Parzival
Transkription des Textzeugen fr38
Wolfram von Eschenbach
Parzival-Projekt Bern
Parzival-Projekt Bern
Bern
25.06.22
Nürnberg
Germanisches Nationalmuseum
Hs. 120937
fr38
Fr. 38 (G<hi rend="sup">y</hi>):
- Nürnberg, Germanisches Nationalmuseum, Hs. 120937
Pergament
– 1 nicht ganz vollständiges Doppelblatt
– Format 27,2 x 21,5 cm (Schriftraum 20,5 x 17,5–18 cm), drei Spalten zu 41 Zeilen, Verse abgesetzt
– erste Hälfte des 14. Jhs.
– oberdeutsch / schwäbisch
– Abschnittsgliederung durch zweizeilige rote und blaue Lombarden
– die Anfangsbuchstaben (rotgestrichelte Majuskeln) sind nicht ausgerückt
– die ersten Buchstaben am Spaltenanfang sind meist vergrößert und verziert
– Fassungszugehörigkeit: *G
– vgl. zur Hs. auch die Angaben im [Handschriftencensus,](http://www.handschriftencensus.de/1713).
Schreiber
Finis-Zeichen
Alinea-Zeichen
de-Ligatur
Lateinische Abkürung für -rum
Lateinische Abkürzung für -is
Lateinische Abkürzung für -et/-it
Lateinische Abkürzung für -et
Vgl. Cappelli, Lexicon abbreviaturarum, S. 408, Sp. a, letzte Zeile.
Zeilenfüllsel
Abschnitt 361.22-364.12, 367.6-378.3
Transkribiert von SFa ab Farbfotos (Studio) im August 2014.
Gegengelesen von JKl ab Farbfotos (Studio) im September 2014.
Autopsie durchgeführt am Original am 28. November 2014 von SFa und MiGe.
Korrekturen eingefügt von SiLa im November 2016.
Autospie am Original am 26.6.2017 durch SiLa.
Korrekturen aus Autospie eingearbeitet am 10.7.2017 von SiLa.
Endredaktion 1 von SiLa am 24.07.2017.
Endredaktion II abgeschlossen am 24.11.2017 durch SiLa.
MiGe, 12.9.2018: Es existiert kein Abdruck des Fragments in der Sekundärliteratur.
Grundsätzlich wurde jeder erste Buchstabe eines Verses in Fr38 rubriziert. Diese Rubrizierungen werden in der Transkription nicht separat vermerkt.
*
[*]: Cadellenübungen?
Licht antlvͥt vn̄d hohe brvſt
Vnd ainēn rit̉er wol gevar.
Tſchervles in prvfte gar.
Sine arme vnd iewed̉er hant.
Vnd ſwaz geſchicked er da vant.
Do ſparach er h̉erre ir ſit ain gaſt.
Gvͦter witze vns gar gebraſt.
Sit ir niht herberge hat.
Nv prvͤet ez vns fvr miſſetat.
Jch ſol iv ſelbe marſchalc ſin.
Lvte vn̄d gvͦt ſwaz haizet min.
Daz kere ich iv gein dienſt ſitēn.
Nie gaſt zvͦ wirte kam geritēn.
D̉er im ſo gar wer vnd̉ertan.
Jw̉er genade h̉erre ſparach Gawan.
Daz han ich vnv̉erdienet noch.
Vn̄d ſol iv g̉erne volgen doch.
Tſchervles d̉er lobes geherte.
Sparach als in triwe lerte.
Sit ez ſich hat an mich gegēn.
Jch bin vor v̉erluſte nv iw̉er vogt.
Ezn nem iv dānne der her.
Da bin ich mit iv an d̉er wer.
Sin munt do lachende ſparach.
Zvͦ al den knappēn die er da ſach.
Ladet vf daz harneſch ub̉er al.
Wir ſvln hin nid̉er inz tal.
Gawan fvr mit ſinēm wirt.
Obye daz nv niht v̉erbirt.
Ain ſpil wib ſiv ſante.
Die ir vat̉er wol erkante.
