Parzival Transkription des Textzeugen fr9 Wolfram von Eschenbach Parzival-Projekt Bern Parzival-Projekt Bern Bern 13.11.24 Parzival-Projekt fr9

Fr. 9 (h) 1. Gotha, Forschungsbibliothek der Universität Erfurt, Cod. Memb. I 130 2. Sondershausen, Schlossmuseum, Germ. lit. 2 (früher Arnstadt, Regierungsarchiv, ohne Signatur) Pergament – 1. 1 Doppelblatt, 2. 1 Doppelblatt – Format 1. 47 x 35 cm, 2. 47 x 35 cm (Schriftraum ca. 32–33 x 24,5 cm, die Maße des Liniennetzes differieren etwas), zwei Spalten zu 36 Zeilen, Verse abgesetzt – Anfang des 14. Jhs. – ostmitteldeutsch (thüringisch) – Abschnittsgliederung durch zweizeilige Fleuronnée-Initialen (Grundfarbe blau oder rot, Verzierungen in der Gegenfarbe, neben blau auch grün), gelegentlich unterblieb die Verzierung – die Anfangsbuchstaben der ungeraden Verse (überwiegend Majuskeln) sind ausgerückt, in eigener Kolumne und durch eine durchgehende rote Linie verbunden – Fassungszugehörigkeit: *D – vgl. zur Hs. auch die Angaben im Handschriftencensus.

"Gotha" "Forschungsbibliothek" "Memb. I 130" fr9A Leser Schreiber "Sonderhausen" "Schlossmuseum" "Germ. lit. 2" fr9B

Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.

"regp" verweist auf die Personennamen.

"rego" verweist auf die Ortsnamen.

"regs" verweist auf die sonstigen Bezeichnungen.

 Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Abschnitt 15.13-24.26 Abschnitt 48.27-50.02; 50.03-51.08; 51.14-53.26; 63.09-68.02 Transkribiert von YCh am 11.01.2010 ab Farbfotos (Studio). Die Anfangsbuchstaben werden allgemein als Majuskel transkribiert. An Richtlinien angepasst im Mai 2013 JKl Endredaktion ab Farb-Fotos (Studio) am 13.12.2016 von JKl, unl-Stellen nachbearb. am 20.12.2016. Autopsie Gotha 25.09.2017 durch SiLa. Korrekturen aus Autopsie eingearbeitet am 09.11.2017 durch SiLa. Endredaktion II abgeschlossen am 24.11.2017 durch SiLa. sek-Tags ergänzt am 5.9.2018 von MiGe. Quellen: 1. Franz Pfeiffer, Quellenmaterial zu altdeutschen Dichtungen II, in: Denkschriften der kaiserl. Akademie der Wissenschaften zu Wien, phil.-hist. Classe, Bd. 17 Erste Abtlg., Wien 1868, S. 33-122, hier S. 35 (Nr. 33), 79-82 (mit Abdruck der Gothaer Teile), 2. Otto Behaghel, Arnstädter Bruchstücke II. Bruchstück des Parzival, in: Germania 35 (1890), S. 388-390 (mit Teilkollation der Teile aus Sondershausen). Alle Anfangsbuchstaben jedes zweiten Verses in Fr9 sind am linken Rand der Spalte herausgestellt. Grundsätzlich wurde alle Anfangsbuchstaben jedes zweiten Verses in Fr9 mit einem durchgehenden Strich rubriziert. Diese Rubrizierungen werden in der Transkription nicht separat vermerkt. Turck ſterir Ampt waſſerourg Erſte friſt letare 1542 dobeÿ auch die andre vnnd dritte friſt No. Zo. Cap. I. Tit. V. Als mir de auentivre giet. Jch ne han nv mer gezuges niet. Div ſaget ſin manliche kraft. Behielt den pris in heidenſcaft. Zvͦ marroch vnde zvͦ perſẏa. Sin hant bezalte ouch anderſwa. Zvͦ damaſche vnde zvͦ halap. Vnde ſwa man ritterſcefte gap. Zvͦ arabẏe vnde zvͦ arabẏ. Daz her was iegen ſtrites vrẏ. Vuͦr ieſlichem eẏnemeẏnen man. Diſſen ruft her da gewan. Sines hertzen gir nach