Parzival

Parzival Transkription des Textzeugen d Wolfram von Eschenbach Parzival-Projekt Bern Parzival-Projekt Bern Bern 03.09.24 St. Gallen Stiftsbibliothek Cod. 857 d

Hs. D St. Gallen, Stiftsbibliothek, Cod. 857 [Digitalfaksimile] Pergament – 318 Blätter – Format: 31–31,5 x 21,5 cm (Schriftraum 25,5–26 x 16,5 cm), zwei Spalten zu 51–55 Zeilen (frühgotische Buchschrift), Verse abgesetzt – zweites Drittel des 13. Jhs. – südostalemannisch-südwestbairischer Raum (Südtirol?) – Sammelhandschrift, Inhalt: Wolframs ›Parzival‹, ›Nibelungenlied‹ und ›Klage‹, Strickers ›Karl der Große‹, Wolframs ›Willehalm‹, Spruchstrophen Friedrichs von Sonnenburg – Abschnittsgliederung durch qualitativ hochstehende Zierinitialen in Gold auf Farbgrund oder farbig auf Goldgrund, aus einer norditalienischen Malschule, sowie durch rote und blaue Lombarden – Fassungszugehörigkeit: *D – vgl. zur Hs. auch die Angaben im Handschriftencensus.

Leser Leser Leser Leser Leser Leser Leser Schreiber

Alle mit Name ausgezeichneten Stellen verweisen auf die Datei namen.xml, die eine Liste aller Personen- und Ortsnamen sowie eine Liste sonstiger Bezeichnungen, wie etwa Edelsteine, enthält.

"regp" verweist auf die Personennamen.

"rego" verweist auf die Ortsnamen.

"regs" verweist auf die sonstigen Bezeichnungen.

Finis-Zeichen Alinea-Zeichen de-Ligatur Lateinische Abkürung für -rum Lateinische Abkürzung für -is Lateinische Abkürzung für -et/-it Lateinische Abkürzung für -et Vgl. Cappelli, Lexicon abbreviaturarum, S. 408, Sp. a, letzte Zeile. Zeilenfüllsel Buch I Abschnitt 01.01-20.30 überprüft am Bildschirm von RSo im September 2004; Autopsie durch RSo im Oktober 2004. Korrekturen, zumeist Nachziehen einzelner Buchstabe in hellschwarzer Tinte dürften von Tschudi stammen. Sie werden dem ls1 zugeschrieben. Es muß für den Bereich 11,1 ff. noch nachgesehen werden, welcher Schreiber zuständig ist Abschnitt 21.01-58.26 transkribiert von JLa ab Farbfotos (Studio) im Dezember 2008; gegengelesen von YCh ab Farbfotos (Studio) am 19.03.2009. Korrekturen an Initialen durchgeführt von CG am 30.11.2015. Buch II Abschnitt 58.27-103.14 transkribiert von JLa ab Farbfotos (Studio) im Dezember 2008; Abschnitt 103.15-116.04 transkribiert von RSo im Sept. 2004; Autopsie vom zweiten Abschnitt durch RSo im Oktober 2004. Gegengelesen von YCh ab Farbfotos (Studio) am 19.03.2009. Korrekturen an Initialen durchgeführt von CG am 30.11.2015. Buch III 116.05-137.30 Transkribiert von LCa ab Farbfotos (Studio) im März 2014. Ab 137.31 nach den Richtlinien vom August 2002 ab dem Faksimile des Litterae- Bandes transkribiert und am digitalen Faksimile korrigiert. Überprüft am Bildschirm von RSo im Sept. 2004; Autopsie im Okt. 2004. 142.11-142.30 transkribiert ab Farbfotographie (Studio) von JKl im Sept. 2012. Gegengelesen von SKl/JKl ab Farbfotographie (Studio) im Juli/August 2014. Kleinere Korrekturen vorgenommen von CK im November 2015 Korrekturen an Initialen durchgeführt von CG am 30.11.2015. Buch IV Transkribiert von JLa ab Farbfotos (Studio) am 08.06.2010. Korrekturen an Initialen durchgeführt von CG am 30.11.2015. Buch V Transkribiert von SKl/JKl ab Farbfotos (Studio) November 2013 Gegengelesen von SFa ab Farbfotos (Studio) Dezember 2013. Versbezifferungen "-b" etc. zu "-a" vereinheitlicht. CG 28.05.2015, Stellen: 274.14; 274.15 Kleinere Fehlerkorrekturen vorgenommen. CG 25.06.2016 Kleinere Korrekturen vorgenommen von CK im November 2015 Korrekturen an Initialen durchgeführt von CG am 01.12.2015. Buch VI 281-284 Transkribiert von JLa ab Farbfotos (Studio) im Oktober 2013. 285-337 Transkribiert von MWi ab Farbfotos (Studio) im Oktober 2013. Gegengelesen von JKl ab Farbfotos (Studio) im November 2013. Kleinere Korrekturen vorgenommen von CK im November 2015 Korrekturen an Initialen durchgeführt von CG am 01.12.2015. Korrekturliste der Kollationeure ausgeführt von CG am 11.03.2016. Buch VII Transkribiert von MWi ab Farbfotos (Studio) im Oktober 2013. Gegengelesen von brusa ab Farbfotos (Studio) im Dezember 2014/Januar 2015. Buch VIII Transkribiert von YCh ab Farbfotos (Studio) am 29.09.2010. Korrekturen an Initialen durchgeführt von CG am 01.12.2015. Buch IX 433.01-443.05 wurde nach den Richtlinien vom August 2002 überarbeitet. Als Basis diente das digitale Faksimile. Bei der Autopsie muss besonders auf die Akzente und die Circonflexe geachtet werden, die sich ähneln. Ebenso auf die Verteilung der Circonflexe auf Diphtongen. Kapitälchen-R werden als Minuskel wiedergegeben. Bis 436.30 von mst korrigiert. Überprüft von RSo am Bildschirm im Sept. 2004; Autopsie im Okt. 2004 453.01-455.30 Transkribiert von YCh ab Farbforos (Studio) am 22.07.2009. 469.01-30 Transkribiert von YCh ab Farbfotos (Studio) am 22.07.2009. 443.06-452.30, 456.01-468.30, 470.01-499.30 Transkribiert von JKl ab Farbfotos (Studio) am 13.12.2011 433.01-502.30 anhand von Farbfotos (Studio) überprüft von JKl ab Farbfotos (Studio) am 16.12.2011 433.01-502.30 anhand von Farbfotos (Studio) überprüft von SFa ab Farbfotos (Studio) am 10.01.2012 Kollationskorrekturen eingearbeitet am 9.12.2014 von JKl Korrekturen an Initialen durchgeführt von CG am 01.12.2015. Buch X Transkribiert von JKl ab Farbfotos (Studio) im September 2012 Rückgelesen von MiGe im Dezember 2012 ab Farbfotos (Studio) Kollationskorrekturen eingearbeitet am 9.12.2014 von JKl Korrekturen an Initialen durchgeführt von CG am 01.12.2015. Buch XI transkribiert von SKl/JKl ab Farbfotos (Studio) März 2013 Gegengelesen von MiGe ab Farbfotos (Studio) im Juli 2013 Kollationskorrekturen eingearbeitet am 9.12.2014 von JKl Korrekturen an Initialen durchgeführt von CG am 01.12.2015. Buch XII V. 583.1-588.16 transkribiert von SKl/JKl ab Farbfotos (Studio) Januar 2014. V. 583.1-588.16 rückgelesen von JDe ab Farbfotos (Studio) September/Oktober 2014. ab V. 588.17 transkribiert von JDe ab Farbfotos (Studio) Herbst 2014. Verse 583.01 bis MINDESTENS 593.30 rückgelesen von MiGe. Komplett gegengelesen von SFa ab Farbfotos (Studio) November 2014. Buch XIII Transkribiert von JDe im November 2014 ab Farbfotos (Studio). Gegengelesen von CG im Januar 2015 ab Farbfotos (Studio). Buch XIV Transkribiert von CG am 21.01.2015 ab Farbfotos (Studio). Rückgelesen von MiGe im Januar 2015 ab Farbfotos (Studio). Buch XV Transkribiert von RSo am Bildschirm im Oktober 2003; Autopsie durch RSo im Mai 2005 Letzte Änderung: 15.12.2008 (GVI) Letzte Änderung: 05.05.2009 (YCh) Korrekturen an Initialen durchgeführt von CG am 01.12.2015. Buch XVI Transkribiert von RSo am Bildschirm im Oktober 2003; Autopsie durch RSo im Mai 2005 Letzte Änderung: 15.12.2008 (GVI) Letzte Änderung: 22.04.2009 (YCh) Korrekturen an Initialen durchgeführt von CG am 01.12.2015. Hs. D in eine Komplettdatei überführt, Dateiköpfe zusammengestellt und virtuelle Blattangaben entfernt von CG am 21.04.2016. Taggingfehler für XML-Export korrigiert von CG am 01.06.2016. Buch IV gegengelesen von CG am 02.08.2016. Buch VIII gegengelesen von CG am 10.10.2016. Korrekturen durchgeführt von CG am 31.10.2016. Kollationskorrekturen durchgeführt von CG am 28.03.2017. Namenstags umgestellt und korrigiert von CG am 16.05.2017. Endredaktion I durchgeführt von CG am 02.08.2017. Autopsie an Problemstellen durchgeführt von Julia Wermelinger im August 2017. Autopsieergebnisse eingearbeitet von CG am 06.09.2017. Korrektur an den Eigennamen von CG am 25.09.2017. Kollationskorrekturen durchgeführt von CG am 31.10.2017. Endredaktion II durchgeführt von CG am 16.11.2017. Einfügung -a für Kittverse im Juli 2019 durch MiGe. Dabei wurde in Anmerkungen teilweise Bezug genommen auf: Bumke, Joachim: Zur Textkritik des Parzival, in: ZfdA 139 (2010), S. 453-485. Die Lesung im sek-Tag auf Seite 5 der Hs. geht zurück auf Witte, Arthur: Die Parzivalhandschrift D, in: PBB 51 (1927), S. 309-382, hier S. 316. Gagmvret Herzey : Witte gibt an, dass die beiden Namen bzw. Teile davon ganz oben auf der ersten, beschnittenen Seite in abgeriebener und verblasster Schrift stehen. Der Parcival. IST zwiuel h̉erzen nahgebur I: Bildinitiale. daz muͦz der ſele werden ſur geſmehet unde gezieret. iſt ſwa ſich parrieret. vn verzaget mannes muͦt. alſ agelſtern varwe tuͦt. der mac dennoc*dennoch weſen geil. wand an im ſint *eidivbeidiv teil. deſ himelſ vnd der helle. der ~~unſtete~~unſtëte geſell*geſelle hat di ſwarzen va*varwe gâr. vnd wirt ouch nah der vinſter ~~var~~varn ſo habt ſich an die blanken. der mit ~~ſteten~~ſtëten gedanken Diz fligende bîſpel. iſt tumben lîvten gár zeſnêl. ſine mugens niht erdenken. wand iz kan vor in ~~wenk*n~~wenken. rehte alſam ein ſchelbich *ſehaſe. zin anderhalb an dem glaſe. gelichent und des blinden *vmtrovm. di gebent antluzeſ rovm. doh mac mit ſtête *tniht geſin. dirre trûbe lihte ſchin. er machet kuͦrze froude al wa*war wer rovfet mich da nîe dehein h*har gewuͦchſ innen an ~~m*er~~miner han*hant der hat vil nahe griffe erkant. *pricheſpriche ih gein den vorhten och daz glîchet miner witze idoch. wil ich ~~tri*nden.~~triwe finden. al da ſi chan ~~ve*winden.~~verſwinden. alſ fiwer in den brunnen. vnd daz tvͦ an der ~~ſunn*.~~ſunnen. *ôhnôh erkante ich nîe ſo wiſen man *nden mohte gerne de han. welher ſtîvre diſîv mere gernt. vn̄t waz ſi guͦter le wernt dar an ſi ni deſ verzagent. beide ſi vlihent unde iagent ſi entwichent unde kêrent. ſi iuſtern und nt. ſwer mit diſen ~~ſchan*n~~ſchanden allen kan. an dem ha*hat witze wol getan. der ſih niht verſitzet noh vergêt. vnd ſich anderſ *lwol verſtêt. valſch geſelleclicher mvͦt. iſt dem helle fîvre guͦt. ~~unde~~un̄de hoher werdekeit ein hagel. ſin triwe hat ſo kurzen zagel. daz ſi den dritten biz niht galt. fvͦr ſi bi bremen in den walt. xiſen maneger ſlahte idoch niht gar von mne ſint fv̂r div wip ſtoze ih di ſwelhiv min raten merchen wil div ſol wîzen war ſi ~~chê*e~~chêre. ir priſ und ir ere. vnd wem ſi danach ſi bereit minne und ir werdekeit ſo daz ſi niht ~~geriwe~~gerîwe. ir chvͦſche und ir ~~triwe~~trîwe. Vor gote ich guͦten wiben bite. daz in rehtiv maze volge mite ſcham iſt ein ſloz ob allen ſiten. ich endarf in niht mer heiles biten. div valſche erwirbet valſchen prîs. wi ſtete iſt ein dûnnez îſ. daz ovgeſt heize ſunnen hat. ir lop vil balde alſus zergat manech wibeſ ſchone an lobe iſt breit iſt da daz herze conterfeit die lob ich alſ ich ſolde. daz ſafer im golde. ich enhan daz niht fvr ~~lihti*in*.~~lihtiv dinc. ſwer in den chranken ~~meſſinc.~~meͦſſinc. ~~verwurchet~~verwürchet edeln rvͦbin. und al die aventivͦre ſin. dem gliche ih rehte wibes mvͦt div ir wipheit rehte tvͦt. dane ſol ich varwe pruͦven *ihtniht noch herzen dach. daz man ſih*ſiht iſt ſi inrehalp deſ pruſt bew*bewart ſo iſt werder priſ da niht ~~v*ſch~~verſch Solt ich wip un zerehte pruͦven alſ ih da fv̂re en lg nv̂ het dre aventivre ſite. div lat iuch wizzen ~~beide~~heide. von libe und uon lei*leide ~~frovd~~froͤvd und angeſt vert dabi. nu lat min eineſ weſen dri. Der ieſlicher ſunder phlege. daz miner kvnſte ~~w*rwege~~widerwege. dar zvͦ gehorte wilder fvͦnt ob ſi iv gerne teten kvͦnt. daz ich iv eine kuͦnden wil. ſi hett*hettú arbeite vil. Ein mere ih iv wil niwen. daz ſeit uon grozen trîwen. wiplichez wibes reht. un̄t mannes manheit alſo ſleht div ſich gein herte nie gebovch. ſin herze in dar an niht betrovch er ſtahel ſwa er ze ſtrite quam. ſin hant da ſigelichen nam. vil manegen lobelichen pris. er chuͦne træchliche wis. den helt ich alſus gruͦze. er wibes ovgen ſuͦze vnd da bi wibeſ herzen ſuͦht. vor miſſewende ein wariv fluͦht. den ich hiezu han erkorn. er iſt ~~merſhalp~~merhalp noch ungeborn. dem man dirre aventivre giht. vn̄t wunderſ vil deſ dran geſchiht. xie pflegetnſ noh alſ mans do pflach. ſwa lit un̄t welich gerihte lach. deſ pfliget ouch tîvſcher erde ein ort. daz habt ir ane mich gehort. ſwer ie da pflac der lande. der gebot wol ane ſchande. daz iſt ein warheit ſunder wan. daz der aldeſte bruͦder ſolde han. ſineſ vater ganzen erbeteil. daz waſ der iungern unheil. daz in der tôt die pflihte brach. alſ in vater leben veriach. da uor waſ ez gemeine. ſvſ hat iz der alter eine. daz ſchvͦf idoch ein wiſe man. daz alter gvͦt ſolde han. ivgent hat uil werdecheit. daz alter ſivften unde leit. ez enwart nie niht alſ vnfruͦt ſo alter und armvͦt. kvͦnige. grauen. herzogen. daz ſag ich iv fur ungelogen. daz di da hvͦbe enterbet ſint. unz an daz elter kint. daz iſt ein fremdiv zeche. der chivſche und der vreche. Gagmuret der wigant. Gagmuret ze Anſciuin verlós ſus burge und lant. da ſin vater ſchône. truͦch ſceptrūm und die chrone. mit grozer kvͦneclicher chraft. unz er lac tot an riterſchaft. Do clagete man in ſere. die ganzen triwe und ere. braht er unz an ſinen tót. ſin elter ſvͦn fur ſich gebot. den fvrſten uz ſinem riche. die quamen ritterliche. wan ſi ze rehte ſolden han. von im groz lehen ſunder wán. Do ſi zehove waren komen. und ir reht was vernomen daz ſi ir lehen alle enpfîngen. nv horet wi ſiz anegevingen. ſi gerten alſ ir triwe riet. rich und arme gar div diet. einer chranchen erntſlicher bete. daz der chvͦnech an gahmvrete. bruderliche triwe mêrte. und ſih ſelben êrte. daz er in niht gar verſtîeze. und im ſines landes ~~liezen~~lieze. hant gemêlde daz man mohte ſehen. da von der herre mvͦſe iehen. ſines namen und ſiner vriheit. daz was dem kvnege niht zeleit. er ſprach ir kvnnet maze gern. ich wil ivch deſ und furbaz wern. wan nennet ir den bruͦder min. Gahmvret Anſcivin. Anſcowe iſt min lant. da weſen beide von genant. Do ſprach der kvͦnech hêre. min brvͦder der mach ſich mêre. der ſteten hilfe an mich verſehen. denne ich ſo gaheſ welle iehen. er ſol min ingeſinde ſîn. deiſwar ich tvͦn iv allen ſchîn. daz unſ beide ein mvͦter truͦch. er hat wenik und ich genvͦch. daz ſol im teilen ſo min hant daz deſ min ſelde niht ſi pfant. vor dem der gibt und nimt. vͦf reht in beder der gezimt. do die fvrſten riche. vernamen al geliche. daz ir herre triwen phlac. diz was in ein liber tac. ieſlicher im ſvnder neich. Gahmvret niht langer ſweich. der volge alſ im ſin herze iach. zem kvͦnege er gvͦtliche ſprach. herre unde brvͦder min. wolt ich ingeſinde ſin. iwer oder decheineſ man. ſo het ich min gemach getan. nv pruͦvet dar nach minen priſ. ir ſit getriwe unde wis vnd ratet alſ iz geziehe nvͦ. da grifet helfliche zvͦ. niht wan harnaſch ich han. het ich dar inne mêr getan. daz virrech lop mir brehte. etſwa man min gedehte. GAhmvͦreth ſprach ave ſan. Gahmuret ſehzehen knappen ich han. der ſehſe von iſer ſint. dar zvͦ gebt mir vier kint. mit gvͦter zvht an hoher art vor den wirt nimmer niht geſpart. deſ ie beiagen mac min hant ich wil keren in div lant. ich han ouch é ein teil gevarn. ob mich gelvcke wil bewarn. ſo erwirbe ich guͦteſ wibeſ grvͦz. ob ich ir darnach dinen mvͦz. vnd ob ich deſ wirdech bin. ſo rêtet mir min beſter ſin. daz ichſ mit rehten triwen phlege. got wiſe mich der ſelden wege. wir fvren geſellecliche. dennoch het iwer riche. unſer vater Gandin. Gandin von Anſciuin manegen chvmberlichen pin. wir bede dolten vmbe lîp. ir waret ritter unde dîp. ir chundet dinen unde heln. wan chvnde ouch ich nv minne ſteln. owe wan het ich iwer chvnſt. vnd anderhalp die waren gunſt. der kvͦnech ſvͦfzete unde ſprach d̉er Kuͯnig owe daz ich dich ie geſach. ſit dvͦ mit ſchimflichen ſiten. min ganzez herze haſt verſniten. vn̄t tvſt ob wir unſ ſcheiden. min vater hat unſ beiden. Gelazen gvͦtes harte vil. deſ ſtoze ich dir gelichiv zil. ich bin dir herzenlichen holt. lîht geſteine. rotez golt. livte. wapen. orſ. gewant. deſ nim ſo vil von miner hant. daz dv nah dinem willen varſt. und dine mildecheit bewarſt. din manheit iſt uzerkorn. wereſtu von Gẏlſtram geborn. Gÿlſtram oder komen her von Ranculat. Ranculat ich hete dich immer an der ſtat. alſ ich dich ſvs uil gerne han. du biſt min brvͦder ſvnder wán. Herre ir lobt mich umbe nót. Gahmuret ſit iz iwer zvht gebot. dar nach tvt iwer helfe ſchin. welt ir und div mvͦter min mir teilen iwer varnde habe. ſo ſtîge ich vf und ninder abe. min herze idoch nach hôhe ſtrebet. ineweiz warumbe ez alſus lebet. daz mir ſwillet ſus min winſter brvſt. owe war iaget mich min gelvſt. ich ſolz verſvchen ob ich mach. nv nahet min vrloͮbeſ tach. Der kvͦnech in alleſ werte Der kuͯnig mer denne er ſelbe gerte. fivnf ôrſ erwelt vnd erkant. de beſten uber al ſin lant. kvͦne. ſtarc. niht zelaz. manec tiwer golt vaz. vnd manegen guldinen clôz. den kvͦnech wenec deſ verdrôz. er en fvlteſ im vier ſovmſchrin. geſteineſ mvſe ouch vil dar in. Do ſi gefvllet lagen. knappen di des pflagen. waren wol gecleidet und geriten. da newart iamer niht v̉ermiten. do er fvr ſine mvter giench. Kuͯnigin vnd ſi in ſo vaſte zv ir viench. filliiroẏ Gandin. Fillu Roÿ Gandin .i. dn kuͯng Gandins ſun ~~wil~~wilt du niht langer bi mir ſin. ſprach daz wipliche wip. owe nv trvͦch dich doch min lip. dv biſt ovch Gandins kint. iſt got an ſiner helfe blint. oder iſt er dran betovbet. daz er mir niht gelovbet. ſol ich nv niwen kvmber haben. ich han mineſ herzen craft begraben. di ſvͦze miner ougen wil er mich furbaz rovben. und iſt doch ein rihtêre. ſo liuget mir daz mere. alſ man von ſiner helfe ſaget ſit er an mir iſt ſus verzaget. xoDo ſprach der ivnge Anſoiuin. Gahmuͯret Anſowin got trôſte ivch frowe deſ vater min. den ſvln wir beidiv gerne clagen. iv enmac niman von mir geſagen. deheiniv clagelichiv leit. ich var durch mine werdecheit. nah ritterſchaft in fremdiv lant. frowe ez iſt ſus bewant. Do ſprach div kvͦneginne. ſit dv nach hoher minne. wendeſt dineſt und mvͦt. liber ſvn la dir min guͦt. vf di vart niht verſmahen. heiz von mir enpfahen. dine kamerêre. vier ſovmſchrin ſwêre. da ligent inne phelle breit. ganze di man nie verſneit. vnd manec tiwer ſamit. ſvͦzer man la mich di zit. horen wenne dv wider kvmeſt. an minen frovden dv mir frvmeſt. Frowe deſ enweiz ich niht Gahmuret Anſcewin in welhem lande man mich ſiht. wan ſwar ich von iv kére ir habt nach ritters ére. iwer werdecheit an mir getan. ovch hat mich der kvͦnich lan. alſ im min dineſt danken ſol. ich getruͦwe iv des uil wol. daz ir in deſte werder hat. ſwi ioch mir min dinch ergat. ~~xlſ~~Alſ unſ div aventiure ſaget Do ~~helt~~het der helt vnverzaget. enpfangen durch liebe chraft. unt dur wiplich geselleſchaft. chleinôteſ tvſent marke wert. ſwa noch ein ivde pfandeſ gert. er mohtez der fvr enphahen. ez endorft im niht verſmahen. daz ſande im ein ſin frivdin. an ſinem dinſte lac gewin. der wibe minne und ir gruͦz. doch wart im ſelten kvmberſ bvͦz. vrloͮp nam der wigant. mvͦter. bruder. noch deſ lant. ſin ovge nimmer mer erkós. dar an doch maneger vil verlós. der ſich hete an im erkant. é daz er were dan gewant. mit deheinerſlahte gvnſte zil. den wart von im gedanket vil. eſ dvͦhte in mére denne gnuͦc durch ſine zvht er nie gewͦc. daz ſiz tetēn vmbe reht. ſin mvͦt was ebener denne ſleht. ſwer ſelbe ſagt wi werd er ſi. da iſt lihte ein vngelovbe bi. ez ſolten die vmbeſezen iehen vnd ovch di heten geſehen ſiniv werch da er ~~fromde~~fremde were ſo gelovpte manz mêre. ~~xAhmvͦret~~GAhmvͦret der ſite phlac. den rehtiv maze widerwac. und ander ſchanze encheine. ſin rv̂men daz was chleine. groze ere er lidenliche leit. der loſe wille in gar vermeit. doch wande der gefvͦge. daz niman chrone trvͦge. chvͦnech. keiſer keiſerin. deſ meſſenie er wolde ſin. niwan eineſ der die hoͤhſten hant trvͦge vͦf erde vber elliv lant. der wille in ſinem herzen lach. im wart geſagt ze Baldach. were ein ſo gewaltic man. daz im der erde undertan div zwei teil weren oder mér. ſin namen heidinſch was ſo hér. daz man in hiez der Baruͦch er hete an krefte alſolhen zvͦch. vil kvͦnege waren ſine man. mit chrontēm libe undertan. dez Barvͦch ambet hivte ſtét. ſeht wi man chriſten é begét. zerome alſ unſ der tovf vergiht. heidenſch orden man dort ſiht. ze Baldach nement ſi ir babeſt reht. daz dunchet ſi ane krvmben ſleht. der Barvͦch in fvr ſvnde. git wandelſ vrkvnde. Zwene brvder von Babilon. Pompeiuſ und Jpomidon. den nam der Baruͦch ninivé. daz waſ al ir vordern é. ſi taten wer mit chrefte ſchin. dar chom der iunge Anſcivin. dem wart der Barvͦch vil holt. ia nam nach dinſte al da den ſolt. Gahmvͦreth der werde man. nuͦ erlovbet im daz er muͦze han. and̉er wapen denne im Gaudîn. da vor gap der uater ſin. der herre phlac mit gernden ſiten. vf ſine kovertivre geſniten. æncher. liht hermin. da nach mvͦſe ovch daz ander ſin vͦf ſime ſchilte und an der wât. noch grvͦner denne ein ſmarát. waſ gepruvet ſin gereite gar. und nach dem Achmardi var. daz iſt ein ſidin lachen. dar zvͦ hiez er im machen. wapenroch und kurſit. ez iſt bezzer denne der ſamit. hermin ancher drvͦf genêt. guldiniv ſeil dran gedrêt. ſine anchere heten niht bekort. ganzeſ landes. noch landeſ ort. da ne waren ſi ninder in geſlagen. der herre mvͦſe fvrbaz tragen. diſen wapenlichen laſt. in manegiv lant der werde gaſt. Nach dem Ancher diſiv mál. wand̉er deheiner ſlahte twál. hete ninder noch gebite. wie vil er lande dúrch rite vnd in ſchiffen vmbe fv̂re. ob ich iv danach ſwͦre. ſo ſait iv vf minen eit. min ritterlichiv ſicherheit. alſ mir div aventivre giht. ine han nv mer gezivges niht. div ſait ſin manlichiv craft. behielt den prîs in heidenhaft. ze Marroch vnd ze Perſẏa. ſin hant bezalt ouch anderſwa. ze Damaſc vnd ze halap. vnd ſwa man ritterſchaft da gap. ze Arabie vnd vor Arabi. daz er was gegenſtrites vri vor ieſlich einem man. diſen rvͦft er da gewan. ſineſ herzen gir nach priſe greif. ir aller tát vor im zeſleif. vnd waſ vil nach entnihtet. ſv̂s was ie der berihtet. der gein im tivſtirens phlách. man iach im des ze Baldach. ſin ellen ſtrebte ſvnder wanch. von dan fvͦr ein gein zazamanch. in daz chunecheriche. die clageten algeliche. Jſenharten der den lip. indineſte verloſ vmbe ein wip. dez ~~twag~~twang in ~~belane~~belacane. dvdiv ſuze ~~valcheſ~~valſcheſ âne. daz ſi im ir minne nie gebot. deſ lag er nach ir minne tot. Den rachen ſine mage. offenliche unde ander ~~lagt~~lage. di froͮwen twngen ſi mit her. div waſ mit ~~ellenthafer~~ellenthafter wer. do Gahmuret quam in ir lant. daz uon chſotten vridebrant. mit ſchiffeſ her verbrande. é daz er dannen wande. nv horet wi unſer riter var. daz mer warf in mit ſtvrme dar. ſo daz er chvme ie doch genaſ. gein der kuneginne palaſ. chom er geſigelt indie habe. da wart her vil ~~beſcowet~~beſcovwet abe. *do ſaher vz anz velt. da waſ geſlagen manec zelt. alumbe die ſtat wangein dem mer. do lagen zwai chreftigiv her. do heiz er wragen der mære. weſ div burch were. ſie tæten ſinen boten chvnt. ſie: Bumke gibt fälschlicherweise an, dass Vers 17.03 mit dâ statt ſie beginnt. Vor diesem Hintergrund dürfte hier eine bruchlose Stelle ohne Veränderungen vorliegen (und nicht wie von ihm angegeben eine mit Veränderungen). *ezez were patelamunt. *ezez were: Die *G-Handschriften tradieren am Versanfang ſi hieze statt ez were. Diese Varianz hat wahrscheinlich nichts mit dem fehlenden Verspaar 17.01f. zu tun, deswegen wurde hier kein -a gesetzt. daz wart im inneclichen enboten. ſimanten in bi ir goten. daz er in hvlfe deſ were in not. ſi rvngen niht wan vmben tot. Do der ivnge Anſcivin. vernam ir chvmberlichen pin. er bot ſin dineſt vmbe gvͦt. alſ noch vil diche ein riter tvt. oder daz ſi im ſageten vmbe waz. er ſolte doln der viende haz. Do ſprach vz einem munde. der ſiche unde der geſvnde. daz im ware algemeine. ir golt vnde ir geſteine. deſ ſolt er alleſ herre weſen. vnde er mohte wol bi in geneſen. doch bedorft er wenec ſoldeſ. von Arabie deſ goldeſ. het er manegen chnollen braht. lvte vinſter ſo div naht. waren alle die von Zazamanch. bi den dvht in div wile lanch. doch hiez er herberge nemen. deſ moht oͮch ſi vil wol gezemen. daz ſi im die beſten gaben. die frowen dennoch lagen. zen venſtern unde ſahen dar. *iſi nemen deſ vil rehte war. ſine knappen vnde ſin harnaſc. wi daz gefettirt waz. do trvc der helt milte. vͦf einem herminem ſchilte. ineweiz wie manegen zobel balch. der chvneginne marſchalch. hetez fvr einen ancher groz. ze ſehen in wenic dar ~~vrdorz~~verdorz. do mvſen ſiniv ovge iehen. daz er hete geſehen. diſen ritter oder ſinen ſchin. daz mvſe Ze alexandrie ſin. do der barvch der vor lac. ſinen priſ da niemen wider wac. Svs fvr der muteſriche.- in die ſtat behagenliche. zehen ſoͮmere hiez er vazzen.- die zogetin hin die gazzen. da riten zwenzich knappen nach.- ſin bovel man dort vorerſach. garzune choche unde ir chnaben. hetin ſih hin fur erhaben. ſtolz waſ ſin geſinde. zwelf wol geborner chinde. do hinden nach den knappen riten. an gvter zvht mit ſvzen ſiten. etſlicher waz ein ſarrazin. dar nach mvͦſe oͮch getrechet ſin. aht orſ mit zindale. verdechet al zemale. daz nivnde ſinen ſatel trvͦch. ein ſchilt deſ ê gewͦch. den fvͦrte ein knappe vil gemeit. der bi nach den ſelben reit. pvſonr der man noch bedarf. ein tāmbvrr ſlvͦg vn̄t warf. hohe ſine tambvr. den herren nam vil vntvr. dane ritten floitirre bî. vn̄t gvͦter videlære drî. den waſ allen niht zegach. ſelbe reit er hinden nach. vnt ſin marnære. der wiſe vn̄t der mære. Swaz da waſ volcheſ inne. moͤre vn̄t moͤrinne. waſ beidiv wip vn̄t man. der herre ſchoͮwen began. manegen ſchilt zebrochen. mit ſpern gar dvrchſtochen. der waſ da vil gehangen fvr. an die wende vn̄t an die tvr. ſi heten iamer vn̄t gvft. in div venſter gein dem lvft. waſ gebettet manegen wnden man. ſwenn er den arzat gewan. daz er doch mohte niht geneſen. der waſ bi vienden geweſen. ſuſ warb ie der vngerne vloch. vil orſe man im wider zoch. dvrchſtochen vn̄t verhoͮwen. manege tvnkele froͮwen. ſach er bedenthalben ſin. nach rabenſ varwe waſ ir ſchin. ſin wirt in minnechliche enphiench. daz im nach froͤden ſit ergiench. daz waſ ein ellenſ richer man. mit ſiner hant het er getan. manegen ſtich vn̄t ſlach. wand er einer porten phlach. bi dem er manegen riter vant. die ir hende hiengen in div bant. vn̄t den ir hoͮbet waren verbvnden. die heten ſoͤlhe wnden. daz ſi doch taten riterſchaft. ſi heten lazen niht ir chraft. Der bvrchgrave von der ſtat. ſinen gaſt do minnechlichen bat. daz er niht verbære. al daz ſin wille wære. vber ſin gvͦt vn̄t vber den lip. er fvͦrten da er vant ſin wip. div Gahmvreten *chvſte. deſ in doch wenech gelvſte. dar nach fvͦr er enbizen ſan. do diz alſvſ waſ getan. der Marſchalch fvͦr von im zehant. al da er die kvneginne vant. vn̄t îeſch vil groziv botenbrot. er ſparach froͮwe vnſer not. iſt mit frevden zergangen. den wir hie haben enphangen. daz iſt ein riter ſo getan. daz wir zevlehen immer han vnſern goten die in vnſ brahten. daz ſi deſ îe gedahten. Nv ſage mir v̂f die triwe din. wer der ritter mvge ſin. froͮwe er iſt ein degenfîer. deſ Barvcheſ ſoldier. ein Anſcivin von hoher art. avoy wie wenich wirt geſpart. ſin lip ſwa man in læzet an. wie reht er dar vn̄t dan. entwichet vn̄t cheret. die viende er ſchaden leret. Ich ſach in ſtriten ſcone. da bi Babylone. Alexandrie loͤſen ſolten. vnde do ſi dannen wolten. den Barvch triben mit gewalt. waz ir da nider wart gevalt. an der ſchvmphentivre. da begiench der gehivre. mit ſime libe ſoͤlhe tat. ſi heten vliehenſ decheinen rat. dar zvͦ hort ich in nennen. man ſolte wol erchennen. daz er den priſ vber mænegiv ~~lant~~ſant. hete al eine zvͦ ſiner hant. Nv ſih et wenne oder wie. vn̄t fvͤge daz er mich geſpreche hie. wir haben doch frid al diſen tach. da von der helt wol riten mach. her v̂f zemir odr ſol ich dar. er iſt andrſ denne wir gevar. owi wan tæte im daz niht wê. daz het ich gerne erfvnden ê. ob mirz die mine rîeten. ich ſolt im er bîeten. gervchet er mir nahen. wie ſol ich in enphahen. iſt er mir dar zvͦ wol geborn. daz min chvſſ niht ſi verlorn. froͮwe er iſt fvr chvnegeſ chvnne erchant. deſ ſi min lip genennet phant. Froͮwe ich wil iwern fvrſten ſagn. daz ſi richiv chleider tragn. vn̄t daz ſi vor iv bîten. vnz d wir zvͦ ziv riten. daz ſaget ir iweren froͮwen gar. wan ſwenne ih nv hin nidr var. ſo bring ich iv den werden gaſt. dem ſvͤzer tvgende nie gebraſt. harte wenich deſ verdarp. vil behendechlichen warp. der Marſchalch ſiner froͮwen bete. balde wart do Gahmvrete. richiv chleider dar getragen. div leit er an alſvſ hort ich ſagen. daz div tiwer wæren. acher die ſwæren. von Arabiſchem golde. waren drvfe alſ er wolde. Do ſaz der minnen gelteſ lon. v̂f ein orſ daz ein Babylon. gein im dvrh tivͦſtiren reit. den ſtach er drabe daz waſ dem leit. ob ſin wirt iht mit im var. er vn̄t ſine riter gar. ia deiſwar ſi ſint eſ fro. ſi ritten mit ein andr do. vn̄t erbêizten vor dem Palas. da manech riter v̂f was. die mvͦſen wol gechleidet ſin. ſiniv kinder liefen vor im in. Ie zwei ein andr an der hant. ir herre manege froͮwen vant. gecleidet wnnecliche. der kvneginne riche. ir oͮgen fvͦgten hohen pin. do ſi geſach den Anſcivin. der waſ minnecliche gevar. daz er entſloz ir herce gar. ez wære ir liep odr leit. daz beſloz da vor ir wipheit. ein wenech ſi gein im do trat. ir gaſt ſi ſih chvſſen bat. ſi nam in ſelbe mit der hant. gein den vienden an die want. ſazen ſi in div venſter wit. v̂f einen kvlter gesteppet ſamit. dar vndr ein weichez pette lach. iſt iht liͤhterſ denne der tach. dem gelichet nit div kvnegin. ſi hete wiplichen ſin. vn̄t waſ abr anderſ riterlich. der toͮwigen roſen vngelich. nach ſwarzer varwe waſ ir ſchin. ir chrone ein liehtr rvbin. ir hoͮbet man dr dvrch ſach. div wirtin zir gaſte ſprach. daz ir liep wære ſin chomn. herre ich han von iv vernomn. vil riterlicher werdecheit. dvrch iwer zvht lat iv niht weſen leit. ob ih iv minen chvmber chlage. den ich nahe in minem herzen trage. Min helfe iwch froͮwe niht irret. ſwaz iv war odr wirret. ſwa daz wenden ſol min hant. div ſî zedienſte dar benant. ich pin niht wan einech man. ſwer iv tvͦt odr hat getan. da bivt ich gein minen ſchilt. Die viende wenech deſ bevilt. mit zvhten ſparach ein fvrſte ſan. heten wir einen hoͮbet man. wir ſolden viende wenich ſparn. ſit Vridebrant iſt hin gevarn. der loͤſet dort ſin eigen lant. ein kvnech heizet Hernant. den er dvrh Herlinde ſlvͦch. deſ mage tvͦnt im leit genvͦch. ſine wellent ſiheſ niht mazen. er hat hie helde lazen. den herzogen Hv̂teger. deſ riter tat vnſ manegiv ſer frvmt vn̄t ſin geſelleſchaft. ir ſtrit hat chvnſt vn̄t chraft. ſo hat hie manegen ſoldier. von normandie Gaſcier. der wiſe degen here. noch hat hie riter mere. Kaylet von Hoſkvraſt. manegen zornigen gaſt. die bræhten alle in dizze lant. der Scoten kvnech Vridebrant. Fridbrand Kung ze Schotten vn̄t ſiner gnoze viere. mit manegem ſoldiere. xeſterhalp dor an dem mer. da lit Jſenhartes her. mit fliezenden oͮgen. offenlich noch toͮgen. geſach ſî mimm̉er mer dehein man. ſine mvͦſen iamerſ wnder han ir hercen regen die gvſſe warp. ſit an der tioſt ir herre ſtarp. Der gaſt zer wirtinne. ſparach. mit ritterſ ſinne. ſaget mir ob irſ gervͦchet. dvrh waz man iwch ſo ſvͦchet. zornliche mit gewalt. ir habet ſo manegen degen balt. mich mvͤt daz ſi ſint verladen. mit viende hazze nach ir ſchaden. daz ſage ich iv herre ſit irſ gert mir diende ein ritter der waſ wert. ſin lip waſ tvgende ein bernde rîſ. der helt waſ chvͤne vn̄t wîſ. der triwe ein reht beclibeniv frvht. ſin zvht wac fvr alle zvht. der waſ noch chivſcher denne ein wip. vrecheit vn̄t ellen trvch ſin lip. ſone gewͦhſ an ritter milter hant. vor im nie vber elliv lant. ine weiz waz nach vnſ ſvle geſchehen. deſ lazen andr livte iehen. er waſ gein valſcher fvͦre ein tôr. in ſwarzer varwe alſ ich ein môr. ſin vatr hiez Tanchanis. ein kvnech der het oͮch hohen pris. xin friwnt der hiez Jſenhart. min wipheit waſ vmbewart. do ich ſin dieneſt nach mīnne enphiench. deiz im nach froͤden niht ergiench. deſ mvͦz ich immer iamer tragen. ſi wænent daz ih in ſchvͦf erſlagen. verratenſ ich doch wenich chan. ſwî mich deſ zihen ſine man. er waſ mir lieber danne in. ane gezivge ich deſ niht bin. mit den ichz ſol bewæren noch. die rehten warheit wizzen doch. mine gote vn̄t oͮch die ſîne. er gap mir manege pîne. Nv hat min ſchamn div wipheit. ſin lon erlenget min lêit. dem helde erwarp min magetvͦm. an riterſchefte manegen rvͦm. do verſvͦcht ich in ob er chvnde ſîn. ein frivnt daz wart vil balde ſchin. er gap dvrh mich ſin harnaſch. enwech daz alſ ein palaſ. dort ſtet daz iſt ein hoh gezelt. daz brahten ſcotten v̂f dizze velt. do daz der helt ane wart. ſin lip do wenich wart geſpart. deſ lebenſ in da nach verdroz. manege aventivre ſvͦhter bloz. do ditz alſo was. ein fvrſte Prothizilas. er hiez min mæſſenîe. vor zageheit der vrîe. v̂z dvrch aventivre reit. da groz ſchade in niht vermeit. zem Foreſt in Azagoͮch. ein tioſt im ſterben niht erloͮch. die er tet v̂f einn chvͤnen man. der oͮch ſin ende alda gewan. daz waſ min frivnt Jſenhart. ir ieweder innen wart. eineſ ſperſ dvrh ſchilt vn̄t dvrh den lip. daz chlag ich noch vil armez wip. ir beder tot mich immer mvͤt. v̂f miner triwe iamer blvͤt. ih enwart nie wip decheineſ man. Gahmvreten dvhte ſan. ſwie ſi wære ein heidenin. mit triwen wiplicher ſin. in wibeſ herce nie geſloͮf. ir chîvſche waſ ein reiner toͮf. vn̄t oͮch der regen der ſi begoz. der wach der von ir oͮgen floz. v̂f ir zobel vn̄t an an ir brvſt. riwen phlege waſ ir gelvſt. vn̄t rehtiv iamerſ lêre. ſi ſeit im fvrbaz mêre. Do ſvͦhte mich von vber mer. der Scotten kvnech mit ſinem her. der waſ ſineſ oͤheimeſ ſvͦn. ſine mohten mir niht mer getvͦn. ſchaden denne mir waſ geſchehen. an Jſenharte ich mvͦzeſ iehen. Div froͮwe erſvfte diche. dvrch die zæher manege bliche. ſi ſchamende gaſtlichen ſach. an Gahmvreten do veriach. ir oͮgen dem herzen ſan. daz er wære wolgetan. ſi chvnde oͮch liehte varwe ſpehen. wan ſi hete geſehen. manegen liehten heiden. al da wart vnder in beiden. ein vil getrivlich ger. ſi ſach dar vn̄t er ſach her. dar nach hiez ſi ſchench ſan torſte ſi daz wære verlan. ez mvͤte ſî deiz niht beleip. wand ez die ritter îe vertreip. die gerne ſprachen widr wîp. doch waſ ir liep ſin ſelbeſ lîp. oͮch het er ir den mvͦt gegebn. ſin lebn waſ der froͮwen lebn. Do ſtvͦnt er v̂f vn̄t ſprach. froͮwe ich tvͦn iv vngemach. ich chan zelange ſitzen. daz entvͦn ich niht mit witzen. mir iſt vil dieneſtlichen lêit. daz iwer chvmber iſt ſo brêit. froͮwe gebietet vber mich. ſwar ir welt dar iſt min gerich. ich dien iv allez daz ich ſol. ſi ſparach herre deſ trwe ich wol. xer bvrchgarave ſin wir*wirt nv vil wenich deſ enbirt. ern chvrze im ſine ſtvnde. zevragen er begvnde. ob er wolde banechen rîten. vn̄t ſchoͮwet wa wir ſtrîten. wî vnſer portn ſîn behvͦt. Gahmvret der degen gvͦt. ſparach. er wolde gerne ſehen. wa riterſchaft da wære geſchehen. Her ab mit dem helde raͤit. manech riter vil gemeit. hie der wiſe dort der tvmbe. ſi fvͦrten in al vmbe. fvr ſehzehen porten. ſi beſchieden im mit worten. daz der decheiniv wære beſpart. ſit wrde gerochen Jſenhart. an vnſ mit zorne naht noch tach. vnſer ſtrît vil nach geliche wach. man beſloz ir decheine ſît. vnſ git vor æhte porten ſtrît. deſ getriwen Jſenhartes man. die habent vnſ ſchaden vil getan. ſi ringent mit zorne. die fvrſten wol geborne. deſ kvnegeſ man von Azagoͮch. von ieſlicher porte floͮch. ob chvͤner ſchar ein liehter van. ein dvrchſtochen riter dran. alſ Jſenhart den lip verlôs. ſin volch div wapen da nach chôs. Da gein han wir einen ſite. da ſtille wir ir iamer mite. vnſer vanen ſint erchant. daz zwene vinger v̂z der hant. bivtet gein dem eide. irne geſchehe nie ſo leide. wan ſit daz Jſenhart lach tot. miner froͮwen frvmt er herzen not. ſus ſtet div kvnegin gemal. frov Belakane ſvnder twal. in einen blanchen Samit. geſniten von ſwarzer varwe ſît. daz wir div wapen chvren an in. ir triwe an iamer hat gewin. die ſtechent ob den porten hoch. for die andern æhte vnſ ſvͦchet noch. deſ ſtolzen Fridebrandes her. die getoͮften von vber mer. îeſlicher porte êin fvrſte phliget. der ſih ſtriteſ v̂z bewiget. mit ſiner banîere. Wir haben Gaſcîere. gevangen einen graven ab. der bivten vns vil groze hab. der iſt Kayletes ſweſter ſv̂n. ſwaz vnſ der nv mach getv̂n. daz mvͦz ie dirre gelten. ſoͤlch gelvche chvmt vnſ ſelten. xrvͤnes angerſ lvcel ſandes. wol drizzech Poindr landes. iſt zir gezelten vome grabn. da wirt vil manech tioſt erhabn. diſiv mære ſagt im gar ſin wirt. ein ritter nimmer daz verbirt. ern chom dvrch tioſtîren fvr. ob der ſin dieneſt dort verlvr. an ir div in ſante her. waz hvlfe in denne ſin vrechiv ger. daz iſt der ſtolze Hvteger. von dem mag ich wol ſprechen mer. ſit wir hie ſin ~~hie~~ beſezzen. daz der helt vermezzen. ie ſmorgenſ vil bereite was. vor der porte gein dem palas. oͮch iſt von dem chvͤnen man. cleinoteſ vil gefvͤrt dan. daz er dvrh vnſer ſchilte ſtach. deſ man fvr groze choſte iach. ſo ez die chrigîrre brachen drab. er valt vnſ manegen riter ab. er læt ſich gerne ſchoͮwen. in lobent oͮch vnſer froͮwen. ſwen wip lobent der wirt erchant. er hat den priſ zeſiner hant. vnt ſineſ herzen wnne. do hete div mvͤde ſvnne. ir liehten blich hinz ir geleſn. deſ banchenſ mvͦſe ein ende weſn. der gaſt mit ſime wirte rêit. er vant ſin ezzen al berêit. oh mvͦz iv von ir ſpiſe ſagen. div wart mit zvhten fvr getragen. man diende in riterliche. div kvneginne riche. chom ſtolzliche fvr ſinen tiſch. hie ſtvͦnt der Reiger dort der viſch. ſi waſ dvrch daz hinz im gevarn. ſi wolde ſelbe daz bewarn. daz man ſin phlege wol zefrvmen. ſi waſ mit ivnchfroͮwen chomen. ſi chniete nider daz waſ im leit. mit ir ſelber hant ſi ſneit. dem riter ſiner ſpiſe ein teil. div froͮwe waſ ir gaſteſ geil. do hvͦp ſi im ſin trinchen dar. vn̄t phlach ſin wol oͮch nam er war. wie waſ gebærde vn̄t ir wort. zende an ſineſ tiſcheſ ort. ſazen ſine ſpilman. vn̄t anderhalp ſin kappelan. al ſchæmende er an die froͮwen ſach. harte blvͦchliche er ſprach. Jchne han miſ niht geniͤtet. alſ ir mir froͮwe bietet. minſ libeſ mit ſoͤlhen eren. ob ich ivch ſolde leren. ſo wære hinte an ivch gegert. einſ phlegenſ deſ ich wære wert. ſone wæret ir niht her ab geritn. getar ich ivch deſ froͮwe bitn. xo lat mich in der maze lebn. ir habt mir ere zevil gegebn. ſine wolt oͮch deſ niht lazen. da ſiniv kinder ſazen. div bat ſi ezzen vaſte. ditze bot ſi zeren ir gaſte. gar diſiv ivncherrelin. waren holt der kvnegin. darnach div froͮwe nith vergaz. ſi gîe oͮch da der wirt ſaz. vn̄t deſ wip div pvrcaravin. den pecher hvͦp div kvnegin. ſi ſparach la dir bevolhen ſin. vnſeren gaſt div ere iſt din. dar vmbe ich ivch beide man. ſi nam vrloͮp do gie ſi dan. aber hin wider fvr ir gaſt. deſ herze trvͦch ir minnen laſt. daz ſelbe oͮch ir von im geſchach. deſ ir herze vn̄t ir oͮgen iach. die mvͦſenſ mit ir phlihte han. mit zvhten ſparach div froͮwe ſan. Gebietet herre ſweſ ir gert. daz ſchaf ich wand ir ſit eſ wert. vn̄t lat mich iwer vrloͮp han. wirt iv gvͦt gemach getan. deſ vroͤwen wir vnſ vber al. gvldin waren ir cherzſtal. vier lieht man vor ir drvfe trvͦch. ſi rait oͮch da ſi vant genvͦch. xine azen oͮch niht langer dô. der herre waſ trvrich vn̄t frô. er froͤvte ſih daz man im bot. groz êre in twanch doch andr not. daz waſ div ſtrenge minne. div neiget hohe ſinne. div wirtin fvͦr an ir gemach. harte ſchiere daz geſchach. man bette dem helde ſan. daz wart mit vlize getan. Der wirt ſprach zem gaſte. nv ſvlt ir ſlafen vaſte. vn̄t rwͦet hinte deſ wir iv not. der wirt den ſinen daz gebot. ſi ſolten dannen cheren. deſ gaſteſ ivncherren. der bette al vmbe daz ſine lach. ir hoͮbet dran wand er deſ plach. da ſtvͦnten cherzen harte groz. vn̄t brvnnen lieht den helt verdro*verdroz. daz ſo lanch waſ div naht. in brahte diche envngemacht. div ſwarze Moͤrinne. deſ landeſ kvneginne. er want ſich diche alſam wit. daz im chracheten div lit. ſtrit vn̄t minne waſ ſin ger. nv wnſchet daz manſ in gewer. ſin herze gap von ſtozen ſchal. wand ez nach riterſchefte ſwal. Daz begvnde dem rechken. ſine brvſt bede erſtrechen. ſo die ſenwen tvͦt daz Arembrvſt. da waſ zedræt ſin gelvſt. der herre an allez ſlafen lach. vnz errechoſ den grawen tach. der gap dennoch niht liehten ſchin. do ſolt oͮch da bereite ſin. zermeſſe ein ſin kappelan. der ſanch ſî got vn̄t im ſan. ſin harnaſch trvͦch man ſa zehant. er reit da man tivſtieren vant. do ſaz er an der ſtvnde. v̂f ein orſ daz beidiv chvnde. hvrtlichen dringen. vn̄t ſnellechlichen ſpringen. becherich ſwa manſ widr zoch. ſinen Ancher v̂f dem helme hoch. man gein der porte fvͤren ſach. alda wip vn̄t man veriach. ſine geſæhen nie helt ſo wnnechlich. ir gote im ſolten ſin gelich. man fvͦrt oͮch ſtarchiv ſper da bî. wie er gezimieret ſî. ſin orſ von iſer trvͦch ein dach. daz waſ fvr ſlege deſ gemach. dar v̂f ein andr dekke lach. ringe div niht ſwære wach. daz waſ ein grvͤner ſamit. ſin wapenroch ſin kvrſit waſ oͮch ein grvͤnez Achmardi. daz wart geworht da zarabi. Dar an ich livge niemen. ſine ſchilt riemen. ſwaz der dazvͦ gehorte. waſ ein vnverblichen borte. mit geſteine harte tivre. gelvtert in dem fivre. waſ ſin bvchel rot golt. ſin dieneſt nam der minne ſolt. ein ſcharpher ſtrit in ringe wach. div kvnegin in dem venſter lach. bi ir ſazen froͮwen mer. nv ſeht dort hielt oͮch Hvteger. al da im ê der priſ geſchach. do er diſen riter chomn ſach. zvͦ zim kalopieren hie. do daht er wenne oder wie. chom dirre franzois.inz lant. wer hat den ſtolzen her geſant. het ich den fvr einen môr. ſo wære min beſter ſin ein tor. Div doch von ſprvngen niht belibn. ir orſ mit ſporen ſi bede tribn. vzem walap in die rabbin. ſi taten riterſ ellen ſchin. der tioſt ein andr ſi niht lvgen. die ſprizen gein den lvftet flvgen. von deſ chvͤnen Hvtegers ſper. oͮch vælte in ſineſ ſtriteſ wer. hinderſ orſ v̂fz gras. vil vngewent er deſ was. xR rait v̂f in vn̄t trat in nider. deſ erholte ſih diche wider. er tet werlichen willen ſchin. doch ſtechete in dem arme ſin. div Gahmvretſ lanze. der ieſch fianze. ſinen meiſter het er fvnden. wer hat mich vberwnden. alſo ſparach der chvͤne man. der ſigehafte iach do ſan. ich bin Gahmvret Anſcivin. er ſparach min ſicherheit ſi din. Die enphienger vn̄t ſanden in. deſ mvͦſer vil gepriſet ſin. von den froͮwen die daz ſahen. dort her begvnde gahen. von Normandie Gaſcier. der ellenſ riche degen fier. der ſtarche tioſtivre. hie heilet och der gehivre. Gahmvret zer anderen tioſt bereit. ſime ſper waſ daz iſer breit. vn̄t der ſchaft veſte. al da werten die geſte. ein andr vngelichez wach. Gaſchir der nider lach. mit orſe mit alle. vol der tioſt valle. vn̄t wart betwngen ſicherheit. ez wære im liep odr leit. Gahmvret der wigant. ſparach. mir ſichert iwer hant. xiv waſ bi manlicher wer. nv ritet gein der Scoten her. vn̄t bittet ſî daz ſi vnſ verbern. mit ſtrite ob ſi deſ wellen gern. vn̄t chomt nach mir in die ſtat. ſwaz er gebot odr bat. endehaft ez wart getan. die Scoten mvͦſen ſtriten lan. Do chom gevaren Kaylet. von dem cherte Gahmvret. wand er waſ ſiner mvͦmen ſvn. waz ſolt er im do leideſ tvn. der Spanôl rief im nach genvͦch. einen ſtrvz er v̂f dem helme trvͦch. gezimieret waſ der man. alſ ich da von zeſagenne han. mit phelle wit vnd lanch. daz gevilde nach dem helde chlanch. ſine ſchellen gaben gedône. er blvͦme an manneſ ſchône. ſin varwe an ſchone hielt den ſtrit. vnz an zwene die nach im. wͦchſen ſit. Beachvrſ Loteſ kint. vn̄t Parzifal die da niht ſint. die waren dennoch vngeborn. vn̄t wrden ſit fvr ſchoͤne erchorn. Gaſchier in mit dem zoͮme nam. iwer wilde wirt vil zam. daz ſag ich iv v̂f die triwe min. beſtet ir den Aſcevin. xeR mine ſicherheit dort hat. ir ſvlt merchen minen rat. vn̄t dar zvͦ herre mine bete. ich han geheizen Gahmvrete. daz ich ivch alle wende. daz lobt ich ſiner hende. dvrch mich lat iwer ſtreben ſin. er tvͦt iv chraft an ſtrite ſchin. Do ſparach der kvnech Kaylet. iſt ez min neve Gahmvret. filvroy Gandin. mit dem laz ich min ſtriten ſin. lat mirn zoͮm ine lazſ niht. ê daz min oͮge alreſte er ſiht. iwer blozez hoͮbet. daz mine iſt mir betoͮbet. den helm er im her ab do bant. Gahmvret mer ſtriteſ vant. ez waſ wol mitter morgen do. die von der ſtat deſ waren vro. die diſe tioſt erſahen. ſi begvnden alle gahen. an ir werlichen letze. er waſ vor in ein netze. ſwaz drvnder chom daz waſ beſlagen. ein andr orſ ſvſ hoͤre ich ſagen. dar v̂f ſaz der werde. daz floͮch vn̄t rvͦrte die erde. gereht zebeden ſîten. chvͤne da man ſolde ſtrîten. xerhalden vn̄t dræte. waz er dar vfe tæte. deſ mvͦz ich im fvr ellen iehn. er reit da in Moren mohten ſehn. al da die lagen mit ir her. weſterhalp dor an dem mer. ein fvrſte Raſalik da hiez. deheinen tach daz nimmer liez. der richeſte von Azagoͮch. ſin geſlehte im deſ niht loͮch. von kvnegeſ frvhte waſ ſin art. der hvͦp ſich immer danne wart. dvrh tioſtieren gein der ſtat. al da tet ſiner chrefte maht. der helt von Anſcoͮwe. daz chlagete ein ſwarziv froͮwe. div in hete dar geſant. daz in da iemen vberwant. Ein knappe bot al ſvndr bete. ſime herren Gahmvrete. ein ſper dem waſ der ſchaft ein ror. da mite ſtach er den Mor. hinderz orz v̂fen griez. niht langer er in ligen liez. da twanch in ſicherheit ſin hant. do waſ daz vrlivge lant. vn̄t im ein grozer priſ geſchehen. Gahmvret begvnde ſehen. aht vanen ſweimen gein der ſtat. die er balde wenden bat. xen chvͤnen ſigoloſen man. dar nach gebot er im do ſan. daz er cherte nach im in. daz tet er wan ez ſolt et ſin. Gaſcîer ſin chvmn oͮch niht verbirt. an dem innen wart der wirt. daz ſin gaſt waſ chomn v̂z. daz er niht iſen alſ ein ſtrv̂z. vn̄t ſtarche vlinſe verſlant. daz machete daz er niht envant. ſin zorn begvnde limmen. vn̄t alſ ein lewe primmen. do bracher v̂z ſin eigen har. er ſparach nv ſint mir miniv iar. nach grozer tvmpheit bewant. die gote heten mir geſant. einen chvͤnen werden gaſt. iſt er verladen mit ſtriteſ laſt. ſone mag ich nimmer werden wert. waz toͮch mir ſchilt vn̄t ſwert. er ſol mih ſchelten ſwer michſ mane. do chert er vor den ſinen dane. gein der porte er vaſte rvͦrte. ein knappe im widr fvͦrte. einen ſchilt vzen vnd innen dran. gemalt alſ ein dvrchſtochen man. geworht in Jſenharteſ lant. ein helm er fvͦrte oͮch in der hant. vn̄t ein ſwert daz Razalik. dvrh ellen braht in den wich. Da waſ er von geſcheiden. der chvͤne ſwarze heiden. deſ lop waſ virrech vn̄t wit. ſtarb er ante toͮfen ſit. ſo erchenne ſih vber den degen balt. der aller wnder hat gewalt. Do der Bvrcarave daz geſach. ſo rehte liebe im nîe geſchach. div wappen er rechande. hin v̂z der porte er rande. ſinen gaſt ſach er dort halden. den ivngen niht den alden. al gernde ſtritechlicher tioſt. do nam in Lachfiliroſt. ſin wirt der zoch in waſte widr. ern ſtach da mer decheinen nidr. Lachfiliroſt ſchachtelakvnt. ſparach. herre ir ſvlt mir machen chvnt. hat betwngen iwer hant. Razalîgen vnſer lant. iſt champheſ ſicher immer mer. der iſt ob al den moren her. deſ getriwen Jſenhartes man. die vnſ den ſchaden hant getan. ſich hat v̉erendet vnſer nôt. ein zornich got in daz gebôt. daz ſi vnſ hie ſvͦhten mit ir her. nv iſt enſchvmphieret ir wer. ER fvͦrten in daz waſ im lêit. div kvneginne im widr rêit. ſinen zoͮm nam ſi mit ir hant. ſi entſtrichte der Fintalen bant. der wirt in mvͦſe lazen. ſine knappen niht vergazen. ſine cherten vaſte ir herren nach. dvrch die ſtat man fvͤren ſach. ir gaſt die kvneginne. wis. der da behalden het den pris. ſi erbêiſte al da ſihſ dvhte zît. we wie getriwe ir chnappen ſît. ir wænet verlîeſen diſen man. dem wirt an ivch gemach getan. nemt ſin orſ vn̄t fvͤret daz hin. ſin geſelle ich hie bin. vil froͮwen er dort v̂fe vant. entwapent mit ſwarzer hant. wart er von der kvnegin. ein dechlachen zobelin. vn̄t ein bette wol gehêret. gar an im wart gemêret. ein heinlichiv ere. al da waſ niemen mere. die ivnchfroͮwen giengen fvr. vn̄t ſlvzzen nach in zvͦ die tvr. do phlach div kvneginne. einer werdn ſvͤzer minne. vn̄t Gahmvret ir herzen trvt. vngelich waſ doch ir zweier hvt. ſi brahten opferſ vil ir goten. die von der ſtat. waz wart geboten. Dem chvͤnem Razalîge. do er ſchiet von dem wige. daz leiſter dvrh triwe. doch wart ſin iamer niwe. nach ſime herren Jſenhart. der Bvrcarave deſ innen wart. daz er chom do wart ein ſchal. dar chomn die fvrſten vber al. vz der kvneginne lande von Zazamanch. die ſageten im deſ priſeſ danch. den er het alda bezalt. zerehter tioſt het er gevalt. vier