Den enbot ſiv ſolichvͥ mere.
Da fvre ain falſchere.
Des habe iſt riche vnd gvͦt.
Bit in dvrch rehtēn rit̉ers mvͦt.
Sit er vil ſoldiere hat.
Vf orſ vn̄d vf ſilb̉er vnd vf wat.
Daz ditz ſi ir erſte gelt.
Ez frvmt wol ſiben vffeſ velt.
DAz ſpil wib zem fvrſtēn ſparach.
Als des ſin toht̉er da v̉eriach.
Sw̉er ie vrlvͥges pfl
Dem was vil not ob
An rich̉er koſt mochte
Lybavten den getriw
Vb̉erleſten ſoldiere.
Daz er gedahte ſchi
Jch ſol ditz gvͦt gewin
Mit zorne od̉er mit mi
Die nah raiſe er niht
Tſchervls im der
Vn̄d fragte in war im
Jch rite ainem falſch
Vōn dem ſait man mi
Er ſie ain ere.
Vnſchvldic waz her
Ez hetēn niwan div or
Vnd and̉er daz er da f
Tſchervleſen lachen
Er ſparach h̉erre ir ſit
Sw̉er ez iv ſait d̉er hat g
Ez ſi maget man od
Vnſchvldic iſt mine
Jr ſvlt in anders p
En gewan nie
Wolt ir d̉er rehten
Sin lib getrvc nie
Seht ſine geb̉erde h
Jn mime hvſe liez ich
Kvnnet ir dēnne rit̉ers f
Jr mvͤzet im reht̉er d
Sin lib wart nie gei
Sw̉er im dar vb̉er tete g
Er w̉ere min vat̉er od̉er
Alle die gein im in zo
Mine mage od̉er
Die mvͤſen die ſt
Gein ir ziehen i
Vor htēn ſt
Swa ich
Vz ſch ampt
e
mit min vnſchvlde.
zwa toht̉er die mir ſint.
an ſie ſint miniv kint.
mir hat got an dēn gegebēn.
ich bi mit froͤvdēn leben.
mich daz ich ie gewan.
den ich von in han.
it iedoch div aine.
r algemaine.
h iſt div geſellikait.
ir tvͦt mit mīnne lait.
r mit vnminne.
mich verſinne.
wil mir gewalt tvͦn.
az ich han kainēn ſvn.
n doch toht̉er lieb̉er ſin.
vmbe ob ich nv lide pin.
ich mir zeſeldēn zeln.
mit ſiner toht̉er weln.
v̉erbotēn ſi daz ſwert.
iſt and̉ers als wert.
irbet im kvſliche.
vn vil ellens riche.
en ich gedingēn han.
iv got ſparach Gawan.
t d̉er fvrſte al vaſte bat.
dvrch got die rede lat.
kvniges Lotes ſvn.
w̉er zvht ſvlt ir daz tvͦn.
mich triwe nvͥt enb̉ern.
ges wil ich iv gew̉ern.
iv hinaht bi dirre naht.
mich drv̄mme hān bedaht.
m dancket vn̄d fvr zehānt
ve er ſine toht̉er vant.
vrcgravēn toht̉erlin
ſnalten vingerlin.
r Obyloten zvͦ.
wanne kvmeſtv.
var da nider her.
im wol daz er mich w̉er.
Jch wil den froͤmdēn rit̉er biten.
Dienſtes nach lons ſiten.
Tohter ſo ſi dir geclaget.
Ern hat mir abe noch an geſagt.
Kvm min̉er bet anz ende nach.
D̉er megde was zem gaſte gach.
Do ſiv indie kemenatēn gienc.
Gawan ſparanc vf do ers enpfiēnc
Zvͦ der ſvͤzen er do ſaz.
Vnd danket ir daz ſiv nvͥt v̉ergaz.
Sin do man im miſſebot.
Er ſparach gelait ie rit̉er not.
Dvrch ain ſvs wenic frowͤelin
Da ſolt ich dvrch iv inne ſin.
Div ivnge ſvͤze clare.