priſe greif. Jr aller tat vuͦr ẏm zvͦ ſleif. Vnde was vil nach vnt nichtet. Sus was ie der berichtet. Der gegen ẏm zivſterens phlach. Man iach ẏm des zvͦ baldach. Sin ellen ſt̉rebete ſvnder wanc. Von dan vuͦr her gegen zazamanc. Jn daz kvnincriche. Die klageten al geliche. Ẏſenharten der den lip. Zvͦ eẏner zioſt vuͦrlos vmme eẏn wip. Des dwanc in belekane. Div ſuze valſches ane. Daz ſie ẏm ir mẏnne nie gebot. Des lach her nach ir mẏnne tot. Den rachen ſẏne mage. Offenliche vnde ander lage. Die vrouwen dwngen ſie mit here. Die was mit ellenthafter were. Do gamvret quam in ir lant. Daz von ſcotten vridebrant. Mit ſchiffes here vuͦr brante. E. daz her dannen wante. Nv horet wie vnſer ritter vare. Daz mere warf in mit ſtorme dare So daz her kvme genas. Gegen der kvningẏnne palas. Quam her geſigelet in die habe. Da wart her vil geſcouwet abe. Da ſach her vz an daz velt Da was geſlagen manich zelt. Al vmme die ſtat wen gegen dem mere. Da lagen zweẏ kreftige here. Da hiez her vragen der mere. Wes div burch were. Sie taten ſynen boten kvnt. Jz were patelamvnt. Daz wart innichlichen enboten. Se manten in bi iren goten. Daz her in hulfe des were in not. Sie ne rvngen nicht wan vmme den tot Do der ivnge anzevẏn Vuͦr nam ir kvmberlichen pẏn Her bot ſin dieneſt vmme guͦt. Alſo noch vil dicke eẏn ritter tuͦt. Oder daz ſie ẏm ſageten vmme waz. Her ſolte dolen der viende haz. Do ſprach vz eẏnem mvnde. Dẻr ſieche vnde der geſvnde. Daz ẏm were al gemeẏne. Jr golt vnde ir geſteẏne. Des ſvͦlte her alles herre weſen. vn̄de her mvͦchte wol bẏ in neſen. Doch dorfte her weinich s. Von arabi des goldes. Hete her manigen knollen bracht. Livte dinſter ſo div nacht Waren alle die von zazamanc. Bẏ den duchte ẏn die wile lanc. Do hiez her herberge nemen. Des mvͦchte ouch ſe vil wol gezemen. Daz ſe ẏm de beſten gaben. Die vrouwen hetten ſich erhaben. Zvͦ den venſteren vnde ſagen dar. Sie namen des vil guͦte war. Vmme de knaben vnde ſẏn harnaſcharnaſ. We daz gefaẏteret was. Doch truͦch der helt milte. Of eẏnem hermẏnen ſchilte. Jch ne weiz wie manigen zabel balc. Der kvningẏnne marſchalc. Het iz vuͦr eẏnen anker groz. Zvͦ ſehene in wenich dar vuͦr droz. Do mvſen ſẏn ougen ien. Daz her hete geſen. Diſen ritter oder ſẏnen ſchin Daz mvſe zvͦ alexandrẏe ſẏn. Do der baruch darda vuͦre lach. Sẏnen pris dar nieman wider wach. Hie tuͦt diz mere v̂ kvnt aventivre von patelamvnt Svs vuͦr des mvͦtes riche. Jn div ſtat behageliche. Zen ſovmere hiez her vazzen. Die zogeten hin die gazzēn. Da riten zwenzich knabeN nach. Sin obel man dort vuͦr imir ſach obel: Pfeiffer gibt dobel an. Die Lesung ist möglich, aber nicht gesichert. Garzune. Koche. vnde ir knaben. Heten ſich hin vuͦre gehaben. Stoltz was ſin geſẏnde. Zwelf wol geborner kẏnde. : Letzte Zeile in 1va freigelassen. Do hinden nach den knaben riten An guͦter zucht mit ſuzen ſiten. Eteſlicher was eẏn ſarrazin. Dar nach mvſēn ouch getrecket ſin. Achte ros mit zindale. Vuͦr decket al zvͦ male. Daz nvnde ſẏnen ſatel truͦch. Eẏnen ſchilt des ich e gevuͦch. Den vuͦrte eyn knabe gemeit. Dar bi nach dem ſelben reit. Eẏn buſvnre der man noch bedarf. Eẏn