Parzival

Parzival Transkription des Textzeugen fr68 Wolfram von Eschenbach Parzival-Projekt Bern Parzival-Projekt Bern Bern 25.07.24 Parzival-Projekt fr68

Fr. 68: 1. Schloss Anholt, Fürstlich Salm-Salm’sches Archiv, Membra disiecta Nr. 3 2. Köln, Privatbesitz Auktionshaus Venator & Hanstein, Nr. 2008/104/511, Verbleib unbekannt Pergament – 1. 1 Blatt, 2. 1 Doppelblatt – Format 30,8 x 21,5 cm (Schriftraum 22 x 16,4 cm), zwei Spalten zu 32 Zeilen, Verse abgesetzt – Ende des ersten Viertels des 14. Jhs. – südmitteldeutsch-ostfränkisch, von einem (west)niederdeutschen Schreiber – Abschnittsgliederung durch einzeilige rote Lombarden – die Anfangsbuchstaben sind ausschließlich Minuskeln – Fassungszugehörigkeit: wohl *D – vgl. zur Hs. auch die Angaben im Handschriftencensus,.

"Schloss Anholt" "Fürstlich Salm-Salm'sches Archiv" "Membra disiecta Nr. 3" fr68A Schreiber Schreiber "Köln" "Privatbesitz Auktionshaus Venator & Hanstein" "Nr. 104/511" fr68B

Dieser Teil des Fragments ist verschollen.

Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Abschnitt 426.17-430.24 Transkribiert von SFa ab Farbfotos (Studio) 4.11.2014. Gegengelesen von MiGe im November 2014 ab Farbfotos (Studio). Abschnitt 614.05-622.18 Transkribiert von SFa ab Farbfotos (Studio) 6.11.2014. Gegengelesen von MiGe ab Farbfotos (Studio) im November 2014. Korrekturen durchgeführt von CG am 24.11.2016. Gegengelesen von JKl ab Farbfotos (Studio) 15.12.2016. In den "Schloss Anholt-Teilen" von Fr68 gibt es keine unsicheren Stellen. Folglich wurde der 1996 erschienene Aufsatz von Hartmut Beckers, der eine Transkription der genannten Teile aufweist (Hartmut Beckers, Neues zur 'Parzival'-Überlieferung aus Westfalen: Zwei Neufunde (F 68, F 45A) und eine Wiederentdeckung (F 21B), in: Wolfram-Studien XIV (1996), S. 391-404 und Abb. 13-14, hier S. 391-400), in der vorliegenden Transription nicht berücksichtigt. Ein Abdruck der Kölner Teile exisitiert nicht. von bovele vn̄de von werder diet der kuning tet als man im riet er hiez gawanen bringen dēn wolder nihtes dwingen wēn alſ ir ſelbe habt gehort nuͦ ſehet wa in brahte dort anthýconie di wol ge var ir veteren ſuͦn quam mit ir dar vn̄de andere gnuge des kunīnges man di kuninginne furte gawan vor din kuning an ir hende ein tſzapel was ir gebende Ir munt den blum̄en nam dēn pris vf den tſzapele dicheine wis ſtunt niergen dichein alſo rot ſwēm ſi gutliche ir kuſſen bot da muſe ſwēnden ſih der walt mit maneger dýoſte vngezalt mit lobe wir ſolden gruͦzen di kuſchen vnde di zuͦzen anthýconien vor valſche dri frien wande ſi lebete in ſulhen ſiten daz niergen was vnderriten ir pris mit valſchen worten alle di ir lob gehorten der iegelih mūnt ir wunſchete do daz ir pris beſtunde alſo bewart vor valſcher trube iehe lutter alſ ein valken ſehe was balſem mezec ſtete an ir daz riet ir werdichlichez gir di ſuze ſelden riche ſprah gezogenliche bruder hie breng ih den degen des du mih ſelbe hieze phlegen nuͦ laz in min geniezen des ſol dih niht bedriezen denke an bruderliche truͦwe vn̄de tuͦ daz ane ruwe dir ſtet manlih truwe baz den du duldes der werlde haz vn̄de minen kundih hazzen dēn lere mih gein dir mazzen Do ſprah der werde ſuze man daz tuͦn ih ſweſter ob ih kan dar zu gip ſelbe dinen rat dih dunket daz mir miſſetat habe werdicheit vnderſwunden vn̄de von priſe mih verdrungen waz tohtih danne ce brudere dir wande dienden alle cronēn mir der ſtundih abe durh din gebot din hazzen were min hoeſte not mir iſt vmbe froude vnde ere niht wen nah diner lere her gawan ih wil v des biten ir quamet durh pris ~~h̉er~~ da h̉er geriten nu tuͦtz durh priſes hulde helf mir daz mine ſchulde min ſweſter vf mih verkieſe e daz ih ſie verlieſe ih verkuſe vf uh min herceleit woldir mir geben ſicherheit Hermanni Reickenfelts Rechnung was bei ſeiner Zeit zu behuet der gemeinen a ist wegen der Dienst verlacht vder das bezahlet N. 345 :Hand des 17. Jh., vgl. Hartmut Beckers, Neues zur 'Parzival'-Überlieferung aus Westfalen, Wolfram-Studien XIV, S. 391-404 daz ir mir werbet ſunder twal mit guten truwen vmben gral do wart di ſune ge endet vn̄de gawan geſendet an dem ſelben male durh ſtriten nah den grale Kingrimurſel ouh verkos vf den kuning der in verlos daz er im ſin geleite brah vor al den furſten daz geſcah da ir ſwert waren gehangen di waren vndergangen gawans knappen an des ſtrites= =ſtunt daz ir nehein was wordēn wunt ein gwaldic man von der ſtat der in frides vor den anderen bat der vienc ſi vn̄de leites in priſun iz were franzois oder birtun ſtarke knappen od̉er cleine kint von ſwelhēm lande ſi kumēn ſint di brahte man lediclichen gawane den ellens richen Do in di kint erſahen do wart groz vmbevahen ieſlih ſih weinende an in hienc daz weinen doh von liebe ergienc von kurnewals mit im da was conslaiz fiz týnas ein edle kint wonetim ouh bi gandeluz fiz gorzgri d̉er durh dioý del kurt den lip v̉erlos da manic frowe ir iamer kos liaze was des kindes waſe ſin mūnt ſin ougen vn̄de ſin naſe was rehte der minnen kerne al di werlt ſah in gerne dar ſehs andere kindelin diſe achte iuncherren ſin waren geburte des bewart al von edeler hoer art Si waren im durh ſippe holt vn̄de dienden ime vf ſinen ſolt werdicheit gap er ce lone vn̄de phlac ir anders ſcone gawan ſprah den kindelin wol v ſuzen mage min mih dunket des ir wolt mih clagēn ob ich hie were erslagen man moht in clage truwen wol ſi waren ioh ſus in iamers dol er ſprah mir was vmbuh vil leit wa waretir do man mit mir ſtreit ſi ſagetenz im ir nicheiner louk ein muzir ſprincelin entflouk vnz do ir bi der kuningin ſazet da liefe wir alle hin di da ſtunden vn̄de ſazen merkens ſi niht vergazen ſi prubeten daz her gawan were ein houiſch manlih man vrlobes er do gerte des in der kuning werte vn̄de daz volk al gemeine wen der lantgreue eine xi Suͦn wa fert der Rock deme aſter v Schilling ih weiz daz waz du nuͦ ſuͦldir des g daz ir zorn verl vn̄de gar vf mih verkie ir ſitz der ellens riche dem golde ih uh geliche daz man luttert in der gluͦt alſo iſt geluttert uͦwer muͦt dem ih v ce ſcaden brahte alſih denke vn̄de do gedahte der hat mir herceleit getan do ſprah min her gawan frowe isn entwende mih di tot ih gelere dēn kuͦning ſulhe not di ſine hohuart letcet mine tri ih han geſetcet gein im vf kamph ce riten in kurtzlichen ziten dar ſul wir manheit urborn frov ih han vf uh verkorn ob ir v minen tumben rat durh zuht niht