Parzival
Transkription des Textzeugen fr5
Wolfram von Eschenbach
Parzival-Projekt Bern
Parzival-Projekt Bern
Bern
27.12.22
Rein (Steiermark)
Stiftsbibliothek
aus Cod. 205
fr5
Fr. 6 (e)
- Liverpool, University Library (Sydney Jones Library), Ms. M 8951 (Dauerleihgabe des Liverpool Museums, früher Mayer Museum, Ms. 895/M)
Pergament
– 2 Blätter
– Format ca. 24,7 x 17 cm (Schriftraum 15,5 x 12 cm), zwei Spalten zu 34 Zeilen, Verse abgesetzt
– drittes Viertel des 13. Jhs.
– westalemannisch
– Abschnittsgliederung durch zweizeilige rankenverzierte Initialen, abwechselnd rot und blau, am Buchanfang (787,1) dreizeilige Initiale, darüber Leerzeile
– die Anfangsbuchstaben (fast immer Minuskeln) sind nicht ausgerückt
– Fassungszugehörigkeit: *m
– vgl. zur Hs. auch die Angaben im [Handschriftencensus](http://www.handschriftencensus.de/1029).
Rubrikator
Schreiber
Finis-Zeichen
Alinea-Zeichen
de-Ligatur
Lateinische Abkürung für -rum
Lateinische Abkürzung für -is
Lateinische Abkürzung für -et/-it
Lateinische Abkürzung für -et
Vgl. Cappelli, Lexicon abbreviaturarum, S. 408, Sp. a, letzte Zeile.
Zeilenfüllsel
Abschnitt 423.29-453.30
423.29-429.28 transkribiert von JKl ab Farbfotos (Studio) am 26.10.2011.
423.29-429.28 gegengelesen von MGe nach Farbfotos (Studio) am 22.11.2011.
441.29-443.05 transkribiert nach Farbfotos (Studio) von GVi am 29.4.2004
441.29-443.05 gegengelesen nach Farbfotos (Studio) von JKl am 09.03.2012
443.06-452.30 transkribiert nach Farbfotos (Studio) von JKl am 09.03.2012
453.01-30 transkribiert von YCh ab Farbfotos (Studio) am 28.07.2009.
Letzte Änderung durch YCh am 25.01.2012.
453.01-453.30 gegengelesen nach Farbfotos (Studio) von JKl am 09.03.2012
453.01-453.30 gegengelesen nach Farbfotos (Studio) von JKl am 09.03.2012
441.29-453.30 gegengelesen nach Farbfotos (Studio) von MiGe am 20.03.2012
Alles gegengelesen nach Farbfotos von KHo am 7.12.16
Grundsätzlich wurde jeder erste Buchstabe eines Verses in Fr5 mit einem durchgehenden Strich rubriziert. Diese Rubrizierungen werden in der Transkription nicht separat vermerkt.
Im Dezember 2017 Vergleich der zweifelhaften und unleserlichen Stellen mit der Transkription von Joseph Diemer durch MiGe. Vgl. Diemer, Custos: Kleine Beiträge zur altdeutschen Sprache und Literatur von Wolfram's Parzival, in: Sitzungsberichte der phil.-hist. Classe der kaiserl. Akademie der Wissenschaften, Bd. 7 (1851), S. 292-314. Alle aus Diemers Transkription übernommenen Buchstaben und Wörter werden mit dem Tag augezeichnet.
Autopsie am Original am 9. September 2020 durch MiGe.
Alle mit roter Tinte vergenommenen Korrekturen werden ru zugeordnet.
Jſt ſ
Jch ſ
Jr m
Dar
Da
Zvͦ
Saz
Sivͦ
Beid
Siv
Er ſ
Daz
Ouc
Div
H
Daz
Min
Ane
An d
Der
Vn̄d
Doch
Wel
Do ſ
⸿Mic
Jch
Mi
Wel
Daz
Der
Daz
Vn̄d
⸿Ei
Daz
Mer
Die
Siv
Ouh
Der
Ga
So ſ
Daz
Vah
Er g
I
Beid
Da d
Het
Deſ
Nu
Do g
Ein
Jn w
Gau
Da b
Ouw
Jr liezint ez vngerochin.
Jr habint iv gar virſprochin.
Man ſol iv wol giloubin
Daz iv niemanniſ ougin.
Giſahn zi vordireſt da man ſtreit.
Ie waſ ie ſtriten wol ſo leit.
Daz ir der luht bigundent.
nnoch ir mere wol kundent.
Swa man ie gein ſtrite dranc
Da tatint ir wibiſ widir wanc.
Seh kuch ſich lat an ivwern rat.
V twerſ im div krone ſtat.
Da were von minen handin.