tāmburre ſluͦch vnde warf. Hohe ſẏnen tambur. Den herren nam vil vntur. Da ne riten floẏterre bi. Vnde guͦter videlere dri. Den was allen nicht zvͦ gach. Selbe reit her hinden nach. Vnde ſin marnere. Der uuiſe vnde der mere. Swaz da was volkes ẏnne. More. vnde morẏnne. Was beide wip vnde man. Der herre ſcouwen began. Manigen ſchilt zvͦ brochen. Vnde mit ſperen durch ſtochen. Der was da vil gehangen vuͦr. An die wende. vnde an die tuͦr. Sie heten iamer vnde guft. Jn die vinſter gigen der luft. Was gebettet manigem wunden man. Swenner dan arzat gewan. Daz her doch nicht mvͦchte geneſen. Der was bi vienden geweſen. Sus warp ie der vngerne vloch. vil roſſe man ẏme wider zoch. Durch ſtochen vnde vuͦr houwen. Manige tvnkele vrouwen. Sach her beidenthalben ſẏn. Nach rabens varwe was ir ſcẏn. Sin wirt in mẏnnichliche vntfienc. Daz im nach vreuden ſit ergienc. Daz was ein ellens richer man. Mit ſinenſiner hant hete her ouch getan. Manigen ſtich vnde ſlach. Wante her eẏner phorten phlach. Bi dem her ouch manigen ritter vant. Die ir hende hiengen in die bant. vn̄de den ir houbete waren vuͦr bvnden. Die heten ſulhe wunden. Daz ſe doch taten ritterſcaft. Wante in nicht war an ir kraft. Der burcgraue von der ſtat. Sẏnen gaſt do mẏnnichliche bat. Daz her nicht vuͦr bere. Al daz ſin wille were Vͦber ſin guͦt. vnde ſẏnen lip. Her vuͦrte in da her vant ſin wip. De gamvreten kvſte. Des in weẏnich doch geluſte. Dar nach vuͦr her inbizen ſan. Do diz was alſus getan. Der marſcalc vuͦr von in zvͦ hant. Da her die kvningẏnne vant. Vnde ieſch vil groz ein botenbrot. Do ſprach her vrouwe vnſer not. Jſt mit vreuden ergangen. Den wir hie haben vntfangen. Daz iſt eẏn ritter ſo getan. Daz wir zvͦ vliehene ẏmmer han. Vnſeren goten die in vns brachten. Daz ſie des ie gedachten. Nv ſage mir of die truwe dẏn. Wer der ritter mvͦge ſẏn. Vrouwe iz iſt eẏn degen fier. Des baruches ſoldier. Eẏn anzevin von hoher art. Avoẏ. wie weẏnich wirt geſpart. Sin lip ſwa man in leizet ane. Wie rechte her dar vnde dane. Vntwichet vnde keret. Die viende her ſcaden leret. Jch ſach in ſtriten ſchone. Da die von babẏlone. Alexandrẏe loſen ſolten. Vnde do ſe dannen wolten. Den baruch triben mit gewalt. Waz ir dar nẏder wart gevalt. An der ſchvmfertivre. D*Da begienc der gehivre. Mit ſẏme libe ſulhe tat. Sie ne heten vliehens decheẏnen rat. Dar zvͦ hort ich in nennen. Man ſolte wol i*ir kennen. Daz her den pris vber manich lant. Hete al eẏne zvͦ ſẏner hant. Nv ſich ot wenne oder we. vn̄de vuͦge daz her mich ſpreche hie. Wante wir han vride al diſſen tac. Da von der helt wol riten mac. Her of zvͦ mir oder ſol ich dar. Her iſt anders derden wir gevar. Owe ne tete ẏn daz nicht we. Daz hette ich gerne ervunden e. O*Ob mir iz die myne rieten. *ietenJch ſolte im ere bieten. G*rGeruͦchet her mẏr nahen. Wie ſol ich in vntphahen. Reg.W.z / z. N.10. Jſt her mir dar zvͦ wol geborn. Daz mẏn kus nicht ſi vuͦr lorn. Vrouwe her iſt von kvninges kvnne irkant Des ſy mẏn lip genennet phant. Vrouwe ich wil uweren vurſten ſagen. Daz ſie riche kleider tragen. Vnde daz ſe vuͦr v̂ biten. Vnz daz wir zvͦ v̂ riten. Vnde ſaget iz ouch