tiſche ſunder.Truͦch man chercen dar ein wunder.dar zuͦ die auenture giht.diu herzogin wære ſo lieht.Wære den cherzen deheiniv braht.dane ware dach ninder bi ir naht.Jr blich wol ſelbe chunde tagin.Suſ hort ih uon der ſuͦzin ſagin.Man welle im unreht iehen.ſo habit ir ſeltin ȩ geſehen.deheinen wirt ſo froͮden rich.Ez waſ den froͮden da gelich.Alſus mit froͮdehafter ger.die riter da die froͮwen her.ditche an ein ander blichten.die von fromede erſchrichten.Werdent ſi immer heinlih baz.Daz ſol ich lazin ane haz.Ezn ſi danne gar ein vraz.Welt ir ſi habint genuͦc gaz.Man truͦch die tiſche gar her dan.Do fragit min her gawan.Vmbe guͦte fidelare.op der da deheiner war.Da waſ werder chnappen vil.Wol gelert uf ſeit ſpil.Jrne heinſ chunſt waſ ſo ganz.ſinen muͦſin ſtrichen altin tanz.Niͮwer tanze waſ da wenic uirnomen.der unſ uon durngen vil iſt komen.Nu danchen dem wirte.Ir froͮde er ſi niht irte.Manic froͮwe wol gevar.gienc fur in zetanze gar.Suſ wart der tanze gezieret.Wol under parrieret.die riter vnderz froͮwen her.gein derriͮwen warin ſi zewer.oh moht man da ſchoͮwen.Ie zwiſchen zwein froͮwen.Einen claren froͮriter gen.Man moht froͮde an in uirſten.ſwelch riter phlac der ſinne.daz er dienſt bot nach minne.diu bet waſ vrloͮplih.die ſorgen arm vn̄de die froͮden rich.Mit rede uirtriben ir ſtunde.gein manigem ſuezem mvnde.Gawan vndeſagive.vn̄de diu chunegin arnive.ſazen ſtille bi deſ tanzeſ ſchar.div herzoginne wolgevar.her umbe ze gawane gienc.Ir hant er in die ſine vienc.ſi ſprachen ſus vn̄de ſo.Ir chominſ waſ er zuͦ im frô.ſin riͮwe ſmal ſin froͮde breit.Wart do. ſuſ uirſwant im al ſin leit.Waſ ir froͮde an tanze groz.gawan noh minner hie uirdroz.diu chunegin arnive ſprach.herre min pruͦvet iͮwer gen*gemach.ir ſoldet an diſen ſtunden.roͮwen iͮwern wunden.hat ſich diu herzogin bewegin.daz ſe iwer mit deche wil phlegin.Noch hint geſellechlich.diu iſt helfe vn̄de ratiſ rich.gawan ſprach deſ fragit ſie.zeiͮwer beider gebot ih hie.bin do ſprach diu herzogin.Er ſol in miner phlege ſin.lat ditze uolch ſlafin varin.froͮwe ih wil in ſo bewarin.Daz ſin frivndin nie baz gephlac.florianden von ytolac.Vnde den herzogin von gowerzin.lat inder riter phlege ſin.Dar nach ſchier nam ende der tanz.Iuncfroͮwen mit uarwe glanz.ſazen dort vn̄de hie.die riter ſazen zwiſchen ſie.deſ froͮde ſich an ſorgen rac.Swer da nach werder minne ſprach.obe er vant ſueziv gegen wort.Von dem wirt wart gehort.Man ſolde trinchen fur in tragin.daz mohtin minnare wol clagin.der wirt warp mit den geſten.IoIn chunde oh minne leſten.Ir ſitzen duhte in gar zelanc.Sin herce oͮch werde minne twanc.daz trinchen gab in vrloͮp.Manic cherzenin ſchoͮp.Truegin chnappen vor den ritern dan.do bevalch min herre gawan.diſe zwene geſte in allen.daz muͦſ in wol gevallen.liſhoiſ vn̄defloriant.fueren ſlaffen ſa zehant.diu herzogin waſ ſo bedaht.Si iach ſi gunde in guͦtir naht.da fuͦr oh al der froͮwen ſchar.da ſi gemacheſ namen war.Ir nigenſ ſi begvnden.Mit zuhtin die ſi chunden.Sagive vn̄deytonie.foͮrin dan alſ tet gundrie.bene vn̄dearnive do.ſchoͮfen daz ez ſtuͦnt alſo.da von der wirt gemach erleit.div herzogin daz niht uirmeit.dane ware ir helfe nahen bi.gawan fuͦrte diſe dri.Mit in dan durch ſin gemach.In einer keminatin er ſach.Vier bete ſ*ſvnder ligen.Nv wirt iͮch gar von mir uirſwigen.Wie div gehert wærin.Ez nahet nv andern mærin.Arnive zerherzoginne ſprach.Nu ſult *ir ſchaffen guͦtin gemach.diſem riter den ir braht her.op der helfe an iv ger.Iwer helfe habit ir ere.Ichn ſage iv nu niht mere.Wan daz ſine wunden.Mit chunſt ſo ſint gebunden.Er moht nv wol wappin tragin.doh ſult ir ſinen chumbir chlagin.ob ir in ſenftet daz iſt guͦt.lert ir in nu hohen mvͦt.deſ muge wir alle geniezen.Nv latſ ivch niht uirdriezen.div chunegin arnive gienc.do ſi zehove vrloͮp enphiench.bene ein lieh vor in troͮch dan.die tur biſloz min her gawan.Cvnnen ſi zwei nv minne ſteln.daz mag ih unſanfte helen.Ich ſage uil lihte waz da geſchah.Wan daz man dem ie vngefuͦge iach.Der uirholne mær machet breit.Ez iſt noh den houiſchærn leit.Oh vnſæligit er ſich der mit.Sloz op minne ſite.Nu fuͦgit diu ſtrenge minne.vn̄de diu clare herzoginne.daz gawanſ ſorge wart uirzert.Er wær immer vner nert.ſunder amien.die philoſophien.vn̄de alle die ie geſazen.da ſi ſtarche liſte mazen.Charncor vn̄debebit.Vndetrebvchet derſmit.Der frtlſ egruͦpa uon ſich erhuͦp.dar zuͦ al der frimuldeſ ſwert ergruͦp.da uon ſich ſtarcheſ wunder huͦp.dar zvͦ al der azarzet chunſt.ob ſi im truegin guͦte gunſt.Mit tempre vn̄de mit wurze chraftAne wippliche geſelleſchaft.So muͦſe er ſiner ſwære not.han braht unze an ſinen tôt.Ich wil iv daz mare machen churze.churz.Er vant die rehtin hirzwurz.div im half daz er genaſ.So daz im a*argeſ niene waſ.Div wurze waſ bi dem blachenblanchen brunMuͦtir halp der *britun.gawan filioroyſ lot.ſvezer ſenfte uvr ſure not.Er mit werder froͮde phlac.helflich unze an den tach.Sin helfe wart alſo gedigen.daz al daz volch wart gar uirſwigen.ſit nam er mit froͮden war.Al der froͮwen vn̄de der riter ſchar.So daz ir trurin uil nach uirdarp.Nu hort oͮch wie der knappe warp.den gawan hete geſant.hinze louer inz lant.zebeinſ bi der chorcha.der kunic arturwaſartuſwaſ al da.vn̄de deſ wip diu kunegin.vn̄de manger liehtin froͮwen ſchin.vn̄de oͮch der maſſenie ein floͮt.ſinerNu horet oh wie der chnappe toͮt.Daz waſ einſ morgenſ froͮ.Siner botſchefte greif er zuͦ.diu kunegin zeder chappeln waſ.An ir venie ſi den ſaltir laſ.Der chnappe fur ſi chniete.Er bot ir fromede miete.Einem brief ſi nam uz ſiner hant.dar an ſi ſcriben vant.ſchrifte die ſi bechande.E ſi ſin herze nande.Der knappe den ſi da knien ſach.Die kunegin zedem brieve ſprachWol der hant diu dih ſcreip.Ane ſorge ih nie beleip.ſit deſ tageſ daz ich ſach.die hant von der div ſcrift geſchach.ſi weinde ſere vn̄de waſ doch frô.hinze dem knappen ſprach ſi do.du biſt gawanſ chneht.Ia froͮwȩ ern bivt iv ſin reht.dienſtlich triͮwe an allen wanch.vn̄de da bi ſine froͮde chranch.Irne welt im froͮde machen hoch.ſo chumberlich ez ſich gezoch.Nie al vmbe ſin ere.froͮwe er nebivt iv mere.Daz er mit werden froͮden lebe.freiſchet er iͮwerſ troſteſgebe.Ir muget wol an dem brieve ſehen.Mere dane ih chunne iehen.Si ſprach ih han fur war erchant.durch waz du zoͮ mir biſt geſant.Ich toͮn im werden dienſt dar.Mit werdechlicher froͮwen ſchar.Die fvr war bi miner zit.hant vor uz den beſten ſtrit.Ane parzivaleſ wip.Vnde an orgeluſen lip.Sone erchenne ih vf der erde.bi toͮffe deheine ſo werde.Daz gawan von artuſe reit.ſit hat ſorge vn̄de leit.Mit chraft uf mih geleit ir flizMir ſagite melianz von liz.Er ſah in ſit zebarbigol.Owe ſprach ſi blimzol.daz dich min oͮge ie geſach.Waz mir doch leideſ da geſchach.kvneware delalant.Wart mir nimer me bekant.Min ſueze werde geſpil.Tavelrunder wart da uil.Mit rede ir reht gebrochen.funftehalp iare vn̄de ſehſe wochen.Iſt daz der werde parzival.Von dem blimzol nah dem gral.reit do chert oh gawan.gein aſchalvn der werde man.Ieſchvte vn̄detrebvca.ſchieden ſih von mir al da.groz iamer nah der werden diet.Mih von ſtatin froͮdin ſchiet.div kvnegin trvrinſ vil viriac.hinze dem chnappen ſi do ſprach.Nv uolge miner lere.Vorholne von mir chere.Vnze ſich erhebe hoh der tach.da dez volche zehofe weſin mac.riter vn̄de ſariant.Vnde div guͦte mahenande.Vf den hof du balde drabe.Enrueche ob din rvnzit niemen habeda von ſoltu balde gen.da die werden riter ſten.die fragint dih aventure.Alſe du gaheſt vz einem fivre.gebare mit rede vnt mit ſiten.Von in vil chume wirt erbiten.Waz du mære bringeſt.Waz wirret ob du dih dringeſt.durch daz uolch vntze an den wirt.der gein dir gruezen niht uirbirt.den brief gib im indie hant.dar er ſchier hat erchant.diniv mære vn̄de dinſ herzen ger.deſ iſt er mit der volge wer.Mere wil ih noch leren dich.offenlichen ſoltu ſprechen mich.da ih vn̄de ander froͮwen.dih horin vn̄de ſchoͮwen.da wirbe vmbe vnſ alſ du wol chanſt.ob du dinem herren wol guͦteſ ganſt.So ſag mir wa iſt gawan.froͮwe diz mære wirt uirlan.Ich enſag iv niht wa min herre ſi.Welt ir er belibet froͮden bi.der chanappe wart ir ratiſ fro.Von der kvnegin er do.Vnde chome alſ er ſolde chomin.Rehte vmbe den mitten morgin.offenliche vn̄devn*vnuirborgin.der chnappe uf den hof reit.die hofſchen proͮvente ſiniv kleit.Wol nah knappelichen ſiten.zebeden ſîten waſ verſniten.Daz orſ mit ſporin ſere.Nah der kunegin lere.balde er von dem orſe ſpranc.Vmbe in wart da groz gedranc.ſin ſwert kappe vn̄de de ſporen.Vnde daz orſ werdent diu uirlorn.da cherte er ſich wenic an.der chnappe huͦp ſih balde dan.da die werde riter ſtuͦnden.Die fragin in begvnden.Von aventure mære.Die iahen daz reht da ware.zehove da weder wip noh man.Ȩ daz dir hof ſin reht gewan.Aventvre ſo werdelich.div aventure ware gelich.Der knappe ſprach ih enſage iv niht.Min vnmuͦze mir deſ giht.daz ſult ir mir durch zuht uirtaragin.vn̄de ruͦchet mir von dem kunige ſagin.Den wolde gerne ſprechen ȩ.Mir tuͦt min vnmuͦze we.Ir freiſchet ſchiere waz ih ſage.got lere ivch helfe vn̄de chumberſ chlage.Div botſchaft den knappin twanc.daz ern ruehte wer in dranc.Vnze in der wirt ſelbe erſach.der ſinen groͮz gein im ſprach.In die hant gab er im einen brief.der artuſ in ſine herze rief.do er von im waſ geleſen.do muͦſ er bi den beiden weſin.daz ein waſ froͮde daz ander chlage.Er ſprach wol diſem *ſuezem tage.bi deſ liehte ih han uirnomen.Mir ſint div warin mære chomen.Vmbe minen werden ſweſter ſun.chan ih manlichen dienſt toͮn.durch ſippe vn̄de durch geſelleſchaft.ob triͮwe gewan ie an mir chraft.So leiſt ih daz mir gawan.hat enbotin ob ih chan.hinze dem knappen ſprach er do.ſag an iſt gawan fro.Ia herre ob ir wellet.zefroͮden er ſich geſellet.ſprach der chnappe wiſe.er ſchiede oͮh gar uon briſe.ob ir in liezet vnder wegin.Wer ſolde oͮch da bi froͮde phlegin.Iͧvver troſt im zuchet froͮde *enbor.Vnze uzzer halp der riͧwen tor.Vz ſinem herzin ſorge iagit.daz ir an im niht ſit uirzagit.Sin herze enbiut ſin dienſt her.der kunegin oͮch iſt ſin ger.daz al der tauelrunder ſchar.ſineſ dienſteſ nemen war.Daz ſi ir triͮwe an im gedenchen.vn̄de im froͮde niht firchrenchen.ſo daz ſi chomin ratin.Al die werden deſ batin.der kunic ſprach geſelle min.Tr*Trac diſen brief der kunegin.bit ſi den leſen vn̄de ſagin.Weſ wir vnſ froͮwen vn̄de waz wir klagin.daz der kvnic gramoflanz.Mit hohuart loſheit ganz.gein minem chunne bieten chan.Er wanet min neve gawan.ſit zidegaſt den er ſloͮch.Von dem er chumberſ hat genuͦc.Ich ſol im chumbir meren.Vnde niͮwen ſite leren.der chnappe chom gegangen.Al da er wart wol enphangen.der chunegin er gap den brief.deſ manic oͮge vbir lief.do ir ſuezer munt gelaſ.Al daz dar an geſchriben waſ.gawanſ chlagin vn̄de ſin werbin.doh enliez oh niht uirderben.der knappe zen froͮwen allen warp.dar an ſin chunſt niht uirdarp.Gawanſ mâc der riche.Artuſ warp hofſliche.zer meſſenie diſe vart.oͮch waſ vor ſumen gar bewart.kynover diu korteiſe.Warp zeden froͮwen diſe reiſe.kai ſprach inſinem zorn.Wart abe ie ſo wert man ie geborn.getorſt ih deſ gloͮbin han.ſo von norwagegawan.zehv̂ da hin nu holt in da.ſo iſt er lihte anderſwa.Wil er wenchen alſ ein eichorn.Ir muget in ſchier han uirlorn.der chnappe ſprach zeder kvnegin.froͮwe gein dem herren min.Muͦz ih balde cheren.Werbet ſin dienc nach iͮwern eren.zeinem ir chamerære ſi ſprach.ſchaffen diſem knappen guetin gemach.ſin orſ ſoltu ſchoͮwen.ſi daz mit ſporin uirhoͮwen.gip im daz beſte daz hie ueile ſi.Wone im ander chumbir bi.Ez ſi phantloſe oder chleit.Deſ ſol er alleſ ſin bereit.g*geſelle ſage gawan.Ih ſi im an dienſte vnder tan.Vrloͮp ih dir uon dem kunige namnim.dinem herrin ſage oh dienſt uon im.Nv ſchoͮf der kunic ſine vart.oͮch der tauelunrunder art.Deſ tageſ da uolreichet.Ez het in froͮde erweichet.Daz de werde gawan.dannoch ſin lebin ſolde han.Deſ warin ſi innen wordender tauelrunder orden.Wart da bigangen ane haz.der kunic ob tauelun*tauelunrunder ſaz.vn̄de die da ſitzen ſolden.die briſ mit arbeit holden.Al der tauelrundære.genuzzen dirre mære.Nu lat den knappen wider chomin.Von dem diu botſchaft ſi uernomen.der hoͮp ſih dan an rehter zit.der kunegin chamerære im git.Phandeloſe orſ vn̄de ander chleit.der knappe dan mit froͮdin reit.Wan erz daze artuſe erwarp.da von ſineſ herzen ſorge erſtarp.Er chom wider inſolhen tagen.Deſ ih fur war niht chan geſagin.ze tſchaſtel marveile.Arnive diu geile.Wan ir der bortenare enbot.der knappe ware mitſ orſeſ not.balde wider ſtrichen.zoͮ dem ſi chom geſlichen.Al da er in uerlazen wart.Vnt fragit in vmbe ſine vart.War nah er uz wære geriten.der knappe ſprach daz wirt uirmiten.frowe ih *engetar eſ iv niht geſagin.Ich muͦz durch minen eit uil uirdagin.oͮch ware minem herren leit.Brache ih mit mærin minen eit..viii.Deſ dv̂hte ih in der tv̂mbe.froͮwe fraget in ſelbe drvmbe.Er giench da er gawanen vant.der tv̂rkoitefloriant.Vnde der herzoge von gowerzin.Von lorgroiſ div herzogin.da ſaz vnde ander froͮwen ſchar.der chnappe giench oͮch zoͮ in dar.Vf ſtoͮnt her gawan.Er nam den chnappen ſvnder dan.Er hiez in willechomen ſin.Er ſprah nv ſage geſelle min.Einweder froͮde oder not.Vnde ſwaz man mir von hove enbot.fvnde dv den kv̂nich da.Der knappe ſprach herre ia.Ih vant den kv̂nich vnde ſin wip.Vnde dar zoͮ manigēn werden lip.Si enbietent iv dienſt vn̄de ir komēn.iwer botſchaft wart vōn in v̉ernom̄en.Alſo gar werdechliche.Der arme vnde der riche.Sih froͮten wan ih tet in chvnt.Daz ir noh wâret wol geſvnt.Ih ſah da herſ ein wnder.oͮch wart div tavelrvnder.Beſetzet dvrh iwer botſchaft.Obe riterſ briſ gwan ie kraft.Ih meine an alanger werdecheit.die ſint iv alle da bereit.Er ſagte im oͮch wie daz geſchach.Daz er die chv̂ninginne geſprach.Vnde waz im div mit triwen riet.Er ſagte im oͮch von al der diet.Von den ritern vnde von den froͮwen.daz er die mohte ſchoͮwen.ze tſchofflanze vor der zit.Ê wrde ſineſ kanpheſ ſtrit.Gawan vz ſorgen in froͮde trat.Den knappen erz verſwigen bat.Al ſiner ſorgen er da vergaz.Er giench hin wider vnde ſaz.Vnde waſ mit froͮden da ze hvſ.Vnze daz der kv̂nich Artus.Mit hêr in ſine helfe reit.Nv̂ hôret lieb vnde leit.Gawan waſ zallen ziten vro.einſ morgenſ voͮchte iz ſih alſo.Daz vf dem richen palaſ.Manich riter vnde froͮwe waſ.Jndem venſter gein dem flv̂m.Choſ im ſv̂nder einen rv̂m.Da er vndeArnive ſaz.Div ſoͮzer mâre niht vergaz.Do ſprah er zer chv̂ningin.Owe liebiv froͮwe min.Woldeſ ivch niht betragen.Daz ich ivch moͮſe fragen.Alſvs getaner mâre.Daz ich verſwigen wâre.Wan daz ich von iwere helfe gebe.Alſvs mit werden froͮwen lebe.Getroͮch min her*herze ie manneſ ſin.Den het div edele herzogin.Mit ir gwalt beſlozzen.Nv han ich iwer genozzen.Daz mir geſenftet iſt div not.Minne vnde wnden wâre ih tot.Wan daz iwer helfchliher troſt.Mih von ſorgen hat erloſt.Von iwern ſchvlden han ih den lip.Nv ſaget mir ſâldehaftez wip.Vmbe wnder daz hie waſ vnde iſt.Dvrh waz ſo ſtrengechlihen liſt.Der clinſor het erchorn.Wan ir ih heteſ den lip verlorn.Div beſcheidenlihe wiſe.Mit ſo wiblihen briſe.Chom ivgent an daz alter nîe.Si ſprah herre ſiniv wnder hie.Sint da wider chleiniv wnderlin.gein den ſtarchen wndern ſin.Die er hat in manigen landen.ſwer vnſ deſ giht ze ſchanden.Der ne wirbet niht wan ſv̂nde da mit.herre ich ſage ſinen ſite.Der iſt maniger diete worden ſv̂r.Sin lant heizet Terra labv̂r.Von deſ nahchomen iſt er erborn.Der oͮch vil v*vvnderſ het erkorn.Von Napelſvirgilivs.Clinſor deſ neve warp alſvs.Capſ iſt ein hoͮbetſtat.Er trat in briſe ſo hohez phat.An briſe waſ er vnbetrogen.Von Clinſor dem herzogen.ſprachen wip vnde man.Vnzer ſvs ſchaden gwan.Secilie het ein kv̂nich wert.Der waſ geheizen Ibert.Jbilis hiez ſin wip.Div troͮch den minnichlihſten lip.Der ie von brvſte wart genomen.An der dienſt waſ er chomen.Vnze ſiſ mit minnen lonte.Dar vmbe der kv̂nich in honte.Sol ich iv ſiniv toͮgen ſagen.deſ moͮz ich iwern vrloͮp tragen.doh ſint div ſelben mâre.mir ze *ſagen vngebâre.Dvrh waz er chom in zoͮberſ ſite.zeinem chappen mit einem ſnite.Wart Clinſor gemachet.Deſ wart al da gelachet.Von gawane ſere.Si ſagte im fv̂rbaz mere.Vf kalotempolot.Er warb er der werlde ſpot.Daz iſt ein bvrch veſte erchant.Der kv̂nich bi ſinem wibe in vant.Er ſlief an ir arme.Lach er da iht warme.Daz moͮſe er ſvſ verpfenden.Er wart mit kv̂nigeſ henden.zwiſchen den beinen gemachet ſleht.Deſ dv̂hte den kvnich er heteſ reht.Der beſneit in andem libe.daz er deheinem wibe.Mach ze ſchimphe niht gefrvmen.Deſ iſ vil lv̂te in kvmber in chomen.Ez iſt niht ein lant ze perſia.Ein ſtat heizet preſita.Da alrerſte zoͮberſ wart erdaht.da voͮr er hin vnde hat dannen braht.Daz er nv ſchaffet ſwaz er wil.mit liſten zoͮberlichiv ſpil.Dvrh die ſcham an ſinem libe.ſone wart er man noh wibe.goͮteſ willen nimmir me bereit.Ih meine die tragent werdecheit.Swaz er den froͮwen mach genemen.Deſ chan von herzen in gezemen.Ein kv̂nich heizet Cẏrot.Der vorhte in die ſelben not.Von roiſabinſ.Der bot im deſ ſineſ.ze gebenne ſwaz er wolde.Daz er fride haben ſolde.Clinſor enphie von ſiner hant.Diſen berch veſte erchant.vn̄de ander ſelben zile.Alvmbe ahte mile.Clinſor do worhte vf diſen berch.Alſ ir wol ſehet daz ſpâhe werch.Aller richeit ſvnder.Sint hie vffe ſtarchiv wnder.ſwer der bv̂rch wolde varen.Spiſe ze drizzich iaren.Wert hie vffe manichvalt.Er hat oͮch aller der gwalt.Mal vnde beahzent.die enzwischen dem firmament.Wonent vnde vnder der erde zil.Niht wan die got beſchirmen wil.herre ſit iwer ſcharhiv not.Iſt wendich worden an den tot.: Vers aufgrund der Initiale im Folgevers eingerückt; dafür ist der Vers nach der Initiale nicht eingerückt.Min gabe ſtet in iwer hant.diſiv bv̂rch vnde ditze gemezzen lant.Erne chert ſih nīmmir me nv dran.Ir ſv̂lt oͮch von im fride han.Deſ iah er offenbâre.Er iſt mit rede der gewâre.ſwer diſe Aventv̂re erlite.Daz dem ſin gabe wonte mit.ſwaz er geſah der werden.Vf chriſtenlihen erden.Ez wâre maget wib oder man.Der iſt hie vil vndertan.Manich heiden vnde heidenin.Moͮſen hie vffe bi vnſ ſin.Nv lat daz volch wider chomen.Da nah vnſ ſorge iſ vernomen.Ellende vrivnt min herze chalt.Der die ſterne hat gezalt.Der moͮze ivch helfe leren.Vnde vnſ gein froͮden cheren.Ein moͮter ir frv̂ht gebirt.Div frvht ſiner moͮter wirt.Von dem wazzer chvmt daz îſ.Daz enlat danne deheine wiſ.Daz wazzer chom oͮch wider von im.Swenne ih gedanche an mih genim.Daz ih ze froͮden bin geborn.Wirt imer froͮde an mir erkorn.Da git ein frvht die andern frvht.daz ſv̂lt ir foͮgen habet ir zv̂ht.Eſ iſt lanch daz mir froͮde enphiel.Von dem ſegel get balde der chiel.Der man iſt ſneller der drvf get.Obe ir ditze biſpel verſtet.Iwer briſ iſt hoh vnde ſnel.Jr mv̂get vnſ froͮden machen hel.Daz wir froͮde fvͦren in manigiv lant.Da nah vnſ iamer wart erchant.Etſwenne ih froͮde phlach gnoͮch.Ih waſ ein wip div chrone troͮch.oͮch troͮch min tohter chrone.Von ir landeſ fv̂rſten ſchone.Wir heten bede werdecheit.herre ih geriet nie manneſ leit.beidiv wib vnde man.Chv̂nde ih wol nah ir rehte han.hôren vnde ſchoͮwen.zeiner rehten volcheſ froͮwen.Moͮſe man mih haben roͮhteſ got.Wan ih nie manne miſſebot.Ez ſol ein ieſlich ſinnich wip.Ob ſi wil haben werden lip.Erbieten goͮten lv̂ten wol.ſi chv̂mt vil lihte in chvmberſ dol.Daz ir ein ſwacher garzv̂n.Enger froͮde gâbe witen rv̂m.herre ih han lange gebiten.Niemen geloͮfen noh geriten.her chom der mih erkande.Der minen chvmber wande.Do ſprah der werdegawan.froͮwe moͮz ih min leben han.So wirt noh froͮde an iv vernomen.Deſ ſelben tageſ ſolde oͮch chomen.Mit her Artvs der britvn.Der chlagenden Arniven ſv̂n.Dvrh chlage vnde dvrh triwe.Manige banier niwe.ſach gawan gein im trechet.Mit ritern velt verdecchet.Von logroẏſ die ſtrazze. her.Mit manigem lieht gemaltem ſper.Gawan tet ir chomen wol.Swer ſamnv̂nge warten ſol.Den leret ſvnder gedanch.Er fv̂rht ſin helfe werde kranch.Artvſgawan den zwivel brach.Avoẏ wie man den chomen ſach.gawan ſih hal deſ toͮgen.Daz ſiniv liehten oͮgen.Weinen moͮſe lernen.zeiner ziſternen.Waren ſi beidiv do enwiht.Wan ſine behielten deſ wazzerſ niht.Von der liebe waſ daz weinen.Daz Artvſ chvnde erſcheinen.Von chinde het er in erzogen.Ir beder triwe vnerlogen.