Parzival

Parzival Transkription des Textzeugen fr32 Wolfram von Eschenbach Parzival-Projekt Bern Parzival-Projekt Bern Bern 2017 fr32

Fr. 32 (G<hi rend="sup">r</hi>): 1. Zürich, Zentralbibliothek, Cod. Car C 182 2. Zürich, Staatsarchiv des Kantons, C VI 1, VI, Nr. 6b [Digitalfaksimile] Pergament – 2 Doppelblätter – Format: 33–34 x 23,5 cm (Schriftraum 26 x 17 cm), drei Spalten zu 46 Zeilen, Verse abgesetzt – letztes Viertel des 13. Jhs. – alemannisch; aus demselben (Zürcher?) Skriptorium wie Hs. T und der Cgm 63 (Rudolf von Ems, ›Wilhelm von Orlens‹) – die Fragmente gehören zu einem Codex, der auch Gottfrieds von Straßburg ›Tristan‹ (ohne Fortsetzung) enthielt (Fragmente z/z1: Staatsarchiv des Kantons Zürich, Cod. C VI 1/VI 6b) – Abschnittsgliederung durch zweizeilige rote und blaue Initialen; am Beginn des ›Parzival‹ steht eine elfzeilige, mehrfarbige Zierinitiale – sowohl im ›Parzival‹ als auch im ›Tristan‹ sind in regelmäßigen Abständen Majuskeln vor die Zeile gerückt – Fassungszugehörigkeit: *T [im Prolog] und *G – vgl. zur Hs. auch die Angaben im Handschriftencensus,.

"Zürich" "Zentralbibliothek" "Cod. Car C 182" fr32A Leser Schreiber "Zürich" "Staatsarchiv des Kantons" "C VI 1, VI, Nr. 6b" fr32B Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Abschnitt 1.01-10.07 Abschnitt 10.08-28.24 Abschnitt 28.27-37.30 Zusammenstellung der zwei Fragmente für die Diss. RSo; 20.5.2006 Angeglichen mit dem Ergebnis der Diss. von RSo durch YCh am 20.05.2011. Den aktuellen Richtlinien angeglichen durch JKl im September 2012 An Richtlinien angepasst im Mai 2013 JKl Kleinere Fehlerkorrekturen vorgenommen, Versalien vereinheitlicht von CG am 15.03.2015. Korrekturen durchgeführt von CG am 22.11.2016. Kontrolliert von KHo im Januar 2016 Endredaktion II durchgeführt von CG am 16.11.2017. Autopsie am Original der Zentralbibliothek Zürich durchgeführt von JWer am 24.08.2018 Autopsie am Original des Staatsarchivs Zürich durchgeführt von JWer am 29.08.2018 11.9.2018, MiGe: sek-Tags ergänzt und teilweise Zweifeltags entfernt. Quellen: 1. Moriz Haupt, Lesarten zum Parzival, in: ZfdA 7 (1849), S. 169-174 (Kollation der in der Zentralbibliothek Zürich aufbewahrten Teile). 2. Jakob Bächtold, Züricher Parzival-Bruchstück, in: Germania 30 (1885), S. 317-323 (Abdruck des im Staatsarchiv aufbewahten Doppelblatts; in diesem Bereich gibt es keine unklaren Stellen, deswegen hat diese Publikation die vorliegende Transkription nicht beeinflusst), 3. Uta Ulzen (Hg.), Wolfram von Eschenbach, "Parzival". Abbildungen und Transkriptionen zur gesamten handschriftlichen Überlieferung des Prologs (Litterae 34), Göppingen 1974, S. VIf., 38-56 (Teilabdruck des in der Zentralbibliothek aufbewahrten Teils). Hanns Barthlome Brunner Amtmānn Hinter Rütj Amt 1589 I ſich parrier vnverzagteſ alſ ageleiſtern er mac dannoch wan an im deſ hîmelſ vn̄de hellen der vnſtergeſelle hat die ſw vn̄de wirt ouch nah ſo hebt ſich an die der mit den. ſteten gedanken Diz vliegende biſpel iſt tvmben livten gar ze ſnel ſi mvgen ez niht erdenken wan ez kan vor in wenken reht alſam ein ſchellic haſe vn̄de anderhalp an dem glaſe glichet vn̄de deſ blinden trôume die gebent antlitzeſ zôume ouch mit ſtete niht geſin dirrre truebe liehte ſcin der machet kvrze vroude al wâr wer rôvfet mich da nie chein hâr gewuͦhs innen in miner hant der hat vil nahen grif erkant ſprich ich gegen den worten ouch dcaz glichet minen witzen doch willich trîuwe vinden al da ſi kan verſwinden ſam vîvr in dem brûnnen vn̄de den tôv von der ſv̂nnen ouch erkandich nie ſo ~~weſen~~wŷſen man er mohte gerne kvnde han welher ſtîvre diſe mere gernt vn̄de waz ſi ouch guͦter lere ~~gernt~~wernt Daran ſi niemer deſ verzagent beidiv vliehent vn̄de iagent Die entwenkent noch kerent ſi lasternt. vnde erent ſwer mit den ſcanzen allen kan an dem hat witze wol getan der ſich verſitzet noch verget vn̄de ſich doch anderz wol v̉erſtet werdikeitgel truwegel dcaz ſi den dritenalt vuere ſi walt. Diſeu md̉erbint iedoch nmannen ſint