In creize biſtandin.
Gauwan der ellinthaftir degin.
Deſ het ich mich gein im biwegin.
Daz der vride alhie were gitan.
Wolte min herre deſ giſtattit han.
Der treit mit ſunden minin haz.
Jch gitruwete im ander dinge baz.
Her Gauwan lobint her mir vur war.
Daz ir von hivte vbir ein iar.
Mir zigegin rede ſtet.
Jn kamphe ob ez ſo hie irget.
Daz iv min herre lat daz lebin.
Da wirt iv kamph von mir gigebin.
Jch ſprach iv an andem plimizol.
Nu ſie der kamph zi barbigol.
Vor dem kunig melianze.
Der ſorgen zi eime kranze.
Trage ich vnz vf daz tegedinc.
Wie da irgen miniv dinc.
⸿Gauwan der ellinſ riche
Bot gizoginliche
Nah dierre bete ſichirheit.
Do waſ da mit rede al bireit.
Der herzoge liddamuſ.
Bigonde ouch ſinir rede alſuſ.
Er ſprach wand im waſ ſprechinſ zit.
Swa ich kume zuͦme ſtrit.
Han ich da vehtinſ phlihte.
Odir vluht mit vngirihte.
Bin ich virzagilich ein zage.
Odir ich priſ al da bi iage.
Her lantgraue deſ dankint ir
Alſ irſ giprivͦvin kunnint an mir.
Jnphah iemir ivwirn ſolt.
Jch bin iedoch mir ſelbin holt.
Suſ ſprach der riche liddamuſ.
Welnt ir ſin her turnuſ.
So lant mich ſin her tranceſ.
Vn̄d ſtrafint mich ob ir wizzin weſ.
Jrhebint iv niht zigroze.
Ob ir vurhſten minir gnoze.
Der ediloſte vn̄d der obiroſte birt.
Jch bin ouch herre vn̄d landeſ wirt.
Jch han in Galicia.
Beidiv her vn̄d da.
Manic burc vnz an vederun.
Swaſ ir vn̄d iegiſlichir prittvn.
Mir da zi ſchaden mvgint gitvͦn
Jch givlohe vor iv niemir huͦn
Er iſt von prittanie komin.
Gein dem ir kamph hant ginomin
Nu recchin herren vn̄d den mac.
Mich ſol virmidin ivwir bac.
Juwirn vettirn ir warint ſin man.
Swer dem ſin lebin an giwan.
Da rechint ez ich tet im niht.
Jch wêne mirſ ouch nieman giht.
Juwirn vettirn ſol ich wol virclagin.
Sin ſun ſol die krone nah im tragin.
Der iſt mir zieime herren hoch ginuͦec
Div kuniginne flurdarmurs in truͦec.
Sin vatir kyngriſin.
Vn̄d der andir kunig Gandin.
Jch wil iv baz biſcheidin deſ.
Gahmureth vn̄d Galoeſ.
Sin oheim warinwaren.
Jch ne wolte gerne ſin varen.
Jch mohte mit eren wol von ſinir hant.
Mit vanen inpfahin min lant.
Swer vehtin welle der tuͦ ouch daz.
Bin ich gein dem ſtrite laz.
Jch vir eiſch doch div mere wol.
Swer priſ inme ſtrite hol.
Deſ danchin im div ſtolzin wip.
Jch ni wil durch nieman minin lip.
Virleitin hin zi ſcharphin pin.
Waſ wolfhartiſ ſol ich ſin.
Mir iſt inme ſtrite der wec virgrabit.
Gein vehtinne du gir virhabit.
Wurdint ir mirſ niemir holt.
Jch tæte e alſe kunolt.
Der dem kunige givnther riet.
Do er von wormiſ gein den hivnen ſchiet.
Er bat in lange ſnitten bên
Vn̄d indem keſſile vmbe drên.
DEr lantgraue ellinſ riche.
Sprach ir redint dem vil giliche.
Alſe menigir weiz an iv vur war.
Jvwir zit vn̄d ivwir jar.
Jr ratint mir daz wolt ich iedoch
Vn̄d ſprechint ir tetinz alſo riet ein choch.
Dez kvͦenin nibilungin.
Die ſich vmbetwungin.
Vz huͦbin da man an in rach
Daz in vride da von giſchach
Mich muͦez her Gauwan ſlahin tot.
Odir ich gilere in rache not.
⸿Deſ volge ich ſprach liddamuſ.
Wan ſwaz ſin oheim Artuſ.
Hat vn̄d die von Jndia.
Der mirſ hie gebe alſ ſiv ez hant da.
Der mirz lediclichin brêhte
Jch liez ez e danne ich vehte.
Nu bihaltint priſ deſ man iv giht.