vn̄t zweinzech riter nidr. vn̄t zoch ir orſ al meiſtich widr. Da waren gevangen fvrſten dri. den reit manech riter bi. ze hove v̂f den Palas. entſlafen vn̄t enbizzen was. vn̄t wnnechliche gefêit. mit chleidern wol berêit. waſ deſ hohſten wirteſ lîp. div ê hiez magt div waſ nv wîp. div in her v̂z fvͦrte an ir hant. ſi ſparach. min lîp vn̄t oͮch min lant. iſt diſem riter vndrtan. obez im viende wellent lan. Da wart gevolget gahmvrete. einer hoffelichen bete. get naher min her Razalik. ir ſvlt chvſſen min wip. xlſo tvͦt oͮch ir her Gaſchîer. Hvtegern den Scotten fîer. bat er ſi chvſſen an ir mvnt. der waſ von ſiner tioſt wnt. er bat ſi alle ſizzen. al ſtende ſparach er mit wizzen. ich ſæhe oͮch gerne den neven min. moht ez mit ſinen hvlden ſin. der in hie gevangen hat. ine hanſ von ſippe decheinen rat. ine mvͦz in ledech machen. div kvnegin begvnde lachen. Si hiez balde nach im ſpringen. dort her begvnde dringen. der minnechliche Beachvnt. der waſ von riterſchefte wnt. vn̄t hetez oͮch da vil gvͦt getan. Gaſcier der Oriman. in dar brahte er waſ kvrtôys. ſin vater waſ ein Franzôys. er waſ kayletes ſweſter barn. in wibeſ dienſte er waſ gevarn. er hiez killiriacach. aller manne ſcone er wider wach. Do in Gahmvret geſach. ir antlvzze ſippe iach. div waren ein andr vil gelich. er bat die kvneginne rich. in chvſſen vn̄t vahen zir. er ſparach nv ging oͮch her zemir. der wirt in chvſte ſelbe dô. ſi waren zeſehen ein andr vrô. xahmvret ſparach abr ſan. owe ivnch ſvͤzer man. waz ſolte her din chrancher lip. ſag an gebot dir daz ein wip. die gebietent wenich herre mir. mich hat min veter Gaſcier. her braht er weiz wol ſelbe wîe. ich han im tvſent riter hîe. vn̄t ſten im dieneſtliche bî. ze Roͤmſ in Normandî. chom ich zer ſamnvnge. ich braht im helde ivnge. Jch fv̂r von Scampane dvrh in. nv wil chvnſt vn̄t ſin. der ſchade an in cheren. iren welt ivch ſelben eren. gebîetet ir ſo lat in min. geniezen ſemften ſinen pin. Den rat nim dv vil gar zvͦ dir. var dv vn̄t nim her Gaſcier. vn̄t bringet mir kayleten her. do wrden ſi deſ heldeſ ger. ſi brahten in dvrch ſine bete. do wart oͮch er von Gahmvrete. minnecliche enphangen. vn̄t diche vmbevangen. von der kvneginne rich. ſi chvſte den degen minnechlich. er waſ ir manneſ mvͦmen ſv̂n. ſi moht ez wol mit eren tv̂n. xnde waſ von arde ein kvnich her. der wirt ſparach lachende mer. Gotweiz her kaylet. ob ich iv neme Dolet. vn̄t iwer lant ze Spane. dvrch den kvnech Gaſcane. der iv diche tvͦt mit zornſ gir. daz wære ein vntriwe an mir. wan ir ſit miner mvͦmen chint. die beſten gar mit iv hie ſint. der riterſchefte herte. wer twang ivch dirre verte. ſo ſparach der ſtolze degen ivnch. mir gebot min veter Sciltvnch. deſ tohter Vridebrant da hat. daz ich im diende ez wære ſin rat. der hat von ſime wîbe. hie von min êineſ lîbe. ſehs tvſent riter wol bechant. die tragent werliche hant. ich braht oͮch riter mer dvrh in. der iſt ein teil geſcheiden hin. hie waren dvrch die Scotten. die werliche Rotten. im chom von Grvͦnlanden. helde zenhanden. zwene kvnege mit grozer chraft. die vlvͦt von der riterſchaft. ſi brahten. vn̄t manegen chîel. ir Rotte mir vil wol gevîel. xie waſ oͮch Morholt dvrch in. deſ ſtrit hat chraft vn̄t ſin. die ſint nv hin gecheret. ſwie mich min froͮwe leret. alſo tvͦn ich mit den minen. min dieneſt ſol ir erſchinen. dvne darft mir dieneſt danchen niht. wand ez div ſippe ſvſſ vergiht. die vrævelen helde ſint nv din. wæren ſi getoͮft ſo die min. vn̄t an der hivte nach in getan. ſo wart gechronet nie dechein man. ern hete ſtriteſ von in genvͦch. mich wndert waz dich her vertrvͦch. daz ſag mir rehte vn̄t wie. Jch chom geſtern hivte bin ich hie. worden herre vberz lant. mich viench div kvnegin mit ir hant. do wert ich mich mit minne. ſvs rieten mir die ſinne. ich wæne dir hat div ſvͤziv wer. betwngen beidenthalp div her. Dv meineſt dvrch daz ich dir entran. vaſte riefe dv mich an. waz woldeſt dv an mir ertwingen. la mich ſus mit dir dingen. dane erchant ich niht deſ Anchers din. miner mvͦmen man Gandin. hat in gefvͤret ſelten v̂z. do rechante abr ich wol dinen Strv̂z. ame ſchilde ein Sarapandrateſt. din ſtrvͦz ſtvͦnt hoch ſvndr neſt. Ich ſach an diner gelegenheit. dir waſ div ſicherheit vil leit. die mir taten zwene man. die hetenſ da vil gvͦt getan. mir wære oͮch lihte alſam geſcehen. ich mvͦz deſ eime tîvuel iehen. deſ fvͦr ich nimmer wirde vro. het er den pris behalten ſo. an vrævelen helden ſo din lîp. fvr zvcher gæzen in div wip. Din mvnt mir lobs zevil vergiht. nein ine chan geſmeichen niht. nim anderr miner helfe war. ſi riefen Razalige dar. mit zvhten ſprach do kaylet. ivch hat min neve Gahmvret. mit ſiner hant gevangen. herre daz iſt ergangen. Jch han den da fvr rechant. daz im Azagoͮch daz lant. mit dienſte nimmer wirt verſpart. ſit vnſer herre Jſenhart. alda niht chrone ſolde tragen. er wart in ir dienſte erſlagen. div nv iſt iwerſ neven wip. vmb ir minne er gap den lip. daz hat min chvſſ an ſî verchorn. ich han herren vn̄t den mag verlorn. Wil nv iwer mvͦmen ſvͦn. riterliche fvͦre tvͦn. daz er vnſ wil ergezzen ſîn. ſo valt ich im die hende min. ſo hat er richeit vn̄t pris. vn̄t al da mite Tanchanis. Jſenharten gerbet hat. der gebalſemt ime her dort ſtat. alle tage ich ſine wnden ſach. ſit im diz ſper ſin herze brach. daz zoch er vzem bvͦſem ſin. an einer ſnvͤre ſidin. hin wider hiengez der degen ſnel. fvr ſine brvſt an blozez fel. xzEz iſt noch vil hoher tach. wil min her kylliriacach. inz her werben alſ ich in bite. ſo ritent im die fvrſten mite. ein vingerlin er ſande dar. die nach der helle waren gevar. die chomen ſwaz da fvrſten waſ. dvrch die ſtat v̂f dem palaſ. do lech mit vanen hin ſin hant. von Azagoͮch der fvrſten lant. iſlicher waſ ſineſ orteſ geil. doch beleip der bezzer teil. Gahmvrete ir herren. die ſelben waren die erren. Do hete Protyzilas. der von arde ein fvrſte was. lazen ein herzentvͦm. daz leh er dem der manegen rvͦm. mit ſiner hant beiagete. gein ſtrite er nîe verzagete. Lahfiliroſt ſchachtelacvnt. nam ez mit vanen ſa zeſtvnt. Von Azagoͮch die fvrſten her. namen den ſcotten Hivteger. vn̄t Gaſchieren den Orman. ſi giengen fvr ir herren ſan. der liez ſi ledich vmb ir bete. deſ dancheten ſi do Gahmvrete. Hvteger der Scotten. ſi baten ſvnder ſpotten. lat mime herren daz gezelt. hie vmbe Aventivre gelt. ez zvchet vnſ Jſenhartes lebn. daz Fridebrande wart gegebn. div zierde vnſerſ landes. ſin frevde div ſtvͦnt phandes. er ſtat hie ſelbe oͮch ame rê. vnvergolten dieneſt im tet ze we. v̂f erde niht ſo gvͦteſ was. der helm von arde ein Adamas. diche vnde herte. ame ſtrite ein gvͦt geverte. do lobte Hv̂tegers hant. ſwenne er choeme in ſineſ herren lant. daz erz wolde erwerben gar. vn̄t ſenden wider wol gevar. daz tet er vmbetwngen. nach vrloͮbe drvngen. zem kvnege ſwaz da fvrſten was. do rvmten ſi den palas. ſwie verwͤſtet wære ſint lant. doch chvnde Gahmvretes hant. ſwenchen ſoͤlher gabe ſolt. alſ al die boͮme trvͦgent ~~got~~golt. xR teilte groze gâbe. ſine man ſine mage. namen von im deſ heldeſ gvͦt. daz waſ der kvneginne mvͦt. der brvͦtloͮfte hohgezit. hete da vor manegen grozen ſtrit. die wrden ſvſſ zeſvͦne braht. ine han mirs ſelbe niht erdaht. Man ſagete mir daz Jſenhart. kvnecliche beſtatt wart. daz taten die in erchanden. den zinſ von ſinen landen. ſwaz der gelten mohte ein iar. den ſelben liezen ſi da gar. daz taten ſi vmb ir ſelber mvͦt. Gahmvret daz groze gvͦt. ſin volch hiez behalden. die mvͦſenſ ſvndr walden. ſmorgens vor der veſte. rvmendenſ gar die geſte. ſich ſchieden die da waren. vn̄t fvͦrten manege baren. daz velt herberge ſtvͦnt al bloz. wan ein gezelt daz waſ vil groz. daz hiez de kvnech zeſchiffe tragn. do begvndr dem volche ſagn. er woldez fvͤren in Azagovch. mit der rede er ſi betrovch. da waſ der ſtolze chvͤne man. vnz er ſich vaſte ſenen began. daz er niht riterſchefte vant. deſ waſ ſin frevde ſorgen phant. xoch waſ im daz ſwarze wip. noch lieber denne ſin ſelbes lip. ez enwart nie wip geſchichet baz. der froͮwen herze nie vergaz. im enfvͦre ein werdiv volge mite. an rehter chvͦſche wiplich ſite. Von Sybilie vͦzer ſtat. waſ geborn den er do bat. dannen cherenſ zeiner wile. der hete in manege mile. da vor gefvͤret er braht in dar. er waſ niht alſ ein mor gevar. Der marnære wîſe. ſparach ir ſvlt heln lîſe. vor den. die tragent daz ſwarze vel. mine kochen ſint ſo ſnel. ſine mvgen vnſ niht genahen. wir ſvlen von hinnen gahen. Sin golt hiez er zeſchiffe tragn. nv mvͦz ich iv von ſcheiden ſagn. die naht fvͦr dan der werde man. daz wart verholne getan. do er entran dem wibe. do hete ſi in ir lîbe. zwelf wochen lebendich ein kint. vaſte ment in dan der wint. Div froͮwe in ir bivtel vant. einen brief den ſchreib ir manneſ hant. enfranzoys daz ſi chvnde. div ſchrift ir ſagen begvnde. xie enbivtet liep ein andr liep. ich bin dirre verte ein diep. die mvͦſe ich dir dvrch iamer ſteln. froͮwe ine mach dich niht verheln. wære din ordn in miner ê. ſo wære mir immer nach dir we. vn̄t han doch immer nach dir pin. werde vnſer zweier kindelin. an dem antlvzze einem man gelich. deiſwar der wirt ellenſ rich. er iſt erborn von Anſchoͮwe. div minne wirt ſin froͮwe. ſo wirt aber er an ſtrite ein ſchvr. den vienden herter nachgebvr. Wizzen ſol der ſvn min. ſin An der hiez Gandin. der lach an riterſchefte tot. deſ watr leit die ſelben not. der waſ geheizen Addanz. ſin ſchilt beleip vil ſelten ganz. der waſ von arde ein bertv̂n. er vnde Vtepandragv̂n. wæren zwaier gebrvͦdr kint. die bede alhie geſchriben ſint. daz was einer Lazalîez. Brickvs der andr hîez. der zweier vatr hîez Mazadan. den fvͦrt ein Feie in Morgan. div hiez Terre de laſcôye. er waſ ir herzen bôye. von in zwein chom geſlehte min. daz immer mer git liͤhten ſchin. ieſlicher ſider chrone trvͦch. vn̄t heten werdecheit genvͦch. froͮwe wil dv toͮfen dich. dv maht oͮch noch erwerben mich. xeſ engerte ſi chein waldel niht. oͮwe wie balde daz geſchiht. wil er wider wenden. ſchiere ſol ichz enden. wem hat ſin manlichiv zvht. hie lazen ſiner minne frvht. owe lieplich geſelleſchaft. ſol mir nv riwe mit ir chraft. immer twingen minen lip. ſime gote ze eren ſparach daz wip. ich mich gerne toͮfen ſolte. vn̄t leben ſwî er wolte. Der iamer gap ir herzen wich. ir frevde vant den dvrren zwich. alſ noch div Tvrteltvbe tvͦt. div het ie den ſelben mvͦt. ſwenne ir an trv̂tſcheft gebraſt. ir triwe choſ den dvrren aſt. Div froͮwe an rehter zit genas. eineſ ſvnſ der zweier varwe was. an dem got anderſ wart enein. wiz vn̄t ſwarzer varwe er ſchein. div kvnegin chvſt inſvndr twal. vil diche an ſiniv blanchen mal. div mvͦter hiez ir kindelin. Feirefiz Anſcevin. der wart ein walt ſwende. die tioſte ſiner hende. manech ſper zebrachen. die ſchilde dvrchel ſtachen. xlſ ein Agelſter wart gevar. ſin har vn̄t oͮch ſin vel vil gar. do waſ ez oͮch vber deſ iareſ zil. daz Gahmvret gepriſet vil. waſ worden. da ze Zazamanch. ſin hant die gvnſt erranch. dennoch ſwebt er v̂f dem ſê. die ſnellen winde im taten wê. einen ſidinen ſegel ſah er roten. den trvͦch ein koche vn̄t oͮch die botn. die von Scotten Vridebrant. vroͮn Belakanen hete geſant. er bat ſi daz ſi v̂f in verchvr. ſwer den mag dvrch ſi verlvr. daz ſi von im geſvͦchet was. do fvͦrten ſi den Adamas. vn̄t ein ſwert einen halſꝑperch vn̄t zwo hoſen. hie mvgt ir groz wnder loſen. daz im der koche wider fvͦr. alſ im div Aventivre ſwͦr. ſi gabenz im do lobt oͮch er. ſin mvnt der botſchefte ein wer. wrde ſwenner choͤme zir. ſi ſchieden ſich man ſagete mir. daz mer in trvͦch in eine habe. ze Sibilie chert er drabe. mit golde galt der chvͤne man. ſinem marnære ſan. harte wol ſin arbeit. ſi ſchieden ſich daz waſ dem leit. Da zeſpane ime lande. er den kvnech erchande. daz waſ ſin neve kaylet. nach dem chert er ze Dolet. der waſ nah rît̉erſchefte gevarn. da man niht ſcilde dorfte ſparn. Do hiez oͮch bereiten ſich. ſvs wert div aventivre mich. mit ſpern wol gemalen. mit grvͤnen zindalen. iſlichez hete ein banîer. dri hærmin æncher dran ſo fîer. daz man ir iach fvr richêit. ſi waren lang vn̄t breit. vn̄t reichten vaſte vnz v̂f die hant. do manſ zvͦme ſper iſer bant. da niderhalpt eine ſpanne. der wart dem chvͤnen manne. hvndert da bereitet. vn̄t wol hin nach geleitet. von ſineſ neven lv̂ten. eren vn̄t trv̂ten. chvnden ſi im mit werdecheit. daz waſ ir herren niht zeleit. er ſtreich ine weiz wie lange nach. vnz er geſte herberge erſach. ime lande ze waleis. da waſ geſlagen fvr kanvoleis. manech Povlvn v̂f die plane. ine ſagez iv niht nach wane. xebiet er ſo iſt ez war. ſin volch hiez er v̂f halden gar. der herre ſande vor hin in. den chlvͦgen meiſter knappen ſin. der wolde alſ in ſin herre bat. herberge niͤmen in der ſtat. do waſ im ſnellichen gach. man zoch im ſoͮmære nach. ſin oͮge nindr hvſ da ſach. ſchilde waren ſin andr dach. vn̄t die wende gar behangen. mit ſpern al vmbe vangen. Div kvnegin von Valeis. geſprochen hete ze Kanvoleis. einen tvrney alſo gezilt. deſ manegen zagen noch bevilt. ſwa er dem geliche werbn ſiht. von ſiner hant eſ niht geſchiht. ſi waſ ein magt vn̄t niht ein wip. vn̄t bot zwei lant vn̄t ir lip. ſwer da den priſ bezalte. diz mære manegen valte. hinderz orſ v̂f den ſamen. die ſolch gevelle namen. ir ſchanze wart gein flvſt geſagt. deſ phlagen helde vnverzagt. ſi taten riterſ ellen ſchin. mit hvrtechlicher rabbin. wart da manech orſ erſprenget. vn̄t ſwerte vil erchlenget. xin ſchifbrvcke v̂f einem plan. gieng vber einen wazzerſ tran. mit einem tor beſlozzen. ein knappe vnverdrozzen. tetez v̂f alſ im zemvͦte was. dar ob ſtvͦnt der Palas. oͮch ſaz div kvneginne. zen venſtern dar inne. mit maneger werden froͮwen. die begvnden da ſchoͮwen. waz diſe knappen taten. die heten ſich beraten. vn̄t ſlvͦgen v̂f ein gezelt. vmb vnvergolten minnen gelt. wart eſ ein kvnech ane. deſ twang in Belachane. mit arbeit wart v̂f geſlagn. daz drizech ſoͮmære mvͦſen tragn. ein gezelt daz zeigete richeit. vͦch waſ der plan wol ſo breit. daz ſich die ſnvͤre ſtrachten dran. Gahmvret der werde man. die ſelben zit dort vze enbeiz. dar nach er ſich mit vlize vleiz. wie er hoͤfſliche choͤme geritn. deſ enwart niht langer do gebitn. ſine chappen an den ſtvnden. ſiniv ſper zeſamne bvnden. ieſlicher fvnviv an ein bant. daz ſehſte fvͦrter an der hant. Mit einer baniere. ſus chom gevarn der fiere. von der kvnegin wart vernomn. daz ein gaſt da ſolte chomn. vz verrem lande. den niemen da rechande. ſin volch daz iſt kvrtoys. beidiv heidenſch vn̄t franzoys. etſlicher mag ein Aſcevin. mit ſiner ſprache idoch wol ſin. Jr mvͦt iſt ſtolz ir wat iſt clar. wol geſniten al fvr war. ich waſ ſinen knappen bî. die ſint vor miſſewende frî. ſi iehent ſwer habe gervͦche. ob der ir herren ſvͦche. den ſcheid er von ſwære. von im vraget ich der mære. nv ſageten ſi mirſ ſvndr wanch. ez wære der kvnech von Zazamanch. diſiv mære ſagete ir ein garzv̂n. avoy welch ein poͮlvn. iwer chrone vn̄t iwer lant. wæren d̉erfvr niht halbez phant. dvne darft mirz ſo lobn niht. min mvnt hin widr dir deſ giht. ez mach wol ſin einſ werden man. der niht mit armvͦte chan. alſus ſparach div kvnegin. we wanne chvmt er et ſelbe drin. Den garzvn ſi deſ vragen bat. hofſlichen dvrch die ſtat. der helt begvnde trechen. die ſlafenden wechen. vil ſchilde ſach er ſchinen. die hellen pvſinen. mit chrache vor im gaben doz. von wrfen vn̄t mit ſlegen groz. zwene tambvre gaben ſchal. der galm vbr al die ſtat erhal. der don idoch gemiſchet wart. mit floytiͤren an der vart. eine reiſenote ſi blieſen. nv ſvlen wir niht verlieſen. wie ir herre chomn ſî. dem riten videlære bî. Do leite der degen wert. ein bein fvr ſich vfez phert. zwene ſtivale vber bloziv bein. ſi mvnt alſ ein Rvbin ſchein. von der roͤte alſ ob er brvnne. der waſ diche vn̄t niht zedvnne. ſin lip waſ allenthalben clar. lieht reideloht waſ im ſin har. ſwa man daz vor dem hvͦte ſach. der waſ ein tiwer hoͮbet dach. grvͤne ſamit waſ der mandel ſin. ein zobel da vor gap ſwarzen ſchin. ob einem hemde daz waſ blanch. von ſchoͮwen wart da groz gedranch. Vil diche al da gevraget wart. wer wære der rittr ane bart. der fvͦrte alſoͤlhe richêit. vil ſchiere wart daz mære brêit. ſi ſagetenz in fvr vnbetrogn. do begvnden ſi an die brvke zogn. andr volch vn̄t oͮch die ſine. von dem liehten ſchine. der von der kvnegin erſchein. zvcht im nebn ſich ſin bein. v̂f regte ſich der degen wert. alſ ein vederſpil daz gert. div herberge dvht in gvͦt. alſo ſtvͦnt deſ heldeſ mvͦt. Si dolt oͮch wol div wirtin. von Waleis div kvnegin. Do vrieſch der kvnech von Spâne. daz v̂f der leoplâne. ſtvͦnde ein gezelt daz Gahmvrete. dvrch deſ chvͤnen Razalîgeſ bete. beleip vor Patêlamvnt. daz tet im ein ritr chvnt. do fvͦr er ſpringende alſ ein tîer. er waſ der freͮden ſoldîer. der ſelbe rîter aber ſprach. iwer mvͦmen ſvn ich ſach. chvmende alſ er ê waſ fîer. ez ſint hvndert banyer. zvͦ eime ſchilde v̂f grvͤne velt. geſtozen fvr ſin hoh gezelt. die ſint oͮch alle grvͤne. oͮch hat der helt chvͤne. DRi hærmin ancher lieht gemal. v̂f ieſlichen zindal. iſt er gezimieret hîe. avoy ſo ſol man ſchoͮwen wie. ſin lip den poindr irret. wie erz mit hvrte wirret. Der ſtolze kvnech hardîz. hat mit zorne ſinen vlîz. nv lange vaſte an mich gewant. den ſol die Gahmvretes hant. mit ſiner tioſte neigen. min ſælde iſt niht der veigen. ſine boten ſant er ſan. da Gaſcier der Oriman. mit grozer mæſſenie lach. vn̄t der liehte killiriakach. die waren da dvrch ſine bete. zem poͮlvn ſi mit kailete. fvͦren mit geſelleſchaft. do enphiengen ſi dvrh liebe. chraft. den werden kvnech von Zazamanch. ſie dv̂hte ein beiten gar zelanch. daz ſi in niht ê geſahen. deſ ſi mit triwen iahen. Do vragetr ſi der mære. wer da rittr wære. do ſparach ſiner mvͦmen kint. v̂z verrem lande hie ſint. ritter die div minne iagt. vil chvͤner helde nv vnverzagt. xie hat mangen bertvͦn. der kvnech Vtrepandragvͦn. ein mære in ſtichet alſ ein dorn. daz er ſin wip hat verlorn. div Artvs mvͦtr was. ein phaffe der wol zvͦber las. mit dem div froͮwe iſt hin gewant. dem iſt Artꝰus nach gerant. ez iſt nv ime dritten iar. daz er ſvn vn̄t wip verloſ fvrwar. hie iſt oͮch ſiner tohter man. der wol mit riterſchefte chan. Loht von Norwege. gein valſcheit der trege. vn̄t der ſnelle gein dem priſe. der chvͤne degen wiſe. hie iſt oͮch Gawan deſ ſv̂n. ſo chranch daz er niht mach getv̂n. riterſchaft encheine. er waſ bi mir der cleine. er ſprichet moͤhter einen ſchaft. gebrechen troſte in deſ ſin chraft. er tæte gerne riterſ tât. wie frvͦ ſin ger begvnnen hat. Hie hat der kvnech von Patrigalt. von ſpern einen ganzen walt. deſ fvͦre iſt da engein gar ein wint. wan die von Portegal hie ſint. die heizen wir die vrechen. ſi wellent dvrch ſchilde ſtechen. Hie hant die Provenzale. ſcilde wol gemale. hie ſint die Waleiſe. daz ſi behabent ir reiſe. dvrch den poindr ſwa ſiſ gernt. von der chraft ir landeſ ſie deſ wernt. hie iſt manech ritter dvrch div wip. deſ niht erchennen mach min lip. al die ich hie benennet han. wir ligen mit warheit ſvndr wan. mit grozer fvͦre in der ſtat. alſ vnſ div kvneginne bat. Jch ſage dir wer zevelde ligt. die vnſer wer vil ringe wigt. der werde kvnech von Aſcalvn. vn̄t der ſtolze kvnech von Arragvn. Sidgaſt von Logroys. vn̄t der kvnech von Pvntvrtoys. der heizet Brandelidelin. da iſt oͮch der chvͤne Lehelin. da iſt Morholt von yrlant. der brichet ab vnſ beidiv phant. Da ligent v̂f dem plâne. die ſtolzen Alemâne. der herzoge von Brabant. iſt geſtrichen in ditze lant. dvrch den kvnech Hardŷſen. ſine ſweſter Alîzen. gap in der kvnech von Gaſcon. ſin dieneſt hat vor enphangen lon. Die ſint mit zorne hie gein mir. nv ſol ich wol getrwen dir. gedenche an die ſippe din. dvrch rete liebe warte min. Do ſparach der kvnech von Zazamanch. dvne darft mir wizzen cheinen danch. ſwaz dir min dieneſt hie ze eren tvͦt. wir ſvlen habn einen mvͦt. ſtet din Strv̂z noch ſvndr neſt. dv ſolt din Sarapandrateſt. gein ſinem halbn grifen tragn. min ancher vaſte wirt geſlagn. dvrch lenden inſineſ poinders hvrt. er mvͦſe ſelbe ſvͦchen fvrt. hinderm orſſe v̂fme griez. der vnſ zein andr liez. ich valte in odr er valte mich. deſ wer ih an den triwen dich. Kaylet zeherbergen rêit. mit grozen frevden ſvndr lêit. Sich hvͦb ein chryeren. vor zwein helden fieren. von Poytoͮwe Scyolarz. vn̄t Gvrnemanz der Graharz. die tivſtierten v̂f dem plan. ſich hvͦp div veſperie ſan. hie riten ſehſe dort wol dri. den fvͦr vil liehte ein tropel bî. ſi begvndn rehte riterſ tat. deſ enwaſ et dechein rat. Ez waſ dennoch wol mitter tach. der herre vndr ſime gezelte lach. da vrieſch der kvnech von Zazamanch. daz die poyndr wit vn̄t lanch. waren zevelde wordn. al nach riterſ ordn. xR hvͦb oͮch ſich deſ endeſ dar. mit maneger baniere lieht gevar. ern cherte ſich niht an gahez ſcehen. mvͤzecliche er wolde erſehen. wie ez zebedr ſit da wære getan. Sinen tepich leit man v̂f die plan. Da ſih die pondr wrren. vnt div orſ von ſtichen chvrren. von knappen waſ vmbe in ein rinch. da bi von ſwerten clinga chlinch. wie ſi nach priſe rvngen. der chlingen alſvſ chlvngen. von ſpern waſ groz chrachen da. ern dorfte niemen vragen wa. poyndr waren ſine wende. die worhten riterſ hende. div riterſchaft ſo nahe was. daz die froͮwen ab dem palas. wol ſahen der helde arbeit. doch waſ der kvneginne leit. daz ſich der kvnech von Zazamanch. da mit den andern niht endranch. ſi ~~sparachen~~sparach we war iſt er chomn. von dem ich wndr han vernomn. Ez wart da harte gvͦt getan. von manegem chvͤnem arem man. die doch der hohe gerten niht. deſ der kvneginne zil vergiht. ir libeſ vn̄t ir lande. ſi gerten anderre phande. Nv waſ oͮch Gahmvretes lip. in harnaſce da ſin wip. wart einer ſvͦne bi gemant. daz ir von Scotten Vridebrant. ze gebe ſande fvr ir ſchaden. mit ſtrite heter ſi verladen. v̂f erde niht ſo gvͦteſ was. do ſcowet er den Adamas. daz waſ ein helm dar v̂f man bant. einen Ancher da man inne vant. verwîeret edel geſteine. groz niht zecleine. daz waſ iedoch ein ſwærer laſt. gezimieret wart der gaſt. wie ſin ſcilt gebert ſî. mit golde von Arabî. ein tiweriv bvkel drvf geſlagn. ſwære die er mvͦſe tragn. div gap von roͤte al ſolhez prehen. daz man ſih drinne mohte erſehen. ein zoͤbelin ancher drvnde. mir ſelbn ich wol gvnde. deſ er hete an den lip gegert. wand ez waſ maneger marche wert. Nv waſ oͮch der kvnech vōn Vrānchrihe tot. deſ wip in diche in groze not. brahte mit ir minne. div werde kvneginne. hete al dar nach im geſant. ob er noch widr inz lant. wære chomn von der heidenſchaft. deſ twanch ſi grozer liebe craft. xin wapenroch waſ harte wit. ich wæne cheinen ſo gvͦten ſit. iemen zeſtrite fvͦrte. deſ lenge den teppech rvͦrte. ob ih in geprvͤuen chvnne. er ſchein alſ ob hie brvnne. bi der naht ein qvechez fiwer. verblichen varwe waſ im tiwer. ſin glaſt die bliche niht vermeit. ein boͤſez oͮge ſich dran verſneit. mit golde er gebildet was. da zer Mvntane an koͮkaſas. ab einem velſe zarten. Grifen chla diez da bewarten. vn̄t ez noch hivte al da bewarent. von Arabî livte varent. die erwerbent ez mit liſten da. ſo tiwerz iſt nindr andrſwa. vn̄t bringent ez widr zArabî. da man die grvͤnen Achmardî. wrchet vn̄t die phellel rich. andrr wæte iſt er vil vngelich. den ſchilt nam er zehalſe ſan. hie ſtvnt ein orſ vil wolgetan. gewapent vaſte vnz v̂f den hvͦf. hie garzvne rvͦfa rvͦf. ſin lip ~~ſparach~~ſparanch drvf wand erz da vant. vil ſtacher ſper deſ heldſ hant. mit hvrte verſwande. die poyndr er zetrande. immer dvrch andertalben v̂z. dem Ancher volgete nach der Strv̂z. Gahmvret ſtach hinderz orſ. Poytwin de ~~prienlacorſ~~prienlascorſ. vn̄t anderſ manegen werden man. an den ir ſicherheit gewan. ſwaz da gechrivzter rittr rêit. die genvzzen deſ heldeſ arbêit. div gewnnen orſ div gab er in. an im lag ir groz gewin. Glîcher baniere. man gein im fvͦrte viere. chvͤne rotten ritten drvnde. ir herre ſtriten chvnde. an iͤſlicher eineſ grifen zagel. daz hindr teil waſ oͮch ein hagel. an riterſchaft deſ waren die. daz vordr teil deſ grifen hie. der kvnech von Gaſcone trvͦch. v̂f ſime ſchilde ein ritr chlvͦch. gezimieret waſ ſin lip. ſo wol geprvͤuen chvnnen wip. er nam ſich vor den andern v̂z. do er v̂fem helme erſach den ſtrv̂z. der Ancher chom doch vor an in. do ſtach in hinderz orſ dort hin. der werde kvnec von Zazamanch. vn̄t viengen. da was groz gedranch. hohe fvrhe ſleht getennet. mit ſwerten vil gechemmet. Da wart verſwendet der walt. vn̄t manech rittr ab gevalt. ſi wnden ſich ſvſſ hoͤre ich ſagn. hin den ort da hielden zagn. der ſtrit waſ wol ſo nahen. daz gar die froͮwen ſahen. wer da bi priſe ſolde ſin. der minnen gernde Riwalin. von deſ ſper ſnîte ein niwe leis. daz waſ der kvnec von Lohneis. ſine hvrte gaben chracheſ ſchal. Morholt in einen riter ſtal. v̂zem ſatel er in fvr ſich hvͦp. daz waſ ein vngefvͤger vͦp. der hiez killiriacach. von dem hete der kvnech Lach. da vor enphangen ſolhen ſolt. den er vallende an der erdn holt. er het ez da vil gvͦt getan. do lvſte diſen ſtarchen man. daz er in twnge ſvndr ſwert. al ſvſſ vienger den degen wert. hindrſ orſ ſtach kayletes hant. den herzogn von Brabant. der fvrſte hiez Lambekin. waz tæten die ſin. die beſchvtten in mit ſwerten. die helde ſtriteſ gerten. Do ſtach der kvnec von Arragvͦn. den alten Vͦtepandragvͦn. hindrſ orſ v̂f die plane. den kvnec von Bertane. ez ſtvͦnt da blvͦmen vil vmb in. we wie gefvͤge ich doch pin. daz ich den werden Berteneis. ſo ſchone lege fvr kanvoleis. da nie getrat vilaneſ fvͦz. ob ichz iv rehte ſagen mvͦz. noch lihte nimmer da geſchiht. ern dorfte ſin beſezzen niht. v̂f dem orſe alda er ſaz. niht langer man ſin do vergaz. in beſchvtten die ob im da ſtritten. da wart groz hvrt niht vermitten. Do chom der kvnec von Pvntvrteis. der wart al hie vor kanvoleis. gevellet v̂f ſineſ orſſ ſla. daz er dr hindert lag alda. daz tet der ſtolze Gahmvret. wetta herre wetta wet. mit ſtrite fvnden ſî geweten. ſiner mvͦmen ſvn kayleten. den viengen Pvntvrteyſe. da wart vil rvͦch div reyſe. da der kvnec Brandelidelin. wart gezvchet von den ſin. Einen andern kvnech ſi viengen. da liefen vn̄t giengen. vil manech werdr man in iſen wat. den wart da galvͦnet ir brat. mit tretten vn̄t mit chvͦlen. ir vel trvͦch ſwarze bvͦlen. die helde gehîure. da wrden qvaſcîvre. ine ſagez iv niht fvr wæhe. da waſ div riwe ſmæhe. die werden twanch div minne dar. manegen ſchilt wol gevar. vn̄t manegen gezimierten helm. deſ dach waſ wrden da der melm. daz velt etſwa geblvͦmet was. da ſtvͦnt al chvrzzeſ grvͤne gras. da vielen v̂f die werden man. den êre enteil waſ getan. min ſin chan ſoͤlher wnſche doln. daz et ich beſeze v̂f dem voln. Do reit der kvnec von Zazamanch. hin dan da in niemn dranch. nach einemn orze da gerwͦet was. man bant von im den Adamas. niwan dvrch deſ windeſ lvft. vn̄t andrſ dvrch decheinen gvft. man ſtroͮfte im ab ſin hærſenier. ſin mvnt waſ rot vn̄t fier. ein wip die ich ê genennet han. hie chom ein ir kappelan. vn̄t chleiner ivncherren drî. den ritten ſtarche knappen bî. Zwene ſoͮmære gingen an ir hant. die boten hete dar geſant. div kvneginne Ampflîſe. ir kappelan waſ wiſe. vil ſchiere bechant er diſen man. enFranzoiſ er in grvzte ſan. bien ſeivenvz beaſſir. miner froͮwen vn̄t mir. daz iſt Regin der Franze. die rvͤret diner minnen lanze. einen brief gab er im in die hant. dar an der herre grvzen vant. vn̄t ein chleine vingerlin. daz ſolt ein warr geleite ſin. wan daz enphiench ſin froͮwe. von dem von Anſcoͮwe. er neich do er die ſcrift erſach. welt ir nv hoͤren wie div ſprach. Dir enbivtet minne vn̄t grvͦz. min lip dem nie wart chvmbrſ bvͦz. ſit ich diner minne enphant. din minne iſt ſloz vn̄t bant. mineſ herzen vn̄t deſ frevde. din minne tvͦt mich toͮwende. ſol mir din mine verren ſo mvͦz mir minne werren. chvm wider vn̄t nim von miner hant. chrone ſceptrvm vn̄t ein lant. daz iſt mich an erſtorben. daz hat din minne erworben. xab dir oͮch zeſoldiment. diſe richen priſent. in den vier ſoͮmſchrin. dv ſolt oͮch min rittr ſin. ime lande ze Waleis. von der hoͮbtſtat ze chanvoleis. ine rvͦche ob ez div kvneginne ſiht. ez mach mir geſchaden niht. ich bin ſcoͤner vn̄t richer. vn̄t chan oͮch minneclicher. minne enphahen vn̄t minne gebn. wiltv nach werdr minne lebn. ſo hab dir mine chrone. nach minne zelone. An diſem brieve er niht mere vant. ſin hærſnier eineſ chnappen hant. widr v̂f ſin hoͮbet zoͮch. Gahmvreten trvren vroͮch. man bant im v̂f den Adamas. der diche vnd herte was. er wolde ſich arbeiten. die boten hiez er leiten. dvrch rvͦwen vndrz poͮlvn. ſwa gedrenge waſ da macheter rvn. Dirre verloſ iener gewan. da moht erholn ſich ein man. het er verſvmet ſine tat. al hie waſ gnvͦger rat. ſi ſolden tivſtîeren. dort mit rotten pvnîeren. Si geloͮben ſich der ſliche. die man heizet friwendeſ ſtiche. heinlich gevaterſchaft. wart da zefvͦrt mit zorneſ chraft. da wirt div chrvmbe ſelten ſleht. man ſparach da lvtzel riterſ reht. ſwer iht gewan der habt im daz. ern rvͦchte heteſ der andr haz. ſi waren von manegen landen. die da mit ir handen. ſchildeſ ambt worhten. vn̄t ſchaden lvtzel vorhten. Al da wart von Gahmvrete. geleiſtet Ampfliſen bete. daz er ir ritter wære. ein brief ſagt im daz mære. Avoy nv wart er lazen an. ob minne vn̄t ellen in deſ man. groze liebe vn̄t ſtarchiv triwe. ſine chraft im frvmt al niwe. nv ſaher wa der kvnich Loth. ſinen ſchilt gein der herten bot. der waſ vmb nach gewant. daz werte Gahmvreteſ hant. mit hvrte er den poindr brach. den kvnec von Arragvn. er ſtach. hinderz orſ mit eime ror. der kvnec hiez Scafillor. daz ſper waſ ſvndr banier. da mit er valte den degen fier. er hetz braht vz der heidenſchaft. die ſine wertn in mit chraft. Doch vienger den werden man. die inren taten die vzern ſan. vaſte ritten v̂fz velt. ir veſꝑperie gap ſtriteſ gelt. ez mohte ſin ein tvrnei. wan da lach manec ſper enzwei. Do begvnde zvrnen Læhelin. ſvl wir ſvſſ enteret ſin. daz machet der den Ancher trêit. vnſer entwedr den andern lêit. noch hivte da er vnſamfte ligt. ſi hant vnſ vil nach an geſigt. ir hvrte gab in rvmeſ vil. da giengez v̂z der chinde ſpil. ſi worhten mit ir henden. daz den walt begvnde ſwenden. diz waſ geliche ir beider ger. ſpera herre ſpera ſper. doch mvͦſe et dvlden Læhelin. einen ſmæhlichen pin. in ſtach der kvnech von Zazamanch. hinderz orſ wol ſperſ lanch. daz in ein ror geſchift was. ſine ſicherheit er an ſich las. doch læſe ich ſamfter ſvͤze birn. ſwie die rittr vor im nidr rirn. Der chrîe do vil maneger wielt. ſwer vor ſiner tioſte hielt. hie chvmt der Ancher fia fi. zegegen chom im gehvrtet bi. Ein fvrſte von Anſcoͮwe. div riwe waſ ſin froͮwe. mit v̂f cherter ſchildeſ ſpizze. daz lert in iamerſ wizze. div wapen er rechande. warvmbe er von im wande. welt ir. ich beſcheide ivch des. ſî gap der ſtolze Galoes. filiiroy Gandin. der vil getriwe brvͦdr ſin. da vor vnz im div minne erwarp. daz er an einer tioſt erſtarp. Do bant er ab ſinen helm. wederz graſ noch den melm. ſin ſtrit da niht mere pante. groz iamer in deſ mante. mit ſime ſinne er bagete. daz er niht diche envragete. Kayleten ſiner mvmen ſvn. waz ſin brvͦdr wolde tvn. daz er niht tvrnierte hie. daz enweſſer leider wie. er ſtarp von Mvnthôri. da vor waſ im ein chvmber bî. deſ twanch in werdiv minne. einer richen chvneginne. div chom oͮch ſit nach im in not. ſi lag an chlagenden triwen tot. Swie Gahmvret wære oͮch mit chlage. doch het er an dem halben tage. gefrvmt ſo vil der ſper enzwei. wære worden der tvrnei. ſo wære verſwendet der walt. geværwet hvndert im waren gezalt. Die gar vertet der fiere. ſine liehten baniere. waren den chrigîren worden. daz waſ in ir orden. do reit er gein dem poͮlvn. der Waleiſinne garzvn. hvͦp ſich nach im v̂f die vart. der tiwer wapenroch im wart. dvrchſtochen vn̄t verhoͮwen. den trvͦg er fvr die froͮwen. er waſ von golde dennoch gvͦt. er gleſte alſ ein glvͤndich glvͦt. dar an choſ man richeit. do ſparach div kvnegin gemeit. dich hat ein werdeſ wip geſant. bi diſem rittr in dizze lant. Nv mant mich div fvͦge min. daz die andern niht verchrenchet ſin. die Aventivre brahte dar. ieſlicher nem mineſ wnſcheſ war. wan ſi ſint mir alle ſippe. von dem Adames rippe. Doch wæne et Gahmvretes ſtat. den hoͤſten priſ da erworben hat. die andern tæten riterſchaft. mit ſo bewandr zorneſ chraft. daz ſiz wælchen vaſte vnz an die naht. die inren heten die vzzern braht. mit ſtrite vnz an ir poͮlvn. niwan der kvnec von Aſcalvn. vn̄t Morholt von yr lant. dvrch die ſnvͤre in wære gerant. Da waſ gewnnen vn̄t verlorn. genvͦge heten ſchaden erchorn. die andern priſ vn̄t ere. nv iſt zit daz man ſi chere. von ein andr niemn hie geſiht. ſine werte der phandr liehteſ niht. wer ſolde oͮch vinſterlingen ſpiln. eſ mach die mvͤden doch beviln. Der vinſtr man vil gar vergaz. do min her Gahmvret dort ſaz. alſ ez wære tach deſ waſ eſ niht. da waren aver vngefvͤgiv liͤht. von chleinen cherzen manech ſcoͮp. geleit v̂f oͤlboͮme loͮp. manech kvltr riche. geſtrechet vlizechliche. dr fvr manech teppech brêit. div kvneginne an die ſnvͤre reit. mit manger werden froͮwen. ſi wolte gerne ſchoͮwen. den werdn kvnec von Zazamanch. vil mvͤdr rittr nach ir dranch. div tiſchlachen warn ab genomn. ê ſi inz poͮlvn wære chomn. V̂f ſpranch der wirt vil ſchiere. vn̄t gevangener kvnege viere. den fvͦr oͮch etſlich fvrſte mite. do enphinger ſî nach zvhte ſite. er geviel ir wol do ſi in erſach. div Waleiſinne mit frevdn ſprach. xR ſit hie wirt da ich ivch vant. ſo bin ich wirtin vberz lant. rvͦchet irſ daz ich ivch chvſſen ſol. daz iſt mit minem willen wol. Er ſparach iwer chvſſ ſol weſen min. ſvlen diſe herren gechvſſet ſin. ſol kvnech odr fvrſte deſ enbern. ſone getar oͮch ichſ von iv niht gern. deiſwar daz ſol oͮch geſchehn. ine han ir cheinen ê geſehn. ſi chvſte die eſ da waren wert. deſ hete Gahmvret gegert. er bat ſizzen die kvnegin. min her Brandelidelin. mit zvhten zvͦ der froͮwen ſaz. grvͤne binz von toͮwe naz. dvnne v̂f die teppeche waſ geſtroͤt. da ſaz v̂f deſ ſich hie froͤt. div werde Waleiſinne ſî twanch idoch ſin minne. Er ſaz fvr ſi ſo nahe nidr. daz ſi in begreif vn̄t zoch in widr. andrhalp vaſte an ir lip. ſi waſ ein magt vn̄t niht ein wip. div in ſo nahen ſizzen liez. welt ir nv hoͤren wie ſi hiez. div kvneginne Herzelôyde. vn̄t ir baſe Riſcôyde. die hete der kvnech kaylet. deſ mvͦmen ſvn waſ Gahmvret. Vroͮ Herzelôyde gap den ſchin. wæren erloſchen gar die cherzen ſin. da wære doch liͤht von ir genvͦch. wan daz groz iamer vndr ſlvͦch. die hoͤhe an ſiner frevde breit. ſin minne wære ir vil bereit. Si ſparachen grvͦz nach zvhte chv̂r. bi einer wile giengen ſchenchen fv̂r. mit gezierde von Azagoͮch. dar an groziv richeit niemn troͮch. die trvͦgen ivncherren in. daz mvͦſen tivre næphe ſin. von edelm geſteine. wit niht zechleine. ſi waren alle ſvndr golt. ez waſ deſ landeſ zinſeſ ſolt. daz Jſenhart vil diche bot. fron Belakanen fvr groze not. do bot man in ir trinchen dar. in manegem ſteine lieht gevar. Smareide vn̄t Sardyn. etſlicher waſ ein Rvbin. fvrz poͮlvn do reit. zwene rittr v̂f ir ſicherheit. die waren hin v̂z gevangen. vn̄t chomen her in gegangen. daz eine daz waſ kaylet. der ſach den kvnech Gahmvret. ſitzen alſ er wære vnfrô. er ſparach wie gebareſt dv ſo. xin priſ iſt doch da fvr rechant. fron Herzeloyden vn̄t ir lant. hat din lip errvngen. deſ iehent hie gar die zvngen. er ſî Bertvn odr ẏrſchman. odr ſwer hie wælhiſch ſprache chan. Franzois odr Brabant. die iehent vn̄t volgen diner hant. dir enchvnne an ſo bewantem ſpiln. gliche niemn hie geziln. deſ liſ ich hie den waren brief. din chraft mit ellen do niht ſlief. do diſe herren chomn in not. der hant nie ſicherheit gebot. min her Brandelidelin. vnt der chvͤne Læhelin. Hardiez vn̄t Scaffillor. owe Razalich der mor. dem dv vor Pantelamvnt. tæte oͮch Fianze chvnt. deſ gert din priſ an ſtrite. der hoͤhe vn̄t oͮch der wite. Er ſparach min froͮwe mach wænen daz dv tobſt. ſit dv mich alſo verlobſt. dvne maht min doch verchoͮfen niht. wande etſwer wandel an mir ſiht. din mvnt iſt lobſ zevil vernomn. ſag et wie biſtv wider chomn. Div werde diet von Pvntvrteẏs. hat mich vn̄t diſen Scamponeẏs. ledich lazen vber al. Morholt der minen neven ſtal. von den ſol er ledich ſin. mach min her Brandelidelin. ledich ſin von diner hant. wir ſin noch anderſ beide phant. ich vnt miner ſweſter ſvn. dv ſolt an vnſ genade tvn. ein veſperie iſt hie erliten. daz tvrnieren wirt vermiten. an dirre zit von kanvoleiz. die rehten warheit ich deſ weiz. wan div vzer ſizzet hie. nv ſprich et wa von odr wie. mohten ſi vnſ vor gehalden. dv mvͦſt vil priſeſ walden. Div kvnegin ſparach ze Gahmvrete. von herzen eine ſvͤze bete. ſwaz mineſ rehteſ an iv ſî. da ſvlt ir mich lazen bî. dar zvͦ min dieneſt genaden gert. wird ich der bete hie gewert. ſol iv daz priſ verchrenchen. ſo lat mich fvrbaz wenchen. Der kvnegin Ampfliſen. der chv̂ſchen vnt der wiſen. Vf ſpranch balde ir kappelan. er ſparach. niht enſol zerehte han. min froͮwe div mich in dizze lant. nach ſiner minne hat geſant. div lebt nach im inſ libeſ zer. ir minne hat an im gewer. div ſol behalden ſinen lip. wan ſi iſt im holt fv̂r elliv wip. hie ſint ir botten fvrſten drî. kint vor miſſewende vrî. der heizet einer Lanzidant. von hoher art v̂z Grvͦnlant. der iſt ze kærlingen chomn. vn̄t hat die ſprache an ſich genomn. der andr heizet Leidarz. filii cvͦnſ Sciolarz. wer nv der dritte wære. deſ hoeret oͮch ein mære. deſ mvͦtr hiez Beaflvrs. vnt ſin vatr Panſamvrs. die waren von der Fain art. daz chint hiez Liahtvrteltart. div liefen ælliv driv fvr in. vnd ſparachen. herre haſtv ſin. dir zelt Regîn de Franze. der werden minne ſo ganze. ſo mahtv ſpiln ſvndr phant. din frevde iſt chvmberſ ledich zehant. do div botſchaft waſ vernomn. kaylet der ê waſ chomn. ſaz der kvnegin vndr ir mandelſ ort. hinz im ſprach ſi diſiv wort. Sag an iſt dir iht mer geſchehen. ich han ſlege an dir geſehen. do begreif im div gehîvre. ſine quaſchîvre. mit ir linden handen wîz. dar an lach der goteſ flîz. do waſ im gæmſieret. vnt zequaſcîeret. hv̂fel chinne vn̄t an der naſen. er hete der kvneginne baſen. div diſe ere an im begiench. daz ſi in mit handen zir geviench. Si ſprach nach zvhte lere. hinz Gahmvrete mere. iv bîvtet vaſte ir minne. div werde Franzoyſinne. nv eret an mir elliv wip. vn̄t lat zerehte minen lip. ſît hie vnz ich min reht genem. ir lazet anderſ mich in ſchem. Daz lobte ir der werde man. ſi nam vrloͮp do fvͦr ſi *ansan. ſi hvͦp kaẏlet der degen wert. ſvndr ſcamel v̂f ir pfært. vnd giench von ir hin widr in. al da er ſach die froͮwen ſin. ER ſparach ze Hardyſe. iwer ſweſter Aliſe. mir minne bot die nam ich da. div iſt beſtatt andrſwa. vn̄t werdechlicher denne ze mir. dvrch iwer zvht lat zornſ gir. ſî hat der fvrſte Læmbekin. al ſvl ſi niht gechroͤnet ſin. ſi hat doch werdecheit bechant. Hanoͮwe vnde Brabant. ir dienet. vn̄t manech rittr gvͦt. chert mir zegrvͦzen iweren mvͦt. lat mich in iwern hvlden ſin. vn̄t nemt hin widr dieneſt min. Der kvnec von Gaſcon do ſparach. alſ im ſin manlich ellen iach. iwer rede waſ ie ſvͤze. ſwer ivch dar vmbe grvͤze. dem ir vil laſterſ hat getan. der woltz doch dvrch vorhte lan. mich viench iwer mvͦmen ſv̂n der chan an niemen miſſetv̂n. Jr werdet wol ledich von Gahmvrete. daz ſol ſin min erſtiv bete. ſwenne ir denne vnbetwngen ſît. min dieneſt gelebt noch die zît. daz ir mich zeinem friwende nemt. ir moht ivch nv wol han verſchemt. ſwaz halt mir von iv geſchiht. mich enſlvͤge doch iwer ſweſter niht. der rede ſi lacheten vbr al. do wart getrvͤbet in der ſcal. xen wirt ſin triwe mente. daz er ſich widr ſente. wan iamer iſt ein ſchærpher gart. ir ieſlicher innen wart. daz ſin lip mit chvmbr ranch. vn̄t al ſin froͤde waſ zechranch. do zvrende ſiner mvͦmen ſv̂n. er ſprach dv chanſt vnfvͦge tv̂n. Nein ich mvͦz bi riwen ſin. ich ſen mich nach der kvnegin. ich liez ze Patelamvnt. da von mir iſt min herze wnt. in reiner art ein ſvͤze wip. ir werdiv chivſche mir den lip. nach ir minne iamerſ mant. ſi gap mir livte vnd lant. mich tvͦt fro Belakane. manlicher frevden ane. ez iſt doc vil manlich. ſwer minnen wancheſ ſchamt ſich. Der froͮwen hvͦte mich v̂f pant. daz ich niht riterſchefte vant. do wande ich. daz riterſchaft. mich neme von vngemvͤteſ chraft. der han ich hie ein teil getan. nv wænet manech vngewiſſer man. daz mich ir ſwerze iagte dan. die ſah ich fvr die ſvnnen an. ir wiplich priſ mir fvͤget lêit. ſi iſt ein bvkel ob der werdecheit. Einez vndz andr mvͦz ich chlagen. ich ſach mineſ brvͦdr wapen tragen. mit v̂f chertem orte. owe mir dirre worte. daz mære wart do iæmerlich. von wazzer wrden div oͮgen rich. dem werden Spanôle. owi kvneginne Fôle. dvrch dine minne gap den lip. Galoeſ den elliv wip. von herzen chlagen ſolten. mit triwen ob ſi wolten. daz ir ſite bræhte. lop ſwa manſ gedæhte. Kvnegin von Averre. ſwie lvzzel dir daz werre. den mâg ich ~~dorh~~doch dvrch dich vẻrlos. der riterlichen ende chos. von einer tioſt div in ſlvͦch. der din chleinot trvͦch. Fvrſten die geſellen ſin. ~~tvͦt~~tvͦnt herzenliche ir chlagen ſchin. ſi habnt ir ſchildeſ breite. nach iamerſ geleite. zer erden gechêret. groz trvren ſî daz lêret. alſuſſ tvͦnt ſi reterſchaft. ſi ſint verladen mit iamerſ chraft. ſit Galoes miner mvͦmen ſv̂n. nach minnen dieneſt niht ſolde tv̂n. Do er vernam deſ brvͦdr tot. daz waſ ſin andr herze not. mit iamer ſparach diſiv wort. wie hat nv mineſ Ancherſ ort. in riwe ergriffen landſ habe. der wappen tet er ſich doch abe. ſin riwe im herteſ chvmbrſ iach. der helt mit waren triwen ſparach. von Anſcoͮwe Galoes. fvrbaz darf niemn vragen des. ez enwart nie manlicher zvht. geborn der waren milte frvht. v̂z dime herzen blvͤte. nv erbarmet mich din gvͤte. Er ſprach ze kaylette. wie gehabt ſich Scoette. min mvͦtr frevden arme. ſo daz ez got erbarme. do ir erſtarp Gandin. vn̄t Galoeſ der brvͦder din. vn̄t do ſi din bi ir niht ſach. der tot oͮch ir daz herze brach. do ſparach der kvnech Hardŷz. nv chert an manheit iwern vlîz. ob ir manheit chvnnet tragn. ſo ſvlt ir leit zemazen chlagn. Sin chvmbr leidr waſ zegroz. ein gvſſe im von den oͮgen vloz. er ſchvͦf den rittern ir gemach. vn̄t giench da er ſine chamern ſach. ein cleine gezelt von ſamit. die naht er dolte iamerſ zit. Alſ der andr tach erſchein. ſi wrden alle deſ enein. die innern vn̄t daz vzer her. ſwer da mit ſtritechlicher wer. wære ivnch odr alt. odr bloͤde odr balt. dine ſoltn tivſtieren nîeht. do ſchein der mitte morgen lîeht. ſi warn mit ſtrite ſo verribn. vn̄t orſ mit ſporn alſo vertribn. daz die vrechen ritterſchaft. ie dennoch twanch der mvͤde chraft. Div kvnegin reit do ſelbe. nach den werden hinze velde. vn̄t braht die mit ir in die ſtat. die beſtn ſi dort inne bat. daz ſi zer Leoplane riten. done wart ir bete niht vermiten. Si chomn da man meſſe ſanch. dem trvrigen kvnege von Zazamanch. alſ der bendiz wart getan. do chom froͮ Herzeloyde ſan. an Gahmvreteſ lip ſi ſprach. ſi gerte alſ ir div volge iach. do ſprach er froͮwe ich han ein wip. div iſt mir lieber danne der lip. ob ich der ane wære. dennoch weſſ ich ein mære. da mit ich iv enbrêſte gar. næme iemen mineſ rehteſ war. Si ſparach ir ſvlt die Moͤrinne. lan dvrch mine minne. deſ toͮfeſ ſegen hat bezzer chraft. nv anet ivch der heidenſchaft. vn̄t minnet mich nach vnſerr ê. wan mir iſt nach iwerr minne wê. odr ſol mir gein iv ſchade ſin. der Franzoyſer kvnegin. der boten ſparachen ſvͤziv wort. ſi ſpilten ir mære vnz an den ort. ia div iſt min wariv froͮwe. ich brahte in Anſcoͮwe. ir rat vnd miner zvhte ſite. mir wont noch hivte ir helfe mite. da von daz mich min froͮwe zoch. die wibeſ miſſewende ie floch. wir waren kindr beidiv do. vnt doch zeſehen ein andr vro. Div kvneginne Amphîſe. wont an wiplichem prîſe. mir gap div gehivre. von dem lande die beſtn ſtivre. ich waſ do ermer denne nvͦ. da greif ich willechlichen zvͦ. zelt mich noch fvr die armn. ich ſolt ivch froͮwe erbarmn. mir iſt min werdr brvͦder tot. dvrch iwer zvht lat mich ane not. chert minne da div frevde ſî. wan mir wont niwan iamer bî. xat mich den lip niht langer zern. ſagt an wa mite welt ir ivch wern. ich ſage nach iwerre frage ger. ez wart ein tvrney da her. geſprochen deſ enwart hie niht. manec gezivch mir deſ giht. den hat ein veſꝑperie erlemt. die vrechen ſin ſo hie gezemt. daz der tvrney drvon verdarp. iwerr ſtete wer ich warp. mit den diez gvͦt hie hant getan. ir ſvlt mich notrede erlan. ez tet hie manech rittr baz. iwer reht iſt gein mir laz. niwan iwer gemeiner grvͦz. ob ich den von iv habn mvͦz. Alſ mir div Aventivre ſagt. do nam der rittr vn̄t div magt. einen rihtære vbr der froͮwen clage. do nahet ez dem mitten tage. man ſparach ein vrteile zehant. ſwelch rittr helm hie v̂f gebant. der hernâch riterſchaft iſt chomn. hat er den priſ hie genomn. den ſol div kvneginne han. dar nach div volge wart getan. do ſparach ſi herre nv ſit ir min. ich tvͦn iv dieneſt nach hvlden ſchin. vn̄t fvͤge iv ſoͤlher froͤden têil. daz ir nach iamer werdet gêil. ER hete idoch von iamer pin. do waſ deſ Abrillen ſchin. zergangen. dar nach chomn was. chvrz chleine grvͤne gras. daz velt waſ gar vergrvͦnet. daz ploͤdiv herzen chvͦnet. vn̄t in git hoch gemvͤte. vil boͮme ſtvͦnt in blvͤte. von dem ſvͤzen lvfte deſ meien. ſin art von der feien. mvͦſe minnen odr mīnne gern. deſ wolde in frivndin da gewern. An fron Herzeloyden. er do ſach. ſin ſvͤzer mvnt mit zvhten ſparach. froͮwe ſol ich mit iv geneſen. ſo lat mich ane hvͦte weſen. wan verlæt mich immer iamerſ chraft. ſo tæt ich gerne riterſchaft. lat ir niht tvrnîeren mich. ſo chan ich noch den altn ſlich. alſ do ich minem wibe entran. die ich oͮch mit riterſchaft gewan. do ſi mich v̂f von ſtrite bant. ich liez livte vnde lant. Si ſprach herre nv nemt iv ſelbe ein zil. ich laz iv iwerſ willen vil. ich wil frvmen noch vil der ſper enzwei. aller manedglich ein tvrnei. deſ ſvlt ir froͮwe rvͦchen. daz ich den mvͦze ſvͦchen. diz lobt ſi. wart mir geſagt. er enphiench div lant vnt oͮch die magt. xiſiv driv ivncherrelin. Ampfliſen der kvnegin. hie ſtvͦnden vn̄t ir kappellan. da volge vn̄t vrtel wart getan. al da erz horte vn̄t ſach. heinliche er Gahmvreten ſparach. man tet miner froͮwen chvnt. daz ir vor Pantelamvnt. den hoͤhſten priſ behieltet. vn̄t da zweier chrone wieltet. ſi hat oͮch lant vnd mvͦt. vnd git iv lîp vnd gvͦt. Do ſi mir gap die riterſchaft. do mvͦſ ich nach der ordenſ chraft. alſ mir deſ ſchildſ ambt ſagt. dr bi belibn vnverzagt. wan daz ich ſchilt von ir gewan. ez wære noch anderſ vngetan. ich wære deſ trvrich odr geil. mich behabt hie riterſ vrteil. vart widr ſagt ir dieneſt min. ich ſvl iedoch ir rittr ſin. ob mir alle chrone wæren berêit. ich han nach ir min hoͤhſte lêit. Er bot inſine groze habe. ſiner gebe taten ſi ſich abe. die boten fvͦren zelande. gar an ir froͮwen ſchande. ſine gerten vrloͮbeſ niht. alſ lihte in zorne noch geſchiht. ir knappen fvrſten diſiv kint. waren von weinen vil nach blint. Die den ſchilt verchert da hant getragn. den begvnde ir friwent zevelde ſagn. froͮ Herzeloyde div kvnegin. div hat behabt den Anſcevin. wer waſ von Anſcoͮwe da. vnſer herre iſt leidr andrſwa. dvrch riterſ priſ zen Sarrazin. daz iſt nv vnſer hohſter pin. Der hie den priſ hat bezalt. vnt ſo manegen rittr ab gevalt. vn̄t der ſo ſtach vnd ſlvͦch. vnt der den tiwern Ancher trvͦch. v̂f dem helme lieht geſteinet. daz iſt den ir da meinet. Mir ſagt der kvnec kaylet. der Anſcevin wære Gahmvret. dem iſt hie wol gelvngen. nach den orſen ſi do ſprvngen. ir wat wart von den oͮgen naz. do ſi chomn da ir herre ſaz. ſi enphiengen in. er enphiench oͮch ſîe. frevde vn̄t iamer daz waſ hie. Do chvſter die getriwen. er ſparach. ivch enſol niht riwen. zvnmazer wiſ der brvͦdr min. ich mag ivch wol ergezzen ſin. chert v̂f den ſchilt nach ſiner art. gehabt ivch an der frevden vart. ich ſol mineſ vatr wapen tragn. ſin lant min Ancher hat beſlagn. der Ancher iſt ein rechen zil. den trage vnd nem nv ſwer dr wil. Ich mvͦz nv lebliche. gebaren. ich bin riche. wan ſolt ich volcheſ herre ſin. den tæte we der iamer min. froͮ Herzeloyde helfet mir. daz wir bitten ich vn̄t ir. kvnege vn̄t fvrſtn die hie ſin. daz ſi dvrch den dieneſt