vur div wîp ſtozz ich ſiv zil ſwehiv minen rat horen wil div ſol wiſſen war ſi kêre ir lip. ir priſ. vnde ir ere vn̄de wem ſi darnach ſi bereit ir minne. vn̄de ir werdekeit ſo daz ſi iht geriuwe ir kîvſce. vnde ir trîuwe vor gote ich guͦten wiben bite dcaz in rehte me volge mite Scame iſt ſloz ob allen ſiten ichn darf ir niemer heileſ biten div valſce erwirbet valſcen pris wie ſtete iſt ein dunnez iſ daz ougeſt heizze ſunne hât ir lop balde aſuſ zergât Manec wip ſcone an lobe iſt brêit iſt daz herze kvntrivêit die lob ich alſ ich ſolde der ſaphir indem golde ouch enhat niht vur ringiv dinc ſwer in den kranchen meſſinc verwirket edel rvbin vn̄de aldiv auentivre ſin dem geliche ich rehten wibeſ mvͦt div ir wipheit rehte tvͦt dane ſol ich varwe pruefen niht noch ir h̉ertzen tach dcaz man da ſiht iſt ſi innerhalp d̉er brûſte wol bewart ſo iſt werd̉er prîſ da niht v̉erſchart. Soltich nv wîp vn̄de man ze rehte pruefen alſich kan da vûere ein langez ende mite nv horent dirre auentivre ſite div lat iv wizzen beide von libe vnde von leide vroude vn̄de angeſt vert da bî nv lat min einſ weſen drî wid̉er wige Da zv horet ob ſi nv gerne tete dcaz ich iv eine kvnden wil ſi hetēn be vil ein m wil ich iv niuwen dcaz ſeit vnſ von grozzen tiriuwen wipliche wibeſ reht vn̄de manneſ manhêit alſ ſleht die ſich gegen herte nie geboͮc ſin h̉ertze iv niht dar an betroͮc ein ſtahel ſwa ez ze ſtrite kam ſîn hant da ſi gelichen nam vil manegen lobelichen prîs er waſ kv̂ene. vn̄de ſtarch alle wîs den helt ich alſo grueze er wibeſ ougen ſueze vn̄de da bi wibeſ hertzen ſuht vor miſſewende ein wariv vruht den ich hie zvͦ han erkorn derſt mereſ halp noch vngeborn dem man dirre auentivre giht vn̄de wunderſ vil deſ dran geſciht. Si pflegentz noch alſ man do pflac ſwâ ligt vn̄de welſc gerihte lac deſ pfliget ouch tivtſcher erde ein ort dcaz habt ir ane mich gehort ſwer da pflac der lande der gebot wol âne ſcande diz iſt ein warhêit ſvnder wan dcaz der elteſt brûder ſolte han ſins vater ganzen erbeteil dcaz waz der ivngern vnheil dcaz in der tot div pflihte brach der in ir vater leben veriach da vor waſ gemêine ſuſ hat ez der eine Dc ſcuͦf ie doch ein wiſe man dcaz alter guͦt ſolte han iugent hat vil werdekêit dcaz alter ſivftzen vn̄de lêit ez enwart nie niht ſo vnfrvͦt ſo alter vnde armvͦt kvnege. grauen. herzogen dcaz ſage ich îv vûr vngelogen Dcaz die bi huͦbe vromediv zeche r kivſce vn̄de der vreche ganvͦret der wigant verloſ ſuſ burge vn̄de lant da ſin vater ſcône truͦc zepter vn̄de crône mit grozer tvgentlich̉er kraft vntz er lac tot an ritterſcaft. Do clagete man in ſêre die gantzen tiriuwe vn̄de êre bracht ouch er vnz an ſinen tôt ſin elteſten ſvn er vur ſich bôt vn̄de die vivrſten von dem riche die kamen ritterliche wan ſi zerehte ſolten hân von im grôz lehen ſvnd̉er wân Do ſi ze hôue waren komen vn̄de ir reht waz vernomen dcaz ſir lehen enpfiengen horent wîe ſiz ane vîengen ſi gerten alſ ir triuwe rîet riche. vn̄de arme gar div dîet êiner kranken ernſtlicher bet dcaz der kivnic an gamvret bruderliche trîuwe mêrte vnde ſich ſelben erte dcaz er in niht gar verſtîeze vn̄de im ſinſ landeſ hîeze hant gemehel dcaz mohte ſehen da von der herre mvͦſe iehen ſinſ namen vn̄de ſiner vrihêit dcaz enwcaz dem kivnige niht zelêit. er ſparach ir kvnnet maze gern ich wil iv deſ vn̄de vurbcaz wern wan nennet ir den bruder min gamv̂ret anſhevîn anſhôuwe iſt min lant da weſen bede von genant. Svs ſparach der kivnic hêre ſich ſol min bruͦder mêre der ſeten helfe an mir v̉erſehen dan ich ſo gaheſ welle iehen er ſol min ingeſinde ſin deſwar ich tvͦn iv allen ſcin dcaz deſ min ſelde iht vor nimet vf re inbeiden dez gezimet Do die vivrſten algeliche vernamen von dem riche daz ir herren triuwen pflac daz wcaz in eil lieber tac iegelicher im ſvnder nêic gamvret niht langer ſweic der volge alſ im ſin h̉ertze iach zem kvnige er guͦtliche ſprach herre vn̄de bruͦder min woltich ingeſinde ſin îuwer oder deheinſ mân ſo het ich min gemach getân Da nach prueuet minen prîs