Seygremorſ in bin ich niht.
Den man durch vehtin bindin muͦez
Jch ir wirbe ſuſ wol kivnigiſ gruͦez.
Sibiche nie ſwert gizoch.
Er waſ ie bi den da man vloch
Do mvͦeſ man in vlehin.
Groz gabe vn̄d ſtarkiv lehin.
Jnpfienc er von ermirrich gnuͦec
Nie ſwert er doch dur helm ſluͦec.
Mir wirt virſert niemir vel.
Durh iv her kyngrimurſel.
Deſ han ich mich gein iv bidaht.
Do ſprach der kunich vergulaht.
Swigint iverr wehſilmære.
Ez iſt mir von iv beiden ſwere.
Daz jr der worte ſint ſo vrj.
Jch bin iv alzi nahin bi.
Zi ſuſ gitanime gibrehte
Ez ſtet mir noch iv niht rehte.
⸿Diz waſ vf dem palaſ.
Aldar ſin ſweſtir komin waſ.
Bi ir ſtuͦnt her Gauwan.
Vn̄d manic andir werdir man.
Der kunig ſprach zider ſweſtir ſin.
Nu nim den giſellin din.
Vn̄d ouch den lantgraven zvͦ dir.
Die oͮch mir gvͦtiſ gunnin die gengin mit mir.
Vn̄d ratint mirs wegiſte waſ ich tvͦ.
Si ſprach da lege dine truwe zvͦ.
⸿Nu gêt der kunig an ſinin rat.
Div kivnigin ginomin hat.
Jr vettirn ſun vn̄d ir gaſt.
Des froͮde waſ der ſorgin laſt.
An alle miſſewende.
Nam ſi Gauwan mit ir hende.
Vn̄d vuͤerte in da ſi wolte weſin.
Si ſprach zime wærit ir niht gineſin.
Deſ hettin ſchaden alliu lant.
An der kuniginne hant.
Gienc deſ werdin lotiſ ſun.
Er mohtiz ouch do vil gerne tvͦn.
IN die kaminaten ſan.
Gienc div kivnigin vn̄d zwene man.
Vor den andirn bileip ſi lere.
Deſ phlagin kamirere.
Wan clarin ivnchfrowelin
Der mvͦſe vil dort inne ſin.
Div kunigin mit zuhtin phlac.
Gauwanſ der ir zi herzin lac
Da waſ der lantgraue mitte.
Der ſchiet niendir von der ſite.
Do ſorgite vil div werde magit.
Vmbe Gauwanſ lip wart mir giſagit.
Suſ warin die zwene da inne.
Bi der kuniginne.
Vnz daz der tac liez ſinin ſtrit.
Div naht chom do waſ ezzinſ zit.
Moraz. win. lutir tranc
Brahtin jvncfroͮwen in mitten kranc.
Vn̄d andir guͦt ſpiſe.
Faſan pardriſe.
Guͦet viſche vn̄d blanchiv waſtel.
Gauwan vn̄d kyngrimurſel.
Venite addomūm jacob et Addomūm
dd honỏrem deo et patrie lib̉erac̄ionem intulit
Warin komin vz grozir not.
Sit ez div kvniginne gibot.
Siv azen alſe ſiv ſolton.
Vn̄d andire die ez iht wolton.
Anthichonie an ſelbiv ſneit.
Daz waz durch zuht inbeiden leit.
Swaz man da kinder ſhenchin ſach
[ſach.]: Rechts neben der Spalte erstreckt sich von Vers 423.29 bis 424.06 eine auf dem Kopf stehende Federzeichnung jüngeren Datums.
Jr nicheinim der hoſeneſtil brach.
Ez warin megide alſ von der zit.
Div beſtin iar noch gît.
Jch bin dez vnreverit.
Hetin ſſie giſcherit.
Alſ ein valche ſin gividere.
Da rede ich niht widere.
⸿Nv horint e ſich der rat giſchiet.
Waz man dez landiſ kunige riet.
Die wiſen het ir zim ginomin.
An ſinin rat die warin ime komin.
Etiſlichir ſinin willin ſprach.
Alſ im ſin beſtir ſin viriach.
Do mazin ſiv ez an manige ſtat.
Der kunich ouch ſin rede horin bat.
⸿Er ſprach ez wart mit mir giſtritten.
Jch kom divrch auenture giritten
Jnz forreiſt Lechtaniriſ.
Ein ritir alzi hohin priſ.
Jn dierre wochin an mir ſach.
Wan er mich flugilingin ſtach
Hindirſ orſ al ſunder twal.
Er twanc mich dez daz ich den gral.
Gilobite im zir werbin.
Solt ich nv drumbe ſterbin.