ſtoͮnt gein ein ander ane wanch.Daz ſi nie valſch vnder ſwanch.Arnive wart deſ weineſ innen.ſi ſprah ir ſv̂lt beginnen.Froͮden mit froͮden ſchalle.herre ſo troſt ir vnſ alle.gein der riwe ſv̂lt ir ſin zewer.hie chvmt der herzôginne her.Daz trôſt ivch vurbaz ſchiere.herberge manige baniere.ſah Arnive vndegawan.Manige foͮren vf den plan.bi den allen niht wan ein ſchilt.Deſ wappen waren ſv̂ſ gezilt.daz in Arnive erkande.ẏſageſen ſi in nande.Deſ marſchalch vtpandragvn.Den foͮrte ein ander britvn.Mit den ſchônen ſchenchelen Mâvrin.Der marſchalch der kv̂ningin.Arnive weſſe wenich deſ.Vtpandragvn vndeẏſageſ.Waren bede erſtorben.Mavrin het erworben.ſineſ vater ambet daz waſ reht.gein dem vrvar vf den anger ſleht.reit div groze mahenande.Der froͮwen ſariande.herberge namen.Die froͮwen wol gezamen.bi einem claren ſnellen bach.Da man ſchiere vf geſlagen ſah.Ma*Manch gezelt wolgetan.dem chv̂nige ſv̂nder dort hin dan.Wart manich witer rinch genomen.Von ritern die da waren chomen.die heten an frage.Vf ir reiſe groze ſlage.Gawan bi bênen hin abe enbot.Sinen wirt pliplalinot.Chochen vnde viſiere.Daz er div ſlvzze ſchiere.ſo daz da von ſiner vbervart.Daz her deſ tageſ wâre bewart.Fro bene vz gawaneſ hende nam.Die erſten gabe vz ſiner chram.ſwalwen div noh ze Engellezeiner tîvren harphen iſt erkant.Fro bene foͮr mit froͮden dan.Do hiez min her gawan.beſliezen die vzern porten.Alte vnde ivnge da horten.Weſ er ſi zv̂htichlihen bat.Do ander halben an den ſtat.Sih leget ein alſ groz hêr.Daz vf dem lande noh indem mere.geſah ih roten nie gevaren.Mit alſo krefticlihen ſcharn.Wellent ſi vnſ ſoͮchen mit herſ kraft.helfet mir ich gibe in riterſchaft.Daz lobten ſi algeliche.die herzoginne riche.ſi vragten obe daz her wâre ir.ſi ſprah ir ſv̂lt gloͮben mir.Jh erkenne da weder ſchilt noh ſper.Der mir ê ſchaden hat getan.derſ lihte in min lant geriten.Vnde hat vor logroẏſ geſtriten.Ih wâne die vant er doh zewer.ſi heten ſtrit wol diſem her.Ane zingel vnde ane barbigan.hat da riterſchaft getan.Der zornige chv̂nich Gramoflanz.ſo ſoͮhte er gelt vur ſinen krantz.oder ſwer ſi ſint ſi moͮſen ſper.Vf gerihtiv ſehen dvrh ſtriteſ gêr.Ir mvnt in loͮch da wenich an.Artvſ ſchaden vil gwan.Ê daz er chôme vur logroẏſ.Deſ wart etſlich britanoẏſ.ze rehter tẏoſt abe gevalt.Artuſ her in wider galt.Market den man in da bot.Si chomen zebeder ſite in not.Man ſach die ſtrit moͮden chomen.Da von vil ditche iſt vernomen.Dazſe ir chotzen gerne werten.Si wâren gein ſtrite die herten.Bedenthalbe iz mit ſchaden ſtet.Garel vndeGaharet.Vnde rinſ melianz*debarbigol.vndetſchfreit fiſidol.Die ſint hin vf gevangen.Ê der bvhvrt wâre ergangen.Oh viengen die von logroẏſ.dvc firmam de frimidoiſ.Vnde Rvnſ vndeRitſchart deniniverſ.der foͮrte oͮch niwan einſ ſperſ.Gein ſwem oͮch daz ſin hant gebot.Der viel vor im dvrh tẏoſte not.Artvſ mit ſin ſelbeſ hant.Viench den wert erchant.Da wrden vnverdrozzen. dDie poẏnder ſo geſlozzen.Deſ môhte ſwenden ſih der walt.Manich tẏoſt vngezalt.rert ir trvnzvne.Die werden britvne.Waren da manlich zewer.gein der herzoginne her.Artvſ nah hoͮte.Moͮſe ſtriteſ ſin zemoͮte.Man parrierte ſi den tach.ê daz div floͮt deſ herſ gelach.Oh ſolde min her gawan.Der herzôginne gechv̂ndet han.Daz ein ſin helfâre.Jn ir lande wâre.Sone wâre deſ ſtriteſ niht geſchehen.done wolderſ niht vergehen.Sſiz ſelbe ſehen mohte.er warb alſ iz im tohte.Vnde ſchoͮf oͮch ſine reiſe.gein Artv̂ſegdembritaneẏſe.Mit tivren gezelten.Niemen mohte engelten.Ob er im waſ vnbechant.Deſ milten gawanſ hant.begvnde ſo mit willen geben.Alſ er niht langer wolde leben.ſariande riter vnde froͮwen.Moͮſen enphahen vn̄de ſchoͮwen.ſine gabe ſo grozliche.Daz ſi ſprachen algliche.Jn wâre div ware helfe chomen.Nv wart oͮch froͮde an in vernomen.Nv hiez gwinnen der degen wert.ſtarche ſoͮmâre ſchoniv phert.Vnde harnaſch alder riterſchaft.ſariande ze ẏſer groze chraft.Al da bereit wâren.do chvnder ſo gebaren.do nam min her gawan.Vier werde riter ſvnder dan.daz einer chamerâre.Vnde der ander ſchenche wâre.Vnde der dritte trv̂hſâze.Vnde der vierde niht vergâzze.Erne wâre marſchalch ſv̂s warb er.die viere wrben ſine ger.Nv lat Artv̂ſen ſtille ligen.gawanſ groͮzen wart verſwigēn.Al den tach vnſanfte erz meit.deſ morgenſ froͮ mit chrache reit.gein tſchofflanzeArtvſ her.Sin nah hoͮte ſchoͮf er zewer.Do diſe niht ſtriteſ fvnden da.ſi cherten nah in vf ir ſla.Do nam min her gawan.ſin ambetlv̂te ſvnder dan.Niht langer er wolde biten.Sinen marſchalc hiez er riten.gein tſchofflanz vf den plan.Svnder lenger wile wil ih han.Dv ſiheſt daz groze her da ligen.Daz iſt et nv alſo gedigen.Jr herren wil ih nennen.Daz ir roͮchet in bechennen.Ez iſt min ôheim Artvs.Jndeſ hove vnde indeſ hv̂ſ.Ih von chinde bin erzogen.Nv ſchaffet mir vur vnbetrogen.Min reiſe ſo mit choſte dar.Daz manſ vur richeit neme war.Vnde lat hie vffe vnvernomen.daz Artvſ her dvrh mih ſi chomen.ſi leiſten ſwaz er in gebot.Deſwart plipalinot.dar nah vnmoͮzlich ſchiere.Chochen vnde viſîere.Didiv ze ôrſe vnde ze fvͦzzen.mit dem marſchalche v̂ber moͮzen.Sariande garzvne.hin nah dem britvne.Si cherten hin vnde da.Hin nah gawanſ marſchalche vf ir ſla.Si voͮrten oͮch deſ ſit gwiſ.Ein gezelt daz Ibilis.gawan dvrh minne ſande.Da bi man erſte erchande.Ir vil toͮgen vber lv̂t.Si waren bede ein ander trvt.Dem gezelte waſ choſte niht v̉ermiten.Mit ſchæ̂re nie bezzer wart geſniten.Wan einz daz Iſenharteſ waſ.Bi Artvſ ſvnder vf ein graſ.Wart ditze gezelt vf geſlagen.Manich gezelt horte ih ſagen.ſloͮch man drv̂mbe an witen rinch.Daz waren rih lihiv dinch.Vor Artvſ wart vernomen.daz Gawanſ marſchalch ſolde chomen. +: Korrekturzeichen von späterer Hand(?) am Rand.Der herberget vf den plan.Vnde daz der werdegawan.Solde chomen bi dem tage.Do wart ein gemeiniv ſage.Al der meſſenie.Gawan der valſcheſ frîe.Von hv̂ſe ſih rotierte.ſine reiſe er alſo vierte.Da von ich wnder môhte ſagen.Manich ſoͮmâre moͮſe tragen.Chapeln vnde chamer gwantManich ſoͮm mit harnaſche erkant.giengen oͮch dar vnden.Helm oben drvf gebvnden.Bi manigem ſchilte wolgetan.Manich ſchône chaſtelan.Man bidem ſoͮme ziehen ſah.riter vnde froͮwen nah.riten an ein ander vaſte.Daz gezoch wol eine raſte.Ander lenge wart gemezzen.done wart niht vergezzen.Gawan einen riter dar.Jmer ſchoͮf zoͮ einer froͮwen clar.Daz waren chranche ſinne.Op die niht ſprachen von minne.Der tvͦrkoitefloriant.zeinem geſellen wart erkant.ſagîven von norwage.Liſhoiſ der gar vntrage.reit bi der ſoͮzen gvndrîe.Sin ſweſter Jtonie.Bi gawane ſolde riten.An den ſelben ziten.Arnive vnde div herzogin.Och da geſellen wolden ſin.Dv ditze alſo waſ chomen.gawanſ rinch wart genomen.dvrh Artvſ her al da er lach.Waz man ſchoͮwenſ da pflach.ê diz volch dvrh ſi gerite.gawan dvrh hôſſliche ſite.Vnde oͮch dvrh werdeclihiv dinch.hiez Artvſ rinch.Die erſten froͮwen halden.Sin marſchalch moͮſe walden.Daz einiv nahen zer andern reit.Der andern deheiniv vermeit.ſine hielde ſvs alvmbe.hie div wiſe. dort div tvmbe.Bi ieſlicher ein riter der ir pflach.Der ſih dienſteſ dar bewach.Artvſ rinch den witen.Man ſah in allen ſiten.Mit froͮwen vmbevangen.Da wart alrerſt enphangen.Gawan der ſælden riche.Ih wâne deſ minniclihe.Arnive ir tohter vnde ir kint.Mit gawane erbeizt ſint.Vnde von logroẏſ div herzogin.Vnde der herzoge von gowerzin.Vnde der tv̂rkoiteflorant.gein diſen lv̂ten wert erkant.Artuſ vz dem bavelvn giench.Der ſi da frôliche enphiench.Alſo tet div chv̂ningin ſin wip.ſi enphiengen gawanſ lip.Vnde ander ſine geſelleſchaft.Mit zv̂htliher liebe chraft.Da wart manich choſ getan.Von maniger froͮwen wolgetan.Artvſ ſprah zem nefen ſin.Wer ſint die geſellen din.gawan ſprach mine froͮwen.Sol ich chv̂ſen ſchoͮwen.Daz wâre vnſanfte bewart.Si ſint wol bede von der art.Der tvrkoiteflorant. wWart gechv̂ſſet ſa zehant.Vnde der herzoge von gowerzin.Von Cinoveren der kv̂ningin.Si giengen wider in daz gezelt.Manigen dv̂hte daz daz velt.Vollez riter wâre.Do warp niht ſo der ſwâre.Artvſ ſpranch vf ein chaſtelan.Al diſe froͮwen wolgetan.Vnde al die riter neben in.Er reit den rinch allvmbe hin.Mit zv̂hten Artvſ mvnt.ſi enphiench ander ſelben ſtvnt.Daz waſ gawanſ wille.ſi alle habten ſtille.Vnze daz er mit in dannen rite.daz waſ ein hof*hofſlicher ſite.: Vers aufgrund der Initiale im Folgevers eingerückt, dafür Vers nach Initiale nicht eingerückt.Artvſ erbeizte vnde gie dar in.Er ſaz zoͮ dem nefen ſin.Den beſtoͮnt er ſv̂ſ mit mâren.Wer die vier froͮwen wâren.Do hoͮp min her gawan.Ander eltiſten alrerſt an.Svſ ſprah er zoͮ dem britvn.Erchandet ir vtpandragvn.So iſt ditze Arnive ſin wip.Von den zwein chom iv der lip.So iſt ditze div moͮter min.Von norwâge div chv̂ningin.Diſe zwo mine ſweſter ſint.Nv ſeht wie flâtigiv chint.Ein ander chv̂ſſen da geſchach.froͮde vnde iamer ſah.Alle die daz ſehen wolden.Von der liebe ſi daz dolden.Lachen vnde weinen.ſi chvnden wol erſcheinen.Von grozer liebe daz geſchach.Artuſ ze gawane ſprah.Neve ih bin deſ mâreſ noh frô.Wer div clare froͮwe ſi.Do ſprah gawan der kvrtoiſ.ez iſt div herzogin von logroẏſ.Jnder gnaden bin ih hie.Mir iſt geſeit ir habet geſoͮchet ſi.ſwaz ir deſ habet genozen.Daz zeiget vnverdrozen.Er mohte einer witwen wol toͮn.Artvſ ſprah diner moͮmen ſvn.Gahareten ſi dort hat.VndeGareln der riterſ tat.Jn manigen poẏnder worhte.Mir wart der vnervorhte.Ein langer poẏnder waſ ſo genomen.Mit hv̂rte vnze an ir barbigan.Nvta wie iz da wart getan.Von dem werden melianze von liz.Vnder einer baniere wiz.Jſt er hin vf gevangen.Die banier het enphangen.Von zobel ein ſwarziv ſtrale.Mit herze bloͮteſ male.Nah mannſ chv̂mber gevar.Logroiſ rief al div ſchar.Die drvnder dvrh ſtriten riten.die hant den ſtrit hin vf erſtriten.Mir iſt oͮch min nefe Iofreit.hin vf gevangen daz iſt mir leit.div nah hoͮte waſ geſter min.Da von gedech mir dirre pîn.der chv̂nich ſineſ ſchaden vil veriach.Div herzogin mit zv̂hten ſprah.He*Herre ich ſage ivch deſ laſterſ boͮz.Irn het min deheinen groͮz.Jr mv̂get mir ſchaden han getan.Den ich doh vngedienet han.Sit ir mih geſoͮchet hat.ſo lere ivch got ergetzenſ rat.Jndeſ helfe ir ſit geriten.Op der hat mit mir geſtriten.Do wart ih ane wer erchant.Vnde zeder blozen ſiten an gerant.Op der noh ſtriteſ ane mih gert.der wirt wol geendet ane ſwert.ze Artuſ ſprah do gawan.Waz ratet irſ ob wir diſen plan.baz mit ritern v̂berlegen.Sit wirz wol getoͮn megen.Ih erwirbez wol dazer herzogin.daz die iwern ſv̂len ledich ſin.Vnde daz ir riterſchaft da her.Chvmt mit manigem niwen ſpêr.deſ volge ih gerne ſprah Artus.Div herzogin do hinze ir huſ.Sande nah den werden.Ih wâne vf der erde.Nie ſchôner ſam̄env̂nge wart.gein herbergen ſiner vart.Gawan vrloͮbeſ gerte.Deſ in der chv̂nich gewerte.die man mit im chomen ſah.foͮren dan mit im an ir gemach.Sin herberge riche.ſtoͮnt ſo riterliche.Daz ſi waſ choſtebâre.der armoͮte læ̂re.An ſine herberge reit.maniger dem von herzen leit.Waſ ſin langez vzweſen.Nv waſ oͮch kei wol gneſen.bidem blimzol der tioſt.Der brvͦuet gawanſ choſt.Er ſprah mineſ herren ſwager lôt.Von dem waſ vnſ dehein not. N.Ebenhv̂ze vnde ſvnder ringeſ.do dahter noh deſ dinges.Wan ingawan*gawan dort niht rach.gawan*gawan: Federansatz.do im ſin zeſwer arm zebrach.Got mit den lv̂ten wnder toͮt.gab gawan die froͮwen loͮt.ſprah kei in ſinen ſchimph.Daz waſ gein frivnde ein ſwachir gilimph.der getriwe iſt frivndeſ eren frô.Der vngetriwe waffeno.roͮffet ſwenne im lieb geſchiht.Sine frivnde vnde er da ſihet.Gawan phlach ſælde vnde ere.gert iemen vurbaz mere.War wil der mit gedanchen.So ſint die moͮtſ chranchen.Nideſ vnde hazzeſ vol.So toͮt dem ellenthaften wol.ſwaz ſineſ frivndeſ ſtrit geſtet.Daz ſchande floͮtch von im get.Sit gawan ane falchen haz.ſtâte mit triwen nie vergaz.Enehein vnbilde dran geſchach.ſwa man in bi ſælden ſah.Wie der von norwâge.ſineſ volcheſ pflæ̂ge.Der riter vnde der froͮwen.da mohte richeit ſchoͮwen.Artuſ vnde ſin geſinde.Von deſ werden Loteſ chinde.Si ſv̂len oͮch ſlaffen do man gaz.Jr roͮwenſ han ich ſelten haz.Deſ morgenſ chom vor tage geritēn.Volch mit werlihen ſiten.Der herzoginne riter gar.Man nam ir ze vnwirde war.Al bi dem mâne ſchine.Da Artvſ vnde die ſine.Lagen dvr die zogeten fre*ſie.Anderhalb da gawan hie.Lach mit witem ringe.ſwer ſôlhe helfe ertwinge.mit ſiner ellenhaften hant.den ſol man han vur briſ erkant.Gawan ſinen marſchalch bat.Jn zeigen herberge ſtat.Alſ der herzôginne marſchalch riet.Von lôgroẏſ div werde diet.Manigen wol ſvnder zierten.ê ſi geleiſierten.ez waſ wol mitter morgen.Nv nahet iz niwen ſorgen.Artvſ der briſ erkande.ſinen boten ſande.ze roiſabinſ indie ſtat.Den kv̂nich Gramoflanz er bat.ſit daz vnwendich nv ſol ſin.daz er gein dem neven min.ſinen kamph niht wil verbern.deſ ſol oͮch in min nefe wern.bit in gein vnſ ſchiere chomen.Sit ſin gwalt iſt ſvſ vernomen.Daz erz niht vermiden wil.eſ wâre einem andern man ze vil.Artuſ boten foͮren dan.do nam min her gawan.Liſhoẏſen vndefloranden.Die von manigen landen.Minnen ſoldiere.bat in zeigen ſchiere.Die der herzoginne vf hohen ſolt.Waren ſo dienſtlichen holt.Er reit zoͮ in vnde enphie ſi ſo.dazſe algliche ſprachen do.Daz der werdegawan.Wâre ein manlih man.da mit chvmt er von in wider.Svſ warp er toͮgenlichēn ſider.Jnſine chamer er giench.Mit harnaſche er vmbe viench.Sinen lip zen ſelben ſtvnden.dvrh daz op ſine wnden.so geheilt wâren.Daz die mâſen in niht ſwâren.Er wolde banchen den lip.Sit ſo manich maget vnde wip.ſinen kamph ſolde ſehen.Daz die wiſen riter mohten ſpehen.Op ſin vnferzagitiv hant.Deſ tageſ gein briſe wrde erchant.Einen knappen het er deſ gebeten.Daz er im brâhte kringvlieten.do begvnde er loẏſieren.Er wolde mvͦieren.Daz er vnde daz orſ waren bereit.Mirne waſ ſin reiſe nie ſo leit.Al eine reit min her gawan.Von dem her verre vf den plan.gelv̂ke moͮzeſ walden.Er ſah einen riter halden.bi dem wazzer ſabinſ.Den wir mohten heizen flinſ.der manlichen chrefte.Er ſchv̂r an riterſchefte.Sin herze valſch nie verſwanc.Er waſ deſ libeſ wol ſo kranch.Swaz man heizet vnbriſ.daz getroͮch er nie neheine wiſ.halbeſ vingerſ lanch noh ſpanne.Von dem ſelben werden manne.Mv̂get ir ê wol han vernomen.An den rehten ſtam iſt ditze mâre kom̄en.Obe von dem werden gawan.werlihiv tẏoſt da wart getan.ſone gevorhte ih ſiner ere.an ſtrite nie ſo ſere.Ih ſolde oͮch deſ andern angeſt han.daz wil ich vz den ſorgen lan.Er waſ in ſtrite in manneſ hêr.Vz heidenſchefte verre vber mêre.Wart braht div zimier ſin.Noh rôter danne ein rv̂bin.Waſ ſin ch*chv̂rſit vnde ſinſ ôrſ*ôrſ chleit.Der helt nah Aventv̂ren reit.ſin ſchilt waſ gar dvr ſtochen.Er het oͮch gebrochen.Von dem boͮme deſ Gramoflanz.hoͮte einen alſ liehten kranchkrancz.Daz gawan dez riſ erkande.do forht er die ſchande.Op ſin der kv̂nich da hiet erbiten.Wâre der dvrh ſtrit gein im geriten.ſo moͮſe ſtrit da geſchen.Solde iz nīmmir froͮwe erſehen.Von mvntſalfaſche waren ſîe.beidiv orſ div alſo hie.Naher liezen ſtrichen.Vf den poẏnder hv̂rtchlichen.Mit ſporen ſi wrden deſ ermant.groͮne chle niht ſtoͮbech ſant.ſtoͮnt toͮwech da div tẏoſt geſchah.Mih moͮet ir beder vngemah.Si taten ir poẏnder rehte.vz der tẏoſt geſlâhte.Wrden ſi bede ſament geborn.Wenich gewnnen vnde vil verlorn.hat ſwer behalt da den briſ.Der chlaget doh immir iſt er wiſ.gein ein ander ſtoͮnt ir triwe.der ne wederiv alt noh niwe.dvrchel ſcha*ſcharten nie enphie.Nv̂ hôret wie div tẏoſt ergie.hv̂rtclich vnde doh alſo.Si mohtenſ bede ſin vnfro.Erchantiv ſippe vn̄de hoh geſelleſchaft.Waſ da mit hazlicher kraft.dvrh ſcharphen briſ zein ander chomen.Von ſwederm der briſ da wirt genom̄en.Deſ froͮde iſt vmbe ſorgen phant.die tẏoſt brahte ietwederſ hant.Daz die mage vnde die geſellen.Ein ander moͮſen vellen.Mit orſ mit alle nider.Alſvſ wrben ſi do ſider.Ez wart al da verzwicchet.Mit ſwerten verblicchet.ſchilteſ ſchirben vn̄de daz groͮne graſ.Ein glichiv temprie waſ.ſit ſi begvnden ſtriten.Si moͮſen ſcheidenſ biten.Al zelange ſi begvndenſ froͮ.done greif et niemen ſcheidenſ zoͮ.Dane waſ niemen der ſchiede ſi.welt ir nv vurbaz hôren wie.Anden ſelben ſtvnden.Artvſ boten fvnden.Den kv̂nich Gramoflanz mit hêr.Vf dem plane bidem mere.Ein halp floz der ſabinſ.Vnde ander halp der poinſaclinſ.div zwei wazzer flvzzen da.Der plan iſt veſter ander ſwa.Roẏſ ſabinſ dort.Div hoͮbet ſtat den viern ort.begreif mit mvren vnde mit graben.Vnde mangen tvrn hoh erhaben.deſ herſ loẏſiern waſ getan.Wol mile lanch vf den plan.vn̄de oh wol halber mile breit.Artuſ boten wider reit.Manch riter vnbechant.Tvͦr chopel vnde manch ſariant.zoͮ ẏſer vnde mit lanzen.dar begvnden ſwanzen.Vnder manger baniere.Manch groziv rote ſchiere.Von bv̂ſvne waſ da chrach.Daz her man ſih gar regen ſah.die wolden anden ziten.gein tſchoflanze riten.Von froͮwen zoͮmen clinachlina chlinch.Deſ kv̂nich Gramoflanzeſ rinch.Waſ mit froͮwen alvmbe halden.chan ich nv mâre walden.Jch ſage iv wer dvrh in da waſ.geherberget vffez graſ.Vnde an ſine ſamenv̂nge chomen.habet ir deſ ê niht vernomen.*Lat michz iv *machen chvnt.Vz der veſten ſtat von pvnt.brahte im der werde oheim ſin.Der kv̂nich brandelidelin.Vier hvndert clare froͮwen.der etſlichiv mohte ſchoͮwen.gewapent da ir Amis.Dvrh riterſchaft vn̄de dvrh priſ.die werden pontvreiſe.Waren wol andirre reiſe.da waſ welt irz gloͮben mirſ.Der clare Gernovt von rivirſ.deſ richer vater naranthet im verlazen Dvcher lant.Der brahte im chochen v̂ber mere.Ein clare ſoͮze froͮwen her.den man da rehter varwe iach.Vnde anderſ niht da von in ſprah.Der waren vier hvndert.zemageden vz geſvndert.Vier hvndert heten da ir man.Ob ichz geproͮven rehte chan.Gernovt. Fiz Rvnſ narrant.fv̂nf hvndert riter wert erkant.Mit im da chomen waren.die viende chvnden varen.Svs wolde der kv̂nich Gramoflanz.Mit kamphe rechen ſinēn kranz.Daz ez vil lv̂te ſæhe.Wem man deſ briſeſ iâhe.Fv̂rſten vz ſinem riche.Mit ritern werdech liche.Da waren mit froͮwen ſchar.Man ſah da lv̂te wol gevar.Artuſ boten chomen hie.die fv̂nden den kv̂nich nv hort wie.Von palmat ditche ein matraz.Lach vnder dem kv̂nige da er ſaz.dar vf geſteppet ein phelle breit.Ivncfroͮwen clar vnde gemeit.Die ſchoͮhten ẏſengolzen.Anden kv̂nich ſtolzen.Ein phelle gab choſtchlihen priſ.geworht inezzedemoniſ.breit vnde lanch.hôh obe im dvrh ſchate ſwanch.An die ſchefte genomen.Artus boten wâren chomen.zoͮ dem der hohferte hort.Troͮch ſi ſprachen diſiv wort.Herre vnſ hat der kv̂nic geſant.Artuſ der da vur erkant.Waſ daz er briſ etſwenne troͮch.Er het oͮch werdecheit gnoͮch.Wie welt ir im verchrenchen.wie mv̂get ir deſ gedenchen.Daz ir gein ſiner ſweſter ſvn.ſôlhe vngefoͮge welt toͮn.hiet iv der werdegawan.Noh grôzer herzeleit getan.Er môhte der tavelrvnder.Jedoh geniezen ſvnder.ſit in geſelleſchefte wernt.Alle die drv̂ber phlihte gernt.Der kv̂nich ſprah den gelobten ſtrit.Min vnverzagitiv hant ſo git.daz ich gawan bi diſem tage.Jn briſ oder in laſter ſage.Jch han mit warheit vernomen.Der kv̂nich ſi mit ſtvrie chomen.Vnde ſin wip div kv̂ngin.d*div ſol hie willechomen ſin.Op div arge herzoginne.Jm gein mir rate vnminne.Jr kint daz ſolt ir vnderſten.hiene mach niht argeſ an ergen.Wan daz ich den kamph leiſten wil.Jch han doh riter wol ſo vil.Daz ich gwalt entſitze niht.ſwaz mir von einer hant geſchiht.Die not wil ich liden.ſolde ih nv vermiden.Deſ ih mih vermezen han.ſo wolde ich dienſt nah minne lan.Inder gnade ich han gegeben.al min froͮde vnde min leben.Got weiz wol daz er ir genoz.Wân mih deſ ie verdroz.ſtriteſ gein einem man.Wan daz der werdegawan.den lip hat gevrbort ſo.kampheſ bin ih gein im frô.