Sparach ane alle vare.
Got ſich des wol v̉erſinnēn kan.
H̉erre ir ſitz der erſte man.
D̉er ie min rede geſelle wart.
Jſt min zvht dar an bewart.
Vnd ovch min ſchemelich̉er ſin.
Daz git an frowdēn mir gewin.
Wan mir min maiſt̉erinne iach
Div rede w̉ere des ſinnes tach.
H̉erre ich bit iw̉er vnd min.
Daz lert mich endehaft̉er pin.
Den nenne ich iv gervͦchet irs.
Habit ir mich ivt deſte wirs.
Jch var doch vf d̉er maze pfat.
Wan ich da zv min ſelb̉er bat.
Jr ſit mit der warhait ich.
Swie die namēn tailen ſich.
Mins libens namēn ſvlt ir hān
Nv ſit maget vnd man.
Jch han iw̉er vnd min gegert.
Lat ir mich h̉erre vngewert.
Nv ſemeliche von iv gan.
Darvmbe mvͦz ze rehte ſtan.
Jw̉er pris fvr iw̉er ſelbes zvht
Sit min magtvͦmlichvͥ flvht
Genade an iv ſvͦchet.
D
Ob ir des herre rvchet
Jch wil iv geben minne.
Mit hertzeclichem ſinne.
Ob ir manliche ſite hat
So waiz ich wol daz ir nvͥt lat
Jrn dient mir ich bin dienſtes w̉ert.
Sit oͮch min vat̉er helfe gert.
An frivndēn vnd an magen.
Lat iv des niht betragen.
Jrn dient vns baidēn vf mīn aīn lon.
Er ſparach frowe iw̉ers mvndes don.
Wil mich vōn triwēn ſchaiden.
Vntriwe iv ſolte laiden.
Min triwe dolt pfandes not.
Jſt ſiv vnerloͤſet ich bin tot.
Doch lat mich dienſt vn̄d ſinne
Keren gein iwer minne
E daz ir minne mvget geben.
Jr mvͤzet fivnf iar e leben.
Daz iſt iw̉er minnēn zil ain zal.
Do daht̉er des wie Barzifal.
Wiben baz getriwet dēnne got.
Sin bevelhen was dirdire megde bot
Gawan in daz herce ſin.
Do lobt er dem frowelin.
Er wolte da wafen tragen.
Dvrch ſie begvnde ir fvrbaz ſagēn
Jn iw̉er hende ſi min ſwert.
Ob ieman ivſte gein mir gert.
Den poynd̉er ſvlt ir riten.
Jr mvͤzet da fvr mich ſtriten.
Man mac mich da inſtirite ſehēn
D̉er mvͦz minhalb vōn iv geſchehēn.
SJv ſparach vil wenic mich des bevilt.
Jch bin iw̉er ſchrim vn̄d iw̉er ſchilt.
Vn̄d iw̉er h̉erce vn̄d iwer troſt.
Sit ir mich zwifels habt erloſt.
Jch bin fvr vngevelle.
Jw̉er gelaite vnd iw̉er geſelle
Fvr vngelvckeſ ſchvr ain tach.
Bin ich iv ſenfteclich gemach.
Min minne ſol iv fride bern.
Gelvckes vor d̉er angeſt wern.
Daz iw̉er ellen niht verbirt.
Jrn w̉erte iv vaſte vntz an dēn wirt.
Jch bin wirt vnd wirtin.
Vnd wil bi iv inſtrite ſin.
Swēnne ir des gedingen hat
Selden vn̄d ellen iv niht lat
Do ſparach d̉er werde Gawan.
Frowe ich wil baidiv han.
Sit ich in iw̉er gebote lebe
Jw̉er minne vn̄d iw̉ers troſtes gebe
Die wile was ir hendelin.
Schoͮne zwiſchēn dēn henden *ſin
Do ſparach ſiv h̉erre nv lat mich varn.
Jch ſol ovch mich daran bewarn.
Wie fvret ir ane minēn ſolt.
