Parzival Transkription des Textzeugen fr50 Wolfram von Eschenbach Parzival-Projekt Bern Parzival-Projekt Bern Bern 2017 fr50

Fr. 50 (G<hi rend="sup">λ</hi> und j): 1. München, Bayerische Staatsbibliothek, Cgm 5249/3a (j) 2. München, Bayerische Staatsbibliothek, Cgm 194/IV (Gλ) Pergament – 1. 1 Querstreifen eines weiteren Blattes, 2. 1 Blatt – Format 1. 3,8–4,1 x 15,1–16,3 cm, 2. 31 x 19,5 cm (Schriftraum 23,8 x 15,5 cm), zwei Spalten zu 48 Zeilen, Verse abgesetzt – Ende des 13. Jhs. – niederösterreichisch – Abschnittsgliederung durch zweizeilige rote Initialen – die Anfangsbuchstaben (zumeist Majuskeln) der ungeraden Verse sind in eigener Kolumne herausgerückt – Fassungszugehörigkeit: wohl *G – vgl. zur Hs. auch die Angaben im Handschriftencensus,.

"München" "Bayerische Staatsbibliothek" "Cgm 5249/3a" fr50A Schreiber "München" "Bayerische Staatsbibliothek" "Cgm 194/IV" fr50B Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Abschnitt 79.09-79.12, 80.27-80.30, 82.15-82.18, 84.03-84.06 Transkribiert von OBA ab Farbfotos (Studio). August 2009. Autopsie am Original im Januar 2010 von OBA. Gegengelesen ab Farbfotos (Studio) und Korrekturen eingefügt von SiLa im November 2016. Abschnitt 741.9 - 747.20 Transkribiert von RSO im Februar 2004; Autopsie im August 2004 Anfangsbuchstaben der ungeraden Verse herausgerückt. Verse vermutlich immer abgesetzt, allerdings gingen die Reimpunkte teilweise verloren. Autospie am Original am 12./13.4.2017 von SiLa. Korrekturen aus Autopsie und Endredaktion 1 am 24.4. von SiLa. Endredaktion 1 abgeschlossen am 4.5.2017 von SiLa. Endredaktion II abgeschlossen am 24.11.2017 durch SiLa. 14.9.2018, MiGe: Die Hinzuziehung des Abdrucks von Fr50 durch Friedrich Keinz (Friedrich Keinz, Über einige altdeutsche Denkmäler, in: Sitzungsberichte der Königl. Bayerischen Akademie der Wissenschaften zu München, Jg. 1869, Bd. II, München 1869, S. 290-321, hier S. 318f.) brachte keine neuen Erkenntnisse. ten vͦf daz velt prie gap ſtrites gelt n mohte wol ſi ein tvrnei ant da lach manich ſper entzwei Daz er niht tvͦrnirte hie. daz en welle er leider wie. Er ſtap vor mvntehori da vor waſ im ein chvmber bi Die andern priſ vnt ere zeit daz man ſi chere. Vn ander nieman hie geſiht. ſi wert der phander liehtes niht Er ſaz fvr ſi ſo nahen nider daz ſi in begreif vnd zoch in wide Anderthalbe vaſte an ir lip ſi was ein magt vn̄d niht ein wip. waren ver wirret dvrch hohen bris zeloben vf die bvkel ris. antrax dort genennet. karfvnkel hie erchennet. Dvrch der minne kvndwir ezidom daz reine tier. het im gewappen gegeben an der genade wold er leben Div chvnegin ſecvndille ditze wappen waz ir wille. Da ſtreit div reine lvterheit. groz triwe al da mit triwen ſtreit. Dvrch minne heten ſi ir leben. mit champh vͦf vrteil gegeben. Jtweders hant waſ ſicher bot der getovft. wol getroͮwet got. Sit er von trevrezent ſchiet. der im herzenlichen riet. er ſolde helfe an in gern. der in vrovde wern chvnde wern Der heiden trvch ſtarchiv lit wenn er ſchrit tabrvnit. Daz der chvnegin ſecvndillen was. von der minne kavkaſas. So gewan er niwen hohen mvͦt gein dem der ie was behvt. vor ſolhes ſtrites vber laſt. er was mphentvre ein gaſt. Daz er nie gedolte. doh ſi manich zimier holte. Mit chvnſt ſi die arm ſwngen. daz fiͮwers bliche vͦz helmen ſprvngen vōn ir ſwerten gie der ſvre wint got riet da gahmvretes chint. Daz wnſchen wir in beiden. dem getovften vn̄d dem heiden Die nant ich vur einen. ſvs begvnden ſitz vzvͦh meinen waren einander bechant ſine ſazten niht ſo hohiv phant Jr ſtrit galt niht mere. wan vrovde vn̄d ſælde vn̄d ere. Swer da den bris gewinnet. ob der triwe minnet. werlich vrovde hat verlorn. vn̄d immer herze riͮwe erchorn. wes ſvmeſtv dich parcifal daz dv an die chvschen lieht gemal. Niht gedencheſt an div wip. wil dv behalten hie den lip. Der heiden trvch geſelleſchaft. dar an ovch lach ſin meiſtiv chraft. einiv daz er minne phlach. div mit ſtæte in ſinem herzen lach. Dar ander