min. beliben vnz ir mich gewert. deſ minnen werch zerminnen gert. Die bete warb ir beidr mvnt. die werden lobtenz ſa zeſtvnt. ieſlicher fvͦr an ſin gemach. div kvnegin zir frivnde ſprach. nv habt ivch an mine phlege. ſi wîſt in heinliche wege. ſiner geſte phlac man wol zefrvmn. ſwar halt ir wirt wære chvmn. daz geſinde wart gemeine. doch fvͦr er dan al eine. wan zwei ivncherrelin. ivnchfroͮwen vn̄t div kvnegin. in fvͦrten da er frevde vant. vn̄t al ſin trvren gar verſwant. entſchvmphiert wart ſin riwe. vn̄t ſin hoh gemvͤte al niwe. daz mvͦſe iedoch bi liͤbe ſin. froͮ Herzeloyde div kvnegin. ir magetvͦmſ da ane wart. dî mvnde waren vngeſpart. di begvnden ſi mit chvſſen zern. vn̄t dem iamer von den freͮden wern. Dar nach er eine zvht begîench. ſi wrden ledich di er da vîench. Hardiezen vnd kaylet. ſeht di verſvͦnde Gahmvret. da ergiench ein ſoͤlhiv hohgezit. ſwer der hat gelichet ſît. deſ hant idoch gewaldeſ phlach. Gahmvret ſich bewach. ſin habe waſ vil vngeſpart. Aræbſc golt geteilet wart. armn ritern al gemeine. vn̄t den kvnegin edele geſteine. teilte Gahmvretes hant. vn̄t oͮch ſwaz er da fvrſten vant. lat ſi riten ſwer da geſte ſin. den gap vrloͮp der Anſcevin. Dez Pantel daz ſin vatr trvͦch. von zoble v̂f ſinen ſchilt man ſlvͦch. al chleine wiz ſidin. ein hemde der kvnegin. alſ ez rvͦrte ir blozer lip. div nv worden waſ ſin wip. daz waſ ſineſ halſpergeſ dach. ahzehniv man dvrch ſtochen ſach. vn̄t mit ſwerten gar zerhoͮwen. ê er ſchied von der froͮwen. daz leit oͮch ſi an bloze hv̂t. ſo von ritterſchaft chom ir trv̂t. der manegen ſchilt vil dvrchel ſtach. ir zweier minne man triwen iach. ER hete werdecheit genvͦch. do in ſin mænlich ellen trvͦch. hin vber gein der herte. mich iamert ſiner verte. im chom div ware botſchaft. ſin herre der Barvch wære mit chraft. vber riten von dem Babylon. einer hiez Jpomydon. der andr Pompeivs. den nennet div Aventivre alſvs. daz waſ ein ſtolz werdr man. niht der von Rome entran. Jvlivſ da bevor. de kvnech Nabvchodonozor. ſiner mvͦtr brvͦder was. der an trvglichen bvͦchen las. er ſolte ſelbe ſin ein got. daz wære nv der livte ſpot. ir lip. ir gvͦt waſ vngeſpart. die gebrv̂dr waren von hoher art. von Ninvſ der gewaldeſ pflach. ê wrde geſtiftet Baldach. der ſelbe ſtifte oͮch Ninnivê. in tet ſchade vn̄t laſtr wê. der iach der Barvch zvrborn. deſ wart gewnnen vnt verlorn. genvͦch zebeden ſîten. man ſach da helde ſtriten. Do ſchift er ſich vber mer. vn̄t vant den Barvch mit wer. mit frevden er enphangen wart. ſwie mich iamer ſiner vart. Waz da geſchæhe wî ez dort ergê. gewin vn̄t flvſt wî daz geſtê. den enweiz froͮ Herzeloyde niͤht. div waſ alſo div ſvnne lieht. vn̄t hete minnechlichen lip. richeit bi tvgende phlac daz wip. vn̄t frevden mer denne ze vil. ſi waſ gar ob dem wnſcheſ zil. ſi cherte ir herze an gvͦte chvnſt. deſ beiagete ſi der werelde gvnſt. ir chivſche waſ fvr priſ erchant. kvneginne vbr driv lant. Waleys vnd Anſcoͮwe. dar vbr waſ ſi froͮwe. ſi trvͦg oͮch chrone ze Norgals. in der hoͮbtſtat ze kingrivals. ir waſ oͮch wol ſo liep ir man. ob îe chein froͮwe mer gewan. ſo werden frivnt waz war ir daz. ſi mohtez lazen ane haz. do er v̂ze belêip ein halbez iar. ſineſ chomenſ warte ſi fvr war. daz wart ir lip gedinge. do braſt ir freͮden chlinge. mitten ime hefte enzwei. owe vn̄t heia hei. daz gvͤte al ſoͤlhen chvmber tregt. vn̄t immer triwe iamer regt. alſvſ vert div menniſchêit. hivte frevde morgen lêit. Div froͮwe vmb einen mitten tach. eineſ ængeſtlichen ſlafeſ phlach. ir chom ein forhtlicher ſchrich. ſi dvhte wie ein ſtern blich. ſî gein den lvften fvͦrte. da ſî mit chreften rvͦrte. manech fivrin donrſtrâle. dî flvgen al zemale. gein ir do ſvngelt vnd ſanch. von gænſtern ir zoͤphe lanch. mit chrache gap der donr dvz. brinnendige zæher waſ ſin gvz. ir lip ſi danach widr vant. do zvht ein Grife ir zeſwen hant. daz wart ir vercheret hie mite. ſi dvhte wnderlicher ſite. wie ſi wære eineſ wrmeſ amme. der ſit zerfvͦte ir wamme. vn̄t wie ein trache ir brvſte ſvge. vn̄t daz der gaheſ von ir flvge. ſo daz ſi in nimmer mer geſach. daz herze er ir vzem lîbe brach. die vorhte mvͦſen ir oͮgen ſehen. ez iſt ſeltn wibe mer geſchehen. in ſlafe chvmbr dem gelich. da vor waſ ſi ritterlich. ah wench daz wirt vercheret gar. ſi wirt nach iamer nv gevar. ir ſchade wirt lanch vn̄t brêit. ir nahent chvͦmendiv herzenlêit. Div froͮwe do begvnde. daz ſi da vor niht chvnde. beidiv zabelen vn̄t wͦfen. in ſlafe lvte rvͦfen. vil ivnchfroͮwen ſazen hie. die ſprvngen dar vn̄t wachten ſîe. do chom geriten Tampanis. ir manneſ meiſtr knappe wis. vn̄t cleiner ivnchfroͮwen vil. da gie ez v̂z der frevden zil. die ſageten chlagende ir herren tot. deſ chom froͮ Herzeloyde in not. ſi viel hin vnverſvnnen. die rittr ſparachen wî iſt gewnnen. min herre in ſime harnaſc. ſo wol gewapent ſo er waſ. Swî den knappen iamer iagete. den helden er doch ſagete. minen herren lebnſ lenge vloch. ſin hærſerin von im er zoch. deſ twanch in ſtarchiv hizze. gvnertiv heidenſch wizze. hat vnſ verſtoln den helt gvͦt. ein rittr hete bocheſ blvͦt. genomn in ein langez glas. daz ſlvͦger an den Adamas. do wart er weicher danne ein ſwamp. den man noch malet fvrz lamp. vn̄t oͮchz chrivze in ſine chlan. den erbarme daz da wart getan. do ſi mit ſcharn zein andr ritn. avoy wie da wart geſtritn. Deſ Barvcheſ ritt̉erſchaft. ſih werte wol mit ellenſ chraft. von Baldach v̂f dem gevilde. dvrchſtochen wart vil ſchilde. da ſi zein andr gæhten. di poyndr ſich da wæhten. ſich wrren die banier. da viel manech degen fîer. al da ~~worte~~worhte minſ herren hant. da von ir aller priſ verſwant. Do chom gevarn Jpomidon. mit tode er mime herren lon. gap. daz er in nider ſtach. daz manech tvſent rittr ſach. von Alexandrîe. min herre valſcheſ vrîe. gein dem kvnege cherte. deſ tioſt in ſterben lerte. ſinen helm verſneit deſ ſperſ ort. dvrch ſin hoͮbt wart gebort. daz man den trvnzvn drinne vant. idoch geſaz der wigant. al toͤwende er vz dem ſtrite rêit. v̂f eine ~~plane~~plan div waſ brêit. vbr in chom ſin kappelan. er ſprach mit chvrzen wort. ſan. ſine bihte vnd ſande her. diz hemde vnt daz ſelbe ſper. daz in von vnſ geſcheiden hat. er ſtarp an alle miſſetat. ivncherren vn̄t die kappelane ſin. bevalh er der chvnegin. xR wart geleit ze Baldach. div choſte den Barvch ringe wach. mit golde wart geheret. groz richeit dran gecheret. mit edelem geſteine. da inne lit der reine. gebalſamt wart ſin ivnger rê. vor iamer wart vil lvͦte wê. ein tiwer Rvbin iſt der ſtêin. ob ſime grabe. da dvrch er ſchêin. vnſ wart gevolget hie mite. ein chrivze nach der marter ſite. alſ vnſ chriſteſ tot loſte. liez man ſtozen im zetroſte. zeſcherm der ſele vberz grap. der Barvch die choſte gap. ez waſ ein tiwer Smarat. wir tatenz ane der heiden rat. ir orden chan niht chrv̂zeſ phlegn. alſ chriſteſ tot vnſ liez den ſegn. ez betten heiden ſvndr ſpot. an in alſ an ir werden got. niht dvrch deſ chrivzes êre. noch dvrch deſ toͮfeſ lere. der ze Mvrteillicheni ende. vnſ loͤſen ſol gebende. div manlich triwe ſin. git im zehimel liehtn ſchin. vn̄t oͮch ſin riwich pihte. der valſch waſ an im ſihte. xN ſinen helm den Adamas. ein Epitaphivm ~~ergraben~~gegraben was. verſigelt v̂fez chrivze obeme grabe. ſvſſ ſagent die bvͦchſtabe. dvrch diſen helm ein tioſte ſlvͦch. den werdn der ellen trvͦch. Gahmvret waſ er genant. gewaldech chvnech vbr driv lant. ieglichez im der chrone iach. da giengen riche fvrſten nach. er waſ von Anſcoͮwe erborn. vn̄t hat vor Baldach verlorn. den lip dvrch den Barvch. ſin priſ gap ſo hohen rvch. niemn reichet an ſin zil. ſwa man noch rittr prvͤuen wil. er iſt von mvͦtr vngeborn. zvͦ den ſin ellen habe geſworn. ich meine der ſchildes ambet hat. helfe vn̄t mænlichen rat. gap er mit ſtæte frivnden ſin. er leit dvrch wip vil ſchærphen pin. er trvͦch den toͮf vn̄t chriſten ê. ſin tot tet Zarrazinen wê. ſvndr liegen da*daz iſt war. ſiner zit verſvnnenlichiv iar. ſin ellen ſo nach priſe warp. mit ritterlichem priſe er ſtarp. er hete der valſcheit an ~~giſigt~~geſigt. nv wnſchet im heileſ der hie ligt. diz waſ alſo der knappe iach. Waleiſe man vil weinen ſach. Die mvͦſen wol von ſchvlden chlagn. div froͮwe hete getragn. ein kint daz in ir lîbe ſtîez. die man ane helfe ligen lîez. ahzehen wochen hete gelebt. deſ mvͦtr mit dem tode ſtrebt. froͮ Herzeloyde div kvnegin. die andern heten chranchen ſin. daz ſi nicht hvlfen dem wibe. wan div trvͦch in ir libe. der aller rittr blvͦme wirt. ob in ſterben hie verbirt. Do chom ein alt wiſer man. dvrch chlage vber die froͮwen ſan. da div mit dem tode ranch. die cene er ir von ein andr twanch. man goz ir wazzer in den mvnt. al da wart ir verſinnen chvnt. Si ſparach owe war chom min trv̂t. div froͮwe in chlagete vber lv̂t. minſ herzen frevde brêit. waſ Gahmvreteſ werdechêit. daz nam mir ſin vrechiv ger. ich waſ vil ivnger dann er. vnd bin ſin mvͦtr vn̄t ſin wip. ich trage al hie doch ſinen lip. vn̄t ſineſ verheſ ſamn. den gaben vnd namn. vnſer zwaier minne. hat got getriwe ſinne. ſo laz erz mir zefrvhte chomn. ich han doch ſcaden zevil genomn. An minem ſtolzen werden man. wie hat der tot zemir getan. er enphinch nie wibeſ minnen teil. ern wære al ir vroͤden geil. in mvͤte wibeſ riwe. daz riet ſin manlich triwe. wander waſ valſcheſ lære. nv hoͤrt ein andr mære. Waz div froͮwe do begiench. kint vn̄t bvch ſi zir geviench. mit armn vnd mit henden. ſi ſparach mir ſol got ſenden. die werden frvht von Gahmvrete. daz iſt minſ herzen bete. got wende mich ſo tvmbr not. daz wære Gahmvreteſ andr tot. ob ich mich ſelben ſlvͤge. di wile ich bi mir trvͤge. daz ich von ſiner minne enphiench. der manneſ triwe an mir begiench. Div froͮwe enrvͦchte wer daz ſach. daz hemde von der brvſt ſi brach. ir brvſtel linde vn̄t wiz. dar an cherte ſi ir vliz. ſi drvchteſ an ir roten mvnt. ſi tet wipliche fvͦre chvnt. Alſvſ ſparach div wiſe. dv biſt chaſte eineſ chindeſ ſpiſe. di hat ez vor im her geſant. ſit ichz lebendich ime libe han. xiv froͮwe ir willen dar an ſach. daz div ſpiſe waſ ir herzen dach. div milch in ir tvttelin. di drvchte drvz div kvnegin. ſi ſparach. dv biſt von triwen chomn. het ich deſ toͮfeſ niht genomn. dv wæreſt wol minſ toͮfeſ zil. ich ſol mich begiezen vil. mit dir vn̄t mit den oͮgen. offenlich vn̄t toͮgen. wande ich wil Gahmvreten chlagn. div froͮwe hiez dar naher tragn. ein hemde nach blvͦt var. dar inne anſ Barvcheſ ſchar. Gahmvret den lip verlos. der werlichen ende chos. mit rehter manlicher ger. div froͮwe vragete oͮch nach dem ſper. daz Gahmvrete gap den rê. Jpomidon von Ninnivê. gap alſvſ werlichen lon. der ſtolze werde Babylon. daz hemede ein hadr waſ von ſlegn. div froͮwe woldz an ſich legn. alſ ſi da vor hete getan. ſo von ritt̉erſchaft chom ir man. do namn ſiz ir v̂zer hant. die beſten vbr al daz lant. beſtatten ſper vn̄t oͮch daz blvͦt. zemvnſter ſo man die toten tvͦt. in Gahmvretes lande. man iamer do bechande. Dannen vbr den vierzehenden tach. div froͮwe eineſ kindelins gelach. eineſ ſvnſ der ſoͤlher lide was. daz ſi vil chvme dran genas. Hie iſt der Aventivre wrf geſpilt. vn̄t ir begin iſt gezilt. wand er iſt alreſt geborn. dem diz mære wart erchorn. ſineſ vatr frevde vn̄t deſ not. bede ſin lebn vn̄t ſin tot. deſ habt ir wol ein teil vernomn. nv wizzet wa von iv ſi chomn. diſſ mæreſ ſache walte. vn̄t wi man den behalte. man barg in vor ritt̉erſchaft. ê er choͤme an ſiner witze chraft. Do div kvneginne ſich verſan. vn̄t ir kindelin wider zir gewan. ſi vn̄t andr froͮwen. begvnden in allenthalben ſchoͮwen. zwiſchen den beinen ſin viſellin. er mvͦſe vil getrîvtet ſin. do er hete manlichiv lit. er wart mit ſwerten ſit ein ſmit. vil fiwerſ er von helmen ſlvͦch. ſin herze mænlich ellen trvͦch. die kvneginne deſ gelvſte. daz ſi in vil diche chvſte. ſi ſparach hinz im in allen flîz. bon fiz ſcer fiz beafiz. Div kvnegin nam do ſvndr twal. div roten vælwelohten mal. ich meine ir tvttelineſ grænſelin. daz ſchoͮp ſi im in ſin vlænſelin. ſelbe waſ ſin amme. div in trvͦch in ir wamme. an ir brvſte ſi in zoch. die wibeſ miſſewende vloch. ſie dvhte ſi hete Gahmvreten. widr an ir arm erbeten. Froͮ Herzeloyde ſparach mit ſinne. div hoͤhſte kvneginne. ieſvs ir brvſte bot. der ſit dvrch vnſ vil ſcharpfen tot. ame chrivze meniſchliche enphiͤnch. vn̄t ſine triwe an vnſ begiͤnch. ſweſ ſin lip zvrnen ringet. deſ ſele vnſamfte dinget. ſwie chivſche er ſi. vn̄t wære. deſ weiz ich wariv mære. Sich begoz deſ landeſ froͮwe. mit ir herzen iamerſ toͮwe. ir oͮgen regenden v̂f den knabn. ſi chvnde wibeſ triwe habn. beidiv ſv̂fzen vn̄t lachen. chvnde ir mvnt vil wol gemachen. ſi vrevte ſich ir ſvnſ gebvrt. ir ſchimph ertranch in riwen fvrt. Swer nv wiben ſprichet baz. deiſwar daz laz ich ane haz. ich vrieſche gerne ir freͮde brêit. wan einer bin ich vnberêit. dienſtlicher triwe. min zorn iſt immer niwe. gein ir ſit ich ſie an wanche ſach. ich bin Volfram von Eſchenbach. Wolfram von Eſchenbach vn̄t chan ein teil mit ſange. vn̄t bin ein habendiv zange. minen zorn gein einem wibe. div hat mime lîbe. erbotn ſolhe miſſetat. ine han ſi hazzenſ cheinen rat. dar vmbe hant min die andern haz. owe warvmbe tvͦnt ſi daz. al ein ſi mir ir hazzen lêit. ez iſt idoch ir wiphêit. Sit ich mich verſprochen han. vn̄t an mir ſelbn miſſetan. daz lihte nimmer mer geſchiht. idoch enſvln ſi ſich vergahen niht. mit hvrte an min hamit. ſi vindent werlichen ſtrit. Jne han deſ niht vergezzen. ine chvnne wol gemezzen. beide ir gebære vnt ir ſite. ſwelhem wibe volget chivſche mite. der lobs chemphe wil ich ſin. mir iſt von herzen leit ir pin. Ein lop hinchet ame ſpat. ſwer allen froͮwen ſprichet mat. dvrch ſin eineſ froͮwen. ſwelhiv min reht wil ſchoͮwen. beidiv ſehen vnd hôren. diene ſol ich niht betôren. ſchildeſ ambt iſt min art. ſwa min ellen ſi geſpart. ſwelhiv mich minnet vmbe ſanch. ſo dvnchet mich ir witze chranch. Ob ich gvͦteſ wibeſ minne ger. mag ich mit ſchilde vn̄t oͮch mit ſper. verdienen niht ir minne ſolt. al dar nach ſi ſie mir holt. vil hoheſ topelſ er doch ſpilt. der an ritt̉erſchaft nach minnen zilt. Hetenz wip niht fvr ein ſmeichen. ich ſolt iv fvrbaz reichen. an diſem mære vnchvndiv wort. ich ſpreche iv daventivre vort. Swer deſ von mir gervͦche. der enzel ſi zecheinen bvͦche. ine chan decheinen bvͦchſtap. da nement genvͦge ir vrhap. diſiv aventivre. vert ane der bvͦche ſtivre. ê man ſi hete fvr ein bvͦch. ich wære ê nachet ane tvͦch. ſo ich in dem bade ſæze. ob ich deſ queſten niht vergæze. Ez machet trvrich mir den lip. daz alſo mængiv heizet wip. ir ſtimme ſint geliche hel. genvͦge ſint gein valſche ſnel. etſliche valſcheſ lære. ſvs teilent ſich div mære. daz die geliche ſint genamt. deſ hat min herze ſich geſchamt. Wipheit din ordenlicher ſite. dem vert vn̄t fvͦr ie triwe mite. gnvͦge ſprechent armvͦt. daz div *ſîe zenihte gvͦt. ſwer die dvrch triwe lîdet. helle fiwer die ſele nîdet. die dolte ein wip dvrch triwe. deſ wart ir gabe niwe. zehimel mit endeloſer gebe. ich ir nv vil wenich lebe. die ivnch der erden ~~rihtvͦm~~richtvͦm. liezen dvrch deſ himeleſ rvͦm. Jch erchenne ir nehein. man vn̄t wip mir ſint al ein. die midenſ al geliche. froͮ Herzeloyde div riche. ir drier lande wart ein gaſt. ſi trvͦch der frevden mangelſ laſt. der valſch an ir ſo gar verswant. oͮge noch ore in nie da vant. ein nebel waſ ir div ſvnne. ſi vloch der werelde wnne. Werelde. Welte ir waſ geliche naht vnt der tach. ir herze niht iamerſ phalch. Sich zoch div froͮwe iamerſ balt. v̂z ir lande in einen walt. zerwaſt*zerwaſte in ſoltane. ni*niht dvrch blvͦmen v̂f die plane. ir herzen iamer waſ ſo ganz. ſine chêrte ſich an cheinen chranz. er wære rot odr val. ſi brahte dar dvrch flvhſal. deſ werdn Gahmvretes ~~kin.~~kint. livte die bi ir da ſint. mvͤzen buwen vn̄t rivten. ſi chvnde wol getrivten. ir ſvn ê daz ſich der verſan. ir volch ſi gar fvr ſich gewan. ez wære man odr wip. den gebot ſi allen an den lip. daz ſi immer rittrſ wrden lv̂t. wan frieſche daz minſ herzen trv̂t. welch ritterſ leben wære. daz wrde mir vil ſwære. nv habt ivch an der wizze chraft. vnd helt in alle riterſchaft. Der ſite fvr angeſtliche vart. der knappe alſvs geborgen wart. zerwaſte inſoltane erzogn. an chvneclicher fvͦre betrogn. ez enmohte an eime ſite ſin. bogen vn̄t loͤlzelin. die ſneit er mit ſin ſelbeſ hant. vn̄t ſchoz vil vogele die er vant. Swenne abr er den vogel erſchoz. deſ ſchal von ſange e*e waſ ſo groz. ſo weinde er vnd roͮfte ſich. an ſin har chert er gerich. ſin lip waſ clar vn̄t fier. v̂f dem plan ame rivîer. twͦger ſich alle morgen. erne chvnde niht geſorgen. ez enwære ob im der vogel ſanch. div ſvͤze in ſin herze dranch. daz erſtrachte im ſiniv prvſtelin. al weinende er lief zer kvnegin. So ſparach ſi. wer hat dir getan. dv wære hin v̂z v̂f den plan. ern chvnde ir geſagen niht. alſ chinden lihte noch geſchiht. Dem mære giench ſi lange nach. einſ tageſ ſi in chapfen ſach. v̂f die boͮme nach der vogele ſchal. ſi wart wol innen daz zeſwal. von der ſtimme ir chindeſ brvſt. deſ twanch ir art vn̄t ſin gelvſt. froͮ Herzeloyde chert ir haz. an die vogele ſine weſſe vmb waz. ſi wolt ir ſchal verchenchen. ir bvͦlivte vn̄t ir enchen. die hiez ſi vaſte gahen. vogele wrgen vnd vahen. vogele waren baz geriten. etſlicheſ ſterben wart vermiten. der beleip da lebendich. ein teil. die ſit mit ſange wrden geil. xer knappe ſparach zer kvnegin. waz wizet man den vogelin. er gert in frideſ ſa zeſtvnt. ſin mvͦtr chvst in an den mvnt. Div ſparach. weſ wende ich ſin gebot. der doch iſt der hoͤhſte got. ſvlen vogele dvrch mich frevde lan. der knappe ſparach zermvͦtr ſan. owe mvͦtr waſ iſt got. ſvn ich ſage dirz ane ſpot. er iſt noch liehtr denne der tach. der antlvzeſ ſich bewach. nach menniſchen antlvzze. ſv merche eine witze. vn̄t flehe in vmb dine not. ſin triwe der werlde ie helfe bot. So heizet einer der helle wirt. der iſt ſwarz. vntriwe in niht verbirt. von dem chere dine gedanche. vn̄t oͮch von zwivelſ wanche. Sin mvͦtr vnderſchiet im gar. daz vinſtr vnt daz lieht gevar. dar nach ſin ſnelheit verre ſpranch. er lernte den Gabylotſ ſwanch. da mit er manegn hirz erſchoz. deſ ſin mvͦtr vn̄t ir volch genoz. ez wære æber odr ſnê. dem wilde tet ſin ſchiezen wê. nv hoͤret fremdiv mære. ſwenne er ſchoz daz ſwære. deſ wære ein mv̂l geladen gnvͦch. alſ vnzerworht hin heim erz trvͦch. Eineſ tageſ gie er den weide ganch. an einer halden div waſ lanch. er brach dvrch blateſ ſtimme ein zwich. da nahen bi im gie ein ſtich. da ~~horer~~horter ſchal von hvͦfſlegen. ſin gabylot begvndr wegen. do ſparach er waz han ich vernomn. wan wolt et nv der tivuel chomn. mit grimme zornecliche. den beſtvͤnde ich ſicherliche. min mvͦtr freiſen von im ſagt. ich wæne ir ellen ſî verzagt. Alſvſ ſtvͦnt er in ſtriteſ ger. nv ſeht dort chom geſchvft her. rittr nach wnſche var. von fvͦz v̂f gewapent gar. der kappe wande ſvndr ſpot. daz ieſlicher wære ein got. Do ſtvͦnt oͮch er niht langer hîe. in daz phat viel er v̂f ſiniv chnîe. lvte rief der knappe ſan. hilf got dv maht wol helfe han. der vordr zorneſ ſich bewach. do der knappe ime phade lach. dirre toͤrſche waleiſe. vnſich wendet gaher reiſe. ein priſ den wir beier tragn. mvͦz ich von waleiſen ſagn. die ſint toͤrſcher denne beierſc her. vn̄t doch bi manlicher wer. ſwer inden zwein landen wirt. gefvͦge ein wndr an im birt. Do chom geleiſchieret. vn̄t wol gezimieret. ein rittr dem waſ harte gach. er reit in ſtriteclichen nach. di verre waren von im chomn. zwene ritter hetten im genomn. eine ivnchfroͮwen in ſime lande. den helt ez dvhte ſchande. in mvͤte der ivnchfroͮwen leit. div iæmerliche vor in reit. diſe dri waren ſine man. er reit ein ſchoͤne kaſtelan. ſineſ ſchildeſ waſ vil wenich ganz. er hiez ~~karnahkar*anz~~karnahkarnanz. Lahcons vlterlech. er ſparach wer irret vnſ den wech. ſvs fvͦr er zvͦme knappen ſan. den dvht er alſ ein got getan. eren hete ſo liͤhteſ niht erchant. vͦfem toͮwe der wapenroch erwant. mit gvldinen ſchellen chleine. vor iewederm beine. waren die ſtegreife erchlenget. vn̄t zerehter maze erlenget. ſin zeſwer arm von ſchellen chlanch. ſwar er den bot odr ſwanch. der waſ dvrch ſwertſlege ſo hel. der helt waſ gein priſe ſnel. ſuſſ fvͦr der fvrſte riche. gezimieret wnnecliche. Aller manne ſchoͤne ein blvͦmen chranz. den vragete karnahkarnanz. Jvnch herre ſahet ir fvr ivch varn. zwene rittr die ſih niht bewarn. chvnnen. an ritt̉erlicher zvnft. ſi ringēnt mit der not nvnft. vn̄t ſint an werdecheit verzagt. ſi fvͤrent roͮbeſ eine magt. Der knappe wande ſwaz er ſparach. ez wære got alſ im veriach. froͮ Herzeloyde div kvnegin. do ſi im vndrſchiet den lihten ſchin. do rief er lvte ſvndr ſpot. nv hilf mir hilfe richer got. vil diche viel an ſin gebet. fîllii roy Gahmvret. der fvrſte ſparach ich pin niht got. ich leiſte abr gerne ſin gebot. dv maht hie vier ritter ſehn. ob dv zerehte chvndeſt ſpehn. Der knappe vragete fvrbaz. dv nenneſt rittr waz iſt daz. haſtv niht gotlicher chraft. ſo ſage mir wer git rittrſchaft. daz tvͦt der kvnec Artvs. ivncherre chomt ir in deſ hvs. der bringet ivch an rittrſ namn. daz irſ ivch nimmer dvrfet ſchamn. ir mvgt wol ſin von rittrſ art. von den helden er geſchoͮwet wart. Do lach div goteſ gvnſt an im. von der aventivre ich daz nim. div mich mit warheit deſ beſchiet. nie manneſ varwe baz geriet. vor im ſit Adames zit. deſ wart ſin lop von wiben wit. Aber ſparach der knappe ſan. da von ein lachen wart getan. aẏ ritter got waz mahtv ſin. dv haſt ſuſſ manech vingerlin. an dinen lip gebvnden. dort oben vnt hie vnden. alda begreif deſ knappen hant. ſwaz er yſerſ ame fvrſten vant. dez harnaſch begvnde er ſchoͮwen. miner mvͦtr ivnchfroͮwen. ir vingerlin an ſnvͤren tragnt. die niht ſvſ an ein andr ragnt. Der knappe ſparach dvrch ſinen mvͦt. zem fvrsſtn. war zvͦ iſt diz gvͦt. daz dich ſo wol chan ſchichen. ine mageſ niht ab gezwichen. der fvrſte im zeigete ſa ſin ſwert. nv ſich ſwer an mich ſtriteſ gert. deſ ſelbn wer ich mich mit ſlegn. fvr die ſine mvͦz ich an mich legn. vn̄t fv̂r den ſchvz vn̄t fv̂f den ſtich. mvͦz ich alſvſ wapen mich. Aber ſparach der knappe ſnel. ob die hirze trvͤgen ſvſ ir vel. ſone v̉erwnt ir niht min gabylot. der vellet manger von mir tot. Die ritter zvrendn daz er hielt. bi dem knappen der vil tvmpheite wielt. der fvrſte ſparach got hvͤte din. owi wan wære din ſchoͤne min. dir hete got den wnſch gegebn. ob dv mit witzen ſoldeſt leben. div goteſ chraft dir virre leit. die ſine vn̄t oͮch er ſelbe reit. vn̄t gæhten harte balde. zeinem velde indem walde. da vant der gefvͤge. froͮ Herzeloyden phvͤge. ir volche leidr nie geſchach. die er balde eren ſach. ſi begvnden ſæn dar nach egen. ob ſtarchen ohſen wegn. Der fvrſte in gvͦten morgen bot. vn̄t vragete ob ſi ſæhen not. eine ivnchfroͮwen liden. ſine chvnden niht vermiden. ſweſ er vragete daz wart geſagt. zwene rittr vn̄t ein magt. da ritten hivte morgn. div froͮwe fvͦr mit ſorgn. mit ſporn ſi vaſte rvͦrten. di die ivnchfroͮwen fvͦrten. Ez waſ Meliakanz. den ergahte karnachkarnanz. mit ſtrite er im die froͮwen nam. div waſ da vor anfreͮden lam. ſi hiez Imâne. von der Beafontâne. Die bvͦlîvte verzageten. do die helde fvr ſie iageten. ſi ſparachen. wie iſt vnſ ſvs geſchehen. hat vnſer ivncherre erſehen. an diſen rittern helme ſcart. ſone han wir vnſ niht wol bewart. wir ſvlen der kvneginne haz. von ſchvlden hoͤren vmb daz. wand er mit vnſ da her lief. hivte morgen do ſi dannoch ſlief. Der knappe enrvͦchte oͮch wer do ſchoz. die hirze cleine vnd groz. er hvͦp ſich gein der mvͦtr widr. vn̄t ſagt ir mære do viel ſi nidr. ſiner worte ſi ſo ſere erſcrach. daz ſi vnverſvnnen vor im lach. Do div kvneginne. widr chom zir ſinne. ſwie ſi da vor wære verzagt. do ſparach ſi ſvn wer hat geſagt. dir von ritterſ orden. wa biſt dvſ innen worden. Mvͦtr ich ſach vier man. noch liehter danne got getan. die ſagetn mir von ritterſchaft. Artvſ kvnechlichiv chraft. ſol mich nach ritterſ eren. an ſchildeſ ambt cheren. Sich hvͦp ein niwer iamer hie. div froͮwe enweſte rehte wie. daz ſi ir den liſt erdæhte. vn̄t in von dem willen bræhte. DeR knappe tvmp vn̄t wert. îeſch von der mvͦtr diche ein pfert. daz begvnde ſi in ir herzen chlagn. ſi dahte. ine wil im niht verſagn. ez mvͦz abr vil boͤſe ſin. do gedahte mer div kvnegin. der livte vil bi ſpotte ſint. toren cleidr ſol min kint. ob ſime liͤhten libe tragn. wirt er geroͮfet vnt geſlagn. ſo chvmt er mir her widr wol. owe der iæmerlichen dol. Div froͮwe nam ein ſach tvͦch. ſi ſneit im hemde vn̄t brvͦch. daz doch an eime ſtvche erſchein. vnz enmitten an ſin blancheſ bein. daz wart fvr toren cleit erchant. ~~ein~~eine gvgelen man obene drvfe vant. al friſch rv̂ch chelberin. von einer hv̂te zwei ribbalin. nach ſinen beinen wart geſnitn. da wart groz iamer niht vermitn. Div kvnegin waſ alſo bedaht. ſi*ſi bat beliben in die naht. dvne ſolt niht hinnen cheren. ich wil dich liſte leren. an vngebanten ſtrazen. ſoltv tvnchel fvrte lazen. die ſîhte vnd lvter ſin. da ſolt dv al balde riten in. du ſolt dich ſite nieten. der werelde grvͤzen bieten. Ob dich ein gra wiſe man. zvht wil leren alſ er wol chan. dem ſoltv gerne volgen. vn̄t wiſ im niht erbolgen. Svn la dir bevolhen ſin. ſwa dv gvͦteſ wibeſ vingerlin. mvgeſt erwerben vnt ir ~~gervͦz~~grvͦz. daz nim. ez tvͦt dir chvmberſ bvͦz. dv ſolt zir chvſſe gahen. vn̄t ir lip vaſte vmbevahen. daz git gelvche vnd hohen mvͦt. ob ſi chivſche iſt vn̄t gvͦt. Du ſolt oͮch wizzen ſvn min. der ſtolze chvͤne læhelin. dinen fvrſten ab ervaht zwei lant. die ſolten dienen diner hant. Waleis vnd Norgâls. ein din fvrſte Tvrkentâls. den tot von ſiner hende enphiench. din volch er ſlvͦch vn̄t viench. diz rich ich mvͦter rvͦchteſ got. in verwndet noch min gabylot. Des morgenſ do der tag erſchein. der knappe balde wart ein. im waſ gegen Artvſe gach. froͮ Herzeloyde in chvſte vn̄t lief im nach. der werelde riwe al geſchach. do ſi ir ſvn niht langer ſach. der reit enwech wem iſt deſte baz. da viel div froͮwe valſcheſ laz. v̂f die erde al da ſî iamer ſnêit. ſo daz ſi ein ſterben niht vermêit. ir vil getrivlicher tot. der froͮwen wert die helle not. Owol ſî daz ſi mvͦter wart. ſuſ fvͦr div loneſ bernde vart. ein wrcel der gvͤte. vn̄t ein ſtem der diemvͤte. owe daz wir nv niht enhan. ir ſippe vnz an den elften ſpan. deſ wirt gevelſchet manech lip. doch ſolten nv getriwiv wip. heileſ wnſchen diſem knabn. der ſich hie von ir hat erhabn. Do reit der knabe wolgetan. gin dem foreſt in Prizlian. er chom an einen bach geritn. din hete ein han wol vberſchritn. ſwie da ſtvͦnden blvͦmn vn̄t gras. dvrch daz ſin flvz ſo tvnchel was. der knappe den fvrt dar an vermêit. den tag er gar dernebn rêit. alſ ez ſinen witzen tohte. er beleip die naht ſwi er mohte. vnz im der liehte tag erſchein der knappe ſich dan al ein. hvͦp zeime fvrte lvter wolgetan. da waſ andrhalp der plan. mit eime gezelt geheret. groz richeit dran gecheret. von drier varwe ſamit. ez waſ hoh vnd wit. v̂f den neten lagen porten gvͦt. da hiench ein liderin hvͦt. den man drvber ziehen ſolte. immer ſwenne ez regenen wolte. Der herzoge Orilvſ de lalânder. deſ wip dort vnde vander. ligende minnecliche. div herzoginne riche. geliche eime riterſ trv̂te. ſi hiez Jeſchvte. Div froͮwe waſ entſlafen. ſi trvͦch der minne wafen. einen mvnt dvrch livhtich rot. vn̄t gerndeſ ritterſ herzen not. innen deſ div froͮwe ſlief. der mvnt ir von ein andr lief. der trvͦch der minne hizze fiwer. ſvſ lach deſ wnſcheſ aventiwer. von ſne wizem beine. nahe bi ein andr cleine. ſvs ſtvͦnden ir die liehten zene. ich wæne mich imen chvſſenſ wene. an einen ſvſſ gelobten mvnt. daz iſt mir ſelten worden chvnt. ir dechelachen zobelin. erwant an ir hvffelin. daz ſi dvrch hizze von ir ſtiez. da ſi der al eine liez. ſi waſ geſchichet vnt geſniten. an ir waſ chvnſt niht vermiten. got ſelbe worht ir ſvͤzen lip. oͮch hete daz minne chliche wip. langen arm vnd blanche hant. der knappe ein vingerlin da vant. daz in gein dem bette twanch. do er mit der herzoginne ranch. do daht er an die mvͦtr ſin. div riet an wibeſ vingerlin. oͮch ſparanch der knappe wolgetan. von dem teppiche an daz bette ſan. Div ſvͤze chivſche vnſamfte erſcrach. do der knappe an ir arme lach. ſi mvͦſt idoch erwachen. mit ſchame alſvndr lachen. div froͮwe zvht geleret. ſparach wer hat mich enteret. ivncherre eſ iſt iv gar zevil. ir mohtet iv nemen andr zil. div froͮwe lvte chlagete. ern rvͦchte waz ſi ſagete. ir mvnt er an den ſinen twanch. da nach waſ do niht zelanch. ê er drvhte an ſich die herzogin. vn̄t nam ir oͮch ein vingerlin. an ir hemde ein fvrſpan er da ſach. vngefvͦge erz dannen brach. div froͮwe waſ mit wibeſ wer. ir waſ ſin chraft ein ganzeſ her. doch wart da ringenſ vil getan. Der chnappe chlagete den hvnger ſan. div froͮwe waſ ir liebeſ liht. ſi ſparach ir ſvlt min ezzen niht. wært ir zefrvmen wiſe. ir næmet iv andr ſpiſe. dort ſtet brot vnd win. vn̄t oͮch zwei pardriſekin. alſſ ein ivnchfroͮwe brahte. divſ wenech iv gedahte. Ern rvͦchte wa div wirtin ſaz. einen gvͦten chropf er az. dar nach er ſwære trvnche tranch. die froͮwen dvhte gar zelanch. ſineſ weſenſ in dem Poͮlvn. ſi wande er wære ein garzvͦn. geſcheiden von den wizzen. ir ſcham begvnde ſwizzen. idoch ſparach div herzogin. ivncherre ir ſvlt min vingerlin. hie lazen vnt min fvrſpan. hebt ivch enwech wan chvmt min man. ir mvͤzet zvrnen lîden. daz ir gerner mohtet mîden. Do ſparach der knappe wol geborn. owe waz fvrht ich iwerſ manneſ zorn. wan ſchadet ez iv an eren. ſo wil ich hinnen cheren. do gienger zvͦ dem bette ſan. ein andr chvſſ da wart getan. daz waſ der herzoginne lêit. der knappe an vrloͮp dannen rêit. idoch ſparach er got hvͤte din. alſvſſ riet mir div mvͦtr min. Der knappe deſ roͮbeſ waſ gemeit. do er eine wile von dan gereit. wol nach gein der mile. zil. do chom von dem ich ſprechen wil. der ſpvrte an dem toͮwe. daz geſvͦchet waſ ſin froͮwe. der ſnvͤre ein teil waſ v̂z getret. da hete ein knappe daz graſ gewet. IeR fvrſte wert vnt erchant. ſin wip dort vn̄t al trvrich vant. do ſparach der ſtolze Ôrilvs. owe froͮwe wie han ich ſvs. min dieneſt gein iv gewendet. mir iſt nach laſter gendet. manech riterlicher pris. ir habt ein andr amis. Mit wazzer richen oͮgen. div froͮwe bot ir loͮgen. ſo daz ſi vnſchvldich wære. ern geloͮbte niht ir mære. idoch ſparach ſi mit forte ſiten. da chom ein tore her zvͦ geriten. ſwaz ich livte erchennet han. ine geſach nie lip ſo wolgetan. min fvrſpan vn̄t ein vingerlin. daz nam er âne den willen min. Hey ſin lip iv wol gevellet. ir habt iv zim geſellet. do ſparach ſi. nvne welle got. ſiniv ribbalin ſin gabilot. waren mir doch zenahen. div rede iv ſolte ſmahen. fvrſtinne ez vbele zæme. ob ſi da minne næme. Aber ſparach der fvrſte ſan. froͮwe ine han iv niht getan. iren welt ivch einer ſite ſchamn. ir liezet kvnneginne namn. vn̄t hiezet dvrh mich ein herzogin. der choͮf git mir vngewin. xin manheit iſt doch ſo qwech daz iwer brvͦder Erech. min ſwager fillii roy lach. ivch wol dar vmbe hazzen mach. mich erchennet idoch der wiſe. an ſo bewantem priſe. der nindr mach entæret ſin. wan daz er mich vorPrvrin. mit ſiner tioſt valte. an im ich ſit bezalte. hohen priſ vor karnant. zerehter tioſt ſtach in min hant. hinderz orſ dvrh fianze. dvrch ſin ſchilt mit lanze. iwer chleinode brahte. vil wenich ich do gedahte. iwerr minne einem anderm trvͦte. min froͮwe Jeſcvͦte. froͮwe ir ſult geloͮben deſ. daz der ſtolze Gâloeſ. fillii roy Gândin. tot lach von der tioſte min. Jr hielt oͮch da nahen bi. da Plihopliherî. gein mir dvrch tivſtiͤren reit. vn̄t mich ſin ſtriten niht vermêit. min tioſte in hinderz orſ verſwanch. daz in der ſatel ninder dranch. ich han diche priſ bezalt. vn̄t manegen rittr ab gevalt. deſ enmoht ich nv geniezen niht. ein hohez laſter mir deſ giht. Si hazzent mich beſvndr. die von der tavelrvndr. der ich ~~ehte~~æhte nider ſtach. da ez manech wert ivnchfroͮwe ſach. vmbe den ſpærwære ze kanedich. ich behielt iv priſ vn̄t mir den ſich. daz ſahet ir *ntvnt Artv̂s. der mine ſweſtr hat ze hv̂s. die ſvͤzen Cvnnewaren. ir mvnt chan niht gebaren. mit lachen ê ſi den geſiht. dem man deſ hohſten priſes giht. wan choͤme mir doch der ſelbe man. ſo wrde ein ſtriten hie getan. alſ hivte morgen do ich ſtrêit. vn̄t eime fvrſten frvmte lêit. der mir ſin tivſtiͤren bot. von miner tioſte lager tot. Jch enwil iv niht von zorne ſagen. daz manger hat ſin wip geſlagen. vmb ir chrencher ſchvlde. het ich dieneſt odr hvlde. daz ich iv ſolte bieten. ir mvͦſt ivch mangelſ nieten. ich enſol niht me erwarmen. an iwerem blanchen armen. da ich etſwenne dvrh minne lach. manegen wnneclichen tach. ich ſol velwen iweren roten mvnt. vn̄t iwern oͮgen machen roͤte chvnt. ich ſol iv froͮde enteren. vn̄t iwer herze ſivften leren. Div fvrſtin an den fvrſten ſach. ir mvnt do iæmerlichen ſparach. nv eret an mir ritterſ pris. ir ſit getriwe vn̄t wis. vn̄t oͮch wol ſo gewaldich min. ir mvget mir gebn hohen pin. ir ſvlt ê min gerihte nemn. dvrch elliv wip lat ivch gezemn. ir mvgt mir dannoch fvͤgen not. læge ich von andern handen tot. daz iv niht priſ genêicht*genêichte. ſwie ſchiere ich denne vêichte. daz wære mir ein ſvͤziv zit. ſit iwer hazzen an mir lit. Aber ſparach der fvrſte mêre. froͮwe ir wæret mir gar ze hêre. deſ ſol ich an iv mazzen. geſelleſchaft wirt lazen. mit trinchen vn̄t mit ez*ezzen. bî ligenſ wirt vergezzen. ir enphahet mer dehein gewant. wan alſ ich ivch ſizzent vant. iwer zoͮm mvͦz ſin ein pæſtin ſeil. iwer phert beiagt wol hvngerſ teil. iwer ſatel wol gezieret. der wirt enſchvmphieret. Vil balde er zarte vn̄t brach. den ſamit drab do daz geſchach. er zerſlvͦch den ſatel da ſi inne rêit. ir chivſche vn̄t ir wiphêit. Sin hazzen liden mvͦſten. mit bæſtinen bvͦſten. bant ern aber widr zvͦ. ir chom ſin hazzen al zefrvͦ. Do ſparach er an den ziten. froͮwe nv ſvlen wir riten. choͤme ich an deſ wrde ich geil. der hie nam iwerre minne teil. ich beſtvͤnde in doch dvrch aventivr. ob ſin atem gæbe fivr. alſ eineſ wilden trachen. Al weinende ſvndr lachen. div froͮwe waſ iamerſ riche. ſchiet dannen trvrechliche. ſî nemvͤte niht ſwaz ir geſchach. wan ir manneſ vngemach. deſ trvren gap ir groze not. daz ſi noch ſampfter wære tot. Nv ſvlt ir ſi dvrch triwe chlagn. ſi beginnet nv hoher chvmbr tragn. wære mir aller wibe haz bereite. mich mvͤte doch ~~fr*n~~froͮn Jeſchvten leit. Svſ riten ſi v̂f der ſla hin nach. dem knappen vor in. oͮch waſ vil gach. doch weſſe der vnverzagete. niht daz man in iagete. wan ſwenne ſin oͮgen ſahen. ſo er dem begvnde nahen. den grvͦzte der knappe gvͦter. vn̄t iach ſvs riet mir min mvͦter. Svs chom vnſer toͤrſcher chnabe. geriten enine halden abe. wibeſ ſtimme er horte. vor eineſ velſes orte. ein froͮwe v̂z rehtem iam̉er ſchrei. ir waſ div ware freͮde enzwei. der knappe reit ir balde zvͦ. nv hoͤret waz div froͮwe tvͦ. da brach froͮ Sigv̂ne. ir langen zoͤpfe brv̂ne. vor iamer v̂z ir ſwarten. der knappe begvnde warten. Scianatvlandr. den fvrſten tot da vandr. der ivnchfroͮwen tot in ir ſchoz. aller ſchimphe ſî verdroz. Er ſi trvrich odr frevden var. die bat min mvͦtr grvͤzen gar. got halde ivch ſparach deſ knappen mvnt. ich han hie iæmerlichen fvnt. in iwerm ſchoze fvnden. wer gap iv den rittr wnden. geſchahez mit eime gabylot. mich dvnchet froͮwe er lige tot. welt ir mir da von iht ſagn. wer iv den man habe erſlagn. ob ich in mag erriten. ich wil gerne mit im ſtriten. Do greif der knappe mære. zvͦ ſime chochære. vil ſcharphiv gabẏlot er vant. er fvͦrt oͮch dannoch beidiv phant. div er von Jeſchvten brach. vn̄t ein tvmpheit da geſchach. het er gelernet ſines vatr ſite. die werdechliche im wonten mite. div bvkel wære gehvrt baz. da div herzoginne al eine ſaz. div ſit vil chvmberſ dvrch in leit. mer danne ein ganzez iar ſi meit. grvͦz von ir manneſ libe. vnrehte geſchach dem wibe. Hort oͮch von Sigvnen ſagn. div chvnde ir leit mit iamer chlagn. ſi ſparach zem knappen dv haſt ~~tvgn.~~tvgnt. gêret ſi din ſvͤziv ivgent. vn̄t din antlvzze minnechlich. deiſwar dv wirſt noch ſælden rich. diſen rittr meit daz gabylot. er lach ze tivſtieren tot. E ſi den knappen riten lieze. ſi vragete in wie er hieze. vn̄t iach er trvͤge den goteſ vliz. bon fiz iera fiz beafiz. alſvſ hat mich genennet. der mich da heime erchennet. xoDo div rede waſ getan. ſi erchant in bi dem namn ſan. nv hort in rehter nennen. daz in wol mvget erchennen. wer dirre Aventivre herre ſî. der hielt der ivnchfroͮwen bî. ir roter mvnt ſparach ſvndr twal. deiſwar dv heizeſt Parzival. der nam ir rehte mitten dvrch. groz liebe ir ſolhe herzen fvrch. mit diner mvͦtr triwe. din vatr liez ir riwe. ich engihe dirſ niht zervͦme. din mvͦtr iſt min mvͦme. vn̄t ſag dir ſvndr valſchen liſt. die rehten warheit wer dv biſt. Din vatr waſ ein Anſcevin. ein Waleis von der mvͦtr din. biſtv geborn von kanvoleiz. die rehten warheit ich deſ weiz. dv biſt oͮch chvn*chvnech ze Norgals. in der hoͮpt ſtat ze kingrivals. ſol din hoͮbet chrone tragen. dirre fvrſte wart ~~dvch~~dvrch dich erſlagen. wand er din lant îe werte. ſine triwe er nie verſcherte. ~~Jvch~~Jvnch vlætich ſvͤzer man. die gebrvͦder hant dir vil getan. zwei lant nam dir læhelin. diſen rittr vn̄t den vater din. ze tivſtieren ſlvͦch Ôrilvs. der liez oͮch mich in iamer ſvs. DiR diende an alle ſchande. dirre fvrſte von dime lande. do zoch min din mvͦter. lieber neve gvͦter. nv waz diſiv mære ſin. ein brachen ſeil gap im dem pin. in vnſer zweier dienſte den tot. hat er beiagt vn̄t iamerſ not. mir nach ſiner minne. ich hete chranche ſinne. daz ich im niht minne gap. deſ hat der ſorgen vrhap. mir freͮde verſchroten. nv minne ich in alſo toten. Do ſparach er niftel mir iſt lêit. din chvmber vn̄t min laſter brêit. ſwenne ich daz mac gerechen. daz wil ich gerne zechen. Do waſ im gein dem ſtrite gach. ſi wiſte in vnrehte nach. ſi vorhte daz er den lip verlvr. vn̄t daz ſi grozen ſchaden chvr. eine ſtraze er do geviͤnch. div gein den bertenoyſen giench. div waſ ge eſtrichet vn̄t breit. ſwer im widr giench odr wider rêit. ez wære rittr odr choͮfman. die ſelben grvͦzter alle ſan. vn̄t iach daz wære ſiner mvͦtr rât. div gaben oͮch ane miſſetat. der abent begvnde nahen. groz mvͤde gein im gahen. Do erſach der tvmpheit gnoz. ein hvſ zegvͦter maze groz. da waſ inne ein arger *wirt. alſ noch v̂f vngeſlæhte birt. daz waſ ein viſchære. vn̄t aller gvͤte lære. den chnappen hvnger lerte. daz er dergein cherte. vn̄t chlagete dem wirte hvngerſ not. der ſparach ine gæbe iv ein halbez brot. niht zedrizech iaren. ſwer miner milte varen. vergebn wil der ſvmet ſich. ine ſorge vmb niemn danne vmb mich. dar nach vmb miniv kindelin. ir enchomt talanch da her in. het ir phenninge odr phant. ich behielt ivch al zehant. Do bot im der knappe ſan. froͮn Jeſcvten fvrſpan. do ez der vilan erſach. ſin mvnt do lachete vn̄t ſparach wiltv beliben liebez kint. dich erent alle die hinne ſint. wiltv mich hinte wol ſpiſen. vn̄t morgen rehte wiſen. gein Artvſe dem bin ich holt. ſo mach beliben dir daz golt Diz tvͦn ich ſprach der vilan. ine geſach nie lip ſo wolgetan. ich pringe dich dvrch wnder. fvr deſ kvnegeſ tavelrvnder. ~~xie~~Die naht beleip der knappe da. man ſah in ſmorgenſ andrſwa. deſ tageſ er chvme erbêite. der wirt oͮch ſich berêite. vn̄t lief im vor. der knappe nach. reit. do waſ in beiden gach. Min her Hartman von Oͮwe. vn̄t froͮ Ginover iwer froͮwe. vn̄t iwer herre der kvnec Artvs. den chvmt ein min gaſt ze hvs. bitt hvͤten ſin vor ſpotte. ern iſt gige noch div rotte. ſi ſvlen ein andr gampel nemn. deſ lazen ſich dvrch zvht gezemn. Andrſ iwer froͮ Enîde. vnt ir mvͦter karſnafîde. werdent dvrch die mvͤl gezvchet. vn̄t ir lop gebvchet. ſol ich den mvnt mit ſpotte zern. ich wil minen frivnt mit ſpotte vern. Do chom der viſchære. vn̄t oͮch der knappe mære. einer hoͮptſtat ſo nahen. al da ſi Nantes ſahen. do ſparach er. kint got hvͤte din. nv ſich. dort ſoltv riten in. Do ſparach der knappe an wizzen laz. dv ſolt mich wiſen fvrbaz. wie wol min lip daz bewart. div mæſſenie iſt al ſoͤlher art. genæhete ir immer vilan. daz wære vil ſere miſſetan. DeR knappe al eine fvrbaz rêit. v̂f einen plan niht zebrêit. der ſtvͦnt von blvͦmen lieht gemal. in zoch dehein Cvrvenal. er chvnde kvrtoſîe niht. alſ vngevarnen man geſciht. ſin zoͮm der waſ pæſtin. vn̄t harte chranch ſin phærdelin. daz tet von ſtrvchen manegen val. oͮch waſ ſin ſattel vber al. vnbeſlagen mit niwen ledern. ſamit hærmine*hærminer vedern. man da vil lvzzel an im ſiht. ern bedorfte der mantel ſnvͤre niht. fvr ſvkenîe vnd fvr ſvrkot. da fvr nam er ſin gabylot. deſ ſite man gein priſe maz. ſin vatr waſ gecleidet baz. vͦfem teppiche vor kanvoleiz. der geliez nie vorthlichen ſweiz. Jm chom ein rittr widr riten. den gervͦzter nach ſinen ſiten. got hald ivch riet min mvͦtr mir. ivncherre got lone iv vn̄t ir. ſparach Artvs baſen ſvn. den zoch Vtepandragvn. oͮch ſparach der ſelbe wigant. êrbeſchaft ce Bertane v̂f daz lant. ez waſ Ŷther von Gaheviez. den roten riter man in hiez. Sin harnaſc waſ gar ſo rot. daz ez den oͮgen roͤte bot. ſin orſ waſ rot vn̄t ſnel. al rot waſ ſin gvgrel. rot ſamit waſ ſin covertîvre. ſin ſchilt noch roͤter danne ein fîvre. al rot waſ ſin kvrſit. vn̄t wol an in geſniten wit. rot waſ ſin ſchaft. rot waſ ſin ſper. al rot nach deſ heldeſ ger. Waſ im ſin ſwert *geroͤtet. *Nach der ſcerpfe idoch geloͤtet. Der kvnec von Chvchv̂merl*Chvchv̂merlant. al rot von golde v̂f ſiner hant. ſtvͦnt ein ~~koff~~kopf vil wol ergrabn. ob tavelrvnde v̂f erhabn. blanch waſ ſin vel rot waſ ſin har. der ſparach zv*zem knappen ſvndr var. gêert ſi din ſvͤzer lip. dich braht zerwerelde ein reine wip. owol der mvͦtr div dich gebar. ine geſach nie lip ſo wol gevar. dv biſt der waren minne blich. ir ſcvmphentiwr vn̄t ir ſich. vil wibeſ freͮde an dir geſigt. dar nach dir iamr ſwærer wigt. Lieber frîvnt wil dv da hin in. ſo ſage mir dvrch den dieneſt min. dem kvnege vn̄t al den ſinen. ine ſvle niht flvhtich ſchinen. ich wil hie gerne beiten. ſwer zer tioſt ſich ſol bereiten. Ir neheiner habz fvr wnder. ich reit fvr tavelrvnder. minſ landeſ ich mich vnderwant. diſen koph min vngefvͤgiv hant. v̂f zvchte daz der win vergoz. froͮn Ginovern in ir ſchoz. vnderwinden mich daz lerte. ob ich ſchoͮbe vmbe cherte. ſo wrde rvͦzech mir min vel. daz mêit ich ſparach der degen ſnel. Jne hanz oͮch niht dvrch roͮp getan. deſ hat min chrone mich erlan. frivnt nv ſaget der kvnegin. ich begvzzeſ ân den willen min. al da die werden ſazen. die rehter wer vergazen. ez ſin kvnege odr fvrſten. weſ lazent ſi ir wirt erdvrſten. wan holent ſi im hie ſin golt vaz. ir ſneller priſ wirt anderſ laz. Der knappe ſparach ich wirbe dir. ſwaz dv geſprochen haſt zemir. er reit von im ze Nantes. in. da volgeten im div kindelin. v̂f den hoff fvr den palas. da maneger ſlahte fvͦre was. ſchiere wart vmb in gedranch. Jwanet dar naher ſpranch. ein knappe valſches vrîe. der bot im kumpanîe. ~~xeR~~DeR knappe ſparach got halde dich. bat reden min mvͦtr mich. ê daz ich ſcîede von ir hvs. ich ſihe hie manegen Artvs. Wer ſol mich ritter machen. Jwanet begvnde lachen. er ſparach. dvne ſihſt deſ rehten niht. daz aber ſchiere nv geſchiht. er fvͦrten in zem palas. da div werde maſſenide was. ſvs vil chvndr in ſcalle. er ſparach got halde ivch herren alle. benamn den kvnec vn̄t deſ wip. mir gebot min mvͦtr an den lip. daz ich die grvͦzte ſvndr. die ob der tavelrvndr. von rehtem priſe heten ſtat. die ſelbn ſi mich grvͤzen bat. Dar an ein chvnſt mich verbirt. ine weiz niht welher hînne iſt wirt. dem hat ein rittr her enbôtn. den ſah ich allenthalben rôtn. er welle ſin da v̂ze bîten. mich dvnchet er welle ſtrîten. Jm iſt oͮch leit daz er den win. vergoz v̂f die kvnegin. owi wan het ich ſin gewant. enphangen von deſ kvnegeſ hant. ſo wære ich freͮden rîche. wan ez ſtet ſo riterliche. ~~xeR~~DeR knappe vnbetwngen. wart harte vil gedrvngen. gehvrt her vnt dar. ſi namen ſiner varwe war. diz waſ ſelpſcowet. gehert noch gefrowet. wart nie minnechlicher frvht. got waſ in einer ſvͤzen zvht. do er Parzivalen worhte. der vreiſe wenech vorhte. Svſ wart er fvr Artvſen braht. an dem got wnſcheſ het erdaht. im chvnde niemn vient ſin. do beſah in oͮch div kvnegin. ê ſi ſchîede von dem palas. da ſi da vor begozzen was. Artvs an dem knappen ſach. zvͦ dem tvmben er do ſparach. ivncherre. got vergelde iv grvͦz. den ich gerne dienen mvͦz. mit dem libe vn̄t mit dem gvͦte. deſ iſt mir wol zemvͦte. wolt et got wan wære daz war. der wile dvnchet mich ein iar. daz ich niht rittr weſen ſol. daz tvͦt mir wirſ denne wol. nvne ſvmet mich niht mere. phlegt min nach rittrſ ere. daz tvͦn ich gerne ſparach der wirt. ob werdecheit mich niht verbirt. Dv biſt wol ſo gehivre. rich an choſte ſtivre. wirt dir min gabe vndertan. deſwar ich ſolz vngerne lan. dv ſolt vnze morgen beiten. ich wil dich wol bereiten. der wol geborne knappe. hielt gagernde alſ ein trappe. er ſparach ine wil hie nihteſ biten. mir chom ein rittr wider riten. mach mir deſ harnaſc werden niht. ine rvͦche wer kvnegeſ gabe giht. ſo git aber mir div mvͦter min. ich wæne doch div iſt ein kvnegin. Artvs ſparach zem knappen ſan. daz harnaſch fvͤrt an im ein man. daz ich dirz niht getorſte gebn. ich mvͦz doch ſvſ mit chvmber lebn. an alle mine ſchvlde. ſit ich darbe ſiner hvlde. ez iſt Jther von Gaheviez. der trv̂ren mir dvrch freͮde ſtiez. Jr wæret ein kvnec milte. ob ivch ſoͤlher gabe bevilte. gebtſ im dar. ſprach keye ſan. vn̄t lat in zvͦ zim v̂f den plan. ſol iemen bringen vnſ den kopf. hie helt div geiſel dort der topf. latz kint in vmbe triben. ſo lobt manz vor den wiben. ez mvͦz noch diche bagen. vn̄t ſoͤlhe ſcanze wagen. ~~xne~~One ſorge vmb ir dewedrſ lebn. man ſol hvnde nach eberſ hoͮpte gebn. vngerne wolt ich im verſagn. wan daz ich fvrhte er werde erſlagn. dem ich helfen ſol der riterſchaft. ſparach Artvs v̂z triwen chraft. Der knappe idoch die gabe enphiench. da von ein iamer ſit ergiench. do waſ im von dem kvnege gach. ivnge vn̄t alte im drvngen nach. Jwanet in an der hende zoch. fvr eine loͮben niht zegroz. do ſah er fvr vnd widr. oͮch waſ div loͮbe ſo nidr. daz er drv̂ffe horte vn̄t oͮch erſach. da von ein trvren im geſcach. Da wolt oͮch div kvnegin. ſelbe an dem venſtr ſin. mit rittern vn̄t mit froͮwen. die begvnden in alle ſchoͮwen. da ſaz froͮ Cvnnewâre. div fiere vn̄t div clare. div enlachete decheinen gwîs. ſine ſæhe in. d*div den hohſten pris. hete odr ſolte erwerben. ſi wolt ê ſvſ erſterben. allez lachen ſi vermeit. vnz daz der knappe fvr ſi reit. do erlachete ir minneclicher mvnt. deſ wart ir rvkke vngeſvnt. Do nam keye ſceneſcalt. froͮn Cvnnewaren de lalant. mit ir reiden hare. ir lange zoͤpfe clare. die want er vmbe ſine hant. er ſpancteſe ane tvͤrbant. ir rvke wart dechein eit geſtabt. doch wart ein ſtab ſo dran gehabt. vnze daz ſin ſîvſen gar verſwanch. dvrch die wat. vnt dvrch ir vel ez dranch. Do ſparach der vnwiſe. iwerm werdem priſe. iſt gegebn ein ſmæhiv lezze. ich pin ſin vængech nezze. ich ſolen widr in ivch ſmiden. daz irz enpfindet v̂f den liden. Ez iſt dem kvnege Artvs. v̂f ſinen hoff vnt in ſin hvs. ſo manech werdr man geriten. dvrch den ir lachen hat vermiten. vn̄t lachet nv dvrch einen man. der niht mit rittrſ fvͦre chan. Jn zorne wnderſ vil geſciht. ſinſ ſlageſ wære im erteilet niht. vorem riche v̂f diſe magt. div vil von friwenden wart gechlagt. ob ſi halt ſcilt ſolde tragn. div vnfvͦge iſt da geſlagn. wan ſi waſ von arde ein fvrſtin. Orilvs vnd læhelin. ir brvͦder hetenz die geſehen. der ſlege minrre wære geſcehen. DeR verſwigene Anthanor. der dvrch ſwigen dvͦht ein tor. ſin rede vn̄t ir lachen. waſ gezilt mit einen ſachen. ern wolde nimmr wort geſagn. ſine lachete div da wat geſlagn. do ir lachen wart getan. ſin mvnt ſparach ze keyen ſan. Got weiz her Sceneſcalt. daz Cvnneware de Lalant. dvrch den knappen iſt zerbert. iwer freͮde êſ wirt verzert. noch von ſiner hende. ern ſî nie ſo ellende. Sit iwer erſte rede mir drot. ich wæne irſ wenich ivch gevroͮt. ſin brat wart galvnet. mit ſlegen vil gervnet. dem wizzehaftem toren. mit fivſten in ſin oren. daz tet kaye ſvndr twal. Do mvͦſe der ivnge Parzival. diſen chvmber ſcowen. Anthanors vnt der