So muͦez ich leiſtin ſichirheit.
Die ſin hant an mir ir ſtreit.
Da ratint vmbe deiſt not.
Do ich dar vmbe bot mine hant.
Alſ iv mit rede hie iſt bikant.
Ez iſt manheit vn̄d ellinſ her.
Der helt gibot mir dennoch mer.
Daz ich an arge liſte.
Minir jarſ vriſte.
Ob ich graliſ irwurbe niht.
Daz ir kome der man giht.
Der krone *bi peilrapeire.
Jr vatir hiez tampeteire
Swenne ſi min ouge an ſehe
Daz ich ir ſichirheit iehe.
Er inbot ir ob ſi gidæhte an in.
Daz wære an froͮden ſin giwin.
Vn̄d er weriz der ſi loſte e.
Von dem kunige clamide.
⸿Do ſi die rede ir horton ſuſ.
Do sparach liddamuſ.
Mit dierre vrlop ir ſprich nv
Ouch raten ſiv dir zvͦ.
Sweſ ivch dort twanc der eine man.
Dez ſie hie phant her Gauwan.
Der vedirſlagit vf ivwirn clobin.
Bittint in vor vnſ allen lobin.
Daz er iv den gral giwunne.
Lant in mit guͦetir minne.
Von iv hinnan riten.
Vn̄d nach dem grale ſtriten.
Die ſchame wir mvͦeſin alle clagin.
Wurdir in ivwirme huſe irſlagin.
Nu virgebint im ſine ſchulde.
Durch ivwir ſweſtir hulde.
ER hat hie irlitten groze not.
Vn̄d er mvͦez nv kerin in den tot.
Swaz erden het vmbe ſlagin daz mer.
Da ne gilac nie huſ ſo wol ziwer.
Alſ mvntſaluahſch ſwa div ſtet.
Von ſtein ruhir wec dar get.
Bi ſime gimache in hinaht lat.
Morne ſage man im den rat.
⸿Deſ volgiton im al die rat gebin.
Suſ bihielt her Gauwan da ſin lebin.
Wan phlac deſ helidiſ vnvirzagit.
Deſ nahtiſ al da wart mir giſagit.
Daſ hart guͦet waſ ſin gimach.
Do man den mittin morgen ſach.
Vn̄d do man miſſe giſanch
Vf dem palaſe waſ michil gidranch.
Von bouil vn̄d volvōn werdir diet.
Der kunic tet alſ man ime riet.
Er hiez Gauwan bringin.
Den woltir nihtiſ twingin.
Wan alſ ir ſelbe habint gihort.
Nu ſeht wer in brahte dort.
Antichonie div wol givar.
Jr vettirn ſun kom mit ir dar.
Vn̄d andir kgnvͦege dez kunigiſ man.
Div kuniginne vuͦrte Gauwan.
Vur den kunig an ir hende.
Ein ſchappel waſ ir gibende.
Jr mvnt den bluͦemin nam ir priſ.
Vf dem ſcappelſchappel in alle wiſ.
DA ſtuͦnt an niendir dikein alſ rot.
Sweime ſi guͦetlichin ir kuſſin bot.
Dez mvͦſe ſwenden ſich der walt.
Mit manigir tyoſt gizalt.
Mit lobe wir ſolten gruͦezin.
Die kuſchin vn̄d die ſivͦzin.
Anthychonyen.
Vor valſcheit die vrien.
Wan ſi lebite in ſolhen ſitten.
Daz niendir waſ vndir ritten.
Jr priſ mit valſchen worten.
Alle die ir priſ gihorten.
Jegillichir munt ir wunſchte do.
Daz ir priſ giſtuͦende alſo.
Biwart von velſchir truͦebe iehin
Lutir virrech alſ einſ valchin ſehin.
: Mögliches Korrekturzeichen vor der Zeile
Waſ balſun mazic ſtete an ir.
Daz riet ir werdiclichiv gir.
Div ſivͦeze ſalden riche
Sprach gizoginliche.
Bruͦedir hie bringe ich den degin.
Dez dv mich ſelbe hiez phlegin.
Nv laz in min giniezin.
Deſ inſol dich niht virdriezin.
Denche an bruedirliche trivwe.
Vn̄d tuͦ daz an rivwe.
Dir ſtêt manlichiv trivwe baz.
Denne daz du dulteſt der welt haz.
Vn̄d minen kunde ich hazzen.
Der lere mich gein der mazen.
Do ſprach der werde ſivͦze man.
Daz tuͦn ich ſweſtir ob ich kan.
Dar zvͦ gib ſelbiv dinin rat.
Dich dunchit daz dirmir miſſitat.
Werdikeit habe vndir ſwungin.
Vn̄d trivwe vndir drungin.