ir ſit getriuwe vnde wîs vn̄de ratet alſez gezîehe nv̂ da griffet helfecliche zv̂ niht wan harnaſch ich hân het ich dar inne me getân daz virrech lop mir brêhte eteſwa man min gedêhte. Gamvret ſparach aber ſan ſehzehen knappen ich han ſehſe die von ẏſer ſint dar zvͦ gebt mir vier kint mit guͦter zvht an hoher art vor den wirt niemer niht geſpart deſ ie beiagen min hant ich wil keren in div lant *ich han ouch ê teil gevârn *ob mich gelvcke wil bewarn ſo erwirbe ich guͦteſ wibeſ grvͦz ob ich in da nach dienen mvͦz vn̄de ob ich deſ wirdic bin ſo ratet mir min beſte ſin Dc ichz mit rehten triuwen pflege got wiſe mich der ſelben wege wir vuͦren geſellecliche dannoch het îuwer riche vnſer vater gandin vil manigen kvmb̉erlichen pin wir beide dolten vmbe lîep eln ûſt en gûſt. der kivnec ſiufte vn̄de ſprach ôuwe ie geſach ſit div mit ſcimpflichen ſiten zez h̉ertze heſt v̉erſniten vn̄de wenich tvͦſt ê wir wir ſceiden ter liez vnſ beiden verlazen guͦteſ harte vil des ſtôz ich dir gelichez zil ich bin dir hertzenliche holt lht geſteine roteſ golt livt. wafen. orſ. gewant Deſ nim ſo vil von miner hant dcaz dv nach dinem willen vârſt vn̄de dine miltekêit bewârſt din manhêit die iſt vz erkorn wereſtv von Gilſtram geborn oder her komen von ranculat ich hete dich iemer ander ſtat alſich dich ſuſ vil gerne han dv biſt min bruder ſvnd̉er wan herre ir lobt mich vngenôt ſit ez îuwer zvht gebot darnach îuwer helfe ſcîn welt ir vn̄de die mvͦter min mir teiln îuwer varnde habe ſo ſtige ich vf vn̄de nîender abe min hertze iedoch nach wirde ſtrebt ihn weiz war vmbez alſuſ lebt dcaz mir ſwillet ſuſ min vinſt̉er bruſt ôuwe. wer iaget mich min glvſt ich ſolz verſuͦchen ob ich mac nv nahet min vrloubeſ tac. Der kivnic in allez wêrte mere danne er danne gerte vivnf orſ erwelt vn̄de erkant die beſten vber alſin lant chvͦne. ſtarc niht ze laz vn̄de manec tîvre goltvaz vil menegen guldinen klôz den kvnec lvtzel dez verdrôz ern vuͦlte im vier ſoum ſcrin Augustiner ampt Rechnung kom 1582 Jar geſteineſ mvͦze vil dar in Do ſi gevullet lagen knappen die deſ pflagen waren wol gecleidet vn̄de geriten alda wart niht vermitten do er vur ſine mvͦter gîenc vil nahen ſi in zvͦ zim gevîenc filli roẏſ Gandin wiltu niht langer bi mir ſin ſuſ ſprach dcaz wipliche wîp ôuwe nv truͦc dich min lîp vn̄de biſt ouch Gandinſ kint iſt got in ſiner helfe blint oder iſt er daran berôubet dcaz er mir niht gelôubet ſol ich nv nîuwen kvmber tragen minſ h̉ertzen kraft ich han begraben vn̄de div ſuͦzie min̉er ougen wil er mich vurbaz rôvben vn̄de iſt doch ein rihtêre ſo livget mir diz mêre alſ man von ſiner helfe ſaget ſit er an mir iſt ſuſ verzâget. Do ſparach der iunge anſhevin got troſte iuch urouwe deſ vat̉er min den ſuln wir gerne beidiv clagen iv ne mac nîeman von mir geſagen deheiniv clagelichiv lêit ich var durch mine werdekêit nach ritterſcaft in vromediv lant vrouwe ez iſt mir ſuſ gewant do ſprach div kivniginne ſit div nach hoher minne wendeſt dienſt vn̄de mvͦt lieber ſvn la dir min guͦt Vf die *vart niht verſmahen heize von mir enpfahen dinen kamerêre vier ſovm ſchrin ſwêre dar inne ligent pfelle brêit ganze die man nie verſnêit vn̄de manec tîvre ſamit ſuezer man la mich die zît gehoren wenne div wid̉er komeſt an minen vrouden dv mir vromeſt vrôuwe deſ en weiz ich niht in welhem lande man mich ſiht wan ſwenne ich von iv kêre ir habt nach riterſ êre iuwer werdekeit an mir getan ouch h*hât mich der kivnic gelan alſ im min dieneſt danken ſol ich getrîuwe iv deſ vil wol dcaz ir in deſte werder hât ſwie halt mir min dinc ergât Alſ vnſ div auentîvre ſaget do het der helt vnvêrzaget enpfangen durch liebe craft vn̄de durch wîpliche geſelleſcaft cleinodeſ tvſent marke wêrt ſwa noch ein ivde pfandeſ gêrt er mohteſ d̉er vûr enpfahen ez endorfte in niht v̉erſmahen dcaz ſante im ein ſin vrîvndin an ſinem dienſte lac gewin Der wibe minne vn̄de ir gruͦz doch wârt im ſelten kvmberz bvͦz vrlop nam der wîgant mvͦter. bruder. noch daz lant ſin ôuge nîemer mer erkôs dar an doch maniger