froͮwen. im waſ won herzen lêit ir not. vil dicher greif zem gabilot. Vor der kvnegin waſ ſoͤlh gedranch. daz er dvrch daz vermeit den ſwanch. vrlop nam do Jwanet. zem fillv roy Gahmvret. xes reiſe al eine wart getan. hin v̂z gein Jther v̂f den plan. dem ſaget er ſoͤlhiv mære. daz nîemn dinne wære. Jch ſagte alſ dv mir veriæhe. wi ez ane danch geſchæhe. daz dv den win vergvzze. vnfvͦge dich verdrvzze. ir decheinen lvſtet ſtrîtes. gip mir da dv vͦffe rites. vnt dar zvͦ al din harnaſc. daz enpfieng ich v̂f dem palas. dar inne ich rittr werden mvͦz. widr ſagt ſi dir min grvͦz. ob dv mirz vngerne giſt. wer mich ob dv bi wizzen ſiſt. Der kvnec von kvchvmerlant. ſparach hat Artvs hant. dir min harnaſch gegebn. daz tæter oͮch min lebn. mohteſtv mirz an gewinnen. ſvſ chan er friwende minnen. waſ er dir abr ê iht holt. l holt din dienſt gedient ſo ſchiere den ſolt. Jch getar wol dienen ſwaz ich ſol. oͮch hat er mich gewert vil wol. gip her vn̄t laz din lantreht. ine wil niht langer ſin ein kneht. ich ſol ſchildes ambet han. er greif im nach dem zoͮme ſan. dv maht wol weſen Læhelin. von dem mir chlaget div mvͦtr min. xDeR ritr vmbe chert den ſcaft. vn̄t ſtach den knappen ſo mit chraft. daz er vn̄t ſin pfæredlin. mvͦſen vallende v̂f die blvͦmen ſin. Der helt waſ zorneſ dræte. er ſlvͦg in daz im wæte. wome ſchafte v̂zer ſwartēn blvͦt. Parzival der knappe gvͦt. ſtvͦnt al zornich v̂f dem plan. ſin gabylot begreif er ſan. da der helm vnt div barbîer. ſich locheten ob dem hærſnîer. dvrchz oͮge in ſneit daz Gabylot. vn̄t dvrch den nach ſo daz er tot. viel der valſcheite widrſazz. wibe ſivfzen herzen iamerſ chrazz. gab Jthers tot von Gahevîez. der wiben nazziv oͮgen lîez. ſwelhiv ſiner minne enphant. dvrch die freͮde ir waſ gerant. vn̄t ir ſcimpf entſcvmpfîeret. gein der rîvhe gecondwîeret. Parzival der tvmbe. cherten diche al vmbe. er chvnde im ab geziehen niht. daz waſ ein wnderlich geſciht. helmeſ ſnvͤre noch ſiniv ſcinnelîer. mit ſinen blanchen handen fîer. chvnd erſ niht v̂f geſtrichen. noch ſvſ her ab gezwichen. vil dichers doch verſvͦchte. wiſheit der vmbervͦchte. xDaz orſ vnt daz phæredlin. erhvͦben einen ſo hohen grin. daz ez Jwanet erhorte. vor der ſtat anſ graben orte. froͮn Ginovern knappe vn̄t ir mach. der von dem orſe erhorte den bach. vn̄t do er niemn drvffe ſach. von ſinen triwen daz geſcach. di er nach Parzivale trvͦch. do dahte dar der knappe ~~chl*h~~chlvͦch. Er vant Jthern tot. vn̄t Parzivalen in tvmber not. ~~ſnell*h~~ſnellich er zin beiden ſpranch. do ſageter Parzivale danch. priſſ deſ erwarp ſin hant. an dem von Chvchvmerlant. Got lone dir. nv rate waz ich tvͦ. ich chan hie harte wenich zvͦ. wie bringe ichz ab im vn̄t an mich. daz chan ich wol geleren dich. ſvs ſparach der ſtolze Jwanet. zem fillv roy Gahmvret. entwapent wart der tote man. al da vor Nantes v̂f dem plan. vn̄t an den lebenden gelêit. den dannoch groziv tvmpeit rêit. Jwanet ſparach div ribbalîn. ſvlen niht vnderem iſern ſîn. dv ſolt nv tragen ritterſ chleit. div rede waſ Parzivale leit. Do ſparach der knappe gvͦter. ſwaz mir gap min mvͦter. deſ ſol vil wenich von mir chomn. ez ge zeſcaden odr ze fromn. daz dvhte wnderlich genvͦch. Jwanet der waſ chlvͦch. idoch mvͦſer im volgen. ern waſ im niht erbolgen. zwo liehte hoſen iſerin. ſchvͦht erem vber div ribbalin. ~~ſvder~~ſvnder leder mit zwein porten. zwene ſporen dar zvͦ gehorten. er ſpien im an daz goldeſ werch. ê er im bvtte dar den ~~halperch~~halſperch. er ſtrichte im vmbe div ſcinnelier. ſvndr twale vil harte ſcier. von fvͦz v̂f gewapent wol. wart Parzival mit gerendr dol. Do îeſch der knappe mære. ſinen chochære. ich enreiche dir dechein gabylôt. div ritterſcaft dir daz verbôt. ſparach Jwanet der knappe wert. der gvrte im vmbe ein ſcarpfez ſwert. daz lert ern v̂z ziehen. vn̄t widr riet im fliehen. do zoh er im dar naher ſan. deſ toten manneſ kaſtelan. daz trvͦch pein hoh vn̄t lanch. der gewapent in den ſatel ſpranch. ern gerte ſtegreifes niht. dem man noch ſnelheite giht. ~~xwaneten~~Jwaneten niht bevilte. ern lertn vnderm ſcilte. chvnſtechlich gebaren. vn̄t der viende ſcaden varen. er bot im in die hant ein ſper. daz waſ gar ane ſine ger. doch vragt ern. war zvͦ iſt diz frvm. ſwer gein dir zer tioſt chvm. da ſoltvz balde brechen. dvrch ſinen ſcilt verſtechen. wiltv deſ vil getrîben. man lobt dich vor den wiben. Alſ vnſ div Aventivre gieht. von Choͤlne noch von Maſtricht. dechein ſciltære entwrfen baz. denn alſer vfem orſe ſaz. Do ſparach er zywaneten ſan. lieber frîvnt min kvmpan. ich han hie erworben deſ ich pat. dv ſolt min dienſt in die ſtat. dem kvnege Artvſe ſagen. vn̄t oͮch min hohez laſtr chlagen. bring im widr ſin golt vaz. ein rittr ſich an mir vergaz. daz er die ivnchfroͮwen ſlvͦch. dvrch daz ſi lachenſ min gewͦch. mich mvͤnt ir iæmerlichen wort. dine rvͤrent mir dechein hercen ort. ia mvͦz en mitten drinne ſin. der froͮwen vngedientr pin. Nv tvͦez dvrch dine geſellecheit. vn̄t laz dir ſin min laſter lêit. got hvͤte din ich wil von dir varn. der mag vnſ bede wol bewarn. Jthern vn̄t Gaheviez. er iæmerliche ligen hiez. der waſ doch tot ſo minnechlich. lebende waſ er ſælden rich. wære rittrſcaft ſin endeſ wer. zer tioſt dvrch ſchilt mit eime ſper. wer ~~chlaget*v~~chlagetiv denne die wnderſ not. er ſtarp von eime gabylot. Jwanet v̂f in do brach. der liehten blvͦmen zeime dach. er ſtiez den gabyloteſ ſtil. zvͦ zim nach der martr zil. der knappe chivſche vn̄t ſtolz. drvchte enchrivzeſwis ein holz. dvrch deſ gabylotes ſniden. done wolder niht vermiden. hin in die ſtat er ſagete. deſ manech wip verzagete. vnt deſ manech rittr weinde. der chlagende triwe erſceinde. Da wart iamerſ vil gedolt. der tote ſcone wart geholt. div kvneginne reit v̂z der ſtat. daz heilichtvm ſi fvͤren bat. ob dem kvnege von Chvchvmerlant. den tote Parzivales hant. Vroͮ Ginover div kvnegin. ſparach iæmerlicher worte ſin. owe vnd heia hei. Artvſſ werdecheit enzwei. ſol brechen noch diz wndr. der ob der tavelrvndr. den hoͤhſten priſ ſolde tragn. daz der von Nantes lit erſlagn. ſinſ erbteilſ er gerte. da man in ſterbenſ werte. er was doch mæſſenide alhie. alſo daz dechein ore nie. deheine ſin vntat vernam. er waſ vor wildem valſce zam. der waſ vil gar von im geſchabn. nv mvͦz ich alzefrvͦ begrabn. ein ſloz ob dem priſe. ſin herze an zvhten wiſe. ob emſloze ein hant veſte. riet im benamn daz beſte. Swa man nach wibeſ minne. mit ellenthaftem ſinne. ſolt er zeigen manneſ triwe. ein berendiv frvht al niwe. iſt trvrenſ v̂f div wip geſæt. v̂z diner wnden iamer wæt. dir waſ doch wol ſo rot din har. daz din blvͦt die blvͦmen clar. niht roͤter dorfte machen. dv ſwendeſt wiplich lachen. xtheR der lobſ riche. wart beſtattet kvnecliche. deſ tot ſcoͮp ſivfzen indiv wip. ſin harnaſc im verloſ den lip. dar vmbe waſ ſin endeſ wer. deſ tvmben Parzivales ger. ſit do er ſich baz verſan. vngern het erz do getan. Daz orſ einer ſite pflach. groz arbeit ez ringe wach. ez wære chalt odr heiz. ez enliez dvrch reiſe cheinen ſweiz. ez træte ſtein odr ronen. er dorft im cheines gvͤrtenſ wonen. doch eineſ locheſ naher baz. ſo er zwene tage drvffe ſaz. Gewapent reit ez der tvmbe man. den tach ſo verre ez hete lan. ein bloz wiſer ſolt erz han geriten. zwene tage ez wære vermiten. Er liez et ſcvften ſelten drabn. er chvnde im lvzzel v̂f gehabn. hin gein abende er reſach. eineſ tvrneſ gvpfen vnt deſ dach. den tvmben dvhte ſere. wie der tvrne wͤhſe mere. der ſtvͦnt da vil v̂f eime hv̂s. do wandr ſi ſæte Artvs. deſ iaher im fvr heilichêit. vnt daz ſin ſælde wære breit. Alſo ſparach der tvmbe man. miner mvͦtr volch niht pvͤuen chan. iane wechſet niht ſo lanch ir ſat. ſwaz ſi ir indem walde hat. groz regen ſi ſelten da verbirt. Gvrnemanz de Graharz hiez der wirt. v̂f dirre bvrch. dar zvͦ er reit. da vor ſtvͦnt ein linde breit. v̂f einen ~~grvͤnen~~grvͤnem anger. der waſ breiter noch langer. niht wan ze rehter maze. daz orſ vn̄t oͮch div ſtraze. in trvͦgen da er ſizzen vant. deſ waſ div bvrch vn̄t oͮch daz lant. Ein groziv mvͤde in deſ betwanch. daz er den ſchilt vnrehte ſwanch. ze verre hindr odr fvͤr. et nindr nach der ſite chvͤr. die man da gein priſe maz. Gvrnamanz der fvrſte al eine ſaz. oͮch gap der linden tolde. ir ſcaten alſ ſi ſolde. dem hoͮptman der waren zvht. deſ ſite waſ vor valſce ein flvht. der enpfiench den gaſt daz waſ ſin reht. bi im waſ rittr noch chneht. Svſſ antwrte im do Parzival. v̂z tvmben wizzen ſvndr twal. mich pat min mvͦtr nemn rat. ze dem der grawe loche hat. da wil ich iv dienen nach. ſit mir min mvͦtr deſ veriach. Sit ir dvrch rateſ ſchvlde. her chomn iwer hvlde. mvͤzzet ir mir dvrch raten lan. vn̄t wolt ir rateſ volge han. Do warf der fvrſte mære. einen mvͦzer ſpærwære. von der hende. in die bvrch er ſwanch. ein gvldin ſcelle dran erchlanch. daz waſ ein bote do quam in ſan. vil ivncherren wolgetan. er bat den gaſt den er da ſach. in fvͤren vn̄t ſcaffen ſin gemach. der ſparach. min mvͦtr ſagt alwar. alt manneſ rede ſtet niht ze var. Hin in fvͦrten ſi in al zehant. da er manegen werden rittr vant. v̂f dem hove an einer ſtat. ieſlicher in erbeizen bat. Do ſparach an dem waſ tvmpheit ſcin. mich hiez ein kvnec rittr ſin. ſwaz halt drvffe mir geſciht. ine chvm von diſem orſe niht. grvͦz gein iv riet min mvͦter mir. ſi danchten beidiv im vn̄t ir. do daz grvͤzen wart getan. daz orſ waſ mvͤde vn̄t oͮch der man. manegr bete ſi gedahten. ê ſi in von dem orſe brahten. in eine kemenaten. ſi begvnden im alle raten. lat den harnaſc von iv bringen. vn̄t iweren liden ringen. Schiere er mvͦſe entwapent ſin. do ſi div rvhen ribbalin. vn̄t div toren chleit geſahen. do erſcrachen die ſin pflagen. vil blwech ez wart ze hove geſagt. der wirt vor ſchame waſ nach v̉erzagt. Ein rittr ſparach dvrch ſine zvht. deiſwar ſo werdecliche frvht. erchoſ nie miner oͮgen ſehe. an im lit der ſælden ſpehe. mit reiner ſvͤzen hohen art. wi iſt der minnen blich alſvs bewart. mich iamert immer daz ich vant. an der werlde froͮde alſoͤlh gewant. wol doch der mvͦtr div in trvͦch. an dem deſ wnſces lit genvͦch. Sin zimierde iſt riche. daz harnaſc ſtvͦnt ritterliche. ê ez choͤme von dem gehivren. von einer quaſcivren. blvͦtige ameſîere. choſ ich an im ſchîere Der wirt ſparach zem rittr ſan. daz iſt dvrch wibe gebot getan. nein herre er iſt mit ſoͤlhen ſiten. ern chvnde nimer wip gebiten. daz ſi ſin dienſt næme. ſin varwe der minne zæme. der wirt ſparach nv ſvle wir ſehn. an deſ wæte ein wndr iſt geſcehn. Si giengen da ſi fvnden. Parzivalen den wnden. von eime ſper daz beleip doch ganz. ſin vnderwant ſich Gvrnemanz. ſoͤlh waſ ſin vnderwinden. daz ein vatr ſinen kinden. der ſich triwe chvnde nieten. moͤhtez in niht paz erbîeten. ſine wnden wͦſch vnd bant. der wirt mit ſin ſelbes hant. Do waſ oͮch v̂f geleit daz prot. deſ waſ dem ivngen gaſte not. wand in groz hvnger niht vermêit. al vaſtende er deſ morgenſ rêit. von dem viſchære. ſin wnde vn̄t harnaſc ſwære. die vor Nantes er beiagete. im mvͤde vn̄t hvnger ſagete. vn̄t div verre tagreiſe. von Artvſe dem beriteneiſe. da man in allent halbn vaſten liez. der wirt in mit im ezzen hiez. der gaſt ſich da gelabte. in den barn er ſich ſo habte. daz er der ſpiſe ſwande vil. daz nam der wirt gar zeime ſpil. do bat in vlizecliche. Gvrnemanz der triwen riche. daz er vaſte æze. vn̄t der mvͤde ſin vergæze. Man hvͦp den tiſc do deſ wart zit. ich wæne daz ir mvͤde ſit. ſvs ſparach der wirt wæret ir iht frvͦ. got weiz min mvͦtr ſlief dvͦ. div chan ſo vil niht wachen. der wirt begvnde lachen. er fvͦrten an die ſlaf ſtat. der wirt in ſich v̂z ſloͮfen bat. vngern erz tet doch mvͦſt ez ſin. ein dechlachen hærmin. wart geleit vbr ſinen blozen lip. ſo werde frvht gebar nie wip. Groz mvͤde vnd ſlaf in lerte. daz er ſich ſelten cherte. an die anderen ſîten. ſvſ chvndr tageſ erbîten. Do gebot der fvrſte mære. daz ein bat berêite wære. reht vmbe den mitten morgenſ tach. ze ende an den teppich der da lach. daz mvͦſe deſ morgenſ alſo ſin. man warf da roſen oben in. ſwiͤ wenich man vmb in da rief. der gaſt erwaͤhte der da ſlîef. der ivnge werde ſvͤze man. giench ſizzen in dî ine weiz wer ſi deſ bæte. ivnchfroͮwēn mit richer wæte. vn̄t an libeſ varwe minnechlich. die chomn zvhte ſite gelich. ſi trvͦgen vn̄t ſtrichen ſchiere. von im ſin ameſiere. Mit blanchen linden henden. iane dorft in niht ellenden. der do waſ wizze ein wêiſe. ſvs dolt er freͮde vn̄t êiſe. tvmpheit er wenich gein in enkalt. ivnchfroͮwen chivſche vnde balt. in alſvs chvnrierten. ſwa von ſi parlierten. da chvndr wol geſwigen zvͦ. ez dorft in dvnchen niht zefrvͦ. wan von inſchein der andr tach. der glaſt alſvs enſtrite lach. ſin varwe laſcte beidiv lieht. deſ waſ ſin lip verſvmet niͤht. Man bot ein badlachen dar. deſ nam er vil chleine war. ſvs chvndr ſich bî froͮwen ſcemn. vor in volt erſ niht vmbe nemn. ivnchfroͮwen mvͦſen gen. ſine torſtn da niht langer ſten. ich wæne ſi gerne heten geſehn. ob im dort vnde iht wære geſcehn. wipheit vert mit triwen. ſi chan friwendeſ chvmber riwen. Der gaſt an daz bette ſcreit. al wiz gewant im waſ bereit. von golde vnde ſidin. einen brvͦchgvrtel zoch man drin. ſcarlachens hoſen rot man ſtreich. an in dem ellen nie geſweich. xvoy wi ſtvͦnden ſiniv bein. reht geſcichede ab in ſcein. brvn ſcharlachen wol geſniten. dem waſ fvrrieren niht vermiten. beidiv innen hærmin blanch. roch vn̄t mantel waren lanch. breit ſwarz vn̄t gra. zobel dr vor man choſ al da. daz leite an der gehivre. vndr einen gvlter tivre. wart gefiſcieret. vn̄t wol gezimieret. mit einem tivrem fvrſpan. ſin mvnt da bî vor roͤte bran. Do chom der wirt mit triwen chraft. nach dem gie ſtolziv riterſcaft. der enphiench den gaſt do daz geſchach. der rittr ieſlicher ſprach. ſine geſæhen nie ſo ſcoͤnen lip. mit triwen lobten ſi daz wip. div gap der werelde alſoͤlhe frvht. dvrch warheit vn̄t vmb ir zvht. ſi iahen er wirt wol gewert. ſwa ſin dienſt gnaden gert. im iſt minne vn̄t grvͦz bereit. manger geniezen werdecheit. ieſlicher im deſ da veriach. vn̄t darnach ſwer in ie geſach. Der wirt in mit der hant geviench. geſellecliche er dannen giench. in vragete der fvrſte mære. welch ſiſin rvͦwe wære. deſ nahteſ da bi im geweſen. dane wære ich niht geneſen. wan daz min mvͦter her mir rîet. deſ tageſ do ich von ir ſcîet. got mvͤze lonen iv und ir. herre ir tvͦt genade an mir. Do gie der helt mit wizzen chranch. da man got vn̄t dem wirte ſanch. der wirt zer meſſe in lerte. daz noch die ſælde merte. opfern vn̄t ſegnen ſich. vn̄t gein dem tivuele cheren gerich. do giengen ſi v̂f den palas. al da der tiſc gedechet was. der gaſt zeſime wirte ſaz. dî ſpiſe er vngeſmæhet az. der wirt ſparach dvrch hoͤfſheit. herre iv enſol niht weſen leit. ob ich ivch vrage mære. wannen iwer reiſe wære. Er ſeit im gar div vnderſcêit. vn̄t wie er von ſiner mvͦtr rêit. vmbez vingerlin vn̄t vmbz fvrſpan. vn̄t wie erz harnaſch gewan. der wirt erchante den rittr rôt. der erſivfte vn̄t erbarmete in ſin not. ſinen gaſt deſ namn er niht erliez. den roten rittr er in hiez. xoDo man den tiſc hin dan genam. dar nach wart wildr mvͦt vil zam. der wirt ſparach zem gaſte ſin. ir reit alſ ein kindelin. wan geſwiget ir iwerr mvͦtr gar. vn̄t nemt anderr mære war. habt ivch an minen rat. der ſceidet ivch von miſſetat. Svſ heb ich an lat ivch gezemn. ir ſvlt niemer ivch verſchemn. verſcamtr lip waz toͮch der mer. der wont inder mvͦze rer. da im werdecheit entriſet. vn̄t in gein der helle wiſet. Jr tragt geſcichede vn̄t ſcin. ir mvgt wol volcheſ herre ſin. iſt hoch vn̄t hoͤhet ſich iwer art. lat iweren willen deſ bewart. ich ſol erbarmn notech her. gein deſ chvmbr ſit ze wer. mit milte vn̄t mit gvͤte. vlizet ivch diemvͤte. der chvmberhafte werde man. wol mit ſcame ringen chan. daz iſt ein vnſvͤz arbeit. dem ſvlt ir helfe ſin bereit. ſwenne ir dem tvͦt chvmberſ bvͦz. ſo nahet iv der goteſ grvͦz. im iſt noch wirſ denne den di gent. nach porte al da div venſter ſtent. Ir ſvlt beſcheidenliche. ſin arem vn̄t riche. wan ſwa der herre gar vertvͦt. daz iſt niht herrenlicher mvͦt. ſamnet er aber ſcaz ze ſere. daz ſint oͮch vnere. gebt rehter maze ir orden. ich pin wol innen worden. daz ir rateſ dvrftich ſit. nv lat der vnfvͦge ir ſtrit. Jren ſvlt niht vil gevragen. oͮch enſol ivch niht betragen. bedahtr gegen rede div gê. reht alſ ieneſ vragen ſtê. der ivch wil mit worten ſpehen. ir chvnnet hoͤren vn̄t ſehen. entſeben vn̄t bræhen. daz ſolt ivch wizzen næhen. lat die erbærme bi der vrævel ſin. ſvs tvͦt mir râtſ volge ſchin. An ſwem ir ſtriteſ ſicherheit. bezalt. ern hab iv ſoͤlhiv leit. getan. div herze chvmbr weſn. div nemt vnd lazet in geneſn. ir mvͤzet diche wapen tragn. ſoz von iv chom daz ir getwagn. vndr oͮgen vn̄t an handen ſit. deſ iſt nach iſers rame zit. ſit manlich vn̄t wol gemvͦt. daz iſt ze werdem priſe iv gvͦt. Vnd lat iv liep ſin div wip. daz tiwert ivngeſ manneſ lip. gewenchet nīmmer tag an in. daz iſt rehte manlicher ſin. welt ir in gerne liegen. ir mvget ir vil betriegen. gein werdr minne valſcer liſt. hat gein priſe chvrze vriſt. da wirt der ſlichære chlage. daz dvrre holz ime hage. daz priſtet vn̄t chrachet. der wahtære erwachet. vngeverte vnd hamit. dar gedîhet manech ſtrit. Diz zelt gein der minne. div werde hat ſinne. gein valſce liſteclich chvnſt. ſwenn ir beiaget ir vngvnſt. ſo mvͤzet ir gvneret ſin. vn̄t īmmer dvlten ſcamenden pin. diſe lere ſvlt ir nahe tragn. ich wil iv mer von wibes orden ſagn. Man vn̄t wip die ſint al ein. alſ div ſvnne div hivte ſcein. vn̄t oͮch der name der heizet tach. der enwederz ſich geſcheiden mach. ſi blvͤnt v̂z eime cherne gar. deſ nemt ~~chvnſtechiche~~chvnſtechliche war. Der gaſt dem wirte dvrch raten neich. ſiner mvͦtr er geſweich. mit rede vn̄t in dem herzen niht. alſ noch getriwem man geſciht. ~~xeR~~DeR wirt ſparach ſin ere. noch ſvlt ir lernen mere. chvnſt an rit̉erlichen ſiten. wie quamet ir zvͦ mir geriten. ich han beſcoͮwet manege want. da ich den ſcilt baz hangen vant. denn er iv ze halſe tæte. ez iſt vnſ niht zeſpæte. wir ſvlen ze velde gahen. da ſvlt ir chvnſte nahen. Bringet im ſin orſ vn̄t mirz min. vn̄t ieſlichem ~~rittez~~ritterz ſin. ivncherren ſvlen oͮch dar chomn. der ieſlicher habe genomn. einen ſtarchen ſchaft vn̄t bringen dar. der nach der niwe ſi gevar. Svſ chom der fvrſte v̂f den plan. da wart mit riten chvnſt getan. ſime gaſte er raten gap. wi erz orſ v̂zem walap. mit ſporn grvͦzeſ pîne. mit ſcenchelen fliegen ſcîne. v̂f den poindr ſolde wenchen. vn̄t den ſcaft ze rehte ſenchen. vn̄t den ſcilt gein tioſte fvr ſich nemen. er ſparach deſ lazet ivch gezemen. Vnfvͦge er im ſvs werte. baz denne ein ſwanchel gerte. div argen chinden brichet vel. do hiez er chomn rittr ſnel. gein im dvrch tivſtieren. er begvnde in condwiern. einem zegegen an den rinch. do brahte der ivngelinch. ſin erſten tioſt dvrch einen ſcilt. deiſ von in allen wart bevilt. vn̄t daz er hinderſ orſ verſwanch. einen ſtarchen riter niht zechranch. Ein tioſtivre waſ chomn. do het oͮch Parzival genomn. einen ſtarchen niwen ſcaft. ſin ivgent het ellen vn̄t chraft. der ivnge ſvͤze ane bart. den twanch div Gahmvretſ art. vn̄t an geborniv manheit. daz orſ von Rabbine er reit. mit volleclicher hvrte dar. er nam der vier nagele war. deſ wirtſ rittr niht geſaz. al vallende er den acher maz. do mvͦſen chleiniv ſtvchelîn. al da von trvnzvnen ſîn. ſvs ſtach er ir fv̂nve nidr. der wirt in nam vn̄t fvͦrten widr. al da behielt er ſcimpfeſ pris. er wart oͮch ſit an ſtrîte wis. Die ſin riten geſahen. al die wiſen im deſ iahen. da fvͤre chvnſt vn̄t ellen bî. nv wirt min herre iamerſ vrî. ich mach nv ivngen wol ſin lebn. er ſol im zewibe gebn. ſine tohter vnſer froͮwen. ob wir in bi wizzen ſcoͮwen. ſo liſcet im ſin iamerſ not. fvr ſiner drier ſvne tot. iſt im ein gelt ze hvſ geriten. nv hat in ſælde niht vermiten. Svſ chom der fvrſte ſabentſ in. der tiſc gedechet mvͦſe ſin. ſine tohter bat er chomn. ze tiſce alſvs han ichz vernomn. Do er die magt chomn ſach. nv hoͤret wi der wirt ſprach. zvͦ der ſcoͤnen Liazen. dv ſolt in chvſſen lazen. diſen rittr. bîvt im ere. er vert mit ſælden lere. oͮch ſolt an ivch gedinget ſin. daz ir der meide ir vingerlin. liezet ob ſiz mohte han. nvne hat ſis niht noch fvrſpan. wer gæbe ir ſoͤlhen volleiſt. ſo der froͮwen in dem foreiſt. div het etſwen von dem ſi enpfiech. daz iv zenpfahene ſit ergiench. ir mvget Liazen niht genemn. der gaſt begvnde ſich deſ ſcemn. Idoch chvſterſe an den mvnt. dem waſ wol fiwerſ varwe chvnt. Liazen lip waſ minneclich. dar zvͦ der waren chivſce rich. der tiſc waſ nidr vnd lanch. der wirt mit niemn ſich da dranch. er ſaz al eine an den ort. ſinen gaſt hiez er ſizzen dort. zwiſcen im vnt ſime kinde. ir blanchen hende linde. mvͦſen ſniden ſo der wirt gebot. den man da hiez der rittr rot. ſwaz der ezzen wolde. niemen ſie wenden ſolde. ſine gebarten heinliche. div magt mit zvhten riche. leiſte ir vater willen gar. ſi vnt der gaſt waren wol gevar. Dar nach ſciere gie div magt widr. ſvſ pflach man deſ heldeſ ſidr. vnz an den vierzehenden tach. bi ſime herzen chvmbr lach. anderſ niht wan vmbe daz. er wolde geſtrîten baz. ê daz er dar an wrde warem. daz man da heizet froͮwen arem. in dvhte wert gedinge. daz wære ein hohiv linge. zediſem libe hie vnt dort. daz ſīnt noch vngelogeniv wort. Eines morgenſ vrloͮbeſ er bat. do rvmter Graharz die ſtat. der wirt mit im zevelde reit. do hvͦp ſich niwez herzenleit. do ſparach der fvrſte v̂z triwe erchorn. ir ſit min vierdr ſvn verlorn. ia wand ich ergezzet wære. drier iæmerlichen mære. der waren dennoch niht wan driv. der nv min herze envîeriv. mit ſiner hende ſlvͤge. vn̄t ieſlichez ſtvche trvͤge. daz dîvhte mich ein groz gewin. einez fvr ivch ir ritet hin. div driv fvr miniv werden kint. div ellenthaft erſtorbn ſint. ſvs lonet idoch div ritterſchaft. ir zagel iſt iamer ſtriche haft. Ein tot mich lemt an freͮden gar. minſ ſvnſ wol gevar. der waſ geheizen Scenteflvrs. da Cvndwir amvrs. lib vn̄t ir lant niht wolde gebn in ir helfe er verloſ ſin lebn. von Chlammide vn̄t von Kingrvͦn. deſ iſt mir dvrchel alſ ein zwͦn. min herze von iamerſ ſniten. nv ſit ir al ze frvͦ geriten. von mir troſteloſem man. owe daz ich niht ſterben chan. ſit Liaze div ſcoͤne magt. vn̄t oͮch min lant iv niht behagt. Min andr ſvn hiez ~~Coslaſcovt~~Coslaſcoẏt. den ſlvͦch mir Ider fil Noẏt. vmbe einen ſparwære. deſ ſten ich freͮden lære. mit drittr ſvn hiez Gvrzgrî. dem reit Mahavte bî. mit ir ſcoͤnem libe. wan ſi gap im ze wibe. ir ſtolzer brvͦder Ehkvnat. gein Brandigan der hoͮbtſtat. chom er nach Scoy delakvrt. geritn. da wart ſin ſterben niht vermitn. da ſlvg im Mabonagrin. deſ verloſ Mahavte ir liehten ſcin. vn̄t lach min wip ſin mvter tot. groz iamer irz nach im gebot. Der gaſt namſ wirtſ iamer war. wand̉erz im vnderſciet ſo gar. do ſparach er herre ine bin niht wis. bezal abr ich īmmer rittrſ pris. ſo daz ich wol mach minne gern. ir ſvlt mich Liazen wern. iwerr tohter der ſcoͤnen magt. ir habt mir al zevil gechlagt. mag ich iv iamer denne etſagen. deſ laze ich ivch ſo vil niht tragen. Vrloͮp nam der ivnge man. von dem getriwen fvrſten ſan. vn̄t zaldr maſſenîe. deſ fvrſten iamerſ drîe. waſ riwich an daz quattr chomn. die vierden flvſt het er genomn. DAnnen ſciet ſvs Parzival. rittrſ ſite vn̄t rittrſ mal. ſin lip mit zvhten fvͦrte. oͮwe wan daz in rvͦrte. manech vnſvͤziv ſtrenge. im waſ div wite zenge. vn̄t oͮch div breite gar zeſmal. elliv grvͤne in dvhte val. ſin rot harnaſch in dvhte blanch. ſin herce div oͮgen deſ bedwanch. ſit er tvmpheit ane wart. done wolde in Gahmvretes art. denchenſ niht erlazen. nach der ſcoͤnen Liazen. der meide ſælden rîche. div im geſelleclîche. ſvndr minne bot ere. ſwar ſin orſ nv chere. er enmages vor iamer niht enthabn. ez welle ſpringen odr drabn. chrivze vn̄t ſtvͦden ſtrich. dar zvͦ der wagen leiſen pich. ſine walt ſtrazen mêit. vil vngeverteſ er do rêit. da wenich wegriches ſtvͦnt. tal vn̄t berch waren im vnchvnt. Gnvͦge hant deſ einen ſite. vn̄t ſprechent ſvſ ſwer irre rite. daz der den ſlegel fvnde. ſlegelſ vrchvnde. lach da ane maze vil. ſvlen groze ronen ſin ſlegelſ zil. Doch reit er wenech irre. wan die ſlihte ander virre. chom er deſ tageſ von Graharz. in daz kvnechriche ze Brobarz. dvrch wilde gebirge hoch. der tach gein dem abende zoch. Do chom er an ein wazzer ſnel. daz waſ von ſime dvzze hel. ez gaben die velſe ein andr. daz reit er nider do vandr. die ſtat ze Pelrapeire. der kvnec Tampentêire. het ſi gêerbet v̂f ſin kint. bi der vil livte in chvmber ſint. daz wazer fvͦr nach polze ſiten. die wol gevidert vnt geſniten. ſint. ſo ſi arembrvſteſ ſpan. mit ſenewen ſwanche tribet dan. dar vmbe gie ein brvkken ſlach. da manech hvrt vffe lach. ez floz alda reht inz mer. Pelrapeire ſtvͦnt wol ze wer. Seht wie kint v̂f ſcochen varn. di man ſcocheſ niht wil ſparn. ſvſſ fvͦr div brvcke ane ſeil. div waſ vor ivgende niht ſo geil. Dort anderthalbn ſtvͦnden. mit helmen vf gebvnden. ſehzech rittr odr mer. die rieffen alle chera cher. mit vf geworfen ſwerten. die chranchen ſtrîteſ gerten. Dvrch daz ſi in diche ſahen ê. ſi wanden ez wære Chlamide. wandr ſo kvneclichen reit. gein der brvcke v̂f dem velde breit. do ſi diſen ivngen man. ſvſ mit ſchalle riefen an. ſwi vil erz orſ mit ſporen verſneit. dvrch vorhte ez doch die brvken meit. den rehtiv zagheit ie floch. der rebeiſte nidr vnde zoch. ſin orſ v̂f der brvcken ſwanch. eineſ zagen mvͦt wære al ze chranch. ſolt er gein ſoͤlhem ſtrite varn. dar zvͦ mvͦſer ein dinch bewarn. wander vorhte deſ orſſ val. do laſch oͮch anderhalp der ſcal. di rittr trvͦgen widr in. helme ſcilde ir ſwerte ſcin. vn̄t ſlvzzen zvͦ ir porten. grozer her ſi vorhten. Svſ zoch hin vber Parzival. vn̄t chom geriten an ein wal. da maneger ſinen tot erchos. der dvrch ritterſ priſ den lip verlos. vor der porte gein dem palas. der hoch vn̄t wol gehert was. Einen rinch er an der porte vant. den rvͦrt er vaſte mit der hant. ſinſ rvͤfenſ nam da niemn war. wan ein ivnchfroͮwe wol gevar. v̂z einem venſtr ſach div magt. den helt halden vnverzagt. Div ſcoͤne zvhte riche. ſparach. ſit ir vientliche. her chomn herre daz iſt an not. an ivch man vnſ vil hazzenſ pot. vome lande vn̄t v̂f dem mer. zornech vn̄t ellenthaftez her. do ſparach er froͮwe hie habt ein man. der iv dienet ob ich chan. iwer grvͦz ſol ſin min ſolt. ich pin iv dienſtliche holt. Do giench div magt mit ſinne. fvr die kvneginne. vn̄t half im daz er chom dar in. daz in ſint wante hohen pin. ſvſ wart er in verlazen. îe wederthalp der ~~ſtraze~~ſtrazēn. ſtvͦnt von bovel ein groziv ſcar. die werliche chomn dar. ſlingære vn̄t patelirre. der waſ ein lengiv virre. vn̄t arger ſchvzzen harte vil. er choſ oͮch an dem ſelbn zil. vil chvͤner ſcariande. der beſtn von dem lande. mit langen ſtarchen lanzen. ſcærpfen vn̄t ganzen. Alſ ichz mære vernomn han. da ſtvͦnt oͮch manech choͮfman. mit haſcent vn̄t mit gabilot. alſ ~~mir~~in ir meiſtrſchaft gebot. die trvͦgen alle ſwachen balch. der kvneginne malſcalch. Mvͦſe in dvrch ſi leiten. vffen hof mit arbeiten. der waſ gein wer beraten. tvrne oben kemenaten. wichv̂ſ ꝑperfert ærcher. der ſtvͦnt da ſicherlichēn mer. denn er da vor geſæhe îe. do chomn allenthalben hîe. ritter die in enpfiengen. die ritten vn̄t giengen. Ovch waſ div iæmerliche ſcar. elliv nach aſchen var. odr alſ valwer leim. min herre der grave von Wertheim. wære vngern ſoldier da geweſn. er mohte ir ſoldeſ niht geneſn. der zadel fvͦget in hvngerſ not. ſine heten chæſe. vleiſch noch prot. deſ twanch ſi ein werder man. der ſtolze kvnec von Brandigan. Wolt ich nv daz wîzen in. ſo het ich harte chranchen ſin. wan da ich diche bin erbeizet. vn̄t da man mich herre heizet. da heime in min ſelbeſ hvs. da wirt gefreͮt vil ſelten mvs. wan div mvͤſe ir ſpiſe ſteln. die dorfte niemn vor mir heln. ine vinde ir offenliche niht. al zediche daz geſciht. mir Wolfram von Eſſcenbach. daz ich dolte al ſolch gemach. Miner chlage iſt vil vernomn. nv ſol diz mære widr chomn. wie Pelrapeire ſtvͦnt iamerſ vol. da gap div diet von freͮden zol. die helde triwen riche. lebten chvmberliche. ir wariv manheit daz gebot. nv lat erbarmen ivch ir not. Nv hoͤret mere von den armn. die ſolten ivch erbarmn. ſi enphiengen ſcæmliche. ir gaſt ellenſ riche. der dvͦhteſ anderſ wol ſo wert. daz er niht dorfte han gegert. ir herberge alſ ez in ſtvͦnt. ir groziv not waſ im vnchvnt. Man leite einen teppech v̂fez gras. da vermv̂ret vn̄t geleitet was. dvrch den ſcaten ein linde. do entwapent inz geſinde. er waſ in vngeliche var. do er den ram von im ſo gar. getwͦch mit einem brvnnen. do het er der ſvnnen. verdechet vil nach ir liehten glaſt. deſ dv̂ht er ſi ein werdr gaſt. Man bot im einen mantel ſan. gelich alſo der roch getan. der ê deſ an dem helde lach. deſ zobel gap wilden niwen ſmach. Si ſparachen welt ir ſcoͮwen. die kvnegin vnſer froͮwen. do iach der helt ſtæte. daz er daz gerne tæte. Si giengen gein einem palas. da hoch hin v̂f gegredet was. ein minneclich antlvzzeſ ſchin. dar zvͦ der oͮgen ſvͤze ſin. von der kvneginne giench. ein liehter glaſt ê ſi in enpfiench. von katelange kŷot. vn̄t der werde Manpfilŷot. herzogen beide waren die. ir brvͦder kint ſi brahten hie. deſ landeſ kvneginne. dvrch die gotes minne. heten ſi v̂f gegebn ir ſwert. da giengen die fvrſten wert. GRa vn̄t wol gevar. mit grozer zvht ſi brahten dar. die froͮwen mitten an di ſtegen. da chvſte ſi den werden degen. die mvnde waren bede rot. div kvnegin ir hant im bot. Parzivalen ſi fvͦrte wider. al da ſi ſazen beidiv nider. froͮwen vn̄t rittr chraft. heten alle ſwache chraft. di da ſtvͦnden vn̄t ſazen. ſi heten freͮde lazen. daz geſinde vnt div wirtin. condwir amvrſ ir ſcin. doch ſciet von diſen ſtriten. Jeſcv̂ten Enîten. vn̄t Cvnnewaren de Lalant. vn̄t ſwa man lobſ die beſten vant. da man froͮwen ſcoͤne gewͦch. ir glaſteſ ſcin vaſt vndr ſlvͦch. vnde bêder Jſalden. ia mvͦſe priſſ walden. Condwir amvrs. div trvͦch den rehten beachvrs. Der name iſt tivſcen ſcoͤner lip. ez waren wol nvzziv wip. die diſiv zwêi gebaren. di da bi ein andr waren. do ſchvͦf wip vn̄t man. niht mere wan daz ſi ſahen an. div zwei bi ein andr. gvͦte friwent da vandr. DeR gaſt gedahte ich ſage iv wie. Liaze iſt dort Liaze iſt hie. mir wil got ſorge mazen. nv ſihe ich Liazen. deſ werden Gvrnemanzes kint. Liazen ſcoͤne waſ ein wint. gein der meide div hie ſaz. an der got wnſcheſ niht vergaz. Div was deſ landeſ froͮwe. alſo von dem ſvͤzem toͮwe. div roſe v̂z ir bælgelîn. blechet niwen werden ſcîn. der beidiv wize iſt vn̄t rot. daz fvͦgte ir gaſte groze not. Sin manlich zvht waſ im ſo ganz. ſit inder werde Gvrnamanz. von ſiner tvmpheit geſchîet. vn̄t im vragen wider rîet. ez enwære beſceidenliche. bi der kvneginne riche. ſaz ſin mvͦtr gar ane wort. nahe alda niht verre dort. maneger chan noch rede ſparn. der mer gein froͮwen iſt gevarn. Div kvneginne gedahte ſan. ich wæne mich ſmæhet dirre man. dvrch daz min lip vertwalt iſt. nein er tvͦtz dvrch einen liſt. er iſt gaſt ich pin wirtin. div erſte rede wære min. dar nach er gvͤtliche an mich ſach. ſit vnſ ze ſizzen hie geſchach. ER hat ſich zvht gein mir enbârt. min rede iſt al ce vil geſpart. hîene ſol niht mer geſwigen ſin. zir gaſte ſparach div kvnegin. Herre ein wirtin reden mvͦz. ein chvſſ erwarp mir iwern grvͦz. oͮch bvt ir dienſt da her in. ſvſ ſeit ein ivnchfroͮwe min. deſ habent vnſ geſte niht gewent. deſ hat min herce ſich geſent. Herre ich vrage ivch mære. wannen iwer reiſe wære. froͮwe ich reit bî diſem tage. von einem man den ich in chlage. liez mit triwen ane ſcanz. der fvrſte heizet Gvrnamanz. von Graharz iſt er genant. dannen reit ich hivte in dizze lant. Alſvs ſparach div werde magt. hetz andrſ iemen mir geſagt. der volge wrde im niht veriehn. deiz eins tageſ wære geſcehn. wan ſwelch min bote ie baldeſte reit. di reiſe er zwene tage vermeit. ſin ſweſtr waſ div mvͦtr min. iwerſ wirteſ ſiner tohter ſchin. ſich oͮch vor iamer chrenchen mach. wir habn manegen ſvͦren tach. mit nazzen oͮgen verchlaget. ich vn̄t Liaze div maget. Sit ir iwerem wirte holt. ſo nemtz hinte alſ wirz gedolt. hie lange han wib vn̄t man. ein teil ir dienet im dar an. ich wil iv vnſern chvmber ſagen. wir mvͤzen ſtrengen zadel tragen. Do ſparach ir vetr kyot. froͮwe ich ſende iv zwef prot. ſchvltern vn̄t hammen drî. da ligent aht chæſe bî. vn̄t zwei bvzzel mit win. ivch ſol oͮch der brvͦder min. hinte ſtivren deſ iſt not. do ſparach Manpfiliot. froͮwe ich ſende iv alſ vil. do ſaz div magt an vreͮden zil. ir grozer danch wart niht vermitn. ſi namen vrloͮp vnd riten. da bi zir weide hvͦſen. zer wildr albe chvͦſen. Die alten ſazen ſvndr wer. ſi heten oͮch fride vome her. ir bote widr quam gedrabt. deſ wart div chranche diet gelabt. do waſ der bvrgære nar. gedigen an diſe ſpiſe gar. ir waſ vor hvnger maneger tot. ê daz in dar choͤme dizze brot. Teilen ez hiez div kvnegin. dar zvͦ die chæſe. dez vleiſc den win. dirre chrefteloſen diet. Parzival ir gaſt daz riet. deſ beleip in zwein vil chvme ein ſnite. die teiltenſ ane bagenſ ſite. Div wirtſchaft was oͮch verzert. da mite manegeſ tot er wert. den der hvnger lebn liez. dem gaſte man do beiten hiez. ſanfte deſ ich wænen wil. wæren die bvrgære vederſpil. ſine wæren vberchrvpfet niht. deſ noch ir tiſc gerihte giht. Si trvͦgen alle hvngerſ mal. wan der ivnge Parzival. der nam ſlafeſ vrloͮp. ob ſine cherzen wæren ſcoͮp. nein ſi waren bezzer gar. do giench der ivnge wol gevar. an ein bette riche. gehert kvnecliche. niht nach armvͤte chvͤr. ein teppich waſ geleit derfvͤr. Er bat die rittr widr gen. diͤne liez er da niht langer ſten. kint im entſcvͦchten ſan er ſlîef. vnz im der ware iamer rîef. vn̄t liehter oͮgen hercen regen. die wachten ſciere den werden degen. Daz chom alſ ich iv ſagen wil. ez prach niht wiplichiv zil. mit ſtæte chivſche trvͦch div magt. von der ein teil hie wirt geſagt. di twanch vrlivgeſ not. vn̄t lieber helfære tot. ir herce an ſoͤlhez chrachen. daz ir oͮgen mvͦſen wachen. Do giench div kvneginne. niht nach ſoͤlher minne. div ſoͤlhen namn reizzet. der meide wip heizzet. ſi ſvͦche helfe vn̄t friwntſ rat. an ir waſ werlichiv wat. ein hemde wiz ſidin. waz mohte champflicher ſin. dan gein dem man ſvſ chomende ein wip. oͮch ſwanch div froͮwe vmb ir lip. von ſamite einen mantel lanch. ſi gie alſ ſî der chvmber twanch. Jvnchfroͮwen kamerære. ſwaz der da bi ir wære. die lie ſi ſlafen vber al. do ſleich ſi liſe an allen ſcal. in eine kemenaten. daz ſchvͦfen di ez da taten. daz Parzival al eine lach. von chercen lieht ſo der tach. waſ vor ſiner ſlafſtat. gein ſinem bette gie ir pfat. V̂ffen teppech kniete ſi fvr in. ſi heten beidiv chrānchen ſin. er vn̄t div chvneginne. an bi ligender minne. Hie wart alſvſ geworben. an freͮden verdorben. waſ div magt deſ twanch ſi ſchem. ob er ſi hin an iht nem. leider deſ enchan er niht. ane chvnſt ez doch geſchiht. Mit einem alſo bewandem vride. daz ſi div ſvͤnebæren lide. niht zvͦ æin andr brahten. wenech ſi deſ gedahten. der meide iamer waſ ſo groz. vil zæher von ir oͮgen vloz. v̂f den ivngen Parzival. der rehorte ir weinenſ ſoͤlhen ſchal. daz er ſi wachende an geſach. leide vn̄t liebe im dran geſchach. V̂f rihte ſich der ivnge man. zer kvneginne ſparach er ſan. froͮwe bin ich iwer ſpot. ir ſoldet knien alſvs fvr got. gervͦchet ſizzen zvͦ mir her. daz waſ ſin bete vnt ſin ger. odr leit ivch hie alda ich lach. lat mich beliben ſwa ich mach. Si ſparach welt ir ivch eren. ſoͤlhe maze gein mir cheren. daz ir mit mir ringet niht. min ligen al da bi iv geſciht. deſ wart ein vride von im getan. ſi ſmoͮch ſich an daz bette ſan. ez waſ dennoch ſo ſpæte. daz nindr hvͦn da chræte. hanboͮme ſtvͦnden da bloz. der zadel hvͤnrre von im ſcoz. Div froͮwe iamerſ riche. vragt in zvhtecliche. ob er hoͤren wolt ir chlage. ſi ſparach ich fvrhte ob ichz iv ſage. Ez wende iv ſlaf daz tvͦt iv wê. mir hat der kvnec Chlammidê. vn̄t kingrvͦn ſin ſceneſclant. verwͤſtet pvrge vn̄t lant. vnz an Pelrapeire. min vatr Tampenteire. liez mich armn weiſen. in vorhteclichen vreiſen. mage. fvrſten. vn̄t man. rich vn̄t arme vndertan. waſ mir groz ellenthaftz her. di ſint erſtorben an der wer. halp oderz merre teil. weſ moht ich armiv weſen geil. Nv iſt ez mir chomn v̂f daz zil. daz ich mich ſelben toͤten wil. ê daz ich magetvm vn̄t lip. gæbe vn̄t Chlammides wip. wrde. wan ſin hant mir ſlvͦch. Scenteflorn deſ herce trvͦch. manegen rit̉erlichen pris. er manneſ ſcoͤne ein blvͤnde ris. er chvnde valſcheit mazen. der brvͦdr Liazen. Do Liaze wart genant. nach ir vil chvmberſ waſ gemant. der dienſt gebende Parzival. ſin hoher mvͦt chom in ein tal. daz riet Liazen minne. er ſparach zer kvneginne. VRoͮwe hilfet ivch îemenſ troſt. ia herre ob ich wrde erloſt. von kingrvͦne Sceneſcalt. ze rehter tioſt hat er gevalt. mir vil manegen rittr nidr. der chvmt morgen da her widr. vn̄t wænet daz der herre ſin. ſvle ligen an dem arme min. Jr ſahet wol minen palas. der nindr ſo gehoͤhet was. ich envîele ê nider in den grabn. ê Chammide ſolde habn. mit gewalt minen magetvͦm. ſvs wolde ich wenden ſinen rvͦm. Do ſparach er froͮwe iſt kingrvͦn. franzoys odr bertvͦn. odr von ſwelhem lande er vert. mit miner hant ir ſit gewert. alſ ez min lip vol bringen mach. div naht het ende vn̄t chom der tach. Div vroͮwe ſtvͦnt v̂f vn̄t neich. ir grozen danch ſi niht verſweich. do ſleich ſi wider liſe. niemn waſ da ſo wiſe. der wrde ir genſ da gewar. wan Parzival der lieht gevar. der ſlief niht langer do dr nach. der ſvnnen waſ gein der hoͤhe gach. ir gleſten dvrch die wolchen dranch. do erhort er maneger glocken chlanch. chirchen mvnſtr ſvͦchte div dîet. die Chlammide von freͮden ſchîet. Vf rihte ſich der ivnge man. der kvneginne kappelan. ſanch gote vn̄t ſiner froͮwen. ir gaſt ſi mvͦſe ſchoͮwen. vnz daz der bendizt geſchach. nach ſinem harnaſch er ſparach. da wart er wol gewapent in. er tet oͮch rittrſ ellen ſcin. mit rehter manlicher wer. do chom Clamideſ her. mit maneger banîere. kingrvn chom ſcîere. vor den anderen verre. v̂f einem orſe von iſer terre. alſ irz mare hant vernomn. do waſ oͮch fvr die porten chomn. fillv roy Gahmvret. der het der bvrgære gebet. Diz waſ ſin erſte ſwertſ ſtrit. er nam den poindr wol ſo wit. daz von ſiner tioſte hvrt. beden orſen wart en kvrt. taremgvrteln braſten vmbe daz. iewederr orſ v̂f hæhſen ſaz. di ê deſ v̂f in ſazen. ir ſwert ſi niht vergazen. in den ſceiden ſi die fvnden. kingrvn. trvͦch wnden. dvrch den arem vn̄t in die brvſt. diſiv tioſt in lerte flvſt. an ſoͤlhem priſe deſ er phlach. vnz an ſin hochvart ſwindenſ tach. Soͤlch ellen waſ v̂f in gezalt. ſehs rittr ſolt er han gev*gewalt. di gein im choͤmn v̂f ein velt. Parzival im brahte gelt. mit ſiner ellenthaften hant. daz kingrvn ſceneſcalt. wande vremder mære. wi ein pfeterære. mit wrfen an in ſeigete. andr ſtrit in neigete. Ein ſwert im dvrch den helm erchlanch. Parzival in nider ſwanch. ez ſazt im an die brvſt ein knîe. er bot daz wart geboten nîe. decheinem man ſin ſicherheit. ir enwolde niht der mit im ſtre*ſtreit. er bat in fianze. bringen Gvrnamanze. Nein herre dv maht mir gerner tvͦn. den tot. ich ſlvͦg im ſinen ſvͦn. Scenteflorn nam ich ſin lebn. got hat dir eren vil gegebn. ſwa man daz ſeit von dir. div chraft erzeiget iſt an mir. daz dv mich haſt betwngen. ſo iſt dir wol gelvngen. do ſparach der ivnge Parzival. ich wil dir lazen andr wal. nv ſichere der kvnegin. der din herre hohen pin. hat gefrvmt mit zorne. ſo wrde ich der verlorne. mit ſwerten wære min lip verzert. chleine ſo daz in ſvnnen vert. wande ich han herzeleit getan. dort inne manegen chvͤnem man. So fvͤre von diſem plane. inz lant ze Bertane. dine ritt̉erliche ſicherheit. einer magt div dvrch mich leit. deſ ſi niht liden ſolde. der vnfvͦge er chennen wolde. vn̄t ſag ir ſwaz halt mir geſcehe. daz ſi mich nimmer vro geſehe. ê daz ich ſi gereche. al da ich ſcilt dvrch ſteche. Sage Artvſe vn̄t dem wibe ſin. in beiden von mir dieneſt min. daz zvͦ der maſſenide gar. vn̄t daz ich nīmmer chvm dar. ê ich laſters mich entſage. dar ich geſellechlichen trage. mit ir div mir lachen bot. deſ chom ir lip ingroze not. ſag ir ich ſi ir dienſt man. dienſtlicher dienſte vndertan. Der rede ein volge da geſchach. di helde man ſich ſceiden ſach. Hin widr chom gegangen. da ſin orſ waſ gevangen. der bvrgære champfeſ troſt. ſi wrden ſit von im erloſt. zwivelſ pflach daz v̂zer her. daz kingrvn an ſiner wer. waſ enſchvnpfieret. nv wart gecondwieret. ~~xarzival~~Parzival zer kvnegin. div tet im vmbevahenſ ſcin. ſi drvcht in vaſte an ir lip. ſi ſparach ine wirde niemer wip. v̂f erde decheineſ man. wan den ich vmbevangen han. Si half daz er entwapent wart. ir dienſt waſ vil vngeſpart. nach ſiner grozen arbeit. waſ chranchiv wirtſcaft bereit. Die bvrgære ſvſſ gefvͦren. daz ſi im alle hvlde ſwͦren. vn̄t iachen er mvͤſe ir herre ſin. do ſparach oͮch div kvnegin. er ſolte ſin ir amis. ſit daz er ſo hohen pris. bezalte an kingrvne. zwene ſegele brvne. die choſ man von der wer hin abe. die ſlvͦch groz wint vaſte in die habe. die kiele waren geladen ſo deſ die bvrgære wrden vro. ſine trvͦgen niht wan ſpiſe. daz fvͦgte got der wiſe Hin von den zinnen vielen. vn̄t gahten zvͦ den kielen. daz hungerch her dvrch den ſtoͮp. ſi. ~~mochten~~mohten vlîegen ſo div loͮp. di magern vn̄t die ſihten. von vleiſce die lihten. in waſ erſcoben niht der balch. der kvneginne marſcalch. Tet den ſciffen ſoͤlhen vride. daz er gebot bi der wide. daz ſich ir decheiner rvͦrte. die choͮflivte er fvͦrte. fvr ſinen herren in die ſtat. Parzival in gelten bat. ir habe zewiſpilte. die choͮflivte deſ bevilte. ſvs wart vergolten in ir choͮf. den bvrgæren in die cholen troͮf. ich wære da nv wol ſoldîer. wan da trinchet niemen pîer. ſi hant wineſ vn̄t ſpiſe vil. do warp alſ ich iv ſagen wil. Parzival der raine. von erſte die ſpiſe chlaine. teilt er mit ſin ſelbes hant. er ſazte di werden di er da vant. er wolde niht ir læren magn. vber chrvpfe lazen tragn. er gab in rehter maze teil. ſi wrden ſinſ rateſ geil. hin ze naht ſchvͦf er in mere. der vnloſe niht zehere. Bi ligenſ wart gevraget da. er vnt div kvnegin ſprachen ia. er lach mit ſoͤlhen fvͦgen. deſ nv niht wil genvͦgen. mangiv wip ſwer inſo tvͦt daz ſi dvrch arbeitlichen mvͦt. ir zvht ſvs parrierent. vn̄t ſich der gegen zierent. VoR geſten ſint ſi an chivſcen ſiten. ir hercen wille hat verſniten. ſwaz mach an den gebærden ſin. ir friwnt ſi heinlichen pin. fvͤgent mit ir zarte. deſ maze ie ſich bewarte. Der getriwe ſtæte man. wol friwendinne ſcoͤnen chan. er denchet alſ ez iſt lihte war. ich han gedienet miniv iar. nach lone diſem wibe. div hat mime libe. erboten troſt nv lige ich hîe. deſ hete mich genvͤget îe. ob ich mit miner blozen hant. mvͤſe rvͤren ir gewant. ob ich nv giteſ gerte. vntriwe eſ fvr mich werte. ſolt ich ſî arbeiten. vnſer beider laſtr breiten. vor ſlafe ſvͤziv mære. ſint froͮwen ſite gebære. Svſ lach der waleiſe. chranch waſ ſin vreiſe. den man den roten rittr hiez. ~~div~~die kvnegin er maget liez. ſi wande idoch ſi wære ſin wip. dvrch ſinen minneclichen lip. deſ morgen ſi ir hoͮbet bant. do gab im pvrge vn̄t lant. diſiv magetbæriv brv̂t. wand er waſ ir hercen trv̂t. Si waren mit ein andr ſô. daz ſi dvrch liebe waren vrô. zwene tage vnt die dritten naht. von im diche wart gedaht. vmbe vahenſ deſ ſin mvͦtr riet. Gvrnemanz im oͮch vnderſciet. man vn̄t wip wæren al ein. ſich vlahten arem vn̄t bein. ob ich iv ſagen mvͤze. er vant daz nahe ſvͤze. Der alte vn̄t der niwe ſite. wonte alda in beiden mite. in waſ wol vn̄t niht ze wê. nv hoͤret oͮch wi Clamidê. in chrefteclicher hervart. mit mæren vngetroͤſtet wart. ſvs begvnde im ein knappe ſagen. deſ orſ zen ſîten waſ dvrch ſlagen. vor Pelrapeire v̂f dem plan. iſt werdiv rit̉erſchaft getan. ſcarpf genvͦch von ritterſ hant. betwngen iſt der Sceneſclant. deſ herſ meiſtr kingrvͦn. vert gein Artvſe dem bertvne. ir vn̄t iwer bediv her. vindet Pelrapeire mit wer. dort inne iſt ein rittr wert. der anderſ niht wan ſtriteſ gert. Iwer ſoldiere iehent beſvnder. daz von der Tavelrvnder. div kvneginne habe beſant. Jthern von Chvchvmerlant. deſ wapen chom zer tioſte fvͤr. vn̄t wart getragen nach priſſ chvͤr. der kvnech ſparach zem knappen ſan. Condwir amvrſ wil mich han. vn̄t ich ir lip vn̄t ir lant. kingrvͦn min ſceneſcalt. mir mit warheit enbot. ſi gæben die ſtat dvrch hvngerſ not. vnt daz div kvneginne. mir bvte ir werden minne. Der knappe erwarp da niht wan haz. der kvnec mit her reit fvrbaz. im chom ein rittr widr varn. der oͮch daz orſ niht chvnde ſparn. der ſeit div ſelben mære. Chlamide wart ſwære. frevde vn̄t ritterlicher ſin. ez dvhte in groz vngewin. deſ kvneges man ein fvrſte ſprach. kingrvnen da niemen ſach. ſtriten fvr vnſer manheit. niwan fvr ſich einen er da ſtreit. nv lat in ſin ze tode erſlagen. ſvlen dvrch daz zwei her verzagen. diz vn̄t ienez vor der ſtat. ſinen herren er trvren lazen bat. wir ſvlenz noch paz verſvͦchen. wellent ſi wer gervͦchen. wir gebn in noch ſtriſ vil. vn̄t bringenz v̂z ir freͮden zil. Man vn̄t mage ſvlt ir manen. vn̄t ſvͦchet die ſtat mit zwein vanen. wir mvgen an der liten. wol zeorſe zvͦ zin riten. die porten ſvͦchen wir zefvͦz. deiſwar wir tvͦn in ſcimpheſ bvͦz. den rat gap Galogandres. *d̉er herzog vōn Gippones. der braht die bvrgære in not. er holt oͮch an ir lezze den tot. alſ tet der grave Nerant. ein fvrſte v̂z Vcher lant. vn̄t manech wert armer man. den man toten trvͦch her dan. Nv hoͤret ein andr mære. wi die bvrgære. ir lezze taten goͮme. ſi namen lange boͮme. vn̄t ſtiezen ſtarche ſtechen drîn. daz gap den ſvͦchæren pîn. mit ſeilen ſi die hiengen. die ronen in redern giengen. daz waſ geprvͤuet allez ê. ſi ſvͦchte ſtvrmeſ Clamide. nach kingrvͦns ſcvmpfentiwer. oͮch chom in heidenſch wilde fiwer. mit der ſpiſe in daz lant. daz v̂zer antwerch wart verbrant. ir ebenhoͤhe vn̄t ir mangen. ſwaz v̂f redern chom gegangen. igel. chazzen. in den graben. die chvnde daz fiwer hin dan wol ſchaben. ~~xingrvͦn~~Kingrvͦn ſceneſcalt. was chomn zebertane in daz lant. vnd vant den kvnec Artvs. in Prizlian zem weide hvs. daz waſ geheizen karminal. do warb er alſ in Parzival. gevangenn hete dar geſant. froͮn Cvnnewaren de Lalant. braht er ſine ſicherheit. div ivnchfroͮwe waſ gemeit. daz mit triwen chlagt ir not. den man da hiez der rittr rot. Vber al diz mære wart vernomn. do waſ oͮch fvr den kvnec chomn. der betwngene werde man. im vnt der mæſſenide ſan. ſaget er waſ in waſ enboten. kêie er ſcrach vnd begvnde roten. Doch ſparach er. biſtvz kingrvͦn. avoy wi manegen Bertvn. hat enſcvmpfieret din hant. dvͦ Chlamides ſceneſcalt. wirt mir din meiſtr nimmer holt. dinſ amteſ dv doch geniezen ſolt. der chezzel iſt vnſ vndertan. mir hie. vn̄t dir ze Brandigan. hilf mir dvrch dine werdecheit. Cvnnewaren hvlde vmbe chrapfen breit. er bot ir anderſ wandelſ niht. die rede lat ſin hoͤret waz geſchiht. da wir diz mare liezen ê. fvr Pelrapeire chom Chlamidê. dane wart groz ſtvͤrmen niht vermiten. die inren mit den vͦzern ſtriten. xiSi heten troſt vn̄t chraft. man vant die helde werhaft. da von behabten ſi daz wal. ir landeſ herre Parzival. ſtreit den ſinen verre vor. da ſtvͦnden offen gar div tor. mit ſlegen er die arme erſwanch. ſin ſwert dvrch herte helme erchlanch. Swaz er da rittr nider ſlvͦch. die fvnden arbeit genvͦch. die chvnde man ſi leren. zer halſꝑperge geren. die bvrgære taten rache ſcin. ſi erſtachen ſi zen ſlizzen in. Parzival in werte daz. do ſi drvmbe erhorten ſinen haz. zweinzech ſi ir lebendich geviengen. ê ſi von ſtrîte giengen. Parzival wart wol gewar. daz Chlamide mit ſiner ſchar. riterſcaft zen porten mêit. vn̄t daz er anderthalbn ſtrêit. der ivnge mvͦtſ herre. cherte anz vngeverte. hin vmbe begvndr gahen. deſ kvnegeſ vanen nahen. ſeht do wart Chlamides ſolt. alreſt mit ſcaden da geholt. Die bvrgære ſtrîten chvnden. ſo daz in gar verſwnden. die herten ſcilde von der hant. Parzivales ſcilt verſwant. von ſlegen vn̄t von ſcvzzen. ſwi wenech ſis genvzzen. di ſvͦchære di daz ſahen. deſ priſſ ſi im alle iahen. Galogandres trvͦch den vanen. der chvnde oͮchz her wol manen. der lag anſ kvneges ſiten tot. Chlamide chom ſelbe in not. im vn̄t den ſinen wart da