Waz tohte ich danne zi bruͦedir dir.
Wan dientin alle krone mir.
Der ſtuͦnde ich abe durch din gibot.
Din hazzin were mir hohiſtiv not.
Mir iſt vnmære froude vn̄d ere.
Niht wan nah dinir lere.
⸿Her Gauwan ich wil iv deſ bitten.
Jr chômint durch priſ da her giritten.
Nu tuͦnzt durch priſiſ hulde
Helfint mir daz mine ſchulde.
Min ſuueſtir vf mich virkieſe.
E daz ich ſi virlieſe.
Jch virkivſe vf ivch min herzeleit.
Welnt ir mir gebin ſichirheit.
Daz ir mir werbint ſunder twal.
Mit guͦeten trivwen vmbe den gral.
⸿Da wart div ſvͦne giendit.
Vn̄d Gauwan giſendit.
[giſendit.]: Rechts neben der Spalte erstreckt sich von Vers 428.24 bis 428.26 wiederum eine Federzeichnung jüngeren Datums.
An dem ſelbin male.
Durch ſtritin nach dem grale.
Kyngrimurſel ouch virkoſ.
Vf den kunic der in da virloſ.
Daz er im ſin gileite brach.
Vor al den vurhſten daz giſhach.
DA in ir ſwert warin gihangin.
Div warin in vnder gangin.
Gauwanſ knappin deſ ſtritiſ ſtunt.
Daz in dicheinir was worden wunt.
Ein giwaltig man von der ſtat.
Der in vrideſ von den andirn bat.
Der vienc ſiv vn̄d leit ſiv inpriſvn.
Er wære franzeyſ odir prittvn.
Starche knappin vn̄d cleiniv kint irſahin.
: Kontraktion der Verse 429.09 und 429.13.
Da wart groz vmbe vahin.
Jegiſlichiz ſich weininde an in hienc.
Daz wei
nen iedoch vor
liep irgienc.
[Daz weinen iedoch vor liep irgienc.]: Rechts neben der Spalte auf der Höhe von Vers 429.15 bis 429.18 nachgetragen.
Von kurniwal mit im da waſ.
Conſlaiz fiztinaſ.
Ein edile kint vontwont im ouch bi.
Duk Gandiluz fiz gurzgri.
Der durch ſchordelachur den lip virloſ.
Da manic froͮwe ir iamir choſ.
Liaſ waz deſ kindeſ baſe.
Sin mvnt ſiniv ougin ſin naſe.
Waſ reht der minne kerne.
Al div welt ſah in gerne
Dar zvͦ ſehſ andir kindelin.
Diſe aht jvncherrin ſin.
Div dir vil wilde were.
Hetiſt du givragit der mere.
Jch warb alſ der der ſchaden hat.
Sprach er liebivͦ niftil nu gib mir rat.
Gidenke rehtir ſippe an mir.
Vn̄d ſage mir ouch wie ſtet ez dir.
Jch ſolte truren vmbe dine klage.
Daz ich hohirn kumbir trage.
Den ie man gitrivͦegegitrvͦege
Min not iſt zi vngivuͦege
Si ſprach nv helf dir dez hant.
Dem allir kumbir iſt bikant.
Ob dir ſo wol gilinge.
Daz dich ein ſlage dar bringe.
Al da du muntſaluaſch
Da du mir dinir froͮden gihiſt.
Kundrie latzurZire reit
Vil nivwilich hinnan mir iſt leit.
Daz ich niht vragite ob ſi dar
Wolte kerin odir andirſwar.
Jemir ſwenne ſi chumit ir mul dort ſtet.
Da der brunne vz der velſe get.
Jch rate daz du ir riteſt nach
Jr iſt lihte von dir niht ſo gach
Dv in mivgiſt ſi ſchiere han ir ritten.
Da wart niht lengir do gibitten.
Vrlob nam der helt al da.
Do kertir vf die nivwen ſlage ſa.
Kundrien mul die reiſe gienc
Daz vngiverte in vndir vienc.
Ein hufſlah die er hette irkorn.
Suſ wart abir der gral virlorn.
AL ſinir froͮde er do virgaz.
Jch wæne er hette givragit baz.
Wer ir zi muntſaluaſch komin.
Denne alſ ir ê hant virnomin.
Nu lant in riten war ſol er.
Dort gein im kom giritten her.
Ein man dem waſ daz houbit bloz.
Sin wapin roch von koſte groz.
Dar vndir herneſch blanch givar.
Ane daz houbit waſ er giwapint gar.
Gein parcifal er vaſte reit.
Do ſprach er herre mir iſt leit.
Daz ir minſ herren walt ſivſ pant.
Jr werdint ſchiere drumbe irmant.