uwern vrouwen gar. Swenich nv hin nider var. So bringe ich v̂ den werden gaſt. Dem ſuzer mẏnne nie gebraſt. Harte weẏnich des vuͦr tarp. Vil behendelichen warp. Der marſcalc ſyner vrouwen bete. Balde wart do gamvrete. Riche kleider da getragen. De tete her an ſus horte ich ſagen. Die harte tivre weren. Anker die ſweren. Von arabiſcheme gol*golte. Waren dar offe alſ er wolte Do ſaz der mẏnnen geltes lon. Of eẏn ros daz eẏn babẏlon. Kegen ẏm durch ziuſteren reit. Den ſtach her dar af iz was dem leit. Ob ſin wirt icht mit ẏm warevare. Her. vnde ſyne ritter gare. Die warens ẏnnichliche vro. Vnde riten mit eẏn ander do. Sie irbeizten vuͦr dem palas. Da manich ritter offe was. Die mvſen wol gekleidet ſin. Sẏne kinder liefen vuͦr ẏm ẏn. Je zwei ein ander an der hant. Jr herre manige vrouwen vant. Gekleidet wnnichliche Der kvninginnen riche Jr ougen ſuchten hoen *pin. Do ſie geſach den anzevin. DeDer was ſo mẏnnichlicher vare Daz her vntſloz ir hertze gare. Jz were ir liep oder leit. Daz beſloz da vuͦr ir wipheit. Ein weẏnich ſie do kegen im trat. Jrn gaſt ſie ſich kuſſen bat. Sie nam in ſelben bi der hant. Kegen den vienden an die want. Sazen ſie an die venſter wit. Of eẏnen kolter geſteppet ſamit. Dar vnder eẏn weichetweichez bette lac. Jſt icht lechteres den der tac. Dem gelichete nicht die kvningin. *ieSie hete wiplichen ſin Vnde was ouch anders ritterlich. Der touwegen roſen vngelich. Nach ſwartzer varwe was ir ſcin. Jr krone eẏn liechter robin. Jr houbet man dar durch ſach. Die wertin zvͦ dem gaſte ſprach. Daz ir liep were ſin komen. Herre ich han von v̂ vuͦr nomen. Vil ritterlicher wirdicheit. Durch uwer zucht lat v nicht leit. Ob ich v mẏnen kvmber klage Den ich ſo nahe mẏme hertzen trage. Min helfe vch vrouwe nicht irret. Swaz v̂ war oder wirret. Swa daz wenden kan mẏn hant. Die ſi zvͦ dieneſte dar gewant. Jch bin nicht wen eẏn man. Swer v tuͦt oder hat getan. Dem erbar wundſtem Heinrich von Roſla dem Jungen guntigen junchern Zu aigen hannd Hie waren durch den ſcotten. Die werlichen rotten. Jm quamen von grvnlanden. Helede zvͦn handen. Zwene kvninge mit grozer kraft. Die vluͦt von der ritterſcaft. Sie brachten ẏm vil manigen kiel. Die rote mir vil wol geviel. Hie was ouch morolt durch in Des ſtrit hat kraft vnde ſin. Die ſint nv hin gekeret. Swie mẏn vrouwe leret. Alſo tvn ich mit den mẏnen. Min dieneſt ſol ir ſchẏnen. Du ne darft mir dienſtes danken nicht. Wante is die ſippe ſus vuͦr gicht. Die moriſchen helde ſint nv din. Weren ſie getouft ſo die mẏn. Vnde an der hut nach in getan. So ne wart gekronet niechein man. Her ne hete ſtrites von in genvͦch. Mich wundert waz dich her vuͦrtruͦch. Daz ſage mir rechte vnde wie. Jch quam geſtre. hivte bin ich hie. Worden herre vber diz lant. Mich vienc div kvningin mit ir hant. Do werte ich mich mit mẏnne. Sus rieten mir de ſẏnne. Jch wene dir hat din ſuze were. Betwngen beidenthalp die here. Du meneſt vmme daz ich dir entran. Vaſte riefe du mich an. Waz woltes du an mir ir twingen La mich ſus mit dir dingen. Ja ne irkante ich nicht des ankers din. Miner mvͦmen man gandin. H D A D J heit vil leit. Die man. Duͦt