ſv̂ſ nidert ſih min manheit.So ſwachen ſtrit ih nie geſtreit.Ih han geſtriten giht man mir.Obe ir gebiet deſ fraget ir.gein lv̂ten die deſ miner hant.Iahen ſi wæhen ſi vur briſ erkant.Ih enbeſtvͦnt nie einen lip.Jz enſv̂len loben niht div wip.Obe ih den ſtrit hivte erhol.Mir toͮt indem herzen wol.Mir iſt geſaget ſi ſi von banden lan.Dvrh die der kamph wirt getan.Artuſ der herre.: Federansatz nach herre..So manch frômdiv terre.ze ſinem gebot iſt vernomen.Si iſt lihte her mit im komen.Dvrh die ich froͮde vnde not.Jn ir gebot vnze an minen tot.dienſliche wil bringen.Wa môhte mir baz gelingen.Op mir div ſælde ſol geſchehen.daz ſi min dienſt roͮchet ſehen.Froͮ bene vnderſ kv̂ngeſ arme ſaz.div lie den kamph gar ane haz.Si het deſ kv̂ngeſ manheit.ſo vil geſehen da er ſtreit.Daz ſiz wolde vz den ſorgen lan.Weſſe aber ſi daz gawan.Jr froͮwen broͮder wâre.Vnde daz diſiv ſtrengen mâre.Vf ir herren wâren gezogen.Si wâre an froͮden da betrogen.ſi brahte dem kv̂nige ein vingerlin.daz Itonie div ivnge chv̂nigin.Jm dvrh minne hat ge*geſant.Daz ir broͮder wert erchant.holt v̂ber den ſabinſ.Bene vf den poinſaclinſ.Chom in einem ſeitiez.diſiv mâre ſi niht enliez.tſchaſtel marveile gevarn.Jſt min froͮwe mit froͮwen ſcharn.Si mante in triwe vnde ere.Von ir froͮwen mere.danne ie chint manne enbot.Vnde daz er dâhte an ir not.ſit ſi vur alle gwinne.dienſt bv̂te nah ſiner minne.Daz machet den kv̂nich hoh gemoͮt.Vnreht er gawan doh toͮt.ſolde ich engelten der ſweſter min.Jch wolde ê an ſweſter ſin.Man troͮch im zimier dar.von richer choſt vnde ſo gevar.ſwen ie div minne deſ betwanch.Daz er nah wibe lone ranch.Ez wâre gahmv̂ret oldeGaloeſ.Oder der kvnc Galicrateſ.Der deheiner dorfte ſinen lip.Baz gezieren dvrh div wip.Von Ipopotiticon.Noh von der witen Acraton.Noh von kalimodente.Noh von Accratirſiente.Wart nie bezer phelle braht.danne da zer zimiere wart erdaht.do cherte er daz vingerlin.Daz Jtonîe div ivnge chv̂ngin.Jm dvrh minne ſande.Jr triwe er wol erkande.het iender chvmberſ in bevilt.Da engegine waſ ir minne ein ſchilt.Der chv̂nc waſ gewapent noͮ.zwelf ivnchfroͮwen griffen zoͮ.Vf ſchônen rvnziden.diene ſolden daz niht miden.Div clare geſelleſchaft.Jeſlichiv het an einen ſchaft.Einen tivren phelle genomen.dar vnder der kv̂nich wolde chomen.Den foͮrten ſi dvrh ſchate dan.Obe dem ſtrit gernden man.Niht ze chranch zwei ivncherrelīn.div troͮgen et da den beſtēn ſchin.Vnderſ kv̂ngeſ ſtarchēn armen riten.Done wart niht langer da gebiten.Artuſ boten foͮren dan.Vnde chomen hin da gawan.Vf ir wider reiſe ſtreit.done wart den kinden nie ſo leit.Die ſchriten lv̂te ſiner not.Wan in ir triwe daz gebot.Ez waſ et vil nah alſo chomen.daz den ſic da hete genomen.gawanſ kanph genoz.deſ kraft waſ v̂ber in ſo groz.Do gawan der werde degen.deſ ſigeſ nah hete vephlegen.Wan daz in chlagende nanden.Chint do ſin erkanden.Der ê waſ ſineſ ſtriteſ wer.der verbar gein im do ſtriteſ ger.Vz der hende er verre warf daz ſwert.Vnſâlich vnde vnwert.bin ich ſprah der werde gaſt.Aller ſælden mir gebraſt.Daz miner ſigeloſen hant.dirre ſtrit ie wart bechant.Da waſ miner vngefvͦge ze vil.ſchvldich ich mih geben wil.Hie trat min vngelv̂ke vur.Vnde ſchiet mih von der ſælden chv̂r.Svſ ſint div alten wappen min.ie ditche vnde aber wordēn ſchin.daz gein dem werden gawan.Al hie mit ſtrite iſt getan.Ih han mih ſelben v̂ber ſtriten.Vngelv̂keſ hie erbiten.do deſ ſtriteſ wart begvnnen.do waſ mir ſælde entrvnnēn.Gawan die rede horte vn̄de ſah.ze ſinēm kamph gnoze er ſprah.Owe herre wer ſit ir.Jr ſprechet gnade nv gein mir.Wâre div rede ê giſchehen.die wile ih chrefte mohte iehen.ſone wâre ih niht von briſe chomen.Jr habet den briſ alhie genomen.J*Jch hiet iwer gerne chv̂nde.Wa ich her nah fvnde.Minen briſ obe ih den ſvͦhte.die wile eſ min ſælde roͮhte.So geſtreit ih ie wol einer hant.Neve ih toͮn mih dir erkant.dienſtlich elliv mal.Ich bin din nefe parcifal.Gawan ſprah ſo iſt iz reht.hie iſt tvmbiv tvmpheit wordēn ſleht.hie hant zwei herze einvalt.Mit hazze erzeiget ir gwalt.din hant vnſ bede v̂ber ſtreit.La dirz ſin dvrh vnſ bede leit.Dv haſt dir ſelbem an geſiget.obe din herze triwēn phliget.do diſiv rede waſ getan.done mohte min her Gawan.Vor vnchraft niht langer ſten.Er begvnde ſweiblende gen.Wan im ſin hoͮbet erſchellet waſ.ſi ſazen nider vf dez graſ.Artvſ ivncherrelin.ſprah einz andem rvche ſin.Do bant im daz ſoͮze chint.den helm abe vnde ſwanc den wint.Mit einēm hoͮte phawin wiz.Vnder ſin oͮgen dirre chinde fliz.Lerte gawan niwe kraft.Von beden herren geſelleſchaft.Mit ſ*ſtorien chomen hie vn̄de dortJetwederſ her an ſinen ort.da ir zil waren geſtozen.Mit geſpielten ronen grozen.Gramoflanz die koſte gap.Dvrh ſineſ kampheſ vrhap.der boͮbe hvndert waren.Mit ſpâhen varwen claren.dane ſolde niemen zwiſchen chomen.die ſtoͮnden ſv̂ſ han ihz vernomen.Vierzich poinder von ein ander.Mit liehten blichen glander.Fv̂nfzich ietwedere ſit.da enzwiſchen ſolde ergen der ſtrit.Daz her ſolde vzzer halbe haben.alſ ez ſchiede mv̂r vnde graben.Deſ heten hantfride getan.Gramoflanz vndeGawan.gein diſem gelobten ſtrite.Manch rote chom bezite.Von beden heren die ſahen.Wem ſi da briſ iahen.Si wndert da ſere wer da ſtrite.Mit alſo ſtritclichem ſite.Ode wie deſ ſtriteſ da wâre gedaht.Wan ieweder het braht.Si chemphen inden rinch.Ez dv̂hte ſi wnderlihiv dinch.Do dirre kamph waſ getan.Vf dem bloͮmvarwen plan.Chom der kv̂nc Gramoflanz.der wolde oͮch rechen ſinen kranz.Der frieſch wol daz da waſ geſchehēn.Ein kamph daz nie wart geſehen.herter ſtrit mit ſwerten.die deſ ein ander werten.Die tatenz ane ſchvlde gar.Gramoflanz vz ſiner ſchar.zoͮ den kanph moͮden reit.herzenlih er chlaget ir arbeit.Gawan waſ vf geſprvngen.Dem waren div lit erſwngen.hie ſtoͮnden diſe zwene.Nv waſ oͮch froͮ bene.Mit dem chv̂nge inden rinch geriten.al da der kanph waſ erliten.div ſah gawanen chrefteloſ.Den ſi vor alder werlde erchoſ.zir hôhiſten froͮden chrone.Mit herzen iamerſ done.Si ſchriende von dem phârde ſpranch.Mit armen ſin vaſte vmbe ſwanch.Si ſprah verfloͮchet ſi div hant.Div diſen chvmber hat erchant.gemachet an ivrem libe clâr.Vor allen mannen daz iſt war.Jwer varwe ein manlih ſpiegel wa.was.ſi ſatzt in nider vffez graſ.Jr weinenſ wenich wart v̉erdaget.Do ſtreich im div ſoͮze maget.Von den oͮgen bloͮt vnde ſweiz.Jndem harnaſche waſ im heiz.Der kv̂nc Gramoflanz do ſprah.Gawan mirſ leit din vngemah.Ez ne wâre m*mit miner hant ge*getan.Wil dv morgen gein mir vf den plan.her wider chomen dvrh ſtriten.Ih wil din gerne biten.Jh beſtoͮnde gerner nv ein wip.danne dinen chrefteloſen lip.Waz briſeſ mohte ih andir beiagen.Jhne horte dih baz bi chreften ſagen.Nv roͮwe hint deſ wirt dir not.Wildv rechen den kv̂nic lot.Do troͮch der ivnge parcifal.niener moͮde lide. noh erblichen mal.Er het anden ſtvnden.Sinen helm von im gebv̂nden.Do in der werde chv̂nc ſah.zedem er zv̂htchlihen ſprah.herre ſwaz min nefe gawan.gein iwern hvlden hat miſſetan.da vur lat mih weſen phant.Jch trage noh werlihe hant.ſol er gein iv ze kamphe ſten.herre den lat an mir ergen.Der wirt vz roiſabinſ.ſprah herre er git mir morgen zinſ.der ſtet ze gelte vur minen chranz.Deſ ſin bris wirt hoh vnde ganz.Oder der min geneiget an die ſtatda ich trit vf laſterſ phat.Jr mv̂get wol anderſ ſin ein helt.dirre kamph iſt iv doh niht erwelt.Do ſprah froͮn benen mvnt.zem kv̂nige ir vngetriwer hvnt.Iwer herze in ſinen handen liget.dar iwer herze hazzeſ phliget.War habet ir ivch dvrh minne ergebēn.div moͮz doh ſiner gnaden leben.Jch ſaget ivch ſelben ſigelos.div minne ir reht an iv verloſ.Troͮget ir ie minne.div waſ mit valſchem ſinne.Do deſ zorneſ vil geſchah.der kv̂nich ze froͮn benen ſprah.die bat er froͮwe zv̂rne niht.Daz der kamph von mir geſchiht.Vnde belip hie bi dem herren din.Vnde ſage Itonien der ſweſter ſin.Ih ſi vur war ir dienſman.Vnde welle ir dienen ſwaz ih chan.Do froͮ bene do gehorte.Von wêrlichem worte.Daz er ir froͮwen broͮder waſDer da ſolde ſtriten vf me graſ.do zv̂gen ſi iamerſ roͮder.An ir herzen wol ein foͮder.der herzenlihen riwe.Wan ſi pflach herzen triwe.Si ſprah vart hin verfloͮchet man.Jr ſit der triwe nie gwan.hin reit der kv̂nich gein den ſin.Artvſ ivncherrelin.Viengen div orſ diſen zwein.An den orſ ſvnder kanph ſchein.Gawan vndeparcifal.Vnde froͮ bene div lieht gemal.riten wider gein ir her.Parcifal mit manneſ wer.het den briſ behalten ſo.Si waren ſiner kv̂nfte frô.Die in da chomen ſahen.deſ briſeſ ſim alle iahen.Ich ſage iv mere obe ih chan.nv ſprah von diſem einem man.Jn beiden heren die wiſen.daz ſi begvnden briſen.Sine riterlihe tat.Der da den briſ genomen hat.Welt irſ iehen daz iſt parcifal.der waſ et ſo lieht gemal.Ez ne wart nie riter baz getan.deſ iahen wip vnde man.Do in gawan brahte.der deſ hinze im gedahte.Daz er in hieze chleiden.do troͮch man dar in beiden.Von tiwer choſte glih gewant.Vber al ditze mâre wart erkant.daz parcifal da wâre chomen.Von dem ſo diche waſ vernomen.Daz er hohen briſ beiagte.Vur war daz manger ſagte.gawan ſprah wil dv ſchoͮwen.dinſ chv̂nnſ vier froͮwen.Vnde ander froͮwen wol gevar.So gen ih gerne mit dir dar.Do ſprah Gahmv̂reteſ chint.Op hie werde froͮwen ſint.den ſoltv mih vnmâren niht.Etſlich froͮwe mih vngerne ſihtDiv bidem blimzol gehort.hat von mir falſchlichiv wort.Got mvͦze ir wiplih ere ſehen.*Ich wil minr froͮwēnſ*ſældēn iehēn.Jch ſcham mih noh ſere.Vngerne ih gein in chere.Ez moͮz doh ſin ſprah gawan.er foͮrte parcifaln dan.Da in chv̂ſten vier chv̂ngin.die herzôgin ez lerte pin.Daz ſi den chv̂ſſen ſolde.der doh ir groͮzeſ niene wolde.Do ſir lant vnde ir minne im bot.deſ wart ſi hie vor ſchame rot.Do er vor logroẏſ geſtreit.Vnde ſi ſo verre nah im reit.Parcifal der clare.Wart deſ ane vare.Vber parlieret.Ez wart kondewiert.elliv ſcham vz ſinem herzen do.Ane blvcheit wart er fro.Gawan mit rehten ſchv̂lden.gebot bi ſinen hvlden.froͮn benen daz ir mvnt.Jtonien daz niht tâte chvnt.daz mih der kvnc Gramoflanz.ſv̂ſ hazzet vmbe ſinen kranz.Vnde daz wir morgen ein ander ſtrit.ſv̂len geben ze rehter kanph zit.Miner ſoltv deſ niht ſagen.Vnde ſolt din weinen gar verdagen.Si ſprah ich mach wol weinen.vnde mine chlage erſcheinen.Wan ſweder iver da geliget.Nah dem min froͮwe iamerſ phliget.div iſt zebeder ſite erſlagen.Jh moͮz mih vnde mine froͮwen klagēn.Waz hilfet daz ir ir broͮder ſit.Mit ir herzen welt ir vehten ſtrit.daz her waſ gezoget in.Gawan vndede*den geſellen ſin.Waſ ir ezzen al bereit.Mit der herzogin gemeit.parcifal ſolde ezzen.Andem wart niht vergezzen.Gawan der enbefvlhe in ir.Si ſprah welt ir befelhen mir.Den der froͮwen ſpoten chan.Wie ſol ih pflegen diſeſ man.Doh diene ih im dvrh iwer gebot.Jh enroͮche ob er daz nimt vur ſpot.Do ſprah Gahmvreteſ ſvn.Froͮwe ir welt gwalt nv toͮn.ſo wiſe erchenne ih minen lip.der midet ſpoten elliv wip.Ob ez da waſ man gap gnoͮch.Mit grozen zv̂hten manz vur ſi troͮch.Maget wip man. mit froͮde az.Jtonîe deſ niht vergaz.ſine warte an benen oͮgen.Daz div weinden toͮgen.Do wart oͮch ſi nah iamer var.ir ſoͮzer mvnt meit ezzen gar.Si dahte waz toͮt bene hie.Nv het ih doh geſendet ſie.zoͮ dem der dort min herze treit.Daz mih doh hie vnſanfte reit.Waz iſt an mir gerochen.hat der kv̂nich verſprochen.Min dienſt vnde mine minne.Sine getriwe manlihe ſinne.Mv̂gen hie niht me erwerben.Wan daz moͮz erſterben.Min armer lip den ih hie trage.Nah im mit herzenliher chlage.Do man deſ ezzenſ verphlach.do waſ iz oͮch v̂ber den mittēn tach.Artvſ vnde daz wip ſin.Froͮ kinover div chv̂ngin.Mit ritern vnde mit froͮwen ſchar.riten da der wolgevar.ſaz bi werder froͮwen diet.Parcifal enphahen do geriet.Mange clare froͮwen.Moͮſer ſih chv̂ſſen ſchoͮwen.Artuſ bot im ere.Vnde danchet im deſ vil ſereDaz er den briſ vur alle man.Von rehten ſchvlden ſolde han.Vnde daz ſin hohiv werdecheit.Waſ ſo lanch vnde ſo breit.Der waleiſ ze Artuſe ſprah.herre do ich ivh ivngiſt ſahDo wart vf ere mir gerant.Von priſe ich gab ſo hohiv phant.Daz ich waſ nah von briſe chomen.Nv han ich herre an iv vernomen.Obe ir mirz ſaget ane var.Daz priſ ein teil an mir hat war.Die da ſazen die iahen ſiner hant.ſi het den briſ v̂ber mangiv lant.Mit ſo hohem briſe erworben.Daz ſi briſeſ wâre vnverdorben.der herzoginne riter gar.Chomen da der wol gevar.Parcifal bi Artuſe ſaz.Der werde kv̂nc do niht vergaz.Er enphiench in indeſ wirteſ huſ.Der ſtolze kv̂nc Artuſ.Swie wit wâre gawanſ gezelt.Er ſaz der vur vf dez velt.Si ſazen nider anden rinch.Sih ſamenten vnchvndiv dinch.Wer dirre vnde iener wâre.Daz wrden witiv wâre.ſolde der kriſten vnde der ſarrazin.Chvntlihe da genennet ſin.Eer waſ clinſoreſ her.wer waren die ſo wol zewer.Von logroẏſ ſo ditche riten.Daz ſi dvrh Orgelv̂ſe ſtriten.Wer waren die brahte Artuſ.Der ir aller namen vnde ir huſ.Chvntliche ſolde nennen.Moͮlich ſi waren zerchennen.Die ſprachen al gemeine.Daz parcifal der reine.Vor vz troͮge ſo claren lip.den gerne minnēn môhte ein wip.Vnde ſwaz zehohem briſe zv̂ge.daz indeſ werdecheit niht trv̂ge.Vf ſtoͮnt do Gahmvretſ kint.Er ſprah alle die hie ſint.ſitzet ſtille vnde helfet mir.Deſ ih harte vnſanfte enbir.Mih ſchiet von tavelrvnder.Ein verholn herze wnder.Die mir drv̂ber gabēn geſelleſchaft.helfet mir geſellchliher chraft.Noh drv̂ber deſ er gerte.Artuſ in ſchone werte.Einer andern bet er do bat.Mit wenc lv̂ten er ſvnder trat.Daz gawan gâbe im den ſtrit.Den er ze rehter kamph zit.Deſ morgenſ ſolde ſtriten.Jh wil ſin gerne da biten.Der da heizet Gramoflanz.von ſinēm boͮme ih einēn chranz.brah oͮch hivte morgen froͮ.daz er mir ſtriteſ vorhten toͮ.Jch chom dvrh ſtrit inſin lant.Niwan dvrh ſtrit von ſiner hant.Jh mohte din wench truwēn hie.Mir engeſchah ſo rehte leide nie.Ih wand ez der kvnc wâre.Der mih ſtriteſ niht verbâre.Neve noh wil ih in beſten.Sol imer ſin *vnbriſ ergen.Min hant im ſchaden foͮget.Deſ in vur war genoͮget.Mir iſt min reht hie wider gigebēn.Jch mach geſelliclihen leben.Lieber nefe nv gein dir.gedenche erkander ſippe an mir.Vnde la den kanph weſen min.Jh toͮn im manlih ellen ſchin.Do ſprah min her gawan.Mage vnde broͮder ich hie han.Mit dem kv̂nige von britanie vil.Iwer neheinēn ich geſtaten wil.Daz er da vur mih vehte.Jch getrweſ minne rehte.Sol eſ gelvcke walden.Jh mv̂ge de*den briſ behalden.Got lon dir daz dv bivteſ ſtrit.Vur mih eſ eniſt aber noh niht zit.Artus die bete horte.daz geſprâche er gar zeſtorte.Mit in er wider inden rinch ſaz.gawanſ ſchenche niht vergaz.Dar troͮgen ivncherrelin.Mangen tivren choph gvldin.Mit edelm geſteine.der ſchenche gie niht eine.Do daz ſchenchen geſchach.daz volch vuͦr gar an ſin gemah.Nv begvnde oͮch nahen div naht.parcifal ſo bedaht.Daz er ſin harnaſch beſah.Op dem deheinſ riemen gebrah.Daz hiez er wol bereiten.Vnde wnniclichen feiten.Vnde einen niwen ſchilt gewinnen.Wan der ſin waſ vzzen vnde innen.zer hvͦrtiert vnde zerſlagen.Man moͮſe im einen niwen tragen.Daz taten ſariande.die wench er bechande.Etſliher waſ ein franzoiſ.Sin orſ daz der templeiſ.gein im zer tẏoſte brahte.Ein knappe deſ gedahte.ez ne wart nie baz erſtrichen ſit.Nv waſ ez naht vnde ſlaffeſ zit.Parcifal do ſlaffeſ phlach.Sin harnaſch gar vor im do lach.Doh roͮ den kvnc Gramoflanz.daz ein ander man vur ſinēn kranz.Deſ tageſ hete gevohten.Done getorſten noh ne mohten.die ſine daz niht ſcheiden.Er begvndez ſere leiden.Daz er ſih v̉erſvmet hete.Waz der helt do tâte.Wan er briſ beiagte.Jnnen deſ do iz tagte.Wan ſin orſ gewapent vnde ſin lip.Ob gaben rih loſen wip.Siner zimierde ſtivre.ſi waſ ſvſ alſ tivre.Er zierte den lip dvrh die maget.Der waſ der dienſt vnverzaget.Er reit eine vf die warte.Den daz moͮte harte.Daz der werde gawan.Niht ſchiere chom vf den plan.Nv het oͮh ſih gar verholen.parcifal her vz geſtolen.Vz einer banier er nam.Ein ſtarchez ſper von Angram.Er het oͮh al ſin harnaſch an.Der helt reit al eine dan.gein den ronne ſpiegelin.Al da der kanph ſolde ſin.Er ſah den kv̂nic halden dort.Ê ir dewederre ie wort.Zedem andern geſprâcheman giht daz iewederre ſtâche.Dem andern dvrh deſ ſchildeſ rant.Daz die ſpriezzen von der hant.Vf dvrh den lvft ſih wnden.Mit der tẏoſt ſi bede chvnden.Vnde ſvſ mit anderm ſtrite.Vf deſ Angerſ wite.Wart daz toͮ zerfoͮret.Vnde die helme geroͮret.Mit ſchaphenſcharphen eken die wol ſniten.Vnverzagetlich ſi bede ſtriten.Da wart der Anger getret.An maniger ſtat daz toͮ gewêtDeſ riwent mih die bloͮmen rot.Vnde me die helde die da not.Dolten ane zageheit.Wem wâre daz liep olde leit.Dem ſi niht heten getan.Do bereite ſih her gawan.Gein ſineſ kampheſ ſorgen.ez waſ wol mitter morgen.Ê man frieſche daz mâre.Daz da vermiſſet wâre.Parcifal deſ choͮnen.Ob erz welle ſoͮnen.Dem gebart er vngliche.Er ſtreit ſo manlihe.Mit dem der oͮh ſtriteſ phlac.Nv waſ oͮh hohe vf der tac.Gawane ein biſchof meſſe ſanch.von ſtvrie wart do groz gedran.gedranc.riter vnde froͮwen.Man mohte ze ôrſe ſchoͮwen.An artuſ ringe.Ê daz man da geſinge.Der kv̂nc Artus ſelbe ſtoͮnt.Da die pfaffen daz ambt toͮnt.Do der benditz wart getan.do wapent ſih her gawan.Man ſah dar tragen dem ſtolzen.ſine ẏſerine kolzen.An wol geſchichten beinen.Do begvnden froͮwen weinen.Daz her zogte vz v̂ber al.Do ſi mit ſwerten horten ſchal.Vnde fivr vz helme ſpringen.Vnde ſlege mit kreften dringen.Der kv̂nich Gramoflanz pflac ſite.Jm verſmahte ſere daz er ſtrite.Mit einēm man do dvhte in nv.Daz hie ſehſe griffen ſtriteſ zoͮ.Ez waſ doh parcifal al ein.Der gein im werlihen ſchein.Er het in vnder wiſet.Einer zvht die man briſet.Er genam ſit nimmir mere.Mit an ſih die ere.Daz er zwein mannen hiet ſtrit.Wan einer imſ ze vil git.Daz her waſ chomen zeber ſit.vfVf den groͮnen Anger wit.Jetweder halp an ſiniv zil.Sit proͮveten daz nit ſpil.Den choͮnen wiganden.div orſ waren geſtanden.Do ſtriten ſv̂ſ die werden.zefvͦz vf der erden.Einen herten ſtrit ſcharf erkant.div ſwert hô vz der hant.Wrfen ditche die rechen.ſi wandelten die eken.Sv̂ſ enphie der kvnc Gramoflanz.ſv̂ren zinſ vur ſinen chranz.Siner frivndinne chv̂nne.Leit oͮch bi im ſwache wnne.Svſ engalt der werdeparcifal.Jtonien der lieht gemal.Der er geniezen ſolde.Obe reht ze rehte wolde.Nah priſe die wol gevarn.Mit ſtrite moͮſen arnen.Einer ſtreit fv̂r frivndeſ not.Dem andern minne daz gebot.Daz er waſ minne vndertan.do chom oͮch min her gawan.Do ez vil nah ſv̂ſ waſ chomen.daz den ſik hete genomen.Der ſtolze choͮne Waleiſ.brandelidelin von pontvrteis.VndeGernovt von rivirs.vndeaffinamvs de cletirs.Mit blozen hoͮbten diſe dri.Dem ſtrite riten nahen bi.Artus vndegawan.riten ander halp vf den plan.zoͮ den kanph moͮden zwein.Die wrden deſ en ein.ſi wolden ſcheiden den ſtrit.Scheidenſ dvhte rehtiv zit.Gramoflanz der ſo ſprah.daz er dem ſigeſ iach.Dem man gein im hete geſehen.Deſ moͮſe mere lv̂te iehen.do ſprah deſ kv̂nc loteſ ſvn.her chv̂nc ih wil iv hivte toͮn.Alſ ir mir geſter tatet.do ir mih roͮwen batet.Nv roͮwet hint deſ wirt iv not.ſwer iv diſen ſtrit gebot.De*Der hat iv *ſwache kraft erkant.gein miner werlihen hant.Ih beſtoͮnde ivch nv wol ein.Nv veht aber ir niwan mit zwein.Jch wilz morgen wagen eine.got ez ze rehte erſcheine.Der kv̂nich reit gein den ſinen.Er tet oͮch fianze ſchin.Daz erſ morgenſ gein gawan.dvrh ſtriten chôme vf den plan.Artvs ze parzivale ſprah.Neve ſit dir ſvs geſchah.Daz dv deſ kampheſ bâte.Vnde manlihe tâte.Vndegawan dirz verſagte.Daz din mvnt do ſere chlagte.Vnde haſtv den kamph idoh geſtriten.Mit im der ſin da het erbitenEz wâre vnſ leit ode liep.Do erſliche dvn alſ einēn diep.Wir heten anderſ dine hant.Diſſeſ kampheſ wol erwant.Nvne darf gawan daz zv̂rne niht.ſwaz man dir briſ drvmbe giht.gawan ſprah mirn iſt niht leit.Mineſ nefen hohiv werdecheit.Mir iſt dannoh morgen al zefroͮ.ſol ih kampheſ grifen zoͮ.Wolde mihſ der kv̂nc erlazen.deſ iâhe ih im ze mazen.Daz her reit in mit manig̉er ſchar.Man ſah da froͮwen wolgevar.Vnde manigen gezimierten man.daz nie dehein her me gwan.ſôlher zimierde wnder.Die von der tavelrvnder.Vnde div meſſen der herzôgin.Jr wapen rôche gaben ſchin.Von phelle vnde von zididvnt.Vnde braht von pelimvnt.lieht waren ir chovertv̂re.Parcifal der gehivre.Wart in beden hern gebriſet ſo.ſine vrivnt eſ mohten weſen fro.ſi iahen in gramoflanzeſ her.Daz zvͦ deheiner zit ſo wol zewer.Nie chôme riter dehein.Den div ſvnne ie v̂ber ſchein.