Parzival Transkription des Textzeugen fr49 Wolfram von Eschenbach Parzival-Projekt Bern Parzival-Projekt Bern Bern 27.03.23 Berlin Staatsbibliothek Preußischer Kulturbesitz Ms. germ. fol. 923 Nr. 38 fr49

Fr. 49 (G<hi rend="sup">ι</hi>): Berlin, Staatsbibliothek Preußischer Kulturbesitz, Ms. germ. fol. 923 Nr. 38 Pergament – 1 Doppelblatt – Format 17,9 x 15,5 cm, urspr. Format ca. 24 x 15,5–16 cm (Schriftraum ca. 21 x 13–13,5 cm), zwei Spalten zu 41–42 Zeilen, Verse abgesetzt – Ende des 14. Jhs. – bairisch-österreichisch – Abschnittsgliederung durch eine dreizeilige rote Lombarde (491.19) – die Anfangsbuchstaben der ungeraden Verse (meist rot gestrichelte Majuskeln) sind ausgerückt – Fassungszugehörigkeit: *G [*GI] – vgl. zur Hs. auch die Angaben im Handschriftencensus,.

Schreiber Schreiber Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Abschnitt 473.19-478.24; 490.01-495.07 Transkribiert nach Farbfotos (Studio) von JKl am 10.4.2012. Gegengelesen nach Farbfotos (Studio) von MiGe am 24.4.2012. Endredaktion 2017 AB 14.9.2018, MiGe: sek-Tag ergänzt und ggf. Zweifeltags entfernt. Quellen: 1. Franz Pfeiffer, Quellenmaterial zu altdeutschen Dichtungen II, in: Denkschriften der kaiserl. Akademie der Wissenschaften zu Wien, phil.-hist. Classe, Bd. 17 Erste Abtlg., Wien 1868, S. 33-122, hier S. 35 (Nr. 35), 98-100; 2. Willy Scheel, Die Berliner Sammelmappe deutscher Fragmente (Ms. Germ. fol. 923), in: Festgabe an Karl Weinhold. Ihrem Ehrenmitgliede zu seinem 50jährigen Doktorjubiläum dargebracht von der Gesellschaft für deutsche Philologie in Berlin (Festschriften der Gesellschaft für deutsche Philologie 12), Leipzig 1896, S. 31-90, hier S. 64f. (Nachkollation zu Pfeiffer). Grundsätzlich wurden alle Anfangsbuchstaben jedes zweiten Verses in Fr49 rubriziert. Diese Rubrizierungen werden in der Transkription nicht separat vermerkt. Daz er nit vragt dez wirtez ſchadēn er waz mit chumb̉er ſo geladen Ez waart nie erchant ſo hoh̉er pein da vor chom roys Lehelein Cze prupanie an dēn ſe geritēn durch tioſt het ſein da gepitēn Libeals d̉er w̉erde helt dez tot mit tioſt waart erwelt Er waz gebor von prinlacors Lehelin dez heldez ors Dannēn zoch mit ſein̉er hant da wart d̉er reraup bechant Herre ſeit irs lehelein So ſtet in dem ſtalle mein Den orſen ein ors gleich geuar die dda horēnt in dez garalez ſchar An dem ſatel ein tuͯrtltaub ſtet daz oͯrs von muntſchalualſch get Dev wappēn Gab im Anfortas. do er d̉er vreud h̉erre waz. Jr ſchilte ſint vor alt̉er ſo Titurel ſi parachte do An ſeinēn ſun roÿ Frimutel dar vnder v̉erlos d̉er degēn ſnel Von ein̉er tioſt ſeinēn leip der mīnnte ſein ſelbez weip Daz nie vōn mīnne mere weip waart geminet ſo ſere Jch main mit rechtēn trewēn Sein ſit ſuͯlt ir newēn Vnd mīnnet von herzēn ew̉er konēn Seine ſit ſult ir wonēn Ew̉er varb im tereit geleich mal H̉erre durch ew̉er Sult ir in nemen Mein vat̉er hiez Er waz von art ein herre ich pins nit lehelein Genam ich ie den reraup So waz ich an wiczēn taup Ez iſt idoch von mir geſchehen der ſelbēn ſund muz ich iehen Jkern von Kucum̉erlant den ſluc mein ſundigev hant Jch legt in totēn auf daz gras vnd nam waz an im waz Owe w̉erlt wie tuſtu ſo Sparach d̉er wirt d̉er waart dez m̉ers vnvro Du geiſt den