getan. Mir alſam geſchen. Jchivele ihen. Des r werde vro. Healten ſo. An f din lip. Vuͦ die wip. Din vͦ vil vuͦr gicht. Neichet nicht. Nimelfe war. Sn dar. Mit o kaẏlet. V gamvret. Mit ngen. Hgen. Jchvuͦr irkant. Da daz lant. Mit r wirt geſpart. Siſenhart. Aldlte tragen. Hſte irſlagen. Die en wip. V er gap den lip. Daz ſie vuͦr korn. Jchn̄de den mac vuͦr lorn. Wen ſvͦn. R tvͦn. Daz ezen ſin. So v hende mẏn Alle tage ich ſin Sit ẏm diz ſper Daz zoch er vz d An eẏner ſnor Hin wider hieng Vuͦr ſyne bruſt Jz iſt noch vil h Wil mẏn her k Gentz ir werben So ritent im d Ein vingerẏn Die nach der he Die quamen ſwa Durch die ſtat s. Do liech gamvre Mit vanen hin t. Jr iegelich was Doch bliep der Gamvrete ir her Die ſelbēn ware Do hete protẏzila Der von art ei Gelazen ein her Daz liez her devͦm. Mit ſẏner hant Kegen ſtrite he Lach fille roſt ſ Nam iz mit va Uon azagour. Namen den Vnde gatzẏeren Sie giengen v. Der liez ſie liedich vmme ir bete. Des dancketen ſie gamvrete. Hutegern den ſcotten. Sie baten ſvnder ſpotten. Laz mẏnem herren daz gezelt. Hie. vmme aventivren gelt. Jz zuget vns yſenhartes leben. Daz vridebrande wart gegeben. Her was zierde vnſes landes. Sin vreude die ſtvnt phandes. Her ſtet hie ouch ſelbe an me re. Vnvuͦrgulten dieneſt im tete zvͦ we. Gewẏnnet ouch im den helm. der was. Von ſiner givte ein adamas. Dicke. vnde herte. Jn ſtrite ein guͦt geverte. Do gelobete hutegeres hant. Swenner queme in ſynes herren lant. Daz er iz wolte ir werben gar. Vnde ſenten wider wol gevar. Daz teter vmbetwungen. Nach vrlobe do trvngen. Zvͦ me kvninge ſwaz da vurſten was. Do rvmeten ſie den palas. Swie vuͦr wuͦſtet were ſin lant. Doch kvnde gamvretes hant. Swenken ſulher gabe ſolt. Als al die bovme truͦgen golt. Her teilete groze gabe. Sine man die habe. Namen vnde des heldes guͦt. Daz was der kvningẏnne mvͦt. Der brutloufte hocgezit. Hete da vuͦr manigen grozen ſtrit. Die wuͦrten ſus zvͦ ſvne bracht. Jch ne han mirs ſelbe nicht irdacht. Eine reẏſenote ſie blieſen. Nv ne ſule wir nicht vuͦrlieſen. Wie der herre komen ſi. Dem riten videlere bi. Do leite der degen wert. Ein beyn vur ſich offiz phert. Zwene ſtival vber bloze bein. Sin mvnt im als ein ruͦbin ſcein. Vuͦr der rote. als ob er brvnne. Her was dicke. vn̄de nicht zvͦ dvnne. Sin lip was allenthalben klar. Liecht reidelecht was im ſin har. Swa man daz vuͦr der hvte ſach. Der was ein tivre houbet dach. Grvͦne ſamit was der mantel ſin. Ein zobel da vuͦre gap ſwartzen ſcin. Vber eẏme hemede daz was blanc. Von ſcouwene wart da groz gedranc. Vil dicke alda gevraget wart. Wer were der ritter ane bart. Der da vuͦrte ſulche richeit. Vil ſchiere wart daz mere breit. Sie ſagetenz in vuͦr vmbetrogen. Do begvnden ſie an die brucke zogen. Ander volc. vnde ouch die ſine. Von dem liechten ſchine. Der von der kvninginnen ſchein. Des zvchter neben ſich ſin bein. Of richte ſich der degen wert. Als ein viderſpil daz gert. Die herberge duchte in guͦt. Alſo ſtvnt des heldes mvͦt. Ouch dolte in wol die wirtin. Von waleis div kvningin. Do vreiſch der kvninc von ſpane. Daz of der lewe plane. Stvnde ein gezelt daz gamvrete. Durch des