waren ſteine mit edelm arde reine. Jn hoh gemvt lerten. vn̄d ſine chrafte merten. Mit mvt daz der getovfte. an ſtrit vn̄d an lovfte. Mvdet vn̄d an ſtarchen ſlegen. ob im nv nv niht gehelfen megen. Gvndwiramvrs vn̄d der gral. werlicher parcifal. Nv mvſtv einen troſt doh habn. daz die claren ſvzzen chnaben So vrv niht verweiſent ſin. karadiez lohangin. Die bede lebentich trvch ſin wip. do er ivngeſt vmbe viench ir lip. Mit rehter chivſche erwerben chint. ich wæne div des mannes ſælde ſint. Der getovfte nam an chreften zvͦ. er daht ez was im niht zevrvͦ an ſin wip die chvneginne. vn̄d an ir werden minne. Di er mit ſwertes ſchimphe erranch daz viver vz den helm ſpranch. vor peilrapeire clamide. tabrvnit vn̄d taſme. Den wart hie wider rvef gewegen parcifal begvnde ovh phlegn. Daz er peilrapeire ſchrite. gvndwiramvrs bezte. Dvch nivn chvnichriche al dar. ſi nam mit minnen chreften war. Do ſprvngen des ich wæne. von des heidens ſchilte ſpæne. etſlicher hvndert march wert. von kahaviez daz ſtarche ſwert. Mit ſlegn vͦf des heidens helm braſt. ſo daz der riche chvne gaſt. Mit ſtrvchen venige ſvhte. got des niht lenger rvhte. Daz parcifal den re næme. in ſiner hende wol gezæme. Daz ſwert er Jther nam. als ſiner tvmpheit wol gezam. Der nie geſeich dvrch ſwertes ſwanch. der heiden ſnel do vf ſpranch. ez iſt noh vngeſcheiden. ze vrteil ez ſtet in beiden. vor der hohſten hende. daz div ir ſterben wende. Der heiden was mvtes riche. der ſprach do hofſchliche Jn franzoys daz er chvnde vz heideniſchem mvnde Jch ſihe wol heideniſcher man. din ſtrit wrde ane ſwert getan waz briſes beiagt ich an dir. ſtant ſtille vn̄d ſage mir. Werlicher helt wer dv ſis vur war dv hætes minen bris behabt der lange iſt mich gewert. wær dir zebrochen niht din ſwert. Nv ſi von vns beiden fride. vnz baz gervwen div lide. Si ſazzen nider vͦf daz gras. manheit bi zvht an beiden was. vn̄d ir beider iar von ſolher cite. ze ivnch noh ze alt bede an ſtrite. Der heiden zv dem getovften ſparach. nv volge helt daz ich geſah. bi miner zit nie den man. d̉er baz den briſ mohte han. Den man in ſtrite ſol beiagen. nv rvche helt mir bediv ſagen. dinen namen vn̄d din art ſo iſt wol bewendet her min vart Do ſprach herzelovden ſvͦn. ſol ich daz dvrch varhte tvͦn Sone darf ez niemen an ivch gern ſol ich betwngelich wern. Der heiden von taſme. ſprach ich wil mich nennen e. vn̄d la daz laſter weſen min. ich bin ferrefiz anſchivin. So riche wol daz min lant. mit zinſe dienet manech hant. Do diſiv rede von im geſchah. parcifal ze dem heiden ſprach. wan von ſit ir ein anſchevin. anſchowe iſt von erbe min. Bvrge. lant vn̄d ſtet. herre ir ſvlt dvrch min bet. Jv einen andern namen chieſen. ſol ich min lant verlieſen vn̄d die werden ſtat ze belzenan. ſo het ir mir gewalte tan. vn̄d iſt vnſer tweder ein anſchevin. daz ſol ich von arde ſin. Doh iſt mir vur war geſagt. daz ein helt vnverzagt. won inder heidenſchaft. vn̄d hab mit ritterlicher chraft. Minne vn̄d bris behalten. daz er mvzze beider walten. Der iſt ze brvder mir genant. ſin hant in da vur bris erchant. Do ſprach aber parcifal. herre iwers antlvtzeſ mal. Het ich chvntlich erſehen. ſo wrde iv von mir ver iehen. alſo mir chvnt iſt getan. herre welt irz ane mich lan. So enblozzet iwer hovbet. ob ir mirz gelovbet. Min hant iv ſtrites gar verbirt. vnz ez ander ſtvnt gewappent wirt. Do ſprach der heideniſche man. dines ſtrites ich wenich angeſt han Stvnt ich gar bloz ſit ich han ſwert. dv wæreſt entſchvmphentvre gewert. Sit din ſwert zebrochen iſt. al din werlicher liſt Mach dich vor tode niht bewarn. ichn welle dich anders gern ſparn. E dv begvnneſtbegvndeſt ringen. min ſwert daz liez ich dringen. bediv dvrch yſer. vn̄d dvrch vel. der ſtarch heiden vn̄d ſnel. Tet manlich ſin ſchin. daz ſwert ſol vnſer tweders ſin. Ez warf der chvne degen balt. verre von im in den walt. er ſparach ſol hie nv ſtrit ergen. daz mvz geliche tſchantze ſten. Do ſprach der riche feyrafiz. helt dvrch diner zvhte fliz.