we. den ſtvrem verbot do Chlamide. Die bvrgære manheite wis. behielten frvm vnt den pris. Parzival der werde degen. hiez der gevangen ſcone pflegn. vnz an den dritten morgen. daz vzer her pflach ſorgen. Der ivnge ſtolze wirt gemêit. nam der gevangen ſicherhêit. er ſparach als ichz iv enbivte. chomt widr gvͦten livte. ir harnaſch er behalden bat. inz her ſi cherten fvr die ſtat. ſwiͤ ſi wæren von trvͤnchen rot. die vzeren ſparachen hvngerſ not. habt gedolt ir armen. lat ivch vnſ niht erbarmen. ſparach div gevāngene ritterſchaft. dort inne iſt ſpiſe alſoͤlhiv chraft. wolt ir hie ligen noch ein iar. ſi behielten ivch mit in fvr war. Dev kvneginne hat den ſcoͤnſten man. der ſcildes ambet îe gewan. er mach wol ſin von hoher art. aller rittr ere iſt zim bewart. do diz erhorte Chlamide. alreſt tet im ſin arbeit we. boten ſander widr in. vn̄t enbot ſwer bi der kvnegin. da gelegen wære. iſt er champfes bære. ſo daz ſi in da fvr hat erchant. daz er ir lip vn̄t ir lant. mir mit champfe tvrre wern. ſo ſi ein fride von beden hern. Parzival deſ wart al vro. daz im div botſcaft alſo. gein ſin eineſ champfe waſ geſagt. do ſparach der ivnge vnverzagt. Da fvr ſi min triwe pfant. deſ inren herſ dechein hant. chvmt dvr mine not ze wer. zwiſcen dem graben vn̄t dem v̂zerem her. wart geſtætet dirre vride. do wapenden ſich die champfes ſmide. Do ſaz der kvnec von Brandigan. v̂f ein gewapent kaſtelan. daz waſ geheizen Gvueriorz. von ſime neven Grigorz. dem kvnege von Jpotente. mit richer priſente. waſ ez chomn Chlamide. norden vber den Vcher ſe . Ez brahte der kvnec Narant. vn̄t dar zvͦ tvſent ſcariant. mit harnaſce alſvndr ſcilt. den waſ ir ſolt alſvs gezilt. wolleclichen zwei iar. ob daventivre ſeit al war. Grigorz im ſande rittr chlvͦch. fvnf hvndert. ieſlicher trvͦch. helm v̂f hoͮbet gebvnden. die wol mit ſtrite chvnden. Do hete Chlamides her. v̂f dem lande vn̄t in dem mer. Pelrapeire alſo belegn. die bvrgære mvͤſen chvmberſ pflegn. Vͦz chom geriten Parzival. an daz vrtelliche wal. da got erzeigen ſolde. ob er im lazen wolde. deſ kvnec Tampenteires parn. ſtolzlich er chom gevarn. niwan alſ dez orſ den walap. vor der rabbine gap. daz waſ gewapent wol fvr not. von ſamite ein deche rot. lag v̂f der iſerinen. an im ſelben liez er ſcinen. rot ſcilt. rot kvrſît. Chlamide erhvͦp den ſtrît. chvrz ein vnbeſniten ſper. braht er dvrch tioſte vellen her. da mit er nam den poindr lanch. Gvueriorz mit hvrte ſpranch. Wol da getivſtieret wart. von den zwein ivngen ane bart. ſvnder falîeren. von livten noch von tieren. wart nie geſtriten herter champf. iweder orſ von mvͤde dampf. Svſſ heten ſi gevohten. daz div orſ niht mere enmohten. do ſtvrzten ſi dar vnder. enſamt niht beſvnder. ir iwedr deſ gervͦchte. daz erz fiwer ime helme ſvͦchte. ſine mohten virenſ niht gepflegn. in waſ zewerche al da gegebn. do zerſtvben in die ſcilde. alſ der mit ſcimpfe ſpilde. vn̄t vedern wrfe in den wint. dennoch waſ Gahmvreteſ kint. ninder mvͤde an decheinem lide. do wande Chlamide daz der vride. wære gebrochen v̂z der ſtat. ſinen champfgnoz er bat. daz er ſich ſelben erte. vn̄t mangen wrfe werte. ez giengen v̂f in ſlege groz. die waren wol mangen ſteinſ gnoz. Svſſ antwrte im deſ landeſ wirt. ich wæne dich mangen wrf verbirt. wan da fvͤr iſt min triwe pfant. heteſt et vride von miner hant. diren bræche mangen ſwenchel. brvſt hoͮbet noch den ſcenchel. Chlamide dranch mvͤde zvͦ. div waſ im dennoch gar zefrvͦ. Sig gewnnen ſig verlorn. wart ſvndr da mit ſtrite erchorn. doch wart der kvnec Chlamide. an ſcvmpfentiwer beſcoͮwet ê. mit eime nidr zvche. von Parzivales drvche. blvͦt wæte v̂z oren vn̄t v̂z dr naſen. daz machete rot den grvͤnen waſen. er enblozte imz hoͮbet ſcîere. von helme vn̄t von herſſenîere. gein ſlage ſaz der betwngen lip. der ſigehafte ſparach. min wip. mach nv beliben vor dir vrî. nv lerne waſ ſterbn ſî. Neina werder degen balt. dine ere wirt ſvſ drizech valt. vaſt an mir rezeiget. ſit dv mich haſt geneiget. wa mohte dir hoher priſ geſcehn. Condwir amvrſ mach wol iehn. daz ich der vnſælige bin. vnt din gelvcke hat gewin. din lant iſt erloͤſet. alſ der ſin ſciff eroͤſet. ez iſt vil deſte lihter. min gewalt iſt ſihter. reht manlichiv wnne. iſt worden an mir dvnne. dvrch waſ ſoldeſtv mich ſterbn. ich mvͦz doch laſter erbn. v̂f alle mine nach ~~ch*mn~~chvmn. dv haſt den priſ vn̄t den frvmn. ~~xvͦſtv~~Tvͦſtv mir mer daz iſt an not. ich trage den lebendigen tot. ſit ich von ir geſceiden bin. div mir herce vnde ſin. îe mit ir gewalt beſloz. vn̄t ich des nie gein ir genoz. deſ mvͦz ich vnſælich man. ir lib ir lant dir ledech lan. Do dahte der den ſig hat. ſa an Gvrnemanzſ rat. daz ellenthafter manheit. erbærme ſolte ſin bereit. ſvſ volgete er dem rate nach. hin ze Chlamide er ſparach. Jne wil dich niht erlazen. ir vatr Liazen. dvne bringeſt im dine ſicherheit. Neina herre dem han ich herceleit. getan. ich ſlvͦg im ſinen ſvn. dvne ſolt alſo mit mir niht tvn. dvrch condwieren amvrs. vaht oͮch mit mir Scenteflvrs. oͮch wære ich tot von ſiner hant. wan daz mir half min ſceneſcalt. Jn ſande inz lant ze Brobarz. Gvrnemanz de Graharz. mit werdeclicher hereſ chraft. da taten gvͦte ritterſcaft. nivn hvndert rittr di wol ſtriten. gewapent orſ die alle riten. vn̄t zwelf hvndert ſcariant. gewapent ichſe in ſtrite vant. xen gebraſt niht wan der ſcilte. ſinſ herſ mich bevilte. ir chom oͮch chvme der ſame widr. mer helde verloſ ich ſidr. nv darbe ich freͮde vn̄t êre. weſ gẻrſtv von mir mere. Jch wil ſenften dinen vreiſen. var gein den Bertteneiſen. da vert oͮch vor dir kingrvͦn. gein Artvſe dem Beritvͦn. dem ſoltv minen dieneſt ſagen. bit in daz er mir helfe chlagen. laſtr daz ich fvͦrte dan. ein ivnchfroͮwe mich lachte an. daz man die dvrch mich zebloͮ. ſo ſere mich nie dinch geroͮ. der ſelben ſage ez ſi mir leit. vn̄t bring ir dine ſicherheit. ſo daz dv leiſteſ ſin gebot. oder nim alhîe den tot. Sol daz geteilte gelten. ſone wil ichz niht beſcelten. ſvs ſparach der kvnec von Brandigan. ich wil die vart von hinnen han. Mit gelvbde do dannen ſcîet. den ê ſin hochvart verrîet. Parzival der wigant. giēnch da er ſin orſ al mvͤde vant. ſin fvͦz dernach nie gegreif. er ſparanch drv̂f ane ſteigreif. daz alvmbe begvnden zirben. ſine verhoͮwene ſcildes ſcirben. Des waren die bvrgære gemeit. daz v̂zer her ſach herceleit. prât vn̄t lide im taten wê. man leite den kvnec Chlamidê. da ſine helfære waren. die toten mit den baren. frvͤmt er an ir reſte. do rv̂mdenz lant die geſte. Chlamide der werde. reit gein Loͤver v̂f die erde. ensamt niht beſvnder. die von der tavelrvnder. waren ze Dianazdrvn. bi Artvſe dem Berttvn. ob ich iv niht gelogen han. von dianazdrvn der plan. mvͦſe zelt ſtangen wonen. mer dann in ~~Spethtſhart~~Spehtſhart ſi ronen. Mit ſoͤlher maſſinide lach. dvrch hochkezit den pfinxtach. Artvſ mit maneger froͮwen. oͮch mohte man da ſcoͮwen. manege baniere vnd ſcilt. den ſvndr wapen waſ gezilt. manegen wol geherten rinch. ez divhten nv vil groziv dinch. wer mohte div reiſlachen. ſolhem wibe her gemachen. vͦch wande do ein froͮwe ſan. ſi ſolt den priſ verloren han. hete ſi da niht ir amis. ich entæteſ niht decheinen gwis. Ez waſ do manech tvmber lip. ich bræhte vngern nv min wip. in alſo groz gemenge. ich vorhte vnchvnt gedrenge. etſlicher hin zir ſpræche. daz in ir minne ſtæche. vn̄t im die freͮde blante. ob ſi die not erwante. daz dient er vor vnd nach. mir wære ê mit ir dannen gach. Jch han gereit vmbe min dinch. nv hoͤret wie Artvſſ rinch. ſvnder waſ erchennechlich. vor v̂z mit maneger ioie rich. div mæſſenide vor im az. manech werder man gein valſce laz. vn̄t manech ivnchfroͮwe ſtolz. daz niht wan tioſte waſ ir bolz. ir friwent ſi gein dem vient ſcoz. lert in ſtrit da chvmber groz. ſvs ſtvͦnt lihte ir gemvͤte. daz ſiz galt mit gvͤte. Chlamide der ivngelinch. reit mitten in den rinch. verdechet orſ gewapent lip. ſah an im Artvſſ wip. ſinen helm ſinen ſcilt verhoͮwen. daz ſahen gar die froͮwen. Svs waſ er zehove chomn. ir habt ê wol vernomn. daz er deſ wart betwngen. er rebeizte. vil gedrvngen. wart ſin lip ê er ſizzen vant. froͮn Cvnnewaren de Lalant. Do ſparach er. froͮwe ſit ir daz. der ich ſol dienen ane haz. ein teil michſ twinget not. ſin dienſt iv enbot der rittr rot. der wil vil ganze pflihte han. ſwaz iv zelaſter iſt getan. Oͮch bitt erz Artvſe chlagen. ich wæne ir ſit dvrch in geſlagen. froͮwe ich pringe iv ſicherhêit. ſvſſ gebot der mit mir da ſtrêit. nv leiſt ichz gerne ſwenn ir welt. min lip gein tode waſ verſelt. Froͮ Cvnneware de Lalant. greif an die gîſerten hant. al da froͮ Ginover ſaz. div ane den kvnec mit ir az. keie oͮch vor dem tiſſce ſtvnt. al da im diz mære wart chvnt. der widerſaz im ein teil. deſ wart froͮ Cvnneware geil. Do ſparach froͮwe dirre man. ſwaz der hat gein iv getan. deſ iſt er vaſt vnder zogen. doch wæne ich deſ er iſt v̂f gelogen. Jch tetz dvrch hoflichen ſit. vn̄t wol ivch han gebezzert mite. dar vmbe han ich iweren haz. idoch wil ich iv raten daz. heizet entwapen diſen gevangen. in mach hie ſtenſ erlangen. in bat div ivnchfroͮwe ſcier. ab nemn helm vntz herſnier. do manz von im ſtroͮfte vnd bant. Chlamide wart ſciere erchant. kingrvͦn ſach diche. an in chvntliche blicke. do wrden an den ſtvnden. ſine hende alſo gewnden. daz ſi begvnden chrachen. alſ die dvrren ſpachen. Den tiſc ſtiez von im zehant. Chlamideſ ſceneſcalt. ſinen herren vrâgetr mære. den vander freͮden lære. der ſparach ich pin zeſcaden geborn. ich han ſo wirdich her verlorn. daz mvͦter nie gebot ir brvſt. dem der erchante hoher vlvſt. mich enriwet niht minſ herſ tot. da gegen minne mangelſ not. leſtet v̂f mich ſoͤlhen laſt. mir iſt freͮde geſtin hohmvͦt gaſt. Condwir amvrſ frvmt mich gra. Pilatvſ von Poncia. vnt der arme Jvdas. der bî eime chvſſe was. an der triwenloſer vart. da Jeſvs verraten wart. ſwi daz ir ſcepfære ræche. die not ich niht verſpræche. Daz brobarzære froͮwen lip. mit ir hvlden wære min wip. ſo daz ichſe vmbe vienge. ſwie ez mir dar nach ergienge. ir minne iſt leidr verre. dem kvnege von Jſer terre. min lant vntz volch ce Brandigan. mvͤzenſ immer iamer han. minſ veter ſvn Mabonagrin. leit oͮch da ce langen pin. Nv bin ich kvnec Artvs. her geriten in din hvs. betwngen von rittrs hant. dv weiſt wol daz in min lant. dir manech laſtr iſt getan. deſ vergiz nv werder man. die wile ich hie gevangen ſî. laz mich ſoͤlhes hazzeſ vrî. Mich ſol froͮ Cvnneware. oͮch ſceiden von dem vare. div mine ſicherheit enpfiench. do ich gewapent fv̂r ſî giench. Artvs vil getriwer mvnt. verchoſ die ſcvlde ſa zeſtvnt. Do vrîeſch wib vn̄t man. daz der kvnec von Brandigan. waſ geriten v̂f den rinch. nv dar ~~nacher~~naher dringa drinch. ſciere wart daz mære brêit. mit zvhten ieſch geſellechêit. Chlamide der freͮden âne. ir ſvlt mich Gawâne. bevelhen froͮwe bin ichſ wert. ſo weiz ich wol daz erſ oͮch gert. leiſtet er dar an iwer gebot. er eret ivch vnt den riter rot. Artvs bat ſiner ſweſtr ſvn. geſellecheit dem kvnege tvn. daz wære idoch ergangen. do wart wol enphangen. von der werden maſſenîe. der betwngene valſces vrîe. ze Chlamide ſparach kingrvͦn. owe daz ie ~~daz îe~~ dechein Bertvn. dich betwngen ſach cehvs. noch richer denne Artvs. wære dv helfe vn̄t vrborn. vn̄t heteſ dine ivgent bevorn. ſol Artvs da von priſ nv tragn. daz Kaie dvrch zorn hat geſlagn. ein edele fvrſtinne. div mit herzen ſinne. ir mit lachen hat erwelt. der ane liegen iſt gezelt. mit warheit fv̂r den hohſten priſ. di bertenoyſe ir lobeſ ris. wænent nv hoch geſtozen han. an ir arbeiſt iſt getan. daz tote her wider wart geſant. der kvnec von Chvchvmerlant. vnt daz min herre im ſiges iach. den man gein im in champfe ſach. der ſelbe hat betwngen mich. gar ane hælingen ſlich. man ſach da fiwer v̂z helmen wæn. vn̄t ſwert in henden vmbe dræn. Do ſparachen ſi alle geliche. beide arme vnd riche. daz keie hete miſſetan. hie ſvle wir diz mære lan. vn̄t chomenſ wider an die vart. daz wͤſte lant erbuwen wart. da chrone trvͦch Parzival. man ſach da freͮde vn̄t ſcal. ſin ſweher Tampentêyre. liez im v̂f Pelrapêyre. lieht geſteine vn̄t roteſ golt. daz teilter ſo daz man im holt. waſ. dvrch ſine milte. vil baniere niwe ſcilte. deſ wart ſin lant gezîeret. vn̄t vil getvrnîeret. von im vn̄t von den ſinen. er liez diche ellen ſcinen. an der marche ſinſ landeſ ort. der ivnge degen vnvervorht. ſin tat waſ gein den geſten. geprvͤuet fvr die beſten. Nv hoͤret oͮch von der kvnegin. wie moht der imer baz geſin. div ivnge ſvͤze werde. het den wnſch v̂f der erde. ir minne ſtvͦnt mit ſoͤlher chraft. gar ane wancheſ anehaft. ſi het ir man da fvr erchant. iewederz an dem andern vant. er waſ ir liep alſo waſ ſi im. ſwenne ich daz mære an mich nv nim. daz ſi ſich mvͤzen ſceiden. da wehſet ſcade in beiden. oͮch riwet mich daz werde wip. ir livte. ir lant. dar zvͦ ir lip. ſciet ſin hant vn̄t grozer not. da gein ſi im ir minne bot. Eineſ morgenſ er mit zvhten ſparach. manech rittr ez horte vn̄t ſach. ob ir gebietet froͮwe. mit vrloͮbe ich ſcoͮwe. wi ez vmbe mine mvͦtr ſtê. ob der wol oder wê. ſî. daz iſt mir harte vnchvnt. daz wil ich zeiner chvrzen ſtvnt. vn̄t oͮch dvrch aventivre zil. mag ich iv gedienen vil. daz giltet iwer minne wert. ſvſ het er vrloͮbeſ gegert. Er waſ ir liep ſoz mære giht. ſine wolde im verſagen niht. von allen ſinen mannen. ſciet er al eine dannen. Swer rvͦchet hoͤren war nv chvmt. den aventivre hat v̂z gefrvmt. der mach groziv wnder. merchen al beſvnder. lat riten Gahmvretes kint. ſwa nv getriwe livte ſint. die wnſcen im heileſ wan ez mvͦz ſin. daz er nv lidet hohen pin. etſwenne oͮch freͮde vn̄t ere. ein dinch in mvͤte ſere. daz er von ir geſceiden was. daz mvnt von wibe nie gelas. nach ſvſ geſagtem mære div ſcoͤner vn̄t bezzer wære. gedanche nach der kvnegin. begvnden chrenchen im den ſin. deſ mvͦſer gar verloren han. wærez niht ein herzehafter man. Mit gewalt den zoͮm daz roſ. trvͦg vber ronen vn̄t dvrchez moſ. wandez enwîſte niemenſ hant. vnſ tvͦt div aventivre bechant. daz er bi dem tage reit. ein vogel heteſ arbeit. ſolt erz allez han enflogen. mich enhab div aventivre betrogen. ſin reiſe vnnach waſ ſo groz. deſ tageſ do er Jthern ſcoz. vn̄t ſit do er von Graharz. chom. in daz lant ze Brobarz. Welt ir nv hoͤren wi ez im geſtê. er chom deſ abentſ an einen ſê. da heten geanchert weideman. den waſ daz wazzer vndertan. do ſi in riten ſahen. ſi waren dem ſtade ſo nahen. daz ſi wol horten ſwaz er ſprach. einen er ime ſciffe ſach. der hete an im alſolch gewant. ob im dienden elliv lant. daz ez niht bezzer mohte ſin. gefvrriert. ſin hvͦt waſ pfawin. den ſelben wiſcære. begvnder vragen mære. daz er im rîete dvrch got. vn̄t dvrch ſiner zvhte gebot. wa er herberge mohte han. ſvs antwrte im der trvrige man. Er ſparach herre mir iſt niht bechant. daz weder wazzer oder lant. inre drizech milen erbwͦen ſî. wan ein hv̂ſ lit vnſ hie bî. mit triwen ich iv rate dar. war moht ir talanch anderſwar. Dort an deſ velſes ende. da chert zer zeſwen hende. ſo ir v̂f hin chomt an den grabn. ich wæne da mvͤzet ir ſtille habn. bittet iv die brvkken nider lazen. vn̄t offen iv die ſtrazen. xRER tet alſ im der viſſcære rîet. mit vrloͮbe er dannen ſcîet. er ſparach chomt ir rehte dar. ich nim iwer hinte ſelbe war. ſo danchet alſ man iwer pflege. hvͤtet ivch da gent vnchvnde wege. ir mvget ander lîten. wol miſſeriten. deiſwar deſ ich iv doch niht gan. Parzival der hvͦp ſich dan. er begvnde wacherlichen draben. den rehten pfat vnz an den graben. da waſ div brvkke v̂f gezogen. div bvrch an veſte niht betrogen. ſi ſtvͦnt alſ ſi wære gedræt. ez enflvge oder hete der wint gewæt. mit ſtvrme ir niht geſcadet was. vil tvrne manech palas. da ſtvͦnt mit wnderlicher wer. ob ſî ſvͦchten elliv her. ſine gæben fv̂r die ſelben not. ze drizech iaren niht ein brot. Ein knappe deſ gervͦchte. vn̄t vragte in waſ er ſvͦchte. odr wannen ſin reiſe wære. er ſparach der viſſcære. hat mich von im her geſant. ich han genigen ſiner hant. Niwan dvrch der herberge wan. er bat die brvkken nider lan. vn̄t hiez mich zvͦ ziv riten in. herre ir ſvlt willechomen ſin. ſit ez der viſſcære veriach. man bivtet iv ere vnt gemach. dvrch in der ivch ſande widr. ſparach der knappe vn̄t lie die brvkke nidr. Jn die bvrch der chvͤne reit. v̂f einen hoff wit vn̄t breit. dvrch ſcimpf er niht zetret was. da ſtvͦnt al chvrz grvͤne gras. da waſ bvhvrdieren vermiten. mit banieren ſelten vber riten. alſo der anger zAbenberch. ſelten froͤlichiv werch. waſ da gefrvͤmt zelanger ſtvnt. in waſ wol hercen iamer chvnt. Wenech er deſ gein in enkalt. in enpfiengen rittr ivng vn̄t alt. vil chleiner ivncherrelin. ſprvngen gein dem zoͮme ſin. ieſlichez fvrz andr greif. ſi habten ſinen ſtegreif. Svſ mvͦſer von dem orſe ſten. in baten rittr fvrbaz gen. di fvͦrten in an ſin gemach. harte ſciere daz geſcach. daz er mit zvht entwapent wart. do ſi den ivngen ane bart. geſahen alſvs minneclich. ſi iahen er wære ſælden rich. xin wazzer îeſch der ivnge man. er twͦch den ram von im ſan. vndern oͮgen vnt an handen. alt vn̄t ivnge wanden. daz von im andr tag erſcin. ſvs ſaz der minnecliche win. gar vor allem tadel vrî. mit pfelle von Arabî. man trvͦg im einen mantel dar. den legt an ſich der wol gevar. mit offener ſnvͤre. ez waſ im ein lobſ gefvͤre. Do ſprach der kamerære chlvͦch. Repanſe de ſcoye in trvͦch. min froͮwe de kvnegin. ab ir ſol er iv gelihen ſin. wan iv iſt niht chleider noch geſniten. Ja mohte ich ſis mit eren biten. wande ir ſit ein werder man. ob ichz geprvͤuet rehte han. Got lon iv herre daz irſ ieht. ob ir mich ze rehte ſpeht. ſo hat min lip gelvcke erholt. div goteſ chraft gît ſoͤlhen ſolt. Man ſcanchte im vn̄t pflach ſin ſo. die trvͦrigen waren mit im al vro. man bot im wirde vn̄t êre. wan da waſ rateſ mêre. denne er ce Pelrapeire vant. di do von chvmbr ſciet ſin hant. Sin harnaſc waſ von im getragen. daz begvndr ſider ſere chlagen. da er ſich ſcimpfes niht verſan. ze hove ein rede ſpæher man. bat chomn ze vrævelliche. den gaſt ellenſ riche. zem wirte alſ ob im wære zorn. deſ het er nach den lip verlorn. von dem ivngen Parzival. do er ſin ſwert wol gemal. ninder bi im ligen vant. zer fivſte twang er ſvs die hant. daz ~~deſ~~dez plvͦt v̂zen nagelen ſcoz. vn̄t im den ermel gar begoz. Nein herre ſparach div ritterſcaft. ez iſt ein man der ſcimpfes chraft. hat ſwi trvrech wir anderſ ſin. tvͦt iwer zvht gein im ſcin. iren ſvltz niht anderſ han vernomn. wan daz der viſſcære ſi chomn. dar get. ir ſit im werder gaſt. vn̄t ſchvttet ab iv zorens laſt. Si giengen v̂f einen palas. hvndert chrone da gehangen was. vil cherzen drvf geſtozen. ob den hv̂ſgenozen. chleine cherzen al vmbe an der want. hvndert pette er ligen vant. daz ſcvͦfen dieſ da pflagen. hvndert kvlter drvffe lagen. Ie fier geſellen ſvnder ſiz. da zwiſcen waſ ein vndr viz. dr fv̂r ein teppech ſinewel. fillv roy frimvtel. mohte wol geleiſten daz. einſ dingeſ man da niht vergaz. ſine hete niht betvͦret. mit marmel waſ gemvͦret. dri fier ekke fiwer ram. dar vffe waſ deſ fiwers nam. holz hiez lign Alôe. ſo groziv fiwer ſit noch ê. ſach niemn hie ze Wildenberch. îenez waren choſtenlichiv werch. Der wirt ſich ſelbn ſezzen bat. gein der mitteln fiwer ſtat. v̂f ein ſpanbette. ez waſ worden wette. zwiſcen im vn̄t der vreͮde. er lebte niht wan towende. Jn den palaſ chom gegangen. der da wart wol enpfangen. Parzival der lieht gevar. von im der in ſante dar. der liez in da niht langer ſten. in bat der wirt naher gen. vn̄t ſizzen zvͦ mir da her an. ſazte ich ivch verre dort hin dan. daz wære iv alce gaſtlich. ſvs ſparach der wirt iamerſ rich. ~~xer~~Der wirt het dvrch ſiechheit. groziv fiwer vn̄t an im warmiv chleit. wit vn̄t lanch zoblin. ſvs mvͦſe v̂zen vn̄t innen ſin. der pelliz vn̄t der mantel drobe. der ſwecheſte balch wære wol zelobe. der waſ doch ſwarz vn̄t gra. deſ ſelben waſ ein hvbe alda. v̂f ſime hoͮbte zwivalt. von zobele den man tivre galt. ſinwel arabſc ein porte. oben drv̂f gehorte. mitten dran ein knoͤpfelîn. ein dvrch livhtich rvbîn. da ſaz manech rittr chlvͦch. da man iamer fvr ſie trvͦch. ein knappe ſpranch zer tvͤr dar in. der trvͦg eine glevîn. der ſite waſ ce trvren gvͦt. an der ſniden hvͦp ſich plvͦt. vn̄t lief den ſcaft vnz v̂f die hant. derz indem ermel widrwant. Da wart geweinet vnt geſcrît. v̂f dem palaſe wit. daz volch von drizech landen. mohtez den oͮgen niht enblanden. er trvͦchſe in ſinen henden. alvmbe zen vîer wenden. vnz aber wider zvͦ der tv̂r. der knappe ſpranch hin v̂z dr fv̂r. Deſtillet waſ deſ volcheſ not. alſ in der iamer ê gebot. deſ ſi div gleven het ermant. di der knappe brahte in ſiner hant. Wil ivch nv niht erlangen. ſo wirt hie zvͦ gevangen. daz ich ivch bringe an die vart. wi da mit zvht gedienet wart. zende an dem palas. ein ſtæhlin tv̂r entſlozzen was. da giengen v̂z zwei werdiv kint. nv hoͤret wie div geprvͤuet ſint. daz ſi wol gæben minnen ſolt. ſwerz da mit dienſte het erholt. daz waren ivnchfroͮwen clar. zwei ſcapel vber bloziv har. blvͦmen waſ ir gebende. îewederiv v̂f der hende. trvͦch von golde ein cherzſtal. ir har was rei*reid lanch vn̄t val. Si trvͦgen brinnendigiv lieht. hie ſvle wir vergezzen niͤht. vmbe der ivnchfroͮwen gewant. da manſe chvmende inne vant. De grævinne von Tenabroch. brvn ſcarlachen waſ ir roch. deſ ſelben trvͦg oͮch ir geſpil. ſi waren gefiſcieret vil. mit zwein gvrteln an der chrenche. Ob der hvffe ame gelenche. Nach den chom ein herzogin. vn̄t ir geſpil zwei ſtoͤllelin. ſi trvͦgen von helfenbêin. ir mvnt nach fiwerſ roͤte ſcêin. die niegen alle vîere. zwo ſazten ſcîere. fvr den wirt die ſtollen. da wart gedient mit vollen. die ſtvͦnden enſamt an eine ſcar. vn̄t waren alle wol gevar. den vieren waſ gelich ir wat. nv ſeht wa ſich niht verſvmet hat. andr froͮwen vierſtvnt zwͦ. die waren da geſcaffet zvͦ. viere trvͦgen cherzen groz. di andern viere niht verdroz. ſine trvͤgen einen tîvren ſtein. da tages de ſvnne lieht dvrch ſcein. da fv̂r waſ ſiſin name erchant. ez was ein granat iachant. beide lanch vn̄t brêit. dvrch die lîhte in dvnne ſnêit. ſwer in zeime tiſce maz. da obe der wirt dvrch richheit az. Si giengen harte rehte. fv̂r den wirt al æhte. gein nîgen ſi ir hoͮbet wegeten. viere die taveln legeten. v̂f helfenbein viz alſ ein ſnê. ſtollen die da chomen ê. Mit zvht ſi chvnden widr gen. zvͦ den erſten vieren ſten an diſen aht froͮwen was. roͤche grvͤner denn ein gras. von Azagoͮch ſamit. geſniten wol lanch vnd wit. da mitten ſi zeſamne twanch. gvrteln tivre ſmal vn̄t lanch. diſe aht froͮwen chlvͦch. îeſlichiv ob ir hare trvͦch. ein chleine blvͤmin ſcapel. der grave Jwan von Nonel. vnt Jernis von Rîl. ia waſ vber manege mîl. ze dienſte ir tohter dar genomn. man ſach die zwo fvrſtin chomn. in harte wnneclicher wat. zwei mezzer ſnîdende alſ ein grat. brahten ſi dvrch wnder. v̂f zwein twehelen albeſvnder. daz waſ ſilber hert vn̄t wîz. dar an lag ein ſpæher vlîz. im waſ ſolch ſcerpfen niht vermiten. ez hete ſtahel wol verſniten. Vorem ſilber chomn froͮwen wert. der dar ce dienſte waſ gegert. die trvͦgen lieht dem ſilber bî. vier kint vor miſſewende vrî. ſvſſ giengen ſi alle ſehſe. zvͦ. nv hoͤret waz ieſlichiv tvͦ. Si nigen ir zwo do trvͦgen dar. v̂f die taveln wol gevar. daz ſilber vn̄t leitenz nidr. do giengen ſi mit zvhten widr. zvͦ den erſten zwelven ſan. ob ich geprvͤuet rehte han. hie ſvlen ahzehen froͮwen ſten. Avôy nv ſiht man ſehſe gen. in wæte die man tîvre galt. daz waſ halbez Plialt. daz andr *pfelle von Ninnivê. diſe vn̄t die erſten ſehſe ê. trvͦgen zwelf roͤche geteilet. gein tiwerr choſt geveilet. Nach den chom div kvnegin. ir antlvzze gap den ſcin. ſi wanden alle *oldeez wolde tagen. man ſach die maget an ir tragen. pfellel von Arabi. v̂f einem grvͤnem Achmardi. trvͦch ſi den wnſc von Pardýs. bede wrceln vn̄t rýs. daz waſ ein dinch daz hiez der Gral. erden wnſces vber wal. Repanſe de ſcoye ſi hîez. die ſich der Gral tragen lîez. der Gral waſ von ſoͤlher art. wol mvͦſe ir chivſce ſin bewart. div ſin ce rehte ſolde pflegn. div mvͦſe valſceſ ſich bewegn. xVorem Grale chomn lieht. die waren von armer choſte nieht. ſehs glaſ lanch lvter wolgetan. dar inne balſem der wol bran. Do ſi chomn von der tv̂r. ce rehter maze alſvs her fv̂r. mit zvhten neich div kvnegin. vn̄t aldiv ivnchfroͤwelin. di da trvͦgen balſam vaz. div kvneginne valſceite laz. ſazte fvr den wirt den Gral. diz mære giht daz Parzival. diche anſi ſach vnt dahte. div den Gral da brahte. er het oͮch ir mantel an. mit zvht die ſibene giengen dan. zvͦ den ahzehen erſten. do liezen ſi die herſten. zwiſcen ſich. man ſagete mir. zwelve îewederthalbn ir. Div maget mit der chrone. ſtvͦnt da harte ſcone. ſwaz rittr do geſezzen was. vber alden palas. den waren kamerære. mit gvldinen bechen ſwære. ie fieren geſcaffet einer dar. vn̄t ein ivncherre wol gevar. der eine wize tweheln trvͦch. man ſach da richeit genvͦch. Der taveln hvndert mvͦſten ſin. die man do trvͦch zer tvr dar in. man ſazte îeſliche ſciere. fv̂r werdr rittr viere. tiſclachen var nach wîze. wrden drv̂f geleit mit vlîze. der wir do ſelbe wazzer nam. der waſ an hohmvͦte lam. mit im twͦch ſich Parzival. eine ſidine tweheln wol gemal. die bot einſ graven ſvn dr nach. dem waſ ce knîen fvr ſi gach. Swa do der taveln decheiniv ſtvͦnt. da tet man vier knappen chv̂nt. daz ſi ir dienſ niht vergæzen. den di drob ſæzen. zwene knieten vn̄t ſniten. die andern zwene niht vermiten. ſine trvͤgen trinchen vn̄t ezzen dar. vn̄t nâmen ir mit dienſte war. hoͤret mer von richheite ſagen. vier karraſcen mvͦſen tragen. manech tiwer golt vaz. ieſlichem rittr der da ſaz. man zohſe zen fier wenden. vier rittr mit ir henden. manſ v̂f die taveln ſezzen ſach. îeſlichem gie ein ſcribære nach. der ſich dar zvͦ arbeite. vn̄t eſ widr v̂f bereite. So da gedienet wære. nv hoͤrt ein andr mære. hvndert knappen man gebot. die namen in wize tweheln brot. mit zvhten vor dem Grale. die giengen al ze male. vn̄t teilten fvr die taveln ſich. man ſagte mir diz ſag vͦch ich. v̂f iwer ieſlicheſ eit. daz vorem Grale wære bereit. ſol ich deſ iemn triegen. ſo mvͤzet ir mit mir liegen. ſwa nach iener bot die hant. daz er al bereite vant. ſpiſe warem ſpiſe chalt. ſpiſe niwe vnt dar zvͦ alt. daz zam vnt daz wilde. eſ enwrde nie dechein bilde. beginnet maneger ſprechen. der wil ſich vbel rechen. Wan der Gral waſ der ſælden frvht. der werelde ſvͤze alſoͤlh genvht. er wach vil nach gelîche. alſ man ſaget von himelriche. Jn chleiniv golt vaz man nam. alſ ieſlicher ſpiſe zam. ſalſſen. pfeffer. agraz. da het der chivſce vn̄t der vraz. alle geliche genvͦch. mit grozer zvht manz fv̂r ſî trvͦch. Moraz. win. ſinopel rot. ſwa nach den napf ieſlicher bot. ſwaz er trinchenſ chvnde nennen. daz moht er drinne erchennen. allez von deſ Gralſ chraft. div werde geſelleſcaft. heten wirtſcaft vome Gral. wol gemarchte Parzival. die richêit vnt daz wnder groz. dvrch zvht in vragenſ doch verdroz. Er dahte mir riet Gvrnamanz. mit grozen triwen ane ſcranz. ich ſolte vil gevragen niht. waz ob min weſen hie geſciht. die maze alſ dort pi im. ane vrage ich vernim. wi ez dirre maſſenide ſtet. in dem gedanche naher get. ein knappe der trvͦg ein ſwert. deſ palch waſ tv̂ſent marche wert. ſin gehilze waſ ein Rvbin. oͮch mohte wol div chlinge ſin. grozer wndr vrhap. der wirt eſ ſime gaſte gap. der ſparach herre ich prahtz in not. in maneger ſtat ê daz mich got. ame libe hat gelezzet. nv ſit dr mit ergezzet. ob man iwer hie niht wol enpflege. ir mvgetz wol fvͤren alle wege. Swenne ir geprvͤuet ſinen art. ir ſit gein ſtrîte dr mite bewart. Owe daz er niht vragete do. deſ pin ich fv̂r in noch vnvro. wand erz enpfiench in ſine hant. do waſ er vragenſ mit ermant. oͮch riwet mich ſin ſvͤzer wirt. den vngenande niht verbirt. deſ im von vragen nv wære rát. gnvͦch man da gegeben hat. Dieſ pflagen die griffenz an. ſi trvgenz gervſte wider dan. vier karraſcen man ê lvͦt. ieſlich froͮwe ir dieneſt tvͦt. ê die ivngeſten nv die êrſten. do ſcvͦfenſe abr die herſten. wider zvͦ dem Grale. dem wirte vn̄t Parzivale. mit zvhten neich div kvnegin. vn̄t aldiv ivnchfroͤwelin. ſi brahten wider in zer tv̂r. daz ſi mit zvht ê trvͦgen fv̂r. Parzival in blichte nach. an eime ſpanbette er erſach. in einer kemenaten. ê ſi nah in zvͦ getaten. den aller ſcoͤnſten alten man. deſ er chvnde îe gewan. ich ~~mageh~~magez wol ſprechen ane gvft. er waſ noch wizer dan der tvft. Wer der ſelbe wære deſ freiſcet hernach mære. dar zvͦ der wirt ſin bvrch ſin lant. di werden iv von mir genant. hernach ſo deſ wirdet zit. beſceidenlichen ane ſtrit. vn̄t an allez fvr zogen. ich ſage die ſenewen ane bogen. div ſenewe iſt ein biſpel. nv dvnchet ivch der boge ſnel. doch iſt ſneller daz div ſenewe iaget. ob ich iv rehte han geſaget. div ſenewe gelichet mæren ſleht. di dvnchent oͮch die livte reht. ſwer iv ſaget von der chrvͤmbe. der wil ivch lêiten vmbe. Swer den bogen geſpannen ſiht. der ſenewen er der ſlehte giht. man welle ſi zer bivge erdenen. ſo ſi den ſchvz mvͦz menen. ſwer aber dem ſin mære ſcîvzet. deſ in dvrch not verdrivzet. wan daz hat da ninder ſtat. vn̄t vil gervͦmclichen pfat. zeinem oren in zem ander fvͤr. min arbeit ich gar verlvͤr. ob den min mære drvnge. ich ſagete odr ſvnge. daz ez noch paz vernæme ein boch. odr ein vlmiger ſtoch. Ich wil iv doch baz bedivten. von diſen iamerbæren livten. dar chom geriten Parzival. man ſach da ſelten vreͮden ſcal. ez wære bvhvrt odr tanz. ir chlagendiv ſtæte waſ ſo ganz. ſine cherten ſich an ſchimphen niht. ſwa man noch min volcheſ ſiht. den tvͦt etſwenne vreͮde wol. dort waren di winchel alle vol. vn̄t oͮch ce hove da manſe ſach. der wirt ceſime gaſte ſparach. Jch wæne man iv gebettet hat. ſit ir mvͤde ſo iſt min rat. daz ir get leit ivch ſlafen. nv ſolt ich ſcrien wafen. vmb ir ſceiden daz ſi tvnt. ez wirt groz ſcade inbeiden chvnt. Vome ſpanbette trat. v̂fen teppech an eine ſtat. Parzival der wol geſlaht. der wirt bot im gvͦte naht. div riterſcaft do gar v̂f ſpranch. ein teil ir. im dar naher dranch. do fvͦrten ſi den ivngen man. in eine kemenaten ſan. div waſ wol geheret. mit einem bette geéret. daz mich min armvͦt immr mvͤt. ſit derde alſoͤlhe richheit blvͤt. Dem bette armvͦt waſ tîwer. alſ erglohte in eime fîwer. lach drvffe ein pfellel lieht gemal. die rittr bat do Parzival. widr varen an ir gemach. do er da niht mer bette ſach. mit vrloͮbe ſi fvͦren dan. hie hebt ſich andr dienſt an. Vil chercen vn̄t div varwe ſin. di gaben cegegen ſtrite ſcin. waz mohte liehter ſin der tach. vor ſinem bette ein andrz lach. dar v̂fe ein kvlter da er da ſaz. ivnchherrn ſnel vn̄t niht ze laz. maneger im dar naher ſpranch. ſi enſchvͦchten bein di waren blanch. oͮch zoch im mer gewandeſ abe. manech wol geborner knabe. vlætech waren div ſelben kindelin. darnach giench do zer tvͤr dar in. vil clare ivnchfroͮwen. die ſolten dennoch ſcoͮwen. wi man deſ heldeſ pflæge. vn̄t ob er ſanfte læge. Alſ mir div aventivre gewͦch. vor ieſlicher ein knappe trvͦch. eine chercen div wol bran. Parzival der ſnelle man. ſparanch vnderſ dechlachen. ſi ſagten. ir ſvlt wachen. Dvrch vnſ noch eine wile. ein ſpil mit der ile. het er vnz anden ort geſpilt. daz man gein liehter varwe zilt. daz begvnde ir oͮgen ſvͤzen. ê ſi enpfiengen ſin grvͤzen. oͮch fvͦgten in ~~gedanch~~gedanche not. daz im ſin mvͦt waſ ſo rot. vnt daz vor ivgende niemn dran. choſ gein einer halben gran. Diſe vier ivnchfroͮwen chlvͦch. hoͤret waſ ieſlichiv trvͦch. moraz. win. vnt lvter tranch. trvͦgen dri v̂f henden blanch. div fierde ivnchfroͮwe wis. trvͦg obz der art von pardis. v̂f einer tweheln blanch gevar. div ſelbe kniete vͦch fv̂r in dar. er bat die froͮwen ſizzen. ſi ſprach lat mich bi wizzen. ſo wæret ir dienſ vngewert. alſ min her fvr ivch iſt gegert. Svͤzer rede er gein in niht vergaz. der herre tranch. ein teil er az. mit vrloͮbe ſi giengen widr. Parzival ſich leite nidr. oͮch ſazten ivnchfroͤwelin. vfen teppech die chercen ſin. do ſi in ſlafen ſahen. ſi begvnden dannen gahen. Parzival niht eine lach. geſellecliche vnz an den tach. waſ bi im ſtrengiv arbeit. ir boten chvnftigiv leit. ſanden im inſlafe dar. ſo daz der ivnge wol gevar. ſiner mvͦter troͮm gar widr wach. deſ ſi nach Gahmvrete pflach. Svſ wart geſteppet im ſin troͮm. mit ſwertſlegen vmbe den ſoͮm. der vor mir maneger tioſte rich. von Rabbine hvrtechlich. er leit inſlafe etſlich not. mohter drizechſtvnt ſin tot. daz het er wachende ê gedolt. ſvs teilte im vngemach den ſolt. Von diſen ſtrengen ſachen. mvͦſer dvrch not erwachen. im ſwizzten adern vn̄t bein. der tag oͮch dvrch div venſter ſcein. do ſparach er we wa ſint div kint. daz ſi hie vor mir niht ſint. wer ſol mir bieten min gewant. ſvs warte ir der wigant. vnz er an der ~~ſ*nt~~ſtvnt entſlîef*entſlîef. niemn da redete noch enrîef. ſi waren gar verborgen. vmbe den mitten morgen. do erwachete aber der ivnge man. v̂f rihte ſich der *chvͤne ſan. Vfem teppeche ſach der degen wert. ligen ſin harnaſch vn̄t zwei ſwert. daz eine der wirt im gebn hiez. daz andr waſ von Gaheviez. Svſ ſparach er zim ſelben ſan. oͮwe dvrch waz iſt diz getan. deiſwar ich ſol mich wapen drin. ich leit inſlafe alſoͤlhen pin. daz mir wachende arbeit. noch hivte wænech iſt bereit. hat dirre wirt vrlivgeſ not. ſo leiſt ich gern ſin gebot. vn̄t ir gebot mit triwen. div diſen mantel niwen. mir lech dvrch ir gvͤte. wan ſtvͤnde ir gemvͤte. daz ſi dienſt wolde nemn. deſ chvnde mich dvrch ſi gezemn. vn̄t doch niht dvrch ir minne. wan min wip de kvneginne. iſt an ir libe alſe clar. odr fvrbaz daz iſt war. Er tet alſ er tvͦn ſol. von fvͦz v̂f wapende er ſich wol. dvrch ſtriteſ antwrte. zwei ſwert er vmbe gvrte. zer tvͤr v̂z giench der werde degen. da waſ ſin orſ an die ſtegen. geheftet ſcilt vnd ſper. lent der bi daz waſ ſin ger. E Parzival der wigant. ſich deſ orſes vnderwant. ~~mangeſ~~manegez er der gadem erlief. ſo daz er nach den livten rîef. niemen er horte noch enſach. vngefvͤge leit im dran geſchach. daz het im zoren gereizet. er lief da er waſ erbeizet. deſ abentſ do er chomn was. da waſ erde vnd gras. mit tretten gervͤret. vntz toͮ gar zerfvͤret. Al ſcrigende lief der ivnge man. wider zeſîme orſe ſan. mit pagenden worten. ſaz er drv̂f. die porten. vandr wît offen ſten. dr dvrch v̂z groze ſla gen. Niht langer er do habete. vaſte v̂f die brvkke er drabete. ein verborgen knappe daz ſeil. zoch. daz der ſlagbrvken teil. hetz orſ vil nach gevellet. nidr. Parzival der ſach ſich widr. do wolt er han gevraget baz. Jr ſvlt varen dr ſvnnen haz. ſparach der knappe ir ſît ein gans. moht ir gervͤret han den flans. vn̄t het den wirt gevrâget. *vil priſſ ivch hat betrâget. *Nach den mæren ſcrei der gaſt. *gegen rede im gar gebraſt. *Swi vil er nach geriefe. *Reht alſ er gende ſliefe. warp der knappe vn̄t ſlvͦch dî porten zvͦ. do waſ ſin dan ſceiden cefrvͦ. an der flvſtebæren zît. dem der nv zinſ von freͮden gît. div iſt an im verborgen. vmbe den wrf der ſorgen. wart getoppelt do er den Gral vant. mit ſinen oͮgen ane hant. vn̄t ane wrfelſ ecke. ob in nv chvmber weche. deſ waſ er da vor niht gewent. eren hete ſich niht vil geſent. Parzival der hvͦp ſich nach. vaſte v̂f die ſla di er da ſach. er dahte die for mir rîten. ich wæne die hivte ſtrîten. manliche vmbe minſ wirteſ dinch. rvͦchten ſis ſo wære ir rinch. mit mir niht verchrenchet. alda wrde niht gewenchet. ich hvlfe in inder ſelben not. daz ich gediende min brot. vn̄t oͮch diz wnnecliche ſwert. daz mir gap ir herre wert. DeR valſcheite widr ſazz. cherte v̂f der hvͦfſlege chrazz. ſin ſceiden dan daz riwet mich. alreſt nv Aventiwertez ſich. do begvnde chrenchen ſich ir ſpor. ſich ſcieden di da riten vor. ir ſla wart ſmal div ê waſ breit. er verloſſe gar daz waſ im leit. mære vrieſch do der ivnge man. da von er herce not gewan. Do erhorte der degen ellenſ rich. einer froͮwen ſtimme iæmerlich. ez waſ dennoch von toͮwe naz. vor im v̂f einer linden. ſaz. ein magt der fvͦgte ir triwe not. ein gebalſemt rittr tot. lent ir zwiſcen den armn. ſwenz niht wolt erbarmn. der ſi ſo ſizzen ſæhe. vntriwen ich im iæhe. Sin orſ do gein ir wante. der wenich ſi bechante. ſi waſ doch ſiner mvͦmen kint. al irdiſch triwe waſ ein wint. wan di man an ir lîbe ſach. Parzival ſî grvͦzte vnd ſprach. froͮwe mir iſt vil leit. iwer ſenlichiv arbeit. bedvrft ir minſ dienſ iht. in iwerem dienſte man mich ſiht. Si danchte im v̂z iamerſ ſiten. vn̄t vraget in wannen er choͤme geriten. ſi ſparach ez iſt wider zæme. daz îemen an ſich næme. ſine reiſe in diſe waſte. vnchvndem gaſte mach hie wol grozer ſcade geſcehn. ich hanz gehort vn̄t wol geſehn. daz hie vil livte ir lip verlvrn. die werliche den tot erchvrn. chert hinnen ob ir welt geneſn. ſaget ê wa ſit ir geweſn. Dar iſt ein mile odr mer. daz ich geſach nîe bvrch ſo her. mit aller ſlahte richhêit. inre chvrzen wile ich dannen rêit. Si ſparach ſwer iv getrwet iht. den ſvlt ir gerne triegen niht. ir traget doch einen gaſteſ ſcilt. ivch moht deſ waldeſ han bevilt. von erbwͦenem lande her geritn. inre drizech mîlen wart nie v̉erſnitn. zecheinem buͦwe holz noch ſtêin. wan ein bvrch div ſtet al êin. div iſt erden wnſceſ riche. ſwer die ſvͦchet flizecliche. leider dern vindet ir niht. vil livte manz doch werbn ſiht. ez mvͦz vnwizzende geſcehen. ſwer īmmer ſol die bvrch geſehen. ~~xch~~Jch wæne herre div iſt iv niht bechant. Mvnſalvæſce iſt ſi genant. der bvrge wirtes royam. Terre deSalvæſce iſt ſin nam. ez brahte der alte Tytvrel. an ſinen ſvn der kvnec Frimvtel. ſvſ hiez der werde wigant. manegen pris erwarp ſin hant. der lach von einer tioſte tot. alſ im div minne dar gebot. der ſelbe liez fîer werdiv kint. bî rîchheit driv in iamer ſint. der vierde hat armvͦt. dvrch got fv̂r ſvnde er daz tvͦt. der ſelbe heizet Trevrizent. Anfortas ſin brvͦder lent. der mach geriten noch gegên. noch geligen noch geſtên. der iſt v̂f Mvnſalvæſce wirt. vngenade in niht verbirt. Si ſparach herre wæret ir chomn dar. zvͦ der iæmerlichen ſcar. ſo wære dem wirte worden rat. vil chvmberz den er lange hat. Der Waleis zvͦ der meide ſparach. groͤzlich wndr ich da ſach. vnt manege froͮwen wolgetan. bi der ſtimme erchante ſi den man. Do ſparach ſi dv biſt Parzival. nv ſage et ſæhe dv den Gral. vn̄t den wirt freͮden lære. la hoͤren liebiv mære. ob wendech iſt ſin frêiſe. wol dich der ſælden rêiſe. wan ſwaz die lvfte hant beſlagen. dar ob mvͦſtv hoͤhe tragen. dir dient zam vn̄t wilt. ce rîcheit iſt dir wnſc gezilt. Parzival der wigant. ſparach. wa von habt ir mich erchant. Si ſparach da bin ichz div magt. div dir ê chvmber gechlagt. vn̄t div dir ſagete dinen namn. dvne darft dich niht der ſippe ſcamn. daz din mvͦter iſt min mvͦme. wiplicher chivſce ein blvͦme. iſt ſi gelivtert ane toͮ. got lone dir daz doch do ſo roͮ. min friwent der mir zer tioſt lach tot. ich han in alhie nv prvͤue not. die mir got hat an im gegebn. daz er niht langer ſolde lebn. er pflach manlicher gvͤte. ſin ſterbn mich do mvete. oͮch han ich ſit von tage ze tage. fvrbaz erchenne niwe chlage. Owe war chom din roter mvnt. biſtvz Sigv̂ne div mir chvnt. tet. wer ich waſ an allen var. din reideleht lanch prvnez har. Deſ iſt din hoͮbet bloz getan. zem foreſt in Prizlian. ſah ich doch do vil minneclich. ſwi dv wæreſt iamerſ rich. dv haſt verlorn varwe vn̄t chraft. diner herten geſelleſcaft. verdrvzze mich ſolt ich di haben. wir ſvlen diſen toten man begraben. Do nazzeten div oͮgen ir die wat. oͮch waſ froͮn Lunetten rat. ninder da bi ir geweſen. div riet ir froͮwen lat geneſen. diſen man der den iweren ſlvͦch. er mag ergezzen ivch genvͦch. Sigvne gerte ergezzenſ niht. alſ wip die man bi wanche ſiht. manege der ich wil gedagn. hoͤret mer Sigvnen triwe ſagn. div ſparach ſol mich iht gevroͮn. daz tvͦt ein dinch ob in ſin toͮn. læzet den vil trvrigen man. ſchiede dv helfliche dan. ſo iſt din lip wol priſſ wert. dv fvͤreſt oͮch vmbe dich ſin ſwert. bechenneſtv deſ ſwertes ſegen. dv maht an angeſt ſtrites pflegen. Sin ecke ligent im rehte. von edelem geſlæhte. worht ez Trebvchetſ hant. ein brvnne ſtet pi karnant. dar nach der kvnec heizzet Lach. daz ſwert geſtet ganz einen ſlach. am andern ez zevellet gar. wil dvz denne widr bringen dar. ez wirt ganz von deſ wazerſ tran. dv mvͦſt deſ vrſpringeſ han. vnderem velſe ê in beſcine der tach. der ſelbe heizet lach. Sint div ſtvche niht ver rêrt. derſe rehte zein andr chêrt. ſo ſe der brvnne machet naz. ganz vnd ſtercher baz. wirt im valz vn̄t ecke ſin. vn̄t vlieſent niht div mal ir ſcin. daz ſwert bedarf wol ſegens wort. ich fvhrte die haſtv lazen dort. Hatſ aber din mvͦt gelernet. ſo wechſet vnd gernet. immr ſælden chraft bi dir. lieber neve geloͮbe mir. ſo mvͦz gar dienen diner hant. ſwaz din lip da wnderſ vant. oͮch machtv tragen ſcone. immer ſælden chrone. hohe ob den werden. den wnſc v̂f der erden. haſtv vollechliche. niemn iſt ſo riche. der gein dir choſte mege han. haſtv vrage ir reht getan. ER ſparach ich han gevraget niht. owe daz ivch min oͮge ſiht. ſparach div iamerbæriv magt. ſit ir vragenſ ſit verzagt. ir ſahet doch ſoͤlch wndr groz. daz ivch vragenſ do verdroz. al da ir waret dem Grale bî. manege froͮwen valſceſ vrî. di werden Garſciloyen. vn̄t Repanſce de ſcoyen. vn̄t ſnidende ſilber vn̄t blvͦtech ſper. owe waz wolt ir zvͦ mir her. gvnertr lip verflvͦchet man. ir trvͦget den êiter wolves zan. da div galle inder triwe. an iv bechleip ſo niwe. ivch ſolte iwer wirt erbarmet han. an dem got wndr hat getan. vn̄t het gevraget ſiner not. ir lebt vn̄t ſit an ſælden tot. Do ſparach er liebiv niftel min. tvͦ be*bezzeren willen gein mir ſcin. ich wandel han ich iht getan. Jr ſvlt wandelſ ſin erlan. ſparach div maget. mir iſt wol bechant. ze Mvnſalvæſce an iv verſwant. ere vn̄t riterlicher prîs. iren vindet nv decheinen gwîs. decheine gein rede an mir. Parzival ſvs ſciet von ir. Daz er vragenſ vaſ ſo laz. daz er bi dem trvrigem wirte ſaz. Daz roͮ do groͤzliche. den helt ellenſ riche. dvrch chlage vn̄t dvrch den tach ſo heiz. Begvnde nezzen in der ſweiz. dvrch den lvft von im er bant. den helm vn̄t fvͦrten in der hant. er enſtrichte die fintalen ſin. dvrch iſers ram waſ lieht ſin ſcin. er chom v̂f eine niwe ſla. wandez giench vor im al da. ein orſ daz waſ wol beſlagen. vn̄t ein parfvͦz pfæret mvͦſe tragen. eine froͮwen die er ſach. nach der zerîten im geſcach. Jr pfært gein chvmber waſ verſelt. man het im wol dvrch hv̂t gezelt. elliv ſiniv rippe gar. alſ ein harm ez waſ gevar. ein bæſtin halfter lach dar an. vnz v̂f den hvͦf ſwang im div man. ſin oͮgen tief die grvͦben wît. oͮch waſ der froͮwen rvnzît. vertwalet vn̄t vertrechet. dvrch hvnger diche erwechet. ez waſ dvrre alſ ein zvndr. ſin gen daz waſ wndr. wand ez reit ein froͮwe wert. div ſelten chvnrierte pfert. Da lach v̂f ein gerêite. ſmal an alle brêite. geſcelle vn̄t bogen verrert. groz zadel dran gemeret. der froͮwen trvrech niht ze geil. ir ſvrzengel waſ ein ſeil. dem waſ ſi doch ce wol geborn. oͮch heten die eſte vn̄t etſlich dorn. ir hemde zerfvͤret. ſwa daz mit zerren waſ gervͤret. da ſaher vil der ſtriche. dar vnde liehte bliche. ir hv̂t noch ~~wi*er~~wizer denn ein ſwan. ſine hete niht wan chnoden an. ſwa die waren deſ velleſ dach. in blancher varwe er daz ſach. daz andr leit von ſvnnen not. ſwi ez ie chom ir mvnt waſ rot. der mvͦſe al ſoͤlhe varwe tragen. man hete fiwer wol drv̂z geſlagen. Swa manſe wolt an rîten. daz waſ zer blozen ſîten. nanteſ îemen vilan. der het ir vnreht getan. wan ſi hete wenech an ir. dvrch iwer zvht geloͮbet mir. ſi trvg vngediēnten haz. wiplicher gvͤte ſi nie vergaz. ich ſaget iv vil armvͦt. war zuͦ. diz iſt alſ gvͦt. doch næme ich ſoͤlhen blozen lip. fvͤr etſlich wol gechleit wip. Do Parzival grvͦz gein ir ſprach. an in ſi erchenneclichen ſach. er waſ dr ſcoͤnſte vber elliv lant. da von ſi in ſciere het erchant. Si ſagete ich han ivch ê geſehn. da von iſt ~~leit~~leide mir geſcehn. doch mvͤz iv frevde vnt ere. got īmmer gebn mere. denn ir vmbe mich gedienet hat. deſ iſt nv ermr min wat. denne ir ſî ivngeſt ſahet. wæret ir niht genahet. mir an der ſelben zit. ſo het ich ére ane ſtrît. Do ſparach er froͮwe merchet daz. gein wem ir cheret iwern haz. iane wart von mime libe. iv. noch decheinem wîbe. laſter nie gemêret. ſo het ich mich gvnêret. ſit ich den ſcilt von erſt gewan. vn̄t riterſ fvͦre mich verſan. mir iſt andr iwer chvmbr leit. Al weinende div froͮwe rêit. daz ſi begoz ir brvſtelîn. alſ ſi gedræt ſolden ſîn. div ſtvͦnden blanch hoch ſinwel. iane wart nie dræchſel ſo ſnel. der ſi gedræt hete baz. ſwi minnechlich div froͮwe ſaz. ſi mvͦſe in doch erbarmen. mit henden vn̄t mit armen. begvnde ſi ſich dechen. vor Parzival dem rechen. Do ſparach er. froͮwe nemt dvrch got. v̂f rehten dienſt ſvndr ſpot. an iwern lip min kvrſit. herre wære daz ane ſtrit. daz al min freͮde læge dran. ſo getorſt ichz doch niht grîfen an. Welt ir vnſ toͤtenſ machen vri. ſo ritet daz ich iv verre ſi. doch chlagte ich wenech min not. wan daz ich fvrhte ir ch*chieſt den tot. Do ſparach er. froͮwe wer næme vnſz lebn. daz hat vnſ goteſ chraft gegebn. ob deſ gerte ein ganzez her. man ſæhe mich fv̂r vnſ ce wer. Si ſparach eſ gert ein werdr degen. der hat ſich ſtriteſ ſo bewegen. iwer ſehſe choͤmenſe in arbeit. mir iſt iwer riten bi mir leit. ich waſ etſwenne ſin wip. nv mohte min vertwalet lip. deſ heldeſ diͤren niht geſin. ſvs tvͦt er gein mir zvrnen ſcin. Do ſparach er zvͦ der froͮwen ſan. wer iſt hie mit iwerem man. wan flvhe ich nv dvrch iwern rat. daz divhte ivch lîhte ein miſſetat. ſwenne ich fliehen lerne. ſo ſtirb ich alſ gerne. xodo ſparach div bloze herzogin. er hat hie niemen denne min. der troſt iſt chranch gein ſtrit*ſtrits ſige. niht wan knoden vn̄t der rige. waſ an der froͮwen hemde ganz. wiplicher chivſce lobe*lobes chranz. trvͦch ſi mit armvͤte. ſi pflach der waren gvͤte. ſo daz der valſc an ir verſwant. die fintalen er fv̂r ſich pant. gein ſtrite er wolde fvͤren. den helm er mit den ſnvͤren. ebene zeſehne rvchte. innen deſ daz orſ ſich pvchte. gein dem pfærde ez ſcrien *niht vermeit. der vor Parzivale *tda reit. vn̄t vor der blozen froͮwen. der erhortez vn̄t wolde ſcoͮwen. wer bi ſime wibe rite. daz orſ warf er mit zornſ ſite. vaſte v̂*v̂z dem ſtige. gein ſtritechlichem wige. hielt der herzoge Orilvs. gereit zeiner tioſt alſvs. mit reht*rehtr manlicher ger. von Gaheviez mit eime ſper. daz waſ geværwet genvͦch. reht alſ er ſiniv wapen trvͦch. Einen helm worhte Trebvchét. ſin ſcilt waſ ce Dolêt. in kailetſ lande. geworht dem wigande. rant vn̄t bvckel heten chraft. zAlexandrie in heidenſcaft. waſ geworht ein pfellel gvͦt. deſ der fvrſte hoch gemvͦt. trvͦch cvrſit vnd wapenroch. ſin *deche waſ ce Tenabroch. geworht v̂z ringen herte. ſin ſtolzheit in lerte. der iſerînen deche dach. waſ ein pfellel deſ man iach. daz der tiwer wære. rich vnt doch niht ſwære. Sine hoſen halſperch herſnîer. vn̄t in iſeriniv ſcillîer. waſ gewapent dirre chvͤne man. geworht ce Bealzenan. in der hoͮbt ſtat zAnſcoͮwe. diſiv bloziv froͮwe. fvͦrt im vngelichiv chleit. div da ſo trvrich nah im reit. dane hete ſis niht bezzer ſtate. ce ~~S*ſſvn~~Seſſvn waſ geſlagen ſin blate. ſin orſ von Brvmbane. zer wilden mvntane. mit einer tioſt der kvnec Læhelin. beiagetez da der brvͦdr ſin. Parzival waſ oͮch bereit. ſin orſ mit walap er reit. gein Ôrilvs de*de Lalandr. v̂f deſ ſcilde vandr. einen trachen alſ er lebte. ein andr trache ſtrebte. v̂f ſime helme gebvnden. an den ſelben ſtvnden. manech gvldin trache chleine. mit manegem edelen ſteine. mvͦſen die gehert ſin. ir oͮgen waren Rvbin. v̂f der deche vn̄t ame kvrſit. da wart genomn der poyndr wit. von den zwein helden vnverzagt. newederhalp wart widr ſagt. ſi waren doch ledech ir triwe. trvnzv̂ne ſtach al niwe. von in wæten gein den lvͤften. ich wolde mich deſ gvͤften. het ich eine ſoͤlhe tioſt geſehen. alſ mir diz mære hat veriehen. Da wart von Rabbine geriten. ein ſoͤlch tioſte niht vermiten. froͮn Jeſcv̂ten mvͦt veriach. ſcoͤner tioſt ſi nie geſach. div hielt da want ir hende. ſi freͮden ellende. gvnde enwederm helde ſcaden. div orſ in ſweize mvͦſen baden. Priſſ ſi bede gerten. die bliche von den ſwerten. vn̄t fiwer daz von helmen ſpranch. vn̄t manech ellenthafter ſwanch. die