kvͦnen razaliges bete. Bliep vuͦr patelamvnt. Daz tete im ein ritter kvnt. Do vuͦr her ſpringende als ein tier. Her was der vreuden ſoldier. Der ſelbe ritter aber ſprach. Uwer mvͦmen ſvn ich ſach. Komende als er ê. was fier. Jz ſin wol hvndert banier. Zvͦ eime ſcilte of grvͦne velt. Geſtozen vuͦr ſin hoch gezelt. Die ſint ouch alle grvͦne. Ouch hat der helt kvͦne. Drie hermẏn anker liecht gemal. Of ieſlichem zindal. Sus iſt er ge ziemeret hie. Avoẏ. nv ſol man ſcouwen wie. Sin lip den poẏnder irret. Wie her iz mit hurte wirret. Der ſtoltze kvninc hardẏz. Hat mit zorne ſẏnen vliz. Nv lange vaſte an mich gewant. Den ſol hie gamvretes hant. Mit ſiner zẏoſte neẏgen Min ſelde iſt nicht der veẏgen. Sine boten ſante er ſan Da Gatzẏer der norman. Mit ſẏner maſſenẏe lach. Vnde der liechte killiriakach. Die waren da durch ſine bete. Zvͦ dem paulvne ſie mit kailete. Vuͦren mit geſelleſcaft. vn̄de vntfiengen da von liebe kraft. Den werden kvninc von zazamanc. Sie duchtez beiden gar zvͦ lanc. Āmpte Arnſtadt Rechnu ung. Virzig vnd einvndvirzigiſten Daz ſie in nicht e enſahen. Des ſie mit truwen iahen. Do vragete er ſie der mere. Wer da ritter were. Do ſprach ſiner mvͦmen kint. Vz verren landen hie ſint. Ritter die div mẏnne iaget. Vil kvͦner helte vnvuͦrzaget. Hie hat manigen bẏrtvn. Der kvninc vte pandragvn. Sẏn mere in ſtichet als ein dorn. Daz er ſin wip hat vuͦr lorn. Div artuſes mvͦter was. Ein phaffe der wol zouber las. Mit dem die vrouwe iſt hin gewant. Dem iſt artus nach gerant. z iſt nv in daz dritte iar. Daz er vuͦrlos wip vn̄de ſvn vuͦr war. ie iſt ouch ſiner tochter man. Der wol mit ritterſcefte kan. oth von norwege. egen valſcheit der trege. der ſnelle kegen dem priſe. Der kvͦne vn der wiſe. Hie iſt ouch gawan ſin ſvn. So kranc da mac getvn. Ritterſcaft nech Her was bi mne. Her ſprichet mchte ẏnen ſcaft. Gebrechen. troſte in d ſin kraft. So teter gerne ritter Wie vro ſin ger begvnen hat. Hie hat der kvninc igalt. Von ſperen eẏnen gantzen walt. Des vuͦre iſt g da kegen ein wint. Wante die von portigal hie ſint. Die heize wir die vrechen Sie wilt durch ſcilte ſtechen. Hie hant die provenzale. Scilte wol gemale. Hie ſint die waleiſe. Daz ſie behabent ir reiſe. Durch den poẏnder ſwa ſe is gern. Von ir lant kraft ſie des wern. Hie iſt manich ritter durch die wip. Des nicht ir kennen mac mẏn lip. Al die ich hie benennet han. Die ligent mit warheit ſvnder wan. Mit grozer vuͦre in der ſtat. Als vns div kvninginne bat. Jch ſage dir wer zvͦ velde liget. Die vnſer were vil ringe wiget. Der werde kvninc von aſcalvn. vn̄de der ſtoltze kvninc von arragvn. Cidegaſt die logrois. vn̄de der kvninc von pvntertoẏs. Der heizet brandelidelin. Hie iſt ouch der kvͦne lehelin. Vnde morolt von ẏralant. Der iſt von grozer kraft ir kant. Da ligent ouch of dem plane. Die ſtoltzen alemane. Der hertzoge von brabant Der iſt geſtrichen in diz lant. Durch den kvninc hardizen. Sine ſweſter alizen. Gap im der kvninc von gaſcon. Sin dieneſt hat vuͦr vntfangen lon. Die ſint mit zorne hie kegen mir. Nu ſol ich wol getruwen dir. Daz tu gedenkes an die ſippe din. Durch rechte liebe vn̄de warte mẏn.