vil v̉erlôs *der ſich het an im erkânt *ê daz er dannen wer gewant mit dehêiner ſlahte gvnſte zil dem wart von im gedanket vil dcaz duhtin me danne genvͦc durch ſine zvht er nie gewuͦc dcaz ſiz teten vmbe reht ſin mvͦt waſ ebener danne ſleht. Swer ſelbe ſagt wie wert er ſi da iſt liht ein vngeloube bi ez ſolten dvmbeſezen iehen vn̄de ouch die heten geſehen ſine werc da er vromede wêre ſo gelobet man daz mêre gamvret der ſite pflac den rehte maze wider wac Vn̄de andertſcanze dehêine ſin rûmen dcaz waſ clêine grôz êre er lidenliche lêit der loſe wille in gar vermêit doch wânde der gevuͤge daz ieman crône trûge kvnege. keẏſer. keẏſerin der maſſenie er wolte ſin wan einſ d̉er die hoheſten hant truge vf erde vber alliv lant Der wille in ſinem hertzen lac im wârt geſaget ze baldac were ein ſo gewaltic man dcaz im der erde *rvnder tan div zwei teil weren oder mer ſin name waſ ſo her dcaz man in hiez den Baruͦc der hete an creften ſelhen zvͦc vil kvnege wâren ſine man mit ge*gekronetem libe vndertan da deſ baruͦc ampt hivte ſtet ſeht wie man kriſten ê beget ze rome alſ vnſ der tôuf v̉ergiht heidenſc orden man dort ſiht ze baldac nementz ir babeſt reht ez dunketz ane krvmbe ſleht der Baruc in vûr ſvnde git wandelſ vrkvnde zwene bruͦder von Babẏlon pompeivs. vn̄de Jhpomidon Den nam der Barvc Ninive daz waſ al ir vordern ê ſi taten wer mit kreften ſcin der kom der iunge anſhevin im wart der Baruc vil holt ia *anman nach dienſte alda den ſolt. Gamvͦret der werde man nv erloupt im dcaz er mvͦze han ander wapen danne im gadin da vor gap der vater ſin ſin der helt pflac mit gernden ſiten vfen ſine kovertîvre geſniten anker lieht hermin dar nach mvͦſe ouch dcaz and̉er ſin vf ſinem ſcilte vn̄de ander wât noch gruͦner danne ein ſmârat wcaz gepruͦfet ſin gerêite gar vn̄de nach dem achmardi gevar dcaz iſt ein ſidin lachen dar vz hiez er im machen wapen roc. vn̄de kvrſit daz iſt bezzer denne din ſamit hermin anker drvf genât guldine ſeil dar an gedrât ſin anker haten niht bekort ganzez landeſ nach landeſ ort Da wâren ſi inein and̉er geſlagen der herre mvͦſe vurbaz taragen diſen wapenlichen laſt in manigiv lant d̉er werde gaſt nach dem anker diſiv mal wand̉er deheiner ſlahte twal niender het noch gebite wie vil er lande durch rite oder in ſciffen vmbe vûere ob ich iuch dar nach ſwûere ſo ſagetez vf minen êit min ritterlichiv ſicherhêit alſ mir div auentivre giht ihn han nv mer gezivgeſ niht Nv ſeit ſin manliche kraft behielt den priſ in heidenſcaft zemarroc vnde in perſia ſin hant bezalt ouch anderſwa ze domaſch. vnde halâp vn̄de ſwa man ritterſcaft da gâp in alexandrie. vn̄de ze arobî da waſ er gegen ſtriteſ vrî von ieſlichem einem man diſen ruͦf er da gewan Sinſ hertzen gir nach piriſe greif ir aller tat vor im zerſleif vn̄de waſ vil naht entwihtet ſuſ wart ieder berihtet der gegen im tioſtienſ pflac man iach im deſ ze Baldac ſin ellen ſtrebte ſvnder wanc von danne vûr er gegen zazamanc in dcaz kvnic riche. die clageten algliche ẏſenharten der den lip in dienſte v̉erlos vmb ein wîp deſ twanc in belacane div ſiveze valſcheſ âne Dcaz im ir minne nie gebôt deſ lac er nach ir minne tôt den rachen ſine mage offenliche vn̄de ander lage die vrouwen twungen ſi mir her div wcaz mit ellenthafter wêr Do gamvͦret kom in ir lant dcaz ir von ſcôten fridebrant mit grozem ſciffeſ her v̉erbrande ê daz er dannen wande nv horet wie vnſer riter vâr dcaz mer warf in mit ſtvrme dar So dcaz er kvme genas gegen der kivneginne palas kom er geſigelt in die habe da wart er vil geſcouwet abe do ſach vz an daz velt da wcaz geſlagen manec gezelt alvmbe die ſtat wan gegn dem mer da lagen zwei kreftigiv her do hiez er vragen mêre weſ div bvrc wêre wand er kvnde nie gêwan er noch dekein ſin ſcifman ſi taten ſinen boten kvnt ſi heize patelamvnt dcaz wart im innencliche enboten ſi manten in bi ir goten Dcaz er in hulfe dcaz tet in nôt ſine rvngen niht wan vmben tôt do der iunge Anſhevin vernam ir kumberlichen pin er bot ſin dieneſt vmbe guͦt alſ noch vil dicke ein