begvnden verre gleſten. wan da waren ſtritſ die beſten. mit hvrte an ein andr chvmen. ez gê ze ſcaden odr ze frvmen. Den chvͤnen helden mæren. ſwi willich dorſ in wæren. da ſi bede v̂f ſazen. der ſporn ſi niht vergazen. noch ir ſwerte lieht gemal. prîs gediende Parzival. daz er ſich alſvs weren chan. wol hvndert trachen vn̄t einſ man. Ein trache wart verſeret. ſine wnden gemeret. der v̂f Ôrilvs helme lach. ſo dvrch livhtech daz der tach. vollecliche dvrch in ſcein. wart drab geſlagen manech edel ſtein. daz er giench zorſe vn̄t niht ce fvͦz. froͮn Jeſcvten wart der grvͦz. mit ſwerteſ ſcimphe al da beiagt. mit heldes handen vnverzagt. Mit hvrte ſi diche zein andr flvgen. daz die ringe vor den knien ce ſtvben. ſwiͤ ſi wæren iſerin. rvͦchet irſ ſi taten ſtrites ſcin. ~~xch~~Jch ſag iv deſ einen zorn. daz ſin wip wol geborn. da vor waſ genotzogt. er waſ idoch ir rehter vogt. ſo daz ſi ſcermes wart an in. er wande ir wiplicher ſin. wære gein im vercheret. vnt daz ſi gvneret. het ir chivſce vn̄t *ir pris. mit einem andern amis. Deſ laſters nam er pflihte. oͮch ergie ſin gerihte. vber ſi daz groͤzer not. wip nie gedolte ane tot. vn̄t an alle ir ſcvlde. er moht ir ſine hvlde. verſagen ſwenn er wolde. niemn daz wenden ſolde. ob der man deſ wibeſ hat gewalt. Parzival der degen balt. Ôrilvs hvlde gerte. froͮn Jeſcvten mit dem ſwerte. deſ hort ich ie gvͤtliche bitn. ez chom da gar von ſcimpfes ſitn. mich dvnchet ſi habn bede reht. der beidiv chrvmp vn̄t ſleht. geſcvͦf chvnner ſceiden. ſo wendr daz an beiden. deiz ane ſterbn da ergê. ſi tvͦnt doch ſvs ein andr wê. Da ergiench div ſcarpfe herte. iewederr vaſte werte. ſinen priſ vor dem andr. der herzoge Orilvs de Lalandr. ſtreit nach ſime gelerten ſite. ich wæne ieman ſo vil geſtrite. er hete chvnſt vnde chraft. deſ wart er diche ſigehaft. an maneger ſtat ſwi ez da ergiench. dvrch den troſt zvͦ zim er viench. den ivngen ſtarchen Parzival. der begreif oͮch do ſvnder twal. vn̄t zvchten v̂z dem ſatel ſin. alſ eine garben hæbrin. Vaſt er in vndr di arme ſwanch. mit im er von dem orſe ſparanch. vn̄t drvchten vber einen ronen. da mvͦſe ſcvmpfentivre wonen. der ſoͤlher noͤte niht waſ gewent. dv garneſt daz ſich hat verſent. diſiv froͮwe von dime zorne. nv biſtv der verlorne. dvne lazeſt ſi dine hvlde han. daz enwirt ſo gaheſ niht getan. ſparach der herzoge Ôrilvs. ich pin noch vnbetwngen ſvs. Parzival der werde degen. drvchten an ſich daz blvͦtſ regen. ſparanch dvrch die barbîere. da wart der fvrſte ſcîere. betwngen ſwes man an im warp. er tet ſo der vngerne ſtarp. Er ſparach ce Parzivale ſan. owe ivnch ſtarcher man. wa gediente ich ie diſe not. daz ich vor dir ſol ligen tot. Ja laze ich dich vil gerne lebn. ſparach Parzival ob tv wilt gebn. dirre froͮwen dine hvlde. ich entvͦnſ niht ir ſcvlde. iſt gein mir ce groͤzlich. ſi waſ werdecheite rich. di hat ſi gar verchrenchet. vn̄t mich in not geſenchet. ich leiſte anders ſwes dv gerſt. ob dv mich des lebenſ werſt. daz het ich etſwenne von gote. nv iſt din hant deſ worden bote. daz ~~ich~~ichs danche dime priſe. ſvs ſparach der fvrſte wiſe. Min lebn choͮf ich ſcone. in zwein landen chrone. treit gewaldecliche. min brvͦder der iſt riche. der nim dir ſwederz dv welleſt. daz dv mich tot niht velleſt. ich pin im liep er loͤſet mich. alſ ich gedinge wider dich. Dar zvͦ nim ich min hercentvͦm. von dir. din priſlicher rvͦm. hat werdecheit an mir bezalt. nv erlaze mich chvͤner degen balt. ſvͦne gein diſem wibe. vn̄t gebivte mime libe. anderſ ſwaz din ere ſin. gein der gvnerten herzogin. mag ich ſvͦne gepflegen niht. ſwaz halt anderſ mir geſciht. Parzival der hoh gemvͦt. ſparach. livte. lant. noch varende gvͦt. der decheinez mach gehelfen dir. dvne tvͦſt deſ ſicherheit *ingein mir. daz dv gein Bertane varſt. vn̄t die reiſe niht langer ſparſt. zeiner magt di bloͮ dvrch mich. ein man gein dem iſt min gerich. âne ir bete niht verchorn. dv ſolt der meide wol geborn. ſichern vn̄t min dieneſt ſagen. odr wirde alhie erſlagen. ſage Artvſe vn̄t dem wibe ſin. in beiden von mir dieneſt min. daz ſi min dienſt ſvs lezzen. vn̄t die magt ir ſlege ergezze*ergezzen. dar zvͦ wil ich ſcoͮwen. in dinen hvlden diſe froͮwen. mit ſvͦne ane váre. odr dv mvͦſt eine báre. tot hinnen riten. wiltv michſ widr ſtriten. Merche div wort vn̄t wiſ der werche ein wer. deſ gib mir ſicherheit al her. do ſprach der herzoge Orilvs. zem kvnege Parzival alſvs. mach niemn da fvͤr niht gegebn. ſo leiſt ichz wande ich wil noch lebn. dvrch die vorhte von ir man. froͮ Jeſcvte div wolgetan. ſtrît ſceidens gar verzagete. ir viendeſ not ſi chlagete. Parzival in v̂f verlîez. der froͮn Jeſcvten ſvͦne gehîez. Der betwngene fvrſte ſprach. froͮwe. ſit diz dvrch ivch geſcach. in ſtrîte div ſcvmpfentîvre min. wol her ir ſvlt gechvſſet ſin. ich han vil priſſ dvrch ivch verlorn. waz denne ez iſt doch verchorn. Div froͮwe mit ir blozem vel. waſ zem ſprvnge harte ſnel. von dem pfærde v̂f den waſen. ſwi daz plvͦt von der naſen. den mvnt im hete gemachet rot. ſi chvſt in do er chvſſ gebot. Da wart niht langer do gebitn. ſi bede vn̄t oͮch div froͮwe ritn. fv̂r eine chloſen in einſ velſes want. eine chefſen Parzival da vant. ein gemalt ſper dr bi da lent. der einſidel der hiez Trevrizent. Parzival do mit triwen fvͦr. er nam daz heilichtvm drvf er ſwͦr. ſvs ſtabt er ſelbe ſinen êit. er ſparach han ich werdecheit. ich habſe odr enhab ir niht. ſwer mich pime ſcilde ſiht. der prvͤuet mich gein ritterſcaft. deſ nam ordenlichiv chraft. alſ vnſ deſ ſcildeſ ambet ſagt. hat diche hohen priſ beiagt. Ez iſt oͮch noch ein hoher name. min lip gein wereltlicher ſcame. immer ſi gewenchet. vn̄t al min priſ verchrenchet. dirre wort ſi mit werchen pfant. min gelvcke vor der hoͤhſten hant. ich hanz da fvͤr die treit got. nv mvͤze ich flvſteclichen ſpot. ce beden liben immer han. von ſiner chraft ob miſſetan. diſiv froͮwe habe do diz geſcach. daz ich ir fvrſpan von ir brach. oͮch fvͦrt ich mer goldeſ dan. ich waſ ein tore vn̄t niht ein man. gewachſen niht bipi wizzen. vil weinenſ da bi ſwizzen. mit iamer dolte vil ir lip. ſi iſt benamn ein vnſcvldich wip. dane ſceide ich v̂z niht mere. deſ ſi pfant min ſælde vn̄t ere. Rvͦchet irſ ſi ſol vnſcvldech ſin. ſet. gebt ir widr ir vingerlin. ir fvrſpan wart ſo vertan. daz eſ min torheit danch ſol han. di gabe enpfiench der degen gvͦt. do ſtreicher von dem mvndez plvͦt. vn̄t chvſte ſineſ hercen trv̂t. oͮch wart verdechet ir bloziv hv̂t. Orilvs der fvrſte erchant. ſtîez daz vingerlin widr an ir hant. vn̄t gab ir an ſin kvrſit. der waſ mit richem pfelle wit. mit heldeſ hant zerhoͮwen. ich han doch ſelten froͮwen. wapenroch an geſehen tragn. di wæren in ſtrîte alſvs zerſlagn. von ir chrîe wart oͮch nie tvrneẏ geſamlieret noch ſper enzweẏ. geſtochen ſwa daz ſolde ſin. der gvͦte knappe vn̄t Læmbekin. die tioſt zeſamne trvͤgen baz. ſvs wart div froͮwe trvrenſ laz. Do ſparach der fvrſte Orilvs. aber ce Parzivale *alſvs. helt din vnbetwngen eit. git mir groz liep vn̄t chranchez leit. ich han ſcvmpfentîvre gedolt. div mir freͮde hat erholt. ia mach mit eren nv min lip. ergezzen diz werde wip. Daz ichſe hvlde min verſtiez. do ich die ſvͤzen eine liez. waz mohte ſi ſwaz ir geſcach. do ſi aber von diner ſcoͤne ſparach. ich wande da wære ein friwentſcaft. bî. nv lone dir got ſo iſt valſceſ vrî. Jn han vnfvͦge an ir getan. fvͤrz foreſt in Prizlian. reit ich do in ivuen poys. Parzival diz ſper von Troys. nam vn̄t fvͦrtez mit im dan. deſ vergaz der wilde Tavrian. Dodineſ brvͦder da. nv ſprechet wi odr wa. die helde deſ nahtes megen ſin. helme vn̄t ir ſcilde heten pin. di ſah man gar verhoͮwen. Parzival zer froͮwen. nam vrloͮp vnt zir amîs. do ladete in der fvrſte wîs. mit im an ſine fiwerſtat. daz half in niht ſwi vil erſ pat. al da ſcieden die helde ſich. div Aventivre wert mære mich. Do Orilvs der fvrſte erchant. chom da er ſine poͮlvn vant. vn̄t ſiner mæſſenide ein teil. daz volch waſ al geliche geil. daz ſvͦne waſ worden ſcin. gein der ſældeberenden herzogin. Daz wart niht langer do geſpart. Orilvs entwapent wart. blvͦt vn̄t ram von im er twͦch. er nam di herzoginne chlvͦch. vn̄t fvͦrteſe an die ſvͦnſtat. vn̄t hiez bereiten in zwei bat. Do lach froͮ Jeſcv̂te. al weinende bi ir trv̂te. vor lîebe vnt doch vor leide niht. alſ gvͦtem wibe noch geſciht. oͮch iſt genvͦgen livten chvnt. weinende oͮgen hant ſvͤzen mvnt. da von ich mer noch ſprechen wil. groz lîebe iſt freͮde vn̄t iamerſ zil. Swer von der lîebe ir mære. treit v̂f den ſaigære. ob erz immer wolde wegn. ez enchan niht andrr ſcanze pflegn. Da ergie ein ſvͦne deſ wæne ich. do fvͦren ſi ſvndr baden ſich. zwelf clare ivnchfroͮwen. man mohte bi ir ſcoͮwen. di pflagen ir ſit ſi gewan. zorn an ir ſcvlt von lieben man. ſi hete îe ſnahteſ dechhe chleit. ſwie bloz ſi bime tage reit. die batten do mit frvͤden ſîe. rvͦchet ir nv hoͤren wîe. Orilvs deſ innen wart. Aventîvre von Artvs vart. ~~xvſ~~Svſ begvnde im ein riter ſagen. ich ſach v̂f einen plan geſlagen. tv̂ſent poͮlvn odr mêr. Artvſ der riche kvnec hêr. der bertenoyſe herre. lit vnſ hie niht verre. mit wnneclicher froͮwen ſcar. vngevertſ iſt ein mile dar. da iſt oͮch von ritern grozlich ſcal. bi dem Primizoͤle ce tal. ligentſ an îewederm ſtade. do gahte vaſte v̂zem bade. der herzoge Orilvs. Jeſcvte. vn̄t er. gewrben ſvs. Div ſenfte ſvͤze wolgetan. gie oͮch v̂z ir bade ſan. an ſin bette. da wart trvrenſ rat. ir lide gedienden bezzer wat. den ſi da vor trvͦch lange. mit nahem vmbevange. behîel ir minne freͮden pris. der fvrſtinne vn̄t deſ fvrſten wis. ivnchfroͮwen chleideten ir froͮwen ſan. ſin harnaſc trvͦch man dar dem man. Jeſcvten wât man mvͦſe lobn. vogele gevangen v̂f dem chlobn. ſi mit freͮden azen. do ſi an ir bette ſazen. froͮ Jeſcvte etſlichen chvs. enpfiench den gab ir Orilvs. Do zoch man der froͮwen wert. ſtarch wol gende ein ſcoͤne pfert. geſatelt vnt gezoͮmet wol. man hvͦp ſi drvͦf. div riten ſol. dannen mit ir chvͤnem man. ſin orſ wart gewapent ſan. reht alſ erz gein ſtrîte rêit. ſin ſwert da mit er deſ tageſ ſtrêit. man vorn an den ſatel hiench. von fvͦz v̂f gewapent giench. Orilvs zem orſe ſin. er ſpranch drvf vor der herzogin. Jeſcv̂te vn̄t er. fvͦren dan ce hant. ſine mæſſenie gein Lalant. bat er alle cheren. wan ein riter ſolt in leren. gein Artvſe rîten. er bat daz volch deſ bîten. Si chomen Artvſe ſo nahen. daz ſi ſiniv poͮlvn ſahen. vil nahe eine mile dez wazzer nidr. der fvrſte ſant den ritr widr. der in gewiſet hete dar. froͮ Jeſcvte div wol gevar. waſ ſin geſinde vnt niemn mer. der vnloſe Artvs niht ce her. waſ gegangen do er deſ abentſ gaz. v̂f einen plan vmb in da ſaz. Div werde maſſenîe. Orilvs der valſces vrîe. chom an den ſelbn rinch geritn. ſin helm. ſin ſcilt. waſ ſo verſnitn. daz nîemn dran chos decheiniv mal. die ſlege frvmte Parzival. Von dem orſe ſtvͦnt der chvͤne man. froͮ Jeſcvte enpfiengez ſan. vil ivncherrn dar naher ſpranch. vmb in vn̄t vmbe ſi waſ groz gedranch. ſi iahen. wil ſvln der orſe pflegn. Orilvs der werde degn. leite ſcildeſ ſcirben v̂fez gras. nach ir dvrch di er chomn was. begvndr vragen al ce hant. froͮn Cvnnewaren de Lalant. zeigete man im wa div ſaz. ir ſite man gein priſe maz. gewapent er ſo nahe gîench. der kvnec vnt div kvnegin in enpfîench. er danchte in vn̄t bot fianze ſan. ſiner ſweſter wolgetan. Bi den trachen v̂fem kvrſît. erchanden ſin wol wan ein ſtrît. ſi ſparach. dv biſt der brvͦder min. Orilvs odr Læhelin. ich nim iwer dewedrſ ſicherheit. ir waret mir bede îe berêit. ce dienſte alſ ich ivch gebat. mir wære v̂f den triwen mat. Solt ich gein iv chriegen. vn̄t min ſelber zvht betriegen. der fvrſte kniete vor der magt. er ſparach. dv haſt al war geſagt. ich pinz din brvͦder Orilvs. der rote ritr twanch mich ſvs. daz ich dir ſicherheit mvͦz gebn. da mit erchoͮfte ich do min lebn. die enphach ſo wirt hie gar getan. alſ ich gein im gelobt han. Doch enpfiench ſi triwe in wîze hant. von im. der trvͦch den ſerpant. vn̄t lîezen ledech do daz geſcach. do ſtvͦnt er v̂f vnde ſprach. Jch ſol vn̄t mvͦz dvrch triwe chlagen. oͮwe wer hat dich geſlagen. dine ſlege tvͦnt mir nimmer wol. wirtſ zit daz ich die rechen ſol. ich ginre den ſwerz rvͦchet ſehen. daz mir groz leit iſt dran geſcehen. Ovch hilfet mirz chlagn der chvͤnſte man. den mvͦtr ie zer werlt gewan. der nennet ſich der rittr rot. her kvnec froͮ kvnegin er enbot. iv beiden ſamt dieneſt ſin. dar zvͦ benamn der ſweter min. er bitt ſin dienſt ivch lezzen. vn̄t diſe magt ir ſlege ergezze*ergezzen. Ovch het ichſ do genozzen. gein dem helde vnverdrozzen. weſſer wi ſi mich beſtet. vn̄t mir ir leit ce herzen get. kêie erwarp do nîwen haz. von rittern vn̄t von froͮwen ſwer da ſaz. ame ſtade bi dem Plimizoͤl. Gawan vn̄t Jofreit fiz Jdoͤl. vnt deſ not ir habt gehoͤret ê. der gevangene kvnec Clamidê. vn̄t anders manech werdr man. ir namn ich wol genennen chan. wan daz ichz niht wil lengen. di begvnden ſich do mengen. Jr dienſt mit zvhten wart gedolt. froͮ Jeſcv̂te wart geholt. v̂f ir pfærde al da ſi ſaz. der kvnec Artvs niht vergaz. vn̄t oͮch div kvneginne ſin wip. ſi enpfiengen Jeſcv̂ten lip. von froͮwen da manech chvſſ geſchach. Artvs ce Jeſcvten ſparach. iwern vater den kvnec von karnant. lachen han ich deſ erchant. daz ich iwern chvmbr chlagete. ſit man mirem zem erſten ſagete. oͮch ſit ir ſelbe ſo wolgetan. eſ ſolt ivch friwent erlazen han. wan iwer minneclicher *blich. behielt den pris ce kanedîch. dvrch iwer ſcone mære. beleib iv der ſparwære. Iwer hant er dannen reit. ſwi mir von Orilvs leit. geſcæhe. ine gvnde iv trvrenſ niht. noch engetvͦn ſwa ez geſciht. mir iſt liep daz ir die hvlde hat. vnt daz ir frowenliche wat. tragt nach îwer grozen not. ſi ſprach herre daz vergelt iv got. dar an ir hohet iwern pris. Jeſcvten vnt ir armis. froͮ Cvnneware de Lalant. dannen fvͦrte ſa ce hant. êinhalp an deſ kvnegeſ rinch. vber einſ brvnnen vrſprinch. ſtvͦnt ir poͮlvn v̂f dem plan. alſ ez obene ein trache inſinen chlan. hete deſ ganzeſ apffelſ halbn teil. den trachen zvgen fier wint ſeil. reht alſ er lebendech da flvge. vntz poͮlvn gein den lvften zvge. da bî erchandz Orilvs. wan ſiniv wapen waren ſvs. Er wart entwapent drvnde. ſin ſvͤziv ſweſter chvnde. im bieten ere vnt gemach. vber al div mæſſenide ſparach. deſ roten riterſ ellen. næme den priſ zeime geſellen. Des iahen ſi ane rvnen. keie bat kingrvnen. Orilvs dienen an ſiner ſtat. er chvnd*chvndz wol den erſ da bat. wander heteſ vil getan. vor Clamide ze Brandigan. keie dvrch daz ſin dienſt lîez. vnſælde inſ fvrſten ſweſter hîez. ce ſere alv̂nen mit eime ſtabe. dvrch zvht entweicher dienſ abe. oͮch waſ div ſcvlde niht verchorn. von der meide wol geborn. doch ſcvͦf er ſpiſe dar genvͦch. kingrv̂n ez fvr Orilvſen trvͦch. Cvnneware div lobſ wiſe. ſnêit ir brvͦdr ſine ſpiſe. mit ir blanchen linden hant. froͮ Jeſcvte von karnant. mit wiplichen zvhten az. Artvs der kvnec niht vergaz. eren choͤme da div zwei ſazen. vn̄t friwentlichen azen. Do ſparach er. gezzet ir hinte vbel hîe. ez enwart idoch min wille nîe. iren geſazet nie vber wirtſ brot. derz iv mit bezzerem willen bot. ſo gar ane wancheſ váre. min froͮ Cvnnewáre. ir ſvlt iwerſ brvͦder hie wol pflegn. gvͦte naht geb iv der goteſ ſegn. Artvs fvͦr ſlafen do. Orilvse wart gebettet ſo. da ſin froͮ Jeſcvte pflach. geſellecliche vnz anden tach. Welt ir nv hoͤren wi Artvs. von karidol v̂z ſime hvs. vn̄t oͮch von ſime lānde ſciet. alſ im div maſſenide riet. ſvs reit er mit den werden. ſinſ landſ vn̄t anderr erden diz mære giht den ahten tach. ſo daz er ſvͦchens pflach. den der ſich der riter rot. nante vn̄t im ſolh ere bot. daz er in ſciet von chvmber groz. do er den kvnec Jthern ſcoz. vn̄t Clamiden vn̄t kingrvnen. oͮch ſande gein den bertvnen. in ſinen hoff beſvnder. vber die Tafelrvnder. wolt er in dvrch geſellecheit. laden. dvrch daz er nach im reit. alſo beſceidenlîche. beide arme vnd rîche. die ſcildeſ ambet ane want. lobten Artvss hant. ſwa ſi ſæhen riterſcaft. daz ſi dvrch ir gelvbde chraft. decheine tioſt entæten. ez enwære ob ſi in bæten. daz erſe lieze ſtrîten. er iach wir mvͤzen rîten. in manech lant daz riterſ tât. vnſ wol ce gegen ſtrîte hat. Vf gerihtiv ſper wir mvͤzen ſehn. welt ir danne fvr ein andr ſcehn. alſo vreche rvden den meiſters hant. ab ſtroͮfet ir bant. dar zvͦ trag ich niht willen. ich ſol den ſcal geſtillen. ich hilf iv ſwa ez niht rat mach ſin. deſ wartet an daz ellen min. Diſe gelvbde habt ir wol vernomn. welt ir nv hoͤren war ſi chomn. Parzival der Waleis. von ſnêwe waſ ein niwe leis. deſ nahteſ vaſt v̂f in geſnît. ez enwaſ idoch niht ſnewes zît. Jſtez alſ ichz vernomn han. Artvſ der Meien bære man. ſwaz man ie von dem geſprach. zeinen pfinxten daz geſcach. odr indeſ meien blvͦmen zit. waz man im ſvͤzes lvfteſ git. Diz mære iſt hie vaſte vndr ſnîten. ez parriert ſich mit ſneweſ ſiten. ſine valchenære von karidol. riten ſabentſ zvͦ dem Plimizol. dvrch peizen da ſi ſcaden chvren. ir beſten valchen ſi verlvren. der gahete von in balde. vn̄t ſtvͦnt di naht ce walde. von vberchrvffe daz geſcach. daz im waſ von dem lvͦder gach. Die naht bi Parzivale er ſtvͦnt. da in beden waſ der walt vnchvͦnt. vn̄t daſe bede ſere vros. do Parzival den tach erchos. im waſ verſnit ſin pfadeſ pan. vil vngevertes reit er dan. vber ronen vn̄t vbr manegen ſtein. der tach ie lanch hoher ſcein. oͮch begvnde livhten ſich der walt. wan daz ein rone waſ gevalt. v̂f einem plan zvͦ dem er ſleich. Artvs valche al mite ſtreich. da wol tv̂ſent genſe lagen. da wart ein michel gagen. mit hvrte vloͮger vndr ſîe. der valche vn̄t ſlvͦg ir eine hîe. daz ſi im harte chvme enbraſt. vndr deſ gevallen ronen aſt. an ir hohem flvge wart ir wê. v̂z ir wnden v̂fen ſnê. vielen dri blvͦtſ zæher rot. die Parzivalen fvͦgten not. von ſinen triwen daz geſcach. do er die blvͦtſ zæher ſach. v̂f dem ſnewe der waſ al wîz. do daht er wer hat ſinen flîz. gewendet an diſe varwe clar. Cvndwiͤr amvrs ſich mach fvr war. diſiv varwe dir gelîchen. mich wil got ſælden rîchen. Sit ich dir hie gelichez vant. geert ſi div gotes hant. vn̄t al div creatvre ſin. Condwir amvrſ hie lit din ſcin. ſit der ſnê dem blvͦte wîze bot. vn̄t ez den ſnê ſvs machet rot. Cvndwir amvrs. dem gelîchet ſich din beacvrs. deſ enbiſtv niht erlazen. deſ heldeſ oͮgen mazen. alſez dort waſ ergangen. zwene zaher an ir wangen. den dritten an ir chinne. er pflach der waren minne. gein ir gar ane wenchen. ſvs begvndr ſich verdenchen. vnze daz er vnverſvnnen hielt. div ſtarche minne ſîn da wielt. Soͤlhe not fvͦgte im ſin pris. dirre varwe trvͦch gelîchen lip. von Pelrapeire div kvnegin. div zvchte im wizzenlichen ſin. ſvs hielt er alſ er ſlieft. wer da zvͦ zim lief. Cvnnewaren garzv̂n waſ geſant. der ſolde gegen Lalant. der ſach an den ſtvnden. einen helm mit maneger wnden. vn̄t einen ſcilt gar verhoͮwen. in dienſte deſ knappen froͮwen. Da hielt gezimiert ein degn. alſ er tivſtierens wolde pflegn. geværwet mit v̂f gerihtem ſper. der garzv̂n hvͦp ſich widr her. het in der knappe erchant enzît. er wære von im vil vnbeſcrît. deiz ſiner froͮwen rittr wære. Alſ gein einem æhtære. ſcvpfterz volch hin v̂z an in. er wolde im werbn vngewin. ſine kvrtoſîe er dran verlos. lat weſen. ſin froͮwe waſ oͮch los. Soͤlch waſ deſ knappen chrîe. fia fia fîe. fi ir vertanen. zelent ſi Gawanen. vn̄t andr diſe riterſcaft. gein werdeclicher priſſ chraft. vn̄t Artvſen der bertvn. alſvs rief der garzvn. tavelrvnde iſt geſcant. iv iſt dvrch die ſnvͤre al hie gerant. Da wart von rittern groͤzlich ſcal. ſi begvnden vragen vber al. ob riterſcaft da wære getan. do vrieſcen ſi daz einech man. da hielt zeiner tioſt bereit. genvͦgen waſ gelvbde lêit. die Artvs von in enphiench. ſo balde daz er niht engiench. Beide lîef vnde ſpranch. Segramorſ der ie nach ſtrite ranch. ſwa der vehten wande vinden. da mvͦſe man in binden. odr er wolde dr mite ſin. nindr iſt ſo breit der rin. ſæher ſtriten am andern ſtade. da wrde wenech nach dem bade. getaſtet iz wære warem odr chalt. er viel ſvs dran der degen balt. Snelliche chom der ivngelinch. ce hove an Artvſſ rinch. der werde kvnec vaſte ſlîef. Segramorſ im dvrch die ſnvͤre lîef. zer Poͮlvnſ tvͤr dranger in. ein dechlachen zoblin. zvchter ab in div lagen. vn̄t ſvͤzes ſlafes pflagen. ſo daz ſi mvͦſen wachen. vn̄t ſiner vnfvͦge lachen. Do ſparach er zvͦ der niftel ſin. Gynover froͮwe kvnegin. vnſer ſippe iſt deſ bechant. man weiz wol vber mengiv lant. daz ich genaden wart an dich. nv hilf mir froͮwe vnd ſprich. gein Artvſe dinem man. daz ich von im mvͤze han. ein Aventivre iſt hie bî. daz ich zer tioſt der erſte ſî. ARtvs ce Segramorſe ſprach. din ſicherheit mir deſ veriach. dv ſoldeſt nah minem willen varn. vn̄t dine vnbeſceidenheit bewarn. wirt hie ein tioſt von dir getan. dar nach wil manech andr man. daz ich in laze rîten. vn̄t oͮch nach priſe ſtrîten. da mite chrenchet ſich min wer. wir nahen Anfortaſ her. daz von Mvnſalvæſce vert. vntz foreſt mit ſtrîte wert. ſit wir niht wizzen wa div ſtêt. zarbêite ez vnſ lihte ergêt. Gynover bat Artv̂ſen ſô. deſ Segramorſ wart al vrô. do ſi im die Aventivre erwarp. wan daz er niht vor lîebe ſtarp. daz andr waſ da gar geſcehen. vngern het er do vergehen. ſins chvmenden priſſ pflihte. îemen ander geſcihte. Der ivnge ſtolze ane bart. ſin orſ vn̄t er gewapent wart. v̂z fvͦr Segramorſ roẏs. kalopierende vltr îvuen poẏs. ſin orſ vber hohe ſtv̂den ſpranch. manech gvldin ſcelle dran erchlanch. v̂f der deche vn̄t an dem man. man mohten wol geworfen han. zem fâſan inz dornach. ſwem ſin ce ſvͦchen wære gach. der fvnden bi den ſcellen. die chvnden lvte hellen. Svſ fvͦr der vnbeſceiden helt. zvͦ dem der minne waſ verſelt. wedr ern ſlvͦch do. noch enſtach. ê er widerſagen hin zim ſparach. vnverſvnnen hielt da Parzival daz fvͦgten im div blvͦtes mal. vn̄t oͮch div ſtrenge minne. div mir diche nimt ſinne. vnt mir daz herce vnſanfte regt. ach not ein wip an mich legt. wil ſi mich alſvs twingen. vnt ſelten hilfe bringen. ich ſol ſis vnderzîehen. vn̄t von ir troſte vlîehen. Nv hoͤret oͮch von îenen beiden. vmb ir chomn vn̄t vmb ir ſceiden. Segramorſ ſprach alſô. ir gebaret herre alſ ir ſit vrô. daz hie ein kvnec mit ~~vorche~~vorchte ligt. ſwi vnhohe ivch daz wigt. ir mvͤzet im drvmbe wandel gebn. odr ich verlîvſe min lebn. ir ſit v̂f ſtrit ce nahe geriten. doch wil ich ivch dvrch zvht biten. ergebt ivch in mine gewalt. odr ir ſît ſciere von mir bezalt. daz îwer vallen rvͤrt den ſnê. ſo tætet irz baz mit eren ê. ~~xarzival~~Parzival dvrch drô niht ſprach. froͮ minne im andrſ chvmbers iach. dvrch tioſte bringen warf ſin ors. von im der chvͤne Segramors. vmbe wande *oͮch ſichz kaſtelan. da Parzival der wolgetan. vnverſvnnen vffe ſaz. ſo daz erz blvͦt vbermaz. ſin ſehen wart drab gecheret. deſ wart ſin priſ gemeret. Do er der zaher niht mer ſach. froͮ witze im aber ſinneſ iach. hie chom Segramors roẏs. Parzival daz ſper von Troẏs. daz veſte vnt daz zæhe. von værwen daz wæhe. alſ erz vor der chloſen vant. daz begvndr ſenchen mit der hant. Eine tioſt enpfiengr durch den ſcilt. ſin tioſt hin widr wart gezilt. daz Segramorſ der werde degen. ſatel rv̂menſ mvͦſe pflegen. vn̄t daz daz ſper doch ganz beſtvnt. da von im wart gevelle chvnt. Parzival rait ane vragen. da die blvͦtſ zæher lagen. da er die mit den oͮgen vant. froͮ minne inſtriche an ir bant. Weder ern ſprach do ſvs noch ſo. wan er ſciet von den witzen do. Segramorſ kaſtelan. hvͦp ſih gein ſinem baren ſan. er mvͦſe v̂f dvrch *rwͦen ſten. obr *indr wolde gen. ſich legent gnvͦge dvrch rwͦen nidr. daz habt ir diche freiſcet ſidr. waz rwͦe choſ er indem ſnê. mir tæte ein ligen drinne wê. der ſcadhafte erwarb îe ſpot. ſælden pflihtære dem half got. Daz her lach wol ſo nahen. daz ſi Parzivalen ſahen. haben alſ im waſ geſcehen. der minne er mvͦſe ir ſiges iehen. div Salomonen oͮch betwanch. da nach waſ do niht zelanch. ê Segramors dort zvͦ zin gîench. ſwer in hazzete odr der in wol enpfiench. den waſ er al geliche holt. ſvs teilt er bagenſ grozen ſolt. Er ſparach. ir habt deſ freiſcet vil. riterſcaft iſt topel ſpil. vnt daz ein man von tioſte viel. ez ſinchet halt ein merſ kiel. lat mich nimmer niht geſtrîten. daz er min getorſte bîten. ob er bechande minen ſcilt. deſ hat mich gar an im bevilt. der noch dort v̂ze tioſte gert. ſin lip iſt oͮch wol priſſ wert. Keye der chvͤne man. braht diz mære fvr den kvnec ſan. Segramorſ wære geſtochen abe. vnt dort v̂ze hielt ein ſtrenger knabe. der gerte tioſte reht alſ ê. er ſprach. herre mir tvͦt immer we. ſol erſ genozzen ſceiden hin. ob ich iv ſo wirdech pin. lat mich verſvͦchen weſ er ger ſit er mit v̂f gerihtem ſper. dort habt vor iwerem wibe. nimmer ich belibe. in îwerem dienſte mere. tafelrvnde hat vnere. ob manz im niht becîte wert. v̂f vnſern priſ ſin ellen zert. Nv gebt mir ſtriteſ vrloͮp. wære wir alle blint odr toͮp. ir ſoltz im weren deſ wære zit. Artvs erloͮbete keien ſtrît. Gewapent wart der ſceneſcalt. do woldr ſwenden den walt. mit tioſte v̂f diſen chvmenden gaſt. der trvͦch der minne grozen laſt. daz fvͦgte im ſnê vnde blvͦt. ez iſt ſvnde ſwer im mer nv tvͦt. oͮch hatſ div minne chranchen pris. div ſtiez v̂f in ir chrefte ris. Uroͮ minne *wi tvͦt ir ſô. daz ir den trv̂rigen machet vrô. mit chvrce werendr freͮde. ir tvͦt in ſcîere toͮnde. wi ſtet iv daz froͮ minne. daz ir manliche ſinne. vn̄t hercehaften hohen mvͦt. alſvs enſcvmpfieren tvͦt. daz ſmæhe vnt daz werde. vn̄t ſwaz v̂f der erde. gein iv decheinſ ſtriteſ pfligt. dem habt ir ſciere an geſigt. wir mvͤzen ivch pi chreften lan. mit rehter warheit ſvnder wan. Froͮ minne ir habt ein ere. vn̄t wenech decheine mere. froͮ liebe iv git geſelleſcaft. andrs wære vil dvrchel iwer chraft. froͮ minne ir pfligt vntrîwen. mit alten ſiten nîwen. ir zvchet manegem wibe ir pris. vn̄t ratet in ſippiv amis. vn̄t daz manech herre an ſinem man. von iwerr chraft hat miſſetan. vnt der frîvnt an ſime geſellen. iwer ſite chan ſich hellen. vnt der man an ſime herrn. froͮ minne iv ſolte werrn. daz ir den lip der gir verwent. dar vmbe ſich div ſele ſent. Froͮ minne ſit ir habt gewalt. daz ir die ivgent ſvs machet alt. dar man doch zelt vil chvrziv iar. iweriv werch ſint halſcarlicher var. diſiv rede enzæme cheinem man. wan der nie troſt von iv gewan. het ir mir geholfen baz. min lop wære gein iv niht ſo laz. ir habt mir mangel vor gezilt. vn̄t miner oͮgen ecke alſo verſpilt. daz ich iv niht getrŵen mach. min not ivch ie vil ringe wach. Doch ſit ir mir ce wol geborn. daz gein iv min chrancher zorn. immer ſolde bringen wort. iwer drvch hat ſo ſtrengen ort. ir ladet v̂f herce ſwæren ſoͮm. her Heinrich von Veldeke ſinen boͮm. mit chvͤnſte gein iwerem arde maz. het er vnſ do beſceiden baz. wi man ivch ſvle behalten. er hat her dan geſpalten. wi man ivch ſol erwerben. von tvmpheit mvͦz verderben. maneges toren hoher fvnt. waſ. odr wirt mir daz noch chvnt. daz wîze ich iv froͮ minne. ir ſit ſloz ob dem ſinne. ezen hilfet gein iv ſcilt noch ſwert. ſnell orſ hoch pvrch mit tvrnen wert. ir ſit gewaldech ob der wer. bede v̂f erde vnt indem mer. waz entrinnet iwerm chrîege. ez flîeze odr flîege. Uroͮ minne ir tatet oͮch gewalt. do Parzival der degen balt. dvrch ivch von ſinen witzen ſcîet. alſ im ſin triwe do gerîet. daz werde chivſce clare wip. ſande ivch ce boten an ſinen lip. div kvnegin von Pelrapêire. kardeiz fiz Tampentêire. ir brvͦder namet ir oͮch ſin lebn. ſol man iv ſoͤlhe zinſe gebn. wol mich daz ich von iv niht han. iren wolt mir bezzer ſenfte lan. Jch han gereit vnſer aller wort. nv hoͤret oͮch wi ez ergienge dort. keie der ellenſ riche. chom gewapent riterliche. v̂z. alſ er ſtrîtſ gerte. oͮch wæne in ſtrîtſ werte. deſ kvnec Gahmvrets kint. ſwa twingende froͮwen ſint. di ſvlen im heiles wnſcen nvͦ. wande in braht ein wip dar zvͦ. daz minne witze von im ſpîelt. keie ſiner tioſt enthîelt. vnz er zem Waleiſe ſprach. herre ſit iv ſvs geſcach. Daz ir den kvnec gelaſtert hat. welt ir mir volgen ſo iſt min rat. vnt dvnchet mich iwer beſtez heil. nemt ivch ſelben an ein brachen ſeil. vnt lat ivch fvr in ziehen. iren megt mir niht enpfliehen. ich bringe ivch doch betwngen dar. ſo nimt man iwer vnſanfte war. Den Waleis twanch der minnen chraft. ſwîgens keie ſinen ſcaft. v̂f zoch vn̄t frvmt im einen ſwanch. anz hoͮbt. daz der helm erchlanch. do ſparach er dv mvͦſt wachen. ane lîn lachen. wirt dir din ſlafen hie benant. ez zilt al anderſ hie min hant. v̂f den ſnê dv wirſt gelêit. der den ſach von der mvl treit. wolte man in ſo blîwen. in mohte lazheit rîwen. Froͮ minne hîe ſeht ir zvͦ. ich wæne manz iv ce laſter tvͦ. wan ein gebvͦr ſpræche ſan. mime herren ſî diz getan. er chlaget oͮch moht er ſprechen. froͮ minne lat ſich rechen. den werden Waleiſe. wan liez in iwer vreiſe. vn̄t iwer ſtrenge vnſvͤzer laſt. ich wæne ſich werte dirre gaſt. Keie hvrte vaſte an in. vnt drang imz ore alvmbe hin. vnze daz der Waleis vber ſach. ſin ſvͤze fv̂rez vngemach. ſins wibes gelichen ſcin. von Pelrapeire der kvnegin. ich meine den geparrierten ſnê. do chom aber froͮ witze alſ ê. div im den ſin her widr gap. keie ez orſ liez in den walap. der chom dvrch tivſtieren her. von rabine ſanchten ſi div ſper. keie ſine tioſte brahte. alſ im der oͮgen mez gedahte dvrch Parzivalen ſcilt ein venſter wit. im wart vergolden dirre ſtrit. keie Artvs ſceneſcalt. ze gegen tioſte wart gevalt. vber den ronen da div ganſ entran. ſo daz daz orſ vnt der man. liten beidiv ſamt not. der man wart wnt dez orſ lach tot. zwiſcen dem ſatelbogen vn̄t eime ſtein. keie der zeſwe arem vn̄t daz winſter bein. cebrach von diſem gevelle. ſvrzengel ſatel geſcelle. von dirre hvrt gar cebraſt. ſvs galt zwei blîwen der gaſt. daz eine leit ein maget dvrch in. mit dem andern mvͦſer ſelbe ſin. PArzival der valſcheit ſwant. ſin triwe in lerte daz er vant. ſnewech blvͦtſ zæher drî. die in vor witzen machten vrî. ſine gedanche*gedanche vmben Gral. vnt der kvneginne glîchiv mal. iewederz waſ ein ſtrengiv not. an im wach fv̂r der minnen lot. wan trvren vnd minne. brichet zæhe ſinne. ſol diz Aventivre ſin. ſi mohten bede heizen pin. Chvͤne livte ſolten keien not. chlagen. ſin manheit im gebot. genendecliche an manegen ſtrit. man ſaget in manegen landen wit. daz keie Artvs ſceneſcalt. mit ſiten wære ein Ribbalt. deſ ſagent in miniv mære bloz. er waſ der werdecheit genoz. ſwi chleine ich deſ die volge han. getriwe vn̄t ellenthaft ein man. waſ keie deſ giht min mvnt. ich tvͦn oͮch mere von im chvnt. Artvs hoff waſ ein zil. dar chom vremdr rittr vil. di werden vnt die ſmæhen. mit ſiten die wæhen. Swelher partîerenſ pflach. der ſelbe keien ringe wach. an ſwem die kvrtoſîe. vnt div werde cvmpanîe. lach. den chvndr eren. ſin dienſt gein im cheren. Jch gihe von im der mære. er waſ ein merchære. er tet vil rv̂heſ willen ſcin. ce ſcerme dem herrn ſin. ſcerme ſchirm Partierre vn̄t valſce dîet. von den werden er die ſcîet. er waſ ir fvͦre ein ſtrenger hagel. ~~noth~~noch ſcarpfer dan der bin ir zagel. ſeht die vercherten keien pris. der waſ manlicher triwen wis. vil hazzes er von in gewan. Von Dvringen fvrſte Herman. Herman von Direingen etſlich din ingeſinde ich maz. daz v̂z geſinde hieze baz. dir wære oͮch einſ keien not. ſit wariv milte dir gebot. ſo manech valten ane hanch. etſwa ſmæhlich gedranch. vn̄t etſwa werdez dringen. deſ mv̂z her Walther ſingen. gvͦten tach boͤſe vnde gvͦt. ſwa man ſolhen ſanch nv tvͦt. deſ ſint die valſcen geeret. keie hetſ in niht geleret. noch her Heinrich von Rîſpach. Heinreich von Riſpach horet wnderſ mer waz dort geſcach. Vf dem Plimizoͤls plan. keie wart geholt ſan. in Artvs poͮlvn getragen. ſine frivnt begvnden in da chlagen. vil froͮwen vn̄t manech man. do chom oͮch min her Gawan. vber in da keie lach. er ſparach. owe vnſælich tach. daz diſiv tioſt ie wart getan. da von ich frivnt verlorn han. Er chlaget in ſenliche. keie der zorenſ riche. ſparach. herre erbarmet ivch min lip. ſvs ſolten chlagen altiv wip. ir ſit minſ herren ſweſter ſvn. moc*moht ich iv dienſt nv getvn. alſ iwer wille gerte. do mich got der lide werte. ſone hat daz min hant niht vermiten. ſine habe vil dvrch iv geſtriten. ich tæte oͮch noch vnt ſolt ez ſin. nvne chlagt ni mere lat mir den pin. iwer oͤheim der kvnec her. gewinnet nimmr ſoͤlhen keien mer. Jr ſit mir rache ce wol geborn. het abr ir einen vinger dort verlorn. da wagte ich gegen min hoͮbet. ſeht ob ir mirz geloͮbet. chert ivch niht an min hezzen. er chan vnſanfte lezzen. der noch dort v̂ze vnflvhtech habt. weder ern ſcv̂ft noch endrabt. Ovch eniſt hie nindr froͮwen har. weder ſo mvͤrwe noch ſo clar. ez enwære doch ein veſte bant. ce wern ſtrîtſ iwer hant. Swelch man tvͦt ſolhe diemvͤte ſcin. der eret *oͮch die mvͦtr ſin. vaterhalbn ſolt er ellen han. chert mvͦterhalp her Gawan. ſo werdet ir ſwertſ bliche bleich. vn̄t manlicher herte weich. Svſ waſ der wol gelobte man. gerant zer blozen ſîten an. mit rede er chvnde ir gelten niht. alſ wol gezogenem man geſciht. dem ſcam verſlivzet ſinen mvnt. daz dem verſcamtem iſt vnchvnt. Gawan ce keien ſprach. ſwa man ſlvͦg odr ſtach. ſwaz deſ gein mir iſt geſcehn. ſwer mine varwe wolde ſpehn. div wæne ich ie erbliche. von ſlage odr von ſtiche. dv zvrneſt mit mir an not. ich pin der dir îe dienſt ~~bot~~pot. V̂zem poͮlvn giench her Gawan ſin orſ hiez er bringen ſan. ſvndr ſwert vn̄t ane ſporn. ſaz drv̂f der degen wol geborn. ER chert v̂z da er den Waleis vant. deſ witze waſ der minnen pfant. er trvͦch dri tioſte dvrch den ſcilt. mit heldeſ handen dar gezilt. oͮch het in Orilvs verſniten. Svſ chom Gawan zvͦ zim geriten. ſvndr kalopîeren. vnt ane pvnîeren. er wolde gvͤtliche erſehen. von wem der ſtrit da ware geſchehen. Do ſparach er grvͤzenliche dar. ce Parzivale derſ chleine war. nam. daz mvͦſe et alſo ſin. da*da tet froͮ minne ir ellen ſcin. an dem den herzeloyde bar. vngezaltiv ſippe in gar. ſciet von den witzen ſin. vn̄t v̂f geerbetr pin. von vatr vn̄t von mvͦtr art. der Waleis wenech innen wart. waz minſ hern Gawans mvnt. mit worten im da tæte chvnt. Do ſparach deſ kvnec loths ſvn. herre ir welt gewalt nv tvn. ſit ir mir grvͤzen widrſagt. ine bin doch niht ſo gar verzagt. ine bringez an andr vrâge. ir habt man vnd mâge. vn̄t den kvnec ſelben enteret. vnſer laſter hie gemeret. Des erwibe ich iv die hvlde. daz der kvnec læt die ſcvlde. welt ir nach mime rate lebn. geſelleſcaft mir fvr in gebn. Deſ kvnec Gahmvretes kint. droͤwen vn̄t vlehen waſ im ein wint. der Tafelrvnde hohſter pris. Gawan waſ ſolher noͤte al wis. er hetſe vnſanfte erchant. do er mit dem mezzer durh di hant. ſtach deſ twang in minnen chraft. vn̄t wert wiplich geſelleſcaft. Jn ſciet von tode ein kvnegin. do der chvͤne Læhelin. mit einer tioſte riche. in twanch ſo vollecliche. div ſenfte ſvͤze wol gevar. ce pfande ſazt ir hoͮbet dar. de kvnegin Ingvͦſe von Bahtarlîez. alſvs div getriwe hiez. Do dahte min her Gawan. waz ob div minne diſen man. twinget alſ ſi mich do twanch. vn̄t ſin getrivlich gedanch. der minne mvͦz ir ſiges iehen. Er marchte deſ Waleis ſehen. war ſtvͤnden im div oͮgen ſin. eine failen tvͦcheſ von Svrin. gefvrriert mit gelwem zindal. die ſwanger vber die blvͦtſ mal. Do div faile wart der zaher dach. ſo daz ir Parzival niht ſach. im gap her widr witze ſin. von Pelrapeire div kvnegin. div behielt idoch ſin herce dort. nv rvͦchet hoͤren ſiniv wort. Er ſparach. oͮwe froͮwe vn̄t wip. wer hat benomn mir dinen lip. erwarp mit riterſcaft min hant. dine werde minne. chrone vn̄t ein lant. bin ichz der dich von Clamidê. loſte. ich vant ach vn̄t owê. vn̄t ſîvfzech manech herce frebel. in diner helfe oͮgen nebel. hat dich bi liehter ſvnnen hîe. mir benomn. iane weiz ich wîe. Er ſparach. owe war chom min ſper. daz ich mit mir brahte her. do ſprach min her Gawan. herre ez iſt mit tioſt vertan. gein wem ſparach der degen wert. iren habt hie ſcilt noch daz ſwert. waz mohte ich priſſ an iv beiagen. doch mvͦz ich iwer ſpotten tragen. ir biet mirz lîhte her nach paz. etſwenne ich oͮch vor tioſt geſaz. vinde ich nīmmer an iv ſtrit. doch ſint div lant wol ſo wit. ich mach da priſ vn̄t arbeit holen. vn̄t beidiv freͮde vn̄t angeſt dolen. Min her Gawan do ſprach. ſwaz hie mit rede gein iv geſcach. div iſt lvter vn̄t minnechlich. vn̄t niht mit ſtæter trvͤbe rich. Jch ger alſ ichz gedienen wil. hie lit ein kvnec vn̄t ritr vil. vn̄t manech froͮwe wol gevar. geſelleſcaft gib ich iv dar. lat ir mich mit iv rîten. da bewar ich ivch vor ſtriten. Jwer genade herre ir ſprechet wol. daz ich vil gerne dienen ſol. ſit ir cvmpanîe bietet mir. nv wer iſt iwer herre odr ir. ich heize herre einen man. von dem ich manech vrbor han. ein teil ich der benenne hîe. er waſ gein mir deſ willen îe. daz er mirz riterliche bot. ſine ſweſtr het der kvnec Lot. div mich zer werelde brahte. ſwes got an mir gedahte. daz bivtet dienſt ſiner hant. der kvnec Artvs iſt er genant. min nam iſt oͮch vil vnverholn. an allen ſteten vnverſtoln. livte di mich erchennent. Gawan mich die nennent. iv dient min lip vn̄t der name. welt irz cheren mir von ſcame. Do ſparach er biſtvz Gawan. wie chranchen pris ich deſ han. ob dv mirz wol erbivteſ hie. ich horte von dir ſprechen îe. dv erbivtez allen livten wol. din dienſt ich doch enpfahen ſol. niwan v̂f gegen dienſtes gelt. Nv ſage mir weſ ſint div gezelt. der dort iſt manegez vf geſlagn. lit Artvs da. ſo mvͦz ich chlagn. daz ich in niht mit eren min. mach geſehen noch die kvnegin. ich ſol rechen ê ein blîwen. da von ich ſit mit rîwen. fvͦr. von ſolhen ſachen. ein werdiv magt mir lachen. bot. die bloͮ der ſceneſcalt. dvrch mich. daz von ir reiſ der walt. vnſanfte iſt daz gerochen. Sparach Gawan im iſt ce brochen. der zeſwe arem vn̄t daz winſtr bêin. rît her. ſcoͮwe orſ vn̄t oͮch den ſtêin. hie ligent oͮch trvnzv̂ne v̂f dem ſnê. ~~din~~dins ſpers nach dem vragteſt ê. Do Parzival die warheit ſach. do vrageter fvrbaz vn̄t ſprach. diz laze ich an dich Gawan. op daz ſî der ſelbe man. der mir hat laſter vor gezilt. ſo rit ich mit dir ſwar dv wilt. Ine wil gein dir niht liegenſ pflegn. ſparach Gawan hie iſt von tioſt gelegn. Segramorſ ein ſtritſ helt. deſ tât gein priſe ie waſ erwelt. dv tætez ê keie wart gevalt. an in beden haſtv pris bezalt. Si riten mit ein andr dan. der Waleis vnt Gawan. vil volcheſ zorſe vnt ze fvͦz. dort inne bot in werden grvͦz. Gawane vn̄t dem riter rot. wande in ir zvht daz gebot. Gawan cherte da er ſin poͮlvn vant. froͮn Cvnnewaren de Lalant. ir ſnvͤre vnz an die ſine giench. div wart vil vro mit freͮde enpfiench. div magt ir ritr der ſi rach. daz ir von keienê geſcach. Si nam *ir brvͦdr ande hant. vn̄t froͮn Jeſcv̂ten von karnant. ſvs ſach ſi chomn Parzival. der waſ gevar dvrch iſers mal. alſ tôwige roſen wæren dar gevlogen. im was ſin harnaſch ab gezogen. er ſparanch v̂f do er die froͮwen ſach. nv horet wie Cvnneware ſprach. Got alrest dar nach mir. weſt willechomn. ſit daz ir. belibt bi manlichen ſiten. ich hete lachen gar vermiten. vnz ivch min herce erchande. do mich an froͮden pfande. keie der mich do ſo ſlvͦch. daz habt gerochen ir genvͦch. Jch chvſt ivch wære ich chvſſ wert. deſ het ich *hivte ſan gegert. ſparach Parzival getorſt ich ſô. wand ich pin iwerſ enpfahens vrô. Si chvſten vn̄t ſazen nider. eine ivnchfroͮwen ſi ſande wider. vn̄t hiez *ir bringen richiv chleit. div waren geſniten al gereit. v̂z pfelle von Ninnivê. ſi ſolde der kvnec Chlamidê ir gevangen han getragn. div magt ſi brahte vn̄t begvnde chlagen. der mantel wære ane ſnvͦr. Cvnneware ſvs gefvͦr. von blancher ſîte ein ſnvͤrelin. ſi zuchte vn̄t zohez im dar in. Mit vrloͮbe er ſich do twͦch. den ram von im der ivnge trvͦch. bi rotem mvnde liehtez vel. gechleit wart der degen ſnel. do waſ er fier vnd clar. ſwer in ſach der iach fvr war. er wære geblvͤmet fv̂r alle man. diz lop ſin varwe mvͦſe han. Parzivale ſtvͦnt wol ſin wat. einen grvͤnen Smarat. ſpien ſi im fvr ſin hoͮbt loch. Cvnneware gab im mer dennoch. einen tiweren gvrtel fîer. mit edelen ſteinen manech tîer. mvͦſe v̂zen v̂f dem porten ſin. div rinke waſ ein Rvbin. Wie waſ der ivnge ane bart. geſcichet do er gegvrtet wart. diz mære giht wol genvͦch. daz volch im holdez herce trvͦch. ſwer in ſach. man odr wip. die heten wert ſinen lip. Der kvnec meſſe het gehort. man ſah Artvſen chomen dort. mit der Tafelrvnde diet. der neheiner valſcheit nie gerîet. di heten alle ê vernomn. der rote ritr wære chomn. in Gawans poͮlvn. dar chom Artvs der Bertvn. Der zerblŵen Anthanor. ſparanch dem kvnege allez vor. vnz er den Waleis erſach. den vragt er. ſit irz der mich rach. vn̄t Cvnnewaren de Lalant. vil prîs *giht man iwerr hant. keie hat verpfendet. ſin droͮwen iſt nv gelendet. ich fvrhte wenech ſinen ſwanch. der zeſwe arem iſt im zechranch. Do trvͦch der ivnge Parzival. ane flvgel engels mal. ſvs glvͤt v̂f der erden. Artvs mit den werden. enpfieng in minnecliche. gvͦteſ willen waren riche. alle di in geſahen da. ir hercen volge ſprachen ia. gein ſime lobe ſparach niemn nêin. ſo rehte minneclich er ſcêin. Artvs ſparach zem Waleiſe ſan. ir habt mir lieb vnd leit getan. doch habt ir mir der ere. braht vnt geſendet mere. denne ich ir ie von manne enpfiench. da engein min dienſt noch chleine giench. Het ir priſſ nimer getan. wan daz div herzogin ſol han. froͮ Jeſcv̂te die hvlde. oͮch wære iv keien ſcvlde. gewandelt vnt gerochen. het ich ivch ê geſprochen. Artvs ſagete im weſ er bat. warvmbe er an di ſelbn ſtat. vn̄t oͮch mer landeſ waſ geritn. ſi begvnden in do alle bitn. daz er gelobte ſvnder. den von der Tafelrvnder. ſine riterlich geſellecheit. im waſ ir bete niht celeit. ~~x*hxvch~~Ovch moht erſ ſin von ſcvlden vrô. Parzival ſi werte do. Nv ratet horet vn̄t îeht. ob Tafelrvnde meg ir reht. deſ tageſ behalden wande ir pflach. Artvs bi dem ein ſite lach. nehein ritr vor im az. deſ tageſ ſwenne Aventivre vergaz. daz ſi ſinen hoff vermeit. im iſt Aventivre nv bereit. daz lop mvͦſe Tafelrvnde han. ſwi ſi wære da ce Nantes lan. Man ſparach ir reht v̂f blvͦmen velt. dane irte ſtvde noch gezelt. der kvnec Artvs daz gebot. ze eren dem riter rot. ſvs nam ſin werdecheit da lon. ein pfelle von Acraton. v̂z heidenſcefte verre braht. wart zeime zil al da gedaht. niht breit ſînwel geſniten. al nach Tavelrvnde ſiten. wande inir zvht deſ veriach. nach gegen ſtvͦle da niemn ſprach. di geſizze waren al geliche her. der kvnech Artvs gebot in mer. daz man werde ritr vn̄t werde froͮwen. an dem ringe mvͤſe ſcoͮwen. di man da gein priſe maz. magt wib vn̄t man ce hove do az. Do chom froͮ Gynover dar. mit maneger froͮwen lieht gevar. mit ir manech edel fvrſtin. di trvͦgen minneclichen ſcin. oͮch waſ der rinch genomn ſo wit. daz ane gedrenge vn̄t ane ſtrit. manech froͮwe bi ir Amis ſaz. Artvs der valſces laz. braht den Waleis an der hant. Froͮ Cvnneware de Lalant. gieng im anderthalben bî. div waſ do trvrenſ worden vrî. Artvſ an den Waleis ſach. nv ſvlt ir hoͤren wie er ſprach. ich wil iweren claren lip. lazen chvſſen min altz wip. deſ endorft ir doch hie niemn bitn. ſit ir von Pelrapeire geritn. wan da iſt deſ chvſſes hohſter zil. einſ dingeſ ich ivch bitten wil. chom ich immer in iwer hvs. gelt diſen chvſſ ſprach Artvs. ich tvͦn ſweſ ir mich bittet da. ſparach der Waleis vn̄t oͮch anderſwa. Ein lvzzel gein im ſi do giench. div kvnegin in mit chvſſe enpfiench. nv verchivſe ich hie mit triwen. ſparach ſi daz ir mit riwen. mich liezt di het ir mir gegebn. do ir dem kvnege Jther namt ſin l*lebn. Von der ſvͦne wrden naz. der kvneginne oͮgen vmbe daz. wande Jtherſ tot tet wibe wê. man ſazte den kvnec Clamidê. an daz vͦuer zvͦ dem Plimizoͤl. bî dem ſaz Jofreit fiz Jdol. zwiſcen Clamide vn̄t Gawan. der Waleis ſizzen mvͦſe han. alſ mir div aventivre maz. an diſem ringe niemn ſaz. der mvͦtr brvſt ie geſoͮch. deſ werdecheit ſo lvtzel troͮch. wan chraft mit ivgent wol gevar. der Waleis mit im brahte dar. Swer in ze rehte wolde ſpehn. ſo hat ſich manech froͮwe erſehn. in trvͤber glaſe denne wære ſin mvnt. ich tvͦn iv von ſime velle chvnt. an dem kinne vn̄t an den wangen. ſin*ſin varwe zeiner zangen. wære gvͦt ſi mohte ſtæte habn. div den zwîvel wol hin dān chan ſcabn. ich meine wip die wenchent. vn̄t ir friwentſcaft vberdenchent. ſin glaſt waſ wibeſ ſtæte ein bant. ir zwivel gar gein im verſwant. ir ſehen in mit triwe enpfiench. dvrch div oͮgen in ir herce er giench. Man vn̄t wip im waren holt. ſvs het er werdecheit gedolt. vnz v̂f daz ~~ſvfzebære~~ſivfzebære zil. hie chom von der ich ſprechen wil ein magt gein triwen wol gelobt. wan daz ir zvht waſ vertobt. ir mære tet vil livten leit. nv hoͤret wie div ivnchfroͮwe reit. Einen mvl hoh alſ ein kaſtelan. val vn̄t dennoch ſvs getan. nas ſnitech vnt verbrant. alſ vngerſciv marh erchant. ir toͮm vn̄t ir gereite. waſ geworht mit arbeite. tiwer vnde riche. ir mvͦl giench vollecliche. ſi waſ niht froͮwenliche. var. we waz ſolt ir chomn dar. ſi chom idoch daz mvͦſe et ſin. Artvs her ſi brahte pin. Der meide ir chvnſt deſ veriach. alle ſprache ſi wol ſprach. latin. heidenſc. franzoys. ſi waſ der witze kvrtoys. dialetice. vnt Jeometrî. ir waren oͮch die liſte bî. von aſtronomîe. Si hiez Cvndrîe. ſvrzîere waſ ir zvͦ nam. in dem mvnde niht div lam. wan der gereit ir genvͦch. vil hoher freͮde ſi nidr ſlovch. Div maget witze riche. waſ gevar den vngeliche. di man da heizet beaſcent. ein brv̂tlachen von Gent. noch plawer denne ein laſwͦr. het an geleit der freͮden ſcwͦr. daz waſ ein chappe wol geſniten. al nach der franzoyſer ſiten. drvnde an ir libe waſ pfelle gvͦt. von Lvnders ein pfæwin hvͦt. gefvrrîert mit einem Plîat. der hvͦt waſ niwe div ſnvͦr niht alt. der hieng ir an dem rvcke. ir mære waſ ein brvcke. vber freͮde ez iamer trvͦch. ſi zvcht in ſcimpfes da genvͦch. Vber den hvͦt ein zopf ir ſwanch. vnz v̂f den mwͦlder waſ ſo lanch. ſwarz herte vn̄t niht ce clar. linde alſ einſ ſwinſ rvcke har. Si waſ genaſt alſ ein hvnt. zwene eberſ zene ir fvr den mvnt. giengen wol ſpannen lanch. îetwedr wintbra ſich dranch. mit zopfen fvr die harſ ſnvͦr. min zvht mit warheit miſſefvͦr. daz ich ſvſ mvͦz von froͮwen ſagen. nechein enderiv darfez von mir chlagen. Cvndrîe trvͦg oren alſ ein ber. niht nach friwentſ minne ger. Rv̂ch waſ ir antlvzze erchant. einen geiſel ſi fvͦrte in der hant. dem waren di ſwenchel ſidin. vnt der ſtil ein Rvbbin. gevar alſ einſ affen hvͦt. trvͦch hende diz gæbe trvͦt. die nagele waren niht zelîeht. wan mir div aventîvre giht. ſi ſtvͤnden alſ einſ lewen chlan. nach ir minne waſ ſelten tioſt getan. Svſ chom geritten in den rinch. trv̂renſ vrhap freͮden twinch. ſi cherte al da ſi den wirt vant. froͮ Cvnneware de Lalant. az mit Artvſe. de kvneginne von Janfvſe. mit froͮn Ginoveren az. Artvs der kvnec ſcone ſaz. Cvndrie hielt fvr den bertenoyſ. ſi ſparach hin zim enfranzoẏs. ob ichz iv tîvſcen ſagen ſol. mir tvͦnt ir mære niht ce wol. Fillv roy Vͦtepandragv̂n. dich ſelben vn̄t manegen bertv̂n. hat din gewerp al hie geſcant. die beſten vber elliv lant. ſæzen hie mit werdecheit. wan daz ein galle ir priſ verſneit. Tavelrvnde iſt entniht. der valſc hat dran gepfliht. Kvnec Artvs dv ſtvͤnde ce lobe. hohe dinen gnozen obe. din ſtigender pris nv ſinchet. din ſnelliv wirde hinchet. din hohez lop ſih neiget. din priſ hat valſc erceiget. Tafelrvnde priſſ chraft. hat erlemt ein geſelleſcaft. die drvber gap her Parzival. der oͮch dort treit div riterſ mal. ir nennet in der rittr rot. nach dem. der lach vor Nantes tot. vngelich ir zweier leben was. wan mvnt von riter nie gelas. der pflæge ſo ganzer werdecheit. vome kvnege ſi fvr den Waleis reit. Si ſparach. ir tvͦt mir ſite bvͦz. daz ich verſage minen grvͦz. Artvſe vnt der Maſſenide ſin. gvnert ſi iwer liehter ſcin. vn̄t iwer manlichen lide. het ich ſvͦ̂ne odr vride. die wæren iv beidiv tîvre. ich dvnche ivch vngehîvre. vn̄t bin gehiwerr doch dann ir. her Parzival wan ſagt ir mir. vnt beſceidet mich einer mære. do der trvͦrige viſſcære. ſaz ane freͮde vn̄t ane troſt. warvmbe iren niht ſivfzenſ hat eroſt. ER trvͦg iv fvr den iamerſ laſt. ir vil vngetriwer gaſt. ſin not ivch ſolt erbarmet han. daz iv der mvnt noch werde wan. ich meine der zvngen drinne. alſ ivz herce iſt rehter ſinne. gein der helle ir ſit benant. ze