Da von ſich ivwir mvͦt ſenit
Muntſaluaſch iſt niht giwenit
Daz iemin ir ſo nahir giritte.
Ez in were der angiſtlichir ſtrite.
Odir der alſolhin wandil bot.
Alſ man vorme walde heizit tot.
Ei h in der hende.
Vuͦrte dez gibende
Warin wiz ſîdin
einin ſcharpfin glevin
Dar inne al nivwe waſ der ſchaft.
Der helt bant mit zorniſ craft
Den helm vf daz houbit ebine
Ez ſtuͦnt in niht virgebine.
An den ſelben ziten
Sin droͮwen vn̄d ſin ſtriten.
JEdoch bireit ſich zir dyoſt
Parcifal mit ſolhir choſt.
Er het ouch ſper vil virzert.
Er dahte ich were ouch vnernert.
Ritte ich vbir diz manniſ ſat.
Wie wurde danne ſinſins zorniſ rat.
Nv tritte ich hie den wildin varn
Mir ne giſwichegiſwichen hende vn̄d arn.
Jch gibe vf mine reiſe ein phant.
Daz niendir bindit mich ſin hant.
Daz wart zi beiden ſiten gitan.
Div orſ in den walap virlan.
Mit ſporn gitribin vn̄d ouch gifuert.
Vaſte vf der rabine hurt.
Jr ne wedirſ tyoſt da miſſeriet.
Manigir tyoſt ein gegin niet.
Waſ parcifalſ hohiv bruſt
Den lert kunſt vn̄d oͮch giluſt.
Daz ſin tyoſt alſ ebine vuͦr
Reht in den ſtrich der helm ſnvͦr
Er traf in da man henkit den ſchilt.
So man ritirſchefte ſpilt.
Daz von muntſaluaſch der templeiſ.
Von dem orſe in die halden reiſ.
So verre hin abe div waſ ſo tief
Daz da ſin legir wenic ſlief.
⸿Parcifal der dyoſt nach
volgite. dem orſe waſ gach
Ez viel hin abe daz ez alliz zirbraſt.
Parcifal einſ cedirſ aſt.
Bigreif mit ſinen handen.
Nu iehintZ im niht zi ſchande
Daz er ſich ane ſchergen hienc
Mit den vuͦezin er givienc
Vndir im dez velſis herte.
Jn grozime vngiverte.
Lac daz orſ da nidinin tot.
Der ritir gahite von der not.
Andirhalbin vf die haldin hin.
Woltir teilin den giwin.
Den er irwarb an parcifal.
So half im baz da heime der gral.
Parcifal her nidir ſteic
Der zivhil gein der erden ſeic
Da het daz orſ durch gitrettin
Alſ ez were bîtenſ gibettin.
Dez ienir ritir da virgaz.
Do parcifal dar vf giſaz.
Da ne waſ niht wan ſin ſper virlorn.
Div virluſt gein vigindin virkorn.
Jch wene der ſtarke lehilin.
Noch der ſtolze kyngriſin.
Noch royſ gramuͦlanz.
Noch ounſ laſchuͦt fiz gurnimanz.
Nie bezzir tyoſt giritten.
Danne alſe was diz orſ ir ſtritten.
Do reit er erne wiſſe war.
So daz div muntſaluaſch ſchar.
Jn mit ſtrit gar vir meit.
Deſ graliſ fromide waſ im leit.
SWer nv ruͦchit horin war kumit.
Den Auenture hat vz gifrumit.
Deſ in privͦue ich niht der wochin zal
[zal]: Das Wort ist am Original zu erkennen.
Vbir wie lanc ſit parcifal
Reit durch auenture alſ e.
Einiſ morginſ lac ein dvnner ſne.
Jedoch ſo dicche wol giſnit.
Alſe der noch froſt den livtin git.
Er waſ vf einim grozin walt.
Jm widir gienc ein ritir alt.
Deſ vartbart waſ al gra givar.
Da bi ſin vel linde vn̄d clar.
Die ſelbin varwe truͦec ſin wip.
Div beidiv vbir blozin lip
Truͦgint grawe rocche herte.
Vf ir gibite verte.
Siniv kint zwo jvncfroͮwin.
Die man gerne mohte ſchoͮwin.
Da giengin in der ſelbin wat.
Daz riet in kivſchiſ herzin rat.
Sie giengin alle barvuͦz
Parcifal bot ſinin gruͦz
Dem grawin ritir der da gienc
Von deſ rate er ſit gilucke inpfienc
Ez mohte wol ein herre ſin.
Da liefint froͮwin brachilin.
Mit ſenften ſittin niht ziher.
Kienc da ritir vn̄d knappin mer.