ſwie iz zebeden tagen da ware getān.den ſbriſ moͮſer aleine han.Dannoh ſi ſin erchanden niht.dem ieſlih mvnt deſ briſ giht.gramoflanz ſi rieten.Er môht wol enbieten.Artuſ daz er nâme warDaz dehein man vz ſiner ſchar.gein im chôme dvrh vehten.Daz er im ſande den rehten.Gawan deſ kv̂nc lotſ ſun.gein dem wolde er den kamph toͮn.Die boten wrden dan geſant.zwei wiſiv chint hofſch erkant.Der kv̂nch ſprah nv ſvlt ir oͮch ſehen.Welher ir da briſ welt iehen.Vnder al den claren froͮwen.Ir ſv̂lt oͮch ſvnder ſchoͮwen.bi welher bene ſitze.Nemt daz in iwer witze.Jn welher gebâre ſi ſi.Wone ir froͮde oder trvren bi.Daz ſv̂lt ir broͮven toͮgen.Jr ſeht wol an ir oͮgen.Op ſi nah frivnde chvmber hat.Nv ſeht daz ir deſ iht lat.benen miner frivndin.gebet diſen brief vnde ditze vingerlin.Div weiz wol wem iz vurbaz ſol.Werbet gefoͮge ſo toͮt ir wol.Nv waſ iz anderhalp ſo chomen.Jtonie het al da vernomen.Daz ir broͮder vnde der liebſte man.den maget in herze ie gwan.Mit ein ander fehten ſolden.vndeVnde deſ niht lazen wolden.do braſt ir iamer dvrh die ſchem.ſwen ir chv̂mberſ nv gezem.Der toͮt iz ane minen rat.ſit ſiz vngedient hat.beidiv ir moͮter vnde ir ane.foͮrten die maget ſvnder dan.Jn ein wench gezelt ſidin.Arnive weiz ir diſen pin.Si ſtrafet ſi vmbe ir miſſetat.deſ ne waſ et do dehein rat.Si veriach al da vnverholn.Daz ſi in lange het verſtoln.do ſprah div maget wert erkant.Sol mir nv minſ broͮder hant.Mineſ herzen verch verſniden.daz môhte er gerne miden.Arnive ſprah zeinēm ivncherrelin.Sage dem lieben ſvne min.Daz er mih balde ſpreche.Vnde daz aleine zeche.Der knappe ze Artuſe gahte.Arnive deſ gedahte.Si wolde in lazen hôren.Ob er mohte zeſtôren.Daz der claren Jtonie.Tet ſo herzenlihe we.deſ kv̂nch Gramoflanzeſ kint.Nah Artuſe chomen ſint.die erbeizten vf dem velde.Vor dem chleinen gezelde.Einer benen ſitzen ſah.bi der div ze Artuſe ſprah.giht deſ div herzogin vur briſ.Ob min broͮder min Amis.ſleht dvrh ir loſen rat.deſ moht ir gehen vur miſſetat.Jr ſv̂lt in min gniezen lan.Waz hat der kvnc im getan.Treit min broͮder ſinne.Er weiz vnſer zweier minne.ſo lvter ane falſcheit.phliget er triwe iz wirt im leit.ſol mir ſin hant erwerben.Nah dem kv̂nge ein ſv̂rez ſterben.herre daz ſi iv gechlaget.Sprah ze Artuſe div ſoͮze maget.Nv denchet obe ir min ôheim ſit.dvrh triwe ſcheidet diſen ſtrit.Artus vz wiſem mvnde.ſprah ander ſelben ſtvnde.Owe liebiv niftel min.Daz din ivgent vz hoher minne ſchin.Toͮt daz mvͦz dir werden ſv̂r.Alſo tet din ſweſter ſvrdamvr.dvrh den chriechen lanprivre.ſoͮziv maget gehivre.Den champh môhte ih wol ſcheiden.Weſſe ih daz an iv beiden.Op ſin herze vnde din geſament ſint.gramoflanzgẏrotſ chint.Vert mit ſo manlichen ſiten.Daz der kamph wirt geſtriten.Ez en vnder ſte div minne din.geſah er dinen liehten ſchin.bi froͮde ie ze deheiner ſtvnt.Vnde dinēn roten ſvͦzen mvnt.ſi ſprah deſ eniſt niht geſchehen.Wir minnen ein ander vngeſehen.Er hat aber mir dvrh liebe kraft.Vnde dvrh rehte geſelleſchaft.ſinſ chleinôdeſ vil geſant.Er enphiench oͮch von miner hant.Daz ze warem liebe horte.Vnde vnſ den zwivel ſtorte.Der kv̂nich iſt ane mir ſtâte.Ane valſcheſ herzen râte.Do erkande wol froͮ bene.diſe knappen bede.Deſ kv̂nich Gramoflanzeſ kint.Die nah Artus chomen ſint.Si ſprah hie ſol niemen ſtan.Welt ir heizen fv̂rder gan.Daz volch vz den ſnvͦren.Wil min froͮwe roͮren.ſc*ſcholc vngnade vmbe ir trvt.Daz mâre chvmt ſchiere vber lvt.froͮ bene her vz wart geſant.Der kinde einz in ir hant.ſtiez den brief vnde daz vingerlin.Si heten oͮch den hohen pin.anVon ir froͮwen wol vernomen.Vnde iahen deſ ſi wâren chomen.Vnde wolden Artuſen ſprechen.Op ſi daz roͮhte zechen.Si ſprah ſtet verre dort hin dan.Vnze ich ivch genſ zoͮ mir mane.Froͮn benen der ſoͮzen maget.Jndem gezelte wart geſaget.Gramoflanzeſ boten da.Wâren vnde fragten wa.Artuſ der kv̂nic wâre.Daz dvhte mih vngebâre.Ob ih iv zeigte an ditze geſprâche.ſeht dane waz ich râche.An miner froͮwen ob ſi ſîe.Sehent alſvs weinen hie.Artvs ſprah ſint iz die knaben.die ih anden rinch ſah nah mir drabenDaz ſint von hoher art zwei kint.Waz op ſi ſo gefoͮge ſint.gar bewart vor miſſetat.Daz ſi wol gent andiſen rat.Ein weder phliget der ſinne.Daz er ſinſ herren minne.An miner nifteln wol ſiht.Bene ſprah deſ neweiz ih niht.herre mage iz mit hvlden ſin.Der kv̂nc hat ditze vingerlin.Da her geſant vnde diſen brief.Do ih nv vur daz pavelun lief.Der kinde einz gab in mir.Froͮwe nemt ſeht den nemt ir.Do wart der brief vil gechvſt.ſi drvchte in an ir bruſt.Do ſprah ſi nv ſeht hie an.Obe mih der kvnc minne mane.Artuſ den brief nam indie hant.Dar an er geſcriben vant.Von dem der minnen kv̂nde.Waz vz ſin ſelbeſ mvnde.Gramoflanz der ſtâte ſprah.Artuſ andem brieve ſach.Daz er mit ſinem ſinne.Endehafter minne.bi ſiner zite nie vernam.Da ſtoͮnt daz minnen wol gezam.Ich groͮzze die ih groͮzen ſol.da ih mit dienſte groͮzen hol.Froͮwe min ih meine dih.ſit dv mit troſte troſteſt mich.Vnſer minne gebent geſelleſchaft.Daz iſt wrzel miner froͮden kraft.Din troſt vur alle troſte wiget.Sit din herze gein mir triwēn phliget.Dv biſt ſloz obe miner triwe.Vnde ein fluſt mineſ herzen riwe.Din minne git mir helfe rat.Daz deheiner ſlâhte vntat.An mir nīmmir wirt geſehen.Ih mach wol diner goͮte iehen.ſtâte ane wenchen ſvſ.Alſ der Artanticvs.gein der tremvntane ſtat.Der deweder von der ſtate gat.Vnſer minne ſol in triwen ſtan.Vnde niht von ein ander gan.Nv gedenche ane mih werdiv maget.Waz ih dir kvmberſ habe gechlaget.Wiſ diner helfe ane mir niht laz.Obe dih iemen dvrh minen haz.Von mir welle ſcheiden.Nv gedenche daz vnſ beiden.div minne mach wol gelonen.Dv ſolt froͮn Eren ſchonen.Vnde la mih ſin dinen dienſt man.Ih wil dir dienen ſwaz ich chan.Artvs ſprah niftel dv haſt war.Der kv̂nc dih groͮzt ane var.Dirre brief toͮt mere chvnt.daz ich ſo werdeclihen vunt.gein minne nie gemezzen ſah.dv ſolt im ſin vngemah.Wenden alſ ſol er dir.Lat ir daz beidiv herze mir.Jch wil den kamph vndervarn.die wile ſoltv weinen ſparn.Nv wâre dv doh gevangen.ſage mir wie iſt daz ergangen.Daz ir ein ander wrdet holt.dv ſolt im diner minne ſolt.Teilen da wil er dienen nah.Jtonîe ze Artuſe ſprah.Si iſt hie div iz ze ſamne troͮch.Vnſer deweriv eſ nie me gewͦch.Welt ir ſi voͮget wol daz ih in ſihe.Dem ih mineſ herzen gihe.Artus ſprah die zeige mir.Mach ich ſo voͮge ih im vnde dirDaz iwer wille dran geſtet.Vnde iwer beder froͮde erget.Jtonîe ſprah iz iſt bene.Ovch ſint ſinr knappēn zwene.Al hie mv̂get ir verſoͮchen.Welt ir minſ lebenſ roͮchen.Op mih der kv̂nc welle ſehen.Dem ih moͮz miner froͮde iehen.Artvs der wiſe hofſche man.giench vz zoͮ den chinden ſan.Er groͮzt ſi do er ſi ſah.Der kinde einz zim do ſprah.herre der kv̂nc Gramoflanz.Jvch bite daz er macht ganz.gelv̂bde div da ſi getan.zwiſchen im vndegawan.Dvrh iwer ſelbeſ ere.herre er bit ivch mere.Daz dehein ander man vur in ſtrite.Iwer her iſt ſo wite.ſold erſ vber vehten.Daz glichet niht dem rehten.Jr ſv̂lt gawanēn lazen chomen.gein dem der kamph ſi genomen.Der kvnch ſprah zeden chinden.Ih wil vnſ deſ enbinden.Minem nefen geſchah nie grozer leit.dane daz er ſelbe niht ſtreit.Der mit iwerm herren vaht.dem waſ deſ ſigeſ wol geſlaht.Er iſt Gahmvreteſ chint.Alle die in drin hern ſint.Chomen von allen ſiten.Die gefreſchengefrieſchen nie von ſtriten.deheinen helt ſo manlih.Sin tat dem briſe iſt gar gelih.Ez iſt min nefe parcifal.Jr ſv̂lt in ſehen den lieht gemal.Dvrh gawanſ triwen not.leiſte ih ſwaz mir der kvnc gebot.Artuſ vnde oͮch bene.Vnde diſe knappen zwene.riten her vnde dar.Er lie div kint nemen war.Lieht bliche an manger froͮwen.Ovch mohten ſi da ſchoͮwen.Vf dem helme manch geſnvͦrre.Wenich daz noh wrre.wrre: Federstrich über w; möglicher Korrekturversuch von wrre zu virre?Ein man der wâre riche.gebaret er geſellchlihe.Sine chomen niht von den pherden.Artus lie die werden.Vber al daz her div chint geſehen.Da ſi den wnſch mohten *ſpehen.riter maget vnde wip.Mangen flætigen lip.Deſ herſ waren driv ſtv̂cche.da enzwiſchen zwo luche.Artvs reit mit den chinden dan.Verre hin vz vf den plan.Er ſprah bene ſoͮziv maget.dv hôreſt wol *waz hat geklaget.Jtonîe miner ſweſter barn.Div wenich kan ir weinen ſparn.daz gloͮben mine geſellen.die hie habent op ſi wellen.Jtonien hat Gramoflanz.Erleſchet nah ir glantz.Nv helfet mir ir zwene.vnde oͮch dv vrivndin bene.daz der kv̂nc doh zoͮ mir rite.vndeVnded*den kamph doh morgēn ſtrite.Minen nefen gawan.bringe ih gein im vf den plan.riter aber der kv̂nc hivt inmīn her.Er iſt morgen deſte baz ze wer.hie git div minne im einēn ſchilt.Deſ ſinen kanph genoz bevilt.Jh meine gein minne hohen moͮt.Der bi den vienden ſchaden toͮt.Er ſol hôfſche lv̂te bringen.Ih wil hie teidingen.zwiſchen im vnde der herzogin.Nv werbet ez trvt geſelle min.Mit foͮge deſ habet ir ere.Jh ſolde iv chlagen mere.Waz han ih vnſælich man.dem kv̂nige Gramoflanz getan.Daz er gein minem kv̂nne phliget.daz in doh lihte vnhohe wiget.Minne vnde vnminne groz. EEin ieſlih kv̂nc min genoz.Môhte min gerne ſchonen.Wil er nv mit hazze lonēn.Jr broͮder div in minnet.ſwenne er ſih v̉erſinnet.Sin herze toͮt von minne wanch.Ob ez in lert den gedanch.Der kinde einz zedem kv̂nige ſprah.herre ſweſ ir vur vngemach.Jeht daz ſol min herze lan.Wil er rehte foͮge han.Jr wizzet wͦl vmbe den alten haz.Minēm herren ſtet beliben baz.danne daz er zoͮ iv rite.daz ſim hvlde hat verſaget.Vnde mangen man v̂ber in klaget.Er ſol mit wenc lv̂ten chomen.Sprah der kv̂nic die wile han ih genomen.Einen fride vur den ſelben zorn.Von der herzoginne wol geborn.Jch wil im goͮt geleite toͮn.Beakurſ miner ſweſter ſvn.ſende ih im ze halbem wege.Er ſol varn inminſ geleiteſ phlege.Deſ endarf er niht vur laſter iehen.Jh lazze in werde lv̂te ſehen.Mit vrloͮbe ſi ſchieden dan.Der kv̂nc beleip eine vf dem plan.Bene vnde div kindelin.ze roiſabinſ riten in.Vnde ander halp da daz her lach.done gelebte nie ſo lieben tach.Gramoflantz do in geſprah.benevn̄de die chint ſin herze iach.Jm waren ſôlhiv mâre braht.der ſi gein im het erdaht.Der ſprah er wolde gerne chom̄en.do wart geſelleſchaft genom̄en.Sinſ landeſ fv̂rſten dri.die riten dem kv̂nige bi.Alſo tet oͮch der oheim ſin.Der kv̂nc brandelidelin.Gernovt de riviͤrſ.VndeAffinamvs decletiͤrſ.Jetweder einēn geſellen nam.Der vf die reiſe wol gezam.zwelfe waren ir vber al.Ivncherren vil gar ane zal.Vnde manc ſtarch ſariant.Vf die reiſe wart geſant.Welch der riter chleider môhte ſin.phele der vil liehten ſchin.gab von deſ goldeſ ſwâre.Deſ kv̂nigeſ valchnâre.Mit im dan dvrh beizzen riten.Nv enhet Artuſ niht v̉ermiten.Beakv̂rſ den lieht gevar.ſander zehalbem wege al dar.Dem kv̂nige zeinēm geleite.Vber deſ gevildeſ breite.ez wâre tich ode bac.ſwa man den vaſan geſah.dar reit der kv̂nich dvrh beizen her.Vnde mere dvrh der minne ger.Beakvrſ in da enphiench.Alſo daz ez mit froͮden ergiench.Mit beakvrſ chomen ſint.me dane fvnfch clariv kint.Die von arde gaben liehten ſchin.herzogen vnde grâvelin.Da reit oͮch etſlich kv̂nigeſ ſvn.Man ſah da groz enphahen toͮn.Von den kinden zebeder ſit.Die enphiengen ein ander nit.Beakvrſ troͮg varwe lieht.der kv̂nich ſih frage ſvmte niht.Jm ſagte bene mâre.Wer der clare riter wâre.Ez iſt beakvrſlotſ kint.do daht er herze nv vint.ſi div dem gliche.Der hie ritet ſo minniclihe.ſi iſt benamen ſin ſweſter.div geworht in ſinceſter.Mit ir ſparwâre ſande ir hoͮt.Op ſi mir gnade toͮt.Op div erde wâre ſo breit.Alle irdeſchen richeit.ADa vur nâme ih ſi einen.Si ſolz mit triwen meinen.Vf ir gnade chvm ich hie.ſi hat mih doch getrôſtet ie.Ih getrwe ir wol daz ſi mir toͮt.da von ſih hôhet baz min moͮt.Er nam ir claren broͮder hant.Jn die ſine div doͮch waſ lieht erkant.Nv waſ iz oͮch indem her ſo chomen.Artvs hete da genomen.Einen fride von der herzogin.Der waſ ergetzenſ gewin.Chomen nah Cidegaſte.Den ſi ê chlagte vaſte.Jr zorn waſ nah verdecht.Wan ſi het erwechet.Von gawane manc vmbevanch.da von ir zv̂rnen waſ ſo chranch.Artus der britanoeiſ.Nam die froͮwen kvrteis.beide maget vnde wip.die troͮgen flâtigen lip.Er het der werden hvndert.Vnder ein gezelt geſvndert.Niht lieber mohte ir ſin geſchehen.daz ſi den kv̂nic ſolde ſehen.Jtonîe div oͮch da ſaz.Vnde ſtâter froͮde niht vergaz.Do choſ man an ir oͮgen ſchin.daz ſi div minne lerte pin.Da ſaz manch riter lieht gemal.do troͮch der werdeparcifal.den briſ vor an der clarheit.Gramoflanz an die ſnoͮre reit.Do forhte der degen vnerforht.Jntſchoffanze geworht.Einen phelle von golde veſten.Der begvnde verre gleſten.Si erbeizten die da chomen ſint.deſ kv̂nic Gramoflanzeſ kint.Manigiv vor im ſprvngen.Jn daz pavelun ſi drvngen.die kamerâre zeber ſit.rvnden einēn ſtrazze wit.gein britaniſcher chv̂nigin.ſin ôheim brandelidelin.hiez ver vor im gen dar in.Den kv̂ſte Ginover div kv̂nigin.der kv̂nich wart oͮch enphangēn ſvs.beakv̂rſ vndeaffinamꝰus.Die chv̂nigin man chv̂ſſen ſah.Artus ze Gramoflanze ſprah.Ȩ ir ſitzen beginnet.ſehet obe ir deheine minnet.Dirre froͮwen vnde chv̂ſſet die.Iv beiden ſiz erloͮbet hieJm ſagte wer ſin vrivndinne waſ.Einen brief den er ze velde laſ.Ih meine daz er ir broͮder ſah.Dem ſi vor alder werlde iach.Ir werden minne toͮgen.Gramoflanzeſ oͮgen.Erchanden ſi div im minne troͮch.Deſ waſ ſin froͮde hoh gnoͮch.ſit Artus erloͮbte daz.Daz ſi beidiv ein ander ane haz.Mit groͮzze enphahēn taten kvnt.Er kvſte Itônîen anden mvnt.Da ſaz der kv̂nc brandelidelin.zoͮ Ginovern der kv̂nigin.Oͮch ſaz der kv̂nc Gramoflanz.zoͮ der div ir liehten glanz.Mit weinen hete begozzen.Daz hete ſi ſin genozzen.Er ne welle vnſchvlde rechen.ſvſ moͮſer hinzir ſprechen.Sin dienſt nah minne bieten.ſi chvnde oͮch ſih deſ nieten.daz ſe im danchte vmbe ſin chomen.Jr rede von niemen wart vernomen.ſi ſahen ein ander gerne.Swenne ih nv reden gelerne.ſo proͮve ih ſwaz ſi ſprachen da.Einweder nein oder ia.Artvs ze brandelidelin.ſprah ir habet dem wibe min.Jwer mâre gnvͦch geſaget.Er foͮrte den helt vnverzagetJn ein minner gezelt.Chvrzen wech v*vber velt.Gramoflanz ſaz ſtille.Daz waſ Artuſ wille.Vnde ander die geſellen ſin.da gaben froͮwen liehten ſchin.Daz die riter wenc bi im verdroz.Jr chvrzewile waſ ſo groz.ſi mohte ein man gerne dolen.Der nah froͮde ſorge wolde erholen.Fv̂r die kv̂ngin man troͮch.daz trinchen trvnchen ſi gnvͦch.Die riter vnde die froͮwen gar.ſi wrden deſte baz gevar.Man troͮch oͮch trinchen hin in.Artvs vndebrandilidelin.Der ſchenche her wider dan.Artus ſin rede alſvs hoͮp an.her kvnc nv lat ſiz alſo toͮn.Daz der kv̂nc iwer ſweſter ſvn.Miner ſweſter ſvn mir het erſlagen.Vnde wolde er dane minne tragen.gein ſiner ſweſter der maget.Div im ir chv̂mber oͮh dort chlaget.da wir ſi liezen ſitzen.foͮre ſi dane mit witzen.Sine wrde im drvmbe nīmmir holt.vnde teilte im ſôlhen hazzeſ ſolt.deiſ den kv̂nc moht erdriezzen.Wolde er ir iht geniezzen.ſwa haz die minne vnder vert.Dem ſtæten herzen ez froͮde wert.Do ſprah der kvnc vz ponturteiſ.ze Artuſ dem britanoeiſ.herre ſi ſint vnſer ſweſter kint.die gein ein ander in hazze ſint.Wir ſv̂len den kamph vnder ſten.dane mach niht anderſ an ergen.Wan daz ſe ein ander minnen.Mit herzen vnde mit ſinnen.Iwer niftel Itonîe.ſol minēm nefen gebieten ê.daz er den kamph dvrh ſi verber.ſi daz er ir minne gêr.So wirt vur war der kamph v̉ermiten.gar mit ſtritchlihen ſiten.Vnde helfet oͮh dem nefen min.hvlde dazer herzogin.Artvs ſprah daz wil ich toͮn.gawan miner ſweſter ſvn.Jſt ſo gwaltech ir.daz ſi im vnde mir.Dvrh ir zv̂ht die ſchvlde git.So ſcheidet ir diſe halp den ſtrit.Jh toͮn ſprah brandelidelin.ſi giengen bede wider in.Do ſaz der kv̂nc von pontvrteiſ.zoͮ Ginovern div waſ oͮch kvrtoeiſ.Ander halb ſaz parcifal.der waſ oͮch ſo lieht gemal.Ez ne wart nie riter baz getan.Artvs der kv̂nc hoͮp ſih dan.gein ſinem neven gawan.Dem waſ ze wizzen getan.Der kvnc Gramoflanz wâre chom̄en.do wart oͮch ſchiere von im v̉ernomen.Artus erbeizt vor dem gezelt.gein dem ſpranch er vf dez velt.ſi troͮgen daz ze ſamne da.Daz div herzogin ſprah ſoͮne ia.Vnde abe anderſ niht deheine wiſ.wan op gawan ir amis.Den kamph wolde dvrh ſi verbern.ſi wolde ſi der ſoͮne wern.So wrde div ſoͮne von ir getan.Vnde op der kv̂nic wolde lan.die ziht vf ir ſweher Lot.bi Artuſ ſi daz hin enbot.Artvs der wiſe hofſche man.diſiv mâre brahte dan.do moͮſe der kvnc Gramoflanz.Verchieſen vmbe ſinēnchra*chranz.Vnde ſwaz er hazzeſ phlâge.gein lot von Norwæge.Daz zergie alſ inder ſvnnen ſne.dvrh die claren Itonîe.luterlih an allen haz.Daz geſchah die wile er bi ir ſaz.Alle ir bete. er volge iach.Gawan man do chomēn ſah.Mit clarlichen lv̂ten.Ihne mag iv niht gar bedv̂ten.Vmbe ir namen. vnde wannen ſi ſin geborn.Da wart dvrh lieb leit v̉erkorn.Orgillvſie div phiere.Vnde ir ſoldeniere.Vnde oͮch div clinſorſ ſchare.Jr ein teil ſine warnſ niht gar.Die waren mit gawane chomen.Artuſ gezelt waſ genomen.Div winde von dem hoͮte.Arnive div goͮte.ſeive vndekvndrie.Die heten Artuſ gebeten ê.Andirre ſoͮne teidinch.ſwer proͮve daz vur chleiniv dinch.Der grôze ſwaz er welle.Jofreitgawanſ geſelle.Foͮrte die herzôginne lieht erkant.Vnderz pavelvn an ſiner hant.Div phlach dvrh zv̂ht der ſinne.Die dri kv̂nginne.lie ſi vor ir gen dar in.die chv̂ſte brandelidelin.Orgillvſie in oͮch mit chv̂ſſe enphienc.Gramoflanz dvrh ſoͮne giench.Vnde vf gnade gein ir dar.Jr ditcher mvnt rot gevar.Den kv̂nic dvrh ſoͮne kvſte.deſ ſi doh wenc lv̂ſte.ſi dahte an Citegaſteſ tot.da twanch ſi wiplichiv not.Dannoh in ir riwe.Welt ir deſ iht iehen fv̂r triwe.Gawan vndeGramoflanz.Mit chv̂ſſe er ſoͮne macheten ganz.Artvs gab Itonîe.Gramoflanz ze rehter ê.Da het er vil gedient nah.bene waſ fro do daz geſchah.Den oͮch ir minne lerte pin.den herzogen von gowerzin.liſhoiſe wart kvndrie gigeben.Ane froͮde ſtoͮnt ſin leben.Vnzer ir werden minne enphant.Der turkoiteflorant.Artuſſagiven ze wibe bot.die het da vor der kv̂nc Lot.Der fv̂rſte oͮch ſi vil gerne nam.div gabe minne wol gezam.Artus waſ froͮwen milte.ſôlher gabe in *niht bevilte.deſ waſ mit rate vor erdaht.Do diſiv rede wart vol braht.do ſprah div herzoginne.daz gawan het ir minne.Mit priſe gedient ſo hoh erkant.daz er ir libeſ vnde vber ir lant.Von rehte herre wâre.div rede dvhte ſwâre.Jr ſoldier die manch ſper.brachen dvrh ir minne ger.gawan vnde die geſellen ſin.Arnive div kv̂nigin.Vnde der werdeparcifal.Vnde div herzoginne lieht gemal.Sagive vndekvndriȩ.namen vrloͮp Itonîe.beleip bi Artuſ da.Nvne darf mih niemen fragen wa.Schôner hohzit ergiench.ginover in ir phlege enphiench.Jtonien vnde ir amis.Den werden kv̂nich der manigēn briſ.An riterſchefte eranch.Deſ in Jtonien minne twanch.zeherbergen do maniger reit.den hohiv minne lerte leit.Deſ abendeſ vmbe ir ezzen.Mv̂gen wir mâre wol vergezzen.ſwer da werder minne pflach.der wnſchet et naht vur den tach.Der kv̂nc Gramoflanz enbot.deſ twanch in hohferte not.ze roiſabinſ den ſinen.Si ſolden ſih deſ pinen.daz ſe abe brâchen bi dem mere.Vnde vor tageſ chomen mit ſinēm her.Vnde daz ſin marſchalc nâme.ſtat div her wol zâme.Mir ſelbem proͮvet hohiv dinch.Jeſlichem fv̂rſten ſvnder rinch.deſ wart dvrh hohvart erdaht.Die boten foͮren do waſ naht.Man ſah da mangen trvrigen lip.Den daz gelert heten wip.Wan ſwem ſin dienſt verſwindet.Daz er niht loneſ vindet.dem moͮz gein ſorgen weſen gah.dane reiche wibes helfe nah.Nv dahte aber parcifal.an ſin wip die lieht gemal.Vnde an ir kvſche ſoͮzze.Ob er deheine ander groͮzze.Daz er dienſt nah minne biete.Vnde ſih vnſtâte niete.ſolh minne wirt von im geſpart.groz triwe het in ſo bewart.ſin manlih herze vn̄de ſinen lip.Vur war ezne wart ander wip.gwaltc ſiner minne.Niwan div kv̂niginne.Condwir Amvrs.Div gefloierte beaflvrſ.do dahter ſit ich minnen kan.Wie dah div minne an mir getan.Nv bin ih doh vz minne erkorn.Wie han ih minne *ſvſ verlorn.Moͮz ih nah dem grale ringen.doh ſol mih imer twingen.Jr minncliher vmbe vanc.Von der ich ſchiet eſ iſt zelanch.ſol ich mit den oͮgen froͮde ſehen.vnde moͮz mirz herze iamerſ iehen.Div werc ſtent vngeliche.hoheſ moͮteſ riche.Wirt niemen ſôlher phlihte.gelv̂ke mich berihte.Waz mirz wâgeſt drvmbe ſi.Jm lach ſin harnaſch nahen pibi.Do dahter ſit ih mangel han.daz den ſældehaften vndertan.Jſt ich meine minne.div mangeſ trvrgen ſinne.Mit froͮde helfe geilt.