himele vor der hohſten hant. alſo ſit ir v̂f der erden. verſinnent ſich die werden. Jr heileſ pan ir ſælden flvͦch. deſ ganzen priſſ reht vnrvͦch. ir ſit manlicher eren ſ*ſchîech. vn̄t ~~ander~~an der werdecheit ſo ſiech. nehêin arzet mag ivch deſ ernern. ich wil v̂f iwerem hoͮbte ſwern. git mir îemn deſ den eit. daz grozer valſc nie wart bereit. neheinem alſo ſcoͤnem man. ir vedr angel ir natern zan. iv gab idoch der wirt ein ſwert. des iwer wirde wart nie wert. da erwarb iv ſwigen ſvnden zil. ir ſit der helle hirten ſpil. Gvnertr lip her Parzival. ir ſahet oͮch fvr ivch tragen den Gral. vn̄t ſnîdende ſilber vn̄t blvͦtich ſper. ir freͮden lezze ir trvͦrenſ wer. wære ce Mvnsalvæſce iv vragen mite. in heidenſcaft ce Thabronît. Div ſtat hat erden wnſces ſolt. hie het iv vragen mer erholt. ieneſ landeſ kvnegin. Feirefiz Anſcevin. mit herter riterſcefte erwarp. an dem div manheit niht verdarp. die iwer bedr vater trvͦch. iwer brvͦder wnderſ pfligt genvͦch. ia iſt beidiv ſwarz vnd blanch. der kvneginne ſvn von Zazamanch. Nv denche ave an Gahmvreten. deſ herce ie valſces waſ er îeten. von Anſcoͮwe iwer vatr hîez. der iv andr erbe lîez. denn alſ ir habt geworben. an priſe ir ſit verdorben. het iwer mvͦter îe miſſetan. ſo ſolt ichz da fvr gerne han. ir mæht ir ſvn niht geſin. nein ſi lerte ir triwe pin. geloͮbet von ir gvͦtr mære. vnt daz iwer vatr wære. manlicher triwe wiſe. vn̄t wit vengech hoher priſe. er chvnde wol mit ſcallen. groz herce vn̄t chleine gallen. dar ob waſ ſin brvſt ein dach. er waſ rivͦſe vn̄t vengech vach. ſin manlichez ellen. chvnde den priſ wol geſtellen. Nv iſt iwer pris ce valſce chomn. owe daz ie wart vernomn. von mir daz Herzeloyden barn. an priſe hat ſvs miſſevarn. Cvndrîe waſ ſelbe ſorgens pfant. al weinende ſi die hende want. daz manech zaher den andern ſlvͦch. groz iamer ſi v̂z ir oͮgen trvͦch. die magt lert ir triwe. wol chlagen ir hercen riwe. Widr fvr den wirt ſi cherte. ir mære ſi da gemerte. Si ſprach. iſt hie chein rittr wert. deſ ellen priss hat gegert. vnt dar zvͦ hoher minne. ich weiz vier kvneginne. vn̄t vier hvndert ivnchfroͮwen. die man gerne mohte ſcoͮwen. ze Scaſtel Marvale die ſint. al Aventivre iſt ein wint. wan die man da bezalen mach. hoher minne wert beiach. al hab ich der reiſe pîn. ich wil doch hinte drvffe ſîn. Div magt trvrech niht gemeit. an vrloͮp dannen reit. al weinende ſi diche widr ſach. nv hoͤret wie ſi ce ivngeſt ſprach. Ây Mvnſalvæſce iamers zil. we daz dich niemn troͤſten wil. Cvndrîe laſvrzîere. div vnſvͤze vn̄t doch div fîere. den Waleiſ ſi beſwæret hat. waz half in chvͤnes hercen rat. vn̄t wariv zvht bi manheit. vn̄t dennoch mer im waſ berêit. ſcam ob allen ſinen ſiten. den rehten valſc het er vermiten. wan ſcam git priſ ce lone. vn̄t iſt doch der ſele chrone. ſcam iſt ob ſiten ein gvͤbet vͦp. Cvnneware daz erſte weinen hvͦp. daz Parzival den degen balt. Cvndrîe ſurziere ſvs beſcalt. ein alſo wnderlich geſcaf. hercen iamer oͮgen ſaf. gap maneger werden froͮwen. di man weinende mvͦſe ſcoͮwen. Cvndrîe waſ ir trvrens wer. div reit enwech. nv reit dort her. ein ritr der trvͦch hohen mvͦt. al ſin harnaſc waſ ſo gvͦt. von den fvͦzen vnz an deſ hoͧptſ dach. daz manſ fvr groze choſte iach. Sin zimierde waſ riche. gewapent riterliche. waſ dez orſ vn̄t ſin ſelbeſ lip. nv vandr magt man vn̄t wip. trvrech ame ringe hie. da reit er zvͦ nv hoͤret wie. Sin mvͦt ſtvͦnt hoch doch iamerſ vol. di bede ſcanze ich nennen ſol. hochvart riet ſin manheit. iamer lert in hercen leit. Er reit vͦzen zoͮme ringe. ob man in da iht dringe. vil knappen ſpranch dar naher ſan. do enpfiengen ſi den werden man. ſin ſcilt vn̄t er waren vnbechant. den helm er niht von im bant. Der vreͮden ellende. trvͦch daz ſwert in ſiner hende. bedechet mit der ſceiden. do vragter nah in beiden. wa iſt Artvs vnt Gawan. ivncherren zeigten im die ſan. Svſ gieng er dvrch den rinch wit. tiwer waſ ſin kvrſît. mit liehtem pfelle wol gevar. fvr den wirt deſ ringes ſcar. ſtvͦnt er vn̄t ſprach alſvs. got halde den kvnec Artvs. dar zvͦ frowen vn̄t man. ſwaz ich der hie geſehen han. den bivt ich dienſtlichen grvͦz. wan einem tvͦt min dienſt bvͦz. im enwirt dienſt nim̉er ſcin. ich wil bi ſime hazze ſin. ſwaz hazzeſ er geleiſten mach. min haz im bivtet hazzes ſlach. Ich ſol doch nennen wer der ſî. ach ich arman vn̄t owî. daz er min herce îe ſvs verſneit. min iamr iſt von im cebreit. daz iſt hie her Gawan. der diche priſ hat getan. vn̄t hohe werdecheit bezalt. vnpriſ ſin het alda gewalt. do in ſin gir dar zvͦ vertrvͦch. ime grvͦze er minen herren ſlvͦch. ein chvſſ den ivdas teilte. im ſolhen willen veilte. Ez tvͦt manech tvſent hercen wê. daz ſtrenge mortliche re. an mime herrn iſt getan. loͮgent deſ her Gawan. deſ antwrte v̂f champfeſ ſlach. von hivte vber den vierzegiſten tach. vor dem kvnege von Aſcalvn. inder hohen ſtat ce Scanpfanzvn. ich lade in champfliche dar. gein mir ce chomn in champfes var. chan ſin lip deſ niht verzagen. ern welle da ſcildes ambet tragen. ſo man ich in dennoch mere. bi deſ helmes ere. vn̄t dvrch rittr ordenlichez lebn. dem ſint zwo riche vrbor gegebn. rehtiv ſcam vn̄t werdiv triwe. gebent priſ alt vn̄t niwe. Her Gawan ſol ſich niht verſcemn. ob er geſelleſcaft wil nemn. ob der Tavelrvndr. div dort ſtet beſvndr. der reht wære gebrochen ſan. ſæze drob ein triwenloſer man. Jne bin her niht dvrch ſcelten chomn. geloͮbet ſit irz habt vernomn. ich vordr champf fvr ſcelten. der niht wan tot ſol gelten. odr lebn mit eren. ſwenz wil div ſælde leren. Der kvnec ſwîgete vn̄t waſ vnvrô. doch antwrte er der rede alſô. herre er iſt miner ſweſter ſv̂n. wære Gawan tot ich wolde tv̂n. den champf ê ſin gebeine. læge triwenloſ vnreine. wil gelvcke iv ſol Gawans hant. mit champfe tvͦn daz wol bechant. daz ſin lip mit triwen vert. vn̄t ſichs valſceſ hat erwert. hab iv andrſ îemn leit. getan. ſone machet niht ſo breit. ſin laſter ane ſcvlde. wan erwirbet er iwer hvlde. ſo daz ſin lip vnſcvldech iſt. ir habt in dirre chvrcen vriſt. geſagt daz iweren pris. chrenchet ſint die lîvte wis. Deacors der ſtolze man. deſ brvͦder waſ her Gawan. der ſpranch v̂f ſprach ce hant. herre. ich ſol da weſen pfant. ſwar Gawane iſt der champf gelegt. ſin velſcen mich vnſanfte reget. welt irſ niht erlazen in. habt ivch an mich ſin pfant ich pin. ich ſol fvr in ce champfe ſten. ez mach mit rede niht ergen. daz hoher priſ geneiget ſi. der Gawan iſt ledecliche bî. Er cherte al da ſin brvͦder ſaz. fvͦz vallenſ er da niht vergaz. den bat er ſvſ nv hoͤret wîe. gedenche brvͦdr daz dv îe. mir hvlfe grozer werdecheit. la mich fvr din arbeit. ein champfliches gîſel weſn. ob ich in champfe ſol geneſn. deſ haſtv immr ere. er bat in fvrbaz mere. dvrch brvͦderlichen riterſ pris. Gawan ſparach ich pin ſo wis. daz ich dich brvͦdr niht gewer. diner brvͦderlichen ger. ine weiz warvmbe ich ſtriten ſol. oͮch entvt mir ſtriten niht ſo wol. vngern wolt ich dir verſagn. wan daz ichz laſtr mvͦſe tragn. Deachors al vaſte bat. der gaſt ſtvͦnt an ſiner ſtat. er ſprach mir bivtet champf ein man. deſ ich neheine chvͤnde han. ine han oͮch niht zeſprechen dar. ſtarch chvͤne wol gevar. getriwe vnde rîche. hat er div vollecliche. er mach porgen deſtebaz. ine trage gein im decheinen haz. Er was min herre vn̄t min mach. dvrch den ich hebe diſen bach. vnſer vætr gebrvͦdr hiezzen. die nihtſ ein andr liezen. Nehein man gechroͤnet wart. nîe. ich enhet im vollen art. mit champfe rede ce bîeten. mich rache gein im nîeten. Jch pin ein fvrſte v̂z Aſcalv̂n. der lantgrave von Scampfanzv̂n. vn̄t heize kingrimvrſel. iſt her Gawan lobſ ſnel. der mach ſich andrſ niht entſagn. ern mvͤze champf da gein mir tragn. Ovch gib ich im vride vbr al daz lant. niwan von min eineſ hant. mit triwen ich vride geheize. v̂zerhalp deſ champfeſ chreize. got hvͤte al der ich laze hîe. wan eineſ er weiz wol ſebe wîe. Svſ ſciet der wol gelobte man. von dem Primizols plan. do kingrimvrſel wart genant. ohteiz do wart er ſciere erchant. werden virrigen pris. het an im der fvrſte wis. ſi iahen daz her Gawan. deſ champfeſ ſorge mvͤſe han. gein ſiner waren manheit. deſ fvrſten der da von in reit. oͮch wante manegen trvrenſ not. daz man im da niht ere bot. dar waren ſolhiv mære chomn. alſ ir wol ê hat vernomn. die lihte erwanden einem gaſt. daz wirteſ grvͦzeſ im gebraſt. Von Cvndrîen man oͮch innen wart. Parzivaleſ namn vn̄t ſiner art. daz in gebar ein kvnegin. vn̄t wie die erwarp der Anſcevin. Maneger ſparach vil wol ichz weiz. daz er ſi vor kanvoleiz. gediende hvrtecliche. mit manegem poyndr riche. vn̄t daz ſin ellen vnverzagt. erwarp die ſældebæren magt. Amphliſe div geherte. oͮch Gahmvreten lerte. da von der helt wart kvrtoẏs. nv ſol ein ieſlich bertenoẏs. ſich vroͮn. daz vnſ der helt iſt chomn. da priſ mit warheit iſt vernomn. an im vn̄t oͮch an Gahmvrete. reht werdecheit waſ ſin gewete. ARtvſſ her waſ an dem tage. chomn freͮde vn̄t chlage. ein ſolch geparriertz lebn. waſ den helden da gegebn. Si ſtvͦnden v̂f vber al. da waſ trvren ane zal. oͮch giengen die werden ſan. da Parzival vn̄t Gawan. bi ein andr ſtvnden. ſi troſtenſe alſi chvnden. Clamiden den wol geborn. dvͦhte. er hete mer verlorn. dan iemen der da mohte ſin. vn̄t daz ceſcarpf wære ſin pin. Er ſparach ze Parzivale. wæret ir pi dem Grale. ſo mvͦz ich ſprechen ane ſpot. in heidenſcaft Tribalibot. dar zvͦ daz gebirge in koͮkeſas. ſwaz mvnt von richeit îe gelas. vn̄t deſ Graleſ werdechêit. dine vergvlten niht min herce leit. daz ich vor Pelrapeire gewan. ach ich arem vnſælich man. mich ſciet von freͮden iwer hant. hie iſt vroͮ Cvnneware de Lalant. oͮch wil div edele fvrſtin. ſo verre ziwerm gebote ſin. daz ir div niemn dienen lat. ſwi vil ſi dienſt gelteſ hat. Si mohte idoch erlangen. daz ich pin ir gevangen. alſvs lange hie geweſen. ob ich an freͮden ſol geneſen. ſo helfet mir daz ſi ere ſich. ſo daz ir minne ergezze mich. ein teil deſ ich von iv verlos. da mich der freͮden zil verchos. ich hetz behalten wol wan ir. nv helfet dirre meide mir. Daz tvͦn ich ſparach der Waleis. iſt ſi bete volge kvrteis. ich ergezze ivch gerne wan ſi iſt doch min. dvrch di ir welt pi ſorgen ſin. ich meine div treit den Beacvrs. Condwiren amvrs. von Janfvſe div heidenin. vn̄t Artvs vnt daz wip ſin. vn̄t Cvnneware de Lalant. vn̄t froͮ Jeſcvte von karnant. di giengen da dvrch troͤſten zvͦ. waz welt ir daz man mer nv tvͦ. Cvnnewaren ſi gabn Chlamidê. wan dem waſ nach ir minne wê. ſinen lip gab er ce lone. vn̄t ir hoͮbet eine chrone. daz div von Janfvſe ſach. div heideninne zem Waleiſe ſparach. xvndrîe nant vnſ einen man. deſ ich iv wol ce brvͦder gan. deſ chraft iſt wit vnd breit. zweier chrone rîchêit. ſtet vorhtecliche in ſiner pflege. v̂f dem wazzer vn̄t der erden wege. Azagoͮch vn̄t Zazamanch. div lant ſint chreftech nindr chranch. ſime richtvͦme gelichet niht. an den Barvch ſwa manſ giht. vn̄t ane Tribalibot. man betten an alſ einen got. ſin vel hat vil ſpæhen glaſt. er iſt aller manneſ varwe ein gaſt. wîz vn̄t ſwarz iſt er erchant. ich fvͦr da her dvrch ein ſin lant. er wolde gern erwendet han. mine vart die ich da her han getan. daz warber done mohter. ſiner mvͦtr mvͦmen tohter. bin ich. er iſt ein kvnec her. ich ſage iv von im wnderſ mer. Niemn geſaz von ſiner tioſt. ſin pris hat vil hohe choſt. ſo milter lip geſoͮch nie brvſt. ſin ſite iſt valſcheite flvſt. Feirefiz Anſcevin. deſ tat dvrch wip chan liden pin. Swie fremdez mir hie wære. ich chom oͮch her dvrch mære. vn̄t zerchennen aventivre. nv lit div hoͤhſte ſtivre. an iv deſ al getoͮftiv diet. mit priſe ſich von laſter ſciet. Sol gvͦt gebærde ivch helfen iht. vn̄t daz man iv mit warheit giht. liehter varwe vn̄t manlicher ſite. chraft mit ivgende vert da mite. Div riche wiſe heidenin. het an chvnſte den gewin. daz ſi wol reite Franzeis. do antwrte ir der Waleis. ſolch waſ ſin rede widr ſîe. got lone iv froͮwe daz ir hîe. mir gebt ſo gvͦtlichen troſt. ine bin doch trvrenſ niht erloſt. vn̄t wil ivch deſ beſceiden. ine mageſ ſo niht geleiden. alſ ez mir leide chvndet. daz ſich nv maneger ſvndet. an mir der niht weiz miner chlage. vn̄t ich da bi ſin ſpotten trage. Jne wil deheiner freͮde iehn. ine mvͤze alreſt den gral geſehn. div wile ſi chvrz odr lanch. mich iaget deſ endeſ min gedanch. da von geſceide ich nimmr. minſ lebenſ immr. Sol ich dvrch miner zuht gebot. hoͤren nv der werelde ſpot. ſo mach ſin raten niht ſin ganz. mir riet der werde Gvrnamanz. daz ich vrævelliche vrage mite. vn̄t immr gein vnfvͦgen ſtrite. Vil werdr ritr ſihe ich hîe. dvrch iwer zvht nv râtt mir wîe. daz ich iwern hvlden næhe mich. ez iſt ein ſtrenge ſcærpf gerich. gein mir mit worten hie getan. ſwes hvlde ich drvmbe verlorn han. daz wil ich wenech wîzen im. ſwenne ich hernach priſ genim. ſo habt mich aber denne dar nach. mir iſt ceſceiden von iv gach. Jr gabt mir alle geſelleſcaft. die wile ich ſtvͦnt in priſſ chraft. der ſit nv ledech vnz ich bezal. da von min grvͤniv freͮde iſt val. min ſol groz iamer alſo pflegn. daz herce geb den oͮgen regn. ſit ich v̂f Mvnſalvæſce liez. daz mich von waren freͮden ſtiez. ohteiz wi manege clare magt. ſwaz iemn wnderſ hat geſagt. dennoch pflitſ mer der Gral. der wirt hat ſivfzebæren twal. ay helfeloſer Anfortas. waz half dich daz ich pi dir was. Sine mvgen niht langer hie geſten. ez mvͦz nv an ein ſceiden gen. do ſparach der Waleiſe. zArtvſe dem Berteneiſe. vnt zen rittern vn̄t zen froͮwen. er wolde ir vrloͮp ſcoͮwen. vnt mit ir hvlden vernemn. deſ moht et niemn da gezemn. daz er ſo trvrech von i*in rêit. ich wæne daz waſ in allen leit. Artvs lobt im an die hant. choͤme iem̉er in ſoͤlhe not ſin lant. alſ ez von Chlamidê gewan. deſ laſterſ wolder pflihte han. im wære oͮch leit daz Læhelin. im næme zwo riche chrone ſin. vil dienſ im da maneger bot. den helt treip von in trvrenſ not. Froͮ Cvnneware div clare magt. nam den helt vnverzagt. mit ir hant. vnt fvͦrt in dan. do chvſten min her Gawan. Do ſprach der manliche. ze dem helde ellenſ riche. ich weiz wol friwent daz din vart. gein ſtritſ reiſe iſt vngeſpart. da geb dir got gelvcke zvͦ. vn̄t helfe oͮch mir daz ich getvͦ. dir noch den dienſt alſ ich chan gern. deſ mvͤze mich ſin chraft gewern. Der Waleis ſprach we waz iſt got. wære der gewaldech ſoͤlhen ſpot. het er vnſ peden niht gegebn. chvnde got mit chreften lebn. ich waſ im dienſ vndertan. ſit ich genaden mich verſan. nv wil ich im dienſt wider ſagn. hat er haz den wil ich tragn. Friwnt an dinſ champfes zit. da nem ein wip fvr dich den ſtrit. div mvͤze ziehen dîne hant. an der dv chivſce haſt bechant. vnt wipliche gvͤte. ir minne dich da behvͤte. ine weiz wenne ich dich mer geſehe. min wnſcen ſvs an dir geſcehe. Jr ſceiden gab in trv̂ren. ce ſtrengen nach gebv̂ren. Froͮ Cvnneware de Lalant. in fvͦrte da ſi ir poͮlvn vant. ſin harnaſch hiez ſi bringen dar. ir linden hande wol gevar. wapenden Gahmvretes ſvn. ſi ſprach ich ſolz von rehte tv̂n. ſit der kvnec von Brandigan. von iwern ſcvlden mich wil han. groz chvmber iwer werdecheit. git mir ſivfzebæres leit. ſwenne ir ſit trvrens niht erwert. iwer ſorge mine freͮde zert. Nv was ſin orſ verdechet. ſin ſelbeſ not erwechet. oͮch het der degen wolgetan. lieht wîz îſern harnaſc an. tiwer an aller ſlaht getroch. ſin kvrſit ſin wapen roch. waſ gehert mit geſtêine. ſinen helm al êine. het er niht v̂f gebvnden. do chvſtr an den ſtvnden. Cvnnewaren die claren magt. alſvs wart mir von ir geſagt. Da ergie ein trvrech ſceiden. von den gelieben beiden. hin reit Gahmvretes kint. ſwaz Aventivre geſprochen ſint. dine darf hie niemen mezzen zvͦ. iren horet alreſt waz er nv tvͦ. war er chere vn̄t war er var. ſwer den lip gein riterſcefte ſpar. der endenche die wile niht an in. ob ozez im rætet ſtolzer ſin. Condwier amvrs. din minneclicher Beacvrs. an den wirt diche nv gedaht. waz dir wirt aventîvre braht. ſcildes ambet vmben Gral. wirt nv vil gvͤbet ſvnder twal. von im den herzeloyde bar. er waſ oͮch ganerbe dar. Do fvͦr der mæſſenide vil. gein dem arbeitlichem zil. ein aventivre ce ſcoͮwen. da fîer hvndert ivnchfroͮwen. vn̄t vîer kvneginne. gevangen waren inne. ce Scaſtel Marveile. ſwaz in da wart ce teile. daz habn ane minen haz. ich pin doch froͮwen lons laz. Do ſprach der chrîeche Clias. ich pin der da verſv̂met was. vor in allen er deſ iach. der Tvrkoẏte mich da ſtach. hinderſ orſ ich mvͦz mich ſcamn. doch ſagt er mir fîer vroͮwen namn. die da chronebære ſint. zwo ſint alt. zwo ſint noch kint. der heizet einiv Jtonîe. div andr heizzet Cvndrîe. div dritte Arnîve. div fierde Sangîve. daz wolt ieſlicher da beſehn. ez enmoht ir reiſe niht vol ſpehn. ſi mvͦſten ſcaden da beiagn. den ſol oͮch ich ce mazen chlagn. Wan ſwer dvrch wip hat arbeit. daz git im freͮde etſwenne oͮch leit. an dem orte fvrbaz wigt. ſvs diche minne ir lonſ pfligt. Do bereite oͮch ſich her Gawan. alſ ein champfb̉er*champfbære man. hin fvr den kvnec von Aſcalv̂n. deſ trvrte manech bertv̂n. vn̄t manech wib vnd ~~man~~magt. hercenliche wart gechlagt. von in ſin ſtritſ reiſe. der werdecheit ein weiſe. wart nv div Tavelrvndr. Gawan maz beſvndr. wa mit er mohte wol geſign. alt. herte. ſcilde wol gedign. ern rvͦchte wie ſi waren gevar. die brahten choͮflivte dar. v̂f ir ſoͮmen doch niht vêile. der wrden im dri ce têile. Do erwarp der mære ſtritſ helt. ſiben orſ ce champfe erwelt. ze ſinen friwenden er do nam. zwelf ſcærpfiv ſper von Angram. ſtarche roͤrine ſcefte drin. von Oraſtegenteſîn. v̂z einem heidniſcem mvͦr. Gawan nam vrloͮb vnd fvͦr. mit vnverzagter manheit. Artvs waſ im vil bereit. er gab im richer choſte ſolt. lieht geſteine vnt rotez golt. vn̄t ſilberſ manegen ſtærlinch. gein ſorgen wielzen ſiniv dinch. Ekvba div ivnge. fvͦr gein ir ſciffvnge. ich mêine di richen heidenin. do cherte manegen ende hin. daz volch von dem Plimizol. Artvs fvͦr gein karidol. Cvnneware vn̄t Chlamidê. die namn oͮch ſinen vrloͮb ê. Orilvſ der fvrſte erchant. vn̄t froͮ Jeſcvte von karnant. die namn oͮch ſinen vrloͮb ſan. doch belibenſe v̂f dem plan. bi Chlamide den dritten tach. wandr der brvͦtlofte pflach. niht mit benantr hohgezit. ſi wart da heime grozer ſit. wand im ſin milte daz gerîet. vil rittr chvmberhaftiv diet. beleib in Chlmideſ ſcar. vn̄t oͮch daz varende volch vil gar. die fvͦrter heim ce lande. mit eren ane ſcande. wart in geteilet da ſin habe. mit valſce niht gewîſet abe. Do fvͦr froͮ Jeſcv̂te. mit Orilvs ir trv̂te. dvrch Chlamiden ce Brandigan. daz wart zeinen eren getan. froͮn Cvnnewaren der kvnegin. da chronte man die ſweſtr. ſin. Nv weiz ich wol ſwelch ſinnech wip ob ſi hat getriwen lip. div diz mære geſcriben ſiht. daz ſi mir mit warheit giht. ich chvnde wiben ſprechen baz. denne alſ ich ſanch gein einer maz. De kvneginne Belakâne. waſ miſſewenden âne. vn̄t aller valſcheit laz. do ſi ein toter kvnec beſaz. ſit gap froͮn herzeloyden troͮm. ſivfzebæren herce roͮm. Welch waſ froͮn Ginovern chlage. an Ĵtherſ ende tage. dar zvͦ waſ mir ein trv̂ren leit. daz alſo ſcamlichen reit. deſ kvnegeſ kint von karnant. froͮ Jeſcv̂te von chivſce erchant. wie wart froͮ Cvnneware. galv̂net mit ir hare. deſ ſint ſi vaſte widr chomn. ir beder ſcam hat priſ genomn. ze machene. nem diz mære ein man. der Aventivre prvͤuen chan. vn̄t rîme chvnne ſprechen. beldiv ſamnen vn̄t ce brechen. ich tætez iv gerne fvrbaz chvnt. wolt ez gebîeten mir ein mvnt. den doch andr fvͤze tragent. denne die mir ce ſtegreifen wagent. DeR nie gewarb nach ſcanden. eine wile zvͦ ſinen handen. ſol nv diſe Aventivre han. der werde erchande Gawan. div brvͤuet manegen ane haz. derneben odr fvr in baz. den deſ mæreſ herren Parzival. ſwer ſinen frivnt alle mal. mit worten an daz hoͤhſte iagt. der iſt priſes anderhalp verzagt. nv wære der livte volge gvͦt. ſwer diche lop. mit warheit tvͦt. wan ſwaz er ſprichet odr ſprach. div rede belibet ane dach. Wer ſol ſinneſ wort behalten. eſ enwellen die wiſen walten. valſc lvglich ein mære. daz wæn ich baz noch wære. ane wirt v̂f eime ſnê. ſo daz dem mvnde wrde wê. derz vz fvr warheit breitet. ſo het in got bereitet. alſ gvͦter livte wnſcen ſtet. den ir triwe zarbeite erget. Swem iſt zeſoͤlhen werchen gach. da miſſewende hoͤret nach. pflihtet werder lip an den gewin. daz mvͦz in leren chrancher ſin. er midetez ê chan er ſich ſcemn. den ſite ſol er ze vogte nemn. Gawan der reht gemvͦte. ſin ellen pflach der hvͦte. ſo daz div ware zageheit. an priſe im nie gefrvmte leit. ſin herce waſ ze ~~welde~~velde ein bvrch. gein ſcarpfen ſtriten wol ſo chvrch. in ſtriteſ gedrenge man in ſach. frivnt vn̄t vient im deſ iach. ſin chrie wære gein priſe hel. ſwi gerne in kingrimvrzel. mit campfe hete da von genomn. nv waſ won Artvſe chomn. deſ enweiz ich niht wie manegen tach. Gawan der manheite pflach. ſvs reit der werde degen balt. ſine rehte ſtrazen v̂z einem walt. mit ſime gezog dvrch einen grvnt. da wart im v̂f dem bvhel chvnt. ein dinch daz angeſt lerte. vn̄t ſine manheit merte. da erſach der helt fvr vmbetrogn. nach maneger baniere zogn. mit grozer fvͦre niht zechranch. er dahte mir iſt der wech zelanch. flvhtich wider gein dem walde. do hiez er gvrten balde. einem orſe daz im Orilvs. gap. daz waſ genennet ſvs. mit den roten oren Gringvliet. er enpfiengez an aller ſlahte bet. Ez waſ von Mvntſalvaſce chomn. vn̄t hetz Læhelin genomn. ze Brvmbane bime ſê. eime ritr tet ſin tioſt wê. den er tot derhinder ſtach. deſ ſidr Trevrizent veriach. Gawan dahte ſwer verzagt. ſo daz er vlîvht ê man iagt. daz iſt ſime priſe gar ze frvͦ. ich wil in naher ſtapfen zvͦ. ſwaz mir da von nv mach geſcehn. ir hat michz merre teil geſehn. deſ ſol doch gvͦt rat werden. do erbeizt er ze der erden. reht alſ er habete einen ſtâl. die rotte waren ane zâl. die da mit cvmpanîe riten. er ſah vil chleider wol geſniten. vn̄t manegen ſcilt wol gevar. daz er niht bechande gar. noch deheine baniere vndr in. diſem her ein gaſt ich pin. ſvs ſparach der werde Gawan. ſit ich ir deheine chvnde han. wellent ſiz in vbel wenden. eine tioſt ſol ich in ſenden. deiſwar mit min ſelbeſ hant. ê daz ich von in ſî gewant. do waſ oͮch Gringvlieten gegvrt. daz in manegen angeſtlichen fvrt. gein ſtrite waſ zer tioſt braht. deſ wart oͮch da hin zim gedaht. Gawan ſach geflorieret. vnt wol gezimieret. von richer choſte helme vil. ſi fvͦrten gein ir nîtſpil. wiz niwer ſper ein wndr. div gemâlt waren beſvndr. ivncherren gegebn in die hant. ir herren wapen dar an bechant. Gawan fillv roy lôt. ſach von gedrenge groze not. mv̂le die harnaſc mvͦſen tragen. vn̄t manegen wol geladen wagen. den waſ gein herbergen gach. oͮch fvͦr der marchet hinden nach. mit wnderlicher parât. deſ enwaſ et doch *deheīn andr rât. oͮch waſ der froͮwen da genvͦch. etſlichiv den zwelften gvrtel trvͦch. ce pfande nach ir minne. ez waren niht kvneginne. die ſelben trippanîerſen. hiezen ſoldîerſen. hie der ivnge dort der alde. da fv̂r vil ribalde. ir loͮfen machte in mvͤdiv lide. etſlicher zæme baz an der wide. denne er daz her da mêrte. vnt werdez volch vnêrte. Fvr waſ geloͮfen vnt geriten. daz her deſ Gawan het erbiten. von ſolhem wane daz geſcach. ſwer den helt da halden ſach. der wande er wære deſ ſelbn hers. diſehalp noch iene ſîte mêrs. gefvͦr nie ſtolzer riterſcaft. ſi heten hohmvͦteſ chraft. Nv fvͦr in balde hinden nach. vaſte v̂f ir ſla dem waſ vil gach. ein knappe gar vnfvͦge vrî. ein ledech orſ gieng im bî. einen niwen ſcilt er fvͦrte. mit beden ſporen er rvͦrte. ane zart ſin rvnzît. er wolde gahen in den ſtrît. wol geſniten waſ ſin chleit. Gawan zvͦ dem knappen reit. nach grvͦze er vragte mære. weſ div maſſenide wære. Do ſparach der knappe. ir ſpottet min. herre han ich ſoͤlhen pin. mit vnfvͦge an iv erholt. het ich dann andr not gedolt. div ſtvͤnde mir gein priſe baz. dvrch got nv ſenftet iwern haz. ir erchennet ein andr baz denne ich. waz hilfet denne daz ir vragt mich. ez ſol iv baz weſen chv̂nt. zeinem male vn̄t tv̂sent ſtvͦnt. Gawan bot deſ mangen eit. ſwaz volches da fvr in gereit. daz er deſ niht erchande. er ſprach min varn hat ſcande. ſit ich mit warheit niht darf iehn. daz ich ir cheinen habe geſehn. vor diſem tage an cheiner ſtat. ſwar man min dienſt ie gebat. Der knappe ſprach ce Gawan. herre ſo han ich miſſetan. ich ſoldez iv ê han geſagt. do waſ min bezzer ſin verzagt. nv rihtet mine ſcvlde. nach iwer ſelbes hvlde. ich ſolz iv dar nach gerne ſagn. lat mich min vnfvͦge ê chlagn. Jvncherre nv ſagt mir wer ſi ſin. dvrch iwern zvhtebæren pin. herre ſvs heizet der vor iv vert. dem *doch. ſin reiſe iſt vnrewert. der kvnec Poydiconivnz. vn̄t der herzoge Aſtor von Lanvervnz. da ~~ver~~vert ein vnbeſceiden lip. dem minne nie gebot dehein wip. er treit der vnfvͦge chranz. vn̄t heizet Meliacanz. ez wære wib odr magt. ſwaz er da minne hat beiagt. die nam er gar in noͤten. man ſolt in drvmbe toͤten. ER iſt Poydiconivnz ſvn. vn̄t wil oͮch riterſcaft hie tvn. der pfligt der ellenſ riche. diche vnverzagtliche. waz hilfet ſin manlicher ſite. ein ſwîn mvͦter lief ir mite. ir værhelin die wert oͮch ſîe. ine gehorte man gepriſen nîe. was ſin ellen ane fvͦge. deſ volgent mir genvͦge. Herre noch horet ein wndr. lat iv daz ſagen beſvndr. groz her nach iv da fvͤret. den ſin vnfvͦge rvͤret. der kvnec Melianz von Lîz. hoch vartlichen zorens vlîz. hat er gefrvmt ân not. vnrehtiv minne im daz gebot. Der knappe in ſiner zvht veriach. herre ich ſagez iv wand ichez ſach. deſ kvnec Melianzes vatr. in todeſ leger fvr ſich bater. die fvrſten ſînſ landes. vnerloſt pfandes. ſtvͦnt ſin ellenthaftez lebn. daz mvͦſe ſich dem tode ergebn. in der ſelben riwe. bevalher v̂f ir triwe. Melianzen den claren. allen den di da waren. ER choſ im einen ſvndr dan. der fvrſte waſ ſin hohſter man. gegen triwe alſo bewæret. aller valſcheit erlæret. den bat er ziehen ſinen ſvn. er ſparach dv maht an im nv tvn. diner triwe hantveſte. bitte in daz er die geſte. vn̄t di heinlichen habe wert. ſwenne eſ der chvmberhafte gert. dem bitte in teilen ſine habe. ſvs wart bevolhen da der knabe. Do leiſte der fvrſte Lyppâot. al daz ſin herre der kvnec Scôt. an todeſ legere gein im warp. harte wenech deſ verdarp. endehaft ez wart geleiſtet ſidr. der fvrſte fvͦrte den knappen widr. der hete da heime liebiv kint. alſi im noch pilliche ſint. eine tohter der deſ niht gebrach. wan daz man deſ ir zite iach. ſi wære wol amîe. ſie hiez Obîe. ir ſweſter heizet Obilôt. Obîe frvmt vnſ diſe nôt. Einſ tageſ gedêh ez an die ſtat. daz ſi der ivnge kvnec bat. nach ſime dieſte minne. ſi verflvͦchte im ſine ſinne. Unde vragte in weſ er wânde. warvmbe er ſich ſinnes ânde. ſi ſparach hin zim wæret ir ſo alt. daz vndr ſcilde wære bezalt. in werdeclichen ſtvͦnden. mit helm v̂f hoͮbet gebvnden. gein hertechlichen varen. iwer tage infvnf iaren. daz ir den priſ da hetet genomn. vn̄t wæret ir danne widr chomn. ze minem gebote geweſen da. ſparæche ich denne alreſte ia. deſ iwer wille gerte. al ze frvͦ ich ivch gewerte. Jr ſit mir liep wer loͮgent des. alſ Annoren Galoes. div ſit den tot dvrch in erchos. do ſi in von einer tioſt verlos. vngern ich ſparach er froͮwe. ivch ſo bi lîebe ſcoͮwe. daz iwer zvrnen v̂f mich get. gnade doch bime dienſte ſtet. ſwer triwe rehte mezzen wil. froͮwe deſ iſt iv gar zevil. daz ir minen ſin ſvs ſmahet. ir habt ivch gar vergahet. ich mohte doch deſ genozzen han. daz iwer vatr iſt min man. vn̄t daz er hat von miner hant. manege bvrch vn̄t al ſin lant. Swem ir iht lîhet der diene oͮch daz. ſparach ſi min zil ſich hoͤhet baz. ine wil von niemn lehen han. min vriheit iſt ſo getan. ieſlicher chrone hoch genvͦch. die irdiſc hoͮbet ie getrvͦch. Er ſparach ir ſitz geléret. daz ir hochvart ſvs méret. ſit iwer vater gap den rát. er wandelt mir die miſſetát. ich ſol hie wapen alſo tragn. daz wirt geſtochen vn̄t geſlagn. ez ſi ſtrîten odr tvrnêi. hie belîbet vil der ſper enzwêi. Mit zorne ſciet er von der magt. ſin zvrnen ſere wart gechlagt. von alder maſſenîe. in chlagt oͮch Obîe. gegen dirre vngeſîhte. bot ſin gerîhte. vn̄t anderſ wandelſ genvͦch. Lyppaot der vnſcvlde trvͦch. ez wære chrvmp odr ſleht. er gerte ſiner gnoze reht. hoff da die fvrſten wæren. vn̄t er wære zvͦ diſen mæren. chômen ane ſcvlde. genædeclicher hvlde. er vaſte ſinen herren bat. dem tet der zorn v̂f freͮden mat. Man chvnde da niht gahen. ſo daz Lyppaot wolde vahen. ſinen herren wander waſ ſin wirt. alſ noch getriwer man verbirt. der kvnec an vrloͮp. da dannen ſciet. alſ im ſin chrancher ſin geriet. Sine knappen fvrſten kindelin. al weinende taten chlagen ſcin. di mit dem chvnege da waren geweſen. vor den mach Lyppaot wol geneſen. wand̉erſe mit triwe hat erzogen. gein werder fvͦre niht betrogen. ez enſî denne min al ein. an dem doch deſ fvrſten triwe erſcein. min herre iſt ein franzeys. der ~~brcgrave~~bvrcgrave von Beaveys. er heizet Liſavandr. di eine vnt die andr. mvͦſen dem fvrſten widerſagn. do ſi ſcildeſ ambet mvͦſen tragn. Bime kvnege rittr worden ſint. vil fvrſten hivte vn̄t andr kint. deſ vordern herſ pfligt ein man. der wol mit ſcarpfen ſtrîten chan. der kvnec Poydiconivnz von Gors. der fvͤret manech wol gewapent ors. Melianz iſt ſins brvͦder ſvn. ſi chvnnen bede hochvart tvn. der ivnge vn̄t oͮch der alde. daz eſ vnfvͦge walde. Svs hat der zorn ſich fvr genomn. daz bede kvnege wellent chomn. fvr Bearoſce da man mvͦz. gedienen mit arbeit wibe grvͦz. vil ſper mvͦz man da brechen. bediv hvrten vnde ſtechen. Bearoſce iſt ſo ce wer. ob wir heten zweinzech her. ieſlichez grozer denne wir han. wir mvͦſens vnzerfvͦrt lan. Min reiſe iſt daz hindr her verholn. diſen ſcilt han ich dan verſtoln. v̂z von andern kinden. ob min herre mohte vinden. eine tioſt dvrch ſinen erſten ſcilt. mit hvrten poyndr dar gezilt. Der knappe hinder ſich do ſach. ſin herre fvͦr im balde nach. div orſ vn̄t zwelf wîziv ſper. gaheten mit im balde her. ich wæne ſin gir deſ iemn trvge. er wolde gern ce vor vlvge. die erſten tioſt da han beiagt. ſvs hat mir div aventivre geſagt Der knappe ſparach ze Gawan. herre lat mich iwern vrloͮp han. der cherte ſime herren zvͦ. waz welt ir daz Gawan nv tvͦ. ern beſehe waz diſiv mære ſin. doch lert in zwivel ſtrengen pin. ER dahte ſol ich ſtriten ſehn. vn̄t ſoldeſ niht von mir geſcehn. ſo iſt al min pris verloſſcen gar. chvm aber ich dvrch ſtriten dar. vn̄t wirde ich da gelezzet. mit warheit iſt entſezzet. al min wereltlicher pris. ine tvͦneſ niht decheinen gwis. ich ſol ê leiſten minen champf. ſin not ſich in ein andr chlampf. gegen ſines champfes verte. waſ cebelîben al ce herte. ern moht ot do niht fvr gevarn. er ſparach nv mvͤze got bewarn. di chraft an miner manheit. Gawan gein Bearoſce reit. bvrg vn̄t ſtat ſo vor im lach. daz niemn bezzerſ hv̂ſ pflach. oͮch gleſte gein im ſcone. aller andr bvrge eine chrone. mit trvren wol gezîeret. nv waſ geloſcîeret. dem her. der fvͦr v̂f den plan. do marhte min her gawan. mangen rinch wol gehêret. da waſ hochvart gemêret. wnderlicher baniere. choſ er da mange ſciere. vn̄t manger ſlahte fremden bovel. der zwivel waſ ſins hercen hovel. Da dvrch inſtarchiv angeſt ſneit. Gawan mitten dvrch ſie reit. doch ieſlich zelt ſnvͦr die andern dranch. ir her waſ wit vnde lanch. do ſaher wie ſi lagen. weſ diſe vn̄t iene pflagen. ſwer byen ſeyvenvͦz da ſprach. gramærzys er widr iach. groz rotte an einem orte lach. ſariande von Semblidach. den lach da ſvndr nahen bî. Tvrkople von kaheti. vnchvnde diche vnminne ſint. ſvs reit deſ kvnec Lotſ kint. bilîbenſ bete in niemn bat. Gawan cherte gein der ſtat. er dahte ſol ich kypper weſn. ich mach vor flvſte baz geneſn. dort in der ſtat dan hie bi in. ine chere mich an deheinen gwin. wan wî ich daz mine behalde. ſo daz eſ gelvke walde. Gawan gein einer porten reit. der bvrgære ſite waſ im leit. ſine hete niht betwͦert. alle ir porten waren vermwͦert. vn̄t al ir wîchvͦs * werlich. dar zvͦ der zinnen ieſlich. mit arembrvſte ein ſcvzze pflach. der ſich ſciezzens her v̂z bewach. Si vlizzen ſich gein ſtritſ werch. Gawan reit v̂f an den berch. ſwi wenech er da wære bechant. er reit v̂f da er die bvrch vant. ſin oͮgen mvͦſen ſcoͮwen. mange werde froͮwen. div wirtin ſelbe chomn was. dvrch warten v̂f den Palas. mit ir ſconen tohtern zwein. von den vil liehter varwe ſcein. Sciere het er von in vernomn. ſi ſparachen wer waſ vnſ hie chomn. ſvs ſparach div alte herzogin. waz zoges mach ditze ſin. Do ſparach ir elter tohter ſan. mvͦter ez iſt ein choͮfman. nv fvͤret man im doch ſcilde mite. daz iſt vil choͮflivte ſite. Jr ivnger tohter do ſprach. dv ziheſt in daz doch nie geſchach. ſweſter deſ mahtv dich ſcamen. er gewan nie choͮfmanneſ namen. er iſt ſo minneclich getan. ich wil in zeime ritter han. ſin dienſ mach hie lonſ gern. deſ wil ich in dvrch liebe wern. Sine knappen namen do goͮme. daz ein linde vn̄t oͤlboͮme. vnden bi der mvͦre ſtvͦnt. daz dvhte ſîe ein gæber fv̂nt. Waz welt ir daz ſi mer nv tvͦn. wan do rebeizte der kvnec Lôtſ ſv̂n. al da er den beſten ſcaten vant. ſin kamerære trvͦch dar ce hant. einen kvlter vn̄t ein Matraz. dar v̂f der ſtolze werde ſaz. ob im ſaz wibe herſ ein flvͦt. ſin kamergwant man nider lvͦt. vntz harnaſc von den ſoͮmen. hin dan vndr den andern boͮmen. herberge namen ſîe. knappen di da chomen hîe. Div alte herzogin ſprach ſan. tohter welch choͮfman. chvnde alſvs gebaren. dvne ſolt ſin ſvs niht varen. do ſparach div ivnge Obylot. vnfvͦge ir dennoch mer gebot. gein dem kvnege Melianze von Lŷz. ſi cherte ir hochverte vlîz. do er ſi bat ir minne. gvnert ſin ſoͤlhe ſinne. do ſparach Obîe. vor zorne niht div vrîe. ſin fvͦre iſt mir vnmære. dort ſitzet ein wechſlære. deſ marchet mvͦz hie werden gvͦt. ſine ſoͮmſcrin ſint ſo behvͦt. dinſ ritterſ tôrſciv ſweſtr min. er wil ir ſelbe goͮmel ſin. Gar dirre worte hóre. chom Gawane in ſin óre. di rede lat ſin alſ ſi nv ſté. nv horet wi ez der ſtat ergé. ein ſcef reht wazzer fvr ſi floz. dvrch eine brvcke ſteinin groz. niht gein der viende want. andrhalp waſ vnverhert daz lant. ein marſcal chom geriten ſan. fvr die brvcken v̂f den plan. nam er herberge wit. ſin herre chom an rehter zit. vn̄t andr di da ſolden chomn. ich ſagez iv hat irſ niht vernomn. wer in deſ wirteſ hilfe reit. vn̄t wer dvrch in mit triwen ſtreit. Jm chom von Brevigarîez. ſin brvͦder der herzoge Maranglîez. dvrch den chomen zwene rittr ſnel. der werde kvnec Scirniel. der trvͦch chrone ze Lyrivoyn. alſ tet ſin brvͦder ze Avendroyn. Do die bvrgære geſahen. daz in helfe wolde nahen. daz ê deſ waſ ir aller rat. daz dvhte ſi do ein miſſetat. der fvrſte Lyppaot do ſprach. owe daz Bearoſce îe geſcach. daz ir porten ſvln vermvͦrt ſin. wan ſwenne ich gein dem herren min. Scildeſ ambet zeige. min beſtiv zvht iſt veige. ez hvlfe mi*mich. vn̄t ſtvͤ*ſtvͤnde oͮch baz. ſin hvlde den ſin grozer haz. wi ſtet ein tioſt *dvrh minen ſcilt. mit ſiner hende dar gezilt. odr ob verſniden ſol min ſwert. ſinen ſcilt minſ herren wert. gelobt daz iem̉er wiſe wip. div hat al celo*sen lip. Nv lat mich minen herren han. in mime tvrne ich mvͦſte in lan. vn̄t mit im in den ſînen. ſwar an er mich wil pînen. deſ ſten ich im gar zeſinem gebote. doch ſol ichſ gerne danchen gote. daz er mich niht gevangen hat. ſit in ſin zvrnen niht erlat. eren welle mich hie beſizzen. nv ratet mir mit wizzen. ſparach er zen bvrgæren. gein diſen ſtrengen mæren. Do ſparach da manech wiſe man. moht ir vnſcvlt genozzen han. ez enwære niht chomn an diſiv zil. ſi gaben im deſ rateſ vil. daz er ſine porten v̂f tæte. vn̄t al die beſten bæte. v̂z gein der tioſte riten. ſi iahen wir mvgen ſo ſtriten. E daz wir vnſ von zinnen wern. Melianzes beden hern. ez ſint doch allez meiſtech kint. di mit dem kvnege da chomen ſint. da erwerbe wir vil lihte ein pfant. da von ie grozer zorn verſwant. der kvnec iſt lîhte alſo gemvͦt. ſwenner hie ritt̉erſcaft getvͦt. er ſol vnſ not erlazen. vn̄t al ſin zvrnen mazen. velt ſtriteſ ſol vnſ doch baz gezemn. den daz ſi vnſ v̂z der mvͦre nemn. wir ſolten wol gedingen. dort in ir ſnvͦren ringen. wan Poydiconivnzs chraft. der fvͤrt di herten ritt̉erſcaft. da iſt vnſer grôſter freiſe die gevangen berteneiſe. der pfligt der herzoge. Aſtor. den ſiht man hie gegenſtrite vor. da iſt oͮch ſin ſvn Melyacanz. het den erzogen Gvrnamanz. ſo wære ſin priſ gehohet gar. doch ſiht man in inſtrîts ſcar. Da engegen iſt vnſ groz helfe chom̄en ir habt ir raten wol vernom̄en. der fvrſte tet alſ man im riet. di mvre er vͦzen porten ſcîet. di bvrgære ellenſ vnbetrogn. begvnden v̂z ce velde zogn. Hie ein tioſt div andr dort. daz her begvnde oͮch treken vort. her gein der ſtat dvrch hohen mvͦt. ir veſprîe wart vil gvͦt. zebeder ſîte rotte vngezalt. garzv̂ne chrîe manech valt. bede ſcotteſc vn̄t walſc. wart da gervͤfet ſvndr valſc. der rittr tât waſ ane vride. di helde erſwngen da die lide. ez waren doch allez meiſtech kint. die v̂zem her dar chomn ſint. die begvnden da vil werde tât. di bvrgære pfantenſe v̂f der ſât. der nie gediende an wibe. chleinot. der mohte an ſime libe. niem̉er bezzer wat getragn. von Melyanze hort ich ſagn. ſin zimierde wære gvͦt. er hete och ſelbe hohen mvͦt. vn̄t reit ein ſcone kaſtelan. dadaz Meliacanz dort gewan. do er keyen ſo hohe dr hindr ſtach. daz mann am aſte hangen ſach. do ez Melyacanz dort erſtreit. Melyanz von Lŷz ez hie wol reit. ſin tat waſ vor v̂z ſo bechant. alle ſine tioſte in ir oͮgen vant. Obŷe dort v̂f dem palas. dar ſi dvrch warten chomn was. Nv ſich. ſparach ſî ſweſter min. deiſwar min rittr vnt der din. begent hie vngelichiv werch. der dine wænet daz wir den berch. vn̄t die bvrch ſvlen verlieſen. andr wer wir mvͦzen chieſen. Div ivnge mvͦſe ir ſpotten doln. div ſparach. er mach ſichs wol erholn. ich gib im noch gegen ellen troſt. daz er dineſ ſpottes wirt erloſt. er ſol dienſt gein mir cheren. vn̄t ich wil im freͮde meren. ſit dv gihſt er ſi ein choͮfman. er ſol minſ lonſ marchet han. Jr beder ſtrit der worte. Gawan ze merche horte. alſ ez im do getohte. vbẻrſaz erz ſwi er mohte. ſol lv̂ter herce ſich niht ſcemen. daz mvͤze der tot dr von ê nemen. Daz groze her al ſtille lach. deſ Poydiconivnz dort pflach. wan ein werdr ivngelinch. waſ ime ſtrîte vn̄t alſin rinch. dr herzoge von Lanvervnz. do chom Poydiconivnz. oͮch nam der alt wiſe man. di eine vn̄t di andern dan. div veſprîe waſ erliten. vn̄t wol dvrch werdiv wip geſtritten. Do ſparach Poydiconivnz. zem herzogen von Lanvervnz. gervͦchet ir min niht bîten. ſo ir vart dvrch rvͤmen ſtriten. ſo wænet ir daz ſî gvͦt getan. hie iſt der werde lahedvman. vn̄t oͮch Meliacanz min ſvn. ſwaz di bede ſolden tvn. vn̄t ich ſelbe ir mohtet da ſtriten ſehn. ob ir ſtrîten chvndet ſpehn. ine chvm niem̉er von dirre ſtat. ine mache vnſ alle ſtritſ ſat. odr mir gebnt man vn̄t wip. her v̂z gevangen ir bedr lip. Do ſparach der herzoge Aſtor. herre iwer neve waſ da vor. der kvnec vn̄t al ſin her von Lyz. ſolt iwer her an ſlafes vliz. di wile ſich han gecheret. habt ir vnſ daz geleret. ſo ſlaf ich da man ſtriten ſol. ich chan bi ſtrite ſlafen wol. doch gloͮbet mir daz. wære ich niht chomn. Die bvrgære heten da genomn. frvmen vn̄t pris zir handen. ich bewar ivch da vor ſcanden. dvrch got nv ſenftet iwern zorn. da iſt mer gewnnen dan verlorn. von iwerre mæſſenîe. wilſ iehen froͮ Obîe. Poydiconivnzſ zorn waſ ganz. v̂f ſinen neven Melianz. doch braht der werde ivnge man. vil tioſte dvrch ſinen ſcilt her dan. daz endorfte ſin niwer piriſ niht chlagn. Nv horet von Obyen ſagn. div bot ir hazzes genvͦch. Gawane dern ane ſcvlde trvͦch. ſi wolde im werben ſcande. einen garzv̂n ſi ſande. hin ce Gawane da der ſaz. ſi ſparach nv vrage in fvr baz. ob div orſ veile ſin. vn̄t ob in ſinen ſoͮm ſcrin. lige indr werdez chram gwant. wir froͮwen choͮfenz al ce hant. Der garzvn chom gegangen. mit zorn er wart enpfangen. Gawanſ oͮgen bliche. in lerten hercen ſcriche. der garzvn ſo verzagete. daz ern vragete noch enſagete. al daz in ſin froͮwe werbn hîez. Gawan die rede oͮch niht liez. er ſparach. vart hin ir ribbalt. mv̂lſlege al vngezalt. ſvlt ir hie vil enpfahen. welt ir mir fvrbaz nahen. der garzvn dannen lief odr gîe. nv horet wi ez Obie an vîe. Einen ivncherren ſi ſprechen bat. den bvrcgaraven von der ſtat. der was geheizen Scervleſ. ſi ſparach. dv ſolt in bitten deſ. daz erz dvrch minen willen tvͦ. vn̄t manliche grîfe zvͦ. vndern olboͮmen bime grabn. ſten ſiben orſ div ſol er habn. vn̄t andr rîcheite vil. ein choͮfman vnſ hie triegen wil. bitte in daz er daz wende. ich getrwͦe deſ ſiner hende. ſi nemez vnvergolten. oͮch hat erz vnbeſcolten. Der knappe hin nidr ſagete. al daz ſin froͮwe chlagete. ich ſol vor triegen vnſ bewarn. ſparach Scervleſ. ich wil dar varn. Er reit hin v̂f da Gawan ſaz. der ſelten ellenſ îe vergaz. an dem er vant chrancheite flvſt. lieht antlvzze vn̄t hohe brvſt. vn̄t einen rittr wol gevar. Scervleſ in prvͦuete gar. ſin arme vn̄t îewedr hant. vn̄t ſwaz geſcichede er da vant. Do ſparach er. herre ir ſit ein gaſt. gvͦter wizze vnſ gar gebraſt. ſit ir niht herberge hat. nv prvͦuetz vnſ fvr miſſetat. Ich ſol nv ſelbe marſcalch ſin. livte vn̄t gvͦt ſwaz heizzet min. daz cher ich iv gein dienſ ſiten. nie gaſt zvͦ wirte chom geriten. der im wære alſ vndertan. herre iwer gnade ſparach Gawan. daz han ich vngedient noch. ich ſol iv gerne volgen doch. Scervleſ der lobſ geherte. ſparach alſ in ſin triwe lerte. ſit ez ſich hat an mich gezogt. ich pin vor flvſte nv îwer vogt. ezen nem iv denne daz vͦzer her. da bin ich mit iv an der wer. mit lachendem mvnde er ſparach. hin zal den knappen di er da ſach. ladet v̂f iwer harnaſc vber al. wir ſvlen hin nidr inz tal. Gawan fvͦr mit ſime wirt. Obye nv daz niht verbirt. ein ſpilwip ſi ſande. die ir vatr wol erchande. vn̄t enbot im ſolhiv mære. da fvͤre ein valſcære. deſ habe iſt rîch vnde gvͦt. bitte in dvrch rehten riterſ mvͦt. ſit er vil ſoldiere hat. v̂f orſ v̂f ſilber vn̄t v̂f wat. daz diz ſi ir erſter gelt. ez frvmt wol ſiben v̂fez velt. Daz ſpilwip zem fvrſten ſparach. al daz ſin tohter dar verîach. ſwer îe vrlîvgeſ pflach. dem waſ vil not ob er bêiach. mohte an richer choſte han. Lyppaoten den getriwen man. vberleſten ſoldiere. daz er gedahte ſciere. ich ſol daz gvͦt gewinnen. mir zorne odr aber mit minnen. die nach reiſe er niht vermeit. Scervleſ im wid̉erreit. er vragte war im wære ſo gach. ich rite dem trvgnære nach. von dem ſagt man mir mære. ez ſi ein valſcære. Vnſcvldech waſ her Gawan. ez enhete niht wan div orſ getan. vn̄t andr daz er fvͦrte. Scervleſn lachen rvͦrte. Do ſparach er. herre ir ſit betrogen. ſwerz iv ſagete er hat gelogen. ez wære magt man odr wip. vnſcvldech iſt minſ gaſtes lip. ir ſvlt in anderſ priſen. er engewan nie mvnzîſen. welt ir der rehten mære loſen. ſin lip getrvͦch nie wehſel pfoſen. ſeht ſine gebære vn̄t hoͤret ſiniv wort. in mime hvſ liez ich in dort. Chvnnet ir danne ritterſ fvͦre ſpehen. ir mvͤzzet im rehtr dinge iehen. ſin lip gein valſce nie wart palt. ſwer im dar vber tvͦt gewalt. wærez min vater odr min kint. alle die gein im in zorne ſint. mine mage odr min brvͦdr. die mvͦſen div ſtrîtſ rvͦdr. gein mir ziehen ich wil in wern. vor vnrehten ſtriten nern. ſwa ich herre vor iwern hvlden mach. v̂z ſcildes ambet in einen ſach. wolt ich mich ê zîehen. ſo verre *v̂z arde fliehen. da mich niemn erchande. ê daz ir iwer ſcande. herre an im begienget. gvͦtliche ir enpfienget. pillicher alle di her ſint chomn. vn̄t iwern chvmber hant vernomn. denne daz irſe wellet roͮben. deſ ſvlt ir ivch geloͮben. Der fvrſte ſparach. nv laz mich in geſehn. da mach niht arges v̂z geſcehn. er reit da er Gawanen ſach. zwei oͮgen vn̄t ein herce iach. di Lyppaot mit im brahte dar. daz der gaſt wære wol gevar. vn̄t rehte manliche ſite. ſinen gebærden wonten mite. xwem wariv liebe ie erholte. daz er herce minne dolte. hercen minne iſt deſ erchant. daz herce iſt rehter minne ein pfant. alſo verſezzet vn̄t verſelt. dechein mvnt ez nimm̉er gar vol zelt. waz minne wnderſ fvͤgen chan. ez ſi wib odr man. di chrenchet hercen minne. vil diche an hohem ſinne. Obŷe vnt Melyanz. ir zweier minne waſ ſo ganz. vn̄t ſtvͦnt mit ſolhen triwen. ſin zorn ivch ſolde riwen. daz er mit zorne von ir reit. deſ gab in trvͦren ſolhez leit. daz ir chivſce wart gein zorne balt. vnſcvldech Gawan des enkalt. vn̄t andr di ez mit ir da liten. ſi chom diche v̂z froͮwenlichen ſiten. ſvs flaht ir chivſce ſich in zorn. ez waſ ir bedr oͮgen dorn. ſwa ſi den werden man geſach. ir herce Melyanze iach. er mvͦſe vor v̂z der hoſte ſîn. ſi dahte ob er mich leret pîn. den ſol ich gerne dvrch in han. den ivngen werdn ſvͤzen man. vor aldr werlde ich minne. dar iagent mich hercen ſīnne. Von minnen noch zornſ vil geſciht. nvne wîztez Obyen niht. nv horet wi ir vater ſprach. do er den werden Gawan ſach. vn̄t ern in daz lant enpfiench. wi erz mit rede do ane viench. Do ſparach er. herre iwer chvmn. daz mach mit ſælden vnſ gefrvmn. ich han gevaren manege vart. ſo ſvͦze in minen oͮgen wart. nie von angeſihte. zvͦ dirre vngeſcihte. ſol iwer chvmftechlicher tach. vnſ troͤſten wandr troſten mach. Er bat in tvͦn da ritterſ tat. ob ir harnaſcs mangel hat. deſ lat ivch wol bereiten gar. welt ir. ſit herre in miner ſcar. Do ſprach der werde Gawan. ich wære deſ ein berêiter man. ich han harnaſc vn̄t ſtarche lide. wan daz min ſtrîten ſtet mit fride. vnz an eine benante ſtvnde. ir læget ob odr vnde. daz wolt ich dvrch ivch lîden. nv mvͦz ichz dvrch daz miden. herre. vnz ein min champf erget. da min triwe ſo hohe pfandeſ ſtet. dvrch aller werden livte grvͦz. ichſe mit champfe loͤſen mvͦz. Svſ pin ich v̂f der ſtrazen. odr ich mvͦz den lip da lazen. daz waſ Lyppaoten ein herce leit. er ſparach. herre dvrch iwer werdecheit. vn̄t dvrch iwerre zvhte hvlde. ſo vernemt min vnſcvlde. Jch han zwo tohter di mir ſint. liep. wan ſi ſint miniv chint. ſwaz mir got hat an den gegebn. da wil ich pî. mit freͮden lebn. ôwol mich daz ich îe gewan. chvmber den ich von in han. den treit idoch div eine. mit mir al gemeine. vngelich iſt div geſellecheit. min herre. ir tvͦt mit minnen leit. vn̄t mir mit vnminne. alſ ich michs verſinne. min herre mir gewalt wil tvn. dvrch daz ich han decheinen ſvn. mir ſvlen oͮch tohter lieber ſin. waz denne ob ichſ nv lide pîn. den wil ich mir zeſælden zeln. ſwer ſol mit ſiner tohter weln. ſwi ir verboten ſî daz ſwert. ir wer iſt anderſ alſ wert. ſi erwirbet im ~~chvſcechliche~~chivſcechliche. einen ſvn vil ellenſ riche. deſ ſelben ich gedingen han. nv gewerſ ivch got ſparach Gawan. Lyppaot der fvrſte al vaſte bat. herre dvrch got die rede lat. ſvs ſparach deſ kvnec Lotſ ſvn. dvrch iwer zvht ſvlt ir daz tvn. vn̄t lat mich triwe niht enbern. eineſ dingeſ wil ich ivch gewern. ich ſage iv hinte bi dirre naht. weſ ich mich drvmbe han bedaht. Lyppaot im danchte vn̄t fvͦr ce hant. ame hove er ſine tohter vant. vn̄t deſ bvrcgraven toͤhterlin. div zwei div ſnalten vingerlin. Do ſprach er Obilote zvͦ. tohter wannen chvmſtv. vater ich var da nidr her. ich getrŵe im wol daz er michſ gewer. ich wil den fremden rittr biten. dienſteſ nach lonſ ſiten. Tohter ſo ſi dir gechlagt. ern hat mir an. noch ab geſagt. chvm miner bete anz ende nach. der meide waſ zem gaſte gach. do ſi in die kemenaten giench. Gawan ſprang v̂f. do er ſi enphiench. zvͦ der ſvͤzen er do ſaz. er danchte ir daz ſi niht vergaz. ſin. da man im miſſebot. er ſparach. geleit îe rittr not. dvrch ein ſvs wenech froͮwelin. da ſolt ich dvrch iv inne ſin. Div ivnge ſvͤze chlare. ſparach an alle vare. got ſich deſ wol verſinnen chan. herre ir ſit der erſte man. der ie min rede geſelle wart. iſt min zvht dar an bewart. vn̄t oͮch min ſcamlicher ſin. daz git an freͮden mir gewin. wande mir min meiſtrinne veriach. div rede wære deſ ſinneſ dach. herre ich bitte iwer vn̄t min. daz lert mich endehafter pin. den nenne ich iv gervͦchet irs. habt ir mich ihts deſte wirs. ich var doch v̂f der maze pfat. wande ich da ziv min ſelber bat. ir ſit mit der warheit ich. ſwi di namen teilen ſich. minſ lîbeſ namen ſvlt ir han. nv ſit magt vnde man. ich han iwer vn̄t min gegert. lat ir mich herre vngewert. nv ſcamliche von iv gen. dar vmbe mvͦz ce rehte ſten. iwer pris vor iwer ſelbeſ zvht. ſit min magtvͦmlichiv flvht. iwer gnade ſvͦchet. ob ir deſ herre rvͦchet. ich wil iv geben minne. mit hercenlichem ſinne. Ob