Mit zivhtin vf der gotiſ vart.
Gnuͦege ſo ivnch ane bart.
PArcifal der werde degin.
Het deſ libiſ ſo gipflegin.
Daz ſin zimier riche
Stuͦnt gar ritirliche.
Jn ſolichim harneſch er reit.
Dem vngilich warin ieniv kleit.
Div gein im truͦc der grawe man.
Daz orſ vz dem pfade ſan.
Kert er mit dem zoͮme
Do nam ſin vragin goͮme
Vmbe der gvͦtin livtin vart.
Mit ſuͦezir rede erſ innin wart.
Do waſ deſ grawin ritirſ clage
Daz im die heiligin tage
Niht hulfint gein ſolchim ſitte
Daz er ſundir wapin ritte.
Oder daz er barvuͦz gienge
Vn̄d deſ tagiſ zit inpfienge.
⸿Parcifal ſprach zim do.
Herre inirkenne ſivſ noch ſo.
Wie deſ iariſ zit giſtet.
Alde wie der wochun zal get.
Swie die tage ſint ginant.
Daz iſt mir alliz vmbe kant.
Jch diende einim der heizit got.
E daz ſo laſtirlichin ſpot.
Sin gunſt vbir mich virhancte
Min ſin im nie giwancte.
Von dem mir helfe waſ giſagit.
Nu iſt ſin hilfe an mir virzagit.
Do ſprach der ritir gra givar.
Meint ir got den div magit gibar.
Giloubit ir ſine menſcheit.
Waſ er alſe hivte durch vnſ leit.
Alſ man deſ tagiſ zit biget.
Vnrecht iv denne der harneſch ſtet
Ez iſt hivte der karvritac
Deſ al div welt ſich froͮwin mac
Vn̄d da bi mit angiſt ſivftin ſin.
Wa wart ie grozir trivwe ſchin.
Danne die got an vnſ bigienc
Den man durch vnſ an diz cruce hienc.
Herre pflegit toufiſ
So iamir ivch deſ choufiſ.
Er hat ſin werdiclichiz lebin.
Mit tot vur vnſir ſchult gigebin.
Durch daz der menniſch waſ virlorn.
Durch ſchulde hin zur helle irkorn.
Ob ir niht ein heidin ſit.
So den kint herre an diſe zit.
Rit vurbaz vſvf vnſir ſpor.
iv enſitzit niht zi verre vor.
Ein heilig man der git iv rat.
Vn̄d wandil vur ivwir miſſetat.
Welt ir im rivwe kundin.
Er ſcheidit ivch von ſivndin.
⸿Sine tohtren bigunden ſprechin.
Waſ wilt du vatir rechin
So boſe wetir wir nv han.
Waſ ratiſ nimiſt dv dich an.
Wan fuͦeriſt dv in da er warme.
Sine giſertin arme.
Swie ritirlich ſi ſien giſtalt.
Vnſ dunkit doch ſi habint kalt.
erfrurit werint ſin eins dri.
Dv haſt hie ſtænde nahe bj.
Gizelt vn̄d huſ.
Kome dir der kvnig artuſ.
Dv bihieltiſt in ouch mit ſpiſe wol.
Nv tvͦ alſ ein wirt ſol.
Vuͦer diſin ritir mit dan.
Do ſprach abir der grawe man.
Here min tohtir ſagit al war.
Hie nahe bi ælliv iar.
Var ich vf diſin wildin walt.
Ez ſie warm odir kalt.
Jemir gein der martyr zit.
Div ſtetin lon nach dienſte git.
Swaz ſpiſe ich vz han braht durch got.
Die teile ich mit iv ane ſpot.
Die ez mit guͦtim willin tatin
Die ivncfroͮwin in batin
Bilibin harte ſere.
Vn̄d er hete bilibiniſ ere.
Ietwediriv daz mit trivwin ſprach
Parcifal an in irſach
Swie tivre von froſte in wære ſwaiz
Ir munde warin rot. dicke vn̄d haiz.
Sie ſtuͦendin niht ſeniliche
Deſ tagiſ zit giliche.
Ob ich kleine dinc da ræche.
Vngerne ich daz vrſprêche
Jch in holte ein kuſ dur ſvͦne da.
Ob ſi der volge ſprêche ja.
Wip ſint eht iemir wip.
Werlichiſ maninſ lip
Hat ſchiere bitwungin.
Jn iſt dicke alſivſ gilungin.
⸿Parcifal hie vn̄d dort.
Mit bete hort er ſivͦziv wort.
Deſ vatir. mvͦt̉er. vn̄d der kinde.
Er gidahte ob ich ir winde.
Jch gen vngerne indierre ſchar.