ſit ich der bin verteilt.Ih enroͮche niht waz mir geſchiht.got wil miner froͮden niht.div mih twinget minne gir.ſtoͮnde vnſer minne min vnde ir.Daz ſcheiden dar zvͦ horte.ſo daz vnſ zwivel ſtorte.Jh mohte wol ze andere minne chom̄en.Nv hat ir minne mir benomen.Ander minne vnde aller froͮden troſt.Jh bin trvrenſ vnerloſt.gelv̂ke moͮze froͮde wern.die endehafter froͮde gern.got gebe froͮde aldiſen ſcharn.Ih wil vz diſen froͮden varn.Er greif hin da ſin harnaſc lac.deſ er ditche aleine phlach.Daz er ſih balde wapent drin.Er wil nv werben niwen pin.do der froͮden flv̂htich man.het al ſin harnaſch an.Er ſatlte orſ mit ſiner hant.ſchilte vnde ſper bereit er vant.Man horte ſin reiſe deſ morgenſ klagen.do er danne ſchiet do begvnde iz tagen.Vil lv̂te deſ hat verdrozzen.den ditze mâre waſ verſlozzen.gnoͮge chvndenz nie ervarn.nvne wil ich daz niht langer ſparn.Ih entoͮ iz iv chvnt mit rehter ſage.wan ih indem mvnde trage.daz ſloz dirre Aventv̂re.wie der ſvͦzze vnde der gehv̂re.Anfortaſ wart wol geſvnt.vnſ toͮt div Aventv̂re chvnt.wie von peilrapeire div kvnigin.Jr kvſchen wiplichen ſin.behielt vnze an ir lonſ ſtat.Daz ſi in hohe ſælde trat.parcifal daz wirbet.Obe min chvnſt niht verdirbet.Jhn ſage alreſte ſin arbeit.ſwaz ſin hant ie geſtreit.Daz waſ mit kinden her getan.Môhte ich deſ mârſ wandel han.Jh wolge in vngerne wagen.deſ chv̂nde oͮch mih betragen.Nv bevilhe ih ſin gelv̂ke.Sin herze der ſælden ſtv̂cke.da div vbel bi der kv̂ſche lac.wan ez nie zageheit gephlach.Daz moͮze im veſtenv̂nge geben.Daz er behalte nv ſin leben.Sit ez ſih hat anden gezogen.Jn beſtet ob allem ſtrite ein voget.Vf ſinr vnferzageten reiſe.Der ſelbe kvrteiſe.waſ ein heideniſch man.Der toͮffe er kv̂nde nie gwan.Parcifal reit balde.gein einem grozzen walde.vf einer liehten waſte.gein einem richen gaſte.Ez iſt wnder obe ih arman.Diſe richeit geſagen chan.die der heiden fv̂r zimiere troͮch.Sage ih deſ me danne gnoͮch.Dannoh mach ih iv me wol ſagen.wil ih ſiner richeit niht v̉erdagen.Swaz dient Artus hant.britanievn̄deEngellant.Die vergvlten niht die ſteine.die mit edelm arde reine.Lagen vf deſ heiden wapen roch.die waren tivre an al getroch.rv̂bine. Galcidone.waren da ze ſwachem lone.der wapen roch gab liehten ſchin.Jndem berge ze Agementin.Die wrme ſalamander.Jn worhten zein ander.Jndem heizzen vivre.die waren ſteine tivre.lagen drv̂fe tvnchel vnde lieht.Jr art mach ih genennen niht.Sin gir ſtoͮnt nah minne.vnde nah priſ gewinne.Daz gaben oͮh almeiſtch wip.da mit der heiden ſinen lip.Choſtliche zimierte.Div minne kondewierte.Jn ſin manlih herze hohen moͮt.Alſ ſi noh dem minne gernden toͮt.Er troͮc oͮch dvrh priſ lon.vf dem helme ein ezidemon.Swelch wrme ſint eiterhaft.von deſ ſelben tierlinſ chraft.habent ſi lebenſ chleinen liſt.Swenne ez von in erſmechet iſt.Taſme vndeArabi.Sint von ſôlhem phelle fri.Alſ ſin orſ troͮch kovertv̂re.der vngetoͮfte gehv̂re.ranch nah wibeſ lone.deſ zimierte er ſih ſchone.Der ſelbe werliche chnabe.het in einer wilden habe.zoͮ dem voreht geancheret vf dem mêr.Er hete fv̂nf vnde zweinzich her.Der deheinz deſandern rede vernam.Alſ ſiner richeit wol gezam.Alſ manc ſvnder lant.diente ſiner werden hant.Môre vndeſarrazine.Mit vngelichem ſchine.Mit ſinēm wit geſamenten hêr.waſ manc wnderliv wer.Oh reit nah Aventv̂re dan.von ſinem her dirre eine man.Dvrh banchen in daz vorehet.ſit ſi ſelbe in namez ze reht.Die kv̂nge ich laze ſi riten.Al eine nah priſe ſtriten.Parcifal reit niht eine.da waſ mit im gemeine.Er ſelbe vnde oͮh ſin hoher moͮt.Der ſo manlihe wer da toͮt.daz div wip ſolden loben.ſine wolden dane dvrh loſheit tobēn.hie wellent ein ander varen.Die mit kv̂ſche lember wâren.vnde levn ander koͮnheit.Owe ſit div erde waſ ſo breit.Daz ſi ein ander niht fermiten.die da vmbe vnſchvlde ſtriten.Jch ſorge deſ den ich han braht.wan daz ich troſteſ han gedaht.Jn ſv̂le deſ gralſ chraft ernern.In ſol oͮch div minne wern.den waſ er beiden dienſthaft.Ane wanc mit dienſteſ chraft.Min chvnſt mir deſ niht witze git.daz ih ſage diſēn ſtrit.beſcheidenlih alſ er ergiench.Ietwederſ oͮgen blic enphiench.Daz er den andern chomen ſah.ſwederſ herze froͮde iah.da ſtoͮnt ein troſt nahen bi.Die lvtern tvmpheit fri.Ietweder deſ andern herze troͮch.Jr frómde waſ heinlih gnoͮch.Nv̂ne mach ih diſen heiden.von dem getoͮften niht geſcheiden.Sine wellen haz erzeigen.Daz ſolt in froͮde neigen.die ſint erkant vur goͮtiv wip.Ietweder dvrh vrivndinne lip.ſin verch gein der herte bot.gelv̂ke ſcheide ſi an den tot.Den lewen ſin moͮter tot gebirt.von ſineſ vater galme er lebende wirt.Diſe waren vz chrache erborn.von maniger tẏoſt vz briſe erkorn.ſi chvnden oͮch mit tioſte.Mit ſper ze ender choſte.leiſierten ſi die zoͮme.Chvrztenſe vnde taten goͮme.ſwenne ſi pvnierten.Daz ſi iht falierten.ſi phlagen vnfergezzen.da wart faſte geſezzen.Vnde gein der tioſt geſchichet.vnde div orſ mit ſporn zwichetgezwichet.hie wart div tioſt alſo geriten.beidiv colier ferſniten.Mit ſtarchen ſpern div ſih niht bv̂gen.die ſpriezzen von der tioſt flvgen.Ez hete der heiden gar vur haz.Daz dirre man vor im geſaz.wan deſ niemen vor im gephlach.gein dem er ſtriteſ ſih bewac.Op ſi div ſwert iht foͮrten.daz ſi zein ander roͮrten.Div waren da ſcharph vn̄de albereit.Ir chvnſt vnde ir manheit.wart da erzeiget ſchiere.ezidemon dem tiere.wart etſlich wnde da geſlagen.ez moht der helm drvnder chlagen.Div orſ von moͮde wrden heiz.Sie liezen manigen niwen ſweiz.ſi bede abe Orſen ſprvngen.Alrerſt div ſwert erchlvngen.Der heiden tet dem getoͮften we.deſ krie waſ thaſme.vnde ſwenne er ſchrite Tabrvnit.ſo trat er vur ſih einen trit.werlih waſ der getoͮfte.vf manigen trit er loͮfte.Den ſi zein ander taten.Ir ſtrit waſ ſo geraten.Daz ih die rede mac niht v̉erdagen.Ich moͮz ir ſtrit mit triwēn klagēn.Sit ein verch vnde ein bloͮt.ſolch vngnade ein ander toͮt.Si waren doh einſ mannſ chint..viiii.Der gelv̂terten triwe fundamint.den heiden minne nie verdroz.Deſ waſ ſin herze in ſtrite groz.gein priſe troͮch er willen.Dvrh die kv̂ngin ſecundillen.div daz lant tribalibot.Jm gap div waſ ſin ſchilt in not.Der heiden nam an ſtrite zoͮ.waz toͮn ih dem getoͮften noͮ.Erne welle an minne denchen.ſone mach er niht entwenchen.Im ne moͮze dirre ſtrit erwerben.von heidenſ handen ſterben.daz wende tugenthafter gral.koͮndwiramvurſ div lieht gemal.hie ſtet iwer beder dienſman.Jnder grôziſten not die er ie gwan.Der heiden warf daz ſwert vf hoh.Manc ſin ſlac ſih ſvs gezoh.daz parcifal chom vf div knîe.Man mac wol ſprechen ſv̂ſ ſtritēn ſîe.Der ſi bede nennen wil ze zwein.Si waren doh bede niwan ein.Min broͮder vnde ih daz iſt ein lip.Alſ iſt goͮt man vnde deſ wip.Der heiden tet dem getoͮftēn we.Der ſchilt waſ holtz hiez aſpinde.Daz enfv̂let noh nebrinnet.Er waſ von ir geminnet.div in im gap deſ ſit gwiſ.Tvrkoiſechriſopraſis.ſmarage vndeRubine.vil ſteine mit ſvnder ſchine.waren verwiert dvrh choſtelihen priſ.ze loben vf div bvkel riſ.vf dem bvͦkel hvſe ſtoͮnt.Ein ſtein deſ namen toͮn ih iv chvnt.Antrox dort genennet.Carfvnchel hie bechennet.der minne kondwier.Ezidemon daz reine tier.het im ze wapen gigeben.Jnder gnade er wolde leben.div kv̂ngin ſecundille.Ditze wapen waſ ir wille.da ſtreit der triwen lv̂terheit.groz triwe alda mit triwēn ſtreit.dvrh minne heten ſi ir leben.Mit kamphe vf vrteil gegeben.Jetwederſ hant waſ ſicherbot.Der getoͮfte wol getruwet got.Sit er von Trevrizzent ſchiet.der im ſo herzenlihen riet.Er ſolde helfe an in gern.der in ſorgen froͮde chvnde wern.Der heiden troͮc ſtarchiv lit.ſwenner ſchrite Tabrvnit.Daz der kv̂ngin ſecundillen waſ.von der montanie kavchaſas.ſo gwan er niwen hohen moͮtgein dem der ie waſ behoͮt.vor ſôlheſ ſtriteſ vber laſt.Er waſ tſchv́nphetv̂re ein gaſt.Daz er nie gedolte.doh ſi mangeſ zimierde holte.Mit chvnſt ſi die arme ſwngen.fivreſ blicke vz helmen ſprvngen.von ir ſwerten gie der ſvre wint.Got ner da Gahmvreteſ chint.Daz wnſchen wirt in beiden.dem getoͮften vnde dem heiden.Die nante ih ie fv̂r einen.ſv̂ſ begvnden ſiz oͮh meinen.wâren ſi ê ein ander bechant.ſine ſatzten niht ſo hohiv phant.Jr ſtrit galt niht mere.wan froͮde ſæ̂lde vnde ere.Swer da den briſ gwinnet.Op der triwe minnet.wertlich froͮde er hat verlorn.vnde imer herze riwe erchorn.weſ ſvmeſtv dih parcifal.Daz dv an die chv̂ſchen lieht gemal.Niht gedencheſt an din wip.wil dv hie behalten den lip.Der heiden troͮch geſelleſchaft.dar an doh lac ſin meiſtiv kraft.Einiv daz er minne phlach.Div mit ſtâte in ſinēm herzen phlac.Daz ander waren ſteine.Mit edelm arde reine.Jn hoh gemoͮte lerten.vnde ſine kraft merten.Mih moͮt daz der getoͮfte.An ſtrite vnde an loͮfte.Moͮdet vnde an ſtarchen ſlegen.Obe im nv niht gehelfen megen.kondwiramvurſ noh der gral.werliher parcifal.Nv moͮſtv einēn troſt doh haben.Daz die claren ſvͦzen chnaben.karadeiz vndelohangrin.Die bede lebene troͮch ſin wip.do er ivngeſt vmbe vienc ir lip.Der getoͮfte nam an krefte zoͮ.Er dahte ez waſ im niht ze froͮ.An ſin wip die chv̂nginne.vnde an ir werde minne.die er mit ſwerteſ ſchimphe eranc.Daz fivr vz helmēn von ſlegēn ſpranc.von peilrapeireclamide.Tabrvnit vndeTaſme.Den wart hie wider roͮft getan.Parcifal begvnde oͮh phlegen.Daz er peilrapeire ſchrite.kondwiramvrſ chom bezite.Dvrh nivn kv̂nc riche aldar.ſi nam mit minnen chreften war.do ſprvngen deſ ih wâne.von deſ heidenſ ſchilte ſpâne.Etſliher hvndert marke wert.von kahaviez daz ſtarche ſwert.Mit ſlegen vf deſ heidenſ helm braſt.ſo daz der choͮne riche gaſt.Mit ſtrvche venie ſoͮhte.Got deſ niht langer roͮhte.daz parcifal daz rê nemen.Jn ſiner hende ſolde zemen.daz ſwert er ither nam.Alſ ſiner tvmpheit do gezam.Der ê nie geſeic dvrh ſwerteſ ſwanc.der heiden ſnelle vf ſpranc.Ez iſt noh vngeſcheiden.ze vrteil ſte ez in beiden.von der hôhiſten hende.Daz div ir ſterben wende.Der heiden waſ moͮteſ riche.Er ſprah do hofſchlihe.Enfranzoiſ daz er chvnde.vz heidenſchen mvnde.Ih ſihe wol werliher man.din ſtrit wrde ane ſwert getan.Waz priſ beiagte ih danne andir.ſtant ſtille vnde ſage mir.werliher helt wer dv ſiſ.fv̂r war dv heiſt minen briſ.behabet der lange iſt mih gwert.ware dir zebrochen niht din ſwert.Nv ſi von vnſ beiden vride.vnze vnſ geroͮwen baz div lide.Si ſazen nider vf daz graſ.Manheit bi zv́ht an beiden waſ.vnde ir beider iar von ſólher zit.ze ivnch noh ze alt ſi bede vf ſtrit.Der heiden zoͮ dem getoͮften ſprah.Nv gloͮbe helt daz ih geſah.bi miner zit noh nie den man.Der baz den briſ móhte han.den man in ſtrite ſol beiagen.Nv roͮche helt mir beidiv ſagen.dinen namen vnde dinen art.ſo iſt wol bewendet her min vart.Do ſprah der herzeloyde ſvn.Sol ih daz dvrh vorhte toͮn.ſone darf eſ niemen an mih gern.Sol ih eſ betwngenlihen wern.Der heiden von Taſme.ſprah ich wil mih nennen ê.vnde la daz laſter weſen min.Jh bin feirafizanſchevin.ſo riche wol daz miner hant.Mit zinſe dient manc lant.Do diſiv rede von im geſchah.Parcifal zem heiden ſprah.wa von ſit ir ein anſchevin.Anſchoͮwe iſ von erbe min.bv̂rge lant vnde ſtete.herre ir ſv̂lt dvrh mine bete.Iv einen andern namen chieſen.Sol ih min lant verlieſen.vnde werden ſtat belzanan.ſo het ir mir gwalt getan.vnde iſt vnſer deweder ein Anſchevin.daz ſol ih von Arde ſin.Doh iſt mir vur war geſaget.daz ein helt vnferzaget.wone in der heidenſchaft.vnde habe mit riterliher kraft.Minne vnde briſ behalten.Daz er moͮze beder walten.der iſt ze broͮder mir genant.ſi hant in da vur briſ erkant.Aber ſprah do parcifal.herre iwerſ antlv̂tzeſ mal.het ich div chvntlihe erſehen.So wrde iv ſchiere von mir veriehēn.Alſ mir chvnt iſt getan.herre welt irz ane mih lan.So enblozet iwer hoͮbet.Obe ir mirz gloͮbet.Min hant ivh ſtriteſ gar verbirt.vnze ez ander ſtvnt gewapent wirt.Do ſprah der heideniſche man.dineſ ſtriteſ ih wenc angeſt hān.ſtoͮnde ich albloz ſit ih han ſwert.dv wârſt doh tſchv̂mphentv̂re gwert.Sit din ſwert zebrochen iſt.Al din werliher liſt.Mac dih vor tode niht bewarn.Jhne welle dih anderſ gerne ſparn.ê dv begvndeſt ringen.Min ſwert lieze ih dringen.beidiv dvrh iſen vnde dvrh vel.der heiden ſtarch vnde ſnel.Tet manlihe ſite ſchin.ditze ſwert ſol vnſer dewederſ ſin.ez warf der choͮne degen balt.verre von im inden walt.er ſprah ſol hie ſtrit ergen.der moͮz geliche tſchanze ſten.Do ſprah der riche feirefiz.helt dvrh diner zv̂hte fliz.Sit dv broͮder mv̂geſt han.ſo ſage wie iſt er getan.toͮ mir ſin antlv̂tze erchant.wie dir ſin varwe ſi genant.do ſprah herzeloyden chint.Alſ ein geſcriben bermint.ſwartz blanch her vnde da.Alſo nande mirn eckuba.Der heiden ſprah daz bin ih.ſi bede do wenc ſvmden ſih.Ietwederre ſin hoͮbet ſchiere.vnde helm vnde von herſeniere.enblozten ander ſelben ſtvnt.parcifal vant hohen fvnt.vnde den liebiſten den er ie vant.Der heiden ſchiere wart erkant.wan er troͮch Agelſtern mal.Feirefiz vndeparcifal.Mit chv̂ſſe vnder ſtoͮnden haz.Jn zâme oͮch beden frivntſchaft baz.danne gein ein ander herze nit.Triwe vnde liebe ſchiet ir ſtrit.Der heiden do mit froͮden ſprah.wol mih daz ich ie geſah.deſ werden Gahmv̂reteſ chint.Al mine gote geert ſint.Min gv̂tinne Iuno.diſ wol mach weſen frô.Ein kreftich got Ivppiter.Dirre ſælden waſ min wer.got vnde gv̂tinne.Jwer chraft ih imer minne.geert ſi deſ planeten ſchin.Dar inne div freiſereiſe min.Nah Aventv̂re wart getan.gein dir vorhtlih ſoͮzer man.Daz mih von diner hant geroͮ.gert ſi lvft vnde toͮ.daz hivt morgen vf mih reiſ.Minnen ſlv̂zel kvrteiſ.Wol div wip div dih ſv̂len ſehen.waz den doh ſælden iſ geſchehēn.Jr ſeht wol ih ſprache baz.Obe ih daz chvnde an allen haz.Nv bin ih leider nih ſo wiſ.daz iwer werdecliher briſ.Mit worten mv̂ge geholen ſin.got weiz aber wol den willen min.ſwaz herze vnde oͮge chv̂nſte hant.An mir div beidiv niht enlant.Jwern briſ ſi vor ſi volgent nah.daz nie von riterſ hant geſchah.Mir grozer not vur war ichz weiz.Dane von iv ſprah der kanvoleiz.do ſprah der riche firefiz.got hat rehte ſinen fliz.werder helt geleit an dih.dvne ſolt niht mere ircen mih.wir haben bede doh einen vater.Mit broͮderlihen triwen doh bat er.daz er ircenſ in erlieze.vnde in dvzchlihen hieze.Div rede waſ parcifal leit.Er ſprah broͮder iwer richeit.gelihet wol dem barvch ſih.ſo ſit ir elter dane ih.Min ivgent vnde min armoͮt.ſol ſolher loſheit ſin behoͮt.Daz ih iv dvzen biete.ſwenne ih mih zv̂hte niete.Der von tribalibot.Jvppitern ſinen got.Mit worten erte manigen wiſ.Er gap oͮh vil hohen briſ.Siner gv̂tinne Iuno.Daz ſi daz weter foͮgte ſo.Da mit er vnde al ſin hêr.gein dem lande vf daz mêr.lant veſte namen.Da ſi zoͮ ein ander chamen.Anderſtvnt ſi nider ſazen.ſi bede niht vergazen.ſine bv̂ten ein ander ere.Der heiden ſprah do mere.Jh wil dir lazen zwei richiv lant.dienſlihe imer diner hant.Div min vater vnde der dine erwarp.do der chvnic ẏſenhart erſtarp.zazamanc vndeazagoͮch.ſin manheit niemen troͮch.wan daz er lie verweiſet mih.gein minem vater der gerich.Jſt min halb noh vnverkorn.Sin wip von der ih wart geborn.Dvrh minne ein ſterben nah im koſ.do ſi minne an im verloſ.Ih sâhe doh gerne den ſelben man.Mir iſt ze wizzen getan.Daz nie bezzer riter wart.Nah im iſt choſtelih min vart.Parcifal hinze im do ſprah.ich bin oͮh der in nie geſah.Man ſaget mir goͮtiv werc von im.An maniger ſtat ih div vernim.Daz er wol chvnde ſtriten.ſin priſ der gie witen.vn̄de werdecheit machen hoh.elliv miſſewende in floh.Er waſ wiben vndertan.Op die triwe chvnden han.Die lontenſ ane falſchen liſt.Da von der toͮf gert iſt.phlach er triwe ane wenchen.Er chv̂nde wol verdenchen.Alle valſchlihe tat.ſineſ herzen ſtâte gap im den rat.daz roͮhten ſi mih wizen lan.Den chvnt waſ der ſelbe man.Den ir ſo gerne ſæhet.Jch wâne ir priſ iâhet.Jm ob er lebte.wan er nah priſe ſtrebte.ſin dienſt twanch der wibe lon.Daz der kv̂nc Ipomidon.gein im tioſtierſ phlach.div tẏoſt ergie vor baldach.Da wart ſin werdechlih leben.Der minne anden rê gigeben.wir han ze rehter tẏoſt verlorn.da von wir bede ſin geborn.Owe der vnergetzeten not.ſprah der heiden iſ min vat̉er tot.Jh mach wol froͮde vnde flvſte iehen.vnde froͮden vunt mit warheit ſpehēn.Jch han andiſen ſtvnden.froͮde verlorn vnde froͮde fvnden.wil ich der warheit grifen zoͮ.beidiv min vater vnde dv.vnde ich waren alein.doh ez endrin ſtvchen ſchein.ſwa man ſiht den wiſen man.der nezelt neheine ſippe dan.zwiſchen vater vnde den kinden.wil er die warheit vinden.Mit dir ſelben haſtv hie geſtriten.gein mir ſelben ih chom vf ſtrit geritēn.Mih ſelben ih hete g̉erne erſlagēn.done chvndeſtv deſ niht verzagen.Dvne werteſt mir min ſelbeſ lip.Ivppiter daz wnder ſchrip.Din chraft tet vnſ helfe chvnt.daz ſe vnſer ſterben vnder ſtoͮnt.er lachete vnde weinde toͮgen.ſiniv heidenſchiv oͮgen.begvnden wazzer reren.Al nah deſ toͮfeſ eren.der toͮffe ſolher triͮwe.ſit vnſer ê div niwe.Nah chriſten wart genennet.An chriſte iſt triwe erkennet.Der heiden ſprah ih ſage iv wie.wirn ſv̂ln niht langer ſitzen hie.rit mit mir niht ze verre.leiſiern vf die terre.Dvrh din ſchoͮwen von dem mer.het ihz richeſte her.dem Ivno ie gap ſegelſ lv̂ft.Mit warheit an triegenſ gvft.zeige ih dir mangen werden man.Der mir iſt dienſteſ vndertan.dar ſoltv riten mit mir.parcifal ſprah hinze im ſit ir.ſo gewaltc iwer lv̂te.dazſe iwer biten hivte.vnde al die wile ir von in ſit.der heiden ſprah ane ſtrit.wâre ih von in ein halbez iar.Min biten riche vnde arme gar.ſine getorſten niener cheren.geſpiſet wol nah eren.ſint elliv iriv ſchif inder habe.Orſ noh man niht dorften drabe.ez newâre dvrh fvntanie.Ode dvrh luft von dem planie.parcifal zem broͮder ſin.ſprah ſo ſvlt ir froͮwen ſchin.ſehen vnde groze wnne.von iwern werden chv̂nne.Mangen riter kvͦrteiſ.Artus der britaneiſ.lit hie bi mit werder diet.Von dem ih mih hivte ſchiet.Mit grozer minncliher ſchar.wir ſehen da froͮwēn wͦl gevar.do der heiden horte nennen wip.Die waren et ſin ſelbeſ lip.Er ſprah dar foͮre mih mit dir.dar zoͮ ſoltv ſagen mir.Mâre der ih dih frage.ſehe wir vnſer mage.ſo wir ze Artuſe chomen.von deſ voͮre ih han vernomen.Daz er ſi briſ riche.vnde er var werdeclihe.Aber ſprah do parcifal.wir ſehen da froͮwen lieht gemal.ſih valiert niht vnſer vart.wir vinden da vnſern rehten art.Lv̂te von den wir ſin geborn.Etſlih hoͮbet ze chrone erkorn.Jr deweder do niht langer ſaz.parcifal deſ niht vergaz.Er ne holte ſinſ broͮder ſwert.daz ſtiez er deḡen: Reimwort fehlt.wider in die ſcheiden.da wart von in beiden.zornliher haz vermiten.vnde geſellclihe dan geriten.ê ſi ze Artvſe waren chomen.do waſ oͮh mâre von in vernomen.Do waſ bi dem ſelben tage.vber al daz her gemeiniv klage.Daz parcifal der werde man.ſv̂ſ waſ von in geſcheiden dan.Artvſ mit rate ſih bewac.Daz er vnze an den vierden tach.parcifalſ da woldee biten.vnde von der ſtat niht riten.Gramoflanzeſ her waſ chomen.dem waſ manc wite rinc benomen.Mit gezelten wol geziert.da waſ geloiſiert.Den ſtolzen werden lv̂ten.Man môhtez den vier brv̂ten.baz erbieten niht mit froͮden ſiten.von tſchaſtel marveile geriten.chom ein man zer ſelben zit.Der ſeite alſvs ez wâre ein ſtrit.vf dem warthv̂ſe inder ſv̂l geſehen.ſwaz ie von ſwerten wâre geſchehen.daz iſt gein diſem ſtrite ein niht.Vor gawan er deſ mârſ giht.da der bi Artvſe ſaz.Manc riter da mit rede maz.von wem der ſtrit da wâre getan.Artvſ der kv̂nic ſprah do ſan.Den ſtrit ih ein halp wol weiz.Jn ſtreit min nefe von kanvoleiz.der von vnſ ſchiet hivte froͮ.do riten oͮch diſe zwene zoͮ.Wol nah ſtriteſ ere.helm vnde ir ſchilte ſere.waren mit ſwerten angerant.Jetwederre wol gelerte hant.Troͮch div ſtrites mal erwarf.Jn ſtrite man wol chvnſt bedarf.bi Artvs ringe hin.ſi riten do wart vil nah in.geſchoͮwet da der heiden reit.Der foͮrt et an ſólh chleit.wol beherberget waſ daz velt.Si cherten vur daz hoh gezelt.gein gawanſ ringe.Op manſ iht innen bringe.daz man ſi gerne ſáhe.Jch wâne oͮch daz geſcháhe.gawan chom ſnellichen nah.wan er vor Artv̂ſe ſah.daz ſi gein ſinem gezelte riten.Der enphienc ſi da mit froͮden ſiten.