ir manliche ſite hat. ſo wæne ich wol daz ir niht lat. iren dient mir ich pin dienſ wert. ſit oͮch min vatr helfe gert. an friwenden vn̄t an magen. lat ivch deſ niht betragen. iren dient vnſ beiden v̂f min einſ lon. er ſparach. froͮwe iwerſ mvndeſ don. wil mich von triwen ſceiden. vntriwe iv ſolde leiden. min triwe dolt die pfandeſ not. iſt ſi vnerloſt ich pin tot. doch lat mich diēnſt vn̄t ſinne. cheren gegen iwerre mine. ê daz ir minne megt gegebn. ir mvͦzet fvnf iar ê lebn. dar iſt iwerr minne zit ein zal. nv dahte er deſ wi Parzival. wiben baz getrŵete denne gote. ſîn bevelhen waſ dirre meide ein bote. Gawan in daz herce ſin. do lobt er dem freͮwelin. er wolde dvrch ſi wapen tragen. er begvnde ir fvrbaz mer ſagen. Jn iwerre hende ſi min ſwert. ob îemen tioſte gein mir gert. den poyndr mvͦzzet ir riten. ir ſvlt da fvr mich ſtriten. man mach mich da in ſtrite ſehn. der mvͦz minhalp von iv geſcehn. Si ſparach. vil wenech mich deſ bevilt. ich pin iwer ſcerm vn̄t iwer ſcilt. vn̄t iwer herce vn̄t iwer troſt. ſit ir mich zwivelſ hat erloſt. ich pin fvr vngevelle. iwer geleite vn̄t iwer geſelle. fvr vngelvckeſ ſcwͦr ein dach. bin ich iv ſenftechlich gemach. min minne ſol iv fride bern. gelvckeſ vor der angeſt wern. daz iwer ellen niht verbirt. iren wert ivch vaſte vnz an den wirt. ich pin wirt vn̄t wirtin. vn̄t wil inſtrîte bi iv ſin. ſwenne ir deſ gedingen hat. ſælde vn̄t ellen ivch niht enlat. Do ſparach der werde Gawan. froͮwe ich wil beidiv han. ſit ich in iwerem gebote lebe. iwerr minne vn̄t iwerre troſteſ gebe. di wile waren ir hændelin. zwiſcen den handen ſin. do ſparach ſi herre nv lat mich varn. ich mvͦz oͮch mich dar an bewarn. wi fvͦret ir ane minen ſolt. dar zvͦ wære ich iv al ce holt. ich ſol mich arbeiten. min chlêinote iv bereiten. ſwenne ir daz traget decheinen gwis. vber hohet ivch nimmr andr pris. Dannen fvͦr div magt vn̄t ir geſpil. ſi bvtten beide ir dienſteſ vil. Gawane dem gaſte. der neig ir hvlden vaſte. do ſparach er. ſvlt ir werden alt. trvͦge denne niht wan ſper der walt. alſ erz am andern holze hat. daz wrde iv zwein ein ringiv ſât. chan iwer ivgent ſvs twingen. welt irz inz alter bringen. iwer minne leret noch rittrſ hant. da von ie ſcilt gein ſper verſwant. Dannen fvͦren die meide beide. mit froͮden ſvnder leide. deſ bvrcgaraven tohterlin. div ſparach. nv ſagt mir froͮwe min. weſ habt ir im ce gebne wan. ſit daz wir niht wan tochen han. ſîn die mine iht ſconer baz. die gebt im ane minen haz. da wirt vil wenech nach geſtriten. der fvrſte Lẏppaot chom geriten. an dem berge enmitten. Obyloten vn̄t Clavditten. ſaher vor im v̂f hin gen. er bat ſi bede ſtille ſten. Do ſparach div ivnge Obilot. vater mir wart nîe ſo not. diner helfe. dar zvͦ gip mir rat. der ritter mich gewert hat. Tohter ſwes din wille gert. han ichz deſ biſtv gewert. owol der frvht div an dir lach. din gebvrt waſ der ſælden tach. Vater ſo wil ich dirz ſagen. heinliche minen chvmber chlagen. nach dinen gnaden dar zvͦ ſprich. er bat ſi hebn fvr ſich. Si ſparach war choͤme denne min geſpil. do hielt der rittr bi im vil. die ſtriten wer ſi ſolde nemen. deſ moht ieſlichen wol gezemen. idoch bot manſe einem dar. Clavdîte waſ oͮch wol gevar. Al ritende ſparach ir vater zir. Obylot nv ſage mir. ein teil von diner note. da han ich chleinote. dem fremden ritter gelobt. ich wæne min ſin hat getobt. han ich im niht cegebne. waſ toͮg ich denne celebne. ſit er mir dienſt hat geboten. ſo mvͦz ich ſcæmeliche roten. ob ich im niht cegebn han. nie meide wart ſo liep ein man. Do ſparach er tohter wart an mich. ich ſol deſ wol bereiten dich. ſit dv dienſ von im gerſt. ich gib dir daz dv in gewerſt. xb dich halt din mvͦter lieze. got gebe daz ichſ genieze. owi er ſtolz werder man. waz ich gedingen gein im han. nie wort ich dennoch zim geſparach. in mime ſlafe ich in hinte ſach. Lẏppaot gie fvr die herzogin. vnt Obylot div tohter ſin. do ſparach er. froͮwe ſtîwert vnſ zwei. min herce nach freͮden ſcrei. do mich got dirre magt berîet. vn̄t mich von vngemvͤte ſcîet. Div alte herzogin ſparach ſan. waz welt ir mînſ gvͦteſ han. froͮwe ſit irſ vnſ bereit. Obylot wil bezzer chleit. ſi dvnchet ſichs mit wirde wert. ſit ſo werdr man ir minne gert. vn̄t er ir bivtet dienſteſ vil. vn̄t oͮch ir chleinode wil. Do ſparach der meide mvͦter. er ſvͤzer man vil gvͦter. ich wæne. ir meinet den fremden gaſt. ſin blich iſt reht ein meien glaſt. do hiez tragen dar div wiſe. ſamit von Ethnîſe. vnverſniten wat trvͦch man da mite. pfelle von Thabronite. vͦzem lande ze Tribalibot. an koͮkeſas daz golt iſt rot. Dar v̂z di heiden manege wat. wrchent div vil ſpæhe hat. mit rehter art v̂f ſîden. Lyppaot hiez balde ſnîden. ſiner tohter chleider. er miſſete gern ir beider. der boſten vnt der beſten. einen pfelle mit golde veſten. den ſneit man an daz freͮwelin. ir mvͦſe ein arem geblozet. ſin. da waſ ein ermel von genomn. der ſolte Gawane chomn. daz waſ ir priſente. pfelle von Noͮriente. verre v̂z heidenſcaft gefvͦrt. der het ir zeſwen arem gervͦrt. doch an den roch niht genæt. dane wart nie vadem zvͦ gedræt. den brahte Clavditte dar. Gawane dem wol gevar. do wart ſin lip gar ſorgen vrî. ſiner ſcilde waren drî. v̂f einen ſlvͦgern al zehant. al ſin trvren gar verſwant. ſinen grozen danch er niht verſweich. vil diche er dem wege neich. den div ivnchfroͮwe giench. div in ſo gvͤtliche enpfiench. vn̄t in ſo minnechliche. an froͮden machte riche. Der tach het ende vn̄t chom div naht. ce beder ſît waſ groziv maht. manech werlich rittr gvͦt. wære deſ vͦzern herſ niht ſolhiv flvͦt. ſo heten die inren ſtriteſ vil. do mazzen ſi ir letze zil. bi dem liehtem manen. ſi chvnden ſich wol anen. vorhtechlicher zagheit. vor tageſ wart von in bereit. zwelf zingel wite. vergrabt gein dem ſtrite. daz ieſlich zingel mvͦſe han. ze orſe v̂z dri barbegan. kardefablet von Lamor. deſ marſcalch nam da vier tor. da man ſmorgens ſach ſin her. wol mit ellenthafter wer. der herzoge riche. ſtreit da riterliche. div wirtin waſ ſin ſweſter. er waſ deſ mvͦteſ veſter. denne andrſ manech ſtritech man. der wol inſtrîte tvͦren chan. deſ leit er diche inſtrite pin. ſin her da zogete deſ nahteſ in. er waſ verre dar geſtrichen. wander ſelten waſ entwichen. ſtritechlicher herte. vier porten er da wol werte. Swaz herſ anderhalp der brvcken lach. daz zogete vber. ê chom der tach. ce Bearôſce in die ſtat. alſî Lyppaot der fvrſte bat. do waren di von Jamor. geriten vber die brvcken vor. man bevalh ieſliche porten ſo. daz ſi werliche do. ſtvͦnden do der tag erſcein. Scervleſ der choſ im ein. die er vn̄t min herr Gawan. niht vnbehvͦt wolden lan. Man hort da von den geſten. ich wæne daz warn die beſten. di chlageten. daz da wære geſcehn. ritt̉erſcaft gar an ir ſehn. vnt daz div veſprie ergiench. daz ir deheiner tioſt da enpfiench. div chlage waſ gar an not. vngezalt manſ in da bot. allen den dîſ gervͦchent. vnt eſ v̂z zevelde ſvͦchent. in den gazzen choſ man groze ſlâ. oͮch ſah man her vn̄t da. mange baniere zogen in. ~~aller~~allez bi deſ manen ſcin. vn̄t mangen helm von richer choſt. man wolde ſi fvͤren gein der tioſt. vn̄t manech ſper wol gemal. ein Regenſpvrger zindal. Da ~~wæren~~wære zeſwachem werde. von Bearoſce v̂f der erde. man ſach da wapenroche vil. hoher an der choſte zil. div naht tet nach ir alten ſite. am orte ein tag ir zogete mite. den choſ man niht bi lerchen ſanch. manech hvrte da vil lvͦte erchlanch. daz chom von ſtritſ ſachen. man hort div ſper da chrachen. reht alſ ez wære ein wolchen riz. da waſ daz ivnge her von Lyz. chomn an di von Lirivôyn. vn̄t an den kvnec von Avendrôyn. da erhal manech richiv tioſte gvͦt. alſ der wrfe in groze glvͦt. ganze caſtane. avoy wi v̂f dem plane. von den geſten wart geriten. vn̄t von den bvrgæren geſtriten. Gawan vn̄t der ſcahtelivͦr. dv*dvrch der ſele aventivͦr. vn̄t dvrch ir ſælden vrhap. ein pfaffe in eine meſſe gap. der ſanchſe beide got vn̄t in. do nahte ir werdecheit gewin. wandz waſ ir geſezze. do ritenſe in ir lezze. ir zingel waſ da vor behvͦt. mit mangem werden rittr gvͦt. Daz waren Scervleſ man. von den wart ez da gvͦt getan. Waz mag ich nv ſprechen mer. wan Poydiconivnz waſ her. der reit dar zvͦ mit ſolher chraft. wære ſwarz walt ieſlich ſtvͦnde ein ſcaft. man dorfte da niht mer waldeſ ſehn. ſwer ſine ſcar wolde ſpehn. der reit mit ſehs vanen zvͦ. vor den man ſtritſ begvnde frvͦ. Pvſonerr gaben dozeſ chlach. alſo der donrr der îe pflach. vil angeſtlicher vorhte. manech tambvͦrr da worte. mit der pvſonrr galm. wart îndr chein ſtvpfen halm. getreit deſ enmoht ich niht. Erffvrter wîngarte giht. von tretten noch der ſelben not. maneg orſes fvͦz di ſlage bot. Do chom der herzoge Aſtor. mit ſtrite an die von Jamor. da wrden tioſte gewezzet. manech werder man entſezzet. hinderz orſ vͦfen acker. ſi waren ir ſtritſ wacker. vil werdr chrie man da rief. manech vole ane ſinen meiſter lief. deſ herre dort ze fvͦze ſtvͦnt. ich wæne dem waſ gevelle chvnt. Do erſach min herr Gawan. daz geflohten waſ der plan. di friwnt in der viende ſcar. er hvͦb oͮch ſich mit poyndr dar. mvͤliche ſin waſ ce warten. div orſ doch wenech ſparten. Scervleſ vnt die ſine. Gawan ſi ~~prahte~~brahte in pine. waz er da ritter nider ſtach. vn̄t waz er ſtarcher ſper ze brach. der werden tafelrvnde bote. het er di chraft niht von gote. ſo wære da priſ fvr in gegert. da wart erchlenget manech ſwert. im waren alein beidiv her. gein den waſ ſin hant ce wer. di von Lŷz vn̄t di von Gors. von beder ſit er maneg ors. gezogen brahte ſciere. zvͦ ſinſ wirteſ baniere. er fragte obſ iemen wolte da. der waſ da vil di ſparachen ia. ſi wrden al geliche. ſiner geſelleſcefte riche. Do chom ein ritter her gevarn. der oͮch div ſper niht chvnde ſparn. der bvrcgarave von Beaveis. vn̄t Gawan der kvrteis. chomen an ein andr. daz der ivnge Lyſavandr. Hinderm orſe v̂f den blvͦmen lach. wandr von tioſte gevelleſ pflach. daz iſt mir dvrch den knappen leit. derſ ânderen tageſ mit zvhten reit. vn̄t Gawane ſagte mære. wa von diz chomn wære. der *erbeizte vber ſinen herren nidr. Gawan in erchante vn̄t gab im widr. daz orſ daz da wart beiagt. der knappe im neich wart mir geſagt. Nv ſeht wa kardefablet. ſelbe vfem acher ſtet. von einer tioſt mit hvrt erchant. di zilte Melyacanzſ hant. do zvchten in di ſine enbor. da wart diche Jamor. mit *herten ſwert ſlegen geſcrit. da wart enge vn̄t niht ce wit. da hvrte gein der hvrte dranch. manech helm in in div oren chlanch. Gawan nam ſine geſelleſcaft. do ergiench ſin poyndr mit chraft. mit ſinſ wirteſ baniere. beſcvtter harte ſciere. von Jamor den werden. da wart v̂f di erden. ritter vil gevellet. geloͮbetz ob ir wellet. gezivge ſint mir gar verzagt. wan alſ div aventivre ſagt. DeR grave von der Mvntane. fvͦr gegen Gawane. da wart ein richiv tioſt getan. daz der ſtarche Lahedvman. hinderm orſe v̂fem acher lach. darnach er ſicherheit pflach. der ſtolze degen wert erchant. div ergiench in Gawans hant. Do ſtreit der herzoge Aſtor. den zingeln aller næhſte vor. da ergiench manech hvrtechlicher ſtrit. diche Nanteſ wart geſcrit. Artvſſ her zeichen. di herten niht di weichen. waſ da manech ellendr bertenêis. vnt di ſoldiere von Deſtriglêis. vͦz Erekes lande. der tat man da bechande. Jr pflach der herzoge von Lanvervnz. oͮch mohte Poydiconivnz. di bertenoiſe han ledech lan. ſo wart ez da von in getan. ſi waren Artvſe. zer Mvntane chlvſe. ab gevangen da man ſtriten ſach. in eime ſtvrme daz geſcach. ſi ſcriten Nanteſ nah ir ſiten. hie odr ſwa ſi ſtritſ biten. daz waſ ir chrîe vn̄t ir art. etſlicher trvͦch vil grawen ~~part~~bart. Ovch hete ieſlich Bertvn. dvrch bechantniſſe ein gampilvn. eintwedr v̂f helm odr v̂f den ſcilt. nach Jlynotſ wapen gezilt. daz waſ Artvſ werdr ſvn. waz mohte Gawan do tvn. ern ſivͦfzete do er div wapen ſach. wande im ſin herce iamerſ iach. ſinſ ôheimſ ſvns tot. brahte Gawann in iamerſ not. er bechande wol der wapen ſcin. do liefen vber die oͮgen ſin. Er liez di von Bertane. ſvs tvͦren v̂f dem plane. er wolde mit in ſtriten niht. alſ man nach friwentſcefte. giht. Er reit gein Melianzeſ her. da waren di bvrgære ce wer. daz manſ in danchen mohte. wan daz in doch niht tohte. daz velt gegen vber chraft ce behaben. ſi waren entwichen gein dem graben. Den bvrgæren mange tioſt da bot. ein ritter allenthalbn rot. der hiez der vngenante. wande in niemen da bechante. ich ſagz iv alſ ichz han vernomn. er waſ zvͦ Melianze chomn. da vor ame dritten tage. deſ chomen di bvrgære in chlage. xelyanze er helfe ſich bewach. der erwarb oͮch im von Semblidach. zwelf knappen di ſin namen war. ander tioſte vn̄t ander poyndr ſcar. ſwaz ſper gebieten moht ir hant. di wrden gar von im verſwant. ſine tioſte waren mit hvrte hel. wander den kvnec Scirniel. vn̄t ſinen brvͦdr da viench. dennoch da mer von im ergiench. ſicherheit er niht erlîez. den herzogen Maranglîez. di waren deſ orteſ herte. ir volch ſich dennoch werte. Melianz der kvnec da ſelbe ſtreit. ſwem er lieb vn̄t herceleit. hete getan di mvͦſen iehn. daz ſelten mere wære geſcehn. von decheinem alſo ivngen man. alſez da von im wart getan. ſin hant vil veſter ſcilde chloͮp. waz ſtarcher ſper vor im ce ſtoͮp. da ſich poyndr in den poyndr ſloz. ſin ivngez herce waſ ſo groz. daz er ſtritſ mvͦſe gern. deſ enmoht in niemen da gewern. vollechliche daz waſ ein not. vnz er Gawane tivſtieren bot. Gawan zeſime knappen nam. der zwelf ſper einez von Angram. alſ erz erwarp zem Plymizoͤl. Melyanzes chrie waſ Parbygoͤl. div werde hoͮptſtat in Lŷz. Gawan nam ſiner tioſte vliz. do lerte Melyanzen pîn. von Oraſtegenteſîn. der ſtarche roͤrine ſcaft. dvrch den ſcilt in dem arme er *gehaft. : Bumke sieht in 385.08 einen möglichen Kittvers (D n m o überliefern die zwei Plusverse nicht), weil D am Versende gehaft tradiert. Er gibt an, dass diese Lesart von m n o gestützt wird, was nicht korrekt ist. Zudem geht er nicht darauf ein, dass gehaft auf Rasur steht. Aus diesem Grund wird Vers 385.08 nicht mit -a versehen. ein richiv tioſt da geſcach. Gawan in flvglingen ſtach. vnden enzwei ſinen hindern ſatelbogn. daz di helde fvr vnbetrogn. hinder den orſen ſtvͦnden. do taten ſi alſi chvnden. mit den ſwerten twͦren. da wære zwein gebwͦren. gedroſchen mer denne genvͦch. iewedr deſ andern garbe trvͦch. ſtvchoht di wrden hin geſlagn. Melyanz ein ſper oͮch mvͦſe tragn. daz ſtechete dem helde dvrch den arm. blvͦtech ſweiz in machte warm. Do zuchte in min her Gawan. in Brevigariezer Barbegan. vn̄t betwang in ſicherheite. der waſ er im bereite. wære der ivnge man niht wnt. dane wære niemn ſo gahes chvnt. daz er im wrde vndertan. man mvͦſe in langer han erlan. xyppaot der fvrſte deſ landeſ wirt. ſin manlich ellen niht verbirt. gein dem ſtreit der kvnech von Gors. da mvͦſen beidiv livͦte vn̄t ors. von geſcvzze liden pine. da die Kahetine. vn̄t di ſariande von Semblydach. ieſlicher ſiner chvnſte pflach. Tvrkople chvnden wenchen. di bvrgære mvͦſen denchen. waz viende von ir lezzen ſciet. ſi heten ſariande ad piet. ir zingel waren ſo behvͦt. alſ da man noch daz beſte tvͦt. ſwelch wert man da den lip verlos. Obien zorn vnſanfte erchos. wande ir tvmbiv loſheit. vil lîvte braht in arbeit. weſ enkalt der fvrſte Lyppâot. ſin herre der alte kvnec Scôt. heteſ in erlazen gar. do begvnde mvͤden oͮch di ſcar. dennoch ſtreit vaſte Melyacanz. ob ſin ſcilt wære ganz. deſ enwaſ niht hende breit belibn. do het in verre hin dan getribn. der herzoge kardefablet. der tvrnei al ſtille ſtet. v̂f einem blvͦminem plan. do chom oͮch min her Gawan. Deſ chom melyacanz in not. daz im der werde Lanzilot. nie ſo vaſte zvͦ getrat. do er von der ſwert brvcke pfat. chom vn̄t danach mit im ſtreit. im waſ gevanchnvſſe leit. di froͮ Ginover dolte. di er da mit ſtrite holte. Do pvnierte Lotſ ſvn. waz mohte Meliacanz nv tvn. erne tribe oͮch dez orſ mit ſporn dar. vil lîvte nam der tioſte war. wer da hinderm orſe læge. den der von Norwæge. gevellet hete v̂f de oͮwe. manech rittr vn̄t froͮwe. diſe tioſt erſahen. di Gawane priſſ iahen. den froͮwen ez gvͦt ceſehn was. her nider von dem palas. Melyacanz wart getrett. dvrch ſin kvrſit gewett. maneg orſ daz ſit nie grvͦſe enbeiz. ez reis v̂f in der blvͦtech ſweiz. da ergiench der orſe ſcelm tach. dar nach den Gîren ir beiach. do nam der herzoge Aſtor. Melyacanzen von Jamor. der waſ vil nach gevangen. der tvrney waſ ergangen. Der da nach priſe wol rite. vn̄t nach der wibe lone ſtrite. ine moht ir niht erchennen. ſolt ichſe iv alle nennen. ich wrde ein vnmvͤzech man. inrehalp wart ez da gvͦt getan. dvrch di ivngen Obilot. vn̄t v̂zerhalp ein rittr rot. di zwene behielten da den pris. fvr ſie niemn decheinen gwis. Do deſ v̂zeren herſ gaſt. innen wart daz im gebraſt. dienſt dancheſ von dem meiſtr ſin. der waſ gevangen hin in. er reit da er ſine knappen ſach. ze ſinen gevangen er do ſparach. Jr herrn gabet mir ſicherheit. mir iſt hie widr varn leit. gevangen iſt der kvnec von Lŷz. nv cheret allen iweren flŷz. ob er ledech mvge ſin. mag er ſo vil geniezen min. ſparach er zem kvnege von Avendroyn. vnt ce ~~Scirmel~~Scirniel von Lyrivoyn. vn̄t zem herzogen Marangliez. mit ſpæher gelvbde er ſi liez. von im riten in die ſtat. Melyanzen er ſi loͤſen bat. odr daz ſi erwrben im den Gral. ſine chvnden im ce cheinem mal. xiht geſagen wa der was. wan ſin pflæge ein kvnec hiez Anfortas. do div rede von in geſcach. der rote ritter aber ſparach. Ob miner bete niht erget. ſo vart da Pelrapeire ſtet. bringet der kvnegin iwer ſicherheit. vn̄t ſagt ir der dvrch ſi da ſtreit. mit kyngrvͦne vn̄t mit Chlamidê. dem ſi nv nach dem Grale wê. vnt doch widr nah ir minne. nach beden ich imm̉er ſinne. nv ſagt ir ſvs ich ſant ivch dar. ir helde daz ivch got bewar. Mit vrloͮbe ſi riten in. do ſparach oͮch er zen knappen ſin. wir ſin gwinneſ vnverzagt. nemt ſwaz hie orſe ſi beiagt. wan einez lat mir an dirre ſtvnt. ir ſeht wol dez mine iſt ſere wnt. Do ſparachen di knappen gvͦt. herre iwer gnade daz ir vnſ tvͦt. iwer helfe ſo grozlich. wir ſin nv imm̉er rich. Er welt im einez v̂f ſine vart. mit den chvrcen oren Jngliart. daz dort von Gawane giench. in deſ er Melyanzen viench. da holt ez deſ roten ritterſ hant. deſ wart verdvrchelt etſlich rant. Mit vrloͮbe tet er dan chere. fvnfzehen orſ odr mere. liez er in ane wnden. di knappen danchen chvnden. ſi baten in beliben vil. fvrbaz geſtozen waſ ſin zil. Do cherte der gehîvre. da groz gemach waſ tîvre. ern ſvͦchte niht wan ſtriten. ich wæne bi ſinen ziten. ie dechein man ſo vil geſtreit. daz vͦzer her al zogende reit. ze herbergen dvrch gemach. dort inne der fvrſte Lyppaot. ſparach. vn̄t vrâgte wi ez da wære chomn. wandr hete vernomn. Melyanz wære gevangen. daz waſ im liebe ergangen. ez chom im ſit ce troſte. Gawan den ermel loſte. ane zerren vonme ſcilte. ſinen priſ *er hoher zilte. den gaber Chlavditten. an dem orte vn̄t oͮch da mitten. waſ er dvrch ſtochen vn̄t dvrch ſlagn. er hiez in Obilote tragn. do wart der meide frevde groz. ir arm waſ blanch vn̄t bloz. dar vber hete ſi in do ſan. ſi ſparach. wer hat mir da getan. Immr ſwenne ſi fvr ir ſweſter giench. div diſen ſcimpf mit zorn enpfiench. den rittern da waſ rwͦe not. wande in groz mvͤde daz gebot. Scervleſ nam Gawan. vn̄t den graven Lahedvman. dennoch mer ritter er da vant. di Gawan mit ſiner hant. deſ tageſ v̂f dem velde viench. da manech groziv hvrte ergiench. do ſazteſe ritterliche. der bvrcgarave riche. er vn̄t alſin mvͤdiv ſcar. ſtvͦnden vor dem kvnege gar. vnz Melyanz enbeiz. gvͦter handelvnge er ſich da vleiz. deſ dv̂hte Gawane ce vil. ob ez der kvnec erloͮben wil. her wirt ſo ſvlt ir ſizzen. ſparach Gawan mit wizzen. ſin zvht in dar zvͦ iagete. der wirt di bete verſagete. er ſparach. min herre iſt deſ kvnegeſ man. diſen diēnſt het er getan. ob den kvnec deſ gezæme. daz er ſinen dienſt næme. min herre dvrch zvht ſin niht enſiht. wand ern hat ſiner hvlde niht. geſamnet di friwentſcaft iemr got. ſo leiſte wir alle ſin gebot. Do ſparach der ivnge Melianz. iwer zvht was ie ſo ganz. di wile daz ich wonte hîe. daz iwer rat mich nie verlîe. het ich iv baz gevolget do. ſo ſæhe man mich hivte vro. Nv helfet mir grave Scervleſ. wande ich iv wol getrwe deſ. vmbe minen herrn der mich hie hat. ſo hoͤrent wol bede îwern rat. vn̄t Lyppaot der andr vatr min. der tvͦ ſine zvht nv gein mir ſcin. ſiner hvlde het ich niht verlorn. woldeſ ſin tohter han enborn. div prvͤuete gein mir toren ſcimpf. daz waſ vnfroͮwenlich gelimpf. Do ſparach der werde Gawan. hie wirt ein ſvͦne getan. di nimm̉er ſceidet wan der tot. do qwamen di der rittr rot. hin v̂z hete gevangen. v̂f fvr den kvnec gegangen. di ſageten wi ez da wære chomn. do Gawan hete vernomn. ſiniv wapen der mit in da ſtreit. vn̄t wem ſi gaben ſicherheit. vn̄t do ſi im ſagten vmben Gral. do daht er des daz Parzival. diſſ mærſ wære ein vrhap. ſin nîgen er gein himel gap. Daz got ir ſtritſ gegen nîet. deſ tageſ von ein andr ſcîet. deſ waſ ir helendiv zvht ein pfant. daz ir newͤdr wart genant. ſine erchande oͮch niemn da. daz tet man aber andrſwa. Zvͦ Melianze ſparach Scervleſ. herre mvͦz ich ivch bitten deſ. ſo rvͦchet minen herren ſehn. ſwes frîwnt da da bedenthalbn iehn. deſ ſvlt ir gerne volgen. vnt ſit im niht erbolgen. daz dvͦhteſe gvͦt vber al. do fvͦren ſi v̂f deſ kvnegeſ ſal. daz inrre her von der ſtat. deſ fvrſten marſcalch ſie deſ bat. Do nam min her Gawan. den graven Lahedvman. vn̄t andr ſine gevangen. di chomen dar zvͦ gegangen. er bat ſi gebn ſicherheit. di er deſ tageſ ab in erſtreit. Scervleſe ſime wirt. mænneglich nv niht verbirt. ſine fvͦren alſ da gelobt was. ce Bearoſcê v̂fen palas. Melyanze gap div pvrcgravin. richiv chleidr vn̄t ein riſelin. da er ſinen wnden arem in hiench. da Gawans tioſte dvrch giench. Gawan bi Scervleſe enbot. ſiner froͮwen Obilot. daz er ſi gerne wolde ſehn. vn̄t oͮch mit warheite iehn. ſines lîbeſ vndertan. vn̄t er wolt oͮch ir vrloͮp han. vn̄t ſagt ich laze ir den kvnec hîe. bittet ſi ſich bedenchēn wîe. daz ſin alſo behalte. daz priſ ir fvͦre walte. Diſe rede horte Melianz. der ſparach. Obilot wirt chranz. aller wiplichen gvͤte. daz ſenftet mir min gemvͤte. ob ich ir ſicherheit mvͦz gebn. daz ich ir frideſ hie ſol lebn. Jr ſvlt ſi da fvr han erchant. ivch envîench hie niem̄n wan ir hant. ſvſ ſparach der werde Gawan. minen priſ ſol ſi al eine han. Scervres chom fvr geriten. nvne waſ ce hove niht vermiten. dane wære magt. man vn̄t wip. in ſolher wæte îeſlichs lip. daz man chrancher armer wat. deſ tageſ da hete lîhten rat. Mit Melyanze ce hove reit. al di dort v̂ze ir ſicherheit. ce pfande heten lazen. dort elliv vieriv ſazen. ~~xyppaot~~Lyppaot ſin wip ſiniv kint. v̂f giengen di da chomen ſint. der wirt gein ſime herrn ſparanch. v̂f dem palaſe waſ groz gedranch. da er den vient vn̄t di friwnde enpfiench. Melyanz bi Gawane giench. chvndez iv niht verſmahen. mit chvſſe ivch wolde enpfahen. îwer altiv friwendin. ich meine min wip di herzogin. Melyanz antwrte dem wirte ſan. ich wil gern ir chvſſ mit grvͦze han. zweir froͮwen di ich hie ſihe. der dritten ich niht ſvͦne gihe. deſ weinten di eltern do. Obilot waſ vil vro. Der kvnec mit chvſſe enpfangen wart. vn̄t zwene andr kvnege ane bart. alſ tet der herzoge Maranglŷez. Gawann man chvſſes oͮch niht erlîez. vn̄t daz er næme ſine froͮwen dar. er drvchte daz kint wol gevar. alſ eine tochen an ſine brvſt. deſ twang in friwentlich gelvſt. hin ce Melyanze er ſparach. îwer hant mir ſicherheite iach. der ſit nv ledech vn̄t gebt ſi her. aller miner freͮden wer. ſizzet an dem arme min. ir gevangen ſvlt ir ſin. Melyanz dvrch daz dar naher giench. div magt Gawann zvͦ zir geviench. Obilote doch ſicherheit geſcach. da ez manech werdr rittr ſach. Her kvnec. nv habt ir miſſetan. ſol min rittr ſin ein choͮfman. deſ mich min ſweſtr vil an ſtreit. daz ir im gabet ſicherheit. ſvs ſparach div magt Obilot. Melyanze ſi da nach gebot. daz er ſicherheit veriæhe. div in ir hant geſcæhe. ir ſweſter Obien. zeiner Amien. ſvlt ir ſi han dvrch ritterſ pris. zeinem herrn vn̄t zeinem amis. ſol ſi ivch imm̉er gerne han. ine wilſ ivch enwederthalp erlan. Got v̂z ir ivngen mvnde ſparach. ir bete bedenthalp geſcach. da meiſterte froͮ minne. mit ir chreftechlichem ſinne. vn̄t hercenlichiv trîwe. der zweir liebe al niwe. Obien hant fvrn mantel ſlêif. da ſi Melyanzes arm begreif. al weinende chvſt ir rôter mvnt. da der waſ von der tioſte wnt. manech zaher im den arm begôz. der von ir liehten oͮgen vlôz. Wer machte ſi vor der diet ſo balt. daz tet div minne ivnch vn̄t alt. Lyppaot ſinen willen do ſach. wande im ſo liebe nie geſcach. ſit got der eren in niht erliez. ſine tohter er do froͮwe hiez. Wie div hochzit ergîench. deſ vraget den der da gabe enphiench. vn̄t war do mænneglich rite. er hete gemach odr er ſtrite. deſ mag ich niht ein ende han. man ſagte mir daz Gawan. vrloͮp nam v̂f dem palas. dar er dvrch vrloͮp chomn was. Obilot deſ weinde vil. ſi ſparach. nv fvͦret mich mit iv hin. do wart der ivngen ſvͤzen magt. div bete von Gawane verſagt. ir mvͦtr ſî chvme von im brach. vrloͮp er do zin allen ſprach. Lyppaot im dienſ bot genvͦch. wandr im holdez herce trvͦch. Scervleſ ſin ſtolzer wirt. mit alden ſinen niht verbirt. ern rîte v̂z mit dem degn balt. Gawanſ ſtraze v̂f einen walt. giench dar ſant er weide man. vn̄t ſpiſe verre mit in dan. vrloͮp nam der werde helt. Gawan gein chvmber waſ verſelt. Swer waſ ce Bearoſce chomn. doch hete Gawan da genomn. den piriſ ce bedr ſît al ein. wan daz der vor ein ritt̉er ſcein. bi roten wapen vnrechant. deſ priſ man in di hohe bant. Gawan hete ere vnd heil. iewederſ vollechlichen teil. nv nahet oͮch ſineſ champfeſ zit. der walt waſ lanch vnd wit. da dvrch er mvͦſe ſtrîchen. wolder champfes niht entwichen. ane ſcvlde er waſ dar zvͦ erchorn. nv waſ oͮch Jngliart verlorn. ſin orſ mit chvrcen oren. in Thabronit von Moren. wart nie bezzer orſ erſprenget. nv wart der walt gemenget. hie ein ſcache dort ein velt. etſlichz ſo breit daz ein gecelt. *Vil chvͦme drvffe ſtvͦnde. mit ſehn gewan er chvnde. erbwͦenſ landeſ daz hiez Aſcalvͦn. da vragetr gegen Scanpfanzvͦn. ſwaz im da volcheſ widr fvͦr. hoch gebirge vn̄t manech mvͦr. deſ het er vil dvrch ſtrichen dar. do nam er einer bvrge war. avoẏ div gap vil werden glaſt. da cherte gegen deſ landeſ gaſt. Nv horet von Aventîvren ſagn. vn̄t helfet mir dar vndr chlagn. Gawans grozen chvmber. min wîſer vn̄t min tvmber. die tvͦnz dvrch ir geſellecheit. vn̄t lazen in mit mir ſin leit owe nv ſolt ich ſwîgen. nein lat fvrbaz ſîgen. der etſwenne gelvcke nêich. vn̄t nv gein vngemache ſêich. Diſiv bvrch waſ gehert ſo. daz Eneas kartago. nie ſo herrnliche vant. da froͮn Tydon tot waſ minnen pfant. waz ſi palaſe pflæge. vn̄t wi vil da tvrne læge. ir hete Acraton genvͦch. div ane Babylonie ie trvͦch. ame griffe di groſten wîte. nach heiden worte ſtrîte. ſi waſ alvmbe wol ſo hoch. vn̄t da ſi gein dem mer gezoch. decheinen ſtvrm ſi wider ſaz. noch grozen vngefivͤgen haz. dervor lach raſte breit ein plan. dar vber reit her Gawan. fvnf hvndert rittr odr mer. ob den allen waſ einer her. di chomn im da widr riten. in liehten chleidern wol geſniten. Als mir div Aventivre ſagete. ir vederſpil da iagete. den chranch odr ſwaz vor in da vloch. ein Ravit von Spane hoch. reit der kvnec Vergvlaht. ſin blich waſ tach wol bi der naht. ſin geſlæhte ſante Mazadan. fvr den berch ce Famorgan. ſin art waſ von der Feien. in dvhte er ſæhe den meien. in rehter cit von blvͦmen gar. ſwer nam deſ kvnegeſ varwe war. Gawanen deſ bedvͦhte. do der kvnec ſo gein im lvͦhte. ez wære der andr Parzifal. vn̄t daz er Gahmvretes mal. hete alſo diz mære weiz. do der reit ince Kanvoleiz. Ein Reiger tet dvrch flvht entwich. in einen mvͦrigen tich. den brahten valchen dar gehvrt. der kvnec ſvͦchte vnrehten fvrt. in valchen hilfe wart er naz. ſin orſ verloſ er vmbe daz. dar zvͦ al di chleidr ſin. doch ſciet er valchen von ir pin. daz namen di valchenære. ob daz ir reht iht wære. ez waſ ir reht ſi ſoltenz han. man mvͦſe oͮch ſie bi rehte lan. Ein andr orſ man im do lech. deſ ſinen er ſich gar verzech. man hieng oͮch andr chleider an in. îenez was der valchenære gewin. hie chom Gawan zvͦ geriten. avoy nv wart da niht vermiten. ern wrde baz enpfangen. den ce karidoͤl wære ergangen. Ereckes enpfahen. do er begvnde nahen. Artvͦſe nach ſime ſtrite. vnt do froͮ Enîte. ſiner freͮde waſ ein kvndwir. ſit im Malicliſcîer. daz twerch ſin vel vnſanfte brach. mit der geiſel da ez Gynover ſach. vnt do ze Tvlmeyn ein ſtrit. ergiench in dem chreize wit. vmben ſpærwære. Jder fil Noyt der mære. im ſine ſicherheit da bot. er mvͦſeſe im bîeten fvr den tot. Die rede lat ſin vn̄t hortſe oͮch hie. ich wæne ſo vrîeſct ir nie. werdn antpfanch noch grvͦz. oͮwe deſ wirt vnſanfte bvͦz. deſ werden Lotſ kinde. ratet irz ich erwinde. vn̄t ſag iv fvr baz niht mere. dvrch trvͦren tvͦn ich wider chere. Doch vernemt dvrch iwer gvͤte. wi ein lvͦter gemvͤte. fremdr valſc gefrvmte trvͦbe. ob ich iv fvrbaz vͦbe. diz mære mit rehter ſage. ſo chvmt irſ mit mir in chlage. do ſparach der kvnec Vergvlaht. herre ich han mich deſ bedaht. ir ſvlt riten dort hin in. magez mit iweren hvlden ſin. ich priche iv nv geſellecheit. iſt ab iv min fvrbaz riten leit. ich laze ſwaz ich ce ſcaffen han. do ſparach der werde Gawan. herre ſwaz ir gebîetet. pilliche ir ivch deſ nîetet. daz iſt oͮch ane minen zorn. mit gvͦtem willen gar verchorn. Do ſparach der kvnec von Aſcalvn. herre ir ſeht wol Scamfanzvn. da iſt min ſweſter v̂f ein magt. ſwaz mvnt von ſcoͤne hat geſagt. deſ hat ſi vollechlichen teil. welt irz iv prvͤuen fvr ein heil. deiſwar ſo mvͦz ſi ſich bewegen. daz ſi iwͦer vnz an mich ſol pflegn. ich chvm iv ſcirre denn ich ſol. oͮch erbeit ir min vil wol. geſeht ir di ſweſter min. iren rvͦchtet wolt ich noch lenger ſin. ~~xch~~Ich ſihe ivch gern alſ tvͦn ich ſîe. doch hant mich groze froͮwen îe. ir werden handelvnge erlan. ſvs ſparach der ſtolze Gawan. Der kvnec ſande einen rittr dar. vn̄t enbot der meide daz ſi ſin war. ſo næme daz langiv wile. in divhte ein chvrziv ile. Gawan fvͦr. dar der kvnec gebot. welt ir noch. ſwig ich grozer not. nein. ich wilz iv fvrbaz ſagen. ſtraze vn̄t ein pfært begvnde tragen. Gawann gein der porte. an deſ palas orte. ſwer bwͦeſ îe begvnde. baz denne ich ſprechen chvnde. von diſſ bwͦeſ veſte. da lag ein bvrch div beſte. div ie genant wart ertſtift. vnmazen wît waſ ir begrift. Der bvrge lop ſvle wir hie lan. wande ich iv vil ceſagn han. von deſ kvnegeſ ſweſter einer magt. hie iſt von bwͦe vil geſagt. die prvͤue ich rehte alſ ich ſol. waſ ſi ſcoͤne daz ſtvͦnt ir wol. vn̄t hete ſi ~~dazvͦ~~darzvͦ rehten mvͦt. daz waſ gein werdecheit ir gvͦt. So daz ir ſite vn̄t ir ſin. waſ gelich der marcgravin. div diche vonme heit ſtein. vber al die marche ſcein. wol im derz heinliche an ir. ſolde prvͤuen deſ geloͮbet mir. der vant chvrzwile da. bezzer denne andrſwa. Jch mach deſ von froͮwen iehn. alſ mir div oͮgen chvnnen ſpehn. ſwar ich rede chere ce gvͦte. div bedarf wol zvhte hvͦte. Nv hoͤre diſe Aventîvre. der getriwe vnt der gehivre. ich enrvͦche vmbe di vngetrîwen. mit dvrchelen rîwen. hant ſi alle ir ſælecheit verlorn. deſ mvͦz ir ſele liden zorn. Vͦf den hoff dort fvr den palas rêit. Gawan gein der geſellecheit. alſ in der kvnech ſande. der ſich ſelbn an im ſcande. ein rittr der in brahte dar. in fvͦrte da ſaz wol gevar. Antikonŷe div kvnegin. ſol wiplich ere ſin gewin. deſ choͮfes hete ſi vil gepflegn. vn̄t alleſ valſces ſich bewegn. da mite ir chivſce pris erwarp. owe daz ſo frvͦ erſtarp. von Veldekke der wiſe man. der chvnde ſi baz gelobt han. Do Gawan di magt erſach. der bote giench naher vnd ſparach. al daz der kvnec werben hiez. div kvneginne do niht enliez. ſine ſpræche herre get naher mir. miner zvhte meiſter daz ſit ir. nv gebiet vnde leret. wirt iv chvrzwile gemeret. daz mvͦz an iwerem gebote ſin. ſit daz ivch der brvͦder min. mir bevolhen hat ſo wol. ich chvſſe ivch ob ich chvſſen ſol. nv gebîet nach iwerr mazen. min tvͦn odr min lazen. mit grozer zvht ſi vor im ſtvnt. Gawan ſparach. froͮwe iwer mvnt. iſt ſo chvſſenlich getan. ich ſol iweren chvſſ mit grvͦze han. Jr mvnt waſ heiz. diche vn̄t rot. dar an Gawan den ſinen bot. da ergiench ein chvſſ vngaſtlich. zvͦ der meide zvhte rich. ſaz der wol geborne gaſt. ſvͤzer rede in niht gebraſt. bedenthalp mit triwen. ſi chvnde wol geniwen. er ſine bete ſi ir verſagen. daz begvndr hercenliche chlagen. oͮch bat er ſi genaden vil. div magt ſparach alſ ich iv ſagen wil. Herre ſit ir anderſ chlvͦch. ſo mageſ dvnchen ivch genvͦch. ich erbivͦtez iv dvrch minſ brvͦder bete. daz er Ampfliſe Gahmvrete. minem oͤheime nie baz erbôt. ane bi ligen min trîwe ein lot. an dem orte fvrbaz wæge. der vnſ wegenſ ce rehte pflæge. vn̄t enweiz doch herre wer ir ſit. doch ir an ſo chvrcer zit. welt mine minne han. do ſparach der werde Gawan. Mich leret miner chvnde ſin. ich ſag iv froͮwe daz ich pin. miner baſen brvͦder ſvn. welt ir mir genade tvn. daz enlat niht dvrch minen art. der iſt gein iwerm ſo bewart. daz ſi bede al geliche ſtent. vn̄t in rehter maze gent. Ein magt begvnde in ſcenchen. dar nach ſciere von in wenchen. mere froͮwen dennoch da ſazen. di oͮch deſ nich vergazen. ſi giengen. vn̄t ſcvͦfen vmbe ir pflege. oͮch waſ der rittr von dem wege. der in dar brahte. Gawan deſ gedahte. do ſi alle von im chomen vͦz. daz diche den grozen ſtrvͦz. væht ein vil chrancher ar. er greif ir vndern mantel dar. xch wæne er rvͦrt irz hvffelin. deſ wart gemert ſin pin. von der liebe al ſoͤlhe not gewan. beidiv magt vn̄t oͮch der man. daz da nach waſ ein dinch geſcehen. hetenz vbel oͮgen niht erſehen. deſ willen ſi bede waren bereit. nv ſeht do nahet ir herceleit. Do giench zer tvr in aldâ. ein rittr blanch wander waſ grâ. in wafen heiz er nante. Gawanen do ern erchante. da bi er diche lvͦte ſcrei. oͮwe vn̄t heia hei. minſ herrn den ir ſlvͦget. daz ivch deſ niht genvͦget. iren notzogt oͮch ſine tohter hîe. dem wafem heiz man volget îe. der ſelbe ſite alda geſcach. Gawan zer ivncfroͮwen ſprach. Froͮwe nv gebt iweren rat. vnſer enwederz niht vil wer hie hat. Er ſparach wan het ich doch min ſwert. do ſprach div ivncfroͮwe wert. wir ſvlen ce wer vnſ ziehen. v̂f ienen tvrn dort fliehen. der bi miner kemenaten ſtet. genædechliez lihte erget. Hie der rittr dort der choͮfman. div ivncfroͮwe erhorte ſan. den bovel chomn v̂z der ſtat. mit Gawane ſi gegen dem tvrne trat. ir frivnt mvͦſe chvmber liden. ſi bat ſiz diche miden. ir chradem vn̄t ir dôz waſ ſo. daz ez ir decheiner marchte do. Dvrch ſtrît ſi drvngen gein der tvr. Gawan ſtvͦnt ce wer derfvr. ir in gên er bewarte. einen rigel der den tvrn beſparte. den zvchter v̂z der mvͦre. ſin arge nach gebvͦre. entwichen im diche mit ir ſcar. div kenegin lief her vnt dar. ob v̂f dem tvrn iht wære ce wer. gein diſem vngetrîwem her. Do vant div magt reine. ein ſcachzabel geſteine. vn̄t ein bret wol erleit wit. daz brahte ſi Gawane in den ſtrit. an eime iſeninem ringe ez hiench. da mit ez Gawan enpfiench. v̂f diſen fier ecken ſcilt. waſ ſcachzabelſ vil geſpilt. der wart im ſere zerhoͮwen. nv horet oͮch von der froͮwen. ez wære kvnec odr roch. daz warf ſi gein den vienden doch. ez waſ groz vn̄t ſwære. man ſagt von ir div mære. xwen da erreichte ir wrfes ſwanch. der ſtrvͦchte ane ſinen danch. div kvneginne riche. ſtreit da ritterliche. bi Gawane ſi werliche ſcein. daz div choͮfwip ce Tolenſtein. an der vaſnaht nie baz geſtriten. wan ſi tvͦntz von gampel ſiten. vn̄t mvͤnt an not ir lip. ſwa harnaſc ramech wirt ein wip. div hat ir rehtſ vergezzen. ſol man ir chivſce mezzen. ſine tvͦez denne dvrch ir triwe. Antikonîen rîwe. wart ce Scanpfanzvn erzeiget. vn̄t ir hoher mvͦt geneiget. in ſtrite ſi ſere weinde. wol ſi daz beſceinde. daz friwentlich liebe iſt ſtæte. waz Gawan do tæte. ſwenne im div mvͦze geſcach. daz er di magt rehte erſach. ir mvnt. ir oͮgen. vn̄t ir naſen. baz geſcichet an ſpizze haſn. ich wæne den geſahet ir nîe. denne ſi waſ dort vn̄t hîe. zwiſſcen der hvffe vn̄t ir brvſt. minne gerende gelvſt. chvnde ir lip vil wol gerêizen. iren geſahet nie amêizen. div bezzerſ gelencheſ pflach. denne ſi waſ da der gvrtel *lach. Daz gab ir geſellen. Gawane manlich ellen. ſi twͦerte mit im in der not. ſin benantez gîſel waſ der tot. vn̄t anderſ dechein gedinge. Gawanen wach vil ringe. viende haz ſwenn er di magt erchos. da von ir vil den lip verlos. Do chom der kvnec Vergvlaht. der ſach di ſtritechlichen maht. gegen Gawane chriegen. ich enwolt ivch denne triegen. ſone mag ich in niht beſconen. ern welle ſich ſelben honen. an ſinem werden gaſte. der ſtvͦnt ce wer al vaſte. Do tet der wirt ſelbe ſcin. daz mich riwet Gandin. der kvnec von Anſcoͮwe. daz ein ſo werdiv froͮwe. ſin tohter ie den ſvn gebar. der mit vngetriwer ſcar. ſin volch bat ſere ſtriten. Gawan mvͦſe biten. vnze der kvnec gewapent wart. er hvͦp ſich ſelbe an ſtrîtſ vart. Gawan do mvͦſe entwichen. doch vnlaſterlichen. Vnderſ tvrneſ tvͤr er wart getan. nv ſeht. do chom der ſelbe man. der in champfliche an ê ſparach. vor Artvſe daz geſcach. der lantgrave kyngrimvrſel. gram dvrch ſwarten vnt dvrch vel. dvrch Gawanſ not ſine hende er want. wan deſ waſ ſin triwe pfant. daz er da ſolte habn vride. ezen wære daz eineſ manneſ lide. in in champfe twngen. di alten vnt di ivngen. treib er vonme tvrne wider. den hiez d̉er kvnec brechen nider. kyngrimvrſel do ſprach. hin v̂f da er Gawanen ſach. helt gib mir vride zvͦ dir dar in. ich wil geſellechlichen pin. mit dir han in dirre not. mich mvͦz der kvnec ſlahen tot. odr ich behalte dir din lebn. Gawan den vride begvnde gebn. Der lantgrave ſparanch zvͦ zim dar. deſ zwivelte div vͦzer ſcar. er waſ oͮch bvrcgrave al da. ſi wæren ivnch odr gra. di blvͦgeten an ir ſtrite. Gawan ſpranch an die wite. alſ tet oͮch kyngrimvrſel. gein ellen ſi bede waren ſnel. ~~xer~~Der kvnec mant die ſine. wi lange ſvlen wir pine. von diſen zwein mannen pflegn. minſ vetern ſvn hat ſich bewegn. er wil erneren diſen man. der mir den ſcaden hat getan. den er billicher ræche. ob im ellenſ niht gebræche. Gnvͦge denſ ir triwe iach. chvrn einen der zem kvnege ſparach. herre mvͦze wirz iv ſagn. der lantgarave iſt vnerſlagn. hie von manger hende. got ivch an ſite wende. di man iv vervahe baz. wereltlich priſ iv ſinen haz. teilet. erſlahet ir iwern gaſt. ir ladet v̂f ivch der ſcanden laſt. So iſt der andr iwer mach. in deſ geleite ir diſen bach. hebt daz ſvlt ir lazen. ir ſit dervon verwazen. Nv gebt vnſ einen vride her. di wile daz dirre tach gewer. der vride ſi oͮch diſe naht. weſ ir ivch drvmbe habt bedaht. daz ſtet dannoch ziwerr hant. ir ſit gepriſet oder geſcant. min froͮwe Antikonîe. vor valſcheit div vrîe. Dort al weinende bi im ſtet. ob iv daz niht ce hercen get. ſit ivch pede ein mvͦter trvͦch. ſo gedenchet herre ob ir ſit chlvͦch. ir ſandet in der meide her. wære niemen ſins geleiteſ wer. er ſolte idoch dvrch ſi geneſen. der kvnec liez einen vride weſen. vnz er ſich baz beſpræche. wi er ſinen vater ræche. Vnſcvldech waſ her Gawan. ez hete ein andr hant getan. wande der ſtolze Ehcvnat. eine lanzen dvrch in lerte pfat. do er Jofreyden fiz ydoͤl. fvͦrte gegen Barbigoͤl. den er bi Gawane viench. dvrch den diſiv not ergiench. Do der vride wart getan. daz volch hvͦp ſich von ſtrite ſan. manneglich zen herbergen ſin. Antykonie div kvnegin. ir vetern ſvn vaſte vmbe viench. manech chvſſ an ſinen mvnt ergiench. daz er Gawanen het ernert. vn̄t ſich ſelben vntat erwert. ſi ſparach dv biſt minſ ~~veter~~vetern ſvn. dv chvndeſt dvrch niemn miſſetvn. Welt ir nv horen ich tvͦn iv chvnt. wa von ê ſparach min mvnt. daz lvͦter gemvͤte trvͤbe wart. gvnert ſi div ſtritſ vart. di ce Scampfanzvn tet Vergvlaht. wan daz waſ im niht geſlaht. von vater noch von mvͦter. der ivnge man vil gvͦter. von ſcame leit vil grozen pin. do ſin ſweſtr div kvnegin. in begvnde vehen. man hort in ſere vlehen. Do ſparach div ivnchfroͮwe wert. her Vergvlaht. trvͤge ichz ſwert. vn̄t wære von goteſ gebot ein man. daz ich ſcildeſ ambet ſolde han. iwer ſtrîten wære hie gar verzagt. do waſ ich ane wer ein magt. wan daz ich trvͦch doch einen ſcilt. v̂f den iſt werdecheit gezilt. deſ wapen ſol ich nennen. ob ir rvͦchet div bechennen. gvͦt gebærde vn̄t chîvſcer ſite. den zwein wont vil ſtæte mite. den bot ich fvr den rittr min. den ir mir ſandet da her in. Anders ſcermeſ het ich niht. ſwa man ivch nv bi wandel ſiht. ir habt doch an mir miſſetan. ob wiplich priſ ſin reht ſol han. ich hort ie ſagen ſwa ez ſo gezoch. daz man gein wibeſ ſcerme vloch. da ſolde ellenthaftez iagen. an ſime ſtrîte gar verzagn. ob da wære manlichiv zvht. her Vergvlaht iwerſ gaſtes vlvht. di er gein mir tet fvr den tot. leret iwern priſ noch laſterſ not. kingrimvrſel do ſprach. herre v̂f iwern troſt geſcach. daz ich hern Gawane. v̂f dem Plimizoͤlſ plane. gap vride her in îwer lant. iwer ſicherheit waſ pfant. ob in ſin ellen trvͤge her. daz ich deſ fvr ivch wrde wer. ich beſtvͤnde hie niht wan einech man. herre da bin ich bechrenchet an. hie ſehen mine gnoze zvͦ. diz laſter iſt vnſ gar ze frvͦ. chvnnet ir niht fvrſten ſconen. wir chrenchen oͮch di chronen. ſol man ivch bi zvhten ſehn. ſo mvͦz deſ iwer zvht veriehen. daz ſippe reichet ab iv an mich. wære daz ein chebſlicher ſlich. minhalp. ſwa vnſ div wirt gezilt. ir hetet ivch gaheſ an mir bevilt. Wande ich pin ein rittr doch. an dem nie valſc wart fvnden noch. oͮch ſol min priſ erwerben. daz ichſ ane mvͦze erſterben. deſ ich vil wol getrwͦe gote. deſ ſi min ſælde gein im bote. Oͮch ſwa diz mære wirt vernomn. Artvs ſweſter ſvn ſi chomn. in. mime geleite v̂f Scanpfanzvn. franzoyſ oder Bertvn. Provenzale oder Bvrgvnîoyſ. Galiciane vnt di von Evntvrtôyſ. erhoͤrent di Gawanſ not. han ich priſ der iſt denne tot. mir frvͤmt ſin angeſtlicher ſtrît. vil engez lop min laſter wît. daz ſol mir freͮde ſwenden. vn̄t mich v̂f eren pfenden. Do diſiv rede waſ getan. do ſtvͦnt da einer deſ kvnegeſ man. der waſ geheizen Liddamvs. kyot in ſelbe nennet ſvs. kyot laſcantivre hiez. den ſin chvnſt deſ niht erliez. er enſvnge vn̄t ſpræche ſo. deſ noch genvͦge werdent frô. kyot iſt ein Provenzal. der diſe aventîvre von Parzifal. heidenſc geſcriben ſach. ſwaz er enfranzoyſ da von geſprach. bin ich niht der wizze laz. daz ſage ich tîvſcen fvrbaz. Do ſparach der fvrſte Liddamvs. waz ſolte der in minſ herrn hvs. der im ſinen vater ſlvͦch. vn̄t daz laſter im ſo nahe trvͦch. iſt min herre wert bechant. daz richet alhie ſin ſelbeſ hant. ſo gelt ein tot den andern tot. ich wæne gelîche ſin di not. Nv ſeht ir wie Gawan do ſtvnt. alreſt waſ im groz angeſt chvnt. Do ſprach kingrimvrſel. ſwer mit der dro wære ſo ſnel. der ſolte oͮch gahen in den ſtrit. ir habt gedrenge odr wit. man mach ſich iwer lihte erwern. her Liddamvſ vil wol ernern. trwͦe ich vor iv diſen man. ſwaz iv der hete getan. ir liezetz vngerochen. ir habt ivch gar verſprochen. man ſol iv wol geloͮben. daz ivch nie manneſ oͮgen. geſahen ce vorderſt da man ſtreit. iv waſ ie ſtrîten wol ſo leit. daz ir der flvht begvndet. dennoch ir mer wol chvndet. ſwa man ie gein ſtrite dranch. da tætet ir wibeſ wider wanch. ſwelech kvnec ſich lat an iwern rât. vil twerheſ dem div chrone ſtat. Da wære von minen handen. in chreize beſtanden. Gawan der ellenthafte degen. deſ het ich mich gein im bewegen. daz der champf wære alhie getan. wolteſ min herre geſtattet han. der treit mit ſvnden minen haz. ich trwͦete im anderre dinge baz. Her Gawan lobt mir her fvr wâr. daz ir von hivte vber ein iar. mir cegegen rede ſtet. in ~~camphe~~champhe ob ez ſo hie erget. daz iv min herre læt daz lebn. da wirt iv champf von mir gegebn. Jch ſparach ivch an zem Plimizoͤl. nv ſi der champf ce Parbigoͤl. vor dem kvnege Melianze. der ſorgen zeime chranze. trag ich vnz v̂f daz teidinch. daz ich gein iv chvm in den rinch. da ſol mir ſorge tvͦn bechant. îwer manlichiv hant. Gawan der ellenſ riche. bot gezogenliche. nach dirre bet ſicherheit. do waſ mit rede al da bereit. der herzoge Liddamvs. begvnde oͮch ſiner rede alſvs. mit ſpæhlichen worten. al da ſiz alle horten. ER ſparach. wande im waſ ſprechens zit. ſwa ich chvm zvͦme ſtrit. wan ich da vehtenſ pflihte. odr flvht mit vngeſcihte. her Lantgarave deſ danchet ir. alſ irz geprvͦuen chvnnet an mir. enphahe ichz nimm̉er îweren ſolt. ich pin idoch mir ſelbn holt. ſvs ſparach der riche Liddamvs. welt irz ſin her Tvrnvs. ſo lat mich ſin her Tranzes. vn̄t ſtrafet mich ob ir wizzet wes. vn̄t enhebt ivch niht ze groze. ob ir fvrſten miner genoze. der edelſte vn̄t der richſte birt. ich pin oͮch landeſ herre. vn̄t landeſ wirt. ich han in Galicia. beidiv her vnt da. manege bvrch reht vnz an Vedrv̂n. ſwaz ir vnt îeſlich bertv̂n. mir da ce ſcaden meget getvͦn. ich engefloͤhe nimm̉er vor iv hvͦn. her iſt von bertane chomn. gein dem ir champf hat genomn. nv rechet herrn vnt den ma*mach. mich ſol vermiden iwer bach. Jweren vetern. ir waret ſin man. ſwer dem ſin lebn an gewan. Da rechetz. ich entet im niht. ich wæne mirſ oͮch iemen giht. Jwͦern vetern ſol ich wol verchlagn. ſin ſvn di chrone nach im ſol tragn. der iſt mir ceherrn hoch genvͦch. div kvnegin Flvrdamvrs in trvͦch. ſin vater waſ kingriſin. ſin ~~an dr~~ kvnec Gandin. ich wil ivch baz beſceiden des. Gahmvret vnt Galoes. ſine oͤheime waren. ine wolte ſin gerne varen. ich mohte mit eren von ſiner hant. mit vanen enpfahen min lant. Swer vehten welle der tvͦ daz. bin ich gein dem ſtrîte laz. ich vreiſce idoch div mære wol. ſwer priſ ime ſtrîte hol. deſ danchen im div ſtolzen wip. ich wil dvrch niemen minen lip. verleiten in ce ſcarpfen pin. waz Wolfharts ſolt ich ſin. mir iſt in den ſtrit der wech vergrabn. gegen vehten div gir verhabt. wrdet ir mirſ nimm holt. ich tæte ê alſ Rvͦmolt. der kvnec Gvnther rîet. do er von Wormeze gein dn hîvnen ſciet. er bat in lange ſniten bæn. vn in ſime chezzel vmbe dræn. DeR lantgve ellenſ riche. ſpch. ir redet dem geliche. alſ maneger weiz an iv fvr war. îwer zit vnt iwer iar. ir ratet mir dar ich wolt idoch. vn ſprechet. ir tætet alſ riet ein choch. den chvͤnen Niblungen. di ſich vnbetwngen. v̂z hvͦben. da man an in rach. daz Sîvride da vor geſcach. mich mvͦz her Gawan ſlahen tot. odr ich gelere in rache not. Deſ volge ich ſpch Liddamvs. wan ſwaz ſin oͤheim Artvs. hat. vnt di von Jndia. der mirz hie gæbe alſ ſiz hant da. der mirz ledechliche bræhte. ich liezzez ê. daz ich væhte. Nv behaldet priſ deſ man iv giht. Segramorſ enbin ich niht. den man dvrch vehten binden mvͦz. ich erwirbe ſvs wol kvnegeſ grvͦz. Sîbche nie ſwert erzoch. er waſ ie bi den da man vloch. doch mvͦſe man in vlehen. groze gebe vn ſtarchiv lehen. enpfieng er von gnvͦch. nie ſwert er doch dvrch helm geſlvͦch. mir wirt verſcert nimmr vel. dvrch ivch her . eſ han ich mich gein iv bedaht. do ſpch der kvnec . ſwiget iwerr wechſel mære ez iſt mir von iv beden ſwære. daz ir der worte ſit ſo vrî. ich pin iv al cenahen bî. ce ſvs getanem gebræhte. ez ſtet mir. noch iv. niht rehte. iz waſ v̂f dem palas. al da ſin ſweſter chomen was. bi ir ſtvnt her . vn manech andr werder man. der kvnec ſpch zer ſweſter ſin. nv nim den geſellen din. vn oͮch den lantgraven zvͦ dir. di mir gvͦteſ gvnnen di gen mit mir. vn ratet mirz wægeſte waz ich tvͦ. ſi ſpch. da lege dine triwe zvͦ. v get der kvnec an ſinen rat. div kvneginne genomn hat. ir vetern ſvn vnt ir gaſt. deſ dritte waſ der ſorgen laſt. an alle miſſewende. nam ſi mit ir hende. vn fvͦrten da ſi wolte weſn. ſi ſpch zim. wæret ir niht geneſn. deſ heten ſcaden elliv lant. ander kvneginne hant. giench deſ werden ſvn. er mohtez oͮch do vil gerne tvn. n di kemenaten ſan. giench div keneginne vn di zwene man. vorden andern beleip ſi lære. deſ pflagen kamerære. wan clariv ivnchfroͮwelin. der mvͦſe vil dort inne ſin. div kvnegin mit zvhten pflach. der ir ce hercen lach. da waſ der lantgrave mite. der ſcîet ſi ninder von dem ſite. doch ſorgete vil div werdiv magt. vmbe lip wart mir geſagt. vſ waren di zwene da inne. bi der kvneginne. vnz daz der tach liez ſinen ſtrit. div naht chom do waſ ezzenſ zit. oraz. win. lvͦter tranch. brahten ivnchfroͮwen da mitten chranch. vn andr gvͦte ſpiſe. faſan. pardriſe.