Diſe mægide ſint ſo wol givar
Daz min ritin bi in vbil ſtet.
Sit man vn̄d wip zefvͦezin get.
Sich fuͦgit min ſcheidin von in baz.
Sit ich gein dem trage haz.
Den ſi von herzin minnint.
Vn̄d ſich helfe da virſinnint.
Er hat ſine helfe mir verſpart.
Vn̄d mich vor ſorgin niht biwart.
⸿Parcifal ſparach zin do ſan.
Froͮwe vn̄d herre lant mich han.
Vrhap. gilivcke vn̄d heil.
Gebe iv got vollin tail.
Mine jvncfroͮwen ſivͦze.
Jvwir zuht iv dankin mivͦze.
Sit ir mir gundin gimachiſ wol.
Jvwir vrlob ich habin ſol.
ER neig. vn̄d die andern nigin.
Do wart ir clage niht verſwigin.
Hin reit herzelaudin fruht.
Dem riet ſin manlichiv zuht.
Kivſche vn̄d irbarmvnge.
Sit herzelaude div ivnge
Jn het vf gierbit trivwe.
Sich hvͦb ſiniſ herzen rivwe.
Allir eriſt er do dahte
Wer al die welt volle brahte.
An ſinin ſchepfæ̂re.
Wie giwaltich der wêre
Er ſparach waſ ob got helfe pfligit.
Div minim trurin angiſigit.
Wart abir er ie ritir holt
Gidienit ie ritir ſinin ſolt.
Oder mac giſchilt oder ſwert.
Sinir helfe ſin ſo wert.
Vn̄d reht manlichiv wer
Daz ſin helfe mich von ſorgin ner.
Jſt hivte ſin helflichir tac
So helf er ob er helfin mac.
⸿Er kerte ſich umbe dan er reit.
Sie ſtuͦedinſtuͦendin dennoch den waſ leit.
Daz er von in kerte
Jr trivwe ſi daz lerte.
Die ivncfroͮwin ſahin im nah
Gein den ouch ſin herze iach.
Daz er ſie gerne ſæhe.
Wan ir blik der waſ wæhe.
ER ſprach iſt gotiſ craft ſo fier.
Daz ſi beidiv orſ vn̄d tier.
Vn̄d die livte mac wiſin.
Sine kraft wil ich priſin.
Mac gotiſ kunſt die helfe han.
Div wiſe mir daz caſtilan.
Daz wegiſte vmbe die reiſe min.
So tuͦt ſin gvͦte helfe ſchin.
Nu ganch nach der gotiſ kur.
Den zuhil gein den orin fuͦr
Er dem orſe legete.
Mit den ſporn erz vaſte regete.
Gein funtane ſaluaſche ez gienc
Da oriluſ den eit inpfienc.
Der kuſche treureſent da ſaz
Der manigin mæntac vbil gaz.
Alſe tet er gar die wochin.
Er hete gar verſprochin.
Moraz. win. vn̄d ouch daz brot.
Sin kivſche im dennoch me gibot.
Der ſpiſe het er dicheinin mvͦt.
Viſche fleiſch noch ſwaſ treit bluͦt.
Suſ herticliche ſtuͦnt ſin lebin.
Got hete im dein mvͦt gigebin.
Der herre ſich bireite gar
Gein der himilſhin ſhar.
Mit vaſte er grozin kumbir leit.
Sin kuſche gein dem tievil ſtreit.
Ab dem er vert nu parcifal
Daz verholne mære vmbe den gral.
Swer mich dir von e vragite
Vn̄d mit mir darvmbe bagite.
Ob ich ez im niht ſagite.
Vnpriſ er da an biiagite.
Mich bat ez heln kyot.
Wan im div auenture gibot.
Daz erſ iemir man gidæhte
E ez div auentivre brahte
Mit worte ander mære gruͦz
Daz man dir von nv ſprechin mvͦz.
⸿Kyoth ein meiſtir wol bikant.
Ze doleth verworfin ligin vant.
Jn heidinſchir giſchrifte.
Dierre Auenture giſtifte.
Den karacter A b c.
Muͦeſ er habin gilirnet e.
An den liſt von nigromanzi
Ez half daz im der touf waſ bi.
Anderſ were daz mere niht virnomin.
Gein heidinſch liſt moht vnſ gifromin.
Zi kunde vmbe deſ graliſ art.
Wie man ſinir toͮgin innin wart.
Ein heidin hiez Flegetaniſ
Biiagite an kunſte hohin priſ.
Der ſelbe viſion.
Waſ giborn waſ von ſalomon.
Von iſraheliſhir diet irzilt.
Von alter her vnze vnſir ſhilt.
Der toͮf waſ vur daz hellefivr.
Der ſcreip von graliſ auentur.