leutēn h̉erczēn ſer vnd rewebers chum̉ers mer Danne d̉er vreude wie ſtet de Sus endet ſich dez iam̉ers don Do ſparach er lieb̉er sweſt̉er ſun waz ratez mochmocht ich dir nu Du haſt dein âigen v̉erch erſlag wildu fuͯr got die ſchulde Seit daz ir bede waart ein pluͯt ob got recht gerichte tut So gilt im dein aigēn Leben waz wiltu im da ze gelte g Jthern von Cahauis der rechtēn w̉erdichait genis Dez du w̉erlt waz gerâinet het got an im erſchainet Miſwend waz ſein rewe er walſam ob d̉er trewe gefrumteſt ſolhe not ſweeſt̉er lac auch nach dir tot land dein mut̉er neina h̉erre guter Waz ſagt ir nu ſparach Parzifal wær ich dan h̉erre vb̉er dēn gral Der mocht mich ergezēn niht dez m̉ers mir ew̉er munt gicht Bin ich ew̉errr ſweſt̉er chînt So tut alz die mit terewēn ſint Vnd ſagt mir ſund̉er wānchez uar Sint diſe maͤr beide war Do ſparach ab̉er der gut man ich pins nit der da tirigēn chan Dein̉er mut̉er daz ir terewe erwarb da du vōn ir ſchiede ze hānt ſi ſtarb Du wartwaert daz tier daz ſi ſluc vnd d̉er tarache d̉er von ir da vluc Ez wid̉er fur ir in ſlaffe gar E daz dev ſuzze dich gepar Mein̉er geſwistreit zway noch ſīnt mein ſweſt̉er Scoſian ein chīnt Gepar der frucht lac ſi tot der h̉erzoge Kiot Von Katelangēn waz ir man der wolt auch ſeit nit vreud han Sigun dez ſelben tocht̉erlêin beualch man d̉er mut̉er dein frau tot mich Sm̉erczen Mus in meinēn herzen weipleich hercz waz ſo gut ein art fur vncheuͯſch vlut n magt mein ſweſt̉er pfligt noch Dem iſt laid̉er vreud v̉erre Wan daz er hat gedīngen in ſuͯll ſein chum̉er piringēn Zu dem endloſin gemache mit wund̉erleich ſache Jſt ez im chomēn an rewes zil alz ich dir neue chundēn wil Pfligeſtu dann terewe So erparmt dich ſein rewe Do Frimuntel den leip v̉erloz Mein vat̉er man nach im da chos Seinēn eltiſten ſun ze chūnge dar vb̉er den gral vnd dez garalez ſchar Daz waz mein prud̉er anfortas Der chron vnd reicheit wuͯrdic waz Dannoch wir wenc warēn do mein prud̉er gein dēn iarēn Chom fuͯr d̉er graneſprūnge zeit Mit ſolch̉er iugent hat mīnne ir ſtereit So twinget ſi ir vreunt ſo ſ̉ere Man mag ir ez iehēn ze vnere Welchs grales h̉erre mine g̉ert And̉ers dann der ſchrift w̉ert Der muz dez chomēn in arbeit vnd in ſeuftparſeuftpaer h̉erczēnlâit Mein h̉erre vnd d̉er prud̉er mein chos im ein fraufreundein Dez in dauchte mit gutēm ſit wer dev waz daz ſey da mit Jn ir dinſt er ſich zoch So daz dev zagheit in vloch Dez waart vōn ſeiner clarēn hānt durchel manc ſchiltes rant Da half not fur die and̉er not da waart daz ſper plutic rot Etleich ſt̉ern chom̄en in dēn tage die devͯ diet lertēn iam̉ers clage Die ſo hoch ob ein and̉er ſtēnt vnd vngeleich wid̉er gent Vnd dez manēn wid̉erchere Sit hat auch zu d̉er wūndēn ſ̉ere Diſe zeit di ich hie benēnnet han So muz d̉er chunch rewe han So tut dem chūnge froſt ſo we Sein fleiſch wirt chelt̉er dān d̉er ſne Seit man daz geluͯppe hais an dem ſper eiſen w*weis Die zeit mans auf die wūnde leit dez froſt ez auz dem leib tareit Al vmb daz ſper glaz var als ein eis daz mocht aber chain weis Von dem ſper niemān piringēn dan wan Trebuchet d̉er weis man Der worcht zwei meſſer di ez ſnitēn auzēm ſilber diu ez nit v̉erniten Den liſt tet im ein ſegēn chūnt der an dez chuͯnges ſtunt Mang̉er iſt d̉er g̉erne gicht