rit̉er tuͦt od̉er dcaz ſim ſageten vmbe waz er ſolte dulten der viende haz. Do ſprach vz einem mvnde der ſieche vn̄de der geſvnde daz im wêre al gemêine ir golt vnde ir geſteine deſ ſolter allez herre weſen er mohte wol bi in geneſen doch bedorfter livtzel ſoldeſ von arabie deſ goldeſ heter manegen knollen braht livte vinſter ſo div naht waren alle die von zazamanc bi den duhtin div wile lanc doch hiez er herberge nemen deſ mohte ouch vil wol gezem̄en dcaz ſim die beſten gaben die vrouwen dannoch lagen zen venſtern vn̄de ſahen dar Si namen ouch deſ vil rehte wâr ſine knappen vn̄de ſin harnaſc wie daz gefeitert waz do truͦc der helt milte vf einem herminen ſcilte ihn weiz wie manegen zobelſ balc der kivniginne marſcalc *het ez vur ein anker grôz *ze ſehen deſ livtzel deſ verdrôz do mvſen ſiniv ougen iehen dez er het geſehen diſen riter oder ſinen ſcin dcaz mvͦze ze alexandrie ſin do der Baruc der vor lac ſinen priſ da nieman wid̉er wac. Sus vuͦr der mvͦteſ riche in die ſtat behagenliche zehen ſovmere hiez er vazzen die zogeten hin in die gazzen da ritten zweinzic knappen nach ſinen povel man da vor erſach garzvne. koche. vn̄de ir knaben die heten ſich hin vuͦr erhaben ſtolz wcaz ſin geſinde zwelf wol geborner kinde Do hinden nach die knappen riten an guͦter zvht mit ſuezen ſiten ettelicher waſ ein ſarrazin dar nach mvͦſe ouch getrechet ſin aht orſ mit zendale verdechet al ze mâle dcaz nîvnde ſinen ſatel truͦc ein ſcilt deſ ich ê gewuͦc den vuͦrte ein knappe vil gemêit da bi nach dem ſelben rêit bvſonre der man ouch bedarf ein tamburre ſlvͦc vn̄de warf vil hohe ſinen tanbur den herren nam vil vntvr dane riten flôutere bî vn̄de guͦter videlere drî Den waz allen niht ze gach ſelbe reit er hin den nach vn̄de ſin manere der wiſe vn̄de der gewêre lxxiii. Swaz da waz volckeſ inne More vnd morinne wcaz beidiv wip vnde mân der herre ſchouwen begân vil manigen ſcilt zerbrochen mit ſpern gar durch ſtochen der waz da vil gehangen vûr an die wende vn̄de an die tv̂r ſi heten iamer vn̄de guft in die venſter gegen dem luft wcaz gebetet manigem wunden man ſwenner den arzat gewan Dcaz er doch niht mohte geneſen der wcaz bi vienden geweſen ſuſ warp der ie gerne vloch vil orſe man in wider zoch durch ſtochen vn̄de durch hôuwen manige tvnkel vrôuwen ſach er beidenthalben ſin nach rabenſ varwe wcaz ir ſcin ſin wirt in minne*clche*minnenclche enpfienc dcaz im nach vrouden ſit ergienc der wcaz ein ellent richer mân mit ſiner hant het er getân vil manegen ſtich vn̄de ſlac wander einer porten pflac bi dem er manegen ritter vant die die armen hiengen indiv bant Vn̄de den ir houbt waren v̉erbunden die heten ſelche wunden dcaz ſi doch taten ritterſcaft ſine hete gelazen niht ir craft. Der bvrcgraue von der ſtât ſinen gaſt do minnecliche bât dcaz er niht verbêre al daz ſin wille wêre vber ſin guͦt vn̄de vber den lîp er vurte in da er vant ſin wîp du gamvreten kvſte deſ in doch lutzel luſte dar nach vuͦr er enbizzen ſan do diz alſuſ wart getân der marſcalc reit von im zehant alda er die kivneginne vant er gehiez ir vil grôz boten brôt er ſprach vrouwe nv iſt v̄nſer nôt mit vrouden zergangen den wir hie han enpfangen Daz iſt ein ritter ſo getan dcaz wir ze danken iemer han vnſern goten. die in vnſ brahten dcaz ſi deſ ie gedahten nv ſage mir vfe die triuwe din wer der ritter mvge ſin vrouwe ez iſt ein degen fier deſ barvckeſ ſoldîer ein anſhevin von hoher ârt avoẏ wie livtzel wirt geſpârt ſin lip ſwa man in lazet an wie rehte er her vn̄de dan entwichet vn̄de kêret die viende er ſcaden lêret ich ſach in ſtriten ſcône da die babẏlone Alexandrîen loeſen ſolten vn̄de do ſi dannen wolten den Barvc triben mit gewalt waſ dar nider wart gevalt. Inder ſchvnpfentîvre da begie der gehîvre mit ſinem libe ſelche tât ſine heten vliehenſ deheinen rât dar zvͦ hortich in nennen man mohte in wol erkennen dcaz er den priſ vber manigiv lant het alleine ze ſiner hant nv ſich eht wenne oder wîe vn̄de vuͦge dcaz er mich ſpreche hîe wir haben doch vride aldiſen tac da