ſi hetenz harnaſch dannoh an.gawan der ſtolze hofſche man.hiez ſi entwappen ſchiere.Ezidemon dem tiere.waſ geteilt mit der ſtrit.der heiden troͮch ein kv̂rſit.Dem waſ von ſlegen worden we.daz waſ ein ſaranthaſme.Dar an ſtoͮnt manc tiwer ſtein.dar vnder ein wapen roch erſchein.Hoh gebildet ſne var.dar an ſtoͮnt her vnde dar.Tiwer ſteine gein ein ander.Die wrme ſalamander.Jn worhten indem fivre.ſi cherten in Aventivre.Jr minne ir lant vnde ir lip.diſe zimierde gap im ein wip.er leiſte oͮch gerne ir gebot.beidiv in froͮden vnde in not.Div kv̂nigin ſecundille.ez waſ ir herzen wille.daz ſe im gap ir richeit.ſin hoher briſ ir minne erſtreit.gawan bat deſ nemen war.daz zimierde wol gevar.Jender wrde vervchet.Olde iht da von gezvchet.kv̂rſit helm vnde ſchilt.eſ het ein armez wip bevilt.Andem wapenroch aleine.Tivre waren die ſteine.An ſtv̂chen allen viern.hohiv minne chan wol zieren.ſwa richeit bi dem willen iſt.vnde ander werdechliher liſt.Der ſtolze riche feirefiz.Troͮch mit dienſte grozen fliz.Nah wibeſ hulde vmbe daz.Daz im loneſ einiv niht vergaz.dez harnaſch waſ von im getan.do ſchoͮweten diſen man.Alle die werdeſ chvnden iehen.daz mohtenſ da mit warheit ſehēn.Feirafiz troͮch fromdiv mal.gawan ſprah ze parcifal.Neve toͮ den geſellen din.mir chvnt er treit ſo wáhēn ſchin.dem ich gliheſ nie geſah.parcifal ze ſinem wirte ſprah.bin ih din mak daz iſt oͮch er.Deſ ſi Gahmv̂ret din gewer.ditze iſt der kv̂nic von zazamanc.Min vater dort mit priſe eranch.belcanen div diſen riter troͮch.gawan den heiden do gnoͮch.Chv̂ſte den richen firafiz.er waſ beidiv ſwarz vnde wiz.v́ber al ſi vel wan da der mv̂nt.gein blanchen teil tet roete chvnt.Man brahte in ſament gwant.daz waſ vur tivre choſt erchant.vz gawanſ chamer troͮch man dar.do chomen froͮwen lieht gevar.Div herzogin liez gvndrie.vndeſagíven chv̂ſſen ê.ſi ſelbe vndeArnive do.Chvſten feirafiz waſ fro.Daz er ſo clare froͮwen ſah.Jh wáne im liebe dran geſchah.Gawan ze parcifale ſprah.Neve din niwer vngemah.Saget mir din helm vn̄de oͮh der ſchilt.Jv iſt beden ſtriteſ mit geſpilt.dir vnde dem neven min.gein wem erholt ir diſen pin.ezne wart nie herter briſ erchant.Sprah parcifal minſ brvͦder hant.Twanc mih zewer in grozer not.wer iſt ein ſegen vur den tot.vf diſen heinlichen gaſt.von ſlegen min ſtarchez ſwert zebraſt.do tet er chranch vorhte ſchin.Er warf verre vz der hant daz ſin.er vorhte et an mir ſv̂nde.Ê wir gerechenten ze chv̂nde.Nv han ih ſine hv̂lde wol.die ih mit dienſte gerne erhol.gawan ſprah mir wart geſaget.von einem ſtrite vnverzaget.vf tſchaſter Marveile man ſihet.ſwaz inner vier milen geſchiht.Jnder ſv̂l vf minem wart hvſdo ſprah min óheim Artvs.der da ſtrite deſ ſelben malſ.Daz wâreſtv neve von kingrivalſ.Dv haſt div waren máre braht.dir waſ deſ ſtriteſ doh vor gedaht.Nv gloͮbe mir daz ih dir ſage.dir wâre gebiten hie zwene tage.Mit grozer richer hoh zit.Mih mvͦet iwer beder ſtrit.da ſv̂lt ir ſin mit triwen nah.ſit aber ſtrit von iv geſchah.Jr erchennt ein ander deſtebaz.Nv chieſet vrivntſchaft vur den haz.Gawan deſ tageſ az deſte ê.do ſin neve von Taſme.feirefizAnſchevin.dannoh vaſte vnde der broͮder ſin.von palmat wit vnde lanch.dar wart ein wit vmbehanch.Chvlter manger chv̂nne.von palmat niht ze dv̂nne.wrden da der matraz dah.Tiver phelle man drvf geſteppet ſah.beidiv lanch vnde breit.Div herlihe richeit.wart da ze ſchoͮwene vur getragen.do ſloͮc man vf ſvs horte ih ſagen.von phelle niwe ruch lachen.Mit rihlichen ſachen.gein ein ander niwe ſite.dar vnder ſenfte phvmite.Mit chv̂ltern verdecchet.rvchlachen dar v̂ber geſtrechet.der rinch begreif ſo wit ein velt.Da waren geſtanden vier gezelt.Ane gedrenge der ſnoͮre.vnbeſcheidenliche ih foͮre.Volde ih diſe Aventv̂re vurbaz han.do enbot min her gawan.ze hove Artuſe mâre.wer da chomen wâre.Der riche heiden wâre da.den div heideninne Ekv̂ba.ſo briſte bi dem blimzol.Jofreit fiſidol.Artuſ do mâre ſagte.Deſ er froͮde vil beiagte.Jofreit bat in ezzen froͮ.vnde clarlihen griffen zoͮ.Mit ritern vnde mit froͮwēn ſchar.vnde hofſchlihe chomen dar.Daz ſiz ſo angeviengen.vnde werdeclihe enphiengen.deſ ſtolzen Gahmvreten chint.Swaz hie werder lv̂te ſint.die bringe ih ſprah der britaneiſ.Iofreit ſprah er iſ ſo kv́rteiſ.Jr mv̂get in alle gerne ſehen.wan ir mv̂get wnder an im ſpehēn.Er vert vz grozer richeit.ſiniv wapenlihiv chleit.Niemen vergelten mohte.deheiner hant daz tohte.*overloverbritânie. Engellant.von pariſ vnze an wiz ſant.Der der gein leit alle die terre.Ez wâre ienem gelte verre.Iofreit waſ wider chomen.von dem het Artvſ vernomen.wie er werben ſolde.Ob er enphahen wolde.ſinen nefen den heiden.Daz ſitzen wart beiden.An gawanſ ringe.Mit hofſlichem dinge.Div meſſenie der herzogin.vnde die geſellen vnder in.ze gawanſ zeſwen ſazen.Anderhalp mit froͮden azen.riter vnde chleine diet.Den froͮwen ſitzen man beſchiet.vber gawan an den ort.ſazen chleine froͮwen dort.Der waſ mangiv lieht gemal.feirafiz vndeparcifal.ſazen miten zwiſchen den froͮwen.Man mohte clarheit ſchoͮwen.der tvrkoiteflorant.vndeſagive div wert erkant.vnde der herzoge von Gowerzin.vndekvndrie daz wip ſin.vber gein ein ander ſazen.Jh wáne deſ iht vergazen.gawan vndeIofreit.Jr alten geſellcheit.Si azen mit ein ander.div herzogin mit blichen glander.Mit der chv̂ngin Arnive az.Jtonie do niht vergaz.Ir geſellcheitwaren ſi ein ander bereit.bi gawan ſaz ſi ſin ane.Orgillv̂ſie vzzer halp her dane.Do erzeigte div rehte vnzvht.von dem ringe ir ſnelle flvht.Man trvͦch beſcheidenliche dar.den ritern vnde der froͮwen ſchar.Ir ſpiſe zv̂htcliche.Feirefiz der riche.Sprah ze parcifal dem broͮder ſin.Jvppiter die reiſe min.Mir ze ſælden hete braht.daz mih ſin helfe her hat braht.Daz ih mine werde mage ſihe.von rehter ſchvlt ih briſ gihe.Minem vater den ih han verlorn.der waſ vz rehtem briſ erchorn.Der waleiſ ſprah ir ſv̂lt noh ſehen.Lv̂te den ir briſ moͮzet iehen.bi Artus dem hoͮbet man.Mangen riter manlih getan.Swie ſchiere ditze ezzen nv erget.vnlange ez dar nah geſtet.vnze ir die werden ſeht chom̄en.An den vil priſ iſt vernomen.Swaz tavelrvnder kraft iſt bi.Der ſitzent hie niwan riter dri.Der wirt ſprah ze Iofreit.etſwenne ih oͮh den briſ erſtreit.Daz man min drv̂ber gerte.deſ ich ſi do gwerte.Si namen die tiſche dan.vor der froͮwen vnde vor dem man.Deſ waſ zit do man gaz.gawan der wirt niht langer ſaz.Die herzôginne vnde oͮh ſin anen.begvnder biten vnde manen.Daz ſi ſagive.vnde die ſoͮzen kvndrie.Námen vndegienengiegengiengen dar.Alda der blanch gevar.ſaz vnde daz ſi phlâgen ſin.FeirafizAnſchevin.ſach diſe froͮwen gein im gen.gein den begvnder vf ſten.Alſ tet ſin broͮder parcifal.Div herzoginne lieht gemal.Nam feirafizen mit der hant.ſwaz ſi froͮwen vnde riter vant.ſten die bat ſi ſitzen alle.do reit dar zoͮ mit ſchalle.Artuſ mit den ſinen.Man horte da buſinen.Tambvren floitiern ſtiven.Der ſun Arniven.reit dar zoͮ mit chrache.dirre frôlichen ſache.Der heiden iah vur richiv dinch.ſvſ reit an gawanſ rinch.Artvs mit ſinem wibe.Mit mangen claren libe.Mit ritern vnde mit froͮwen.Der heiden mohte ſchoͮwen.daz oͮh da lv̂te waren.Jvnch mit ſôlhen iaren.daz ſi phlagen varwe glantz.Do waſ der kv̂nic Gramoflanz.dannoh In Artvs phlege.Do reit oh vf dem ſelben wege.Jtonie ſin Amie.div ſoͮze falſcheſ frîe.Do erbeizte der tavelrvnder ſchar.Mit manger froͮwen lieht gevar.kinover liez Itonie.Jr neven den heiden chv̂ſſen ê.ſi ſelbe do dar naher giench.Feirafiz ſi mit chv̂ſſe enphiench.Artus vndeGramoflanz.Mit getrv̂licher liebe ganz.Enphiengen diſen heiden.do wart im von in beiden.Mit dienſt erboten ere.vnde ſiner mage mere.Jm taten goͮten willen ſchin.FeirefizAnſchevin.waſ da ze goͮten frivnden chomen.Daz het er ſchiere an in vernomen.Nider ſazen wip vnde man.vnde manch maget wolgetan.wolder ſiheſ vnder winden.Etſlih riter mohte da vinden.ſoͮziv wort von ſoͮzen mvnde.Ob er minne werben chvnde.Die bet lie gar ane haz.Manc clariv froͮwe div da ſaz.goͮt wip man nie gezv̂rnen ſah.Obe wert man nah ir helfe ſprah.ſi hat verſagen vnde gwern bevor.giht man froͮden iht vrbor.Den zinſ moͮz wariv minne geben.ſol werder man mit froͮden leben.da ſaz dienſt vn̄de lon.Ez iſt ein hofſliher don.ſwa vrivndinne rede wirt vernomen.Div frivnde mach ze ſtaten chomen.Artvs ze feirefize ſaz.Ir dewedere do vergaz.ſine tâten bede vrage ir reht.Mit ſoͮzer gein rede ſleht.Artvſ ſprah nv lobe ih eſ got.Daz er diſe ere vnſ erbot.daz wir dih hie geſehen han.vz heidenſchaft gefoͮr nie man.vf toͮfe phlegen den landen.dem mit dienſtlichen handen.Ih gerner dienſteſ werte.ſwaz deſ din wille gerte.Feirefiz ze Artuſe ſprah.Al min vngelv̂ke brah.Do div gv̂tinne Ivno.Min ſegel weter foͮchte ſo.In diſiv weſter riche.dv gebareſt vil gliche.Einem man deſ werdecheit.Jſt mit mâren harte breit.biſtv Artus genant.So iſt din name verre erchant.Artuſ ſprah er eret ſih.ſwer mih gepriſte wider dih.vnde gein andern lv̂ten hat.ſin ſelbeſ zv́ht gap im den rat.Mere danne ih ez gedient han.Er hatz dvrh hofſcheit getan.Jh bin Artuſ genennet.vnde hiete gerne erchennet.wie dv chomen ſiſt in ditze lant.hat dih vrivndin vz geſant.div moͮz ſin vil gehivre.Op dv dvrh Aventivre.Alſ verre biſt geſtrichen.Jſt ſi ir loneſ vngeſwichen.daz hóhet wibe dienſt noh baz.Jeſlich wip enphienge haz.von ir dienſteſ gebietâre.Op dir vngelonet wâre.ez wâre al anderſ vernomen.Sprah der heiden nv hôre oͮh mīn chom̄en.xcH voͮre ſo chreftigez her.Daz troiâre lant wer.vnde iene die ſi beſazen.Moͮſen rvmen mir die ſtrazen.Op ſi bedenhbeden noh lebten.vnde ſtriteſ gein mir ſtrebten.ſine móhten ſigeſ niht erholen.ſi moͮſen tſchv̂nphentv̂re dolen.von mir vnde von den minen.Ich han in manigen pinen.beiaget mit riterliher tat.Daz min nv gnade hat.Div kvngin ſecundille.ſweſ div gert daz iſ min wille.Si hiez mih riterlihe leben.vnde hat geſetzet mir min leben.ſi hiez mih miltclichen geben.vnde goͮte riter ane mih nemen.deſ ſolde mih dvrh ſi gezemen.daz iſt alſo ergangen.Mit ſchilte bevangen.Jſt ze Ingeſinde mir benant.Manc riter wert erchant.Da engene ir minne iſ min lon.Ih trage ein ezidemon.vf dem ſchilte alſ ſi mir gebot.ſwa ih ſider chom in not.zehant ſo ih an ſi gedahte.Jr minne mir helfe brahte.div waſ mir bezzer ſtriteſ wer.Danne min got Ivppiter.Artuſ ſprah von dem vater din.Gahmvret dem neven min.Jſt iz din vollehliher art.Jn wibeſ dienſt din verriv vart.Jch wil dih dienſt wizzen lan.daz ſelten grozer iſt getan.vf erde deheinem wibe.Jr minnchlihem libe.Jch meine die herzóginne.Div hie ſitzet. nah ir minne.Jſt waldeſ vil verſwendet.Jr minne hat gephendet.An froͮden mangen riter goͮt.vnde in erwendet hohen moͮt.Er ſaget im ane loͮgen gar.vnde ovch von der clinſoreſ ſchar.Si ſazen in allen ſiten.vnde von den zwein ſtriten.die parcifal ſin broͮder ſtreit.Tſchofflanz vf dem anger breit.vnde ſwaz er anderſ het ervarn.da er den lip niht chvnde ſparen.Er ſol dirz ſelbe machen chvnt.Er ſoͮhte einen hôhen fvnt.Nah dem grale ſoͮhter.von iv beden ſament iſt daz min ger.Nv ſaget mir lv̂te vnde lant.div iv mit ſtâte ſin bechant.Der heiden ſprah ih nenne ſie.die mir die riter foͮrent hie.Der kv̂nc papirvs von Tragediente.vnde der grave behantinſ von Ralomidiēnte.Der herzoge farielaſtis vōnAlfre.vnde der kv̂nc lidamvs von Agippe.Jh het ein dinch vur ſchande.Man iah in minem lande.Daz dehein bezzer riter móhte ſin.danne Gahmv̂retanſchevin.Der ie orſ vber ſchrite.ez waſ min wille vnde oh min ſite.daz ih in ſoͮhte vnze ih in fvnde.ſit gwan ih ſtriteſ chv̂nde.von minen zwein landen hêr.foͮrt ich chreftch vf daz mêr.gein riterſchefte het ih moͮt.ſwelch lant waſ werlih vnde goͮt.daz twanch ih miner hende.vnze verre inz ellende.Da werten mih ir minne.zoͮ riche chvnginne.Polimpie vndeclavdite.ſecvndille iſt nv div drite.Jh han dvrh wip vil getan.hivte alreſt ih chv̂nde han.daz min vater iſt tot.Min broͮder ſaget oͮch ſine not.Do ſprah der werdeparcifal.ſit ih ſchiet vonme gral.So hat min hant mit ſtrite.Jngedrenge vnde an der wite.vil riterſchefte erzeiget.Etſlicheſ priſ geneiget.Der deſ vil vngewent waſ ie.Ein teil ich der benenne hie.Von lirivoͮntſchirniel.vnde von Avendroẏn ſin broͮder Miradel.Der grave Minadas.ditze ergiench da tvrnieren was.Die wile ich nah dem grale reit.Solde ih gar nennen daz ih ſtreit.daz wâren vnchvndiv zil.dvrh not ih moͮz verſwigen vil.Swaz mir kvnt iſt getan.die ih wenc hie benennet han.Der heiden waſ von herzen vro.daz ſineſ broͮder dinc alſo.ſtoͮnt daz ſin hant erſtreit.So mange hohe werdecheit.Deſ danchet er im ſere.Er hetſ ſelbe oh ere.Jnnen deſ hiez tragen gawan.Alſ ez vnwizzende wâre getan.deſ heidenſ zimierde inden rinc.ſi proͮvetenſe da vur groziv dinc.riter vnde froͮwen.begvnden alle ſchoͮwen.Den wapen roch den helm. den ſchilt. daz kv̂rſit.der helm waſ zenge noh zewit.ſi briſten algemeine.die tivren edeln ſteine.Die dran verwiert lagen.Niemen darf mih vragen.von ir art wie ſi wâren.die liehten vnde die ſwâren.Ivch het baz beſcheiden deſ.Eracvliſ oldeErculeſ.vnde der chriecheAlexander.vnde dannoh ein ander.der wiſe pitagoraſ.Der ein aſtromiereaſtronimiere waſ.vnde ſvſ ſo wiſe ane ſtrit.Niemen ſit Adameſ zit.Mohte im gelichen ſin getragen.Er chvnde baz von ſternen ſagen.Die froͮwen rvnden da ſwelh wip.da mit zierte ſinen lip.het der gein ir gewenchet.ſo wâre in ir briſ verkrenchet.Etſlichiv waſ im doh ſo holt.ſi het ſinen dienſt wol gedolt.Jh wâne dvrh ſiniv frómdiv mal.Gramoflanz. Artvs. vndeparcifal.vnde der wirt gawan.Die viere giengen ſvnder dan.Den froͮwen wart beſcheiden.Jn ir phlege der riche heiden.Artvs warp eine hoh zit.Daz div deſ morgenſ ane ſtrit.vf dem velde ergienge.daz man da mit enphienge.ſinen neven feirefiz.Anden gewerp leget ivren fliz.vnde iwer beſte witze.Daz er mit vnſ beſitze.Obe der tavelrvnder.ſi lobtenz alle beſvnder.Si wrbenz wâre iz im niht leit.Do lobte in geſellcheit.Feirefiz der riche.Daz volch voͮr algeliche.Do man geſchancte an ſin gemach.gemach.: "ch." von einem Stück Papier verdeckt. Beweist, daß das Faks. gar nicht ab Original transkribiert hat, sondern wohl vom Faks.Mangeſ froͮde al da geſchah.Deſ morgenſ obe ih ſo ſprechen mac.do erſchein der ſvͦze ſvmer tach.Vtpandragvnſ ſun.Artvs ſprah man ſol ſvs toͮn.Er proͮvet choſtechliche.Ein tavelrvnder riche.vz einem dianthaſme.Jr habet wol gehôret ê.wie vf dem plimzoleſ plan.Ein tavelrvnder wart getan.Da wart diſiv nah geſniten.ſinewel mit ſolhen ſiten.ſi erzeigte rihlihiv dincſinewel nam drvmbe nam den rinch.vf ein toͮwch groͮne graſ.da wol ein poẏnder landeſ waſ.von ſedel ein tavelrvnder.Da enmitten ſtoͮnt beſvnder.Niht dvrh den nvtz er den namen.ſih mohte ein bóſe man wol ſchamen.Ob er da bi den werden ſaz.die ſpiſe ſin mvnt mit ſv̂nden az.Der rinch wart bi der ſchônen naht.wol gemezzen vnde vor bedaht.wol nah rihlihen zilen.eſ mohte einen arm man bevilen.Alſe man den rinch geziert vant.Do der mitter morgen wart bechant.Gramoflanz vndeGawan.von in div choſte wart getan.Artvs waſ deſ landeſ gaſt.ſinr choſte doh da niht gebraſt.ez iſt ſelten worden naht.wan ez der ſvnne iſt geſlaht.ſine bráhte ie den tach dar nah.Al daz ſelbe oͮch da geſchach.Er ſchein in ſoͮze lvter clar.Da ſtreich manc riter wol ſin har.dar vf bloͮmen tſchapel.Manch vngevelſchet froͮwen vel.Man da bi rotem mv̂nde ſah.Obe kẏot die warheit ſprah.riter vnde froͮwen troͮgen gwant.Niht geſniten in einem lant.Froͮwen gebende nider hoch.Alſ ez nah ir lant wiſe zoch.Ez waſ ein wit geſament diet.dvr daz ir ſite ſih vnder ſchiet.ſwelch froͮwe waſ ſvnder Amiſ.Div getorſte niht deheine wiſ.vber tavelrvnder chomen.het ſi dienſt nah ir lone genomen.vnde gap ir loneſ ſicherheit.An tavelrvnder ſi reit.die andern moͮſenz lazen.Jn ir herberge ſi ſazen.Do Artus Meſſe het vernomen.Man ſah Gramoflanze chomen.vnde den herzogen von gowerzin.vndefloranden den geſellen ſin.Die zwene gerten ſvnder.phliht v̂ber Tavelrvnder.Artvs werte ſi deſ ſan.frage ivch wip olde manwer troͮge die richeſten hant.Der ie von deheinem lant.vber tavelrvnder geſaz.Jrne mv̂getſ in niht beſcheiden baz.Ez waſ feirefizanſchevin.Da mit lat die rede ſin.ſi zogten gein dem ringe.Mit werdchlihem dinge.Etſlich froͮwe wart gehvrt.wâre ir pharde niht wol gegvrt.ſi wâre gevallen ſchiere.Manc riche baniere.ſah man zallen ſiten chomen.da wart der bvhvrt wit genomen.Alvmbe der tavelrvnder rinch.Ez waren hofſchlihiv dinc.daz ir deheiner anden rinc reit.Daz velt waſ vzzer halp ſo breit.ſi mohten div orſ erſprengen.vnde ſih mit hoͮrte mengen.vnde iedoh mit chvnſt alſo.deſ div wip zeſehene waren fro.ſi chomen oh da ſi ſazen.Alda die werden azen.Chameráre trvhſázen ſchenchen.Moͮſen daz bedenchen.wie manz mit zv́hten vur troͮch.Jh wâne man gap in da gnoͮch.Etſlich froͮwe het bris.div da ſaz bi ir Amiſ.Mangiv dvrh gerndeſ herzen rat.gedient wart mit hoher tat.Feirefiz vndeparcifal.Mit proͮven heten ſoͮze wal.Jene froͮwen vnde diſe.Man ſah vf aker vnde vf wiſe.Lieht vel noh roten mvnt.ſo mangen nie ze deheiner ſtvnt.Alſ man andem ringe vant.Deſ wart dem heiden froͮde erchant.wol der chv̂nftclichen ſage.gert ſit ir ſoͮzen ſvmer tage.Alſ von ir mvnde wart vernomen.Man ſah eine ivnchfroͮwen chomen.Jn chleidern tivre wͦl geſniten.Chóſtbâre nah franzoẏſer ſiten.Jr chappe ein richer ſamit.Noh ſwarzer danne timit.Arabenſch golt gap drv̂fe ſchin.wol geworht manc tv̂rteltv̂belin.Nah dem inſigel deſ gralſ.ſi wart deſ ſelben malſ.vil geſchoͮwet dvrh wnderſ ger.Nv lat ſi heiſtiern her.Jr gebende waſ hoh vnde blanc.Mit mangem dichen vmbehanch.waſ ir antlv̂tze bedecht.vnde niht zeſehene enblecht.Senftchlih vnde doh envollen zelt.chom ſi geriten vber velt.Jr zoͮm ir ſatel ir rv̂nzit.waſ rich vnde tivre an allen ſtrit.Man lie ſi anden ziten.Anden rinch riten.Div wiſe niht div tvmbe.reit den rinch alvmbe.Man zeigte ir da Artuſ ſaz.gein dem ſi groͮzeſ niht vergaz.Jn franzoẏſ waſ ir ſprache.ſi warte daz ein rache.vf ſi verchoren wáre.vnde daz man horte ir mâre.Den kv̂nc vnde die kv̂ngin.bat ſi helfe vnde an ir rede ſin.Si cherte von in alze hant.da ſi parcifalen vant.bi Artuſe nahen.Si begvnde ir ſprv́ngeſ gahen.von ir pheride vffez graſ.ſi viel mit zv̂ht div an ir waſ.parcifal an ſinen foͮz.ſi warp alweinde ſinen groͮz.Daz er zorn gein ir verlvr.vnde alle wiſ vf ſi verchv̂r.Artvs vndefeirefiz.Anden gewerp legten ſi ir fliz.parcifal troͮc gein ir haz.dvrh frivnde bet er deſ vergaz.Mit triwen ane vare.Div werde niht div clare.ſnelliche wider vf ſpranch.ſi neic in vnde ſagte in danch.Die ir nah grozer ſchvlde.geholfen heten hvlde.Si want mit ir hende.Abe ir hoͮbt daz gebende.ez wâre bezel oder ſnv̂rrinch.Daz warf ſi von ir inden rinch.kvndrie laſv̂rziere.wart do bechennet ſchiere.von deſ gralſ wapen daz ſi troͮch.Daz wart beſchoͮwet do gnoͮch.ſi foͮrte oh noh den ſelben lip.den ſo manc man vnde wip.ſah zem blimzol chomen.Jr habet ir antlv̂tze wol vernomen.Jriv oͮgen ſtoͮnden dannoh da.gel alſ ein topazia.Jr zen lanch. ir mvnt gap ſchin.Alſ ein viol weitin.wan daz ſi troͮch gein priſe moͮt.ſi voͮrte annot den tivren hoͮt.vf dem blimzoleſ plan.div ſvnne het ir niht getan.div nemoht ir vel dvrh dez har.Niht verſelwen mit ir blicheſ var.Si ſtoͮnt mit zv̂hten vnde ſprah.deſ man vur hohiv mâre iach.An der ſelben ſtvnde.ir rede ſi ſvs begvnde.Owol dir Gahmv̂reteſ ſvn.got wil gnade andir nv toͮn.Jh meine den herzeloẏde bar.firefiz der vech gevar.ſol mir willechomen ſin.dvrh ſecvndillen die froͮwen min.vnde dvrh manige hohe werdcheit.Die von chindeſ ivgent ſin priſ erſtreit.ze parcifal ſprah ſi do.Nv wiſ chv̂ſche vnde da bi fro.wol dih deſ hóheſten teileſ.div chrone mennſchen heileſ.Daz epitafivm iſt geleſen.dv ſolt deſ graleſ herre weſen.koͮndwiramvrſ daz wip din.vnde din ſvn loherangrin.ſint beidiv mit dir dar benant.Do dv rvndeſt brivbarz daz lant.zwene ſv̂ne ſi lebende do troͮch.kardiez gwinnet oh dort gnoͮch.wâre dir niht me ſælden chvnt.wan daz din warhafter mvnt.den werden vnde den ſoͮzen.Mit rede nv ſol groͮzen.Den kvnc Anfortaſ nv nert.dineſ mvndeſ vrage div im wert.ſv̂ftebâren iamer groz.wa wart an ſælden ie din genoz.Siben ſterne ſi do nande.heidenſch die namen bechande.der riche werdefeirafiz.Der vor ir ſaz ſwarz vnde wiz.ſi ſprah nv proͮve parcifal.Der hôhiſten planeten zal.vnde der ſnelle Almvſteri.Almv̂ret vnde liehte ſamſi.die erzeigten ſâlcheit andir.Der vierde heizet gôfir.ſo heizt vunfte Alchvmer.vnde vnſ nâheſt Alchater.Jh en ſprichez niht introͮme.Die ſint deſ firmamentes zoͮme.die enthaltent ſine ſnelheit.Jr chriec gein ſinem lv̂fte ie ſtreit.ſorge iſt din halp nv weiſe.ſwaz der planeten reiſe.vmbe loͮfet vnde ir ſchin bedechet.deſ ſint dir zil geſtechet.ze reichen vnde zerwerben.din riwe moͮz verderben.wan vngenvht aleine.der engit dir niht gemeine.Der gral vnde deſ gralſ chraft.verbietent valſliche geſelleſchaft.dv het ivnge ſorge erzogen.die hat chv̂nchlih froͮde andir betrogēn.Dv haſt der ſælden roͮwe erſtriten.vnde deſ libeſ froͮde in not erliten.Parcival ir mâre niht verdroz.vor liebe vz ſinen oͮgen floz.wazzer herzen vrſprinch.do ſprah er froͮwe ſolh dinch.Alſ ir hie habet gennet.bin ih vor got erchennet.ſo daz min ſv̂ndehafter lip.han ih kint vnde dar zoͮ wip.ſv̂len die deſ mit mir phlihte han.ſo hat got wol ze mir getan.ſwa mit ir mih ergetzen meget.da mit ir iwer triwe reget.Jedoh het ih niht miſſetan.Jr het mih zorneſ etſwenne erlan.Nvne waſ dannoh niht min heil.Nv gebet ir mir ſo hohen teil.Da von min trvren ende hat.die warheit ſeit mir iwer wat.Do ih ze mvntſalfatſche waſ.bi dem trvrigen Anfortaſ.Swaz ſchilt ih do da hangen vant.die waren gemal alſ iwer gwant.vil tv̂rteltuben traget ir hie.Nv ſaget mir wenne ode wie.ſol ih gein minēn froͮden varn.vnde lat mih daz niht lenger ſparn.Do ſprah ſi lieber herre min.Ein man ſol din geleitte ſin.gote vnde geleiteſ warte ane mih.dvne darft niht mere ſvmen dich.Vber al daz her wart vernomen.kvͦndrie wâre chomen.vnde waz ir mâre meinde.Orgillv̂ſe vor liebe weinde.daz div frage von parcifale.die Anfortaſ qvale.ſolde machen wendech.Artuſ der briſeſ genendech.ze kvndrien mit zv̂hten ſprah.Froͮwe nv ritet an iwer gemach.lat iwer phlegen leret ſelbe wie.ſi ſprah iſt Arnive hie . Swelch gemah mir div git.deſ wil ich leben diſe zit.vnze daz min herre hinnen vert.Iſt gevanchnvͦſſe erwert.ſo erloͮbet daz ih moͮze ſchoͮwen.ſi vnde ander froͮwen.den clinſor teilte ſinen var.Mit vanchnv̂ſſe manc iar.zwene riter hoͮbenſe vffez phert.zoͮ Arniven reit div maget wert.Nv waſ oͮh zit daz man da gaz. xparcifal bi ſinem broͮder ſaz.den bat er geſellcheit.feirefiz waſ im bereit.Anden ſelben ziten.gein mvntſalfatſche riten.ſi ſtoͮnden vf vber al den rinch.feirafiz warp hohiv dinch.Er fragte den kvnc Gramoflanz.Op div ſoͮne wâre ganz.zwiſchen im vnde der nifteln ſin.Daz er daz tâte an im ſchin.helft ir vndegawan.ſwaz wir kv̂nge ode fv̂rſten han.britvn vnde ander fv̂rſten gar.daz der deheiner hinnen var.ê ſi min chleinode erſehen.Mir wâre ein laſter dran geſchehen.ſchiede ih vor gabe hinnen fri.ſwaz hie varndeſ volcheſ ſi.Die warenwarten alle gabe an mih.Artvſ nv wil ih biten dih.daz den hohen niht verſmahen.Minſ gewerbedeſ gabe.vnde wiſ deſ laſterſ vur ſi phant.ſine erchanten nie ſo rihiv lant.vnde gip mir boten in mine habe.da der preſent ſol chomen abe.do enbvten ſi dem heiden.ſine wolden ſih niht ſcheiden.von dem velde inner vier tagen.der heiden wart fro hort ih ſagen.Artvs im wiſe boten gap.die er ſolde ſenden indaz hap.Do nam Gahmvreteſ chint.Tinten vnde bermint.Siner ſchrift warzeichen niht verdarp.Ih wâne ie brief ſo vil erwarp.Die boten foͮren mit ende dan.parcifal ſin rede alſvs hoͮp an.Mit zv̂hten er zin allen ſprah.Alſe trevrizzent dort vorne iah.Daz den gral zenheinen ziten.Niemen môhte erſtriten.wan der von got iſt dar benant.Daz máre chom v̂ber elliv lant.Dehein ſtrit mohte in erwerben.vil lv̂te lie do verderben.Nah dem grale gewerbideſ liſt.da von er noh verborgen iſt.parcifal vndefeirefiz.div wip da lerte iamerſ fliz.ſi heten vngerne vermiten.Jndiv vier ſtvche deſ herſ ſi riten.Si namen vrloͮp ze alder diet.Jetweder dan mit froͮden ſchiet.gewapent wol gein ſtriteſ wer.Anme vierden tage vz deſ heidenſ her.wart ze tſchofflanze braht.Daz nie grozer gabe wart erdaht.SwelcSwelch kv̂nc da ſiner gabe enphant.daz half imir mere daz lant.JeſlichJeſlichem man nah maze ſin.wart nie grozer gabe ſchin.Den froͮwen riche preſente.von triend vnde von Novriente.Jch neweiz wie daz hêr ſih ſchiede hie.kvndrie vnde die zwene hin riten ſie.ANfortas vnde die ſine.von iamer dolten pine.Jr triwe liez in in der not.vil diche er warp datze in den tot.daz wâre oh ſchiere an in geſchehen.wan daz ſin diche liezen ſehen.Den gral vnde deſ gralſ chraft.Er ſprah ze ſiner riterſchaft.Jh weiz wol phlâget ir triwe.ſo erbarmet ivh min riwe.wie lange ſol ditze ane mir wern.welt ir iv ſelben rehtſ gern.ſo moͮzt ir gelten mih vor got.Jh ſtoͮnt ie gerne ze ivrem gebot.ſit ih von erſte wapen troͮch.Ih han engolten deſ gnoͮch.Op mir ie vnbriſ geſchah.vnde op daz iwer deheiner ſah.Sit ir von vntriwen bewart.ſo lôſet mih dvrh deſ himelſ art.Vnde dvrh deſ himelſ orden.Jr ſit wol innen worden.Ob ez iv niht verſmahete.Daz ih div bede brahte.vnferzaget vf riterlihiv werch.Jh han tal vnde berch.Mit maniger tẏoſt vber zilt.vnde mit dem ſwerte alſo geſpilt.daz eſ die vinde an mir verdroz.ſwie chleine ih deſ gein iv genoz.ich froͮden ellende.zem vrteillichen ende.bechlage ih eine ivch alle.ſo nahet iz iwern valle.Jrn lat mih von iv ſcheiden.Min kvmber ſolde iv leiden.Jr habet geſehen vnde wol vernomen.wie mir ditze vngelv̂ke iſt chomen.waz toͮch ich iv zeherren nv.Ez iſt iv leider alze froͮ.wirt iwer ſele an mir verlorn.waz ſiteſ habet iv erchorn.ſi hieten trvrenſ in erloſt.wan daz der troſtliche troſt.Den trevrezzent dort vorne ê ſprah.Alſ er andem grale geſcriben ſah.ſi warten ander ſtvnt deſ man.dem al ſin froͮde da entran.Der helflichen ſtvnde.der frage von ſinem mvnde.Der kv̂nc ſih diche deſ bewac.daz er blinzender oͮgen phlach.Etſwenne gein vier tagen.ſo wart er zoͮ dem grale getragen.ez wâre im lieb ode leit.ſo twanch in div ſicherheit.Daz er div oͮgen vf ſwanch.ſo moͮſer vnder ſinen danch.leben vnde niht erſterben.ſvſ chvndenſ mit im werben.vnze anden tach daz parcifal.vndefeirafiz der veh gemal.Mit froͮde vf mvntſchalftſche riten.Nv het div wile deſ erbiten.Daz marſIvpiter.waren chomen wider hêr.Alzornc mit ir loͮfte.do waſ er der verchoͮfte.Dar ſi ſih von ſprvnge hoͮben ê.daz tet an ſinen wnden we.Anfortaſ der alſo qval.Magede vnde riter horten ſchal.von ſinem geſchrei diche.vnde die iâmerlichen bliche.Tet er in mit den oͮgen chvnt.Er waſ vnhelflihen wnt.ſine mohten im gehelfen niht.Iedoh div Aventv̂re giht.Jm chom div ware helfe nv.ſi grifen herzen iamerſ zoͮ.ſwenne im div ſcharphe ſv̂re not.Ditze ſtrenge vngemah gebot.ſo wart der lv̂ft geſoͮzet.Der wnden ſmach geboͮzet.vor im vf dem tepch lach.pigmente vndeaberac.Mv̂ſſel vnde Aromata.dvrh ſoͮzen lvft lach oͮch da.Triachel vndeAmber tîvr.der ſmach waſ gehîvre.Wwa man vf dem tenne trat.kardemoͮme ierofel mvſcat.lach gebrochen vnder ir foͮzen.dvrh den lvft ſoͮzzen.So daz mit tretene wart zebert.ſo waſ da ſv́r ſmach erwert.ſin vivr waſ lingaloe.daz han ich iv geſaget ê.Anme ſpanbette die ſtollen ſin.waren vipper hv̂rnin.Dvrh roͮwen wrtz gelv̂ppe.von wrzen manc ſtvppe.waſ vf den gvlter geſæt.geſtepet vnde niht genæt.waſ da er vfe lente.phelle von novriente.palmat waſ ſin matraz.Sin ſpanbette waſ noh baz.gehert mit edeln ſteinen.vnde mit anderſ neheinen.daz ſpanbette zoh zein ander.ſtrange von ſalamander.daz waren vnder im div rih ſeil.Er het an froͮden chranchen teil.Er waſ riche an allen ſiten.Niemen darf deſ ſtriten.Daz er bezzerz ie geſáhe.ez waſ tivre vnde wáhe.von der edeln ſteine geſlæhte.die hort ich nennen rehte.Karfvnchel vndeſileniteſ.gelidomuſgagatromes.Onichel vndegalcidon.galcidon.: Der an das n anschließende "Buchstabenrest" ist wohl ein Ausläufer.gozaliſ vndebeſtion.Vnio vn̄deoptalleſ.geravnſ vn̄deepiſtiteſ.Ierachitis vndeeliotropia.praſm vndeſadda.Emathiteſ vndedioniſia.Achateſ vndegelidon.ſardoniſ vndegazcofon.gorniol vndeIaſpis.Echiteſ vndeIris.gagateſ vndeligurivs.Abeſto vndegegolitvs.galactida. vndeIacinctvs.Orites vndeEnidrvs.Abſiſt vndeAlabanda.Chriſoliter vndehiennia.ſmaragede. vndeMangneſ.ſaphir vndepirrites.Oh ſtoͮnt her vnde da.Tvrkoiſ vndelimpparea.Chriſolt vnderubine.paleiſe vndeſardine.Adomaſ vndeChriſopraſſis.Melochiteſ. vndediadochis.peaniteſ vndeMedvs.perillvſ vndetopazius.Etſlicher lerte hohen moͮt.ze ſælde vnde ze erzenie goͮt.waſ da mangneſ ſteinſ ſvnder art.vil chrefte man an in innen wart.der ſi verſoͮchen chvnde mit liſten.da mit ſi moͮſen vriſten.Anfortaſen der ir herze troͮch.ſinem volche er iamerſ gap gnoͮch.Doh wirt nv froͮde an in vernomen.Jnterre demvntſalfatſche iſt nv chomen.von tſchoflanze geſtrichen.dem ſin ſorge waſ entwichen.parcifal ſin broͮder vnde ein maget.Mir iſt oh niht vur war geſaget.wie verre da enzwiſchen wâre.ſi erfoͮren nv ſtriteſ máre.wan kvndrie ir geleite.ſchiet ſi von arbeite.ſi riten gein einer warte.do gahte gein in harte.Manch wol geriten templeiſ.gewapent die waren ſo kv̂rteiſ.Anme geleitte ſi wol ſahen.daz in in froͮde wolde nahen.der ſelbe rotte meiſter ſprah.do er vil tvrteltuben ſah.gleſten abe kvndrien wat.vnſer ſorge ein ende hat.Mit deſ gralſ inſigel hie.Chvmt vnſ deſ wir gerten ie.Sit vnſ der iamerſ ſtric beſloz.habet vf vnſ nahet froͮde groz.feirafiz. anſchevinMante parcifalen den broͮder ſin.An der ſelben zite.vnde gahte oͮh gein dem ſtrite.gvndrie in mit dem zorne viench.daz ſiner tioſte niht ergiench.Do ſprah div maget rvh gemal.baldee zir herren parcifal.ſchilt vnde baniere.Moht ir erkennen ſchiere.hiene habt niht wan deſ gralſ ſchar.die ſint vil dienſthaft iv gar.Do ſprah der werde heiden.ſo ſi der ſtrit geſcheiden.parcifalgvndrien bat.gein in riten vf den phat.div reit vnde ſeit in mâre.waz in froͮde chomen wâre.Anden ſelben ſtvnden.Manch helm wart abe gebvnden.Jr herren enphiengen ſi ze fvͦz.Ein ſegen dv̂hte ſi ſin groͮz.ſi enphiengen oh firafizzen.den ſwarzen vnde den wizzen.vf mvntſalfatſche wart do geriten.Alweinde vnde doh mit froͮden ſiten.da vunden ſi volcheſ vngezalt.Mangen ivnclichen riter alt.Edeliv kint vil ſariande.die troͮgen mahenande.Dirre kv̂nfte wol fro mohte ſin.feirafiz. anſchevinvndeparcifal ſi bede.vor dem palaſ ander grede.ſi wrden wol enphangen.Da lach nah ir gwonheit.ſinwel hvndert tepech breit.vf ieſlichem ein phvmit.vnde ein kv̂lter lanch von ſamit.foͮren die zwene mit witzen.ſi mohten wol geſitzen.vnze manz harnaſch von in ephienchenphiench.Ein chamerâre dar naher giench.der brahte in chleider riche.den zwein algeliche.ſi ſazzen ſwaz da riter waſ.Man troͮch von golde iz enwaſ niht glaſ.fv̂r ſi mange tivre ſchal.feirafiz vndeparcifal.Trvnchen vnde giengen dan.ze Anfortaſ dem trvrigen man.Jr habt wol gehort daz.daz er lente vnde niht enſaz.vnde wie ſin bette gehert waſ.die zwene enphienc do AnfortaFrôlihe vnde doh mit iameriamerſ ſitēn.Er ſprah ich han vnſanfte erbiten.wirde ih imer von iv frô.Jr ſchiedet nv ivngeſt von mir ſo.phleget ir helfliher triwe.Man ſiht ivh drvmbe in riͮwe.wrde ie briſ von iv geſaget.hie ſi riter oder maget.ſo werbet mir datze in den tot.vnde lat ſih enden mine not.Sit ir genant parcifal.ſo wert min ſehen anden gral.ſiben naht vnde aht tage.da mit iſt wendch al min chlage.Jh engetar ivch vurbaz warnēn niht.wol ivch op man iv helfe giht.Jwer geſelle iſt hie ein frómder man.ſinſ ſtenſ ih im vor mir niht gan.Nv lat in varn an ſin gemah.Al weindeparcifal do ſprah.Nv zeiget mir wa der gral hie lige.Op div goteſ goͮte ane mir geſige.deſ wirt wol innen diſiv ſchar.ſin venie er viel deſ endeſ dar.driſtvnt zeren der trinitat.Er warf daz moͮſe werden rat.deſ trvrgen mannſ herze ſer.Do ſtoͮnt er vf vnde ſprah mer.Oheim waz wirret dir.Der dvrh Silveſtern einen ſtier.von tode lebende hiez hine gen.vndeLazarvm hiez vf ſten.Der ſelbe half daz Anfortas.wart geſvnt vnde wol genaſ.Er waſ vor vngemache vri.der glaſt chom ſinem velle bi.parzivalſ ſchóne waſ nv ein wint.Apſolondavideſ chint.vnde von Aſchalvnvergvlaht.vnde allen den ſchône waſ geſlaht.Olde deſ man Gahmv̂ret iach.do man in in zogen ſah.ze kanvoleiz ſo wnchlich.Jr deheineſ ſchône waſ der gelihdie Anfortaſ vz ſiecheit troͮch.Got noh chv̂nſte chan gnoͮch.da ergiench do dehein ander wal.wan die div ſchrift anme gral.het zeherren in benant.parcifal wart ſchiere erkant.ze kv̂nge vnde ze herren da.Jh wâne iemen ander ſwa.Fvnde zwene alſ riche man.Obe ih richeit proͮven chan.Alſ parcifal vndefeirafiz.Man bot in dienſtlichen fliz.dem wirte vnde ſinem gaſte.Jh neweiz wie mange raſte.koͮndwiramvrſ do waſ geriten.ze mvntſalvatſche mit froͮden ſiten.Si het die warheit vernomen.ſolch botſchaft waſ nah ir chom̄en.Daz wendc wâre ir chlagendiv not.der herzoge kiot.vnde anderſ manch werder man.heten ſi gevoͮret dan.ze terrd ſalvatſche inden walt.da mit der tioſte wart gevalt.ſegremorſ vnde da der ſne.Mit bloͮte ſih glichet ê.da ſoldeparcifal ſi holen.Die reiſe moht er gerne dolen.diſiv mâre ſeit im ein templeiſ.parcifal waſ ſo bedaht vnde kvrteiſ.Er nam ein teil deſ gralſ ſchar.vnde reit vur trevezzenden dar.deſ herze wart der mâre fro.Daz Anfortaſ dinch alſo.ſtoͮnt daz er der tẏoſt niht ſtarp.vnde im div frage roͮwe erwarp.Do ſprah er got vil toͮgen hat.wer geſaz ie an ſinen rat.Ode wer weiz ende ſiner kraft.Al die engel mit geſelleſchaft.bevundenz nimir anden ort.got iſt mennſch vn̄de ſinſ vater wort.got iſt vater vnde ſvn.ſin geiſt mach groze helfe toͮn.Trevrizent ze parcifal ſprah.grozer wnder ſelten ie geſchach.ſit ir abe erzv̂rnet hatdaz ſin endeloſ trinitat.Iwerſ willen werhaft worden iſt.Jh lvͦch dvrh ableitenſ liſt.von me grale wie iz vmb in ſtoͮnde.gebt mir wandel fv̂r die ſvnde.Ih ſol gehorſam iv nv ſin.ſweſter ſvn vnde der herre min.daz die vertribenen geiſte.Mit der gotſ volleiſte.bi dem grale wâren.Chomen mir ze mâren.vnze daz ſi hvlde da gebiten.got iſt ſtâte mit ſólhen ſiten.Er ſtrit imer an ſie.die ich nv ze hvlden nande hie.ſwer ſinſ lonſ iht wil tragen.Der moͮz den ſelben wider ſagen.Ewichlih ſi ſint verlorn.Die flvſt ſi ſelbe hant erchorn.Mih moͮt et iwer arbeit.ez waſ ie vngewonheit.daz den gral ze deheinen ziten.Jemen mohte erſtriten.Jh het ivh gerne der von genomen.Nv iſt ez anderſ vmbe ivch chomen.ſih hat gehóhet iwer gwin.Nv chert an diemoͮt iwern ſin.Parcival ze ſinem óheim ſprah.Ih wil ſi ſehen die ih nie geſah.Jnner fv̂nf iaren.do wir bi ein ander wâren.ſi waſ mir lieb als iſe oͮh noh.dinen rat wil ih haben doh.Die wile vnſ ſcheidet niht der tot.dv riete mir ie in grozer not.Ih wil gein minem wibe chomen.der kvnft ih gein mir han vernom̄en.bidem blimzol an einer ſtat.vrloͮp er im do geben bat.Do bevalch in got der goͮte man.parcival die naht ſtreich dan.ſinen geſellen waſ der walt wͦl kvnt.Do iz tagte do vant er lieben vunt.Manc gezelt vf geſlagen.vz dem lande ze brivbarz hort ih ſagēn.waſ vil banier geſtechet.Manch ſchilt da bi getrechet.ſineſ landeſ vurſten lagen da.Parcival der fragte wa.div chv̂ngin ſelbe lâge.Op ſi ſvnder ringeſ pflâge.Man zeigte im al da ſi lach.vnde wol geherteſ ringeſ pflac.Mit gezelten vmbevangen.Nv waſ katelangen.der herzoge kiot deſ morgenſ frvͦ.vf geſtanden diſe riten zoͮ.Deſ tageſ blic waſ dannoh grâ.kiot iedoh erkande al da.Deſ gralſ wapen ander ſchar.ſi foͮrten tv̂rteltvben gar.do erſv̂fte ſin alter lip.wan ſcoẏſian ſin kv̂ſche wip.ze mvntſalvatſche im ſælde erwarp.Da von ſigvnen gebvrt erſtarp.kẏot gein parcivale gienc.Jn vnde die ſine er wol enphiench.Er ſande ein ivncherrelin.Nah dem marſchalche der kv̂ngin.vnde bat in ſchaffen goͮt gemah.ſwaz er da riter halden ſah.Er foͮrte in ſelben bi der hant.da er der kv̂ngin kamer vant.Ein chleine gezelt von bvchgram.dez harnaſch man gar von im nam.Div chv̂ngin deſ niht enweiz.loherangrin vndekardeiz.vant parcifal bi ir ligen.do moͮſe froͮde an im geſigen.Jn ein gezelt hoh vnde wit.her vnde da in alle ſit.Clare froͮwen lach gnoͮch.kẏot vffez dechlachen ſloͮch.Er bat die kvngin wachen.vnde froͮlihen lachen.ſi blichte vf vnde ſah ir man.ſine hete niht wanez hemde an.vmbe ſih ſiz dechlachen ſwanch.vf en tepech fv̂r dez bette ſpranch.koͮndwiramvrſ div lieht gemal.oͮh vmbe viench ſi parcifal.Man ſagte mir ſi kvſten ſih.ſi ſprah mir hat gelvcke dih.geſendet her zen froͮden min.ſi bat in willechomen ſin.Nv ſolde ih zv̂rnen ih ne mach.ſâlich ſi wilewille vnde tach.der mir braht diſen vmbevanch.da von min trvren wirdet chranch.Jh han nv deſ min herze gert.ſorge iſt min halp vngewert.Nv erwacheten oͮh div kindelin.kardeiz vndeloherangrin.div lagen vf dem bette albloz.parcivalen deſ niht verdroz.Erne chvſte ſi minnclihe.kiot der zv̂hte riche.bat die chnaben danne tragen.Er begvnde oh al den froͮwen ſagen.daz ſe vzzem gezelte giengen.ſi tatenz do ſi enphiengen.Jr herren von langer reiſe.kiot der kvrteiſe.bevalch der kv̂ngin ir man.Al die ivnchfroͮwen foͮrte er dan.dannoh waſ e*ez harte froͮ.Chamerare ſloͮgen zoͮ.Gezvchte im ie blvͦt vnde ſnê.geſelleſchaft an witzen ê.vf der ſelben owe erz ligen vant.Fûr ſólhen kvmber gap nv phant.koͮndwiramvrſ het er da.ſin lip enphie nie anderſwa.Minne helfe vur der minne not.Manc wert wip im doh minne botJh wâne er chvrtzwile phlac.vnze an den mitten morgenſ tac.daz her reit vber al ſchoͮwen dar.ſi namen der templeiſ war.die waren gezimiert.vnde zer hvrtiert.vnde ſchilt mit tioſte ſere dvrhritēndar zoͮ mit ſwerten oh verſnitēnIeſlicher troͮg ein kvrſit.von phelle oder von ſamit.yſerkolcen heten ſi dannoh an.dez ander harnaſch waſ von in getān.dane mach nimer geſlaffen ſin.der kvnch vnde div kvnigin.ſtoͮnden vf ein brieſter meſſe ſanc.vf den rinch hoͮp ſih groz gedranc.von dem ellenthaften her.die gen clamide waren zewer.do der bendiz wart getan.parzivalen enphiengēn ſine man.Mit triwen werdechliche.Manich ritr ellenſ riche.Man nam deſ gezltſ winden abe.Der kvnch ſprach wederz iſt der knabeknabe: "e" aus Platzmangel kleiner oberhalb des Wortes geschrieben.der kvnch ſol ſin vber iwe*iwer lāntden fvrſten tet er da bechant.vvaleiſ vndeNvrgalſ.kanvoleiz vndekinkrivalſ.der ſebeſelbe ſol von rehte han.Anſchoͮwe vndebealzenan.Chvm er iemer in manneſ chraft.dar leiſt ih im geſelleſchaft.gahmvret min fater hiez.der mirz mit rehtem erbe liez.Mit ſalde ich gerbet han den gral.Nv enphahet ir an diſen mal.Iwer lehen vom chinde.Obe ih an iv triwe vinde.Mit goͮtem willen daz geſchach.vil vanen man dar foͮren ſach.da lihen zwo chleine hende.vviter lande mang ende.gechront wart do kardeiz.der betwanch oh ſider kanvoleizvnde vil deſ gahmvreteſ waſ.bi dem blimzol vf daz graſ.vvart geſidel vnde witer rinch genomenda ſi zem brote ſolden chomen.ſnellich da enbizen wart.Er chert an die heim vartdiv gezelt nam man elliv nider.Mit dem ivngēn kvnge ſi chertēn wider.Manich ivnchfroͮwe vnde ir ander dietſich von der kvneginne ſchiet.ſo daz ſi tatēn klage ſchin.do nam loherangrin.vnde ſin moͮter wolgetan.die templeiſ vnde riten dan.gen mvntſalvatſche balde.zeiner zit vf diſem waldee.ſprach parzival da ſah ich ſten.Ene chloſen da dvrch balde gen.Enen ſnellen brvnnen chlare.Obe ir ſi wizent ſo wiſet mih dar.von ſinem geſellen wart im geſaget.ſi weſſen ein da wont ein maget.al chlagende vf ir frivndeſ ſarch.Ir hertze iſt rehter goͮte ein arch.vnſer ſtraze get da nahen bi.Man vindet ſi ſelten iamerſ vri.der kvnch ſprah wir ſvlen ſi ſehen.deſ wart ein volge an in ver iehen.ſi riten deſ endeſ drate.vnde fvnden deſ abendeſ ſpate.ſigvnen an ir venie tot.deſ chom div kvnginne in not.