v̉erſmahet lat ih riete v wiplih ere vn̄de werdicheite lere Nv iſt hie nieman wene wir frowe tuͦt genade an mir ſi ſprah an giſeretem arme iſt mir ſelden worden warme ſprah er hub di mit drucke des duhter ſ do er ſi bi den vn̄de ſi ſo twirhling gawan reit dan mit doh wart ir weinēn niht v̉er vnz er mit ir clagete er ſprah daz ſi ſagete warvmbe ir weinen were daz ſiz durh got verbere ſi ſprah herre ih muz v clagen von den der mir hat erslagen den werden citegaſten des muz mih iamer taſten inz h̉erce da e froude lac do ih ciegaſtes minnēn phlac Ine bin ſo niht vertorben ine habe doh ſint geworben des kuͦninges ſcaden mit koſte vn̄de manege ſcarfe dyoſte t n ſtet gen get en dienſte erwarp ude gar v̉ertarp ſolde wern wes iamers gern inen dienſte erwarp er ſer elichen iamer oder mer ſe citegaſt geben kunde gap mir ānphortaſes wunde nuͦ iehet wie ſoldih armez wip ſit ih han getruwen lip alſulher not bi ſinne ſin di erliden hat daz herce min Sit daz erlit ſo helfelos den ih nah citegaſte erkos cer gezene vn̄de durh chen herre nuͦ horet ſprechen war mite erwarp clinſdior dēn richēn kram vor uͦw̉erme tor do der clare anphortas mīnne vn̄de froude erwendet was anci e dwingēn kan de man er diet geſiht er ane kumber niht urh fride ih clinſdiore dar gap minen kram wol gevar ſwennēn dauenture wurde erlitēn ſwer dēn pris da hete erſtriten andēn ſoldih minne ſuchen vn̄de wolders niht ge ruͦchen ſo were der kram aber min der ſol ſus vnſer beider ſin daz ſwuren di da waren da mit ih wolde varen gramoflanzes durh den liſt der leider noh vngendet iſt heter di auenture geholt ſo muſer ſterben han gedolt Clinſdior iſt houiſh vn̄de wis d̉er urlobete mir durh ſinēn pris von miner maiſenie erkant ritterſcaft uber al ſin lant mit manegen ſtiche vn̄de slage di gancen wochēn alle tage alle zit al durh daz iar ſundern rotte ih han ce var diſe den tac vn̄de iene di naht mit koſt ih ſcaden han gedaht gramoflanze dem hoh gemuͦt manegen ſtrit er mit in tuͦt vn̄de bewart ſih doh ie drunde ſines v̉erhez ih varen kunde mit mangen ſtarken ritt̉er ſtoltz beide in uelde vn̄de ce holtz nah minne ih mangēn dienēn liez dēm ih doh lones niht gehiez minen lip geſah oh nieman ine mohte wol ſin dienſt han wēn einer d̉er truc wape rot min geſinde er brahte in not vor logrois er quam geriten da entworhter ſih mit ſuēn ſiten d̉er ih mih wenic froute ſin hant ſi nider ſtroute zuſchen logrois vn̄de uw̉er urvare miner ritt̉er im uolgetēn funfe dare di entſchunfierter uf dem plan vn̄de gap di ors dem ſchiſman Do er di mine vberſtreit nah dem helede ih ſelbe reit vn̄de bot im lant vnde lip er ſprah er hete ein ſconer wip vn̄de di im lieber were di rede was mir ſwere do fractih wer div mohte ſin von pelrapeire di kuningin ſus iſt genant di lieht gemal ſo heizih ſelbe partſiual ih wil uͦwer minne niht der gral mir anders kūmbers giht ſus ſprah der helt mit zorne hin reit der uz erkorne han ih dar an miſſetan woldir mih daz wizzen lan ob ih durh mine herce not dēm werden ritter minnēn bot ſo krenket ſih mine minne er ſprah cer heroginne frov ih erken alſo wert an dem ir minne hat gegert heter vh ce mīnnen erkorn uͦwer pris were an im vủerlorn gawan der kurtois vn̄de *der herzogin von logrois vaſte ein ander ſahen do ritten ſi ſo nahen daz man ſi von der burc er ſah daz im di auenture geſcah Do ſprah er frowe tuͦt ſo wol ob ih uh des biten ſol lant minen namēn vnerkant alſe mih der ritter hat genant d̉er mir entreit gwingulieten leiſtet des ih uh han gebeten ſwer uh des fragen welle ſo ſprechet min geſelle iſt mir des vnerkennet er wart mir nie genennet ſi ſprah vil gerne ih iz v̉erdage ſit ir niht wellet daz ihz ſage er vn̄de di frowe wol gevare kerten gegen der burge dare nv hant di ritt̉er alda v̉ernumen daz dar were kumen der ht di auenture erliten vn̄de den lewen vberſtriten vn̄de dn turkoiten ſider ce reht̉er dyoſt geuellet nider innen des reit gawan gein de vrf f den plan da ſin vo dnen ſahen do begundſte gahen uz dr burc ſcalle vnd furten mit in alle riche baniere ſus uen ſi ſchiere uf ſellen rabiten er wande ſi wolden ſtriten D er ſi verre kuͦmen ſah hin er herzogin er ſprah kum iens volc gein vns ce ſi ſp iſt clinſdiores here di uer kume hant erbiten mit frouden kumēnt ſi nu geritēn vn̄de wellet uh entfahen daz darf v niht verſmahen ſit i div frowe in gebot nuͦ was ouh plippalinot mit ſiner claren tohter fier kumen in einen vſſier di maget verre gein im gienc vf den plan da ſin entfienc gawan bot ir ſinen gruͦz ſi kuſt in ſtegereif vn̄de fuͦz vn̄de entfienc ouh di h̉erzogin ſi nam in bi den zoume ſin vn̄de bat ir beizen den man di frowe vn̄de min her gawan giengen an des ſchiffes ort ein teppe vn̄de ein kolte dort lagen an der ſelben ſtete di herzogin durh ſine bete ce gawane nider ſaz des verien tohter niht v̉ergaz ſi nenwapendin ſus horih zagēn irn mntel hete ſi dar getaragen der des nahtes ob im lah do er ir herberge ~~phlac~~phlah Iz as im not an dirre zit irn mantel vnde ſin kurſit leite an ſih her gawan ſi truc daz harnaſch her dan alrerſt di herzoginne clar nam ſines antlitces war da ſi ſazen bi einander zwene gebratene galander mit wine ein gleſin barel vn̄de zwei blanke waſtel di ſuze maget da nah̉er truͦc vf einer twehelen wiz genuͦc di ſpiſe erflouc ein ſprincelin gawan vn̄de di herzogin muͦzen wazzer ſelben nemēn ob twahens wolde ſi gecemēn daz ſi doh beide taten mit froude er was beraten