Da zvͦ bin ich iv ze holt
Jch ſol mich arbaiten.
Min clinode iv beraiten.
Swēnne ir daz traget kainēn wis.
Vb̉erhohet iv niem̉er and̉er pris.
Dan fvr div maget vn̄d ir geſpil.
Sie bvten baide ir dienſtes vil.
Gawane dem gaſte.
Der neic ir hvlden vaſte.
ER ſparach vn̄d ſvlt ir w̉erdēn alt.
Trvge dēnne nvͥt wān ſper
d̉er walt.
Als erz an and̉erm holze hat.
Daz wrde iv zwain ain rīngvͥ ſat.
[wrde]: Zeichen über "w" sieht nach nachträglicher Bleistift-Ergänzung aus.
Kan iw̉er ivgent ſvs twingen.
Wolt irz inz alter bringen.
Jw̉er minne lert noch rit̉ers hant
Da vōn ie ſchilt gein ſp̉er v̉erſwant.
Dannēn fvrēn die megde baide
Mit froͤvden ane laide
Des bvrcgraven toht̉erlin.
Sparach nv ſaget mir frowe min
Wes habit ir im zegebēn wan.
Sit daz wir nvͥt wān tockēn hān.
Sin die mine ivt ſchoner baz
Die gebet im ane minen haz.
Da wirt vil wenic nah geſtritēn
D̉er fvrſte lybavt kom geriten.
An dem berge en mitten.
Obylote vnd Clauditten.
Sach er vor im vf hin gan.
Die bat er baide ſtille ſtan.
Do ſpcarach div ivnge Obylot
Vater mir wart nie ſo not.
Diner helfe da zvͦ gib mir rat
Der rit̉er mich gewert hat
Toht̉er ſwes din wille gert.
Han ichz des biſtv gewert.
O wol d̉er f̉rvcht div an dir lac
Din gebvrt was d̉er ſeldēn tac.
VAt̉er ſo wil ich dirz ſagen.
Hainliche minēn kvmb̉er clagēn
Nach dinēn genadēn da zvͦ ſprich.
Er bat ſie heben fvr ſich.
Siv ſparach war kome dēnne mīn geſpil
Do hielt da bi im riter vil.
Die ſtritēn w̉er ſie ſolte nemen.
Des mohte ieſlichēn wol gezem̄en.
Jedoch bot mans ainem dar.
Clavditte was ovch wol gevar.
Al ritende ſparach d̉er fvrſte zir.
Obylot nv ſage mir.
Ain tail von diner noͤte
Da han ich clainoͤte
Dem fromedēn rit̉er gelobit.
Jch wene min ſin hat getobit
Han ich im niht zegebene
Was toͮge ich dēnne zelebenne
Sit er mir dienſt hat gebotēn
Nv mvͦz ich ſchemelichēn rotēn
Ob ich im niht zegeben han.
Nie megde wart ſo lieb ain mān.
Er ſparach toht̉er warte an mich
Jch ſol des wol beraitēn dich
Sit dv dienſtes vōn im gerſt
Jch gibe dir daz dv in gew̉erſt
ÿ ÿ malt̉er Fab̉er
: Über Kopf am oberen Blattrand eingetragen.
Ob ichdich ovch dinēn mvͦt̉er lieze.
Got gebe daz ichz genieze
Owi er ſtolzer werder man.
Waz ich gedingēn gein im han.
Nie wort ich dannoch zim ſparach.
Jn minēm ſlafe ichn hint ſach.
Lybavt rait zer h̉erzogin.
Vn̄d Obylot div tohter ſin.
Do ſparach er frowe ſtvrt vns zwai.
Min h̉erce nach frovden ſchrai.
Do mich got vōn dirre megde beriet.
Vn̄d mich vōn vngemache ſchiet.
Div alte h̉erzogin ſparach ſan.
Waz wolt ir mins gvͦtes han.
Frowe ſit irs vns berait.
Obylot wil bezzer clait.
Sie dvnket ſichſ mit wirde w̉ert.
Sit ſo w̉erd̉er man ir minne gert.