von der helt wol riten mac her vf ze mir. oder ſol ich dar er iſt anderz danne wir gevâr Ouwe wan tete im dcaz niht wê dcaz hetich gerne ervunden ê ob mirz die mine rîeten ich ſolte im êre bîeten geruͦchet er mir nahen wie ſol ich in enpfahen iſt er mir danne dar zvͦ wol geborn daz min kvſ niht ſi verlorn vrouwe er iſt vuͦr kvnegeſ art erkorn deſ ſi min lîp genennet pfant. Urouwe ich wil iuwern vurſten ſagen daz ſi richiv cleider tragen vn̄de hie vor iv biten biz daz wir zvͦ iv rîten dcaz ſaget iuwern vrouwen gâr wan ſwennich nv hin nider vâr ſo bringe ich iv den ſelben gaſt dem ſuezer tvͦgende nie gebraſt *harte lvtzel deſ verdarp *vil behendecliche er warp der marſcalc ſin̉er vrouwen bete Balde wart do gamvͦrete riche cleider dar getragen div legter an ſuſ hort ich ſagen dcaz div tivre wêren ancher die ſwêren von arabiſchem golde lagen drvfe alſ er wolde do ſaz d̉er minne gelteſ lon vf ein orſ dcaz ein babẏlon gegen im durch tioſtieren rêit den ſtacher drabe dcaz wcaz dem leit ob ſin wirt mit im niht vâr er vnde ſine ritter gâr. : Nach dem Punkt von gâr. befindet sich ein hochgestelltes e. Seine Funktion ist unklar. ia deſwar. ſi ſint ez vrô ſi ritten mit ein and̉er do vn̄de erbeizten vor dem palas do manic ritter vfe was Die mvͦſen wol gecleidet ſin ſine kinder liefen vor im in ie zwei ein and̉er ander hant ir herre manige vrouwen vant gecleidet wunnencliche der kivniginne riche ir ougen vuͦgeten grozen pin do ſi geſach den anſhevin der wcaz ſo minnecliche vâr dcaz er entſloz ir hertze gâr ez wêre ir liep oder lêit dcaz beſloz da vor ir wiphêit ein wenec ſi im engegen trât ir gaſt ſi ſich kuſſen bât vn̄de vienc in ſelbe bi der hant gegen den vienden an die want ſazenſ in div venſter wit vfe eine kvlter von samit dar vnder ein weichez bete lac iſt iht liehterſ danne der tac Dem gelichet niht div kivnegin ſi het aber wiplichen ſin vn̄de waz ouch anderſ ritt̉erlich der touwigen roſen vngelich nach zwarzer varwe wcaz ir ſcin ir krone ein liehter ruͦbin ir houbet man d̉erdurch wol ſach div wirtin zir gaſte ſprach dcaz ir liep wêre ſin komen herre ich han von iv v̉ernomen vil ritterlicher werdekêit durch iuwer zvht ſi ivch niht leit ob ich iv minen kvmber clage den ich nahe in minem h̉ertzen tarage. Min helfe iv vrouwe niht îrret ſwcaz ivch wêrre oder wîrret ſwa dcaz wenden ſol min hant div ſi ze dieneſte dar benant ihn bin niht wan ein einec man ſwer iv tuͦt oder hat getân da bîvt ich gegen minen ſcilt die viende wenec deſ bevilt mit zvhten ſparach ein vivrſte ſan heten wir einen hovbt man wir ſolten viende wenec ſparn ſit vridebrant iſt hin gevarn Der loeſet dort ſin eigen lant ein kvnec der heizet Hernant den er durch Herlinden ſlvͦc deſ mage tvͦnt im leit genvͦc ſine wellent ſihz niht mâzen er hat hie helde gelâzen den hertzogen Hivteger deſ ritters tât vnſ manigiv ſer vrûmt vn̄de ſin geſelleſcaft ir ſtrit hat kvnſt vn̄de kraft ſo hat hie manegen ſoldîer von Normandie gatſchîer der wiſe degen hêre noch hat hie ritter mêre + Kaẏlet von Hoſcuraſt vil manigen zornigen gaſt die brahte alle in diz lant der ſchotten kvnec vridebrant vn̄de ſiner genoze vîere mit mangem ſoldîere. Dort weſter halben andem mer da liget ẏſenharteſ her mit vliezzenden ougen offenlichen noch tovgen geſach ſi niemer mer dehein man ſine mvͦſen iamerſ wunder han ir h̉ertzen regen die guſſe wârp ſit ander. tioſt ir herre ſtârp der gaſt zer wirtinne ſprach mit ritterſ ſinne Sagt mir ob irz geruͦchet durch waz man ivch ſo ſuͦchet zornliche mit gewalt ir habt ſo manegen helt balt mich mîvet dcaz die ſint v̉erladen mit viende hah*hazze nach ir ſcaden diz ſage ich ivch herre ſit irz gêrt mir diente ein riter d̉er wcaz wert ſin lip wcaz tvgende ein bernde ris der helt waz kvene vn̄de wîs der triuwen ein reht beclibeniv frvht ſin zvht wac vur alle zvht er waz kivſcher danne ein wîp vrechêit vn̄de ellen truͦc ſin lîp ſo gewuͦhſ an ritterſ milter hant vor im nie vber alliv lant ihn waz nach vnſ ſul geſchehen dcaz lazen ander livte iehen er wcaz gegen