Aſpende daz holz pirine nît So diſes glaſes drauf it ſprānch fewrez lochēn da nah̉er ſprānchſwanc Aſpende da vōn v̉erpran waz wund̉ers dicz geluppe chan Er mac gereitēn noch gigen d̉er chunch geligēn noch geſten Er lâint ane ſîczēn Mit ſus geparēn wîczēn we= Da von chom vns ein m̉ere ez w̉er ein viſchere Daz m̉ere muſt leide Salmēn lampride Het er doch luczel veile d̉er traurîg vnd nit d̉er gâile Parcîfal ſparach alzehānt auf dem ſe dēn chūnc ich vant Geanchert auf dem wage ich wand durch viſchens lage Od̉er durch and̉er churczwêile ich het mange meile Dez tages dar geſtirichen pailrapir ich waz entwîchēn Recht vmb den mittēn morgēn dez abendez pflac ich ſorgēn Wa der h̉erw̉erg moͯchte ſêin d̉er beriet mich d̉er oheim mein Du ritt ein enſtlêiche vart ſparach d̉er wirt die waart ſînt bewaart Jgleiche ſo beſezzēn ſiſt Mit rottēn ſeltēn iemans lîſt Jm hilfet gein d̉er râiſe er chert ie gein d̉er vrâiſe Wenn ein herare dar zu in râit Si namēn nîemans ſîcherhâit Si wagtēn ir lebēn gein iens leb̄en daz iſt fuͯr ſuͯnd in da gigeben Nu chom ich ane ſtereiten an den ſelbēn zêitēn Geritēn da d̉er chuͯ̄nch waz Sparach parcifal dez palaz Sach ich dez abenez iam̉ers vol Waart dem chunge nie ſo we wan do ſein chomēn zaigte ſus der ſtern Saturnus Der mit grozēm vroſte waz chom̄en drauf legēn mag vns nit gefrom̄en Alz man ez drauf ligēn ſach daz ſper man in die wundēn ſtach. Saturnus laufet ſo hoch enpar daz ez dew wunde weſſe var E d̉er ander vroſt choͯm h̉ernach dem ſne waz nind̉er ſo gach Er viel all̉ererſt an d̉er and̉ern nacht ind̉er. ſuͯm̉erleich*ſuͯm̉erleichen macht Do man dez chuͯ̄ngez vroſt ſus w̉erte die diet ez vreude herte Do ſparach der cheuͯſch Trêuiczent Si enpfîngēn iam̉ers ſoldîmēnt Daz ſper in vreud enpfurte daz ir h̉erczēn v̉erch ſus rurte Do macht ir iam̉ers terewe dez taufes ler al newe Parcifal zu dem wirte ſparach fuͯmf vnd zwâinczik maid ich ſach Die uor dem chuͯnge ſtunden vnd wol mit zuchtēn chundēn Der wîrt ſparach ez ſparach ez ſullēn meid pflegēn dez hat ſich gein im bewegēn Dez gralez dem ſi da dientēn vuͯr der gral iſt mit hoh̉er chuͯr So ſullēn ſein ritt̉er huͯten mit cheuſchlêichēn guͯtēn Der hohēn ſt̉erne chomēndev zeit d̉er diet alda grozēn iam̉er gêit Si enpfahent chlaine chindel dar von hoh̉er art vnd wol geuar Wirt in der h̉erre loz ein lant erchēnnet ſiͯ da dev gotez hānt So daz dev diet eins h̉ern g̉ert von dez Garalez ſchar iſt ſi gew̉ert Dez muͯzēn auch ſi mit zuͯchtēn pflegēn Sein huͯtet alda d̉er gotez ſegen Got ſchaffet v̉erholn dann die man die meid offenleichēn dan Du ſolt dez ſein vil gewiz daz d̉er chunch Caſtis Herzenlaude gerte der man in ſchon w̉erte Dein mut̉er gab mān im ze chonēn er ſolt aber mit ir mî̄nne wonēn Der tot in leit in daz grab da vor er dein̉er mut̉er gab Waleis vnd ne*norgals kanfoleis vnd nirikirinals Daz ir mit ſeld waart gegebēn d̉er chuͯnch nit leng̉er ſolt leb̄en Daz waz auf ſein̉er raiſe wider d̉er chunch leit ſich ſt̉erb̄en nid̉er Do truc ſi cron vͯber zwai lant do erwarp ſi Gam᷑uretez hant Sus geit man vōn dēm gral dan off̄enleich di meid v̉erholn die man Durch frucht zedinſt wid̉er dar ob ir chint dez garales ſchar Mit dinſt ſullēn merēn dez chan ſi got wol lerēn W̉er ſich dinſt dem garal hat bewegēn