Vn̄d er ir bvtet dienſtes vil.
Vn̄d ovch ir clainode wil.
Do ſparach d̉er megde mvͦter.
Jr ſvͤzer man vil gvͦter.
Jch wene ir maint dēn fromdēn gaſt.
Sin blicke iſt rehte aīn maiēn glaſt.
Do hiez tragen dar div wiſe.
amit von Etnyſe.
Vnv̉erſnitēn wat trvͦc man d̉er mit.
Pfelle von Tabrvnit.
Vzem lande ze Tribalybot.
An kavkaſas daz golt iſt rot.
Dar vſ die haidēn manige wat.
Wrkent div vil ſpehe hatt
Von reht̉er art vz ſiden.
Lybavt hiez balde ſniden.
Siner tohter claider
Er miſte gerne baider
Der boͤſten vnd der beſten.
Von golde ainenpfelle veſten.
Sneit man an daz frowelin
Jr mvͦſe ain arm geblozzet ſin
Da waz ain ermel vōn genomēn
Der ſolte Gawan komen.
Daz waz ir preſente.
Pfelle von Noriente.
V̉erre vz haidenſchaft gefvͦrt
Er het ir zeſwen arm gervͦrt.
Doch niht an den roc genet.
Da wart nie vadem zvͦ gedret
Den brahte Clavditte dar.
Gawan dem wol gevar.
Do wart ſin lib gar ſorgēn fri.
Siner ſchilte waren dri.
Vf ainēn ſlvͦc ern al ze hant.
Al ſin trvrēn gar verſwant.
Sinēn grozēn danc er nvͥt v̉erſwaic.
Vil dicke er dem wege naic.
Den div ivncfrowe gienc.
Div in ſo gevtliche enphienc
Vn̄d in ſo minnecliche.
An froͤvden machte riche.
D̉er tac het ende vn̄d kom dvͥ naht.
Ze baid̉er ſite ſwas groͤzvͥ maht.
Manic w̉erlich riter gvͦt.
Were des vzern h̉ers nvͥt ſolichvͥ flvͦt.
Siv hetēn die inren ſtrites vil
Do mazen ſie ir letze zil.
Bi dem liehten manen.
Sie kvͦnden ſich wol anen
Vorhtlicher zagehait.
Vor tages was vōn in berait
Zwelf zyngel wite.
V̉ergrabit gein dem ſtrite.
Daz ieſliyngel mvͦſe han.
Ze orſe v dri barbigan.
Kardefeet de Jamor
D̉er maſchalc nam da vier t
Da ma morgēns ſach ſ her.
Wol t tſchafter er
D̉er herz riche
Streterhe
Div n was ſin ſwſter
Er was des mvͦtes v
Danne nd̉er mannic ſtic man.
D̉er wol ſtrite tvͦren kan.
Des lei er dick in ſtrite pin.
Sin h̉er d e nahtes in
Er wa geſtrihen.
Wan er ſte waz enwichēnentwichēn
Striteclic hte
Vier pore l da werte
Swaz h̉ers and̉er d̉er brvͦcke lac
Daz zogeb̉er e kome d̉er tac.
Ze Bearoſhe die ſtat
Lybavt d̉er fv ſie des bat.
Ovch warēn d v Jamor.
Geriten vke vor.
Man behe porte ſo.
Daz ſie do.
Stvͦnt erſchain.
Tſchervls im ain.
Die er vGawan.
Niht olten lan.
Man enh von dēn geſtēn.
Jch wen rēn die beſtēn.
Die clagetēn da was geſchehēn
Rit̉erſchaft g an ir ſehen.
Vnd daz div veſperie ergienc.
Daz ir kain̉er enpfienc.
Div clagar ane not.
mans in da bot
Allen die gervͦchten.
Vn̄d ſie ee ſvͦhten.
Jn den gs mān groze ſla.
Ovch vnd da.
Mangen in.
z b ſchin.
Vnd rich̉er koſt.
n er ttioſt
Vnd m gemal.
da.
e
a
Man ſ