valſcher fvͦre ein tor in ſwarzer varwe alſ ich ein mor ſin vater der hiez Tankanis ein kivnic d̉er het ouch hohen prîs. Min vrivnt d̉er hiez ẏſenhârt min wipheit waz vmb wârt do ich ſin dienſt nach minne enpfie dez im nach vrouden niht ergîe dez mvͦz ich îemer îamer taragen ſi went dcaz ich in ſchuͦfe erſlagen verratenſ ich doch livtzel kan ſwie mich ſin zihen ſine man er waz mir lieber danne in ane gezîvc ich deſ bin mit den ich ſol bewêren ouch die rehten warheit doch mine gote vn̄de die ſine er gap mir manige pine nv hat min ſcamende wiphêit ſin lon erlenget vn̄de min lêit dem helde erwârp min magtvͦm an ritterſcefte manigen rvͦm do verſuͦhte ich in ob er kvnde ſin ein vrivnt dcaz wart vil balde ſcin er gâp dur mich ſin harnaſ enwec. daz alſ ein palas dort ſtat. dcaz iſt ein grôz gezelt dcaz brahten ſchotten vfez velt do dez der helt ane wârt ſin lîp do wenec wart geſpârt deſ lebenſ in danach verdroz manege auentivre ſuͦhter blôz. Do diz alſuſ waſ ein vivrſte protizalas hiez min maſſenie vor zageheit der vrîe v̂z durch auentivre rêit da grôz ſcade in niht vermêit zem foreſt in azagôvc en tioſt im ſterben erlôvc die er tet vf ein kvͤnen man der ouch ſin ende da gewan dcaz waz min vrivnt ẏſenhart ir ietweder innen wart einſ ſperſ durch ſcilt vn̄de dur den lip daz clagich noch vil armez wîp ir bruͦder tot mich iemer mv̂et vf miner trîuwe iamer blv̂et ihn wart me wîp deheinſ man gamvͦreten duhte ſan ſwie ſi wêre ein heidenin mit trîuwen wiplicher ſin in wibeſ h̉ertze nie geſlôvf ir kivſche wcaz ein reiner tôuf Vn̄de der regen der ſi begôz der bac der von ir ougen flôz vf ir zobel vn̄de an ir bruſt rîuwen pflege wcaz ir geluſt vnrehte iamerſ lêre ſi ſeit im vur baz mêre do ſuͦhte mich von vber mer d̉er ſchotten kivnic mit ſinem her der wcaz ſinſ oheimeſ ſvn ſine mohten mir niht me getvͦn ſcaden Div du ſi ſcamende an gamvͦreten ir ôugen dem h dcaz er were wol g ſi kvnde liehte var wan ſi hete ouch da vor vil manigen liehten alda wart vnder beiden Sin vil getrîvwelichiv er ſach her. ſi ſach her dar nach hiez ſi ſcenke getorſte ſi daz wêre v ſi mvͦte dcaz er niht b wan dcaz die ritte die gerne ſprac wider îp. doch waſ ir lip eſ lîp ouch heter ir den mvͦt gegeben ſin leben wcaz der vrôuwen leben do ſtvnt er vf vnde ſprach vrouwe ich tvͦn iv vngemach ich kan ze lange ſitzen dcaz tvn ich niht von witzen mir iſt vil dienſtlichen lêit dcaz iuwer kvmber iſt ſo brêit vrouwe gebietet vber mich ſwar ir welt dar iſt min gerich ich dîene iv allez dcaz ich ſol ſi ſparach h̉erre deſ getriuwe ich wol. Der burcgraue ſin wirt nv vil wenec deſ enbirt ern kvrze im die ſtvnde ze vragen er begunde ob er wolte banchen riten vn̄de ſcouwet wa wir ſtriten wie vnſer porten ſin behuͦt gamvͦret der hel guͦt ſprach er wolte gerne ſehen wa ritterſcaft da were geſcehen her abe mit dem helde rêit manec ritter vil gemêit hie der wiſe dort der tvmbe ſi vuͦrten in allvmbe Iſenharten ſcaden en wol ge kivnnigeſ man von iegeſlicher porten vl ob chuͦner ſcar ein liehter e ein drch ſtochen riter drâne alſ ẏſenhart den lip verlos ſin volc div wapen da nach kôs. Da engegen han wir ein ſite da ſtillen wir ir iam̉er mite vnſer vanen ſint bekant dcaz zwêne vinger vz der hant bîvt gegen dem eide irn geſcehe nie ſo leide wan ſit dcaz Jſenhart lac tôt min̉er vrouwen vrivnt erjr h̉erze nôt ſuſ ſtet div kivniginne gemâl vrou Belacane ſvnder twâl in einem ~~blancen~~blanken ſamit geſniten mit ſwarzer varwe ſit dcaz wir div wapen kvrn an in ir trîuwe an iamer hat gewin Die ſteckent ob den andern hoch vuͦr die andern ehte vnſ ſuͦchent noch deſ kvnnen fridebrandeſ her die getôufen vber mer iegeſlicher porte ein vivrſte pfligt der ſich ſtriteſ vz bewigt mit ſiner banîere wir haben gatſchîere gevangen mit einem grâven abe der bivt vnſ vil groze habe der iſt kaẏleteſ ſweſter ſvͦn ſwaz vnſ der mac getvͦn dcaz mvͦz ie dirre gelten ſelch gelvcke kvmt vnſ ſelten. Hivteger dcaz in der Deſ morgenſ vil berêit waſ vor der porte gegen dem palas ouch wart von dem kvͦnen man cleinodeſ vil gevuͦret dan dcaz er durch vnſer ſcilte ſtach deſ man vuͦr groze koſte iach do ez die kroierere brachen drabe er valte vnſ manigen rit̉er abe er lat ſich gerne ſcôuwen in lobent ouch vnſer vrôuwen ſwen wîp lobent d̉er wirt bekant er hât den priſ ze ſiner hant. vn̄de ſinſ hertzen wunne nv het div mvͤde ſvnne ir liehten blic hin zir geleſen deſ bancheſ mvͤſe ein ende weſen der gaſt mit ſinem wirte rêit er vant ſin ezzen albereit. Ich wil iuch von ir ſpiſe ſagen div wart mit zvhten vur getaragen man dient ir ritterliche div kivniginne riche kom ſtolzliche vur ſinen tiſch hie ſtvͦnt d̉er reiger dort d̉er viſch ſi waz durch dcaz hin zim gevârn vn̄de wolte ſelbe daz bewarn dcaz man ſin pflege wol ze vrouwen *ſi mag kom̄en mit iuncvrowen vn̄de knîete nid̉er dcaz wcaz im leit mit ir ſelber hant ſi ſnêit dem ritter ſpiſe vmb ſin heil div vrouwe wcaz ir gaſteſ geil lebenſ m ſelchen eren ob ich mich ſolte lêren ſo wêre hin ſan an ch geg deſ pflegenſ deſ ich were wert Sone wêret ir niht geriten gar ich iv deſ we biten ſo lat mich in ader maze lebn ir habt mir êren ze vil gegeben. Sine wolt ouch deſ niht lazen da ſinvͥ kinder ſazen ſi bat ſi ezzen vaſte diz bot ſi zeren ir gaſte gar diſiv iuncherrelin waren holt der kivnigin dar nach div vroͮwe niht v̉ergaz ſi gienc ouch da dere wirt ſaz vn̄de deſ wîp div bvrcgravin ir becher huͦp div kivnigin Si ſprach la dir bevolhen ſin vſern gaſt div ere iſt din dar vmbe ich iv beidiv man ſi nam vrloup. do vur ſi dan aber wider vûr ir gaſt deſ hertze truͦc ir minnen laſt dcaz ſelbe ouch ir von im geſcach alſ ir ôuge vn̄de ir hertze iach div mvͦſenſ mit ir pflihte han mit zvhten ſparach div vroͮwe ſan gebietet herre ſwez ir gert dcaz ſcaffich wan ir ſit ez wert vn̄de lat mich îuweren vrlop han wirt iv hie guͦt gemach getan deſ vrowen wir vnſ vber al guldin wâren ir kerzeſtal vîer lieht man vor ir druffe truͦc ſi rêit oͮch da ſi vant genvͦc. bettete de rt mit vlize ſparach der wirt zem gaſte nv ſv ir ſlafen vaſte vn̄de rivwet hint deſ wrt wander den ſinen dcaz gebot ſi ſolten dannen keren deſ gaſteſ iuncherren der bette allvmbe dcaz ſine lac ir houbet dar an wan er deſ phlac da ſtvnden kerzen harte grôz die brvnnen lieht den helt v̉erdrôz dcaz ſuſ lanc waz div naht. in brahte dicke in vnmaht div ſwartze morinne deſ landeſ kivniginne Er want ſich dicke alſam ein wit dcaz im erkrachten gar div lit ſtrit vn̄de minne wcaz ſin ger nv wunſchent dcaz manſ in gewêr ſin h̉ertze gap von ſtozzen ſcal wand ez nach ritt̉erſcefte ſwal dcaz begunde dem recken ſine bruſt beide erſtrecken ſo div ſêne tuͦt dcaz armbruſt do wcaz ze drete ſin geluſt der herre ſvnder ſlafen lac vnz er koſ den grawen tac d̉er gap dannoch niht liehten ſcin do muͦſe ouch da bereit ſin zer meſſe ein ſin kapelan der ſi got vmminne ſan Man truͦc ſin harnaſc dar zehant er rêit da er tioſtieren vant do ſaz er ander ſtunde vf ein orſ dcaz beidiv kvnde hurteclichen dringen vn̄de ſnellichen ſpringen zoch me hoch in ſach wip ver iach ſo minnenclich en im ſin gelich ſtarkiv ſper da bi mieret ſi yſen truͦc ein dach ſlege deſ gemach ander decke lâc ſwere wâc gruͦner mit t ahmardi dcaz war geworht da ze arabi dar an ich livge niemen ſine ſcilt rîemen ſwcaz der da zvͦ gehorte wcaz ein vnverblichen borte mit geſteine harte tîvre gelivtert indem vîvre waſ ſin buckel rot golt ſin dienſt nam d̉er minnen ſolt. Min ſcarpfer ſtrit in ringe wâc div kivnigin inden venſtern lac da bi ir ſazen vrouwen mer nv ſeht dort hielt ouch Hivteger alda im ê der priſ geſcach do er diſen ritter komen ſach zvͦ zim galopieren hie nv dahter wenne oder wîe kom dirre frantzoẏs indiz lant wer hat den ſtoltzen her geſant het ich den vv̂r einen mor ſo were min beſter ſin ein tor die doch von ſprvngen niht beliben ir orſ mit ſporn ſi beide triben vzzem walap in die rabin ſi taten rirſ ellen ſcin der tioſt ein ander ſi niht lugen die ſpizen gegn den luften vlugen von deſ ſtoltzen Hivtegerz ſper ouch valte in ſinſ ſtriteſ wer hinderz orſ vf dcaz graz vil vngewent er deſ waz