ſi brachen zoͮ zir dar in.parzival dvrch die niftelen ſin.hiez vf wegen deſ ſarcheſ ſtein.dar vz der tote riter ſchein.vnerfvlt ſchone palſem var.Man leit ſi nahen zoͮ zim dar.Div im magtoͮmliche minne gap.die wil ſi lebet. mān ſloͮch zoͮ daz crap.kvndewiramvrſ begvnde chlagen.Ir vetteren tohter hort ih ſagen.daz ſi waſ froͮden ane.vvande ſi ſchoyſiane.der toten meide moͮter zoch.chint weſende darvnbe ſi froͮde floch.div parzivalſ moͮme waſ.Op der provenzal die warheit laſ.der herzoge kiot.vveſſe wench vmbe ſiner tohter tot.deſ kvnigeſ kardeizeſ maget zoge.ditze mare iſt niht ſo der boge.iz iſt war vnde ſleht.der reiſe taten ſi do reht.die naht ſi gein mvntſchaluatſch. ritēnmit froͮden het er da erbiten.firaviz. die ſtvnde.vil cherzen man enzvnde.alſ obe brvnne gar der walt.Ein templeiſ der patrigalt.gewapent bi der kvnginne reit.der hof waſ wit vnde breit.da ſtoͮnd vf manich ſvnder ſchar.die enphiengen die kvngin gar.den wirt vnde den ſvn ſin.do troͮch man loherangrin.gein ſinem vettren firaviz.do der waſ ſwarz vnde wiz.der chnabe ſin wolde chvſſen niht.werden chinden man noh forhte gihet.deſ lacht der heiden.do begvnden ſi ſich ſcheiden.vf dem hof da div kvnginne.er beizt waſ vnde giengen in.An ir mit werder chvnft al darMan foͮrt ſi da werdiv ſchar.von manger chlaren froͮwen waſ.veirafiz vndeanfortaſ.Mit zvhten ſtoͮnden bede.bi den froͮwen an der grede.vrrenpanſe. de ſcoyte.fon groͮnlandenkarziloyde.florindevndeionel.clariv oͮgen vnde lietiv ve*vel.die troͮgen magtlichen priſ.da ſtoͮnd oͮch ſwanchel alſ ein riſ.der ſchon vnde goͮte niht gebarch.vnde der man im zetohter iach.von rileſcerniſe.div maget hiez amfliſe.von tenbroͮch iſt mir geſaget.ſtoͮnt da clariſſanze eīn ſoͮziv magetAn ir ſchone gar vnverchrenchet.Alſ ein ameizze gelenchet.feiraviz gen der wirtinne trat.div kvneginne ſih den chvſſen bat.ſi chvſt och anfortaſen do.vnde waſ ſiner vrloſvnge fro.Feirafiz. ſi foͮrt mit der hant.da ſi deſ wirteſ moͮmen fant.vrrepanſede ſcoyen ſten.vil chvſſenſ moͮſe da ergen.dar zoͮ ir mvnt waſ ſo rot.der leit von chvſſen nv die not.daz iz mih moͮt vnde iſt mir leit.daz ih niht han die arbeitfvr ſi wan ſi chom moͮdiv zin.ivnchfroͮwen foͮrten ir froͮwen.die riter vf den palaſ.beliben der wol geziereit waſ.die cherzēn harte liecht brvnnen.liecht: Sowohl Lachmann, als auch das Faks. lesen "lieht". Am Bildschirm wie auch am Original erkennt man aber, daß noch ein "c" eingeschoben ist.da wart. mit zvhten begvnnen.bereitſchaft de geinm gral.den troͮch man zallem male.der diet niht dvrch ſchoͮwen fvr.nivn dvrch hochzite chvr.dvrch *azdaz ſi troſteſ wanden.do ſi ſich froͮden anden.deſ abendeſ vmbe daz ploͮte ſper.da wart der gral dvrch helfe gerfvr getragen an der ſelben zit.parzival ſi lie in roͮwen ſit.Mit froͮde er wart nv fvr getragēnIr riwe iſt vnder gar geſlagen.do div chvnginne ir reiſe gewāntabe gezoch vnde ir gebant.ſi chom alſ iz ir wol gezam.feirafiz in einer tvr ſi nam.Nv ditze waſ et an ſtrit.daz hort ode ſprach ze dheinr zitIemen von ſchon*ſchonrem wibe.ſi het oͮch an ir libe.Einen phelle den ein chvnſtec hānt.vvorhte alſ in ſarant.Mit grozen liſten endaht e.In der ſtat zetaſme.feiravizanſchoͮwin.ſi braht div gap liehten ſchin.En mitten dvrch den palaſ.driv groziv fiwer gemachet wawaslingalwe deſ fiwerſ ſmach.vierzich tepch vnde me da lach.danne zeinēn ziten do parzival.Och da fvr ſach tragen den gral.Ein geſitze for vz gehert waſ.da feiraviz vndeanfortaſ.bi dem wirte ſolden ſitzen.do warp mit zvhte witzen.ſwer da dien wolde.ſo der gral chomen ſolde.Ir habet gehort deſ genoͮc.wie mangen wiſ anfortaſēn troͮc.dem ſiht man nv geliche toͮn.fvr deſ werden gahmoͮretſ ſvn.vnde och fvr tampvteirſ ſvn.Ivnchfroͮwen nv niht lenger ſīnt.Ordenlich die chomen vber al.fvnf vnde zweinzic an der zal.der erſten blic den heiden gar.dvhte lieht vnde redeloht ir har.Die anderen ſchoner aber dar nachdie er do ſchierſt chomen ſach.vnde ir aller cleider tiwer.ſoͮzze minnchlich gehiwer.waſ al der meide antlvtze gar.nah in allen chom div lieht gevar.vrrepanſe deſcoye ein maget.ſi liez der gral wart mir geſaget.die ſeben tragen eine.vnde anderſ dheine.wan ir hertzen waſ vil chvſche biir vel waſ blcheſblicheſ flori.ſage ich deſ dienſteſ vrhap.wie vil chamerare da wazzer gap.waz man da tweheln vur ſi troͮch.Mer mer denne ih iv e gewoͮc.wie vngefoͮge den palaſ floch.waz man da karratſchen zoch.Mit tivren goltvazen.vnde wie die riter ſazen.daz wrde ein al zelangez ſpel.Ich wil der kvrze weſen ſnel.Mit zvht man vorem grale nam.ſpiſe wilde vnde zam.diſem met ienem win.Alſ iz ir ſit wolde ſin.Moraz. ſirophel. claret.ſilirayſ Gahmvret.Peilrapeire al anderſ vant.do ſi im erſt wart erchant.der heiden fraget mare.wa fon div goltvaz lare.vor der tavelen wrden fol.daz wnder im tet zeſehen wol.do ſprach der clare anfortaſ.der ze geſellen gegeben waſ.herre ſeht ir vor iv ligen den gral.do ſprach der heiden vech gemal.Ihen ſihe niht wan ein achmardi.daz troͮch min ivnchfroͮw v̄nſ bi.div dort mit chrone vor v̄nſ ſtet.Ir blich mir in daz herze get.Ich wande ſo ſtarch war min lip.daz weder maget ode wip.Mir froͮden chraft bename.Mirſ worden wider zame.Obe ih ie werde minne enphien̄xcvnzvht mir zvht vnder viench.daz ich iv chvnde min not.ſit ich iv dienſt nie gebot.waz hilfet al min richeit.vnde ſwaz ich ie dvrch wip ge*t.geſtreit.vnde op min hant iht vergebēnmoͮz ich alſvſ pinchlichēn lebēnMin chreftech got ivpiter.waz woldeſtv min zvnſenft her.Minnēn chraft mit froͮden chrench.frvmt im bleiche an ſiner blenche.kvndewiramvrſ div lieht erchant.vil nah nv ebenhvzze vant.an der claren meide velleſ blic.do ſloz ſich in ir minnen ſtrich.Feiraviz der werde gaſt.ſiner erſten frivntſchaft im gebraſt.Mit vergezzenlichen willen.waz half nv ſecvndillen.Ir lip ir lant tribalibot.Im foͮget ein maget ſo ſtrenge not.Clavdite vndeolimpia.ſecvndille vnde witen anderſwa.div wip im dienſteſ londen.vnde ſinſ priſeſ ſchonden.Gahmvretſ ſvn. von zazamanch.den dvht ir aller minne chranch.nv ſach der chlare anfortaſ.daz ſin geſelle in pine waſ.deſ planchen mal gar wrden bleich.ſo daz im hoher moͮt geſweich.do ſprach er herre div ſweſter mīnmir leidet.mir leidet. ob ivch div lert pin.den noch nie man dvrch ſi erleit.nie riter in ir dienſt geſtreit.do nam och niemen lon daz ir.ſi waſ in iamer groz bi mir.daz chrenchet och ir varwe ein teil.daz man ſi ſach ſo ſelten geil.Iwer broͮder iſt ir ſweſter ſvn.der mag iv da wol helfe toͮn.ſol div maget iwer ſweſter ſin.ſprach feirafiz. anſchvindiv chrone obe blozzem hare hat.ſo gebet mir vmbe ir minne rat.nach ir iſt al minſ hertzen ger.Obe ich ie priſ gewan mit ſper.wan war daz gar dvrch ſi geſchen.vnde wolde ſi danne ir lonſ gehen.fvnf ſtiche mac tvrnieren han.die ſint mit miner hant getan.einer iſt ze poͮneiz.zetrevierſ ich den anderen weiz.der dritte iſt zenrehter tioſt den goͮten.ich hvrtchlichen han geriten.vnde den zevolge niht vermiten.ſit der ſchilt *von erſt *wart min dach.hint iſt min erſt vngemach.Ich ſtach vor agremvnein.gein einem riter vivrin.wan mir kvrſit ſalamander.vnde aſpinde der anderIch war verbrvnnen vōn der tioſt.ſwa ich ie briſ geholt vf libeſ choſt.vvan hiet mich gendet dar.Iwer ſweſter wol gevar.ich war gen ſtrite noch ir bot.Ivpiter minnen got.wil ich iemmer hazzen tragen.ſine wenden mir mine groz chlag.Ir beider fater waſ frimvtel.glih ant lutze vnde gelichez vel.anfortaſ bi ſiner ſweſter troͮch.der heiden ſach an ſi genoͮch.vnde ab ditche wider an in.ſwie vil man her ode hin.ſpiſe troͮch ſin mvnt niht az.ezzen er doh gelih ſaz.anfortaſ ſprach zeparzival.herre iwer broͮder hat den gral.deſ ich wane noh niht geſehen.feiraviz begvnde dem wirte iehen.daz er den gral niht ſahe.daz dvhte al die riter ſpahe.die rede oh titvrel. vernam.der alt bette riſe lam.der ſprach iſt ez ein heidenſch man.ſon darf er deſ. niht willen han.daz ſin oͮge an deſ toͮffeſ chraft.beiagen die geſelle ſchaft.daz ſi den gral beſchoͮwen.da iſt hamit fvr gehwen.daz enbot er in den palaſ.parzival vndeanfortaſ. ze feirafiz do ſprach.daz er name war.weſ al daz volch lebet gar.da ware ein ieſlich heiden.mit ſehen von geſcheiden.ſi wrben daz er name den toͮf.vnde vnendeloſen gewinneſ choͮf.Obe ich dvrch ivch zetoͮf chvme.iſt mir der toͮf zeminnen frvm.ſprach der heiden Gahmvreteſ chint.ez waſ ie ennen her ein wint.ſwaz minne ſtrit ode minne twanc.div wil ſi chvrz ode lanch.do der ſchilt von erſt mih vber viencnie grozzer not ih ſit enphiench.dvrh zvht ih minne ſolde helen.nvne mag irz hertze niht verſtelēn.wen meinſtv ſprachparzival.et eine maget lieht gemal.Minſ geſellen ſweſter hie.wil dv mir helfen vnbe ſie.Ich toͮn ir richeit bechant.ſo daz ir dienent witiv lant.wil dv dich toͮffeſ lazzen weren.ſprach der wirt ſo mahtv ir mīnne gern.Ich mach doh nv wol dvzen dich.vnſer richeit nach gelichet ſich.Min halp vonſ gralſ chrefte.hilf mir geſelleſchefte.ſprac feiraviz. anſchevinbroͮder vmbe die moͮmen din.holt man den toͮf mit ſtrite.dar ſchaffe mich bezite.la mich dienen vnbe ir lon.Ich hort ie gern ſolhen don.da ſwert vf helm chlvngen.vnde von tioſten ſpriezzēn ſprvngēn.Der wirt deſ lacht ſere.vndeanfortaſ noch mere.Chanſtv ſv toͮffe enphahen.ſprach der wirt ih ſol ſi nahen.dvrch rehten toͮf in din gebot.Ivpiter dinen gotMoͮſtv dvrch ſi verlieſen.vndeſecvndillen verchieſen.Morgen froͮ gib ich dir rat.der foͮge an dinem gewerbe hatanfortaſ vor ſiecheit zit.ſinen priſ gemachet het ſo wit.Mit riterſchaft dvrch minne.an ſinſ hertzen ſinne.waſ goͮt vnde miltecheit.ſin hant och mangen priſ erſtreit.da ſazzen dem gral bi.der aller beſten riter dri.die do der ſchilde phlagen.wan ſi getorſten wagen.welt ir ſi hant da gaz genoͮch.mit zvhten man von in allēn troͮcTavlen tiſchlachen.Mit dienſtlichen ſachen.Nigen al div ivnchfroͮwelin.feirazfeiraviz. anſchevinſach ſi von im cheren.daz begvnde im trvren meren.ſinſ hertzen ſloz troͮch dan den gralvrloͮp gap in parzival.Swie div wi*wirtin ſelbe dan gienchvnde wie manz darnach an vienchdaz man ſin wol mit triwēn plach.der doch dvrch minne vnſanft lac.vnde wie al der templeiſ diet.mit ſenft vnſenft von in ſchiet.Daz wrde ein al zelangiv ſage.Jch wil iv chv̂nden von dem tage.do derſ morgenſ lieht erſchein.Parcifal wart deſ inein.vndeAnfortas der goͮte.Mit endehaftem moͮte.Si baten den von zazamanch.Chomen den div minne twanch.Jn den tempel vur den gral.Er gebot oͮch an dem ſelben mal.Den wiſen templeiſen dar.ſariande riter groziv ſchar.hie ſtoͮnt da giench der heiden in.der toͮfnaph waſ ein rv̂bin.von Iaſpeſ ein grede ſinwel.dar vffe er ſtoͮnt titvrel.het in mit choſte erzivget ſo.Parcifal ze ſinem broͮder do.ſprah wil dv die moͮmen min.haben al die gôte din.Moͮſtv dvrh ſi verſprechen.vnde imir gerne rechen.Den wider ſatz deſ hóhiſten gotſ.vnde mit triwen ſchonen ſinſ gebotſ.Swa mit ih mac die maget han.ſprah der heiden daz wirt getan.vnde mit triwen erzeiget.der toͮf naph wart geneiget.Ein lv̂tzel geinme grale.volliv wazzerſ andem male.weder ze warm noh ze chalt.da ſtoͮnt ein grawer prieſter alt.der vz heidenſchaft manc kindelin.Oh geſtozen het dar in.Der ſprah ir ſv̂lt gloͮben.Iwer ſele dem tievel roͮben.Anden hóhiſten got aleine.Deſ drivalt iſt gemeine.vnde al geliche gevrbort.got iſt mennſch vn̄de ſinſ vater wort.Sit er iſt vater vnde chint.die al geliche gehert ſint.eben her ſinem geiſte.mit der drier volleiſte.wert iv ditze wazzer heidenſchaft.Mit der trinitate chraft.Jn wazzer er ze toͮffe giench.Nah dem Adam antlv̂tze enphiench.von wazzer boͮme ſint geſaft.wazzer fivht al die geſchaft.der man vur creatv̂re giht.Mit dem wazzer man geſiht.wazzer git maniger ſele ſchin.daz die engel niht liehter. dorften ſin..x.Feirafiz zem brieſter ſprah.iſt ez mir goͮt vur vngemah.Ich gloͮbe ſwaz ir gebiet.Op mih ir minne miet.ſo leiſte ih gerne iwer gebot.broͮder hat din moͮme got.An den gloͮbe ich vnde an ſie.ſo groze not gwan ich nie.Alle mine góte ſin verchorn.ſecvndille habe oh verlorn.ſwaz ſi an mir ie gerte ſih.dvrh diner mvͦmen got heiz toͮfen mih.Man begvnde ſin chriſtenliche phlegen.Man ſprah obe im den toͮffeſ ſegen.Do der heiden toͮfe enphiencvnde div weſterlege ergienc.Der er chvme erbeite.der meide man in bereite.Man gap im frimvtelſ chint.An der gral er waſ ze ſehene blint.Ê der toͮf in het verdechet.ſit wart im vor enblechet.der gral mit geſihte.Nach der toͮfe geſchihte.An dem grale man geſcriben vant.ſwelhen templeiſ div goteſ hant.ze herren gap frómder diet.daz der fragen wider riet.ſinſ namen vnde ſinſ geſláhteſ.vnde daz er in hvlfe rehteſ.Wirt div frage da von in getan.ſone mv̂gen ſin niht lenger han.dvrh daz der ſoͮze Anfortaſ.ſo lange in ſvren pine waſ.vnde in div frage nv lange meit.In iſt imir me nv frage leit.Al die gralſ phliht geſellen.gein in fragenſ niene wellen.Der getoͮfte feirafiz.An ſinen ſwager leite fliz.Mit bete dan ze varne.vnde nimir niht ze ſparne.vor im al ſiner richen habe.do wiſte in mit zv̂hten abe.Anfortaſ von dem gewerbe.Jhne wil niht daz verderbe.gein got min dienſtliher moͮt.deſ gralſ chrone iſt ſo goͮt.Div hat mir hohvart verlorn.Nv han ih diemoͮt erchorn.richeit vnde wibe minne.ſih verret von minem ſinne.Jr foͮrt hinnen ein edel wip.div git ze dienſte iv chv̂ſchen lip.Mit rehten wiplichen ſiten.Min dienſt wirt hie niht vermiten.Jh ſol vil tioſte riten.Jnſ gralſ dienſte ſtriten.dvrh wip geſtrite ih nīmmir mer.Ein wip gap mir herze ſer.Doh iſt imir al min haz.gein wiben volliclichen laz.hoh manlich froͮde lit an in.ſwie chleine da wâre min gwin.Anfortaſen bat do ſere.dvrh ſiner ſweſter ere.Feirafiz der dannen vert.Mit verſagen er ſih deſ wert.Feirafiz. Anſchevinwarp do daz loherangrin.Mit im danne ſolde varn.ſin moͮter chvnde daz wol bewarn.Oh ſprah der kv̂nic parcifal.Min ſvn iſt geordent vf den gral.dar moͮz er dienſtlih herze tragen.Lat in got rehten ſin beiagen.Minne vnde kvrzwile phlach.parcifal vnze anden einliften tach.An dem zwelften ſchiet er dan.gein ſinem her der riche man.ſin wip wolde foͮren.deſ begvnde ein trvren roͮren.parcifaln dvrh triwe.diſiv rede in lerte riͮwe.Mit den ſinen er ſih beriet.daz er von ritern groze diet.Mit im ſande vur den walt.Anfortaſ der clare degen balt.Mit im dvrh geleitte reit.Manc maget da weinen niht v̉ermeit.Si begvnden machen niwe ſla.vz gein charchopra.dar enbot der ſvͦze Anfortaſ.dem der bvrch grave waſ.daz er wâre deſ gemant.ob er ie von ſiner hant.Enphienge gabe riche.daz er nv dienſtliche.ſine triwe an im briſte.vnde im ſinen ſwager wiſte.vnde ſin wip die ſweſter ſin.zem voreiſt lohpriſin.Jn die wilden habe wit.Nv waſ oh vrloͮbeſ zit.ſi ſolden doh niht vurbaz chomen.kvndiz wart genomen.ze dirre botſchefte dan.Vrloͮp zedem richen man.Namen alle die templeiſe.hin reit der kvͦrteiſe.der bvrcgrave do niht enliez.ſwaz in kvndrie leiſten hiez.Feirafiz der riche.wart do minniclihe.Mit grozer froͮde enphangen.Jn dorfte da niht erlangen.Man foͮrte in fv̂rbaz ſchiere.Mit manger kondwiere.Jhne weiz wie manc lant er do reit.vnze ze tſchoflanz vf den Anger breit.Lv̂te ein teil ſi fvnden.Anden ſelben ſtvnden.Feirafiz fragte mâre.war daz her chomen wâre.Etſlicher waſ in ſin lant.ſwar im div reiſe waſ bechant.Artvſ waſ gein ſchambilot.der von Tribalibot.Chvnde an den ſelben ziten.gein ſinem her wol riten.dadaz lach al trvrich inder habe.daz ir herre waſ geſcheiden drabe.Sin kvnft an manigem riter goͮt.brahte niwen hohen moͮt.der bvrcgrave chorchepra.vnde al die ſine wrden da.Mit richer gabe heim geſant.kvndrie da hohiv mâre vant.boten waren nah dem her chomen.ſecvndille het den tot genomen.vrrepanſe deſchoiê do.Alreſte ir verte mohte weſen frô.div gebar ſit in Indiam.Einen ſvn der hiez Iohan.prieſter Iohan man den hiez.Imir ſit man da die kv̂nige liez.Jndem namen beliben.Feirafiz hiez do ſchriben.ze India vber al daz lant.wie chriſten leben wâre erchant.daz ne waſ ê niht ſo kreftich da.wir heizzenz hie in India.dort heizt ez tribalibot.feirafiz bi kvndrien enbot.ſinem broͮder ze mvntſalvatſche wider.wiez im waſ ergangen ſider.daz ſecvndille verſcheiden waſ.deſ wart al trvrich Anfortas.ſwie ſin ſweſter ane ſtrit.wâre froͮwe vber manigiv lant ſo wit.Div rehten mâre iv chomen ſint.vmbe div fvnf frimvtelſ chint.waz div mit goͮte erwrben.vnde wie ir zwei erſtvrben.daz eine waſ tſchoẏſiane.div ſoͮze falſcheſ ane.div ander herzeloẏde hiez.div valſcheit vz ir herzen ſtiez.ſin ſwert vnde riterlichiz leben.hete Trevrizzent gegeben.An die wage in goteſ minne.Nah endeloſem gwinne.Der clare ſvͦze Anfortaſ.Manlih bi chv̂ſchen herzen waſ.Ordenliche er manige tioſte reit.dvrh den gral niht dvrh div wip erſtreit.loherangrin wͦhſ vaſt manlih ſtarch.div zageheit ſih an im barchdo er ſih riterſchaft verſan.Jnſ gralſ dienſte er briſ gwan.Welt ir nv hôren vur baz.ſit vber lanch ein froͮwe ſaz.von aller vntat bewart.Richeit vnde hoher Art.bede vf ſi geerbet waren.ſi chvnde alſo gebaren.daz ſi mit rehter chv̂ſche erwarp.Al werltlih gir an ir verdarp.werder lv̂te warb vmbe ſi gnoͮch.der etſlicher chrone troͮch.vnde manc fv̂rſte ir genoz.Jr diemoͮt waſ ſo groz.daz ſi ſih dran niht wande.vil graven in ir lande.begvnden ſi hazzen.Weſ ſi ſih wolde lazzen.daz ſe einen man niht nâme.der in ze herren záme.ſi het ſih gar an got verlan.ſwaz gein ir zorneſ wart getan.vnſchvlde manger hinze ir rach.Einen hof ſir landeſ herren ſprah.Manc bot vz verren landen foͮr.hinzir die man ſi gar verſwͦr.wan ſi deſ got bewiſte.deſ minne ſi gerne briſte.ſi waſ wrſtin in brabant.wrſtin: Das Faks. liest "vurſtin" (auf jeden Fall falsch, wenn dann "vvrſtin"), Lachmann "wrſtin". Lachm. dürfte recht haben.von mvntſalvatſche wart geſant.der den der ſwane brahte.vnde deſ ir got gedahte.Vze Antwerp er wart vz gezogen.ſi waſ an im vil vnbetrogen.Er chvnde wol gebaren.Man moͮſe in fv̂r den claren.vnde fv̂r den manlichen.haben in allen richen.ſwa man ſin kv̂nde ie gwan.hoffeſch mit zv̂hten ein wiſe man.getriv milte an ader ſtoz.waſ ſin lip miſſewende bloz.deſ landeſ froͮwe in wol enphiench.Nv hôrt wie ſin rede ergiench.daze riche vnde arme horten.Die da ſtoͮnden in allen orten.do ſprah er froͮwe herzogin.Jh ſol hie landeſ herre ſin.darvmbe laze ich alſ vil.Nv hôrt weſ ih biten wil.gefraget nimir wer ih ſi.ſo mag ich iv beliben bi.bin ih zoͮ iwer frage erborn.ſo habet ir minne an mir v̉erlorn.Sit ir niht vor gewarnet deſ.ſo warnet mih got er weiz wol weſſi ſatzete wibeſ ſicherheit.div ſit dvrh liebe wenchen leit.ſi wolde ze ſinem gebot ſten.vnde nīmmir vber gen.ſwaz er ſi leiſten hieze.ob ſi got bi ſinne lieze.Die naht ſin lip ir minne enphant.do wart er fv̂rſte in brabant.div hohzit rihlich ergiench.Manc herre von ſiner hende enphienc.groz lehen daz ſi ſolden han.goͮt rihtâre wart der ſelbe man.Er tet oͮh diche riterſchaft.daz er den briſ behielt mit kraft.ſi gewnnen enſament ſchóniv kint.vil lv̂te in brabant noh ſint.die wol wizzen von in beiden.Jr enphahen ſin von dan ſcheiden.daz in ir frage da vertreip.vnde wie lange er da beleip.Er ſchiet doh vngerne dan.do brahte im aber ſin frivnt der ſwan.Ein chleine gefoͮge ſeitiez.ſineſ chleinódeſ er da liez.Ein horn ein ſwert ein fingerlin.hin foͮr loherangrin.welle wir dem mâre rehte toͮn.ſo waſ ez parcifalſ ſvn.der foͮr ſit wazzer vnde wege.wider in deſ gralſ phlege.dvrh waz verloſ daz goͮte wip.werdeſ manneſ minnclihen lip.Er hete ſiſ gewarnet ê.do er vur ſi giench von dem ſe.hie ſol erech nv ſprechen.der kvnde mit rede ſi rechen.Obe von Troẏſ meiſter chriſtan.diſem máre hat vnreht getan.daz mach wol zv̂rnen kiot.der vnſ div mâre rehte enbot.Ende hafet giht der provenzal.wie herzeloẏde chint den gral.geerbet alſe im geordent waſ.Do in ferworhte Anfortas.von provenze in tv̂tſchiv lant.div rehten mâre vnſ ſint geſant.vnde dirre Aventv̂re ende zil.da von ih nimere ſprechen wil.Jh Wolfram von eſchenbach.wan alſ dort der meiſter ſprah.ſiniv chint ſin hoh geſlâhte.han ich iv gennet rehte.parcifalſ den ih han braht.dar ſin doh ſælde het erdaht.Sweſ leben ſih ſo verendet.daz got niht wirt gephendet.div ſele dvrh deſ libeſ ſchvlde.vnde er der werlde hvlde.gedienen chan mit werdecheit.daz iſt ein nv̂tziv arbeit.goͮtiv wip vnde hant die ſin.deſte werder ich in bin.Op mir deheiniv goͮteſ gan.ſit ich ditze mæ̂re vol ſprochen han.vnde iſt daz dvrh ein wip geſchehen.div moͮz mir ſoͮzzer mâre iehen.